Chivkeeb 13
13
Anplaas Hab Lauj Sisfaib
1Anplaas txhaj coj nwg tug quaspuj hab txhua yaam kws yog nwg tug, tawm huv tebchaws Iziv moog rua peg Nenkej huv tebchaws Kana-aas saab qaabteb, Lauj kuj nrug nwg moog hab. 2Anplaas yog ib tug tuabneeg muajtxag npluanuj heev; nwg muaj yaaj, muaj tshis, muaj nyuj, muaj nyaj hab muaj kub ntau heev. 3Tes nwg tawm ntawm qhov chaw ntawd hab nwg txaav chaw ib qho rua ib qho zujzug moog rua huv Npethees. Nwg lug txug rua ntawm qhov chaw kws nyob nruabnraab ntawm Npethees hab A-is kws yaav nraag ntej nwg tau lug tsuam chaw nyob ib ntus 4hab tub tau teeb ib lub thaaj lug lawm. Nwg txhaj pehawm tug TSWV nyob qhov ntawd.
5Lauj tug kws nrug Anplaas taug kev uake, kuj muaj yaaj, muaj tshis, muaj nyuj, muaj cuab muaj yig hab muaj tubqhe huv tuabsi. 6Yogle ntawd, txhaj tsi muaj tshaav zaub txaus rua obtug nyob uake, ruaqhov obtug muaj tsajtxhu coob heev. 7Tes Anplaas cov tub yug tsaj hab Lauj cov tub yug tsaj txhaj siscaav sistshe nyob tsi taug uake. (Lub sijhawm ntawd cov tuabneeg Kana-aas hab cov tuabneeg Pelixes tseem nyob huv lub tebchaws ntawd.)
8Anplaas txhaj has rua Lauj tas, “Wb yog kwvtij txivtub, tsi tsimnyog koj cov tub yug tsaj hab kuv cov tub yug tsaj siscaav sistshe le nuav. 9Yogle ntawd, ca wb sisfaib nyag moog nyob nyag. Xaiv seb koj nyam saab twg. Yog koj moog nyob saab txhumphem, tes kuv maam moog nyob saab xis; yog koj moog nyob saab xis, tes kuv maam moog nyob saab txhumphem.”
10Lauj tig saib ibncig ntawd hab pum tas taagnrho lub Haav Yauladees moog thoobplawg rua ntawm Xau-as, mas muaj dlej ntau kawg le, zoo ib yaam le tug TSWV lub Vaaj#13:10: tug TSWV lub vaaj: kws yog has txug lub Vaaj Edees. lossis zoole lub tebchaws Iziv ntaag. (Lub sijhawm ntawd yog uantej tug TSWV hlawv lub nroog Xaudoos hab lub nroog Kaumaulas.) #Chiv 2:10; 13:15; Tegnum 7:5 11Yogle ntawd, Lauj txhaj hom taagnrho lub Haav Yauladees hab nwg txhaj txaav moog nyob rua saab nubtuaj. Qhov kws obtug tau sisncaim yogle ntawd. 12Anplaas nyob rua saab tebchaws Kana-aas, hab Lauj moog nyob huv tej nroog kws nyob lawv haav hab moog tsuam chaw nyob ze lub nroog Xaudoos. 13Cov tuabneeg Xaudoos ua phem ua qas hab ua txhum tawmtsaam tug TSWV luj kawg le.
Anplaas Txaav Moog Nyob Rua Henploos
14Tomqaab kws Lauj ncaim lawm, tug TSWV has rua Anplaas has tas, “Koj sawv ntawm qhov chaw ko hab tsaa qhovmuag ua tuabzoo saib moog rua saab qaabteb hab qaumteb, nubtuaj hab nubpoob. 15Kuv yuav muab taagnrho lub tebchaws kws koj qhovmuag pum nuav rua koj hab koj caajceg, hab lub tebchaws ntawd yuav yog koj tug moog ibtxhis le. 16Kuv yuav pub kuas koj muaj caajceg coob heev, npaum nkaus le tej moov aav huv nplajteb kws suav tsi txheeb le! 17Cale sawv hab moog kuas thoobplawg lub tebchaws, ruaqhov Kuv yuav muab taagnrho tej ntawd rua koj.” 18Yogle ntawd, Anplaas txhajle txaav tawm ntawm thaaj chaw ntawd hab moog tsaa tsevntaub nyob ze tsob ntoo xeeb ntawm thaaj chaw Maales huv lub nroog Henploos, hab nwg teeb tau ib lub thaaj ua chaw fij khoom rua tug TSWV nyob rua ntawd.
S'ha seleccionat:
Chivkeeb 13: HNJ2022
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022 United Bible Societies. All rights reserved.
Chivkeeb 13
13
Anplaas Hab Lauj Sisfaib
1Anplaas txhaj coj nwg tug quaspuj hab txhua yaam kws yog nwg tug, tawm huv tebchaws Iziv moog rua peg Nenkej huv tebchaws Kana-aas saab qaabteb, Lauj kuj nrug nwg moog hab. 2Anplaas yog ib tug tuabneeg muajtxag npluanuj heev; nwg muaj yaaj, muaj tshis, muaj nyuj, muaj nyaj hab muaj kub ntau heev. 3Tes nwg tawm ntawm qhov chaw ntawd hab nwg txaav chaw ib qho rua ib qho zujzug moog rua huv Npethees. Nwg lug txug rua ntawm qhov chaw kws nyob nruabnraab ntawm Npethees hab A-is kws yaav nraag ntej nwg tau lug tsuam chaw nyob ib ntus 4hab tub tau teeb ib lub thaaj lug lawm. Nwg txhaj pehawm tug TSWV nyob qhov ntawd.
5Lauj tug kws nrug Anplaas taug kev uake, kuj muaj yaaj, muaj tshis, muaj nyuj, muaj cuab muaj yig hab muaj tubqhe huv tuabsi. 6Yogle ntawd, txhaj tsi muaj tshaav zaub txaus rua obtug nyob uake, ruaqhov obtug muaj tsajtxhu coob heev. 7Tes Anplaas cov tub yug tsaj hab Lauj cov tub yug tsaj txhaj siscaav sistshe nyob tsi taug uake. (Lub sijhawm ntawd cov tuabneeg Kana-aas hab cov tuabneeg Pelixes tseem nyob huv lub tebchaws ntawd.)
8Anplaas txhaj has rua Lauj tas, “Wb yog kwvtij txivtub, tsi tsimnyog koj cov tub yug tsaj hab kuv cov tub yug tsaj siscaav sistshe le nuav. 9Yogle ntawd, ca wb sisfaib nyag moog nyob nyag. Xaiv seb koj nyam saab twg. Yog koj moog nyob saab txhumphem, tes kuv maam moog nyob saab xis; yog koj moog nyob saab xis, tes kuv maam moog nyob saab txhumphem.”
10Lauj tig saib ibncig ntawd hab pum tas taagnrho lub Haav Yauladees moog thoobplawg rua ntawm Xau-as, mas muaj dlej ntau kawg le, zoo ib yaam le tug TSWV lub Vaaj#13:10: tug TSWV lub vaaj: kws yog has txug lub Vaaj Edees. lossis zoole lub tebchaws Iziv ntaag. (Lub sijhawm ntawd yog uantej tug TSWV hlawv lub nroog Xaudoos hab lub nroog Kaumaulas.) #Chiv 2:10; 13:15; Tegnum 7:5 11Yogle ntawd, Lauj txhaj hom taagnrho lub Haav Yauladees hab nwg txhaj txaav moog nyob rua saab nubtuaj. Qhov kws obtug tau sisncaim yogle ntawd. 12Anplaas nyob rua saab tebchaws Kana-aas, hab Lauj moog nyob huv tej nroog kws nyob lawv haav hab moog tsuam chaw nyob ze lub nroog Xaudoos. 13Cov tuabneeg Xaudoos ua phem ua qas hab ua txhum tawmtsaam tug TSWV luj kawg le.
Anplaas Txaav Moog Nyob Rua Henploos
14Tomqaab kws Lauj ncaim lawm, tug TSWV has rua Anplaas has tas, “Koj sawv ntawm qhov chaw ko hab tsaa qhovmuag ua tuabzoo saib moog rua saab qaabteb hab qaumteb, nubtuaj hab nubpoob. 15Kuv yuav muab taagnrho lub tebchaws kws koj qhovmuag pum nuav rua koj hab koj caajceg, hab lub tebchaws ntawd yuav yog koj tug moog ibtxhis le. 16Kuv yuav pub kuas koj muaj caajceg coob heev, npaum nkaus le tej moov aav huv nplajteb kws suav tsi txheeb le! 17Cale sawv hab moog kuas thoobplawg lub tebchaws, ruaqhov Kuv yuav muab taagnrho tej ntawd rua koj.” 18Yogle ntawd, Anplaas txhajle txaav tawm ntawm thaaj chaw ntawd hab moog tsaa tsevntaub nyob ze tsob ntoo xeeb ntawm thaaj chaw Maales huv lub nroog Henploos, hab nwg teeb tau ib lub thaaj ua chaw fij khoom rua tug TSWV nyob rua ntawd.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022 United Bible Societies. All rights reserved.