Luk 21
21
Luhaah bɛl suuɡa bɔe wa
(Mak 12:41-44)
1Yeesu aa lɔ Korowii Dea la, o nao kɛŋɔ dɔɔhna ta ba suuɡare dɛɛ do daka baa ta suuɡa dɛɛ do o bini. 2Belaa luhaah nyaa bɛl ɡe ba do suuɡa bwejeɡre anɛ. 3Asɛ Yeesu ŋɔ, “Kasinteŋ, n dɛ ŋɔ he be, luhaah nyaa nɔ do suuɡajena dɛ ɡwaa nɛra nɔ bwa, 4dɛkalkɛŋɔ o dea suuɡa bwaa o kpɔ ba do daka nɔ bini la. Kɛ dɔɔhna nɔ te suuɡa bini tama baa naa kɛŋɔ a waa aa ba nɛɛ we la, anee ba kpɔ ba do la.”
Gɛ Yeesu aa bol Korowii Dea chɔɡa wa
(Mat 24:1-2; Mak 13:1-2)
5Belaa Yeesu habɔteŋra la bane ɛɛ bol Korowii Dea la waa o be, ɡɛ bwea baa kpɔa mao, ne kondɛɛɡa nɛra aa ɛa tɛ Korowii ba kpɔ kwaa o danjwɛɛ la wer aa doa. Anee Yeesu ŋɔ, 6“Tɔpere bɛl ɛɛ bao ásɛ anɔ haa naa nɔ, ba ta ɛɛ paɡre a bwaa ásɛ bwe beŋkpoŋ bɛlbwa aa wola lee do dɛ́ chɔŋɛ o dɔŋ nɛɛ kpa.”
Yeesu baɡle o habɔteŋra wahala baa na kerekere
(Mat 24:3-14; Mak 13:3-13)
7Anee ba bɔɔro ŋɔ, “Nomoa, saŋ besoo aa ba chiɡa ɔ? Bɔkwaa dɛɛ ba baɡla kɛ ɡɛ waa nɔ dɛ́ ba chiɡa ɔ?”
8Anee Yeesu ŋɔ ba be ŋɔ, “Hé nyiŋi kɛrɛdɛ ásɛ nomɛlbwa bɛ heyaa neɡre. Nɛra pirim ɛɛ kpɔ n sɔnee ba dɛ́ ba ŋɔ banee men, dɛ́ ŋɔ tɔpere la telo. He bɛ ba nɛɛ teŋɛ. 9Dɛ he baa no laa yoi waa ne harɛ vuuɡa waa bobɛlbwa naa, he bɛ ɔmɛ. A chɛ kɛ ɡɛ waa nɔ bwa chiɡ. Kɛ dɛ wobɛlbwa jaɡa la ta tele mɔɔ.”
10Yeesu berɔ ŋɔ, “Harɛre ane ɛɛ yo dɔŋaa, koranar ɡe yo dɔŋa. 11Harɛ ɛɛ jiɡri bobɛlbwaa taeh, ásɛ lɔr ne weela bwa soo siwi ba. Hɛɛ na ɔmewaa aa wola balɛ bwa nyunduaa.
12Mɔɔ ɡɛ waa nɔ bwa chiɡ la, baa tɔ sie larawe heya, dɛ́ ɛ heyaa hɔhɔrɔwa, dɛ́ lawɛ heyaa la cheremi deene bini, dɛ́ ka bol he waa dɛ́ do heyaa dea. Baa koh n waa dɛ́ lawɛ heyaa ka che nomonome ne koranar siini. 13Belaa hɛɛ ba ŋwɛnɛ dɔe dɛ́ bol Amanesoma la baɡ ba. 14Ba baa lawɛ heya aa, he bɛ ɡel waa haa ka bol la hiah heya.#Luk 12:11-12 15Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya. 16He mɛɛnanar ne nyare, ne he dɔɔranar ne nimanar, ne he lolanar dɛ daamanar ɛɛ le heyaa tɛ ásɛ ba kpoo he bane. 17Nomɛlbwa ɛɛ koh n waa hah heya. 18Mɛɛ cha heyaa ásɛ he nyumpon beŋkpoŋ kwara aa harɛɛ le. 19He lawɛ bambile aa, hɛɛ dɔ he nyuu.”
Yeesu bol Jerusalam chɔɡa wa
(Mat 24:15-21; Mak 13:14-19)
20Yeesu berɔ ŋɔ, “He baa na kɛŋɔ soojare bar Jerusalam cheme aa, amɔ te hé jemɛ kɛŋɔ o paɡra telo. 21Amɔ a chɛ kɛŋɔ nɛra baa lɔ Juda harɛ ɡɛ saŋ la chwa kaa bwea dor dɛ́ ka sɔh. Nɛra baa lɔ bwɛjen Jerusalam la chɛ kɛŋɔ bá le warane, ásɛ bɛlbwa waa wola toole bwɛɛ la bini a ɡɛ saŋ la bɛ o bini jo. 22A ɡɛ saŋee Korowii ɛɛ ba o nɛra deŋne tɛra, ásɛ waa Korowii Tɔn la aa baɡla la bwa ɛ kpela. 23Ei! Aa do kpeɡrii tɛ tekpoŋra ne haahna baa kpoŋe bechasɔɔhne a ɡɛ saŋ nɔ noo! Dɛkalkɛŋɔ nɛra ɛɛ na wahala harɛ nɔ ta kohonaa, asɛ Korowii baah di ba nɛɛ o tɛr ba deŋne. 24Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.#Wep 11:2
Men Nɛn Bie bala wa
(Mat 24:29-31; Mak 13:24-27)
25Hɛɛ na nyokpowaa wee ne korobie ne weweela taa. Harɛ ta ɡe, mpo ɛɛ jiɡruu dɛɛ lɔ nehɛma kohona, ásɛ nɛra bwa ɔmɛ, ba bwara yɔr.#Aes 13:10 26Nɛra bambile ɛɛ teŋoo kohona, ba lii waa aa dɛ ba bala la wa, ba hwaahɡe, dɛkalkɛ kwaa aa lɔ Korowii doa bwa yiiɡi dɛ́ chɔɡ. 27Belaa baa ba Men Nɛn Bie nae kɛŋɔ maa lɔ bam bini dɛɛ ba kpeɡri ne jirima a dɔŋa aa wola toole ne.#Dan 7:13-14 28Dɛ ɡɛ waa nɔ baa pa mun dɛɛ ɛ aa, hé kpɔ he te dɛɛ kpa, dɛkalkɛ he Lɛɛ tɔpere la telo.”
Fiɡ daa wehwela
(Mat 24:32-35; Mak 13:28-31)
29Yeesu berɔ kpɔ sɛɡla bol waa ba be ŋɔ, “Hé ta sie nyiŋi fiɡ daa ne daa aa kaa nɔ dɛ́ na. 30O ba dɛ foɡre aa, hé jemɛ kɛŋɔ bɔwɔb saŋ telo tonɛ. 31Gɛɛ dɛ waa nɔ maa bol he be nɔ baa chiɡ aa, hé jemɛ kɛŋɔ Korowii Kora la dii telo.
32Kasinteŋ, a ɡɛ waa nɔ bwa dɛ ba chiɡa mɔɔ fini nɛra nɔ bwa serewe. 33Nyundua ne harɛ ɛɛ chɔɡoo. Kɛ n waa maa bola te bwa ɛɛ do lee saŋ te bɛlbwa.
Gɛ aa hiah kɛ nɛn nyiŋi kɛrɛdɛ
34Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la, 35dɛkalkɛ o bala tɔpere la ɛɛ piɡri nɛra baa lɔ harɛ nɔ ta bobɛlbwaa. 36Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”
37Dɛ tɔpere bɛlbwaa Yeesu bol waa dɛɛ baɡ ba Korowii Dea, asɛ bɔr baa jo aa, o yon kaa bwe bɛl baa dɛ yerɔ Ɔlevere Bwejen la doa dɛ́ ka chɔ. 38Asɛ tɔɔ perɔ chɔmbibi aa, o yon fel ba Korowii Dea bela, asɛ nɛra yon la o be dɛ ka no o waa la.
S'ha seleccionat:
Luk 21: mzw
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Luk 21
21
Luhaah bɛl suuɡa bɔe wa
(Mak 12:41-44)
1Yeesu aa lɔ Korowii Dea la, o nao kɛŋɔ dɔɔhna ta ba suuɡare dɛɛ do daka baa ta suuɡa dɛɛ do o bini. 2Belaa luhaah nyaa bɛl ɡe ba do suuɡa bwejeɡre anɛ. 3Asɛ Yeesu ŋɔ, “Kasinteŋ, n dɛ ŋɔ he be, luhaah nyaa nɔ do suuɡajena dɛ ɡwaa nɛra nɔ bwa, 4dɛkalkɛŋɔ o dea suuɡa bwaa o kpɔ ba do daka nɔ bini la. Kɛ dɔɔhna nɔ te suuɡa bini tama baa naa kɛŋɔ a waa aa ba nɛɛ we la, anee ba kpɔ ba do la.”
Gɛ Yeesu aa bol Korowii Dea chɔɡa wa
(Mat 24:1-2; Mak 13:1-2)
5Belaa Yeesu habɔteŋra la bane ɛɛ bol Korowii Dea la waa o be, ɡɛ bwea baa kpɔa mao, ne kondɛɛɡa nɛra aa ɛa tɛ Korowii ba kpɔ kwaa o danjwɛɛ la wer aa doa. Anee Yeesu ŋɔ, 6“Tɔpere bɛl ɛɛ bao ásɛ anɔ haa naa nɔ, ba ta ɛɛ paɡre a bwaa ásɛ bwe beŋkpoŋ bɛlbwa aa wola lee do dɛ́ chɔŋɛ o dɔŋ nɛɛ kpa.”
Yeesu baɡle o habɔteŋra wahala baa na kerekere
(Mat 24:3-14; Mak 13:3-13)
7Anee ba bɔɔro ŋɔ, “Nomoa, saŋ besoo aa ba chiɡa ɔ? Bɔkwaa dɛɛ ba baɡla kɛ ɡɛ waa nɔ dɛ́ ba chiɡa ɔ?”
8Anee Yeesu ŋɔ ba be ŋɔ, “Hé nyiŋi kɛrɛdɛ ásɛ nomɛlbwa bɛ heyaa neɡre. Nɛra pirim ɛɛ kpɔ n sɔnee ba dɛ́ ba ŋɔ banee men, dɛ́ ŋɔ tɔpere la telo. He bɛ ba nɛɛ teŋɛ. 9Dɛ he baa no laa yoi waa ne harɛ vuuɡa waa bobɛlbwa naa, he bɛ ɔmɛ. A chɛ kɛ ɡɛ waa nɔ bwa chiɡ. Kɛ dɛ wobɛlbwa jaɡa la ta tele mɔɔ.”
10Yeesu berɔ ŋɔ, “Harɛre ane ɛɛ yo dɔŋaa, koranar ɡe yo dɔŋa. 11Harɛ ɛɛ jiɡri bobɛlbwaa taeh, ásɛ lɔr ne weela bwa soo siwi ba. Hɛɛ na ɔmewaa aa wola balɛ bwa nyunduaa.
12Mɔɔ ɡɛ waa nɔ bwa chiɡ la, baa tɔ sie larawe heya, dɛ́ ɛ heyaa hɔhɔrɔwa, dɛ́ lawɛ heyaa la cheremi deene bini, dɛ́ ka bol he waa dɛ́ do heyaa dea. Baa koh n waa dɛ́ lawɛ heyaa ka che nomonome ne koranar siini. 13Belaa hɛɛ ba ŋwɛnɛ dɔe dɛ́ bol Amanesoma la baɡ ba. 14Ba baa lawɛ heya aa, he bɛ ɡel waa haa ka bol la hiah heya.#Luk 12:11-12 15Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya. 16He mɛɛnanar ne nyare, ne he dɔɔranar ne nimanar, ne he lolanar dɛ daamanar ɛɛ le heyaa tɛ ásɛ ba kpoo he bane. 17Nomɛlbwa ɛɛ koh n waa hah heya. 18Mɛɛ cha heyaa ásɛ he nyumpon beŋkpoŋ kwara aa harɛɛ le. 19He lawɛ bambile aa, hɛɛ dɔ he nyuu.”
Yeesu bol Jerusalam chɔɡa wa
(Mat 24:15-21; Mak 13:14-19)
20Yeesu berɔ ŋɔ, “He baa na kɛŋɔ soojare bar Jerusalam cheme aa, amɔ te hé jemɛ kɛŋɔ o paɡra telo. 21Amɔ a chɛ kɛŋɔ nɛra baa lɔ Juda harɛ ɡɛ saŋ la chwa kaa bwea dor dɛ́ ka sɔh. Nɛra baa lɔ bwɛjen Jerusalam la chɛ kɛŋɔ bá le warane, ásɛ bɛlbwa waa wola toole bwɛɛ la bini a ɡɛ saŋ la bɛ o bini jo. 22A ɡɛ saŋee Korowii ɛɛ ba o nɛra deŋne tɛra, ásɛ waa Korowii Tɔn la aa baɡla la bwa ɛ kpela. 23Ei! Aa do kpeɡrii tɛ tekpoŋra ne haahna baa kpoŋe bechasɔɔhne a ɡɛ saŋ nɔ noo! Dɛkalkɛŋɔ nɛra ɛɛ na wahala harɛ nɔ ta kohonaa, asɛ Korowii baah di ba nɛɛ o tɛr ba deŋne. 24Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.#Wep 11:2
Men Nɛn Bie bala wa
(Mat 24:29-31; Mak 13:24-27)
25Hɛɛ na nyokpowaa wee ne korobie ne weweela taa. Harɛ ta ɡe, mpo ɛɛ jiɡruu dɛɛ lɔ nehɛma kohona, ásɛ nɛra bwa ɔmɛ, ba bwara yɔr.#Aes 13:10 26Nɛra bambile ɛɛ teŋoo kohona, ba lii waa aa dɛ ba bala la wa, ba hwaahɡe, dɛkalkɛ kwaa aa lɔ Korowii doa bwa yiiɡi dɛ́ chɔɡ. 27Belaa baa ba Men Nɛn Bie nae kɛŋɔ maa lɔ bam bini dɛɛ ba kpeɡri ne jirima a dɔŋa aa wola toole ne.#Dan 7:13-14 28Dɛ ɡɛ waa nɔ baa pa mun dɛɛ ɛ aa, hé kpɔ he te dɛɛ kpa, dɛkalkɛ he Lɛɛ tɔpere la telo.”
Fiɡ daa wehwela
(Mat 24:32-35; Mak 13:28-31)
29Yeesu berɔ kpɔ sɛɡla bol waa ba be ŋɔ, “Hé ta sie nyiŋi fiɡ daa ne daa aa kaa nɔ dɛ́ na. 30O ba dɛ foɡre aa, hé jemɛ kɛŋɔ bɔwɔb saŋ telo tonɛ. 31Gɛɛ dɛ waa nɔ maa bol he be nɔ baa chiɡ aa, hé jemɛ kɛŋɔ Korowii Kora la dii telo.
32Kasinteŋ, a ɡɛ waa nɔ bwa dɛ ba chiɡa mɔɔ fini nɛra nɔ bwa serewe. 33Nyundua ne harɛ ɛɛ chɔɡoo. Kɛ n waa maa bola te bwa ɛɛ do lee saŋ te bɛlbwa.
Gɛ aa hiah kɛ nɛn nyiŋi kɛrɛdɛ
34Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la, 35dɛkalkɛ o bala tɔpere la ɛɛ piɡri nɛra baa lɔ harɛ nɔ ta bobɛlbwaa. 36Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”
37Dɛ tɔpere bɛlbwaa Yeesu bol waa dɛɛ baɡ ba Korowii Dea, asɛ bɔr baa jo aa, o yon kaa bwe bɛl baa dɛ yerɔ Ɔlevere Bwejen la doa dɛ́ ka chɔ. 38Asɛ tɔɔ perɔ chɔmbibi aa, o yon fel ba Korowii Dea bela, asɛ nɛra yon la o be dɛ ka no o waa la.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.