SAN LUCAS 15
15
Chinkaj ovejamanta rijch'anachina
(Mt 18.10-14)
1Tukuy impuestota cobrajkuna, juchasapas ima, Jesusman qayllaykorqanku uyarinankupaj. 2Chaynejta fariseosqa, leymanta yachachejkunawan thutuspa nisharqanku: Kay runaqa juchasapaswan tantakun, paykunawan khuskataj mikhun, nispa.
3Jesustaj kay rijch'anachinata yachacherqa: 4Manachu mayqenniykichejpis qankunamanta, pachaj ovejasniyoj kaspa, ujnin chinkajtin, isq'on chunka isq'onniyojta ch'innejpi saqespa mask'aj rin, chinkasqa kajta tarinankama? 5Tariytawantaj q'epiriykukun may kusisqa. 6Wasinman chayaytawantajri tantaykun kausaqesninta, qayllampi kajkunata ima, nispa: Noqawan kusikuychej, imaraykuchus tarikapuni chinkasqa ovejayta. 7Kayta niykichej yachanaykichejpaj; ajinallataj aswan kusiy kanqa janaj pachapi uj juchasapa runa Diosman kutiripojtin, chay isq'on chunka isq'onniyoj mana juchayojkunamanta nisqaqa. Paykunaqa Diosman mana kutirinankuñachu tiyan.
Chinkasqa qolqe
8Manachu pi warmipis, chunka dracma qolqemanta ujnin kajta chinkachispa, kikimpacha k'anchata jap'ichiytawan mask'an wasinta pichaspa, tarinankama? 9Tariytawantaj kausaqesninta, qayllampi kajkunata ima tantaykuspa paykunaman nin: Kusikuychej noqawan khuska, imaraykuchus tarikapuni chinkasqa qolqeyta. 10Ajina kusiy kasqanta niykichej, Diospa angelesnimpa ñaupaqempi, uj juchasapa runa Diosman kutirikojtin.
Chinkaj wayna
11Jesusqa nillarqataj: Uj runa iskay qhari wawasniyoj karqa. 12Sullk'a kajqa tatanman nerqa: Tatáy, chayaqeyta qopuway, nispa. Tatankutaj sapa ujninkuman chayaqenkuta qoporqa. 13Pisi p'unchaykunamantataj, sullk'a kaj churenqa karu llajtaman riporqa, tukuy chayaqenta tantaykuspa. Jaqaypitaj tukuy qolqenta tukucherqa sajrata kausaspa. 14Chayaqenta tukuchisqantawantaj, manchay yarqhay karqa chay llajtapi; paytaj pisichikuyta qallarerqa. 15Chayrayku llank'anata mask'arqa, jinapitaj chay llajtayoj patrompaman qayllaykorqa. Paytaj jallp'anman kacharqa khuchista michejta. 16Chaypitaj sajsakuyta munaj khuchi mikhuna thaqoswan; manataj pillapis ni imata jaywarejchu. 17Yuyayninman churakuspataj sonqompi nerqa: Tataypa wasimpi llank'ajkunaqa ashkha mikhunayoj kanku, noqataj kaypi yarqhaymanta wañushaniña! 18Kutiripusaj tataypa wasinman, paymantaj nisaj: Tatáy, Diospaj juchallini, qampajpis juchallillanitaj. 19Manaña wawayki ninapaj jinachu kani; ujnin llank'ajniykita jinallaña jap'ikapuway ari, nispa. 20Kikimpacha sayariytawantaj kutiporqa tatampaman.
Karullapiraj kashajtintaj, tatanqa payta rikorqa. Khuyakuspataj taripaj rerqa, kunkanmanta ojllaykuytawantaj much'aykorqa. 21Wawantaj nerqa: Tatáy, Diospaj juchallini, qampajpis juchallillanitaj; manaña wawayki ninapaj jinachu kani. 22Chantá tatanqa runasninta kamacherqa: Kunampacha orqhomuychej aswan sumaj p'achata, p'achallichiychejtaj. Anillotapis makisninman churaychej, zapatostataj chakisninman. 23Wira kaj waka uñata apamuspa ñak'aychej; qhochukuta ruwaspataj sumajta mikhusunchej. 24Kay wawayqa wañusqa karqa, kausarimuntaj; chinkasqa karqa, tarisqataj. Ajinamanta kusikuyta qallarerqanku.
25Chaykamataj kuraj kaj wawanqa chajrapi kasharqa. Kutimuspataj wasinman qayllaykorqa, uyarerqataj takisqankuta, tususqankuta ima. 26Ujnin kaj uywasqanta wajyaspataj taporqa: Ima ch'ajwataj chayri?, nispa. 27Paytaj kuticherqa: Wauqeyki chayampun; tataykita wira kaj waka uñata ñak'achin, allillan kutimpusqanrayku. 28Chantaqa pay phiñakorqa, manataj wasinman yaykuyta munarqachu. Tatantaj llojsimuspa mayta nerqa yaykunanta. 29Paytaj tatanman nerqa: Noqaqa, kay chhika watastaña sirviyki, kasuspallapuni; manataj jayk'ajpis uj cabritallatapis qowarqankichu kausaqesniywan mikhuspa kusirikunaypaj. 30Kay wawaykeqa, tukuy kapuyniykita usuchimorqa sajra kausaj warmiswan khuska, kutimojtintaj paypajqa ñak'achinki aswan wira kaj waka uñata.
31Tatantaj nerqa: Wawáy, qanqa noqawampuni kashanki, tukuy imasniypis qampatapuni. 32Atikullarqa qhochukuta ruwaspa kusikunaqa. Kay wauqeykeqa wañusqa karqa, kausarimpuntaj; chinkasqa kasqanmantataj rikhurimpun.
S'ha seleccionat:
SAN LUCAS 15: QCHSB
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Qheshwa Biblia DC © Sociedades Bíblicas Unidas, 1986.
SAN LUCAS 15
15
Chinkaj ovejamanta rijch'anachina
(Mt 18.10-14)
1Tukuy impuestota cobrajkuna, juchasapas ima, Jesusman qayllaykorqanku uyarinankupaj. 2Chaynejta fariseosqa, leymanta yachachejkunawan thutuspa nisharqanku: Kay runaqa juchasapaswan tantakun, paykunawan khuskataj mikhun, nispa.
3Jesustaj kay rijch'anachinata yachacherqa: 4Manachu mayqenniykichejpis qankunamanta, pachaj ovejasniyoj kaspa, ujnin chinkajtin, isq'on chunka isq'onniyojta ch'innejpi saqespa mask'aj rin, chinkasqa kajta tarinankama? 5Tariytawantaj q'epiriykukun may kusisqa. 6Wasinman chayaytawantajri tantaykun kausaqesninta, qayllampi kajkunata ima, nispa: Noqawan kusikuychej, imaraykuchus tarikapuni chinkasqa ovejayta. 7Kayta niykichej yachanaykichejpaj; ajinallataj aswan kusiy kanqa janaj pachapi uj juchasapa runa Diosman kutiripojtin, chay isq'on chunka isq'onniyoj mana juchayojkunamanta nisqaqa. Paykunaqa Diosman mana kutirinankuñachu tiyan.
Chinkasqa qolqe
8Manachu pi warmipis, chunka dracma qolqemanta ujnin kajta chinkachispa, kikimpacha k'anchata jap'ichiytawan mask'an wasinta pichaspa, tarinankama? 9Tariytawantaj kausaqesninta, qayllampi kajkunata ima tantaykuspa paykunaman nin: Kusikuychej noqawan khuska, imaraykuchus tarikapuni chinkasqa qolqeyta. 10Ajina kusiy kasqanta niykichej, Diospa angelesnimpa ñaupaqempi, uj juchasapa runa Diosman kutirikojtin.
Chinkaj wayna
11Jesusqa nillarqataj: Uj runa iskay qhari wawasniyoj karqa. 12Sullk'a kajqa tatanman nerqa: Tatáy, chayaqeyta qopuway, nispa. Tatankutaj sapa ujninkuman chayaqenkuta qoporqa. 13Pisi p'unchaykunamantataj, sullk'a kaj churenqa karu llajtaman riporqa, tukuy chayaqenta tantaykuspa. Jaqaypitaj tukuy qolqenta tukucherqa sajrata kausaspa. 14Chayaqenta tukuchisqantawantaj, manchay yarqhay karqa chay llajtapi; paytaj pisichikuyta qallarerqa. 15Chayrayku llank'anata mask'arqa, jinapitaj chay llajtayoj patrompaman qayllaykorqa. Paytaj jallp'anman kacharqa khuchista michejta. 16Chaypitaj sajsakuyta munaj khuchi mikhuna thaqoswan; manataj pillapis ni imata jaywarejchu. 17Yuyayninman churakuspataj sonqompi nerqa: Tataypa wasimpi llank'ajkunaqa ashkha mikhunayoj kanku, noqataj kaypi yarqhaymanta wañushaniña! 18Kutiripusaj tataypa wasinman, paymantaj nisaj: Tatáy, Diospaj juchallini, qampajpis juchallillanitaj. 19Manaña wawayki ninapaj jinachu kani; ujnin llank'ajniykita jinallaña jap'ikapuway ari, nispa. 20Kikimpacha sayariytawantaj kutiporqa tatampaman.
Karullapiraj kashajtintaj, tatanqa payta rikorqa. Khuyakuspataj taripaj rerqa, kunkanmanta ojllaykuytawantaj much'aykorqa. 21Wawantaj nerqa: Tatáy, Diospaj juchallini, qampajpis juchallillanitaj; manaña wawayki ninapaj jinachu kani. 22Chantá tatanqa runasninta kamacherqa: Kunampacha orqhomuychej aswan sumaj p'achata, p'achallichiychejtaj. Anillotapis makisninman churaychej, zapatostataj chakisninman. 23Wira kaj waka uñata apamuspa ñak'aychej; qhochukuta ruwaspataj sumajta mikhusunchej. 24Kay wawayqa wañusqa karqa, kausarimuntaj; chinkasqa karqa, tarisqataj. Ajinamanta kusikuyta qallarerqanku.
25Chaykamataj kuraj kaj wawanqa chajrapi kasharqa. Kutimuspataj wasinman qayllaykorqa, uyarerqataj takisqankuta, tususqankuta ima. 26Ujnin kaj uywasqanta wajyaspataj taporqa: Ima ch'ajwataj chayri?, nispa. 27Paytaj kuticherqa: Wauqeyki chayampun; tataykita wira kaj waka uñata ñak'achin, allillan kutimpusqanrayku. 28Chantaqa pay phiñakorqa, manataj wasinman yaykuyta munarqachu. Tatantaj llojsimuspa mayta nerqa yaykunanta. 29Paytaj tatanman nerqa: Noqaqa, kay chhika watastaña sirviyki, kasuspallapuni; manataj jayk'ajpis uj cabritallatapis qowarqankichu kausaqesniywan mikhuspa kusirikunaypaj. 30Kay wawaykeqa, tukuy kapuyniykita usuchimorqa sajra kausaj warmiswan khuska, kutimojtintaj paypajqa ñak'achinki aswan wira kaj waka uñata.
31Tatantaj nerqa: Wawáy, qanqa noqawampuni kashanki, tukuy imasniypis qampatapuni. 32Atikullarqa qhochukuta ruwaspa kusikunaqa. Kay wauqeykeqa wañusqa karqa, kausarimpuntaj; chinkasqa kasqanmantataj rikhurimpun.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Qheshwa Biblia DC © Sociedades Bíblicas Unidas, 1986.