མཐིཿ 19

1ཨནནྟརམ྄ ཨེཏཱསུ ཀཐཱསུ སམཱཔྟཱསུ ཡཱིཤུ རྒཱལཱིལཔྲདེཤཱཏ྄ པྲསྠཱཡ ཡརྡནྟཱིརསྠཾ ཡིཧཱུདཱཔྲདེཤཾ པྲཱཔྟཿ།

2ཏདཱ ཏཏྤཤྩཱཏ྄ ཛནནིཝཧེ གཏེ ས ཏཏྲ ཏཱན྄ ནིརཱམཡཱན྄ ཨཀརོཏ྄།

3ཏདནནྟརཾ ཕིརཱུཤིནསྟཏྶམཱིཔམཱགཏྱ པཱརཱིཀྵིཏུཾ ཏཾ པཔྲཙྪུཿ, ཀསྨཱདཔི ཀཱརཎཱཏ྄ ནརེཎ སྭཛཱཡཱ པརིཏྱཱཛྱཱ ན ཝཱ?

4ས པྲཏྱུཝཱཙ, པྲཐམམ྄ ཨཱིཤྭརོ ནརཏྭེན ནཱརཱིཏྭེན ཙ མནུཛཱན྄ སསརྫ, ཏསྨཱཏ྄ ཀཐིཏཝཱན྄,

5མཱནུཥཿ སྭཔིཏརཽ པརིཏྱཛྱ སྭཔཏྣྱཱམ྄ ཨཱསཀྵྱཏེ, ཏཽ དྭཽ ཛནཱཝེཀཱངྒཽ བྷཝིཥྱཏཿ, ཀིམེཏད྄ ཡུཥྨཱབྷི རྣ པཋིཏམ྄?

6ཨཏསྟཽ པུན རྣ དྭཽ ཏཡོརེཀཱངྒཏྭཾ ཛཱཏཾ, ཨཱིཤྭརེཎ ཡཙྩ སམཡུཛྱཏ, མནུཛོ ན ཏད྄ བྷིནྡྱཱཏ྄།

7ཏདཱནཱིཾ ཏེ ཏཾ པྲཏྱཝདན྄, ཏཐཱཏྭེ ཏྱཱཛྱཔཏྲཾ དཏྟྭཱ སྭཱཾ སྭཱཾ ཛཱཡཱཾ ཏྱཀྟུཾ ཝྱཝསྠཱཾ མཱུསཱཿ ཀཐཾ ལིལེཁ?

8ཏཏཿ ས ཀཐིཏཝཱན྄, ཡུཥྨཱཀཾ མནསཱཾ ཀཱཋིནྱཱད྄ ཡུཥྨཱན྄ སྭཱཾ སྭཱཾ ཛཱཡཱཾ ཏྱཀྟུམ྄ ཨནྭམནྱཏ ཀིནྟུ པྲཐམཱད྄ ཨེཥོ ཝིདྷིརྣཱསཱིཏ྄།

9ཨཏོ ཡུཥྨཱནཧཾ ཝདཱམི, ཝྱབྷིཙཱརཾ ཝིནཱ ཡོ ནིཛཛཱཡཱཾ ཏྱཛེཏ྄ ཨནྱཱཉྩ ཝིཝཧེཏ྄, ས པརདཱརཱན྄ གཙྪཏི; ཡཤྩ ཏྱཀྟཱཾ ནཱརཱིཾ ཝིཝཧཏི སོཔི པརདཱརེཥུ རམཏེ།

10ཏདཱ ཏསྱ ཤིཥྱཱསྟཾ བབྷཱཥིརེ, ཡདི སྭཛཱཡཡཱ སཱཀཾ པུཾས ཨེཏཱདྲྀཀ྄ སམྦནྡྷོ ཛཱཡཏེ, ཏརྷི ཝིཝཧནམེཝ ན བྷདྲཾ།

11ཏཏཿ ས ཨུཀྟཝཱན྄, ཡེབྷྱསྟཏྶཱམརྠྱཾ ཨཱདཱཡི, ཏཱན྄ ཝིནཱནྱཿ ཀོཔི མནུཛ ཨེཏནྨཏཾ གྲཧཱིཏུཾ ན ཤཀྣོཏི།

12ཀཏིཔཡཱ ཛནནཀླཱིབཿ ཀཏིཔཡཱ ནརཀྲྀཏཀླཱིབཿ སྭརྒརཱཛྱཱཡ ཀཏིཔཡཱཿ སྭཀྲྀཏཀླཱིབཱཤྩ སནྟི, ཡེ གྲཧཱིཏུཾ ཤཀྣུཝནྟི ཏེ གྲྀཧླནྟུ།

13ཨཔརམ྄ ཡཐཱ ས ཤིཤཱུནཱཾ གཱཏྲེཥུ ཧསྟཾ དཏྭཱ པྲཱརྠཡཏེ, ཏདརྠཾ ཏཏྶམཱིཾཔཾ ཤིཤཝ ཨཱནཱིཡནྟ, ཏཏ ཨཱནཡིཏྲྀན྄ ཤིཥྱཱསྟིརསྐྲྀཏཝནྟཿ།

14ཀིནྟུ ཡཱིཤུརུཝཱཙ, ཤིཤཝོ མདནྟིཀམ྄ ཨཱགཙྪནྟུ, ཏཱན྄ མཱ ཝཱརཡཏ, ཨེཏཱདྲྀཤཱཾ ཤིཤཱུནཱམེཝ སྭརྒརཱཛྱཾ།

15ཏཏཿ ས ཏེཥཱཾ གཱཏྲེཥུ ཧསྟཾ དཏྭཱ ཏསྨཱཏ྄ སྠཱནཱཏ྄ པྲཏསྠེ།

16ཨཔརམ྄ ཨེཀ ཨཱགཏྱ ཏཾ པཔྲཙྪ, ཧེ པརམགུརོ, ཨནནྟཱཡུཿ པྲཱཔྟུཾ མཡཱ ཀིཾ ཀིཾ སཏྐརྨྨ ཀརྟྟཝྱཾ?

17ཏཏཿ ས ཨུཝཱཙ, མཱཾ པརམཾ ཀུཏོ ཝདསི? ཝིནེཤྩརཾ ན ཀོཔི པརམཿ, ཀིནྟུ ཡདྱནནྟཱཡུཿ པྲཱཔྟུཾ ཝཱཉྪསི, ཏརྷྱཱཛྙཱཿ པཱལཡ།

18ཏདཱ ས པྲྀཥྚཝཱན྄, ཀཱཿ ཀཱ ཨཱཛྙཱཿ? ཏཏོ ཡཱིཤུཿ ཀཐིཏཝཱན྄, ནརཾ མཱ ཧནྱཱཿ, པརདཱརཱན྄ མཱ གཙྪེཿ, མཱ ཙོརཡེཿ, མྲྀཥཱསཱཀྵྱཾ མཱ དདྱཱཿ,

19ནིཛཔིཏརཽ སཾམནྱསྭ, སྭསམཱིཔཝཱསིནི སྭཝཏ྄ པྲེམ ཀུརུ།

20ས ཡུཝཱ ཀཐིཏཝཱན྄, ཨཱ བཱལྱཱད྄ ཨེཏཱཿ པཱལཡཱམི, ཨིདཱནཱིཾ ཀིཾ ནྱཱུནམཱསྟེ?

21ཏཏོ ཡཱིཤུརཝདཏ྄, ཡདི སིདྡྷོ བྷཝིཏུཾ ཝཱཉྪསི, ཏརྷི གཏྭཱ ནིཛསཪྻྭསྭཾ ཝིཀྲཱིཡ དརིདྲེབྷྱོ ཝིཏར, ཏཏཿ སྭརྒེ ཝིཏྟཾ ལཔྶྱསེ; ཨཱགཙྪ, མཏྤཤྩཱདྭརྟྟཱི ཙ བྷཝ།

22ཨེཏཱཾ ཝཱཙཾ ཤྲུཏྭཱ ས ཡུཝཱ སྭཱིཡབཧུསམྤཏྟེ ཪྻིཥཎཿ སན྄ ཙལིཏཝཱན྄།

23ཏདཱ ཡཱིཤུཿ སྭཤིཥྱཱན྄ ཨཝདཏ྄, དྷནིནཱཾ སྭརྒརཱཛྱཔྲཝེཤོ མཧཱདུཥྐར ཨིཏི ཡུཥྨཱནཧཾ ཏཐྱཾ ཝདཱམི།

24པུནརཔི ཡུཥྨཱནཧཾ ཝདཱམི, དྷནིནཱཾ སྭརྒརཱཛྱཔྲཝེཤཱཏ྄ སཱུཙཱིཚིདྲེཎ མཧཱངྒགམནཾ སུཀརཾ།

25ཨིཏི ཝཱཀྱཾ ནིཤམྱ ཤིཥྱཱ ཨཏིཙམཏྐྲྀཏྱ ཀཐཡཱམཱསུཿ; ཏརྷི ཀསྱ པརིཏྲཱཎཾ བྷཝིཏུཾ ཤཀྣོཏི?

26ཏདཱ ས ཏཱན྄ དྲྀཥྡྭཱ ཀཐཡཱམཱས, ཏཏ྄ མཱནུཥཱཎཱམཤཀྱཾ བྷཝཏི, ཀིནྟྭཱིཤྭརསྱ སཪྻྭཾ ཤཀྱམ྄།

27ཏདཱ པིཏརསྟཾ གདིཏཝཱན྄, པཤྱ, ཝཡཾ སཪྻྭཾ པརིཏྱཛྱ བྷཝཏཿ པཤྩཱདྭརྟྟིནོ ྅བྷཝཱམ; ཝཡཾ ཀིཾ པྲཱཔྶྱཱམཿ?

28ཏཏོ ཡཱིཤུཿ ཀཐིཏཝཱན྄, ཡུཥྨཱནཧཾ ཏཐྱཾ ཝདཱམི, ཡཱུཡཾ མམ པཤྩཱདྭརྟྟིནོ ཛཱཏཱ ཨིཏི ཀཱརཎཱཏ྄ ནཝཱིནསྲྀཥྚིཀཱལེ ཡདཱ མནུཛསུཏཿ སྭཱིཡཻཤྩཪྻྱསིཾཧཱསན ཨུཔཝེཀྵྱཏི, ཏདཱ ཡཱུཡམཔི དྭཱདཤསིཾཧཱསནེཥཱུཔཝིཤྱ ཨིསྲཱཡེལཱིཡདྭཱདཤཝཾཤཱནཱཾ ཝིཙཱརཾ ཀརིཥྱཐ།

29ཨནྱཙྩ ཡཿ ཀཤྩིཏ྄ མམ ནཱམཀཱརཎཱཏ྄ གྲྀཧཾ ཝཱ བྷྲཱཏརཾ ཝཱ བྷགིནཱིཾ ཝཱ པིཏརཾ ཝཱ མཱཏརཾ ཝཱ ཛཱཡཱཾ ཝཱ བཱལཀཾ ཝཱ བྷཱུམིཾ པརིཏྱཛཏི, ས ཏེཥཱཾ ཤཏགུཎཾ ལཔྶྱཏེ, ཨནནྟཱཡུམོ྅དྷིཀཱརིཏྭཉྩ པྲཱཔྶྱཏི།

30ཀིནྟུ ཨགྲཱིཡཱ ཨནེཀེ ཛནཱཿ པཤྩཱཏ྄, པཤྩཱཏཱིཡཱཤྩཱནེཀེ ལོཀཱ ཨགྲེ བྷཝིཥྱནྟི།

S'ha seleccionat:

མཐིཿ 19: SANTI

Subratllat

Comparteix

Copia