Johan 17
17
Isu ma äkähui na tähang aetang pa
1Isu lä hini kätyng thui pyng ea käni mang-a kheng kha “Pä-ai ä, kätü lä tyng te dy. Kai, Äcäpaw, lä Pä-ai üng phung-ang aetüng hai hethang Cäpaw üng phung-ang aetüng hai lawi ba. 2Pä-ai ma Kai, Äcäpaw, tea a saite khimi na tea dungtäsa hing te py hethang tähang-a, khimi angxynlyng na tea pyng saite aenae lä Kai tea py vi dy. 3Dungtäsa hing saite näte lä Säthaw tätang lawngtä xyng tea mäny te hai, Nang, Säthaw, ma mätaw saite Kai, Isu Khrista, bung mäny te tea näte vi. 4Hini älawng qawng-a Kai lä Pä-ai üng phung-ang mätü pa te vi dy. Nang ma sa hai saite kälu Kai lä khüng rung khytä sa pyng te vi dy. 5Pä-ai ä, vaihi nang ma üng maw-a Kai üng phung-ang aetüng hai lawi. Hini älawngpre awng y te kälang-a ma, Nang hai mangtä pyng saite phung-ang lä, Kai tähang py jo lawi ba.
6“Pä-ai ma hini älawng üng Kai tea py saite khimi na bung Pä-ai tea mäny hai te vi dy. Hini khimi ce lä Nang hai aesui kha Nang lä äni ce bung Kai tea a pyng te vi dy. Äni ce lä Nang üng älo tängai jawjaw ö dy. 7Pä-ai ma Kai tähang py saite angxynlyng na lä Nang te mang üng ly te vi näte vaihi äni ce mäny ö by dy. 8Kai tea Nang ma thui saite angthang Kai lä äni ce tea thui pa kha äni ce lä tängai ö dy. Kai lä Nang ma te üng ly te mäny khü kha Pä-ai, Nang, ma Kai bung mätaw näte äni ce lä yng ö dy.
9“Kai lä äni ce tähang aetang pa dy. Ätephüng-a mei nädylä Kai tea Nang ma py saite khimi na lä, Nang hai aesui vi dy. Älawngpre üng khimi na tähang lä aetang y. 10Kai pyng saite angxynlyng na lä Nang hai aesui bawi te vi. Nang ma pyng saite khimi angxynlyng na Kai la pyng te by vi. Honi hai-a kai üng phung-ang lä äni ce tähang aetüng hai te kae. 11Kai lä Nang tea vaihi vawi haile tyng vi ai. Älawngpre-a awng y dy. Tungaila äni ce lä älawngpre-a awng vi ai rawng. Caiping saite Pä-ai, Nang, üng ämüng haidae hai äni ce bung aekung hai te vi. Nang hai Kai bungtä awng te kätyng, äma ce tingtawi bungtä awng hethang Nang ma Kai tea hini ämüng py vi dy. 12Kai lä äni ce hai mangtä awng te thüng-a, äni ce bung Nang üng ämüng haidae hai aekung hai pa te vi. Säthaw ma pra hai hethang khimi lawngtä y dylä, ämi lawngtä la pra y lyng. Caekäcai thung-a tärü te lä cungrü hai te dy. 13Vaihi Kai lä nang tea vawi te dy. Äni ce lä Kai üng anghawtho saite käcung-a, dang hethang tähang hini älawngpre qawng-a, Kai awng te thüng-a ma, hini älo na äni ce tea thui pa te vi. 14Nang üng älo äni ce tähang Kai py pa vi dy. Älawng üng khimi na ma äni ce tea esäre pa ö vi. Ätephüng-a mei nädylä, Kai älawngpre hai aesui y te kätyng, äni ce la älawngpre hai aesui ö y. 15Pä-ai lä äni ce bung älawngpre üng nähai hethang tähang-a, Kai mäkai te y lyng. Setan ma äni ce bung lolang tämang hai y hethang aekung hai pa kü. 16Kai lä älawngpre hai aesui y te kätyng, äni ce la älawngpre hai aesui ö te y. 17Äni ce bung älo mitang hai-a, caiping-a sa pa. Nang ma üng älo lä mitang khaw vi. 18Pä-ai, Nang, ma Kai bung älawngpre-a, mätaw te kätyng Kai ma äni ce bung la älawngpre-a mätaw te by dy. 19Äni ce lä Säthaw tähang mä-ai ma bung aepy hethang tähang-a, Kai lä äni ce tähang Kai ma bung aemäthy ping te vi dy.
20“Kai lä äkähui na tähang ma qaitä aetang pa te y lyng. Äni ce ma ätete lo thui pa te phüng-a Kai tea yng saite na tähang la aetang te by vi. 21Äni ce angxynlyng lä bungtä awng hethang aetang te kae. Pä-ai ä, Nang, lä Kai hai aesui kha Kai la nang hai aesui te kätyng, äni ce bung mä-ai ma hai aesui hai jo ba. Tukä ea ni Pä-ai nang ma Kai bung mätaw te älawngpre üng khimi na ma yng hethang kae. 22Nang ma Kai tea py saite phung-ang, Kai lä äni ce tähang py pa dy. Mä-ai ni lä bungtä awng te kätyng, äma ce tingtawi bungtä awng hethang Kai lä hini kä sa te vi. 23Pä-ai, Nang, ma Kai hai aesui te kätyng Kai la äni ce hai aesui te by. Tukä ea ni äni ce lä käcung-a bungtä lawng ö vi ai. Tupyng-a Pä-ai, Nang, ma Kai bung mätaw kha Kai tea bälung aevaw te kätyng, äni ce tea la Pä-ai ma bälung aevaw saite älawngpre üng khimi angxynlyng na lä mäny haw ö bawi vi ai” näpa.
24“Pä-ai ä, nang ma py saite hini khimi ce bung Kai awng saite mityng-a, mangtä awng hai hethang Kai lä ngai te vi. Älawngpre awng y te kälang üng hai, nang ma Kai tea bälung aevaw te phüng-a, Kai tea py saite phung-ang lä äkähui na tea nung hai hethang ngai te vi. 25Käcüng saite Pä-ai ä, Nang bung älawngpre üng khimi na ma mäny ö y. Tungaila Kai lä Nang bung mäny vi. Hini äkähui na lä Kai bung Pä-ai, Nang, ma mätaw näte mäny ö by dy. 26Pä-ai, Nang, bung Kai ma äni ce tea mäny hai pyng te vi dy. Hini qawng-a cang y mäny hai jawjaw vi ai rawng. Nang ma Kai tea bälung aevaw saite lä, äni ce tea awng by. Kai la äni ce hai aesui by ai” näkha näpa.
S'ha seleccionat:
Johan 17: cekNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2017, Bible Society of Myanmar and Wycliffe Bible Translators, Inc
Johan 17
17
Isu ma äkähui na tähang aetang pa
1Isu lä hini kätyng thui pyng ea käni mang-a kheng kha “Pä-ai ä, kätü lä tyng te dy. Kai, Äcäpaw, lä Pä-ai üng phung-ang aetüng hai hethang Cäpaw üng phung-ang aetüng hai lawi ba. 2Pä-ai ma Kai, Äcäpaw, tea a saite khimi na tea dungtäsa hing te py hethang tähang-a, khimi angxynlyng na tea pyng saite aenae lä Kai tea py vi dy. 3Dungtäsa hing saite näte lä Säthaw tätang lawngtä xyng tea mäny te hai, Nang, Säthaw, ma mätaw saite Kai, Isu Khrista, bung mäny te tea näte vi. 4Hini älawng qawng-a Kai lä Pä-ai üng phung-ang mätü pa te vi dy. Nang ma sa hai saite kälu Kai lä khüng rung khytä sa pyng te vi dy. 5Pä-ai ä, vaihi nang ma üng maw-a Kai üng phung-ang aetüng hai lawi. Hini älawngpre awng y te kälang-a ma, Nang hai mangtä pyng saite phung-ang lä, Kai tähang py jo lawi ba.
6“Pä-ai ma hini älawng üng Kai tea py saite khimi na bung Pä-ai tea mäny hai te vi dy. Hini khimi ce lä Nang hai aesui kha Nang lä äni ce bung Kai tea a pyng te vi dy. Äni ce lä Nang üng älo tängai jawjaw ö dy. 7Pä-ai ma Kai tähang py saite angxynlyng na lä Nang te mang üng ly te vi näte vaihi äni ce mäny ö by dy. 8Kai tea Nang ma thui saite angthang Kai lä äni ce tea thui pa kha äni ce lä tängai ö dy. Kai lä Nang ma te üng ly te mäny khü kha Pä-ai, Nang, ma Kai bung mätaw näte äni ce lä yng ö dy.
9“Kai lä äni ce tähang aetang pa dy. Ätephüng-a mei nädylä Kai tea Nang ma py saite khimi na lä, Nang hai aesui vi dy. Älawngpre üng khimi na tähang lä aetang y. 10Kai pyng saite angxynlyng na lä Nang hai aesui bawi te vi. Nang ma pyng saite khimi angxynlyng na Kai la pyng te by vi. Honi hai-a kai üng phung-ang lä äni ce tähang aetüng hai te kae. 11Kai lä Nang tea vaihi vawi haile tyng vi ai. Älawngpre-a awng y dy. Tungaila äni ce lä älawngpre-a awng vi ai rawng. Caiping saite Pä-ai, Nang, üng ämüng haidae hai äni ce bung aekung hai te vi. Nang hai Kai bungtä awng te kätyng, äma ce tingtawi bungtä awng hethang Nang ma Kai tea hini ämüng py vi dy. 12Kai lä äni ce hai mangtä awng te thüng-a, äni ce bung Nang üng ämüng haidae hai aekung hai pa te vi. Säthaw ma pra hai hethang khimi lawngtä y dylä, ämi lawngtä la pra y lyng. Caekäcai thung-a tärü te lä cungrü hai te dy. 13Vaihi Kai lä nang tea vawi te dy. Äni ce lä Kai üng anghawtho saite käcung-a, dang hethang tähang hini älawngpre qawng-a, Kai awng te thüng-a ma, hini älo na äni ce tea thui pa te vi. 14Nang üng älo äni ce tähang Kai py pa vi dy. Älawng üng khimi na ma äni ce tea esäre pa ö vi. Ätephüng-a mei nädylä, Kai älawngpre hai aesui y te kätyng, äni ce la älawngpre hai aesui ö y. 15Pä-ai lä äni ce bung älawngpre üng nähai hethang tähang-a, Kai mäkai te y lyng. Setan ma äni ce bung lolang tämang hai y hethang aekung hai pa kü. 16Kai lä älawngpre hai aesui y te kätyng, äni ce la älawngpre hai aesui ö te y. 17Äni ce bung älo mitang hai-a, caiping-a sa pa. Nang ma üng älo lä mitang khaw vi. 18Pä-ai, Nang, ma Kai bung älawngpre-a, mätaw te kätyng Kai ma äni ce bung la älawngpre-a mätaw te by dy. 19Äni ce lä Säthaw tähang mä-ai ma bung aepy hethang tähang-a, Kai lä äni ce tähang Kai ma bung aemäthy ping te vi dy.
20“Kai lä äkähui na tähang ma qaitä aetang pa te y lyng. Äni ce ma ätete lo thui pa te phüng-a Kai tea yng saite na tähang la aetang te by vi. 21Äni ce angxynlyng lä bungtä awng hethang aetang te kae. Pä-ai ä, Nang, lä Kai hai aesui kha Kai la nang hai aesui te kätyng, äni ce bung mä-ai ma hai aesui hai jo ba. Tukä ea ni Pä-ai nang ma Kai bung mätaw te älawngpre üng khimi na ma yng hethang kae. 22Nang ma Kai tea py saite phung-ang, Kai lä äni ce tähang py pa dy. Mä-ai ni lä bungtä awng te kätyng, äma ce tingtawi bungtä awng hethang Kai lä hini kä sa te vi. 23Pä-ai, Nang, ma Kai hai aesui te kätyng Kai la äni ce hai aesui te by. Tukä ea ni äni ce lä käcung-a bungtä lawng ö vi ai. Tupyng-a Pä-ai, Nang, ma Kai bung mätaw kha Kai tea bälung aevaw te kätyng, äni ce tea la Pä-ai ma bälung aevaw saite älawngpre üng khimi angxynlyng na lä mäny haw ö bawi vi ai” näpa.
24“Pä-ai ä, nang ma py saite hini khimi ce bung Kai awng saite mityng-a, mangtä awng hai hethang Kai lä ngai te vi. Älawngpre awng y te kälang üng hai, nang ma Kai tea bälung aevaw te phüng-a, Kai tea py saite phung-ang lä äkähui na tea nung hai hethang ngai te vi. 25Käcüng saite Pä-ai ä, Nang bung älawngpre üng khimi na ma mäny ö y. Tungaila Kai lä Nang bung mäny vi. Hini äkähui na lä Kai bung Pä-ai, Nang, ma mätaw näte mäny ö by dy. 26Pä-ai, Nang, bung Kai ma äni ce tea mäny hai pyng te vi dy. Hini qawng-a cang y mäny hai jawjaw vi ai rawng. Nang ma Kai tea bälung aevaw saite lä, äni ce tea awng by. Kai la äni ce hai aesui by ai” näkha näpa.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2017, Bible Society of Myanmar and Wycliffe Bible Translators, Inc