Luk 5
5
Gɛ Yeesu aa yerɛ o loɡla habɔteŋra
(Mat 4:18-22; Mak 1:16-20)
1Awola bɛl, dɛ Yeesu cheɡɛ Gɛnɛsarɛt Moo la nyoa, asɛ nɛnlaa bane ba baro cheme, dɛ taɡɛ dɔŋa dɛɛ ba o be dɛ́ ba no Korowii Waa waa dɛ bol la. 2Yeesu na ɡbeni anɛ ane nɛra bane baa dɛ ɛ nee toma aa lawa vɔwɛ, dɛ le kaa chɛɡɛ ba asauri. 3Belaa o ka jo ɡbera la bɛl bini. Dɛ baa bɛl baa dɛ yerɔ Seemɔn konee. O ŋɔ Seemɔn be ŋɔ ó taɡɛ ɡbera la do tama. Anee o taɡɛ do tama, asɛ Yeesu so o bini dɛ bol waa baɡle nɛnlaa la.
4Waa bol waa baɡle nɛra la tonɛ la, o ŋɔ Seemɔn be ŋɔ, “He ne he bala la pa he asauri la do ɡbera nɔ bini, dɛ́ ɛɡɛ do baah ta, dɛ́ ka ta.”#Jɔn 21:3-8
5Anee Seemɔn ŋɔ, “E! N Dɔɔ, jwaana ne bwaa ya le ta asauri nɔ, ya ta komɛlbwa dɔe. Kɛ haa dɔa ŋɔ ɡɛ nɔ te naa, mɛɛ ɡeloo ya ka ta.”
6Baa taɡɛ ɡbera la do nebaah ta la, ba kaa ta asau la bɔle pɛŋedamanta ane nɛ, asɛ wɛɛ ba kɛɛra. 7Anomanta, ba laa nɔn ir ba bala bane ba ne baa dɛ ɛ tonsiwi beŋkpoŋ dɛ do ɡbera bɛl bini la ŋɔ bá ba, dɛ́ ba cha ba, ba tɛɡre pɛŋa la do ɡbeni anɛ la bwa bini a su dɛ fe ɛɛ nyin dɛ morɛ.
8Seemɔn baa bera dɛɛ yerɔ Pita aa na a ɡɛ waa nɔ la, o kaa ɡuŋi Yeesu sie dɛ ŋɔ, “Oo, n Dɔɔ, wechɔɡ-ɛɛree men! N poori, le n be.”#Mat 8:34 9Pɛŋedamanta Seemɔn ne nɛra baa ja o nɛɛ la aa dɔa la ɛ ba bwa nyokpoa. 10Gɛ tentenee a ɛ ba bala Sebedii bii Jɔn ne Jems la nyokpoa.
Belaa Yeesu ŋɔ Seemɔn be ŋɔ, “Dɛɛ berɛ ɔma. Le fini dɛɛ kaa, hɛɛ ɡel pɛŋa nyinaa dɛ́ baa teŋɛ n nɛ, ásɛ n baɡle heyaa ɡɛ baa nyin nɛra baa tɛ Korowii.”
11Baa tawɛ ba ɡbeni la ba chuɡe dɛ lawa vɔrɔwe la, ba ɡel wobɛlbwa dɛɛ teŋɛ Yeesu nɛ.
Yeesu chah baa bɛl weechɔɡa aa ɛ o bwara
(Mat 8:1-4; Mak 1:40-45)
12Awola bɛl, dɛ Yeesu lɔ bwɛɛ bɛl ta, dɛ baa bɛl lɔ bela asɛ weechɔɡa ɛ o bwara bwa. Waa na Yeesu la, o baa ɡuŋi o sie dɛ soŋo ŋɔ, “N Dɔɔ, dɛ he sɛoh ŋɔ hɛɛ chaah mɛɛ yaa, hɛɛ wonoo ɡel n bwara kwaa.”
13Anee Yeesu tɛr nɔn leɡo, dɛ ŋɔ, “N sɛoh. He bwara kwaarɔ.” Buɡ la ta, dɛ o weela la denɔ le o nɛ, o bwara kwaa.
14Asɛ Yeesu kaoh ŋɔ, “Bɛ nomɛlbwa be ŋɔ, kɛ la Sɔfo be ó ka pɛne, ásɛ he kpɔ kwaa ka tɛo ó kpo, ɡɛ Mosis aa baɡla la, ásɛ nɛra bwa na dɛ́ jemɛ kɛ he weela la toole he nɛɛ kpa.”#Lew 14:1-32
15Waa ŋɔ o be ŋɔ o bɛ nomɛlbwa be ŋɔ la, name tenee a ɛ anam. Yeesu waa perɔ kohona, asɛ nɛra ɛɛ ba o be pirim dɛ baa no o waa la wɛɛ chaah ba weela. 16Dɛ ba dɛ ba o be ɡɛ naa, ɡɛɛ o yon laa o te kpɔ ba bini, dɛ́ kaa bela nomɛlbwa aa wola toole dɛ́ kaa soŋe Korowii.
Yeesu chah baa bɛl waa kuuɡa so
(Mat 9:1-8; Mak 2:1-12)
17Awola bɛl, dɛ Yeesu dɛ baɡle nɛra Korowii Wa, asɛ Farisii tena bane ne Tɔnjerema baa le Galilia harɛ, ne Juda harɛ bwɛɛre la bwa ta ne Jerusalam ba, dɛ ba so bela, dɛ Korowii tɛo kpeɡri asɛ wɛɛ chah weela tena. 18Belaa baala bane che baa bɛl waa kuuɡa ne o kalaŋ ba, asɛ dɛ fe ɛɛ nyin bɔr dɛ́ kpɔɔ jo dem bela Yeesu aa lole la dɛ́ kpɔɔ ka bil o sie. 19Bɔr aa fara la, ba ta wone kpɔ baa la ba o be, anee ba teeh dea la, dɛ ka forɛ sal la bela Yeesu aa cheɡa la, dɛ kpɔ baa la ne o kalaŋ waa chɔ o ta la, dɛ che bela kpɔɔ bil Yeesu sie nɛra la baah ta.
20Yeesu aa na ɡɛ baa yaradao la, o ŋɔ baa la waa kuuɡa la be ŋɔ, “Baa, n kpɔ he wechɔɡa kɛɛ.”
21Asɛ Tɔnjerema la ne Farisii tena baa soɡe bela la lii ba nyu bini ŋɔ, “Ɛrɛɛ o do dɛɛ bol nɛnhɛlwaa ɡɛ nɔɔ? Dɛ Korowii laa aa, umee dɛ́ won kpɔ nɛn wechɔɡa kɛo wɔ?”
22Yeesu aa na waa baa dɛ lii la, o bɔɔ ba ŋɔ, “Ɛrɛɛ hɛɛ lii ɡɛ waa nɔ nɔɔ? 23Maa ŋɔ o be ŋɔ n kpɔ o wechɔɡa kɛo nɔ, ne kɛŋɔ maa ŋɔ o be ŋɔ ó ir dɛ́ valɛ, a bini umee kpeɡa ɔ? 24Mɛɛ chaɡle heyaa kɛŋɔ Men Nɛn Bie dɔ kpeɡri harɛ nɔ ta kɛ ń kpɔ nɛra wechɔɡa kɛ ba.” Belaa o ŋɔ naate waa kuuɡa la be ŋɔ, “N dɛ ŋɔ he be! Ir dɛ́ kpɔ he kalaŋ kaa dem!” 25Asɛ baa la ir buɡ la ta, dɛ kpɔ o kalaŋ nɛra la bwa siwi ta bela, dɛ kpɛɛ Korowii dɛɛ kaa. 26Yeesu aa ɛ ɡɛ la, nɛra la bwa nyoa kpoo, ɔmee laɡ ba, asɛ baa kpɛɛ Korowii dɛɛ ŋɔ, “Bɔkwa nyokpowaa ya na fini ken?”
Gɛ Yeesu aa yerɛ Lewi
(Mat 9:9-13; Mak 2:13-17)
27Anɔ habɔɔ la, Yeesu valɔ baa kaa dɛ na nomɛl waa soɡe o toma ta dɛɛ lɛ toɔ. Dɛ o sɔne Lewi. Yeesu aa nao la, o ŋɔ o be ŋɔ, “Ir ba teŋɛ n nɛ.” 28Anee Lewi ɡel wobɛlbwa dɛ ir teŋɛ o nɛ.
29Lewi ɡelɔ ba ɛ kondikonjena o dem dɛ hɔɔh Yeesu, asɛ o ne Yeesu ne toɔ lɛɛra pirim ne nɛra bane ka so dɛɛ di kwaa la. 30Belaa Farisii tena ne ba bini Tɔnjerema la pwah o habɔteŋra la ŋɔ, “Ɛrɛɛ he ne toɔ lɛɛra baa dɛ bɔ nɛra apoo ne wechɔɡ-ɛɛra pɛ dɛɛ di kwaa nɔɔ?”#Luk 15:2-7
31Yeesu aa no ɡɛ waa nɔ la o ŋɔ ba be ŋɔ, “Weela tenaa dɛɛ ɡaaɡe tɛɛɡa te bɔr, bokpeɡa tena laa.” 32Dɛ ŋɔ, “Nɛra baa dɛ lii ba te nɛndɛɛɡa waa laa n ba. Wechɔɡ-ɛɛra waa n ba, ásɛ ba charɛ ba liire.”
Nyoa vɔwa wepɛɛre
(Mat 9:14-17; Mak 2:18-22)
33Asɛ ba pɛɛro ŋɔ, “Ɛrɛ waa Jɔn habɔteŋra la ne Farisii tena la yon vɔwɛ nyoa dɛɛ soŋe Korowii, asɛ he habɔteŋra nɔ te aa wola ɡɛ ɛ nɔɔ?”
34Anee Yeesu sɛɡ ba dɛ ŋɔ, “Baa aa lawɛ hanfale dɛ yerɛ o daamanar ŋɔ bá ba lɛ ba sie nɔ, baa berɔɔ so lɔr aa? Baa lɔree so. 35Kɛ tɔpere bɛl ɛɛ bao kɛŋɔ baa lawɛ hanfale jaa laanee le ba bini. Gɛ saŋ la te, baa vɔwɛ nyoaa.”
36Belaa o berɛ sɛɡ ba ŋɔ, “Baa yafale mɔnɛ dɛ kpɔ dɛɛ tɔ yabene bɔɔ. Dɛ he ɛ ɡɛ naa, dɛ he chɔɡ onfale la, o ne ombene la ɡe aa dɔŋaa le.” 37Yeesu berɔ ŋɔ, “Baa senfala kpɔe dɛɛ do loŋbena aa kɔɔhna bini dɛɛ tɔ a nyoo. Dɛ he ɛ ɡɛ naa, senfala la baa peraa, aa do kpeɡrii dɛ́ pere loŋa la á chɔɡ, ásɛ sen la fuɡe. 38Senfala chɛ loŋfala. 39Nomɛlbwa aa sen aa peraa nyɔ, dɛ́ berɛ kaa nyin anɔ la aa wola pere bɔr kpa, dɛkalkɛ ampera la wer tɛo.”
S'ha seleccionat:
Luk 5: mzw
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Luk 5
5
Gɛ Yeesu aa yerɛ o loɡla habɔteŋra
(Mat 4:18-22; Mak 1:16-20)
1Awola bɛl, dɛ Yeesu cheɡɛ Gɛnɛsarɛt Moo la nyoa, asɛ nɛnlaa bane ba baro cheme, dɛ taɡɛ dɔŋa dɛɛ ba o be dɛ́ ba no Korowii Waa waa dɛ bol la. 2Yeesu na ɡbeni anɛ ane nɛra bane baa dɛ ɛ nee toma aa lawa vɔwɛ, dɛ le kaa chɛɡɛ ba asauri. 3Belaa o ka jo ɡbera la bɛl bini. Dɛ baa bɛl baa dɛ yerɔ Seemɔn konee. O ŋɔ Seemɔn be ŋɔ ó taɡɛ ɡbera la do tama. Anee o taɡɛ do tama, asɛ Yeesu so o bini dɛ bol waa baɡle nɛnlaa la.
4Waa bol waa baɡle nɛra la tonɛ la, o ŋɔ Seemɔn be ŋɔ, “He ne he bala la pa he asauri la do ɡbera nɔ bini, dɛ́ ɛɡɛ do baah ta, dɛ́ ka ta.”#Jɔn 21:3-8
5Anee Seemɔn ŋɔ, “E! N Dɔɔ, jwaana ne bwaa ya le ta asauri nɔ, ya ta komɛlbwa dɔe. Kɛ haa dɔa ŋɔ ɡɛ nɔ te naa, mɛɛ ɡeloo ya ka ta.”
6Baa taɡɛ ɡbera la do nebaah ta la, ba kaa ta asau la bɔle pɛŋedamanta ane nɛ, asɛ wɛɛ ba kɛɛra. 7Anomanta, ba laa nɔn ir ba bala bane ba ne baa dɛ ɛ tonsiwi beŋkpoŋ dɛ do ɡbera bɛl bini la ŋɔ bá ba, dɛ́ ba cha ba, ba tɛɡre pɛŋa la do ɡbeni anɛ la bwa bini a su dɛ fe ɛɛ nyin dɛ morɛ.
8Seemɔn baa bera dɛɛ yerɔ Pita aa na a ɡɛ waa nɔ la, o kaa ɡuŋi Yeesu sie dɛ ŋɔ, “Oo, n Dɔɔ, wechɔɡ-ɛɛree men! N poori, le n be.”#Mat 8:34 9Pɛŋedamanta Seemɔn ne nɛra baa ja o nɛɛ la aa dɔa la ɛ ba bwa nyokpoa. 10Gɛ tentenee a ɛ ba bala Sebedii bii Jɔn ne Jems la nyokpoa.
Belaa Yeesu ŋɔ Seemɔn be ŋɔ, “Dɛɛ berɛ ɔma. Le fini dɛɛ kaa, hɛɛ ɡel pɛŋa nyinaa dɛ́ baa teŋɛ n nɛ, ásɛ n baɡle heyaa ɡɛ baa nyin nɛra baa tɛ Korowii.”
11Baa tawɛ ba ɡbeni la ba chuɡe dɛ lawa vɔrɔwe la, ba ɡel wobɛlbwa dɛɛ teŋɛ Yeesu nɛ.
Yeesu chah baa bɛl weechɔɡa aa ɛ o bwara
(Mat 8:1-4; Mak 1:40-45)
12Awola bɛl, dɛ Yeesu lɔ bwɛɛ bɛl ta, dɛ baa bɛl lɔ bela asɛ weechɔɡa ɛ o bwara bwa. Waa na Yeesu la, o baa ɡuŋi o sie dɛ soŋo ŋɔ, “N Dɔɔ, dɛ he sɛoh ŋɔ hɛɛ chaah mɛɛ yaa, hɛɛ wonoo ɡel n bwara kwaa.”
13Anee Yeesu tɛr nɔn leɡo, dɛ ŋɔ, “N sɛoh. He bwara kwaarɔ.” Buɡ la ta, dɛ o weela la denɔ le o nɛ, o bwara kwaa.
14Asɛ Yeesu kaoh ŋɔ, “Bɛ nomɛlbwa be ŋɔ, kɛ la Sɔfo be ó ka pɛne, ásɛ he kpɔ kwaa ka tɛo ó kpo, ɡɛ Mosis aa baɡla la, ásɛ nɛra bwa na dɛ́ jemɛ kɛ he weela la toole he nɛɛ kpa.”#Lew 14:1-32
15Waa ŋɔ o be ŋɔ o bɛ nomɛlbwa be ŋɔ la, name tenee a ɛ anam. Yeesu waa perɔ kohona, asɛ nɛra ɛɛ ba o be pirim dɛ baa no o waa la wɛɛ chaah ba weela. 16Dɛ ba dɛ ba o be ɡɛ naa, ɡɛɛ o yon laa o te kpɔ ba bini, dɛ́ kaa bela nomɛlbwa aa wola toole dɛ́ kaa soŋe Korowii.
Yeesu chah baa bɛl waa kuuɡa so
(Mat 9:1-8; Mak 2:1-12)
17Awola bɛl, dɛ Yeesu dɛ baɡle nɛra Korowii Wa, asɛ Farisii tena bane ne Tɔnjerema baa le Galilia harɛ, ne Juda harɛ bwɛɛre la bwa ta ne Jerusalam ba, dɛ ba so bela, dɛ Korowii tɛo kpeɡri asɛ wɛɛ chah weela tena. 18Belaa baala bane che baa bɛl waa kuuɡa ne o kalaŋ ba, asɛ dɛ fe ɛɛ nyin bɔr dɛ́ kpɔɔ jo dem bela Yeesu aa lole la dɛ́ kpɔɔ ka bil o sie. 19Bɔr aa fara la, ba ta wone kpɔ baa la ba o be, anee ba teeh dea la, dɛ ka forɛ sal la bela Yeesu aa cheɡa la, dɛ kpɔ baa la ne o kalaŋ waa chɔ o ta la, dɛ che bela kpɔɔ bil Yeesu sie nɛra la baah ta.
20Yeesu aa na ɡɛ baa yaradao la, o ŋɔ baa la waa kuuɡa la be ŋɔ, “Baa, n kpɔ he wechɔɡa kɛɛ.”
21Asɛ Tɔnjerema la ne Farisii tena baa soɡe bela la lii ba nyu bini ŋɔ, “Ɛrɛɛ o do dɛɛ bol nɛnhɛlwaa ɡɛ nɔɔ? Dɛ Korowii laa aa, umee dɛ́ won kpɔ nɛn wechɔɡa kɛo wɔ?”
22Yeesu aa na waa baa dɛ lii la, o bɔɔ ba ŋɔ, “Ɛrɛɛ hɛɛ lii ɡɛ waa nɔ nɔɔ? 23Maa ŋɔ o be ŋɔ n kpɔ o wechɔɡa kɛo nɔ, ne kɛŋɔ maa ŋɔ o be ŋɔ ó ir dɛ́ valɛ, a bini umee kpeɡa ɔ? 24Mɛɛ chaɡle heyaa kɛŋɔ Men Nɛn Bie dɔ kpeɡri harɛ nɔ ta kɛ ń kpɔ nɛra wechɔɡa kɛ ba.” Belaa o ŋɔ naate waa kuuɡa la be ŋɔ, “N dɛ ŋɔ he be! Ir dɛ́ kpɔ he kalaŋ kaa dem!” 25Asɛ baa la ir buɡ la ta, dɛ kpɔ o kalaŋ nɛra la bwa siwi ta bela, dɛ kpɛɛ Korowii dɛɛ kaa. 26Yeesu aa ɛ ɡɛ la, nɛra la bwa nyoa kpoo, ɔmee laɡ ba, asɛ baa kpɛɛ Korowii dɛɛ ŋɔ, “Bɔkwa nyokpowaa ya na fini ken?”
Gɛ Yeesu aa yerɛ Lewi
(Mat 9:9-13; Mak 2:13-17)
27Anɔ habɔɔ la, Yeesu valɔ baa kaa dɛ na nomɛl waa soɡe o toma ta dɛɛ lɛ toɔ. Dɛ o sɔne Lewi. Yeesu aa nao la, o ŋɔ o be ŋɔ, “Ir ba teŋɛ n nɛ.” 28Anee Lewi ɡel wobɛlbwa dɛ ir teŋɛ o nɛ.
29Lewi ɡelɔ ba ɛ kondikonjena o dem dɛ hɔɔh Yeesu, asɛ o ne Yeesu ne toɔ lɛɛra pirim ne nɛra bane ka so dɛɛ di kwaa la. 30Belaa Farisii tena ne ba bini Tɔnjerema la pwah o habɔteŋra la ŋɔ, “Ɛrɛɛ he ne toɔ lɛɛra baa dɛ bɔ nɛra apoo ne wechɔɡ-ɛɛra pɛ dɛɛ di kwaa nɔɔ?”#Luk 15:2-7
31Yeesu aa no ɡɛ waa nɔ la o ŋɔ ba be ŋɔ, “Weela tenaa dɛɛ ɡaaɡe tɛɛɡa te bɔr, bokpeɡa tena laa.” 32Dɛ ŋɔ, “Nɛra baa dɛ lii ba te nɛndɛɛɡa waa laa n ba. Wechɔɡ-ɛɛra waa n ba, ásɛ ba charɛ ba liire.”
Nyoa vɔwa wepɛɛre
(Mat 9:14-17; Mak 2:18-22)
33Asɛ ba pɛɛro ŋɔ, “Ɛrɛ waa Jɔn habɔteŋra la ne Farisii tena la yon vɔwɛ nyoa dɛɛ soŋe Korowii, asɛ he habɔteŋra nɔ te aa wola ɡɛ ɛ nɔɔ?”
34Anee Yeesu sɛɡ ba dɛ ŋɔ, “Baa aa lawɛ hanfale dɛ yerɛ o daamanar ŋɔ bá ba lɛ ba sie nɔ, baa berɔɔ so lɔr aa? Baa lɔree so. 35Kɛ tɔpere bɛl ɛɛ bao kɛŋɔ baa lawɛ hanfale jaa laanee le ba bini. Gɛ saŋ la te, baa vɔwɛ nyoaa.”
36Belaa o berɛ sɛɡ ba ŋɔ, “Baa yafale mɔnɛ dɛ kpɔ dɛɛ tɔ yabene bɔɔ. Dɛ he ɛ ɡɛ naa, dɛ he chɔɡ onfale la, o ne ombene la ɡe aa dɔŋaa le.” 37Yeesu berɔ ŋɔ, “Baa senfala kpɔe dɛɛ do loŋbena aa kɔɔhna bini dɛɛ tɔ a nyoo. Dɛ he ɛ ɡɛ naa, senfala la baa peraa, aa do kpeɡrii dɛ́ pere loŋa la á chɔɡ, ásɛ sen la fuɡe. 38Senfala chɛ loŋfala. 39Nomɛlbwa aa sen aa peraa nyɔ, dɛ́ berɛ kaa nyin anɔ la aa wola pere bɔr kpa, dɛkalkɛ ampera la wer tɛo.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.