लूकस 23
23
पिलातुसी मुन्द येसुस
(मत्ता 27:1,2,11-14; मर 15:1-5; यॊ 18:28-38)
1तहाँ सौंसे गोंहड़ा चॊचा ती येसुसिन राजी ख़ापू पिलातुस गुसन होच्चा। 2अरा आर आसी मइय्याँ एन्ने बाचर ती दोस ठेका ब'आ हेलरर, “ऎम ईसिन एम्है आलारिन बहक'अना अरा कैसरस गे मालगुजारी चि'आ गे छेंकना अरा तंगन मसी बॆल ब'अना मेंजका र'अदम।” 3ख़ने पिलातुस येसुसिन मेंजस, “नीन यहूदीर ही बॆलय का?” येसुस किर्त'अर बाचस, “नीन ब'अदय अन्ने दिम हवे।” 4ख़ने पिलातुस मुध नैगर अरा गोंहड़ा ती बाचस, “ऎन ई आलस मइय्याँ इन्द्रिइम दोस मल ख़क्खदन।” 5लिकिन आर कोड़हे ब'आ लगियर, “ईस गलिलेया जिला ती ऒरे ननारकी इय्या गूटी यूदेया राजी नू ओर्मा अड्डा नू सिखाबाचस ती आलारिन भड़क'अदस।” 6पिलातुस इदन मेनरकी मेंजस, “एन्देर ईस गलिलेया नू र'ऊ आलस का?” 7अरा आस एन्ने अक्खस का येसुस गलिलेया ता हिकदस अरा आस हॆरॊदॆसी आकुस ता हिकदस। ख़ने आस आसिन हॆरॊदॆस गुसन तइय्यस चिच्चस। अबड़ा उल्ला नू हॆरॊदॆस येरुसलॆम नुम र'आलियस।
हॆरॊदॆसी मुन्द येसुस
8हॆरॊदॆस येसुसीन ईरियस ती नगदे खुसमारस। आस गा नगदे उल्ला ती आसिन ऎरा बेद्दा लगियस। एन्देरगेका आस येसुसी पत्त नू बग्गे कत्थन मेंजकाचस, अरा आस आसी ती एकअम अकबक नलखन ऎरा बेद्दा लगियस। 9आस आसिन अजम कत्थन मेंजस, लिकिन येसुस एन्देर हूँ आना मल किर्ताचस। 10अरा मुध नैगर अरा नॆग सिखाब'उर इज्जर ती मुर्रा मुर्रा आसी मइय्याँ दोस लगा बाचर। 11ख़ने हॆरॊदॆस तंग्है सैनर गने येसुसिन ख़ाँड़चस, लज्जे मॊख़ताचस अरा बॆलस लेक्खा बिलचना किचरिन अत्ताचस अरा येसुसिन पिलातुस गुसन किर्ताचस। 12अउलम पिलातुस अरा हॆरॊदॆस सखी मंजर केरर, इदिन ती मुन्द आर बैरी रहचर।
पिलातुस येसुस गे पिटना दंडे चि'अदस
(मत्ता 27:15-26; मर 15:6-15; यॊ 18:39—19:16)
13तहाँ पिलातुस मुध नैगर दरा नन्ना यहूदी मुद्धर अरा आलारिन मीख़ियस ती ख़ॊंड़चस। 14अरा आरिन बाचस, “नीम ई आलासिन हुलहुली ननू बाचकर ती एंग्है गुसन ओन्द्रकर। अरा ऎरा, ऎन ईसिन निम्है मुन्दहारे जंच्चकन। लिकिन एका कत्था ही पत्त नू नीम ईस मइय्याँ दोस ठेकबाचकर अदिन ऎन आस मइय्याँ मल ख़क्खकन। 15अरा हॆरॊदॆस हूँ मल ख़क्खियस। आस गा एम्है गुसन ईसिन किर्ताचस। अरा ऎरा, पिटरना जॊगे एन्देर नलख हूँ ईस मल नंजकादस। 16औंगे ईसिन ऎन कोर्रा लौत'ओन ती अम्बोन चि'ओन।” 17[अक्कुन पिलातुस गे चानुम कट्टना परब ही उल्ला नू ओन्टा गुड़ुरकासिन यहूदी आलर गे अम्बना चाड़ रहचा।]#23:17 जोक्को ख़ेक्खा ता लिख्रका पच्चा पुथी गुट्ठी नू ईद जोड़रकी र'ई।
18लिकिन ओर्मा आलर चिच्चियारनुम ब'आ लगियर, “ईसिन पिटा अरा एमा गे बरब्बसिन अम्बा।” 19ई बरब्बस नगरे नू हुलहुली नंजका दरा आल पिटका चड्डे जेहेल नू गुड़ुरका रहचस। 20पिलातुस गा येसुसिन अम्बा बेद्दना चड्डे आलारिन अउर ओंग्होन मेंजस। 21आर गा, “ईसिन क्रुस नू ठोक'आ, क्रुस नू ठोक'आ” ब'अरकी चिच्चियारर। 22पिलातुस तिसर हॆल आरिन बाचस, “एन्देरगे, ईस एन्देर मलदौ नंजकादस? ऎन गा ईस नू पिटरना जॊगे एन्देर हूँ गुन्हा मल ख़क्खकन। औंगे ईसिन लौत'ओन ती अम्बोन चि'ओन।” 23लिकिन आर कोड़हे चिच्चियार चिच्चियार आना लगियर का ईसिन क्रुस नू ठोकना र'ई। अरा आर ही चिच्चियारना दिम जीतचा। 24ख़ने पिलातुस आर ही ने'अना लेक्खा नना गे हुकमारस। 25अरा आस हुलहुली नंजका दरा पिटका चड्डे जेहेल नू गुड़ुरकासिन आर ही ने'अना लेक्खा आसिन अम्बियस चिच्चस अरा येसुसिन आर ही मने लेक्खा नन्त'आ गे सोंपचस।
येसुसी क्रुस नू अरगरना
(मत्ता 27:32-44; मर 15:21-32; यॊ 19:17-27)
26सैनर येसुसिन हो'आ लगियर, आ बारी सिमॊन नामे कुरॆनॆ नगरे ता आलस पद्दा तरती येरुसलॆम बर'आ लगियस। आसिन ढेवां नंजर ती क्रुस आबोन चेड़ताचर अरा येसुसी ख़ॊख़ा ख़ॊख़ा हो'आ काला गे बाचर। 27बग्गे आलर ही गोंहड़ा अरा आस गे चींख़नुम ओलख़नुम मुक्कर हूँ आसी ख़ॊख़ा ख़ॊख़ा काला लगियर। 28लिकिन येसुस आर ही तरा बिड़दरस ती बाचस, “अना येरुसलॆम ता मुक्कारो, एंग्है चड्डे अमा चींख़ा, निमा गे अरा निम्है ख़द्दर गे चींख़ा। 29ऎरा, आ सस्ती ही उल्ला बर'आ लगी एकइय्या आलर ब'ओर, ‘बंझली मुक्कर गे दौ मनी, अरा एका मुक्कर इकला हूँ ख़द्द मल्ला पक्का अरा ख़द्दारिन मल्ला पॊसका आर गे दौ मनी।’ 30तहाँ आलर परता गुट्ठिन ब'ओर, ‘एम्है मइय्याँ खत्तर'अय’ अरा टुंगरिन ब'ओर ‘एमन डब'अय।’#हो 10:8; दहद 6:16 31एन्देरगेका आर हरियर मन्न गने एन्ने नन्नर होले ख़ैका मन्न गने एन्देर एन्देर मल ननोर?”
32आर दुई झन मलदौ नलख नंजका आलारिन हूँ येसुस गने पिटा गे हो'आ लगियर। 33आर खपरोही बारना अड्डा अंड़सियर ख़ने, आर असन येसुसिन दरा मलदौ नंजका आलारिन क्रुस नू ठोकचर#23:33 ख़ेक्खा झुम्पा अरा ख़ेड्डे झुम्पा नू काँटी ठोकचर।। ओर्तोसिन तीना अरा ओर्तोसिन डेब्बा पक्खा ठोकचर। 34[ख़ने येसुस बाचस, “अना बबा, ईरिन छमा नना, ईर गा एन्देर नन्नर अदिन बलनर।”] अरा सैनर चिठी टिड्डर ती आसी किचरी गुट्ठिन ख़ट्टरर#23:34 गुड़ुरकारिन क्रुस नू ठोकना बारी सैनर आर ही जिनिसन चिट्ठी टिड़'अरकी ख़ट्टरनर।।#भज 22:18 35आलर इज्जर ती ऎरना बारी रहचर। अरा यहूदी मुद्धर येसुसिन लज्जे मॊख़ताचर ती बाचर, “ईस गा नन्नारिन नाड़ियस, ईस धर्मेसी चज्जिका आल मसीस हिकदस होले तंगन नाड़दस नेकअन।”#भज 22:7 36अरा सैनर हूँ आसिन लज्जे मॊख़ताचर, अरा बरचर ती आस गे तिस्सा अंगुर रासी चिच्चर।#भज 69:21 37अरा बाचर, “नीन यहूदीर ही बॆलय हिकदय होले निंगन नाड़ा।” 38अरा दोस चिठी#23:38 गुड़ुरकारीन क्रुस नू ठोकना बारी आर ही दोस चिट्ठी लिख'अरकी ठोकना रोमीर ही चाल हवे। हूँ आसी मइय्याँ क्रुस नू लिख्रकी रहचा का “ईस यहूदीर ही बॆलस हिकदस।”
39क्रुस नू ठोकचका मलदौ आलर ती ओर्तोस येसुसिन निंदा नंजस दरा बाचस, “नीन मसी मलदय का? अन्ने होले निंगन अरा एमन हूँ नाड़ा।” 40लिकिन नन्नस आसिन घुड़काचस ती बाचस, “एन्देर नीन धर्मेसिन हूँ मल एल्चदय? नीन हूँ गा अन्नेम दंडे ख़क्खालदय। 41अरा नम्है दंडे गा नॆग ती मानिम र'ई, नाम नम्है नलख ही जोक्खा दंडे ख़क्खा लगदत। लिकिन ई आलस एन्देर हूँ मलदौ मल नंजकादस।” 42ख़ने आस बाचस, “अना येसु, इकला नीन निंग्है राजी नू राजी ननोय एंगन सुरत'अके।” 43येसुस आसिन बाचस, “ऎन निंगन मानिम ब'अदन, इन्नम नीन एंग्है गने परदेसोस#23:43 परदेसोस अन्ने अड्डा र'ई का धर्मेसिन पॆसकन पॆस्र'उर केचका ख़ॊख़ा असन कानर, इदन खुस ही अड्डा ब'अनर।। नू र'ओय।”
येसुसी जिया बिछरना
(मत्ता 27:45-56; मर 15:33-41; यॊ 19:28-30)
44अक्कु मलागूटी लोहाड़ी बारा बजे रहचा। ई बारी ती तीन बजे गूटी गोट्टा चक ऊख़ा मंजा केरा। 45बीड़ी ऊख़ा मंजा। अरा धर्मेसी मन्दिर ही परदा#23:45 धर्मेस मूसस गे ओन्टा परदा कम'अरकी महबा अड्डा नू अदिन लगाब'आ गे आनकाचस, आद नेमहा अड्डन अरा परमनेमहा अड्डन छिंडकी र'ओ। (निर्ग 26:31-33) ई परदा ईद'ई का एकअम आलर अरा नैगर हूँ धर्मेसी हेद्दे मना पोलनर। लिकिन इकला येसुस केच्चस, ख़ने एका परदा धर्मेस अरा आलारिन छिंडकी रहचा आद नास मंजा केरा। मइय्याँ ती किइय्या गूटी चर्रा ती दुई फड़ा मंजा केरा।#निर्ग 26:31-33 46अरा येसुस जॊरसरिया चिच्चियारनुम बाचस, “अना बबा, ऎन एंग्है बॊलतन निंग्है ख़ेक्खा नू अम्बदन।” अरा एन्ने बाचस ती आस तंग्है जियन बिच्छरस।#भज 31:5 47ई मंजकन रोमी सैनर ही मुद्धस ईरियस ती धर्मेसी ओहमा नंजस अरा बाचस, “मानिम ई आलस उजगो रहचस।” 48अरा असन ख़ॊंड़रका उर्मी आलर ई मंजकन ईरियर ती दुक्खे ती तम्है एवंख़न ठोकोरनुम तम्है एड़पा किर्रियर। 49अरा येसुसी ओर्मा चिन्हार आलर अरा गलिलेया जिला ती आस गने चॊंख़्रका मुक्कर गेच्छम इज्जर ती इबड़ा उर्मिन ऎरा लगियर।#लूक 8:2,3
येसुसी माड़तारना
(मत्ता 27:57-61; मर 15:42-47; यॊ 19:38-42)
50असन यॊसॆफस नामे यहूदीर ही सभा ता आलस रहचस। आस दौ अरा उजगो आलस रहचस। 51आस यूदेया जिला ही अरिमतिया पद्दा ता आलस रहचस। आस गे यहूदी मुद्धर ही इबड़ा चिताबुता अरा नलख ती मने मल रहचा। अरा आस धर्मेस इकला तंग्है आलारिन राजी ननोस अदिन आस पाब ऎरालियस। 52आस पिलातुस गुसन केरस ती येसुसी मॆदन नॆचस। 53अरा अदिन एत्ताचस ती ओन्टा दिगहा कफन किचरी ती मुसगियस अरा चचड़ी नू पत्तरकी कम्रका ओन्टा मसड़ा नू कीदस, अइय्या इकला हूँ नॆकन हूँ मल उइय्का रहचा। 54आ उल्ला सपड़'अना ही उल्ला रहचा अरा बीड़ी पुत्तका ती ख़न्न ऎख़ना उल्ला ऒरे मन्ना रहचा। 55अबड़ा मुक्कर नॆ येसुस गने गलिलेया जिला ती बरचका रहचर आर यॊसॆफसी ख़ॊख़ा ख़ॊख़ा केरर दरा मसड़न दरा आसी मॆद एकासे उइरा अदिन ईरियर। 56ख़ने आर किर्रियर ती येसुसी मॆद नू नलबा गे गमगमरना आलॊन दरा गमगमरना इसुंगन सराजमा नंजर। अरा ख़न्न ऎख़ना उल्ला ही मूसासी नॆग ही लेक्खा ख़न्न ऎख़रर।#निर्ग 20:10; व्य 5:14
S'ha seleccionat:
लूकस 23: KURUXBSI
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Kurux NT - पुना गच्छरना NT
Copyright © Bible Society of India, 2014.
Used by permission. All rights reserved worldwide.
लूकस 23
23
पिलातुसी मुन्द येसुस
(मत्ता 27:1,2,11-14; मर 15:1-5; यॊ 18:28-38)
1तहाँ सौंसे गोंहड़ा चॊचा ती येसुसिन राजी ख़ापू पिलातुस गुसन होच्चा। 2अरा आर आसी मइय्याँ एन्ने बाचर ती दोस ठेका ब'आ हेलरर, “ऎम ईसिन एम्है आलारिन बहक'अना अरा कैसरस गे मालगुजारी चि'आ गे छेंकना अरा तंगन मसी बॆल ब'अना मेंजका र'अदम।” 3ख़ने पिलातुस येसुसिन मेंजस, “नीन यहूदीर ही बॆलय का?” येसुस किर्त'अर बाचस, “नीन ब'अदय अन्ने दिम हवे।” 4ख़ने पिलातुस मुध नैगर अरा गोंहड़ा ती बाचस, “ऎन ई आलस मइय्याँ इन्द्रिइम दोस मल ख़क्खदन।” 5लिकिन आर कोड़हे ब'आ लगियर, “ईस गलिलेया जिला ती ऒरे ननारकी इय्या गूटी यूदेया राजी नू ओर्मा अड्डा नू सिखाबाचस ती आलारिन भड़क'अदस।” 6पिलातुस इदन मेनरकी मेंजस, “एन्देर ईस गलिलेया नू र'ऊ आलस का?” 7अरा आस एन्ने अक्खस का येसुस गलिलेया ता हिकदस अरा आस हॆरॊदॆसी आकुस ता हिकदस। ख़ने आस आसिन हॆरॊदॆस गुसन तइय्यस चिच्चस। अबड़ा उल्ला नू हॆरॊदॆस येरुसलॆम नुम र'आलियस।
हॆरॊदॆसी मुन्द येसुस
8हॆरॊदॆस येसुसीन ईरियस ती नगदे खुसमारस। आस गा नगदे उल्ला ती आसिन ऎरा बेद्दा लगियस। एन्देरगेका आस येसुसी पत्त नू बग्गे कत्थन मेंजकाचस, अरा आस आसी ती एकअम अकबक नलखन ऎरा बेद्दा लगियस। 9आस आसिन अजम कत्थन मेंजस, लिकिन येसुस एन्देर हूँ आना मल किर्ताचस। 10अरा मुध नैगर अरा नॆग सिखाब'उर इज्जर ती मुर्रा मुर्रा आसी मइय्याँ दोस लगा बाचर। 11ख़ने हॆरॊदॆस तंग्है सैनर गने येसुसिन ख़ाँड़चस, लज्जे मॊख़ताचस अरा बॆलस लेक्खा बिलचना किचरिन अत्ताचस अरा येसुसिन पिलातुस गुसन किर्ताचस। 12अउलम पिलातुस अरा हॆरॊदॆस सखी मंजर केरर, इदिन ती मुन्द आर बैरी रहचर।
पिलातुस येसुस गे पिटना दंडे चि'अदस
(मत्ता 27:15-26; मर 15:6-15; यॊ 18:39—19:16)
13तहाँ पिलातुस मुध नैगर दरा नन्ना यहूदी मुद्धर अरा आलारिन मीख़ियस ती ख़ॊंड़चस। 14अरा आरिन बाचस, “नीम ई आलासिन हुलहुली ननू बाचकर ती एंग्है गुसन ओन्द्रकर। अरा ऎरा, ऎन ईसिन निम्है मुन्दहारे जंच्चकन। लिकिन एका कत्था ही पत्त नू नीम ईस मइय्याँ दोस ठेकबाचकर अदिन ऎन आस मइय्याँ मल ख़क्खकन। 15अरा हॆरॊदॆस हूँ मल ख़क्खियस। आस गा एम्है गुसन ईसिन किर्ताचस। अरा ऎरा, पिटरना जॊगे एन्देर नलख हूँ ईस मल नंजकादस। 16औंगे ईसिन ऎन कोर्रा लौत'ओन ती अम्बोन चि'ओन।” 17[अक्कुन पिलातुस गे चानुम कट्टना परब ही उल्ला नू ओन्टा गुड़ुरकासिन यहूदी आलर गे अम्बना चाड़ रहचा।]#23:17 जोक्को ख़ेक्खा ता लिख्रका पच्चा पुथी गुट्ठी नू ईद जोड़रकी र'ई।
18लिकिन ओर्मा आलर चिच्चियारनुम ब'आ लगियर, “ईसिन पिटा अरा एमा गे बरब्बसिन अम्बा।” 19ई बरब्बस नगरे नू हुलहुली नंजका दरा आल पिटका चड्डे जेहेल नू गुड़ुरका रहचस। 20पिलातुस गा येसुसिन अम्बा बेद्दना चड्डे आलारिन अउर ओंग्होन मेंजस। 21आर गा, “ईसिन क्रुस नू ठोक'आ, क्रुस नू ठोक'आ” ब'अरकी चिच्चियारर। 22पिलातुस तिसर हॆल आरिन बाचस, “एन्देरगे, ईस एन्देर मलदौ नंजकादस? ऎन गा ईस नू पिटरना जॊगे एन्देर हूँ गुन्हा मल ख़क्खकन। औंगे ईसिन लौत'ओन ती अम्बोन चि'ओन।” 23लिकिन आर कोड़हे चिच्चियार चिच्चियार आना लगियर का ईसिन क्रुस नू ठोकना र'ई। अरा आर ही चिच्चियारना दिम जीतचा। 24ख़ने पिलातुस आर ही ने'अना लेक्खा नना गे हुकमारस। 25अरा आस हुलहुली नंजका दरा पिटका चड्डे जेहेल नू गुड़ुरकासिन आर ही ने'अना लेक्खा आसिन अम्बियस चिच्चस अरा येसुसिन आर ही मने लेक्खा नन्त'आ गे सोंपचस।
येसुसी क्रुस नू अरगरना
(मत्ता 27:32-44; मर 15:21-32; यॊ 19:17-27)
26सैनर येसुसिन हो'आ लगियर, आ बारी सिमॊन नामे कुरॆनॆ नगरे ता आलस पद्दा तरती येरुसलॆम बर'आ लगियस। आसिन ढेवां नंजर ती क्रुस आबोन चेड़ताचर अरा येसुसी ख़ॊख़ा ख़ॊख़ा हो'आ काला गे बाचर। 27बग्गे आलर ही गोंहड़ा अरा आस गे चींख़नुम ओलख़नुम मुक्कर हूँ आसी ख़ॊख़ा ख़ॊख़ा काला लगियर। 28लिकिन येसुस आर ही तरा बिड़दरस ती बाचस, “अना येरुसलॆम ता मुक्कारो, एंग्है चड्डे अमा चींख़ा, निमा गे अरा निम्है ख़द्दर गे चींख़ा। 29ऎरा, आ सस्ती ही उल्ला बर'आ लगी एकइय्या आलर ब'ओर, ‘बंझली मुक्कर गे दौ मनी, अरा एका मुक्कर इकला हूँ ख़द्द मल्ला पक्का अरा ख़द्दारिन मल्ला पॊसका आर गे दौ मनी।’ 30तहाँ आलर परता गुट्ठिन ब'ओर, ‘एम्है मइय्याँ खत्तर'अय’ अरा टुंगरिन ब'ओर ‘एमन डब'अय।’#हो 10:8; दहद 6:16 31एन्देरगेका आर हरियर मन्न गने एन्ने नन्नर होले ख़ैका मन्न गने एन्देर एन्देर मल ननोर?”
32आर दुई झन मलदौ नलख नंजका आलारिन हूँ येसुस गने पिटा गे हो'आ लगियर। 33आर खपरोही बारना अड्डा अंड़सियर ख़ने, आर असन येसुसिन दरा मलदौ नंजका आलारिन क्रुस नू ठोकचर#23:33 ख़ेक्खा झुम्पा अरा ख़ेड्डे झुम्पा नू काँटी ठोकचर।। ओर्तोसिन तीना अरा ओर्तोसिन डेब्बा पक्खा ठोकचर। 34[ख़ने येसुस बाचस, “अना बबा, ईरिन छमा नना, ईर गा एन्देर नन्नर अदिन बलनर।”] अरा सैनर चिठी टिड्डर ती आसी किचरी गुट्ठिन ख़ट्टरर#23:34 गुड़ुरकारिन क्रुस नू ठोकना बारी सैनर आर ही जिनिसन चिट्ठी टिड़'अरकी ख़ट्टरनर।।#भज 22:18 35आलर इज्जर ती ऎरना बारी रहचर। अरा यहूदी मुद्धर येसुसिन लज्जे मॊख़ताचर ती बाचर, “ईस गा नन्नारिन नाड़ियस, ईस धर्मेसी चज्जिका आल मसीस हिकदस होले तंगन नाड़दस नेकअन।”#भज 22:7 36अरा सैनर हूँ आसिन लज्जे मॊख़ताचर, अरा बरचर ती आस गे तिस्सा अंगुर रासी चिच्चर।#भज 69:21 37अरा बाचर, “नीन यहूदीर ही बॆलय हिकदय होले निंगन नाड़ा।” 38अरा दोस चिठी#23:38 गुड़ुरकारीन क्रुस नू ठोकना बारी आर ही दोस चिट्ठी लिख'अरकी ठोकना रोमीर ही चाल हवे। हूँ आसी मइय्याँ क्रुस नू लिख्रकी रहचा का “ईस यहूदीर ही बॆलस हिकदस।”
39क्रुस नू ठोकचका मलदौ आलर ती ओर्तोस येसुसिन निंदा नंजस दरा बाचस, “नीन मसी मलदय का? अन्ने होले निंगन अरा एमन हूँ नाड़ा।” 40लिकिन नन्नस आसिन घुड़काचस ती बाचस, “एन्देर नीन धर्मेसिन हूँ मल एल्चदय? नीन हूँ गा अन्नेम दंडे ख़क्खालदय। 41अरा नम्है दंडे गा नॆग ती मानिम र'ई, नाम नम्है नलख ही जोक्खा दंडे ख़क्खा लगदत। लिकिन ई आलस एन्देर हूँ मलदौ मल नंजकादस।” 42ख़ने आस बाचस, “अना येसु, इकला नीन निंग्है राजी नू राजी ननोय एंगन सुरत'अके।” 43येसुस आसिन बाचस, “ऎन निंगन मानिम ब'अदन, इन्नम नीन एंग्है गने परदेसोस#23:43 परदेसोस अन्ने अड्डा र'ई का धर्मेसिन पॆसकन पॆस्र'उर केचका ख़ॊख़ा असन कानर, इदन खुस ही अड्डा ब'अनर।। नू र'ओय।”
येसुसी जिया बिछरना
(मत्ता 27:45-56; मर 15:33-41; यॊ 19:28-30)
44अक्कु मलागूटी लोहाड़ी बारा बजे रहचा। ई बारी ती तीन बजे गूटी गोट्टा चक ऊख़ा मंजा केरा। 45बीड़ी ऊख़ा मंजा। अरा धर्मेसी मन्दिर ही परदा#23:45 धर्मेस मूसस गे ओन्टा परदा कम'अरकी महबा अड्डा नू अदिन लगाब'आ गे आनकाचस, आद नेमहा अड्डन अरा परमनेमहा अड्डन छिंडकी र'ओ। (निर्ग 26:31-33) ई परदा ईद'ई का एकअम आलर अरा नैगर हूँ धर्मेसी हेद्दे मना पोलनर। लिकिन इकला येसुस केच्चस, ख़ने एका परदा धर्मेस अरा आलारिन छिंडकी रहचा आद नास मंजा केरा। मइय्याँ ती किइय्या गूटी चर्रा ती दुई फड़ा मंजा केरा।#निर्ग 26:31-33 46अरा येसुस जॊरसरिया चिच्चियारनुम बाचस, “अना बबा, ऎन एंग्है बॊलतन निंग्है ख़ेक्खा नू अम्बदन।” अरा एन्ने बाचस ती आस तंग्है जियन बिच्छरस।#भज 31:5 47ई मंजकन रोमी सैनर ही मुद्धस ईरियस ती धर्मेसी ओहमा नंजस अरा बाचस, “मानिम ई आलस उजगो रहचस।” 48अरा असन ख़ॊंड़रका उर्मी आलर ई मंजकन ईरियर ती दुक्खे ती तम्है एवंख़न ठोकोरनुम तम्है एड़पा किर्रियर। 49अरा येसुसी ओर्मा चिन्हार आलर अरा गलिलेया जिला ती आस गने चॊंख़्रका मुक्कर गेच्छम इज्जर ती इबड़ा उर्मिन ऎरा लगियर।#लूक 8:2,3
येसुसी माड़तारना
(मत्ता 27:57-61; मर 15:42-47; यॊ 19:38-42)
50असन यॊसॆफस नामे यहूदीर ही सभा ता आलस रहचस। आस दौ अरा उजगो आलस रहचस। 51आस यूदेया जिला ही अरिमतिया पद्दा ता आलस रहचस। आस गे यहूदी मुद्धर ही इबड़ा चिताबुता अरा नलख ती मने मल रहचा। अरा आस धर्मेस इकला तंग्है आलारिन राजी ननोस अदिन आस पाब ऎरालियस। 52आस पिलातुस गुसन केरस ती येसुसी मॆदन नॆचस। 53अरा अदिन एत्ताचस ती ओन्टा दिगहा कफन किचरी ती मुसगियस अरा चचड़ी नू पत्तरकी कम्रका ओन्टा मसड़ा नू कीदस, अइय्या इकला हूँ नॆकन हूँ मल उइय्का रहचा। 54आ उल्ला सपड़'अना ही उल्ला रहचा अरा बीड़ी पुत्तका ती ख़न्न ऎख़ना उल्ला ऒरे मन्ना रहचा। 55अबड़ा मुक्कर नॆ येसुस गने गलिलेया जिला ती बरचका रहचर आर यॊसॆफसी ख़ॊख़ा ख़ॊख़ा केरर दरा मसड़न दरा आसी मॆद एकासे उइरा अदिन ईरियर। 56ख़ने आर किर्रियर ती येसुसी मॆद नू नलबा गे गमगमरना आलॊन दरा गमगमरना इसुंगन सराजमा नंजर। अरा ख़न्न ऎख़ना उल्ला ही मूसासी नॆग ही लेक्खा ख़न्न ऎख़रर।#निर्ग 20:10; व्य 5:14
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Kurux NT - पुना गच्छरना NT
Copyright © Bible Society of India, 2014.
Used by permission. All rights reserved worldwide.