Luke 22
22
Judas kaa naanituuweyihtahk taanite chechii uhchi maakunaakanuyich Jesus
Matthew 26.1-5, 14-16; Mark 14.1, 2, 10, 11; John 11.45-53
1Chii peshunaakun maak anit e makusheu chiishikaach kaa chii muwaakanuut ekaa uhpisut aaihkunaau. Eukun an miyaaskaacheu makusheuchiishikaau kaa ishinihkaatech. 2Anichii maak kaa niikaanapitwaau ayimiheuchimaauch kaye anichii kaa chiskutamaachetwaau wiishuwewiniyuu chiimuut kaa wii naanituu miskahkwaau taanite chechii uhchi nipahaakanuyich Jesus, wesh chii kushteuch iinuuh wiyesh chechii ihtuutaakutwaau mikw ishi maakunaatwaawenich aniyuu Jesus.
3Ekw maak aniyuuh peyakw kaa niishushaapuyich uchischinuhamuwaakan Jesus, Judas Iscariot kaa ishinihkaasuyich chii piihchishkaakuyuu machimanituu. 4Judas maak chii nakateu Jesus ekw kaa nituwaapamaat aniyuu kaa niikaanapiitwaau ayimiheuchimaau kaye aniyuu kaa naanaakachihtaayich Jewa chisheayimiheukamikuyuu kaa nituu aayimuutamuwaat taanite chechii uhchi wiyeshipachishtinamuwaat Jesus. 5Nuwach kiipaa chii sichiyehiikuuch anichii ayimiheuchimaauch aniyuu Judas kaye maak chii niskumuuch chechii kaaniyuuhaatwaau shuuliyaayuu. 6Ekw Judas kaa niskumut aniyuu kaa wii itaapachihaakanuut. Ekw maak muush kaa naanituweyihtahk chekwaayuu chechii uhchi maakunaakanuyich Jesus. Anit maak ekaa mihchetu aweyuu chechii chischeyihtamiyich e maakunaakanuyich ekut kaa iteyihtamihiikutwaau chechii maakunaakanuyich.
Jesus kaa chihchitishahwaat uchischinuhamuwaakan che nituu ayeskuushtaayich miyaaskaacheu makushaaniyuu
Matthew 26.17-25; Mark 14.12-21; John 13.21-30
7Ekw kaa utihchipayihch an e ishi chiishikaach Jewa iinuuch kaa chii nipahaatwaau maanishchaanisha che makushewaachetwaau. Kaye maak aaihkunaau ekaa uhpisuyich chii asichimuweuch. Uu maak kaa ihtinaanuuhch miyaaskaacheu makushewin chii ishinihkaataakanuu. 8Jesus chii chihchitishahweu Peter kaye John e itaat, “Maachiikw nituu ayeskuushtaakw miyaaskaacheu makushaan.” 9Chii itikuu maak, “Taanite netuweyihtaman chechii ayeskuushtaayaahch.” 10Jesus maak chii iteu, “Iskutak utihtamekwe an ihtaawin, naapeu chika nachishkawaawaau e chii kwaapichet. Eukuu che nuushuushkuwekw taanit aniyuu waaskaahiikaniyuu che piihchekwe. 11Ekw che Itekw an naapeu kaa tipiyeusiit aniyuu waaskaahiikaniyuu, ‘Iteu nichischinuhamaachesiiminaan, Taanite e ihtakuhch an e pischisaach anite nipaa wiichimakushemaauch nichischinuhamuwaakanich miyaaskaacheu makushaaniyuu.’ 12Ekw che waapahtiitaakw anite ishpimiihtakuhch e mishaayich e pischisaayich shaash misiwe chekwaayuu e ihtakuniyich anite che ishi nitaweyihtaakuniyich. Ekut maak utah che ayeskuushtaayekw an makushaan.” 13Chii ituhteyuuh maak uchischinuhamuwaakanh anite kaye chii miskamiyuu misiwe taan kaa ishi wiihtamaakutwaau Jesus. Ekut maak kaa ayeskuushtaatwaau aniyuu miyaaskaacheu makushaaniyuu.
Jesus maahchishtai kaa wiichimiichisuumaat uchischinuhamuwaakanh
Matthew 26.26-30; Mark 14.22-26; 1 Corinthians 11.23-25
14Iskutak maak wetihchipayiyich che miichisutwaau Jesus ekw maak uchischinuhamuwaakanh ekw kaa waweyapitwaau. 15Chii iteu maak Jesus, “Naashch taapwe nichii pukuseyihtamihiikuun chechii wiichimiichisuumitakuch miyaaskaacheu makushaan eshkw ekaa utihchipayihch che ishi wawiisacheyihtamihiikuyaan. 16Chititinaawaau maak, namui miin nika uhchi miichin uu makushaan paatish utihchipayihche taan e ishi nisituhtaakanuuhch e ishi wiihtamaachemakahch uu makushewin anite Chishemanituu uchisheuchimaawinihch.”
17Chii utinam minihkwaakaniyuu, kaa nanaaskumaat Chishemanituu ekw kaa itaat uchischinuhamuwaakanh, “Utinamukw uu, minihkwekw misiwe e tashiyekw. 18Wesh chititinaawaau namui miin nika uhchi minihkwen shuuminaapuu paatish utihchipayihche Chishemanituu uchisheuchimaawin.” 19Chii utineu maak aaihkunaau, chii nanaaskumuu maak kaye chii pahkweneu ekw kaa maamiyaat, e itaat, “Eukw uu niyuu e ishi miiwaanuuhch chiyawaau uhchi, muwaahkw uu aaihkunaau, uu maak ihtuutamukw e chischisiitutawiyekw.” 20Eukun yaapach kaa ihtuutahk e utinahk aniyuu minihkwaakaniyuu, iskutak kaa chiishi miichisutwaau. Chii iteu, “Uu shuuminaapuu eukw nimihkw, chiyawaau uhchi che ishi shiikanikaatech chechii uhchi miikuyekw e uskaach niskumuwin.”
21“Iitaapikw maa, awen che wiyeshipachishtinit ekut utah waatapimitihkw miichisuunaahtikuhch. 22Kata nipahaakanuu Iinuu Ukusisa aniyuu taan kaa ishi wiishtaat Chishemanituu che ihtuutuwaakanuyich. Mikw maak taapwe kata aahkwaach machipayuu an awen che wiyeshipachishtinaat Iinuu Ukusisaan.” 23Ekw uchischinuhamuwaakanh chii kakwechimituyuuh, “Awen maak utah e tashiihkw chipaa wii ihtuutam uyeyuu.”
Kaa ayimitutaakanuuhch awen maauch e ispeyihtaakusit
24Chii aashiteyimihiituuch maak chischinuhamuwaakanich, awen anit e tashitwaau maauch e ispeyihtaakusit. 25Jesus maak chii iteu, “Anichii kaa niikaanishkuwaatwaau ekaa Jewa kaa itiskaanesiyich naashch wii katipeyimeuch uyuuh iinuuh. Uchii maak kaa niikaanishkuwaatwaau uyuuh iinuuh, kaa miyu kanuweyimuwetwaau ishinihkaataakanuuch. 26Chiyawaau maak anit e tashiyekw aahchiiuh wesh chipaa iteyihtaakusinaawaau. Awen waa ispeyihtaakusikwe anit e tashiyekw, ekush an awen maauch ekaa uchimaaweyihtaakusit chipaa itahiisuu. Ekw an taan waa niikaanishkaachekwe ekush katawii kuuhpaaneweyihtaakuhiisuu. 27Wesh an kaa apit anit miichisuunaahtikuhch uste ispeyihtaakusuu iteyimaakanuu ishpishaat an kaa aapachihaakanuut. Niya maak nichii papaaihtaan utah e ihtaayekw muyaam taapwe aapachihaakan e chii papaaishinaakusiyaan.”
28“Chiyawaau maak muush ekut kaa ishi pechi papaawiichewiyekw aat anit mekwaach kaa chii aayimihuyaan. 29Nuuhtaawii nichii pachishtinamaakw tipeyihchichewiniyuu anite uchisheuchimaawinihch, ekw maak niya che pachishtinamaatakuch 30chechii wiichimiichisuumiyekw kaye chechii wiichiminihkwemiyekw nimiichisuunaahtikuhch anite nuuchimaawinihch. Chika apinaawaau kaye chiyawaau chisheuchimaau tehtapuwinh ati che uhchi wiyaaskunekuch kaa niishushaap kaa itiskaanesitwaau Israel iinuuch.”
Jesus kaa niikaan wiihtahk che itweyich Peter ekaa chischeyimikut
Matthew 26.31-35; Mark 14.27-31; John 13.36-38
31Ekw maak Jesus kaa kweschikaapuushtawaat Simon Peter kaa itaat, “Simon Peter, Simon Peter, machimanituu naashch chiwii ayaaukw. Chii kakwechihcheyimuu chechii kakwechihiisk muyaam e saapupayihiisk chechii ihtuutaask. Chiwii ihtuutaakw taapishkuuch kaa chii ihtuutawaat nihtaauchihchesuu pahkweshikanh e saapupayihaat. 32Chichii ayimihchikeshtamaatin maak chii ekaa chechii puuniyin e taapwehtaman. Iskutak maak chiishkwaa kakwechihiiske machimanituu miin maak kaau chii pechi naashiine che yaaichikaapuuhiitwaau chiichishaanich taapwehtamuwinihch ishi.” 33Peter chii iteu, “Utipeyihchikeu, mitun nitayeskuwiyin chechii wiicheutaan chipahutuukamikuhch maak chechii nipiyaan kaye niya nipahiikuyine.” 34Jesus maak chii iteu, “Chiwiihtamaatin Peter, eshkw ekaa chistute naapepakahaahkwaan anuhchiish che chiishikaach shaash nishtwaau chika nanatayin e itweyin ekaa chischeyimiyin.”
35Chii iteu maak Jesus, “Iskutak kaa chihchitishahuutakuch namui kuuhchi ayaanaawaau shuuliyaawat maak miiwat maak maschisinh. Chekwaan maak kaa nuuhtepayekw.” Chii iteuch maak, “Namui chekwaan.” 36Ekw miin kaa itaat, “Anuhchiish maak ekw netuweyihtaakuhch yaaitei chechii ayaayekw shuuliyaawat kaye maak miiwat kaye maak awen ekaa ayaate nitupayuuhkumaaniyuu, che ataawet utakuhp chechii uhchi utinahk nitupayuuhkumaaniyuu. 37Wesh uu wehchi ititakuch kata tipipayuu taan kaa ishi niikaan aayimuumikuyaan anite Chishemanituu utayimuwinihch kaa itashtech,
Chii asitachimaakanuu anite e chimutiskuunaanuyich.
Uu maak kaa ishi tipaachimikuyaan taapwe kata ispayuu.” 38Ekw maak kaa itaatwaau Jesus, “Utipeyihchikeu, nitayaanaan niishu nitupayuuhkumaan.” Jesus kaa itaat, “Ekun.”
Jesus kaa ayimihaat anite Olives wachiihch
Matthew 26.36-46; Mark 14.32-42
39Chii nakatam maak Jesus aniyuu utenaayuu ekw anite Olives wachiihch kaa ituhtet. Eukw uyuu kaa chii ihtikupane maan. Uchischinuhamuwaakanh maak chii wiicheukuu. 40Iskutak maak tekushihkwaau anite Jesus chii iteu aniyuuh uchischinuhamuwaakanh, “Ayimihaakw ekaa chechii shaakuuchihiikuyekw kakwechihiiwewin.” 41Chii nakateu maak ekw anite kaa ituhtet wiyesh e wepinaakanuut asinii e ishpishinaakuniyich. Kaa uchihchiihkunapit anite e ayimihaat. 42Kaa itwet, “Nuuhtaa, pechi iichenamuu uu taan nipaa ishi wawiisacheyihten, mikw maak chii chititeyihtamuwin chika wii ihtuutaakanuu, namui niya nititeyihtamuwin.” 43Ekw enchil kaa nuukushiishtaakut kihchikiishikuhch e uhtuhteyich kaa kaachiichimikut chechii shaapushkahk aniyuu che ishi nachishkahk. 44Naashch taapwe chii kushikutehiiskaakuu che ishi nachishkahk. Ekw maak etituu suuhk kaa ayimihaat. Aniyuu maak e ishpish suuhk ayimihaat chek chii chisuu. Chek mwehch mihkuyuu e paapihchikuuniyich anite ishi aschiihch ekun kaa ishinaakuniyich aniyuu e chishuupayit. 45Chii pisikuu maak iskutak kaa chiishi ayimihaat. Miin kaau kaa naataat aniyuu uchischinuhamuwaakanh, chekwaayuu kaa nipaayich mitun e chii ishpishihiikuyich umisimeyihtamuwiniyuu. 46Jesus maak chii iteu, “Taan e ihtiyekw wehchi nipaayekw. Wanishkaakw che ayimihaayekw ekaa chechii shaakuuchihiikuyekw kakwechihiiwewin.”
Jesus kaa maakunaakanuut
Matthew 26.47-56; Mark 14.43-50; John 18.3-11
47Mekwaach maak e ayimit Jesus chii uhchi takushiniyuu aweyuu e maausikuhteyitwaau. Peyakw maak aniyuuh kaa niishushaapuyich uchischinuhamuwaakanh, Judas kaa ishinihkaasuyich, chii pechi niikaanihteyuu kaa naatikut ekw kaa uchemikut. 48Jesus maak chii iteu aniyuu Judas, “ekute aa che uhchi wiyeshipachishtinit Iinuu Ukusisa e uchemat.” 49Chiishpin maak Jesus uchischinuhamuwaakanh kaa waapahtamiyich taan che ispayiyich chii iteuch, “Tepeyihchicheyin, ekw aa che aapachihtaayaahch nitupayuuhkumaanaan.” 50Peyakw maak aniyuuh uchischinuhamuwaakanh chii naateyuuh aniyuu chisheayimiheuchimaauh utaapachihaakaniyuuh kaa chimuwepahamuwaat unihiiwin uhtaukaayuu. 51Jesus maak chii iteu, “Ekun.” Ekw maak kaa taahtinamuwaat uhtaukaayuu aniyuuh aapachihaakanh, kaa miinuwaachihtaawaat. 52Jesus kaa itaat aniyuuh kaa niikaanapitwaau ayimiheuchimaauh kaa nituwaapamikut, kaye kaa maakunawesuu aapatisiitwaau anite chisheayimiheukamikuhch, kaye maak aniyuuh kaa niikaanishkuwaayich iinuuh, “Chekwaan wehchi pechi nituwaapamiyekw taapishkuuch chimutisk kaa chii ihtuutawaakanuut e nituwaapamaakanuut e pechi ayaayekw nitupayuuhkumaanh kaye utaamahiikanaahtikw. 53Aat eshikum chiishikaau e chii ihtaayihkw chisheayimiheukamikuhch namui wiiskaat kuuhchi kuchihtaanaawaau chechii maakuniyekw. Ekw maak wetihchipayihch chechii ihtuutamekw taan waa ihtuutamekw mekwaach e suuhcheyihtaakuhch wanitipiskusiiwin.”
Peter kaa nanatayit e itwet ekaa chischeyimaat Jesus
Matthew 26.57, 58, 69-75; Mark 14.53, 54, 66-72; John 18.12-18, 25-27
54Ekw maak kaa maakunaatwaau Jesus kaa ituhtahaatwaau anite chisheayimiheuchimaauh wiichiihch. Peter maak waahyuushiish anite utaahch chii pechi nuushuushkaacheu. 55Chii kutawaanuuyuu maak anit wiiwiitamihch aniyuu waaskaahiikaniyuu, ekut kaa nihapitwaau anichii kaa nuushuushkaachetwaau. Peter maak chii naateu aniyuuh ekw kaa wiitapimaat. 56Kuuhpaaneskweu maak anit e ihtaat chii waapameu Peter e apiyich anite e ishi waashtuweyich aniyuu ishkuteyuu. Yaakwaau maak chii kanawaapameu aniyuuh Peter, ekw kaa itwet, “Uu maa naapeu chii wiicheweu kaye wiya Jesus.” 57Peter maak chii iteu e nanatayit, “Namui chitaapwen. Namui nichischeyimaau an naapeu.” 58Paatimaa maak kutak aweyuu chii waapamikuu Peter anit e apit, ekw kaa itikut aniyuu aweyuuh, “Ekut kaye chiya kaa wiichihiiweyin anichii kaa wiichewaatwaau Jesus.” “Namui niya,” chii iteu Peter aniyuuh naapeuh, “Namui nichischeyihten chekwaan an kaa ayimitutaaman.” 59Ekw maak wiyesh peyakw tipahiikan ishpish miin kutak awen chii itweu, “Mitun nicheshtinaahun uu naapeu kaye wiya e chii wiichewaat Jesus wesh Galileehch kaye wiya uhchiyuu.” 60Peter maak chii iteu aniyuuh naapeuh, “Namui nichischeyihten chekwaan an kaa ayimitutaman.” 61Ekw maak mekwaach e ayimit chii uhchi chistuyuu naapepakahaahkwaan. Utipeyihchikeuh maak chii kweschikaapuuyuuh kuiskw kaa kanawaapamikut Peter. Ekw maak Peter kaa uhchi chischisit taan kaa itikut Utipeyihchikeu, “Eshkw ekaa chistute naapeu pakahaahkwaan anuhchiish kaa chiishikaach nishtwaau chika itwen ekaa chischeyimiin.” 62Kaa wiiwiit Peter kaa nituu maatut, chii mista maatuu maak.
Jesus kaa ishi maayeyimaakanuut
Matthew 26.67-68; Mark 14.65
63Ekw maak anichii kaa maakunawesitwaau kaa naanaakachihaatwaau Jesus chii maayeyimeuch kaye chii utaamuhweuch. 64Chii aakuuchaapahkaateuch kaa itaatwaau, “Wiihtamuunaan, awen kaa utaamahuusk.” 65Nanaahkuu chii ishi papaashtaameuch.
Jesus kaa uhchishkuukaapuushtawaat aniyuuh kaa niikaanapiitwaau uchimaauh
Matthew 26.59-66; Mark 14.55-64; John 18.19-24
66Iskutak maak piyetaapaniyich anichii kaa niikaanishkuwaatwaau iinuuh kaye anichii kaa niikaanapitwaau ayimiheuchimaauch ekw maak anichii kaa chiskutamaachetwaau wiishuwewiniyuu chii nishtuwiyuuch. ekute maak anite kaa ituhtahaakanuut Jesus che nituu chischeyimaakanuut taan chechii ishi wiyaaskunaakanuut. 67Chii itikuu maak, “Pechi wiihtamuunaan aahch eukw aa chiya Christ.” Jesus maak chii nishkweushiheu, “Aat wiihtamaatakuch namui chipaa uhchi taapwehtuunaawaau. 68Kaye maak chiyawaau kakwechimitakuch awen niya, namui chipaa uhchii nishkweushihiinaawaau. 69Mikw maak ekw wetihchipayiyich Iinuu Ukusisa che apit Chishemanituu maauch kaa chisteyihtaakusit unihiiwiniihch itehche.” 70Ekw maak misiwe kaa kakwechimikut, “Eukw aa maak chiya Chishemanituu Ukusisa.” Chii nishkweushiheu maak e itaat, “Chititwenaawaau e aawiyaan Chishemanituu Ukusisa.” 71Chii itituuch maak, “Ekun ekw, shaash mitun chichii pehtawaanuu taan e itaachimitisut. Namui shaash nituweyihtaakun etituu chechii naanituu chischeyimaakanuut.”
S'ha seleccionat:
Luke 22: crjrNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.
Luke 22
22
Judas kaa naanituuweyihtahk taanite chechii uhchi maakunaakanuyich Jesus
Matthew 26.1-5, 14-16; Mark 14.1, 2, 10, 11; John 11.45-53
1Chii peshunaakun maak anit e makusheu chiishikaach kaa chii muwaakanuut ekaa uhpisut aaihkunaau. Eukun an miyaaskaacheu makusheuchiishikaau kaa ishinihkaatech. 2Anichii maak kaa niikaanapitwaau ayimiheuchimaauch kaye anichii kaa chiskutamaachetwaau wiishuwewiniyuu chiimuut kaa wii naanituu miskahkwaau taanite chechii uhchi nipahaakanuyich Jesus, wesh chii kushteuch iinuuh wiyesh chechii ihtuutaakutwaau mikw ishi maakunaatwaawenich aniyuu Jesus.
3Ekw maak aniyuuh peyakw kaa niishushaapuyich uchischinuhamuwaakan Jesus, Judas Iscariot kaa ishinihkaasuyich chii piihchishkaakuyuu machimanituu. 4Judas maak chii nakateu Jesus ekw kaa nituwaapamaat aniyuu kaa niikaanapiitwaau ayimiheuchimaau kaye aniyuu kaa naanaakachihtaayich Jewa chisheayimiheukamikuyuu kaa nituu aayimuutamuwaat taanite chechii uhchi wiyeshipachishtinamuwaat Jesus. 5Nuwach kiipaa chii sichiyehiikuuch anichii ayimiheuchimaauch aniyuu Judas kaye maak chii niskumuuch chechii kaaniyuuhaatwaau shuuliyaayuu. 6Ekw Judas kaa niskumut aniyuu kaa wii itaapachihaakanuut. Ekw maak muush kaa naanituweyihtahk chekwaayuu chechii uhchi maakunaakanuyich Jesus. Anit maak ekaa mihchetu aweyuu chechii chischeyihtamiyich e maakunaakanuyich ekut kaa iteyihtamihiikutwaau chechii maakunaakanuyich.
Jesus kaa chihchitishahwaat uchischinuhamuwaakan che nituu ayeskuushtaayich miyaaskaacheu makushaaniyuu
Matthew 26.17-25; Mark 14.12-21; John 13.21-30
7Ekw kaa utihchipayihch an e ishi chiishikaach Jewa iinuuch kaa chii nipahaatwaau maanishchaanisha che makushewaachetwaau. Kaye maak aaihkunaau ekaa uhpisuyich chii asichimuweuch. Uu maak kaa ihtinaanuuhch miyaaskaacheu makushewin chii ishinihkaataakanuu. 8Jesus chii chihchitishahweu Peter kaye John e itaat, “Maachiikw nituu ayeskuushtaakw miyaaskaacheu makushaan.” 9Chii itikuu maak, “Taanite netuweyihtaman chechii ayeskuushtaayaahch.” 10Jesus maak chii iteu, “Iskutak utihtamekwe an ihtaawin, naapeu chika nachishkawaawaau e chii kwaapichet. Eukuu che nuushuushkuwekw taanit aniyuu waaskaahiikaniyuu che piihchekwe. 11Ekw che Itekw an naapeu kaa tipiyeusiit aniyuu waaskaahiikaniyuu, ‘Iteu nichischinuhamaachesiiminaan, Taanite e ihtakuhch an e pischisaach anite nipaa wiichimakushemaauch nichischinuhamuwaakanich miyaaskaacheu makushaaniyuu.’ 12Ekw che waapahtiitaakw anite ishpimiihtakuhch e mishaayich e pischisaayich shaash misiwe chekwaayuu e ihtakuniyich anite che ishi nitaweyihtaakuniyich. Ekut maak utah che ayeskuushtaayekw an makushaan.” 13Chii ituhteyuuh maak uchischinuhamuwaakanh anite kaye chii miskamiyuu misiwe taan kaa ishi wiihtamaakutwaau Jesus. Ekut maak kaa ayeskuushtaatwaau aniyuu miyaaskaacheu makushaaniyuu.
Jesus maahchishtai kaa wiichimiichisuumaat uchischinuhamuwaakanh
Matthew 26.26-30; Mark 14.22-26; 1 Corinthians 11.23-25
14Iskutak maak wetihchipayiyich che miichisutwaau Jesus ekw maak uchischinuhamuwaakanh ekw kaa waweyapitwaau. 15Chii iteu maak Jesus, “Naashch taapwe nichii pukuseyihtamihiikuun chechii wiichimiichisuumitakuch miyaaskaacheu makushaan eshkw ekaa utihchipayihch che ishi wawiisacheyihtamihiikuyaan. 16Chititinaawaau maak, namui miin nika uhchi miichin uu makushaan paatish utihchipayihche taan e ishi nisituhtaakanuuhch e ishi wiihtamaachemakahch uu makushewin anite Chishemanituu uchisheuchimaawinihch.”
17Chii utinam minihkwaakaniyuu, kaa nanaaskumaat Chishemanituu ekw kaa itaat uchischinuhamuwaakanh, “Utinamukw uu, minihkwekw misiwe e tashiyekw. 18Wesh chititinaawaau namui miin nika uhchi minihkwen shuuminaapuu paatish utihchipayihche Chishemanituu uchisheuchimaawin.” 19Chii utineu maak aaihkunaau, chii nanaaskumuu maak kaye chii pahkweneu ekw kaa maamiyaat, e itaat, “Eukw uu niyuu e ishi miiwaanuuhch chiyawaau uhchi, muwaahkw uu aaihkunaau, uu maak ihtuutamukw e chischisiitutawiyekw.” 20Eukun yaapach kaa ihtuutahk e utinahk aniyuu minihkwaakaniyuu, iskutak kaa chiishi miichisutwaau. Chii iteu, “Uu shuuminaapuu eukw nimihkw, chiyawaau uhchi che ishi shiikanikaatech chechii uhchi miikuyekw e uskaach niskumuwin.”
21“Iitaapikw maa, awen che wiyeshipachishtinit ekut utah waatapimitihkw miichisuunaahtikuhch. 22Kata nipahaakanuu Iinuu Ukusisa aniyuu taan kaa ishi wiishtaat Chishemanituu che ihtuutuwaakanuyich. Mikw maak taapwe kata aahkwaach machipayuu an awen che wiyeshipachishtinaat Iinuu Ukusisaan.” 23Ekw uchischinuhamuwaakanh chii kakwechimituyuuh, “Awen maak utah e tashiihkw chipaa wii ihtuutam uyeyuu.”
Kaa ayimitutaakanuuhch awen maauch e ispeyihtaakusit
24Chii aashiteyimihiituuch maak chischinuhamuwaakanich, awen anit e tashitwaau maauch e ispeyihtaakusit. 25Jesus maak chii iteu, “Anichii kaa niikaanishkuwaatwaau ekaa Jewa kaa itiskaanesiyich naashch wii katipeyimeuch uyuuh iinuuh. Uchii maak kaa niikaanishkuwaatwaau uyuuh iinuuh, kaa miyu kanuweyimuwetwaau ishinihkaataakanuuch. 26Chiyawaau maak anit e tashiyekw aahchiiuh wesh chipaa iteyihtaakusinaawaau. Awen waa ispeyihtaakusikwe anit e tashiyekw, ekush an awen maauch ekaa uchimaaweyihtaakusit chipaa itahiisuu. Ekw an taan waa niikaanishkaachekwe ekush katawii kuuhpaaneweyihtaakuhiisuu. 27Wesh an kaa apit anit miichisuunaahtikuhch uste ispeyihtaakusuu iteyimaakanuu ishpishaat an kaa aapachihaakanuut. Niya maak nichii papaaihtaan utah e ihtaayekw muyaam taapwe aapachihaakan e chii papaaishinaakusiyaan.”
28“Chiyawaau maak muush ekut kaa ishi pechi papaawiichewiyekw aat anit mekwaach kaa chii aayimihuyaan. 29Nuuhtaawii nichii pachishtinamaakw tipeyihchichewiniyuu anite uchisheuchimaawinihch, ekw maak niya che pachishtinamaatakuch 30chechii wiichimiichisuumiyekw kaye chechii wiichiminihkwemiyekw nimiichisuunaahtikuhch anite nuuchimaawinihch. Chika apinaawaau kaye chiyawaau chisheuchimaau tehtapuwinh ati che uhchi wiyaaskunekuch kaa niishushaap kaa itiskaanesitwaau Israel iinuuch.”
Jesus kaa niikaan wiihtahk che itweyich Peter ekaa chischeyimikut
Matthew 26.31-35; Mark 14.27-31; John 13.36-38
31Ekw maak Jesus kaa kweschikaapuushtawaat Simon Peter kaa itaat, “Simon Peter, Simon Peter, machimanituu naashch chiwii ayaaukw. Chii kakwechihcheyimuu chechii kakwechihiisk muyaam e saapupayihiisk chechii ihtuutaask. Chiwii ihtuutaakw taapishkuuch kaa chii ihtuutawaat nihtaauchihchesuu pahkweshikanh e saapupayihaat. 32Chichii ayimihchikeshtamaatin maak chii ekaa chechii puuniyin e taapwehtaman. Iskutak maak chiishkwaa kakwechihiiske machimanituu miin maak kaau chii pechi naashiine che yaaichikaapuuhiitwaau chiichishaanich taapwehtamuwinihch ishi.” 33Peter chii iteu, “Utipeyihchikeu, mitun nitayeskuwiyin chechii wiicheutaan chipahutuukamikuhch maak chechii nipiyaan kaye niya nipahiikuyine.” 34Jesus maak chii iteu, “Chiwiihtamaatin Peter, eshkw ekaa chistute naapepakahaahkwaan anuhchiish che chiishikaach shaash nishtwaau chika nanatayin e itweyin ekaa chischeyimiyin.”
35Chii iteu maak Jesus, “Iskutak kaa chihchitishahuutakuch namui kuuhchi ayaanaawaau shuuliyaawat maak miiwat maak maschisinh. Chekwaan maak kaa nuuhtepayekw.” Chii iteuch maak, “Namui chekwaan.” 36Ekw miin kaa itaat, “Anuhchiish maak ekw netuweyihtaakuhch yaaitei chechii ayaayekw shuuliyaawat kaye maak miiwat kaye maak awen ekaa ayaate nitupayuuhkumaaniyuu, che ataawet utakuhp chechii uhchi utinahk nitupayuuhkumaaniyuu. 37Wesh uu wehchi ititakuch kata tipipayuu taan kaa ishi niikaan aayimuumikuyaan anite Chishemanituu utayimuwinihch kaa itashtech,
Chii asitachimaakanuu anite e chimutiskuunaanuyich.
Uu maak kaa ishi tipaachimikuyaan taapwe kata ispayuu.” 38Ekw maak kaa itaatwaau Jesus, “Utipeyihchikeu, nitayaanaan niishu nitupayuuhkumaan.” Jesus kaa itaat, “Ekun.”
Jesus kaa ayimihaat anite Olives wachiihch
Matthew 26.36-46; Mark 14.32-42
39Chii nakatam maak Jesus aniyuu utenaayuu ekw anite Olives wachiihch kaa ituhtet. Eukw uyuu kaa chii ihtikupane maan. Uchischinuhamuwaakanh maak chii wiicheukuu. 40Iskutak maak tekushihkwaau anite Jesus chii iteu aniyuuh uchischinuhamuwaakanh, “Ayimihaakw ekaa chechii shaakuuchihiikuyekw kakwechihiiwewin.” 41Chii nakateu maak ekw anite kaa ituhtet wiyesh e wepinaakanuut asinii e ishpishinaakuniyich. Kaa uchihchiihkunapit anite e ayimihaat. 42Kaa itwet, “Nuuhtaa, pechi iichenamuu uu taan nipaa ishi wawiisacheyihten, mikw maak chii chititeyihtamuwin chika wii ihtuutaakanuu, namui niya nititeyihtamuwin.” 43Ekw enchil kaa nuukushiishtaakut kihchikiishikuhch e uhtuhteyich kaa kaachiichimikut chechii shaapushkahk aniyuu che ishi nachishkahk. 44Naashch taapwe chii kushikutehiiskaakuu che ishi nachishkahk. Ekw maak etituu suuhk kaa ayimihaat. Aniyuu maak e ishpish suuhk ayimihaat chek chii chisuu. Chek mwehch mihkuyuu e paapihchikuuniyich anite ishi aschiihch ekun kaa ishinaakuniyich aniyuu e chishuupayit. 45Chii pisikuu maak iskutak kaa chiishi ayimihaat. Miin kaau kaa naataat aniyuu uchischinuhamuwaakanh, chekwaayuu kaa nipaayich mitun e chii ishpishihiikuyich umisimeyihtamuwiniyuu. 46Jesus maak chii iteu, “Taan e ihtiyekw wehchi nipaayekw. Wanishkaakw che ayimihaayekw ekaa chechii shaakuuchihiikuyekw kakwechihiiwewin.”
Jesus kaa maakunaakanuut
Matthew 26.47-56; Mark 14.43-50; John 18.3-11
47Mekwaach maak e ayimit Jesus chii uhchi takushiniyuu aweyuu e maausikuhteyitwaau. Peyakw maak aniyuuh kaa niishushaapuyich uchischinuhamuwaakanh, Judas kaa ishinihkaasuyich, chii pechi niikaanihteyuu kaa naatikut ekw kaa uchemikut. 48Jesus maak chii iteu aniyuu Judas, “ekute aa che uhchi wiyeshipachishtinit Iinuu Ukusisa e uchemat.” 49Chiishpin maak Jesus uchischinuhamuwaakanh kaa waapahtamiyich taan che ispayiyich chii iteuch, “Tepeyihchicheyin, ekw aa che aapachihtaayaahch nitupayuuhkumaanaan.” 50Peyakw maak aniyuuh uchischinuhamuwaakanh chii naateyuuh aniyuu chisheayimiheuchimaauh utaapachihaakaniyuuh kaa chimuwepahamuwaat unihiiwin uhtaukaayuu. 51Jesus maak chii iteu, “Ekun.” Ekw maak kaa taahtinamuwaat uhtaukaayuu aniyuuh aapachihaakanh, kaa miinuwaachihtaawaat. 52Jesus kaa itaat aniyuuh kaa niikaanapitwaau ayimiheuchimaauh kaa nituwaapamikut, kaye kaa maakunawesuu aapatisiitwaau anite chisheayimiheukamikuhch, kaye maak aniyuuh kaa niikaanishkuwaayich iinuuh, “Chekwaan wehchi pechi nituwaapamiyekw taapishkuuch chimutisk kaa chii ihtuutawaakanuut e nituwaapamaakanuut e pechi ayaayekw nitupayuuhkumaanh kaye utaamahiikanaahtikw. 53Aat eshikum chiishikaau e chii ihtaayihkw chisheayimiheukamikuhch namui wiiskaat kuuhchi kuchihtaanaawaau chechii maakuniyekw. Ekw maak wetihchipayihch chechii ihtuutamekw taan waa ihtuutamekw mekwaach e suuhcheyihtaakuhch wanitipiskusiiwin.”
Peter kaa nanatayit e itwet ekaa chischeyimaat Jesus
Matthew 26.57, 58, 69-75; Mark 14.53, 54, 66-72; John 18.12-18, 25-27
54Ekw maak kaa maakunaatwaau Jesus kaa ituhtahaatwaau anite chisheayimiheuchimaauh wiichiihch. Peter maak waahyuushiish anite utaahch chii pechi nuushuushkaacheu. 55Chii kutawaanuuyuu maak anit wiiwiitamihch aniyuu waaskaahiikaniyuu, ekut kaa nihapitwaau anichii kaa nuushuushkaachetwaau. Peter maak chii naateu aniyuuh ekw kaa wiitapimaat. 56Kuuhpaaneskweu maak anit e ihtaat chii waapameu Peter e apiyich anite e ishi waashtuweyich aniyuu ishkuteyuu. Yaakwaau maak chii kanawaapameu aniyuuh Peter, ekw kaa itwet, “Uu maa naapeu chii wiicheweu kaye wiya Jesus.” 57Peter maak chii iteu e nanatayit, “Namui chitaapwen. Namui nichischeyimaau an naapeu.” 58Paatimaa maak kutak aweyuu chii waapamikuu Peter anit e apit, ekw kaa itikut aniyuu aweyuuh, “Ekut kaye chiya kaa wiichihiiweyin anichii kaa wiichewaatwaau Jesus.” “Namui niya,” chii iteu Peter aniyuuh naapeuh, “Namui nichischeyihten chekwaan an kaa ayimitutaaman.” 59Ekw maak wiyesh peyakw tipahiikan ishpish miin kutak awen chii itweu, “Mitun nicheshtinaahun uu naapeu kaye wiya e chii wiichewaat Jesus wesh Galileehch kaye wiya uhchiyuu.” 60Peter maak chii iteu aniyuuh naapeuh, “Namui nichischeyihten chekwaan an kaa ayimitutaman.” 61Ekw maak mekwaach e ayimit chii uhchi chistuyuu naapepakahaahkwaan. Utipeyihchikeuh maak chii kweschikaapuuyuuh kuiskw kaa kanawaapamikut Peter. Ekw maak Peter kaa uhchi chischisit taan kaa itikut Utipeyihchikeu, “Eshkw ekaa chistute naapeu pakahaahkwaan anuhchiish kaa chiishikaach nishtwaau chika itwen ekaa chischeyimiin.” 62Kaa wiiwiit Peter kaa nituu maatut, chii mista maatuu maak.
Jesus kaa ishi maayeyimaakanuut
Matthew 26.67-68; Mark 14.65
63Ekw maak anichii kaa maakunawesitwaau kaa naanaakachihaatwaau Jesus chii maayeyimeuch kaye chii utaamuhweuch. 64Chii aakuuchaapahkaateuch kaa itaatwaau, “Wiihtamuunaan, awen kaa utaamahuusk.” 65Nanaahkuu chii ishi papaashtaameuch.
Jesus kaa uhchishkuukaapuushtawaat aniyuuh kaa niikaanapiitwaau uchimaauh
Matthew 26.59-66; Mark 14.55-64; John 18.19-24
66Iskutak maak piyetaapaniyich anichii kaa niikaanishkuwaatwaau iinuuh kaye anichii kaa niikaanapitwaau ayimiheuchimaauch ekw maak anichii kaa chiskutamaachetwaau wiishuwewiniyuu chii nishtuwiyuuch. ekute maak anite kaa ituhtahaakanuut Jesus che nituu chischeyimaakanuut taan chechii ishi wiyaaskunaakanuut. 67Chii itikuu maak, “Pechi wiihtamuunaan aahch eukw aa chiya Christ.” Jesus maak chii nishkweushiheu, “Aat wiihtamaatakuch namui chipaa uhchi taapwehtuunaawaau. 68Kaye maak chiyawaau kakwechimitakuch awen niya, namui chipaa uhchii nishkweushihiinaawaau. 69Mikw maak ekw wetihchipayiyich Iinuu Ukusisa che apit Chishemanituu maauch kaa chisteyihtaakusit unihiiwiniihch itehche.” 70Ekw maak misiwe kaa kakwechimikut, “Eukw aa maak chiya Chishemanituu Ukusisa.” Chii nishkweushiheu maak e itaat, “Chititwenaawaau e aawiyaan Chishemanituu Ukusisa.” 71Chii itituuch maak, “Ekun ekw, shaash mitun chichii pehtawaanuu taan e itaachimitisut. Namui shaash nituweyihtaakun etituu chechii naanituu chischeyimaakanuut.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.