John 9
9
Jesus kaa miinuwaachihaat naapeu ekaa uhchi waapahtamiyich iskunaak kaa pimaatisiyich
1Mekwaach Jesus e pimuhtet uchischinuhamuwaakan e wiichewaat chii waapameu naapeu ekaa uhchi waapahtamiyich iskunaak kaa pimaatisiyich. 2Ekw aniyuu uchischinuhamuwaakan kaa kakwechimikut, “Chischinuhamaachesuu chekwaayuu wehchi ishinaakusit uu naapeu chihchiwe ekaa waapahtahk. Wiya aa e chii machituutahk maak aniyuu uniichihiikw e chii machituutamiyich.”
3Jesus kaa nishkweushihaat, “Namiyeyuu wii umachihtwaawin maak uniichihiikw umachihtuutamuwiniyuu kaa ihtuutaakut wehchi ekaa chii waapahtahk. Chechii waapahtaakanuyich Chishemanituu usuuhkaatisiiwin ekun wehchi ekaa chii waapahtahk uu naapeu. 4Chipaa atushkuwaanuu an kaa pechi itishahuut mekwaach e chiishikaach wesh shaash wiipach kata tipiskaau. Taapaa aapatisinaanuu e tipiskaach. 5Mekwaach utah e ihtaayaan aschiihch eukw niya iinuuch uwaashtewinawaau.”
6Iskutak uyuu kaa itwet Jesus chii sihkuu anite aschiihch ekw kaa sischiihkaachet aniyuu usihkuun e aapachihtaat. Ekw kaa asusunamuwaat uschiishikuyuu aniyuu ekaa kaa waapahtamiyich naapeu aniyuu sischuuyuu e aapachihaat. 7Ekw kaa itaat aniyuu naapeu, “Maachih nituu kaasiihkwe nete kaa chii pakaashimunaanuuhch Siloam kaa ishinihkaatech.” An Siloam e iinaanuuhch “kaa itishahwaakanuut” ishi itweshtamuwaataakanuu. Ekw kaa nituu kaasiihkwe an naapeu ekaa kaa waapahtahk, chii waapahtam maak iskutak miin tekushinit.
8Ekw kaa itweyich aniyuu iinuu kaa chischeyimakut ekw maak aniyuu kaa chii waapamikut e nitutamaat shuuliyaayuu, “Eukw aa uu naapeu kaa chii apit e nitutamaat shuuliyaayuu.”
9Pasch anichii iinuuch chii iteuch, “Eukun an naapeu. Ekw kutakach kaa itwetwaau, namayeu an mikw ekun chekaat e ishinaakusit.” Ekw an naapeu kaa miinuwaachihaakanuut kaa itwet, “Eukw wesin niya.”
10Ekw kaa kakwechimaatwaau e itaatwaau, “Taanite kaa uhchi ispayihch chechii waapahtaman ekw.”
11Ekw an naapeu kaa itwet, “An naapeu Jesus kaa ishinihkaasut nichii miinuwaachihiikw. Sischuu chii pechi asuneu nischiishikuhch, ekw kaa iishit chechii kaasiikweuch anite Siloam kaa ishinihkaatech kaa chii pakaashimunaanuuhch. Ekute kaa ituhteyaan. Iskutak maak kaa chiishi kaasiikweyaan tiiwehch nichii uhchi waapahten.”
12Ekw kaa kakwechimaatwaau aniyuu naapeu, “Taanite kaa ituhtet an naapeu kaa miinuwaachihiisk.” Ekw kaa itwet an naapeu, “Namui nichischeyimaau taanite kaa ituhtet.”
Phariseech kaa naanituu chischeyihtahkwaau taanite kaa uhchi miinuwaachihaakanuyich aniyuuh naapeu ekaa uhchii waapahtamiyich
13Ekw kaa ituhtahaatwaau aniyuu naapeu ekaa uhchii waapahtamiyich anite Phariseeh e ihtaayitwaauh. 14Chii Jewa ayimiheuchiishikaayuu maak aniyuu Jesus kaa ushihaat sischuu kaye kaa miinuwaachihaat aniyuu naapeu ekaa uhchii waapahtamiyich. 15Ekw anichii Phariseech miin kaa kakwechimaatwaau aniyuu naapeu taanite wehchii waapahtamiyich ekw. Kaa itikutwaau aniyuu naapeu, “Sischuu chii asuneu nischiisikuhch ekw kaa nituu kaasiikweuch ekut kaa uhchi waapahtamaan.”
16Pasch maak anichii Phariseech chii iteuch, “Uu naapeu Jesus namui Chishemanituu e ihtaayich uhchiyuu, taapaa aapateyihtam e Jewa ayimiheuchiishikaayich.” Kutakach maak chii iteuch, “Taanite chechii uhchi maamishkaach ihtit awen e machituutamukwe. Chii pahkaanipayuuch maak uyuu uhchi.”
17Ekw anichii Phariseech miin kaa kakwechimaatwaau aniyuu naapeu kaa miinuwaachihaakanuyich e itaatwaau, “Taan e iteyimat maak chiya an naapeu kaa miinuwaachihiisk.” Ekw an naapeu kaa nishkweushihaat e itaat, “Uchischiwehiichesuu nititeyimaau.”
18Namui uhchi wii taapwehtamuch anichii Jewa iinuuh kaa niikaanishkuwaatwaau chihchiwe ekaa uhchi waapahtamiyich aniyuu naapeu ekw maak e waapahtamiyich ekw. Ekw kaa wiishaamaatwaau aniyuu naapeu uniichihiikuyuu, 19kaa kakwechimaatwaau e itaatwaau, “Eukw aa uu chikusiwaau kaa itweyekw iskunaak kaa pimaatisiit shaash ekaa uhchii waapahtahk. Taan kaa ispayit maak wehchii waapahtahk anuhchiish.”
20Uniichihiikw kaa ishi nishkweushihtwaayich, “Nichischeyihtenaan eukun an taapwe nikusinaan, kaye shaash ekaa uhchi waapahtahk kaa pimaatisiit. 21Namui maak nichischeyimaanaan taanite wehchii waapahtahk anuhchiish, kaye namui nichischeyimaanaan awen kaa ihtuutuwaat chechii waapahtamiyich. Kakwechimaahkw aweyuu kaa miinuwaachihiikut, ispihtaatisiyuu wesin chechii wiihtahk.” 22Chii kushteuch aniyuu Jewa iinuu uyuu wehchii itwetwaau uchii uniichihiikumaauch. Wesh chii chischeyimeuch aniyuu Jewa iinuuh kaa niikaanishkuwaayitwaauh che wiiwiitishihwaayich anit ayimiheukamikuhch aweyuu che itweyikwen Christ e aawiyich aniyuu Jesus. 23Eukw aniyuu kaye wehchi itwetwaau “Kakwechimaahk, ispihtaatisiyuu wesin chechii wiihtamaataakw.”
24Ekw anichii Jewa iinuuh kaa niikaanishkuwaatwaau miin kaau kaa wiishaamaatwaau aniyuu naapeu ekaa uhchii waapahtamiyich ekw kaa kakwechimaatwaau, “Chishemanituu eukw maamihchim. Nichischeyimaanaan uu naapeu Jesus e machaatisiit.”
25Ekw kaa itwet an naapeu, “Taapaa nichischeyimaau e machaatisiikwe maak ekaa machaatisiikwe uu naapeu mikw nichischeyihten ekaa uhchi waapahtamaan ekw maak anuhchiish e waapahtamaan.”
26Kaa kakwechimaatwaau e itaatwaau, “Taan maak kaa ihtuutaask. Taan kaa ihtuutahk chischiishikw chechii aapahiipayikwaauh.”
27Ekw kaa itaat, “Shaash chichii wiihtamaatinaawaau mikw maak namui chiwii nituhtenaawaau. Chekwaan wehchi nituweyimiyekw miin chechii itweyaan. Namui aa mikw kaye chiyawaau e wii nuushuushkuwekw.”
28Ekw kaa maayeyimaatwaau aniyuu naapeu e itaatwaau, “Eukw chiya peyakw uchischinuhamuwaakanh an naapeu, niyaan wii Moses eukw weuchischinuhamuwaakanitutaakuyaahch. 29Nichischeyihtenaan Moses e chii ayimihiikut Chishemanituu, mikw maak namui nichischeyimaanaan uu naapeu taanite wehchiikwe wiya.”
30Ekw an naapeu kaa nishkweushihaat e itaat, “Taapwe kiipaa miskaateyihtaakun, ekaa waawaach chischeyimekw taanite wehchiit, mikw maak taapwe wesin nichii ihtuutaakw chechii waapahtamuch. 31Chichischeyihtenaanuu Chishemanituu ekaa nituhtuwaat kaa machaatisiitwaauh, nituhtaweu maak wiya aniyuu aweyuu kaa nuuchiishtaakut kaye kaa ihtuutamiyich taan e ishi nituweyimaat chechii ihtuutamiyich. 32Kaa ishpish ihtakuhch uu aschii, namui nihtaa uhchi pehtaakun awen chechii ihtuutuwaat aweyuu ekaa waapahtamiyich chechii waapahtamiyich. 33An naapeu kaa ihtuutuut chechii waapahtamaan namui nipaachii ihtuutaakw chechii waapahtamuch ekaa Chishemanituu e ihtaayich uhchi uhchiikupane.”
34Ekw anichii kaa niikaanishkuwaatwaau Jewa iinuuh kaa nishkweushihaatwaau aniyuu naapeu e itaatwaau, “Machaatisiiwinihch chichii uhchi pimaatisiin kaye anite machaatisiiwinihch ekute kaa ishi nihtaauchinikuyin, e iteyihtaman maak yaapach chechii chiskutamuuyaahch.” Ekw kaa wiiwiitishihwaatwaau chihchiwe anit ayimiheukamikuhch aniyuu naapeu.
Jesus kaa wiihtahk aweyuuh aniyuuh chihchiwe ekaa wiyaapahtamiyich
35Jesus maak chii pehtam e chii wiiwiitishihwaakanuyich aniyuu naapeu ekw kaa nituu naanituwaapamaat. Chii miskuweu maak ekw kaa itaat, “Chitaapweyimaau aa Iinuu Ukusisa.”
36An naapeu kaa nishkweushihaat Jesus e itaat, “Pechi wiihtamuu awen an ekw maak che taapweyimak.”
37Jesus kaa itaat, “Uu kaa kanawaapamat kaa ayimihiisk, eukw wesin an.”
38Kaa itwet an naapeu, “Chitaapwehtaatin Utipeyihchikeu.” Kaa ati uchihchiihkunipit e nuuchiishtuwaat.
39Jesus kaa itaat, “Nichii pechi takushin utah aschiihch chechii wiyaaskunicheyaan anit chechii uhchi waapahtahkwaau anichii ekaa kaa waapahtahkwaau, ekw anichii kaa waapahtahkwaau ekaa chechii waapahtahkwaau.”
40Pasch maak anichii Phariseech chii ihtaauch anit kaye chii pehtaweuch aniyuu kaa itweyich ekw kaa kakwechimaatwaau e itaatwaau, “Chititwen aa kaye niyaan ekaa waapahtamaahch.”
41Jesus kaa nishkweushihaat e itaat, “Ekaa waapahtamekw namui chipaa uhchii itikunaawaau e machituutamekw, mikw maak e itweyekw niwaapahtenaan, ekut wehchi chischeyihtaakusiyekw e machituutamekw.”
S'ha seleccionat:
John 9: crjrNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.
John 9
9
Jesus kaa miinuwaachihaat naapeu ekaa uhchi waapahtamiyich iskunaak kaa pimaatisiyich
1Mekwaach Jesus e pimuhtet uchischinuhamuwaakan e wiichewaat chii waapameu naapeu ekaa uhchi waapahtamiyich iskunaak kaa pimaatisiyich. 2Ekw aniyuu uchischinuhamuwaakan kaa kakwechimikut, “Chischinuhamaachesuu chekwaayuu wehchi ishinaakusit uu naapeu chihchiwe ekaa waapahtahk. Wiya aa e chii machituutahk maak aniyuu uniichihiikw e chii machituutamiyich.”
3Jesus kaa nishkweushihaat, “Namiyeyuu wii umachihtwaawin maak uniichihiikw umachihtuutamuwiniyuu kaa ihtuutaakut wehchi ekaa chii waapahtahk. Chechii waapahtaakanuyich Chishemanituu usuuhkaatisiiwin ekun wehchi ekaa chii waapahtahk uu naapeu. 4Chipaa atushkuwaanuu an kaa pechi itishahuut mekwaach e chiishikaach wesh shaash wiipach kata tipiskaau. Taapaa aapatisinaanuu e tipiskaach. 5Mekwaach utah e ihtaayaan aschiihch eukw niya iinuuch uwaashtewinawaau.”
6Iskutak uyuu kaa itwet Jesus chii sihkuu anite aschiihch ekw kaa sischiihkaachet aniyuu usihkuun e aapachihtaat. Ekw kaa asusunamuwaat uschiishikuyuu aniyuu ekaa kaa waapahtamiyich naapeu aniyuu sischuuyuu e aapachihaat. 7Ekw kaa itaat aniyuu naapeu, “Maachih nituu kaasiihkwe nete kaa chii pakaashimunaanuuhch Siloam kaa ishinihkaatech.” An Siloam e iinaanuuhch “kaa itishahwaakanuut” ishi itweshtamuwaataakanuu. Ekw kaa nituu kaasiihkwe an naapeu ekaa kaa waapahtahk, chii waapahtam maak iskutak miin tekushinit.
8Ekw kaa itweyich aniyuu iinuu kaa chischeyimakut ekw maak aniyuu kaa chii waapamikut e nitutamaat shuuliyaayuu, “Eukw aa uu naapeu kaa chii apit e nitutamaat shuuliyaayuu.”
9Pasch anichii iinuuch chii iteuch, “Eukun an naapeu. Ekw kutakach kaa itwetwaau, namayeu an mikw ekun chekaat e ishinaakusit.” Ekw an naapeu kaa miinuwaachihaakanuut kaa itwet, “Eukw wesin niya.”
10Ekw kaa kakwechimaatwaau e itaatwaau, “Taanite kaa uhchi ispayihch chechii waapahtaman ekw.”
11Ekw an naapeu kaa itwet, “An naapeu Jesus kaa ishinihkaasut nichii miinuwaachihiikw. Sischuu chii pechi asuneu nischiishikuhch, ekw kaa iishit chechii kaasiikweuch anite Siloam kaa ishinihkaatech kaa chii pakaashimunaanuuhch. Ekute kaa ituhteyaan. Iskutak maak kaa chiishi kaasiikweyaan tiiwehch nichii uhchi waapahten.”
12Ekw kaa kakwechimaatwaau aniyuu naapeu, “Taanite kaa ituhtet an naapeu kaa miinuwaachihiisk.” Ekw kaa itwet an naapeu, “Namui nichischeyimaau taanite kaa ituhtet.”
Phariseech kaa naanituu chischeyihtahkwaau taanite kaa uhchi miinuwaachihaakanuyich aniyuuh naapeu ekaa uhchii waapahtamiyich
13Ekw kaa ituhtahaatwaau aniyuu naapeu ekaa uhchii waapahtamiyich anite Phariseeh e ihtaayitwaauh. 14Chii Jewa ayimiheuchiishikaayuu maak aniyuu Jesus kaa ushihaat sischuu kaye kaa miinuwaachihaat aniyuu naapeu ekaa uhchii waapahtamiyich. 15Ekw anichii Phariseech miin kaa kakwechimaatwaau aniyuu naapeu taanite wehchii waapahtamiyich ekw. Kaa itikutwaau aniyuu naapeu, “Sischuu chii asuneu nischiisikuhch ekw kaa nituu kaasiikweuch ekut kaa uhchi waapahtamaan.”
16Pasch maak anichii Phariseech chii iteuch, “Uu naapeu Jesus namui Chishemanituu e ihtaayich uhchiyuu, taapaa aapateyihtam e Jewa ayimiheuchiishikaayich.” Kutakach maak chii iteuch, “Taanite chechii uhchi maamishkaach ihtit awen e machituutamukwe. Chii pahkaanipayuuch maak uyuu uhchi.”
17Ekw anichii Phariseech miin kaa kakwechimaatwaau aniyuu naapeu kaa miinuwaachihaakanuyich e itaatwaau, “Taan e iteyimat maak chiya an naapeu kaa miinuwaachihiisk.” Ekw an naapeu kaa nishkweushihaat e itaat, “Uchischiwehiichesuu nititeyimaau.”
18Namui uhchi wii taapwehtamuch anichii Jewa iinuuh kaa niikaanishkuwaatwaau chihchiwe ekaa uhchi waapahtamiyich aniyuu naapeu ekw maak e waapahtamiyich ekw. Ekw kaa wiishaamaatwaau aniyuu naapeu uniichihiikuyuu, 19kaa kakwechimaatwaau e itaatwaau, “Eukw aa uu chikusiwaau kaa itweyekw iskunaak kaa pimaatisiit shaash ekaa uhchii waapahtahk. Taan kaa ispayit maak wehchii waapahtahk anuhchiish.”
20Uniichihiikw kaa ishi nishkweushihtwaayich, “Nichischeyihtenaan eukun an taapwe nikusinaan, kaye shaash ekaa uhchi waapahtahk kaa pimaatisiit. 21Namui maak nichischeyimaanaan taanite wehchii waapahtahk anuhchiish, kaye namui nichischeyimaanaan awen kaa ihtuutuwaat chechii waapahtamiyich. Kakwechimaahkw aweyuu kaa miinuwaachihiikut, ispihtaatisiyuu wesin chechii wiihtahk.” 22Chii kushteuch aniyuu Jewa iinuu uyuu wehchii itwetwaau uchii uniichihiikumaauch. Wesh chii chischeyimeuch aniyuu Jewa iinuuh kaa niikaanishkuwaayitwaauh che wiiwiitishihwaayich anit ayimiheukamikuhch aweyuu che itweyikwen Christ e aawiyich aniyuu Jesus. 23Eukw aniyuu kaye wehchi itwetwaau “Kakwechimaahk, ispihtaatisiyuu wesin chechii wiihtamaataakw.”
24Ekw anichii Jewa iinuuh kaa niikaanishkuwaatwaau miin kaau kaa wiishaamaatwaau aniyuu naapeu ekaa uhchii waapahtamiyich ekw kaa kakwechimaatwaau, “Chishemanituu eukw maamihchim. Nichischeyimaanaan uu naapeu Jesus e machaatisiit.”
25Ekw kaa itwet an naapeu, “Taapaa nichischeyimaau e machaatisiikwe maak ekaa machaatisiikwe uu naapeu mikw nichischeyihten ekaa uhchi waapahtamaan ekw maak anuhchiish e waapahtamaan.”
26Kaa kakwechimaatwaau e itaatwaau, “Taan maak kaa ihtuutaask. Taan kaa ihtuutahk chischiishikw chechii aapahiipayikwaauh.”
27Ekw kaa itaat, “Shaash chichii wiihtamaatinaawaau mikw maak namui chiwii nituhtenaawaau. Chekwaan wehchi nituweyimiyekw miin chechii itweyaan. Namui aa mikw kaye chiyawaau e wii nuushuushkuwekw.”
28Ekw kaa maayeyimaatwaau aniyuu naapeu e itaatwaau, “Eukw chiya peyakw uchischinuhamuwaakanh an naapeu, niyaan wii Moses eukw weuchischinuhamuwaakanitutaakuyaahch. 29Nichischeyihtenaan Moses e chii ayimihiikut Chishemanituu, mikw maak namui nichischeyimaanaan uu naapeu taanite wehchiikwe wiya.”
30Ekw an naapeu kaa nishkweushihaat e itaat, “Taapwe kiipaa miskaateyihtaakun, ekaa waawaach chischeyimekw taanite wehchiit, mikw maak taapwe wesin nichii ihtuutaakw chechii waapahtamuch. 31Chichischeyihtenaanuu Chishemanituu ekaa nituhtuwaat kaa machaatisiitwaauh, nituhtaweu maak wiya aniyuu aweyuu kaa nuuchiishtaakut kaye kaa ihtuutamiyich taan e ishi nituweyimaat chechii ihtuutamiyich. 32Kaa ishpish ihtakuhch uu aschii, namui nihtaa uhchi pehtaakun awen chechii ihtuutuwaat aweyuu ekaa waapahtamiyich chechii waapahtamiyich. 33An naapeu kaa ihtuutuut chechii waapahtamaan namui nipaachii ihtuutaakw chechii waapahtamuch ekaa Chishemanituu e ihtaayich uhchi uhchiikupane.”
34Ekw anichii kaa niikaanishkuwaatwaau Jewa iinuuh kaa nishkweushihaatwaau aniyuu naapeu e itaatwaau, “Machaatisiiwinihch chichii uhchi pimaatisiin kaye anite machaatisiiwinihch ekute kaa ishi nihtaauchinikuyin, e iteyihtaman maak yaapach chechii chiskutamuuyaahch.” Ekw kaa wiiwiitishihwaatwaau chihchiwe anit ayimiheukamikuhch aniyuu naapeu.
Jesus kaa wiihtahk aweyuuh aniyuuh chihchiwe ekaa wiyaapahtamiyich
35Jesus maak chii pehtam e chii wiiwiitishihwaakanuyich aniyuu naapeu ekw kaa nituu naanituwaapamaat. Chii miskuweu maak ekw kaa itaat, “Chitaapweyimaau aa Iinuu Ukusisa.”
36An naapeu kaa nishkweushihaat Jesus e itaat, “Pechi wiihtamuu awen an ekw maak che taapweyimak.”
37Jesus kaa itaat, “Uu kaa kanawaapamat kaa ayimihiisk, eukw wesin an.”
38Kaa itwet an naapeu, “Chitaapwehtaatin Utipeyihchikeu.” Kaa ati uchihchiihkunipit e nuuchiishtuwaat.
39Jesus kaa itaat, “Nichii pechi takushin utah aschiihch chechii wiyaaskunicheyaan anit chechii uhchi waapahtahkwaau anichii ekaa kaa waapahtahkwaau, ekw anichii kaa waapahtahkwaau ekaa chechii waapahtahkwaau.”
40Pasch maak anichii Phariseech chii ihtaauch anit kaye chii pehtaweuch aniyuu kaa itweyich ekw kaa kakwechimaatwaau e itaatwaau, “Chititwen aa kaye niyaan ekaa waapahtamaahch.”
41Jesus kaa nishkweushihaat e itaat, “Ekaa waapahtamekw namui chipaa uhchii itikunaawaau e machituutamekw, mikw maak e itweyekw niwaapahtenaan, ekut wehchi chischeyihtaakusiyekw e machituutamekw.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.