Yohana 12
12
Itir n'e miŋ ezini Yesu
Mat. 26.6-13; Mark. 14.3-9; Luk. 7.36-50
1Mefeŋ ɵaara wuzaɗi fet na wiini vigi n'amai ɗa ɗa, Yesu a halasi a Betaniya war fuŋ na Lasarus n'a ɵiyaŋsi arbaɗi zi mri par a na fu woni. 2War hlai ni, e zizini simi buri ni, Marta te ɓurwa simi wiiɗi ɗai, amma Lasarus a na fu arbaɗi nagai n'e simi gaini. 3Nɵa Mariya te tika Itir n'e yikiŋ ɓa Nar, na wûrini caŋ gara galni litir ɗaw, te miŋni ezini Yesu, te girdaŋ gaini ayir na midiɗi, dilimi te va gaini lugosni Itir ɗa. 4Yudas Iskariyot, ktai arbaɗi ɗaini zi hitri n'aga a saŋ edi ɗa, a muɗa maini nɵa: 5Itir n'a suma sulai zi arzaŋ miya hu hanɗa, e wûriŋ edi kaai e siŋɗi wiiɗi na murgakai kai ɗa buri maɗa? 6A muɗa ɵa na ɗa, buri ɓa a na hiina buriɗi na murgakai gara ɗa a na ɵa kai, amma buri ɓa a ɗif zi mihill, won hlai na guɓai t'aŋ tini na ɗa, a na mula pini farai na warɗi par. 7Amma Yesu a muɗa: Hiniti te giɗima hanɗa buri mefeŋ na wiini piŋa. 8Buri ɓa ɗai na murgakai e ɗa gaiki kûreɗ-kûreɗ amma ta ɗa mu na gaiki ɵa haa kureɗ kai.
Yudiyakai e piyi aŋ yimi Yesu
9Fara n'abai na wiiɗi Yudiyakai e sɗi ɓa Lasarus aŋ woni. E hilisi burini Yesu ktai kai, amma e tili Lasarus n'a ɵiyaŋsi amai arbaɗi zi mri par lai. 10Paakai n'abakai zi ɓaka e kiti miɗi buri e fiɗi Lasarus edi lai, 11Buri Yudiyakai viya e tiki piɗi e hiniɗi, e bindi e yimi pini Yesu.
Niyini Yesu aha Yeruzalem
Mat. 21.1-9; Mark. 11.1-10; Luk. 19.28-38
12Dawaini, firiɗi ɗai n'abai n'e hilisi mini fet ɗa, e ɵini ɓa Yesu a na halasi a Yeruzalem, 13ɗai e mili goyorni huura tiɗi, e niyisi edi mini e ɗûûli e miɗi:
Hozana,
Kol sini ni n'a na halasi war yikini Epiɗ-ɗai,
pai na wiiɗi Izrayel.
14Yesu a navasi ahini ablehö ktai a sumnasi miɗini dam, maini n'aŋ gaini ɗû nɵa:
15Ki hiini kai tiki ɗai na Siyon,
paiki a na halasi,
midiɗi ahiɗi ablehoi dam.
16Ɗaini zi hitri e ɵini ezini wala hanɗa edi kai haw, amma won hlai na Yesu a nava kol ya ɗa, nɵa midiɗi a kɵa ɓa: Seŋ hanɗa a ɗo burini, ɓa e zi hanɗa burini lai.
17Firiɗi ɗai n'e ɗi ka gaini won hlai n'a yikasi Lasarus edi warni waŋ par, aŋ ɵiyaŋ amai arbaɗi zi mri par ɗa, e zi zaida miɗini. 18Firiɗi ɗai e hilisi edi mini na ɗa burini hanɗa, buri e ɵini ɓa a za siŋki hanɗa. 19Nɵa Farisekai e miɗi arbaɗi marɗi: Tiki kaw le, ki kiɗi ki zi wala ktai kai, ɗai ɗa e ɵini paŋ kafa.
Ɗai na grek e piyi aŋ tili Yesu
20Grekkai na zamai e ɗi fu arbaɗi ɗai n'e hili amai aŋ siiwi miɗi fet ɗa, 21e tûrûsi sini Filip na Betsaida na war Galeliya par e miɗini: Ɗif n'abai, mi firiyi mi tili Yesu. 22Filip a halasi a miɗini wiini Andre ta, Andre gaini Filip e hilisi e miɗini wiini Yesu. 23Yesu a waya seŋ a miɗiɗi: Ler a cosi ya, na woni Ahini ɗif aga a nava rɗi n'amai. 24Jre, jre, mu miɗiki, na ɓa seyemni wai a kɵa arni afti kaalai, a mra kaalai ɗa a hina ɵa ktai, amma na ɓa a mra li ɗa a wa ali viya. 25Asiya ɗi paŋ n'a godo suŋfani aga a baŋ, asiya ɗi paŋ n'a bula gaw sini suŋfani warɗi yai hanɗa aga a giŋmaŋ haa sini suŋfa n'a vada kai. 26Na ɓa ɗif a dara a za ɵeŋŋa ɗa, a pɗem ɓa a tapasi pa, hlai na m'aŋ woni ɗa, ɵeŋŋa ɗa aga a sumna woni lai. Na ɓa ɗif a dara a za ɵeŋŋa ɗa aga a sini kol ɗa a Api.
Yesu a muɗa miɗini mrini
27Tiyana ɗa, m'aŋ warni kwimi, na mu muɗa zamai ɗa a maɗ a Api, kurɗaŋa edi miɗi ler hanɗa par kruɗ, amma mu hala war ler hanɗa na ɗa buri hanɗa. 28Api sa kol wiini yikuku. Nɵa wule ktai a wasi amai warni fuŋ-n'Alaw par a muɗa: Mu sini kol ya, aga mu sini kol pra. 29Firiɗi ɗai n'e ɗa won hlai ni n'e ɵini wule hanɗa e miɗi ɓa hanɗa a wulani Alaw zi ɓarai, na zamai e miɗi: a miɗinisi ɗa a ɗif zi ɵeŋ. 30Yesu a tika seŋ a muɗa: Wule hanɗa a wasi na ɗa buriya kai, amma buriki tiki. 31Sariya na wiiɗi yai hanɗa te za na ɗa tiyana, pai na wiiɗi yai hanɗa aga e birgiŋ anene. 32Ta ɗa, won hlai na mu nava higi n'amai sini luwuŋ li ɗa, aga mu tipiɗisi ɗai paŋ sa. 33A muɗa hanɗa buri a siŋkiɗi miɗini mri n'aga a mra gaini ɗa. 34Firiɗi ɗai e wiyi seŋ e miɗini: Tiyi mi ɵini war gadai zi ɗû par ɓa Kristu aga a sumna haa hlai n'a vada kai lai ɗa, kapai tuku ku miɗiyi ɓa: Sai Ahini ɗif a haga amai ɗa, Ahini ɗif ni ɗa asiya ɗa?
35Yesu a miɗiɗi: Gaglai a na arbaki buri hlai n'agwi hai, piyi war hlai na gaglai a na ɗa kapai gegeŋ a luɓasi midiki kai. Ni n'a paya war gegeŋ ɗa a sɗa hlai n'a hala woni kai. 36Won hlai na gaglai a na arbaki hai, ki yimi pini gaglai kapai ki bindi aŋ alini gaglai.
Asakal n'e miɗi seŋ hanɗa ya, Yesu a hala wiini, a ŋoya wuzaɗi cok.
Yimi-kai na wiiɗi Yudiyakai
37Gaini wazagai zi siŋki n'a zaŋ wuzani arɗi paŋ tekeɗeɗi e yimi warni kai. 38Kapai seŋ na ɗif na mini Alaw Esaya a muɗaŋ ɗa a va amai won hlai n'a muɗa ɓa:
Epiɗ-ɗai, seŋ na e ɵiniŋ miyi par ɗa, n'a yima pini ɗa asiya ɗa?
N'EPIƊ-ƊAI a siŋka spakni edi sini ɗa asiya ɗa?
39Na ɓa e kiɗi e yimi kai ɗa, na buri na ɓa Esaya a muɗa pra ɓa:
40A ŋulva arɗi tik,
a diŋra agulɗi diŋir lai,
kapai e tili gaini arɗi kai,
kapai e ɵini ezini edi gaini futini kaalai,
kapai e wiyisi duɓaɗi mu zûûliɗi lai kai.
41Hanɗa a seŋ na Esaya a muɗaŋ ɗa, buri a tiliti abaini, a muɗa miɗini lai. 42Gaini hanɗa paŋ, koo arbaɗi n'abakai tekeɗeɗi n'e yimi pini viya amma buri Farisekai ɗa e miɗi hanɗa edi gaglai kai kapai e birgiɗisi amlai warni Sinagogne par kai. 43Buri e firiyi kol na ɗai e siŋɗi a suwa na sini Alaw par ɗa.
Seŋ na Yesu a muɗaŋ ɗa aga a ɗûklûti sariya
44Yesu a ɗuula a muɗa: Ni n'a yima wara, a yima wara kai, amma warni ni n'a ɵinaŋasi ɗa. 45Ni n'a talaŋa, a tala ɗa a ni n'a ɵinaŋasi ɗa. 46Ta na mu gaglai ɗa mu halasi warɗi yai buri ɓa asiya ɗi paŋ n'a yima wara ɗa aga a sumna war gegeŋ kai. 47Na ɓa ɗif a ɵina seŋŋa li, a yimaŋ kai ɗa, ta mu ɗûklûti sariya miɗini kai buri mu halasi aŋ ɗûklûti sariya miɗiɗi ɗai na warɗi yai kai, amma aŋ kûrɗi ɗai na warɗi yai ɗa edi. 48Ni n'a bulaŋa edi, a yima seŋ na wiya kaalai, wala n'a ɗûklûti sariya miɗini a na, seŋ na mu muɗaŋ a ni n'aga a ɗûklûti sariya miɗini war mefeŋ n'asakal ɗa. 49Buri ta mu muɗa gaini mada dama kai, Api n'a ɵinaŋasi ɗa, A ni n'a saŋa gadai miɗini wala n'aga mu muɗaŋ, n'aga mu za zaida miɗini lai. 50Mu sɗa ɓa gadai na wiini ɗa a suŋfa n'a vada kai, nɵa wala na ta mu muɗaŋ ɗa, mu muɗaŋ ɗa maini n'Api a muɗaŋa ɗa nɵa.
S'ha seleccionat:
Yohana 12: MUSGUM
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
Yohana 12
12
Itir n'e miŋ ezini Yesu
Mat. 26.6-13; Mark. 14.3-9; Luk. 7.36-50
1Mefeŋ ɵaara wuzaɗi fet na wiini vigi n'amai ɗa ɗa, Yesu a halasi a Betaniya war fuŋ na Lasarus n'a ɵiyaŋsi arbaɗi zi mri par a na fu woni. 2War hlai ni, e zizini simi buri ni, Marta te ɓurwa simi wiiɗi ɗai, amma Lasarus a na fu arbaɗi nagai n'e simi gaini. 3Nɵa Mariya te tika Itir n'e yikiŋ ɓa Nar, na wûrini caŋ gara galni litir ɗaw, te miŋni ezini Yesu, te girdaŋ gaini ayir na midiɗi, dilimi te va gaini lugosni Itir ɗa. 4Yudas Iskariyot, ktai arbaɗi ɗaini zi hitri n'aga a saŋ edi ɗa, a muɗa maini nɵa: 5Itir n'a suma sulai zi arzaŋ miya hu hanɗa, e wûriŋ edi kaai e siŋɗi wiiɗi na murgakai kai ɗa buri maɗa? 6A muɗa ɵa na ɗa, buri ɓa a na hiina buriɗi na murgakai gara ɗa a na ɵa kai, amma buri ɓa a ɗif zi mihill, won hlai na guɓai t'aŋ tini na ɗa, a na mula pini farai na warɗi par. 7Amma Yesu a muɗa: Hiniti te giɗima hanɗa buri mefeŋ na wiini piŋa. 8Buri ɓa ɗai na murgakai e ɗa gaiki kûreɗ-kûreɗ amma ta ɗa mu na gaiki ɵa haa kureɗ kai.
Yudiyakai e piyi aŋ yimi Yesu
9Fara n'abai na wiiɗi Yudiyakai e sɗi ɓa Lasarus aŋ woni. E hilisi burini Yesu ktai kai, amma e tili Lasarus n'a ɵiyaŋsi amai arbaɗi zi mri par lai. 10Paakai n'abakai zi ɓaka e kiti miɗi buri e fiɗi Lasarus edi lai, 11Buri Yudiyakai viya e tiki piɗi e hiniɗi, e bindi e yimi pini Yesu.
Niyini Yesu aha Yeruzalem
Mat. 21.1-9; Mark. 11.1-10; Luk. 19.28-38
12Dawaini, firiɗi ɗai n'abai n'e hilisi mini fet ɗa, e ɵini ɓa Yesu a na halasi a Yeruzalem, 13ɗai e mili goyorni huura tiɗi, e niyisi edi mini e ɗûûli e miɗi:
Hozana,
Kol sini ni n'a na halasi war yikini Epiɗ-ɗai,
pai na wiiɗi Izrayel.
14Yesu a navasi ahini ablehö ktai a sumnasi miɗini dam, maini n'aŋ gaini ɗû nɵa:
15Ki hiini kai tiki ɗai na Siyon,
paiki a na halasi,
midiɗi ahiɗi ablehoi dam.
16Ɗaini zi hitri e ɵini ezini wala hanɗa edi kai haw, amma won hlai na Yesu a nava kol ya ɗa, nɵa midiɗi a kɵa ɓa: Seŋ hanɗa a ɗo burini, ɓa e zi hanɗa burini lai.
17Firiɗi ɗai n'e ɗi ka gaini won hlai n'a yikasi Lasarus edi warni waŋ par, aŋ ɵiyaŋ amai arbaɗi zi mri par ɗa, e zi zaida miɗini. 18Firiɗi ɗai e hilisi edi mini na ɗa burini hanɗa, buri e ɵini ɓa a za siŋki hanɗa. 19Nɵa Farisekai e miɗi arbaɗi marɗi: Tiki kaw le, ki kiɗi ki zi wala ktai kai, ɗai ɗa e ɵini paŋ kafa.
Ɗai na grek e piyi aŋ tili Yesu
20Grekkai na zamai e ɗi fu arbaɗi ɗai n'e hili amai aŋ siiwi miɗi fet ɗa, 21e tûrûsi sini Filip na Betsaida na war Galeliya par e miɗini: Ɗif n'abai, mi firiyi mi tili Yesu. 22Filip a halasi a miɗini wiini Andre ta, Andre gaini Filip e hilisi e miɗini wiini Yesu. 23Yesu a waya seŋ a miɗiɗi: Ler a cosi ya, na woni Ahini ɗif aga a nava rɗi n'amai. 24Jre, jre, mu miɗiki, na ɓa seyemni wai a kɵa arni afti kaalai, a mra kaalai ɗa a hina ɵa ktai, amma na ɓa a mra li ɗa a wa ali viya. 25Asiya ɗi paŋ n'a godo suŋfani aga a baŋ, asiya ɗi paŋ n'a bula gaw sini suŋfani warɗi yai hanɗa aga a giŋmaŋ haa sini suŋfa n'a vada kai. 26Na ɓa ɗif a dara a za ɵeŋŋa ɗa, a pɗem ɓa a tapasi pa, hlai na m'aŋ woni ɗa, ɵeŋŋa ɗa aga a sumna woni lai. Na ɓa ɗif a dara a za ɵeŋŋa ɗa aga a sini kol ɗa a Api.
Yesu a muɗa miɗini mrini
27Tiyana ɗa, m'aŋ warni kwimi, na mu muɗa zamai ɗa a maɗ a Api, kurɗaŋa edi miɗi ler hanɗa par kruɗ, amma mu hala war ler hanɗa na ɗa buri hanɗa. 28Api sa kol wiini yikuku. Nɵa wule ktai a wasi amai warni fuŋ-n'Alaw par a muɗa: Mu sini kol ya, aga mu sini kol pra. 29Firiɗi ɗai n'e ɗa won hlai ni n'e ɵini wule hanɗa e miɗi ɓa hanɗa a wulani Alaw zi ɓarai, na zamai e miɗi: a miɗinisi ɗa a ɗif zi ɵeŋ. 30Yesu a tika seŋ a muɗa: Wule hanɗa a wasi na ɗa buriya kai, amma buriki tiki. 31Sariya na wiiɗi yai hanɗa te za na ɗa tiyana, pai na wiiɗi yai hanɗa aga e birgiŋ anene. 32Ta ɗa, won hlai na mu nava higi n'amai sini luwuŋ li ɗa, aga mu tipiɗisi ɗai paŋ sa. 33A muɗa hanɗa buri a siŋkiɗi miɗini mri n'aga a mra gaini ɗa. 34Firiɗi ɗai e wiyi seŋ e miɗini: Tiyi mi ɵini war gadai zi ɗû par ɓa Kristu aga a sumna haa hlai n'a vada kai lai ɗa, kapai tuku ku miɗiyi ɓa: Sai Ahini ɗif a haga amai ɗa, Ahini ɗif ni ɗa asiya ɗa?
35Yesu a miɗiɗi: Gaglai a na arbaki buri hlai n'agwi hai, piyi war hlai na gaglai a na ɗa kapai gegeŋ a luɓasi midiki kai. Ni n'a paya war gegeŋ ɗa a sɗa hlai n'a hala woni kai. 36Won hlai na gaglai a na arbaki hai, ki yimi pini gaglai kapai ki bindi aŋ alini gaglai.
Asakal n'e miɗi seŋ hanɗa ya, Yesu a hala wiini, a ŋoya wuzaɗi cok.
Yimi-kai na wiiɗi Yudiyakai
37Gaini wazagai zi siŋki n'a zaŋ wuzani arɗi paŋ tekeɗeɗi e yimi warni kai. 38Kapai seŋ na ɗif na mini Alaw Esaya a muɗaŋ ɗa a va amai won hlai n'a muɗa ɓa:
Epiɗ-ɗai, seŋ na e ɵiniŋ miyi par ɗa, n'a yima pini ɗa asiya ɗa?
N'EPIƊ-ƊAI a siŋka spakni edi sini ɗa asiya ɗa?
39Na ɓa e kiɗi e yimi kai ɗa, na buri na ɓa Esaya a muɗa pra ɓa:
40A ŋulva arɗi tik,
a diŋra agulɗi diŋir lai,
kapai e tili gaini arɗi kai,
kapai e ɵini ezini edi gaini futini kaalai,
kapai e wiyisi duɓaɗi mu zûûliɗi lai kai.
41Hanɗa a seŋ na Esaya a muɗaŋ ɗa, buri a tiliti abaini, a muɗa miɗini lai. 42Gaini hanɗa paŋ, koo arbaɗi n'abakai tekeɗeɗi n'e yimi pini viya amma buri Farisekai ɗa e miɗi hanɗa edi gaglai kai kapai e birgiɗisi amlai warni Sinagogne par kai. 43Buri e firiyi kol na ɗai e siŋɗi a suwa na sini Alaw par ɗa.
Seŋ na Yesu a muɗaŋ ɗa aga a ɗûklûti sariya
44Yesu a ɗuula a muɗa: Ni n'a yima wara, a yima wara kai, amma warni ni n'a ɵinaŋasi ɗa. 45Ni n'a talaŋa, a tala ɗa a ni n'a ɵinaŋasi ɗa. 46Ta na mu gaglai ɗa mu halasi warɗi yai buri ɓa asiya ɗi paŋ n'a yima wara ɗa aga a sumna war gegeŋ kai. 47Na ɓa ɗif a ɵina seŋŋa li, a yimaŋ kai ɗa, ta mu ɗûklûti sariya miɗini kai buri mu halasi aŋ ɗûklûti sariya miɗiɗi ɗai na warɗi yai kai, amma aŋ kûrɗi ɗai na warɗi yai ɗa edi. 48Ni n'a bulaŋa edi, a yima seŋ na wiya kaalai, wala n'a ɗûklûti sariya miɗini a na, seŋ na mu muɗaŋ a ni n'aga a ɗûklûti sariya miɗini war mefeŋ n'asakal ɗa. 49Buri ta mu muɗa gaini mada dama kai, Api n'a ɵinaŋasi ɗa, A ni n'a saŋa gadai miɗini wala n'aga mu muɗaŋ, n'aga mu za zaida miɗini lai. 50Mu sɗa ɓa gadai na wiini ɗa a suŋfa n'a vada kai, nɵa wala na ta mu muɗaŋ ɗa, mu muɗaŋ ɗa maini n'Api a muɗaŋa ɗa nɵa.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964