LUK 24
24
Xuchilethuve
(Mt 28.1-10; Mk 16.1-8; Jn 20.1-10)
1Totimiqoye tughakhani inaqhe itheno axokutsungu kutope puakeu pesu akumokilo wue. 2Akumoki hukikha tuqu hu tukulove aghikeu panonguno ithulu. 3Tighenguno panonguno vejoi alou ilo, ikemu panonguye Ampeu Jisu sukumo phumlave. 4Panonguno highenguno avehu izu akelono paikhavi lono timi kini yevuqai keu phi upuzu panongu phivilo puthughoe. 5Panonguye thughuyive eno itsaqive, ikemu timi pamano pi, “Kushiye kithimi gholo kuxumi phuju chenia? 6Paye hile kuhae; paye ithuvae. Pano Galil lo aphi lono nongu vilo kiu pikeno kumsuchile julo. 7‘Timi Nu ye kros lo yedave eno akuthunilo xuithuve penike axinemi ulo suvetsu, masae!’ ” #Mt 16.21; 17.22-23; 20.18-19; Mk 8.31; 9.31; 10.33-34; Lk 9.22; 18.31-33 8Tithiu totimiqono Jisu tsaqo kumsuchileluve. 9Panonguye akumoki lono ideghino hipaqo kumtsu akhopemi chighi qhaqhi vilo eno kutami kumtsu vilo pi. 10Totimiqo ye Magdala lono ighikeu Maria; Joana ngo Jems paza Maria panongu gholo totimi kutamiqo ishino apostolmi vilo pike. 11Ikemu apostolmiye totimiqono pikeu akiqi kuhamithekeu shi kumsuno panongu tsa pulumoe. 12Pitor ye posusu akumokilo wue. Pano itsaqino jukelo akumo chijekeu phi thono kutau kiumu ithumlae. Tithiu paye akilo idewove eno kishino ishive kelapi akumza qhiyive.
Emaus Lalo Chekelo
(Mk 16.12-13)
13Tipani panongu dolo mikiniye Emaus phulo wuche. Emaus ye Jerusalem lono kilomiter chighiqhaqhi shia. 14Pamaye lakhino lakhi vilo Jerusalem lo kiu shiveakeno kumtsu lhekileche. 15Pamano kuptsa kugha chekelo, Jisu ampino pama kupunu ighi eno pama gholo cheche wuve. 16Pamaye pa ithulu, ikemu kishikela mthano Jisu kepi michimla. 17Jisu no pama vilo iniju, “Nokujoye alalo chechekelo kiu tsa kutsalakile chenikya?” Pamaye agi khummuyi inaqhoi puthughove. 18Pama dolo Kleopa ipikeuno pa iniju, “Jerusalem lo akemi dolo olikhino ishi dolo kiu shiakela mtha ketoino kwa?” 19“Kiu keno?” ipi pano iniju. “Nazeret noghami Jisu kiu shivekela wa,” ipi pamano khochile. “Timi hipauye tungkupmi lakhike, Alhou zulo eno timi kumtsu zulo paye atsalo pina akumlalo pimu mishisheyi kemie. 20Niwu kishekiphe achinemi eno ayehkipemino pa ikhiphepe pithive nikeu shiveno panonguno kros lo pa yedave. 21Ikemu nino laju achekeuye pano Israilmi xachileluni chekeu shiake! Tinguno alauno ti shivekeu ishi kuthu shi ani, 22eno totimi khami nigholo akeqono ni-shithughuyi puani. Panonguye inaqhe zughuyi aphi lono akumokilo wue, 23ikemu pa sukumo phumlaveno ideghive eno panonguye kungumi sholuepi. Eno kungumino panongu vilo paye xuaphiepi pikeu pi ighi. 24Niqomi khami ghi akumokilo wue eno totimiqono pikeu tiye thwokha kumtsu tishi aghiepi, ikemu panongu ghi Jisu ye ithumlae pike.”
25Tileno Jisu no panongu vilo pi: “Nonguye kiutoi mbomzu kela; tungkupmi kumtsuno pivekeghi nonguno pulu lunikeu kiutoi qei kela! 26Alhou no Kishephe puwukeu Mesiya ye hipaqo ime kupuno pawu ajukuvulo ilonikeu shike kumokesha?” 27Muse kakuqolo eno tungkupmino yehpe puakeqo kumtsu lono huthu susu Kuchoyesu kumtsulo pa ghili pi puakeu Jisu no chixechilei pama vilo pi.
28Khipa phulo pamano wuchekeno tipaphu kupunu ighive eno Jisu no itaghi chekithethu shinike hutoi shi, 29ikemu pamano pa hachileghi pi: “Atsala ghi tsuzuva, eno zumoi wocheake nigholo ngovelo.” Tighenguno pano pama gholo ngonikeu shi wue. 30Kughou pama gholo chuniye ngokelo Jisu no asho ikhilu eno kumghakeu khuvekethiu asho suphono pesu pama tsu. 31Tileno pama nhethi xukhove eno pamano pa michiluve, ikemu paye pama nhekithe lono hauve. 32Pamano lakhino lakhi vilo pi, “Kughou pano alalo ni putsa eno Kuchoyesu chixechilei nivilo pikelo ni-mlolo ami iqukeshi ighike kumokesha?”
33Pamano ngomono ilhethuve puzu Jerusalem lo cheide ighi. Tile apostolmi chighi qhaqhino kutamiqo sasu kuho kumqo aghi. 34“Kuchouno Ampeu ye ithuvae! Simon no pa ithuluvae!” ipi aghikeu phulue. 35Tile pamano panongu vilo alalo chekelo kiu shikeno eno kughou asho supho kije akelo pamano kishi Ampeu michilu keno chixechilei pie.
Jisu no Akhopemi lau Ipeghi
(Mt 28.16-20; Mk 16.14-18; Jn 20.19-23; Aposto 1.6-8)
36Pamano hipau pesu panongu vilo pi aphi lono, paikhavino Ampeu no panongu gholo puthugho aghiveno panongu vilo pi, “Alokiqi nongu gholo alo.” 37Panonguye akichiqhi msaveno aghahwu ithulu ani kughashive. 38Ikemu pano panongu vilo pi, “Nonguye kushiye thughui ani kya? Nongu mlolo kushiye ‘Hiye khuu kela?’ ipi ani kya? 39I-u eno ipukhu julo eno nike kughengu nonguno ni ithulu ake toi aghahwuye aphimpi puaghi chemoe.” 40Hi pi puzu pano pa-u eno pa pukhu panongu piye. 41Tishimu panonguno alokivi launo eno akumza kelauno pulu mlano auve kehu pano panongu vilo pi, “Hile kiuala chukepu ani ma?” 42Panonguno akha ghuvekeu aleqhi lakhi pa tsu, 43pano tipau ikhilu puzu panongu nhekithe lono chuve.
44Tishino pano panongu vilo pi, “Ino nongu gholo aphi lono hipaqo kumtsu nongu vilo pivae!Muse yezahlo,Tungkupmino yehpe puakeulo,eno Leshele lo Ighili yehpe puakeu kumtsu shikupu masae.” 45Tishino kuchoyesu ithikuthulu penike pano panongu kukumsu lhaphetsuno 46panongu vilo pi, “Ishi yeh puani: Khristo ye ime puzu akuthuni akithi lono xuthumasae. 47Eno paje lono xukidekeu, axine pevetsukeu sutsa ashiayeh kumtsu lau Jerusalem lono huthu tughu shino asheshu masae. 48Nonguno hipaqo vehu thopimi shinikemiqoe. 49Julo, ipuno kiu piqhi puani keno ino nongu shou puwuni. Ikemu kunguuno akuka nongu shou ighi mphi kutolo nonguye aphughilo ngokhe aghilo.”
Jisu Kungughalo Sakuve
(Mt 16.18-20; Aposto 1.8-11)
50Tithiu pano panongu sasu Bethani kutolo ipe puzu pau chhope panongu kumghatsu. 51Pano panongu kumghatsu aphi lono, paye panongu launo kututa shive eno kungughalo sakuve. 52Panonguno pa mllae eno shishe alokivishi Jerusalem lo idewove, 53eno ado kumtsu tamo puzu achineki lono Alhou shikimthi ae.
S'ha seleccionat:
LUK 24: SUMIBSI
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
LUK 24
24
Xuchilethuve
(Mt 28.1-10; Mk 16.1-8; Jn 20.1-10)
1Totimiqoye tughakhani inaqhe itheno axokutsungu kutope puakeu pesu akumokilo wue. 2Akumoki hukikha tuqu hu tukulove aghikeu panonguno ithulu. 3Tighenguno panonguno vejoi alou ilo, ikemu panonguye Ampeu Jisu sukumo phumlave. 4Panonguno highenguno avehu izu akelono paikhavi lono timi kini yevuqai keu phi upuzu panongu phivilo puthughoe. 5Panonguye thughuyive eno itsaqive, ikemu timi pamano pi, “Kushiye kithimi gholo kuxumi phuju chenia? 6Paye hile kuhae; paye ithuvae. Pano Galil lo aphi lono nongu vilo kiu pikeno kumsuchile julo. 7‘Timi Nu ye kros lo yedave eno akuthunilo xuithuve penike axinemi ulo suvetsu, masae!’ ” #Mt 16.21; 17.22-23; 20.18-19; Mk 8.31; 9.31; 10.33-34; Lk 9.22; 18.31-33 8Tithiu totimiqono Jisu tsaqo kumsuchileluve. 9Panonguye akumoki lono ideghino hipaqo kumtsu akhopemi chighi qhaqhi vilo eno kutami kumtsu vilo pi. 10Totimiqo ye Magdala lono ighikeu Maria; Joana ngo Jems paza Maria panongu gholo totimi kutamiqo ishino apostolmi vilo pike. 11Ikemu apostolmiye totimiqono pikeu akiqi kuhamithekeu shi kumsuno panongu tsa pulumoe. 12Pitor ye posusu akumokilo wue. Pano itsaqino jukelo akumo chijekeu phi thono kutau kiumu ithumlae. Tithiu paye akilo idewove eno kishino ishive kelapi akumza qhiyive.
Emaus Lalo Chekelo
(Mk 16.12-13)
13Tipani panongu dolo mikiniye Emaus phulo wuche. Emaus ye Jerusalem lono kilomiter chighiqhaqhi shia. 14Pamaye lakhino lakhi vilo Jerusalem lo kiu shiveakeno kumtsu lhekileche. 15Pamano kuptsa kugha chekelo, Jisu ampino pama kupunu ighi eno pama gholo cheche wuve. 16Pamaye pa ithulu, ikemu kishikela mthano Jisu kepi michimla. 17Jisu no pama vilo iniju, “Nokujoye alalo chechekelo kiu tsa kutsalakile chenikya?” Pamaye agi khummuyi inaqhoi puthughove. 18Pama dolo Kleopa ipikeuno pa iniju, “Jerusalem lo akemi dolo olikhino ishi dolo kiu shiakela mtha ketoino kwa?” 19“Kiu keno?” ipi pano iniju. “Nazeret noghami Jisu kiu shivekela wa,” ipi pamano khochile. “Timi hipauye tungkupmi lakhike, Alhou zulo eno timi kumtsu zulo paye atsalo pina akumlalo pimu mishisheyi kemie. 20Niwu kishekiphe achinemi eno ayehkipemino pa ikhiphepe pithive nikeu shiveno panonguno kros lo pa yedave. 21Ikemu nino laju achekeuye pano Israilmi xachileluni chekeu shiake! Tinguno alauno ti shivekeu ishi kuthu shi ani, 22eno totimi khami nigholo akeqono ni-shithughuyi puani. Panonguye inaqhe zughuyi aphi lono akumokilo wue, 23ikemu pa sukumo phumlaveno ideghive eno panonguye kungumi sholuepi. Eno kungumino panongu vilo paye xuaphiepi pikeu pi ighi. 24Niqomi khami ghi akumokilo wue eno totimiqono pikeu tiye thwokha kumtsu tishi aghiepi, ikemu panongu ghi Jisu ye ithumlae pike.”
25Tileno Jisu no panongu vilo pi: “Nonguye kiutoi mbomzu kela; tungkupmi kumtsuno pivekeghi nonguno pulu lunikeu kiutoi qei kela! 26Alhou no Kishephe puwukeu Mesiya ye hipaqo ime kupuno pawu ajukuvulo ilonikeu shike kumokesha?” 27Muse kakuqolo eno tungkupmino yehpe puakeqo kumtsu lono huthu susu Kuchoyesu kumtsulo pa ghili pi puakeu Jisu no chixechilei pama vilo pi.
28Khipa phulo pamano wuchekeno tipaphu kupunu ighive eno Jisu no itaghi chekithethu shinike hutoi shi, 29ikemu pamano pa hachileghi pi: “Atsala ghi tsuzuva, eno zumoi wocheake nigholo ngovelo.” Tighenguno pano pama gholo ngonikeu shi wue. 30Kughou pama gholo chuniye ngokelo Jisu no asho ikhilu eno kumghakeu khuvekethiu asho suphono pesu pama tsu. 31Tileno pama nhethi xukhove eno pamano pa michiluve, ikemu paye pama nhekithe lono hauve. 32Pamano lakhino lakhi vilo pi, “Kughou pano alalo ni putsa eno Kuchoyesu chixechilei nivilo pikelo ni-mlolo ami iqukeshi ighike kumokesha?”
33Pamano ngomono ilhethuve puzu Jerusalem lo cheide ighi. Tile apostolmi chighi qhaqhino kutamiqo sasu kuho kumqo aghi. 34“Kuchouno Ampeu ye ithuvae! Simon no pa ithuluvae!” ipi aghikeu phulue. 35Tile pamano panongu vilo alalo chekelo kiu shikeno eno kughou asho supho kije akelo pamano kishi Ampeu michilu keno chixechilei pie.
Jisu no Akhopemi lau Ipeghi
(Mt 28.16-20; Mk 16.14-18; Jn 20.19-23; Aposto 1.6-8)
36Pamano hipau pesu panongu vilo pi aphi lono, paikhavino Ampeu no panongu gholo puthugho aghiveno panongu vilo pi, “Alokiqi nongu gholo alo.” 37Panonguye akichiqhi msaveno aghahwu ithulu ani kughashive. 38Ikemu pano panongu vilo pi, “Nonguye kushiye thughui ani kya? Nongu mlolo kushiye ‘Hiye khuu kela?’ ipi ani kya? 39I-u eno ipukhu julo eno nike kughengu nonguno ni ithulu ake toi aghahwuye aphimpi puaghi chemoe.” 40Hi pi puzu pano pa-u eno pa pukhu panongu piye. 41Tishimu panonguno alokivi launo eno akumza kelauno pulu mlano auve kehu pano panongu vilo pi, “Hile kiuala chukepu ani ma?” 42Panonguno akha ghuvekeu aleqhi lakhi pa tsu, 43pano tipau ikhilu puzu panongu nhekithe lono chuve.
44Tishino pano panongu vilo pi, “Ino nongu gholo aphi lono hipaqo kumtsu nongu vilo pivae!Muse yezahlo,Tungkupmino yehpe puakeulo,eno Leshele lo Ighili yehpe puakeu kumtsu shikupu masae.” 45Tishino kuchoyesu ithikuthulu penike pano panongu kukumsu lhaphetsuno 46panongu vilo pi, “Ishi yeh puani: Khristo ye ime puzu akuthuni akithi lono xuthumasae. 47Eno paje lono xukidekeu, axine pevetsukeu sutsa ashiayeh kumtsu lau Jerusalem lono huthu tughu shino asheshu masae. 48Nonguno hipaqo vehu thopimi shinikemiqoe. 49Julo, ipuno kiu piqhi puani keno ino nongu shou puwuni. Ikemu kunguuno akuka nongu shou ighi mphi kutolo nonguye aphughilo ngokhe aghilo.”
Jisu Kungughalo Sakuve
(Mt 16.18-20; Aposto 1.8-11)
50Tithiu pano panongu sasu Bethani kutolo ipe puzu pau chhope panongu kumghatsu. 51Pano panongu kumghatsu aphi lono, paye panongu launo kututa shive eno kungughalo sakuve. 52Panonguno pa mllae eno shishe alokivishi Jerusalem lo idewove, 53eno ado kumtsu tamo puzu achineki lono Alhou shikimthi ae.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.