Yauhaas 8
8
Tug Quaspuj Kws Raug Nteg Vim Dleev Hluasnraug
1Tabsis Yexus nce moog rua peg Roob txiv Ntoo-Roj. 2Nub tomqaab thaus kaajntug txoog Yexus rovqaab lug rua huv lub Tuamtsev. Muaj tuabneeg coob-coob tuaj nyob puagncig Nwg, tes Nwg txawm nyob quastsawg hab pib qha puab. 3Cov xwbfwb kws qha Kevcai hab cov Falixais txawm coj ib tug quaspuj kws puab nteg tau thaus nwg taabtom dleev hluasnraug tuaj, puab yuam kuas nwg sawv taabmeeg suavdlawg.
4Puab has rua Yexus tas, “Xwbfwb, muaj tuabneeg nteg tau tug quaspuj nuav thaus nwg taabtom dleev hluasnraug. 5Nyob huv peb txuj Kevcai, Mauxes tau xaaj has tas, tug quaspuj kws ua txhum le nuav yuavtsum muab pobzeb ntaus nwg kuas tuag. Zagnua, Koj yuav has lecaag?” #Levi 20:10; 2Kev 22:22-24
6Puab has le nuav vim puab xaav ua kuas Yexus teb yuamkev, sub puab txhaj komtxim tau rua Nwg. Tabsis Yexus txawm khoov hab xuas Nwg le ntivteg sau huv aav. 7Thaus kws puab tseem pheej nug Yexus qujqeeg ntxiv, Yexus txawm sawvtseeg hab has rua puab tas, “Mej cov kws nyob ntawm nuav, yog leejtwg yeej tsi tau ua txhum hlo le, kuas tug ntawd xub xuas pobzeb ntaus tug quaspuj nuav.” 8Tes Yexus rov khoov xuas ntivteg sau huv aav dlua.
9Thaus puab nov le ntawd, puab txawm tsiv ib tug zujzug moog lawm, cov laug xub tsiv uantej. Tsuas tshuav Yexus nrug tug quaspuj kws sawv ntawd lawm xwb. 10Yexus tsaa qhovmuag saib hab has rua nwg tas, “Puab dlua twg taag lawm? Tsi muaj leejtwg rautxim rua koj lov?”
11Tug quaspuj ntawd teb tas, “Tug Tswv, tsi muaj leejtwg rautxim rua kuv os.”
Yexus has tas, “Kuv los yuav tsi rautxim rua koj ib yaam hab. Cale moog tsev, hab tsi xob ua txhum ntxiv lawm.”]#8:11: Ntau phoo ntawv qub kws xuas teg sau hab ntau phoo kws xub txhais lawm, tsi muaj cov lug kws nyob huv (7:53—8:11) nuav; qee phoo muaj nyob tomqaab Yauh 21:24; qee phoo muaj nyob tomqaab Lukas 21:38; ib phoo muaj nyob tomqaab Yauh 7:36.
Yexus Yog Qhov Kaaj Rua Tuabneeg Nplajteb
12Yexus rov has dlua rua cov Falixais tas, “Kuv yog qhov pumkev rua lub nplajteb. Tug kws lawv Kuv qaab yuav tsi taug kev huv qhov tsausntuj, tabsis nwg lub neej yuav tshaavntuj nrig.” #Math 5:14; Yauh 9:5
13Cov Falixais has rua Yexus tas, “Tej lug kws Koj has ko, yog Koj rov ua timkhawv rua Koj xwb; Koj tej lug yeej tsi tseeb.” #Yauh 5:31
14Yexus teb tas, “Tsi yog le mej has, txawm yog Kuv rov ua timkhawv rua Kuv los tej lug kws Kuv has yeej tseeb, ruaqhov Kuv paub tas Kuv lug qhovtwg lug hab Kuv yuav moog qhovtwg. Tabsis mej tsi paub sov Kuv lug qhovtwg lug hab Kuv yuav moog qhovtwg. 15Mej txavtxim lawvle tuabneeg lub sab xaav; Kuv tsi txavtxim rua leejtwg. 16Tabsis yog Kuv txavtxim, Kuv yeej txavtxim ncaajnceeg, ruaqhov tsi yog Kuv tuableeg xwb; Leejtxiv tug kws khaiv Kuv lug, Nwg yeej nrug Kuv hab. 17Tub muaj lug sau ca rua huv mej txuj Kevcai lawm has tas, yog muaj ob leeg ua timkhawv lawm, qhov kws obtug has ntawd yeej muaj tseeb tag. 18Kuv yeej ua timkhawv rua Kuv, hab Leejtxiv tug kws khaiv Kuv lug, los Nwg yeej ua timkhawv rua Kuv tuabyaam nkaus hab.”
19Puab nug Yexus has tas, “Koj txiv nyob qhovtwg?”
Yexus teb tas, “Mej yeej tsi paub Kuv lossis Kuv Txiv. Yog mej paub Kuv, mej yeej yuav paub Kuv Txiv hab.”
20Yexus has tej lug nuav yog thaus Nwg qha huv lub Tuamtsev, huv chaav kws tso tej phijxaab rau nyaj. Tsi muaj leejtwg nteg Yexus, ruaqhov Nwg lub sijhawm tseem tsi tau lug txug.
Mej Moog Tsi Tau Qhov Kuv Yuav Moog
21Yexus rov has rua puab tas, “Kuv yuav ncaim moog; mej yuav nrhav Kuv, tabsis mej yuav tuag vim mej lub txim. Qhov kws Kuv yuav moog, mej moog tsi tau.”
22Yogle ntawd, cov Yudais tej numtswv txhaj has tas, “Nwg has tas qhov kws Nwg yuav moog ntawd peb moog tsi tau. Puas yog txhais has tas Nwg yuav muab Nwg tua?”
23Yexus teb tas, “Mej yog tuabneeg nplajteb, tabsis Kuv yog tuabneeg qaumntuj. Mej nyob huv nplajteb nuav, tabsis Kuv tsi nyob huv nplajteb. 24Tub yog vimle nuav, Kuv txhaj qha rua mej has tas mej yuav tuag vim mej lub txim. Yog mej tsi ntseeg tas, ‘Kuv Yog Tug Kws Kuv Has’ ntawd, mej yuav tuag rua huv mej lub txim.”
25Puab nug Yexus has tas, “Koj yog leejtwg?”
Yexus teb puab has tas, “Kuv yog tug kws Kuv tub qha rua mej thaus chivthawj lug lawm.#8:25: Kuv yog tug kws Kuv tub qha rua mej thaus chivthawj lug lawm; lossis Vim lecaag kuv txhaj yuav qha txhua yaam nuav rua mej? 26Kuv tseem muaj ntau yaam kws yuav has txug mej hab ntau yaam kws yuav txavtxim rua mej. Txawm le ntawd los, tug kws khaiv Kuv lug, Nwg yog tug tseeb, Kuv tsuas qha rua tuabneeg nplajteb lawv nraim le tej kws Kuv nov Nwg qha xwb.”
27Puab tsi totaub has tas Yexus qha txug Leejtxiv rua puab le. 28Yogle ntawd, Yexus txhaj has rua puab tas, “Thaus mej muab Tuabneeg Leejtub tsaa dlai rua sau lawm, mej yuav paub tas ‘Kuv Yog Tug Kws Kuv Has’ ntawd; hab mej yuav paub tas Kuv tsi ua ib yaam dlaabtsi lawvle Kuv lub sab, tabsis Kuv tsuas has lawv nraim le tej kws Leejtxiv qha kuas Kuv has xwb. 29Hab tug kws khaiv Kuv lug yeej nrug Kuv nyob; Nwg yeej tsi tau tso Kuv nyob ib leeg le, ruaqhov Kuv yeej ibtxwm ua txhua yaam lawvle Nwg lub sab nyam xwb.”
30Coob leej kws nov Yexus has tej lug ntawd tau lug ntseeg Yexus.
Qhov Tseeb Yuav Tso Mej Dlim
31Yogle ntawd, Yexus has rua cov Yudais kws ntseeg Nwg tas, “Yog mej ua lawvle tej lug kws Kuv qha, mej txhaj yog Kuv cov thwjtim tag. 32Mej yuav paub qhov tseeb, hab qhov tseeb yuav tso mej dlim.”
33Puab teb tas, “Peb suavdlawg puavleej yog Anplahaas caajceg, hab peb yeej tsi tau ua leejtwg qhev le. Uacaag Koj laam has tas, ‘Mej yuav dlim’?” #Math 3:9; Lukas 3:8
34Yexus has rua puab tas, “Kuv qha tseeb rua mej has tas, txhua tug kws ua txhum yeej ua txuj kev txhum qhev. 35Tug qhev yeej tsi nrug tsev tuabneeg nyob moog ibtxhis, tabsis tug tub yuav nyob qhov ntawd moog ibtxhis. 36Yog Leejtub tso mej dlim, tes mej yeej yuav dlim tag-tag le. 37Kuv yeej paub tas mej yog Anplahaas caajceg. Tabsis mej pheej nrhav kev muab Kuv tua, ruaqhov mej tsi ntseeg tej lug kws Kuv qha. 38Kuv has txug tej lug kws Kuv Txiv qha rua Kuv, tabsis mej ua lawvle tej lug kws mej txiv qha rua mej.”
39Puab teb Yexus has tas, “Peb txiv yog Anplahaas.”
Yexus teb puab tas, “Yog mej yog Anplahaas cov mivnyuas tag, mej yeej yuav ua#8:39: Yog mej yog … mej yeej yuav ua; tej phoo ntawv qub kws xuas teg sau, muaj Yog mej yog … ua. ib yaam le Anplahaas ua. 40Kuv tsuas qha rua mej lawvle qhov tseeb kws Kuv tau nov lug ntawm Vaajtswv xwb, tabsis mej pheej nrhav kev muab kuv tua. Anplahaas yeej tsi ua le mej ua nuav ib zag le! 41Mej ua yog nkaus le mej txiv tau ua lug lawm.”
Puab teb tas, “Peb tsi yog mivnyuas tsaub, peb muaj tuableeg txiv xwb, peb txiv yog Vaajtswv.”
42Yexus has rua puab tas, “Yog Vaajtswv yog mej txiv tag, mej yeej yuav hlub Kuv, ruaqhov Kuv lug ntawm Vaajtswv lug hab nwgnuav Kuv nyob ntawm nuav. Tsi yog Kuv lug Kuv xwb, tabsis yog Vaajtswv khaiv Kuv lug. 43Vim lecaag mej txhajle pheej tsi totaub tej lug kws Kuv has nuav? Ruaqhov mej nyaj tsi taug noog Kuv tej lug qha.
44“Dlaab ntxwgnyoog yog mej txiv, hab mej yeej nyam ua lawvle mej txiv lub sab. Txij thaus chivkeeb lug nwg yeej yog tug tua tuabneeg hab nwg yeej ibtxwm tsi ua lawvle qhov tseeb, ruaqhov yeej tsi muaj qhov tseeb nyob rua huv nwg hlo le. Thaus nwg haslug dlaag, yog nwg coj lawv nraim le nwg tug cwjpwm, ruaqhov nwg yeej yog tug nam dlaag hab nwg yog txhua tug kws dlaag leejtxiv. 45Tabsis tub yog vim Kuv qha qhov tseeb, mej txhaj tsi ntseeg Kuv tej lug. 46Mej cov leejtwg muaj peevxwm qha tau has tas Kuv ua txhum? Yog Kuv yeej haslug tseeb xwb, uacaag mej tsi ntseeg Kuv? 47Tug kws nyob rua huv Vaajtswv yeej noog Vaajtswv tej lug. Mej tsi nyob rua huv Vaajtswv, mej txhaj tsi noog.”
Yexus Hab Anplahaas
48Cov Yudais teb Yexus has tas, “Qhov kws peb has tas Koj yog tuabneeg Xamalis hab Koj raug ib tug dlaab ntawd, tsi muaj tseeb lov?”
49Yexus teb puab has tas “Kuv tsi raug dlaab. Kuv yeej fwm Kuv Txiv, tabsis mej saib tsi taug Kuv. 50Kuv tsi tau kuas leejtwg fwm Kuv. Tabsis muaj ib tug xaav kuas tuabneeg fwm Kuv, hab tug ntawd yog tug kws tuaj Kuv tog txavtxim. 51Kuv qha tseeb rua mej has tas, tug kws ua lawvle Kuv tej lug qha, tug ntawd yuav tsi tuag ib zag le.”
52Cov Yudais has rua Yexus tas, “Zagnua, peb paub tseeb has tas Koj raug ib tug dlaab lawm lau! Anplahaas tub tuag lawm, cov xwbfwb cev Vaajtswv lug los tub tuag taag huv tuabsi lawm, tabsis Koj tseem has tas tug kws coj lawvle Koj tej lug qha mas yuav tsi tuag ib zag le. 53Peb txiv Anplahaas tub tuag lawm, Koj tseem has tas Koj muaj fwjchim luj dlua Anplahaas hab nua lov? Cov xwbfwb cev Vaajtswv lug los kuj tuag taag huv tuabsi lawm hab. Koj xaav tas Koj yog leejtwg nua maj?”
54Yexus teb tas “Yog Kuv rov qhuas Kuv xwb, qhov kev qhuas ntawd yeej tsi muaj qaabhau dlaabtsi le. Tug kws qhuas Kuv yog Kuv Txiv, Nwg yog tug kws mej hu has tas yog mej tug Vaajtswv. 55Mej yeej tsi paub Nwg, tabsis Kuv paub Nwg. Yog Kuv has tas Kuv tsi paub Nwg, tes Kuv yog ib tug tuabneeg dlaag ib yaam le mej. Tabsis Kuv yeej paub Nwg, hab Kuv ua lawvle Nwg tej lug. 56Mej txiv Anplahaas zoosab has tas nwg yuav pum nub kws Kuv lug; nwgnuav nwg tub pum lawm, nwg zoosab kawg le.”
57Puab has rua Yexus tas, “Koj noobnyoog tub tsi tau muaj tsibcaug xyoo, es koj tub pum Anplahaas lawm lov?”#8:57: es koj tub pum Anplahaas lawm lov?; tej phoo ntawv qub kws xuas teg sau, muaj Anplahaas tub pum koj lawm hab lov?
58Yexus teb puab tas, “Kuv qha tseeb rua mej has tas, uantej yug Anplahaas, ‘Kuv Yog!’ ”
59Puab txawm khaws nkaus pobzeb lug yuav ntaus Yexus, tabsis Yexus tsiv dlhau hab tawm huv lub Tuamtsev moog lawm.
S'ha seleccionat:
Yauhaas 8: HNJ2022
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022 United Bible Societies. All rights reserved.
Yauhaas 8
8
Tug Quaspuj Kws Raug Nteg Vim Dleev Hluasnraug
1Tabsis Yexus nce moog rua peg Roob txiv Ntoo-Roj. 2Nub tomqaab thaus kaajntug txoog Yexus rovqaab lug rua huv lub Tuamtsev. Muaj tuabneeg coob-coob tuaj nyob puagncig Nwg, tes Nwg txawm nyob quastsawg hab pib qha puab. 3Cov xwbfwb kws qha Kevcai hab cov Falixais txawm coj ib tug quaspuj kws puab nteg tau thaus nwg taabtom dleev hluasnraug tuaj, puab yuam kuas nwg sawv taabmeeg suavdlawg.
4Puab has rua Yexus tas, “Xwbfwb, muaj tuabneeg nteg tau tug quaspuj nuav thaus nwg taabtom dleev hluasnraug. 5Nyob huv peb txuj Kevcai, Mauxes tau xaaj has tas, tug quaspuj kws ua txhum le nuav yuavtsum muab pobzeb ntaus nwg kuas tuag. Zagnua, Koj yuav has lecaag?” #Levi 20:10; 2Kev 22:22-24
6Puab has le nuav vim puab xaav ua kuas Yexus teb yuamkev, sub puab txhaj komtxim tau rua Nwg. Tabsis Yexus txawm khoov hab xuas Nwg le ntivteg sau huv aav. 7Thaus kws puab tseem pheej nug Yexus qujqeeg ntxiv, Yexus txawm sawvtseeg hab has rua puab tas, “Mej cov kws nyob ntawm nuav, yog leejtwg yeej tsi tau ua txhum hlo le, kuas tug ntawd xub xuas pobzeb ntaus tug quaspuj nuav.” 8Tes Yexus rov khoov xuas ntivteg sau huv aav dlua.
9Thaus puab nov le ntawd, puab txawm tsiv ib tug zujzug moog lawm, cov laug xub tsiv uantej. Tsuas tshuav Yexus nrug tug quaspuj kws sawv ntawd lawm xwb. 10Yexus tsaa qhovmuag saib hab has rua nwg tas, “Puab dlua twg taag lawm? Tsi muaj leejtwg rautxim rua koj lov?”
11Tug quaspuj ntawd teb tas, “Tug Tswv, tsi muaj leejtwg rautxim rua kuv os.”
Yexus has tas, “Kuv los yuav tsi rautxim rua koj ib yaam hab. Cale moog tsev, hab tsi xob ua txhum ntxiv lawm.”]#8:11: Ntau phoo ntawv qub kws xuas teg sau hab ntau phoo kws xub txhais lawm, tsi muaj cov lug kws nyob huv (7:53—8:11) nuav; qee phoo muaj nyob tomqaab Yauh 21:24; qee phoo muaj nyob tomqaab Lukas 21:38; ib phoo muaj nyob tomqaab Yauh 7:36.
Yexus Yog Qhov Kaaj Rua Tuabneeg Nplajteb
12Yexus rov has dlua rua cov Falixais tas, “Kuv yog qhov pumkev rua lub nplajteb. Tug kws lawv Kuv qaab yuav tsi taug kev huv qhov tsausntuj, tabsis nwg lub neej yuav tshaavntuj nrig.” #Math 5:14; Yauh 9:5
13Cov Falixais has rua Yexus tas, “Tej lug kws Koj has ko, yog Koj rov ua timkhawv rua Koj xwb; Koj tej lug yeej tsi tseeb.” #Yauh 5:31
14Yexus teb tas, “Tsi yog le mej has, txawm yog Kuv rov ua timkhawv rua Kuv los tej lug kws Kuv has yeej tseeb, ruaqhov Kuv paub tas Kuv lug qhovtwg lug hab Kuv yuav moog qhovtwg. Tabsis mej tsi paub sov Kuv lug qhovtwg lug hab Kuv yuav moog qhovtwg. 15Mej txavtxim lawvle tuabneeg lub sab xaav; Kuv tsi txavtxim rua leejtwg. 16Tabsis yog Kuv txavtxim, Kuv yeej txavtxim ncaajnceeg, ruaqhov tsi yog Kuv tuableeg xwb; Leejtxiv tug kws khaiv Kuv lug, Nwg yeej nrug Kuv hab. 17Tub muaj lug sau ca rua huv mej txuj Kevcai lawm has tas, yog muaj ob leeg ua timkhawv lawm, qhov kws obtug has ntawd yeej muaj tseeb tag. 18Kuv yeej ua timkhawv rua Kuv, hab Leejtxiv tug kws khaiv Kuv lug, los Nwg yeej ua timkhawv rua Kuv tuabyaam nkaus hab.”
19Puab nug Yexus has tas, “Koj txiv nyob qhovtwg?”
Yexus teb tas, “Mej yeej tsi paub Kuv lossis Kuv Txiv. Yog mej paub Kuv, mej yeej yuav paub Kuv Txiv hab.”
20Yexus has tej lug nuav yog thaus Nwg qha huv lub Tuamtsev, huv chaav kws tso tej phijxaab rau nyaj. Tsi muaj leejtwg nteg Yexus, ruaqhov Nwg lub sijhawm tseem tsi tau lug txug.
Mej Moog Tsi Tau Qhov Kuv Yuav Moog
21Yexus rov has rua puab tas, “Kuv yuav ncaim moog; mej yuav nrhav Kuv, tabsis mej yuav tuag vim mej lub txim. Qhov kws Kuv yuav moog, mej moog tsi tau.”
22Yogle ntawd, cov Yudais tej numtswv txhaj has tas, “Nwg has tas qhov kws Nwg yuav moog ntawd peb moog tsi tau. Puas yog txhais has tas Nwg yuav muab Nwg tua?”
23Yexus teb tas, “Mej yog tuabneeg nplajteb, tabsis Kuv yog tuabneeg qaumntuj. Mej nyob huv nplajteb nuav, tabsis Kuv tsi nyob huv nplajteb. 24Tub yog vimle nuav, Kuv txhaj qha rua mej has tas mej yuav tuag vim mej lub txim. Yog mej tsi ntseeg tas, ‘Kuv Yog Tug Kws Kuv Has’ ntawd, mej yuav tuag rua huv mej lub txim.”
25Puab nug Yexus has tas, “Koj yog leejtwg?”
Yexus teb puab has tas, “Kuv yog tug kws Kuv tub qha rua mej thaus chivthawj lug lawm.#8:25: Kuv yog tug kws Kuv tub qha rua mej thaus chivthawj lug lawm; lossis Vim lecaag kuv txhaj yuav qha txhua yaam nuav rua mej? 26Kuv tseem muaj ntau yaam kws yuav has txug mej hab ntau yaam kws yuav txavtxim rua mej. Txawm le ntawd los, tug kws khaiv Kuv lug, Nwg yog tug tseeb, Kuv tsuas qha rua tuabneeg nplajteb lawv nraim le tej kws Kuv nov Nwg qha xwb.”
27Puab tsi totaub has tas Yexus qha txug Leejtxiv rua puab le. 28Yogle ntawd, Yexus txhaj has rua puab tas, “Thaus mej muab Tuabneeg Leejtub tsaa dlai rua sau lawm, mej yuav paub tas ‘Kuv Yog Tug Kws Kuv Has’ ntawd; hab mej yuav paub tas Kuv tsi ua ib yaam dlaabtsi lawvle Kuv lub sab, tabsis Kuv tsuas has lawv nraim le tej kws Leejtxiv qha kuas Kuv has xwb. 29Hab tug kws khaiv Kuv lug yeej nrug Kuv nyob; Nwg yeej tsi tau tso Kuv nyob ib leeg le, ruaqhov Kuv yeej ibtxwm ua txhua yaam lawvle Nwg lub sab nyam xwb.”
30Coob leej kws nov Yexus has tej lug ntawd tau lug ntseeg Yexus.
Qhov Tseeb Yuav Tso Mej Dlim
31Yogle ntawd, Yexus has rua cov Yudais kws ntseeg Nwg tas, “Yog mej ua lawvle tej lug kws Kuv qha, mej txhaj yog Kuv cov thwjtim tag. 32Mej yuav paub qhov tseeb, hab qhov tseeb yuav tso mej dlim.”
33Puab teb tas, “Peb suavdlawg puavleej yog Anplahaas caajceg, hab peb yeej tsi tau ua leejtwg qhev le. Uacaag Koj laam has tas, ‘Mej yuav dlim’?” #Math 3:9; Lukas 3:8
34Yexus has rua puab tas, “Kuv qha tseeb rua mej has tas, txhua tug kws ua txhum yeej ua txuj kev txhum qhev. 35Tug qhev yeej tsi nrug tsev tuabneeg nyob moog ibtxhis, tabsis tug tub yuav nyob qhov ntawd moog ibtxhis. 36Yog Leejtub tso mej dlim, tes mej yeej yuav dlim tag-tag le. 37Kuv yeej paub tas mej yog Anplahaas caajceg. Tabsis mej pheej nrhav kev muab Kuv tua, ruaqhov mej tsi ntseeg tej lug kws Kuv qha. 38Kuv has txug tej lug kws Kuv Txiv qha rua Kuv, tabsis mej ua lawvle tej lug kws mej txiv qha rua mej.”
39Puab teb Yexus has tas, “Peb txiv yog Anplahaas.”
Yexus teb puab tas, “Yog mej yog Anplahaas cov mivnyuas tag, mej yeej yuav ua#8:39: Yog mej yog … mej yeej yuav ua; tej phoo ntawv qub kws xuas teg sau, muaj Yog mej yog … ua. ib yaam le Anplahaas ua. 40Kuv tsuas qha rua mej lawvle qhov tseeb kws Kuv tau nov lug ntawm Vaajtswv xwb, tabsis mej pheej nrhav kev muab kuv tua. Anplahaas yeej tsi ua le mej ua nuav ib zag le! 41Mej ua yog nkaus le mej txiv tau ua lug lawm.”
Puab teb tas, “Peb tsi yog mivnyuas tsaub, peb muaj tuableeg txiv xwb, peb txiv yog Vaajtswv.”
42Yexus has rua puab tas, “Yog Vaajtswv yog mej txiv tag, mej yeej yuav hlub Kuv, ruaqhov Kuv lug ntawm Vaajtswv lug hab nwgnuav Kuv nyob ntawm nuav. Tsi yog Kuv lug Kuv xwb, tabsis yog Vaajtswv khaiv Kuv lug. 43Vim lecaag mej txhajle pheej tsi totaub tej lug kws Kuv has nuav? Ruaqhov mej nyaj tsi taug noog Kuv tej lug qha.
44“Dlaab ntxwgnyoog yog mej txiv, hab mej yeej nyam ua lawvle mej txiv lub sab. Txij thaus chivkeeb lug nwg yeej yog tug tua tuabneeg hab nwg yeej ibtxwm tsi ua lawvle qhov tseeb, ruaqhov yeej tsi muaj qhov tseeb nyob rua huv nwg hlo le. Thaus nwg haslug dlaag, yog nwg coj lawv nraim le nwg tug cwjpwm, ruaqhov nwg yeej yog tug nam dlaag hab nwg yog txhua tug kws dlaag leejtxiv. 45Tabsis tub yog vim Kuv qha qhov tseeb, mej txhaj tsi ntseeg Kuv tej lug. 46Mej cov leejtwg muaj peevxwm qha tau has tas Kuv ua txhum? Yog Kuv yeej haslug tseeb xwb, uacaag mej tsi ntseeg Kuv? 47Tug kws nyob rua huv Vaajtswv yeej noog Vaajtswv tej lug. Mej tsi nyob rua huv Vaajtswv, mej txhaj tsi noog.”
Yexus Hab Anplahaas
48Cov Yudais teb Yexus has tas, “Qhov kws peb has tas Koj yog tuabneeg Xamalis hab Koj raug ib tug dlaab ntawd, tsi muaj tseeb lov?”
49Yexus teb puab has tas “Kuv tsi raug dlaab. Kuv yeej fwm Kuv Txiv, tabsis mej saib tsi taug Kuv. 50Kuv tsi tau kuas leejtwg fwm Kuv. Tabsis muaj ib tug xaav kuas tuabneeg fwm Kuv, hab tug ntawd yog tug kws tuaj Kuv tog txavtxim. 51Kuv qha tseeb rua mej has tas, tug kws ua lawvle Kuv tej lug qha, tug ntawd yuav tsi tuag ib zag le.”
52Cov Yudais has rua Yexus tas, “Zagnua, peb paub tseeb has tas Koj raug ib tug dlaab lawm lau! Anplahaas tub tuag lawm, cov xwbfwb cev Vaajtswv lug los tub tuag taag huv tuabsi lawm, tabsis Koj tseem has tas tug kws coj lawvle Koj tej lug qha mas yuav tsi tuag ib zag le. 53Peb txiv Anplahaas tub tuag lawm, Koj tseem has tas Koj muaj fwjchim luj dlua Anplahaas hab nua lov? Cov xwbfwb cev Vaajtswv lug los kuj tuag taag huv tuabsi lawm hab. Koj xaav tas Koj yog leejtwg nua maj?”
54Yexus teb tas “Yog Kuv rov qhuas Kuv xwb, qhov kev qhuas ntawd yeej tsi muaj qaabhau dlaabtsi le. Tug kws qhuas Kuv yog Kuv Txiv, Nwg yog tug kws mej hu has tas yog mej tug Vaajtswv. 55Mej yeej tsi paub Nwg, tabsis Kuv paub Nwg. Yog Kuv has tas Kuv tsi paub Nwg, tes Kuv yog ib tug tuabneeg dlaag ib yaam le mej. Tabsis Kuv yeej paub Nwg, hab Kuv ua lawvle Nwg tej lug. 56Mej txiv Anplahaas zoosab has tas nwg yuav pum nub kws Kuv lug; nwgnuav nwg tub pum lawm, nwg zoosab kawg le.”
57Puab has rua Yexus tas, “Koj noobnyoog tub tsi tau muaj tsibcaug xyoo, es koj tub pum Anplahaas lawm lov?”#8:57: es koj tub pum Anplahaas lawm lov?; tej phoo ntawv qub kws xuas teg sau, muaj Anplahaas tub pum koj lawm hab lov?
58Yexus teb puab tas, “Kuv qha tseeb rua mej has tas, uantej yug Anplahaas, ‘Kuv Yog!’ ”
59Puab txawm khaws nkaus pobzeb lug yuav ntaus Yexus, tabsis Yexus tsiv dlhau hab tawm huv lub Tuamtsev moog lawm.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022 United Bible Societies. All rights reserved.