यूहन्ना 15
15
अङ्गुर पोङ् मेस्ये हम्बजे हाँगायू
1“तम्दम् अङ्गुरजे पोङ् ङ ख्यङ्, मेस्ये ङैजे प खेती फरब ख्यङ्। 2ङैप्रे क्यून्नब हाँगायू नङ्ने कम्बदे सी अम्पीन् हम्ब हाँगाने ङूदे चदेबे छाबीय मेस्ये सी ल्वब हाँगायू क्वानेने थेप् ल्वोस्य यदेब ङूदे हम्ब हाँगाजे टयू टेप्पीय। 3ङैदे नमयूने यब वचनदे नमयू तरने शुद्ध क्यूरीक ख्यङ्। 4नमयू ङैप्रे क्यूल्लो, ङ नमयूप्रे क्यूक्क्य। अङ्गुर पोङ्ने हाँगायू अन्थूनूलो हम्ब हाँगादे सी पीन अन्खू, होरप्रने नमयू ङैप्रे अन्क्यूल्लो नमयूदे फल पीन अन्खू।
5“अङ्गुरजे पोङ् ङ ख्यङ्, नमयू ब हाँगायू ख्यङ्। कादेये कोइ ङैप्रे क्यून्नूलो, मेस्ये ङ ङूप्रे क्यून्नूलो हम्बदे कूम फल पीन्क्य, चेनेयलो नमयू ङैप्रे आलाक् क्यूत्देबे नमयूदे चैत्याये चे अन्खू। 6कोइ मी ङैप्रे अन्क्यूल्लो चैकब हाँगाप्र फीने छाबीय, मेस्ये हम्ब च्य्वे खर्बीय। येर हाँगायू मीदे फूङ् पूक्क्य, मेस्ये प्ल्याङ्नब मीने छाबीय, होर्दे मीदे ल्यागीय। 7नमयू ङैप्रे क्यूल्लो, मेस्ये ङैदे यब पो नमयूप्रे क्यून्नूलो नमयूदे च इच्छा चीक्क्य स्य, हम्ब नमयूने चीम्मीय। 8नमयू ङैजे स्यूस्स्या ख्यङ् यदेबे तनने नमयूदे कूम फल पीन्देयलो हम्ब फलदेने ङैजे पजे महिमा क्यूक्क्य।
9“पदे ङैने प्रेम चेप्रने, ङैदेये नमयूने प्रेम चे ख्यङ्, नमयू ङैजे प्रेमने टूनू। 10ङ केर्बे ङैजे पजे आज्ञायू मन्दीदे, ङूजे प्रेमने टूङ्क्य, कादेये होरप्रने ङैजे आज्ञायू नमयूदे मन्दीलो नमयू ङैजे प्रेमने टूनीय। 11ङैजे आनन्द नमयूप्रे क्यूस्स्य, मेस्ये नमयूजे आनन्द पूरा क्यूस्स्य यदेबे ङैदे अम्ब पो नमयूने य ख्यङ्।
12 #
यूहन्ना 13:34; 15:17; १ यूहन्ना 3:23; २ यूहन्ना 1:5 “अम्ब ङैजे आज्ञा ख्यङ्, ङैदे नमयूने केर्बे प्रेम चीत्दे, होरप्रने नमयूदेये त्यादेत्याने प्रेम ची। 13रङ्से ख्योन्जे लागि रङ्सेजे प्राण पीनब केन् प्रेम ख्यङ् अम्बयली सूजो केन् प्रेम सूजेये अन्क्यूर्। 14ङैदे नमयूने चै आज्ञा पीन्क्य, हम्ब नमयूदे चीत्देयलो नमयू ङैजे ख्योन् क्यूक्क्य। 15जेम्सेमेस्ये ङ नमयूने त्वो अन्-य, चेनेयलो ङूजे नोबोदे च चीक्क्य त्वो-त्वोमदे अन्स्ये। तर ङैदे नमयूने ख्योन् य ख्यङ्, चेनेयलो पदे स्योम्मेब पो ङैदे च तदे होरप्रने हम्ब क्वाने नमयूने स्योम्मे ख्यङ्। 16नमयूदे ङैने अन्सेल्, तर ङैदे नमयूने सेल्दे मेस्ये नमयू प्रदेबे येतार्ने क्यून्नब फल लोलाबे चेने ङैदे भर्न चीत्दे, येरेचील्लो नमयूदे पप्रे ङैजे मीन्ने च स्येय, हम्ब पदे नमयूने पीन्क्य। 17नमयू त्यादेत्याने प्रेम ची, यदेबे ङ नमयूने आज्ञा पीन्क्य।
संसारदे स्यूस्स्यायूने चेब ह्यल
18“कादेये संसारदे नमयूने ह्यल चीत्देयलो, नमयूने ह्यल चे यली खूम् हम्बदे ङैने ह्यल चे ख्यङ् यदेबे नमयूने था क्यूस्स्य। 19कादेये नमयू अम्ब संसारजे ख्यङ् यलो ब संसारदे नमयूने रङ्से मी मन्दीदेबे माया चे ख्यङ्दे। तर नमयू अम्ब संसारजे दी। ङैदे नमयूने संसारदे आलाक् चेने सेल्दे, येरेक्यूत्देबे संसारदे नमयूने ह्यल चीक्क्य। 20#मत्ती 10:24; लूका 6:40; यूहन्ना 13:16ङैदे नमयूने यब वचन ह्वे ची, ‘त्वो कीम् नोबो यली केन् अन्क्यूर्।’ थमयूदे ङैने सतनम् चीत्दे यलो नमयूनेये सतनम् चीक्क्य। थमयूदे ङैजे वचन मन्दीलो नमयूजे वचनये मन्दीय। 21तर नमयू ङैजे मीन् कीनब क्यूत्देबे थमयूदे नमयूने अम्ब साप्ता थर्जे सतनम् पीन्क्य, चेनेयलो थमयूदे ङैने कूल्बेब पने अन्स्ये। 22ङ अन्रेक यलो मेस्ये थमयूने अन्स्योक्क यलो थमयूजे पापजे दोष थमयूने अम्पीन ख्यङ्दे, तर जेम्से ब रङ्से पापजे लागि थमयूप्रे ङ्यूङ् योनब ने चैत्याये त्वो। 23सूदे ङैने ह्यल चीक्क्य, हम्बदे ङैजे पनेये ह्यल चेब क्यूक्क्य। 24कादेये सूदेये अन्चीक्कब काम ङैदे थमयूजे अन्द्रदे अन्चीक्क यलो थमयू पापजे दोष प्रेब अन्क्यूर ख्यङ्दे। तर जेम्से थमयूदे ङैप्रे ङैजे प, ङी ङ्हीनेने तङ्क ख्यङ् मेस्ये ह्यल चे ख्यङ्। 25#भजनसंग्रह 35:19; 69:4तर, मोशाने पीनेब नियमने लिख्दीयेब अम्ब नियम पूरा क्यूरने अम्ब क्यूर ख्यङ्, ‘थमयूदे सीत्तीने ङैने ह्यल चीत्दे।’
26“कन्छ्वाब ङैदे पजे तर्फदे मोतो पीनब तम्दम्जे आत्मा नमयू ट्याने कूल्बीय, हम्ब प ट्यादे रीय, हन्छ्वाब ङूदेने ङैजे पोजे गवाही पीन्क्य। 27नमयूये ङैजे गवाही ख्यङ्, चेनेयलो नमयू खूम्मेस्येने ङैप्रे ख्यङ्।”
S'ha seleccionat:
यूहन्ना 15: सर् कबुल
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Ghale New Testament © Nepal Bible Society, 2011.
यूहन्ना 15
15
अङ्गुर पोङ् मेस्ये हम्बजे हाँगायू
1“तम्दम् अङ्गुरजे पोङ् ङ ख्यङ्, मेस्ये ङैजे प खेती फरब ख्यङ्। 2ङैप्रे क्यून्नब हाँगायू नङ्ने कम्बदे सी अम्पीन् हम्ब हाँगाने ङूदे चदेबे छाबीय मेस्ये सी ल्वब हाँगायू क्वानेने थेप् ल्वोस्य यदेब ङूदे हम्ब हाँगाजे टयू टेप्पीय। 3ङैदे नमयूने यब वचनदे नमयू तरने शुद्ध क्यूरीक ख्यङ्। 4नमयू ङैप्रे क्यूल्लो, ङ नमयूप्रे क्यूक्क्य। अङ्गुर पोङ्ने हाँगायू अन्थूनूलो हम्ब हाँगादे सी पीन अन्खू, होरप्रने नमयू ङैप्रे अन्क्यूल्लो नमयूदे फल पीन अन्खू।
5“अङ्गुरजे पोङ् ङ ख्यङ्, नमयू ब हाँगायू ख्यङ्। कादेये कोइ ङैप्रे क्यून्नूलो, मेस्ये ङ ङूप्रे क्यून्नूलो हम्बदे कूम फल पीन्क्य, चेनेयलो नमयू ङैप्रे आलाक् क्यूत्देबे नमयूदे चैत्याये चे अन्खू। 6कोइ मी ङैप्रे अन्क्यूल्लो चैकब हाँगाप्र फीने छाबीय, मेस्ये हम्ब च्य्वे खर्बीय। येर हाँगायू मीदे फूङ् पूक्क्य, मेस्ये प्ल्याङ्नब मीने छाबीय, होर्दे मीदे ल्यागीय। 7नमयू ङैप्रे क्यूल्लो, मेस्ये ङैदे यब पो नमयूप्रे क्यून्नूलो नमयूदे च इच्छा चीक्क्य स्य, हम्ब नमयूने चीम्मीय। 8नमयू ङैजे स्यूस्स्या ख्यङ् यदेबे तनने नमयूदे कूम फल पीन्देयलो हम्ब फलदेने ङैजे पजे महिमा क्यूक्क्य।
9“पदे ङैने प्रेम चेप्रने, ङैदेये नमयूने प्रेम चे ख्यङ्, नमयू ङैजे प्रेमने टूनू। 10ङ केर्बे ङैजे पजे आज्ञायू मन्दीदे, ङूजे प्रेमने टूङ्क्य, कादेये होरप्रने ङैजे आज्ञायू नमयूदे मन्दीलो नमयू ङैजे प्रेमने टूनीय। 11ङैजे आनन्द नमयूप्रे क्यूस्स्य, मेस्ये नमयूजे आनन्द पूरा क्यूस्स्य यदेबे ङैदे अम्ब पो नमयूने य ख्यङ्।
12 #
यूहन्ना 13:34; 15:17; १ यूहन्ना 3:23; २ यूहन्ना 1:5 “अम्ब ङैजे आज्ञा ख्यङ्, ङैदे नमयूने केर्बे प्रेम चीत्दे, होरप्रने नमयूदेये त्यादेत्याने प्रेम ची। 13रङ्से ख्योन्जे लागि रङ्सेजे प्राण पीनब केन् प्रेम ख्यङ् अम्बयली सूजो केन् प्रेम सूजेये अन्क्यूर्। 14ङैदे नमयूने चै आज्ञा पीन्क्य, हम्ब नमयूदे चीत्देयलो नमयू ङैजे ख्योन् क्यूक्क्य। 15जेम्सेमेस्ये ङ नमयूने त्वो अन्-य, चेनेयलो ङूजे नोबोदे च चीक्क्य त्वो-त्वोमदे अन्स्ये। तर ङैदे नमयूने ख्योन् य ख्यङ्, चेनेयलो पदे स्योम्मेब पो ङैदे च तदे होरप्रने हम्ब क्वाने नमयूने स्योम्मे ख्यङ्। 16नमयूदे ङैने अन्सेल्, तर ङैदे नमयूने सेल्दे मेस्ये नमयू प्रदेबे येतार्ने क्यून्नब फल लोलाबे चेने ङैदे भर्न चीत्दे, येरेचील्लो नमयूदे पप्रे ङैजे मीन्ने च स्येय, हम्ब पदे नमयूने पीन्क्य। 17नमयू त्यादेत्याने प्रेम ची, यदेबे ङ नमयूने आज्ञा पीन्क्य।
संसारदे स्यूस्स्यायूने चेब ह्यल
18“कादेये संसारदे नमयूने ह्यल चीत्देयलो, नमयूने ह्यल चे यली खूम् हम्बदे ङैने ह्यल चे ख्यङ् यदेबे नमयूने था क्यूस्स्य। 19कादेये नमयू अम्ब संसारजे ख्यङ् यलो ब संसारदे नमयूने रङ्से मी मन्दीदेबे माया चे ख्यङ्दे। तर नमयू अम्ब संसारजे दी। ङैदे नमयूने संसारदे आलाक् चेने सेल्दे, येरेक्यूत्देबे संसारदे नमयूने ह्यल चीक्क्य। 20#मत्ती 10:24; लूका 6:40; यूहन्ना 13:16ङैदे नमयूने यब वचन ह्वे ची, ‘त्वो कीम् नोबो यली केन् अन्क्यूर्।’ थमयूदे ङैने सतनम् चीत्दे यलो नमयूनेये सतनम् चीक्क्य। थमयूदे ङैजे वचन मन्दीलो नमयूजे वचनये मन्दीय। 21तर नमयू ङैजे मीन् कीनब क्यूत्देबे थमयूदे नमयूने अम्ब साप्ता थर्जे सतनम् पीन्क्य, चेनेयलो थमयूदे ङैने कूल्बेब पने अन्स्ये। 22ङ अन्रेक यलो मेस्ये थमयूने अन्स्योक्क यलो थमयूजे पापजे दोष थमयूने अम्पीन ख्यङ्दे, तर जेम्से ब रङ्से पापजे लागि थमयूप्रे ङ्यूङ् योनब ने चैत्याये त्वो। 23सूदे ङैने ह्यल चीक्क्य, हम्बदे ङैजे पनेये ह्यल चेब क्यूक्क्य। 24कादेये सूदेये अन्चीक्कब काम ङैदे थमयूजे अन्द्रदे अन्चीक्क यलो थमयू पापजे दोष प्रेब अन्क्यूर ख्यङ्दे। तर जेम्से थमयूदे ङैप्रे ङैजे प, ङी ङ्हीनेने तङ्क ख्यङ् मेस्ये ह्यल चे ख्यङ्। 25#भजनसंग्रह 35:19; 69:4तर, मोशाने पीनेब नियमने लिख्दीयेब अम्ब नियम पूरा क्यूरने अम्ब क्यूर ख्यङ्, ‘थमयूदे सीत्तीने ङैने ह्यल चीत्दे।’
26“कन्छ्वाब ङैदे पजे तर्फदे मोतो पीनब तम्दम्जे आत्मा नमयू ट्याने कूल्बीय, हम्ब प ट्यादे रीय, हन्छ्वाब ङूदेने ङैजे पोजे गवाही पीन्क्य। 27नमयूये ङैजे गवाही ख्यङ्, चेनेयलो नमयू खूम्मेस्येने ङैप्रे ख्यङ्।”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Ghale New Testament © Nepal Bible Society, 2011.