Laoidhean 14

LAOIDH 14

Ecles. 7.2-6

1O sibhs' air fad le 'm b' àill bhi glic,

bibh tric an tigh a' bhròin:

Oir luath no mall tha sinn gu léir

ri fulang péin is leon.

2Is fearr gu mòr bhi giùlan goimh,

o àmhghar tigh na caoidh;

Na 'n cridh' a lot le sòlas baoth,

an cuideachd dhaoine daoi.

3'N tràth bhios an aghaidh tuirseach trom,

's an t‑sùil a' sileadh dheur,

Gheibh smuainte naomh' 's an anam tamh,

's ni iad ni 's fearr an gné.

4An duine crionna théid gu tric

gu bothan bochd a' bhròin;

Ach leis an dream air bheagan céill'

is aoibhinn talla cheòil.

5Is diombuan aighear dhaoine daoi,

's is dlùth dhoibh àmhghar truagh:

Mar bhoisge fuaimneach droighinn fhaoin

ghrad‑chaochlaidheas gu luath.

S'ha seleccionat:

Laoidhean 14: LSN1987

Subratllat

Comparteix

Copia

Vols que els teus subratllats es desin a tots els teus dispositius? Registra't o inicia sessió

Més informació sobre Laoidhean o na Sgriobtaran Naomha 1987