JUAN 4
4
Ni bwieꞌ Jesúz to ngüna-samaritan
1Bieññ meññ-nac yahc fariseu ma xtahl meññ gadohp Jesúz, no ma xtahl meññ gachôbnihs me que Juaṉ, 2nîcze nehx Jesúz rchôbnihs, mazyg xmeññ me. 3Hor-gunn Jesúz ni ganii meññ-nac yahc fariseu, byruu me ṟegioṉ-Judea, no gubyguiat me za me ṟegioṉ-Galilea.
4Lóni za me, nier güdedy me lo ṟegioṉ-Samary. 5No bydzihñ me to guiedzy ni le Sicar, ni nu lo ṟegioṉ-Samary, gahsh gá to lyu ni biscady Jacop xiiñ me José. 6Uga nu to pos, rnii yâme leu xpos Jacop. No Jesúz bydzahg me de ni güzeꞌ me, no gürie me ruꞌ pos-wé, ba beeiy ribygue. 7Lo hor-wé bydzihñ to ngüna-samaritan zigloo me nzeꞌ, no ra Jesúz leeme:
―Bdee doozy xinzeꞌy goon.
8Xmeññ Jesúz naꞌ, za yâme leññ guiedzy zicshii yâme guîlrahgü.
9Ra ngüna-samaritan Jesúz:
―¿Bia mód neꞌy gdedyaꞌ nzeꞌ lii, no naquiꞌ meññ-Isṟael, no naa nacaꞌ meññ-samaritan?
(Porni meññ-Isṟael nehx rwieꞌ saꞌ yâme mos no meññ-samaritan.) 10Ra Jesúz leeme:
―Bâḻ ñanniꞌ bia rdee Dioz, no bâḻ ñanniꞌ dxu we naa ni ganab nzeꞌ lii, lii we nnabiꞌyu naa, no naa ndedyaꞌ lii ni zidguiahc beeiy nzeꞌ ni rdee guîlmbahñ.
11Ra ngüna-samaritan leeme:
―Señor, nehx nu bia no gbooyu, no guiat leññ pos. ¿Bá glo ncaꞌy nzeꞌ ni rdee guîlmbahñ ni ndeedyiꞌ naa? 12Dtadgul noꞌ Jacop ni güyuꞌ ba xtze, leeme we psan-no pos-rieꞌ noꞌ, no neꞌ gahc‑e cuaꞌ me nzeꞌ ni güee me, no ni güee xmiꞌñ me, no xnimal me zegahc. ¿Nehxni ma rsahquiꞌ que leeme?
13Ra Jesúz leeme:
―Gyre dxu roo nze-rieꞌ, zibyguiat ssaagyladzy; 14per dxu ñoo nzeꞌ ni gdedyaꞌ, nehx zibyguiat ssaagyladzy; porni leññ xguîlmbahñ me gdedyaꞌ ni zidguiahc beeiy nzeꞌ ni rda, no gacu guîlmbahñ ni nehx zluhx.
15Ra ngüna-samaritan leeme:
―Señor, bdee naa nze-wé, lehdy di guibyguiat gyzaagydadzyaꞌ, no di guibyguiat guidloon nzeꞌ neꞌ.
16Ra Jesúz leeme:
―Güya, biycaꞌ tziahliꞌ, no guiaadiꞌ neꞌ gyzac.
17Ra ngüna-caḻ leeme:
―Nehx rapaꞌ dtziaalaꞌ.
Ra Jesúz leeme:
―Xñahzu we ni güniiy, nehx rahpiꞌ tziahliꞌ; 18porni gaay mpyquie bidzñay no lee, no mpyquie ni dxienoy hôrrieꞌ, ba nehx bidzñay no lee; ni uli we ni güniiy.
19Ra ngüna-caḻ leeme:
―Señor, zoꞌ naa profet‑e lii. 20Dtadgul yahc noꞌ ni güyuꞌ ba xtze bzacbeeiy yâme Dioz neꞌ lo dañ-rieꞌ, per laꞌd ni nac meññ-Isṟael, ne laꞌd Jerusaléṉ‑e racladzyu dzigzacbeeiy meññ Dioz.
21Ra Jesúz leeme:
―Ngünaa, bylíladzy ni gapyaꞌ lii. Zdzihñ dzé ni gzacbeeiy meññ Dioz ni nac dTad nó, no ba nehx siahd laꞌd dañ-rieꞌ, ni ba di zia laꞌd Jerusaléṉ. 22Laꞌd rzacbeeiy laꞌd ni nehx nann laꞌd dxu lee; per noꞌ nann noꞌ dxu rzacbeeiy noꞌ lee; porni de meññ-Isṟael ziaad dxu guislaa meññ de lo guîlnadz. 23Per zdzihñ dzé, no hôrrieꞌ gahc‑e dze-wé, meññ ni ulihbu rzacbeeiy Dioz ni nac dTad nó, gzacbeeiy yâme leeme por xiSpirt me no ni nac ni uli, porni Dioz ni nac dTad nó racladzy me gacu ze no meññ-rzacbeeiy leeme. 24Dioz, Spirt‑e leeme, no dxu rzacbeeiy leeme, rquihñu gzacbeeiy yâme leeme por xiSpirt me no ni nac ni uli.
25Ra ngüna-samaritan leeme:
―Naa nannaꞌ guiaad ni lee nac Mesíaz, ni ra yâme lee Crist; no dze-guiaad me, za me noꞌ gyreu.
26Ra Jesúz leeme:
―Naa ni gayuno diidz lii we ni neꞌy guiaad.
27Lo hor-wé bydzihñ xmeññ me, no ptzunadz yâme gayu Jesúz diidz no to ngünaa. Per ndruhty di nnabdiidz leeme bia gayu yâme, o bia ganabdiidz me ngüna-caḻ. 28Were psaꞌn ngüna-caḻ xrieꞌ, no güya me leññ guiedzy, no ra me meññ:
29―Lâ te, güieꞌ laꞌd to mpyquie ni ra naa gyre ni ptzon. ¿Dxgann dac‑e leeme nac Crist la?
30Byruu yâme leññ guiedzy no za yâme ru dxie Jesúz.
31Lóni zia ngüna-caḻ, xmeññ Jesúz naꞌ gaya leeme:
―Muextr, güdahgü.
32Per leeme ra me leeyâme:
―Naa rapaꞌ to guîlrahgü ni nehx rzaclo laꞌd lee.
33Were ganabdiidz saꞌ xmeññ me, ne:
―¿Dxuhch bidno ni gahgü me la?
34Per Jesúz ra leeyâme:
―Ni zidguiahc beeiy dguîlrahguaꞌ, leeu we de ni ctzon ni ne Dioz ni pshahl naa, no luxaꞌ xtziiñ me. 35Ne laꞌd: “Riaadz ziaꞌ stahp mboo par gydzihñ cüsech”; per naa gapyaꞌ laꞌd: Lâ güieꞌ gyre meññ-rieꞌ ni ziaad, zidguiahc yâme we beeiy cüsech ni ba bydzihñ no ba gaye. 36Dxu runo meññ xtiidz Dioz, zidguiahc me we beeiy meññ-gatzoo cüsech, no scaꞌ me ni zidguiahc beeiy sahcu; no cüsech-rieꞌ, leeu we par gap meññ guîlmbahñ ni nehx zluhx, lehdy scâsy meññ-guzlo gatzoo dziiñ no zegahc meññ-rtzoo cüsech, rxihly gyrop cuib yâme. 37No ni uli we rnii to didz-zaaby ni ne: “To meññ rdziib, no dze-ba nu cüsech zrieñ rchuꞌ.” 38Naa gashaalaꞌ laꞌd beeiy ni zictzoo laꞌd cüsech ru nehx bdziib laꞌd. Zrieñ meññ ptzoo dziiñ beeiy ni bdziib leeu, no laꞌd ctzoo xicüsechu.
39Xtahl meññ-samaritan ni nu guiedzy-wé bylíladzy yâme Jesúz no ni günii ngüna-caḻ de ni ra me: “Gu me naa gyre ni ba ptzon.” 40Ru bydzihñ meññ-samaritan ru dxie Jesúz, ra yâme leeme guiaꞌn me no leeyâme; no biaꞌn me uga chohp dzé. 41No ma xtahl yâme bylíladzy hor-bieññ yâme ni günii me lehbme. 42No ra yâme ngüna-caḻ:
―Hôrrieꞌ rlídadzy noꞌ, nehx nunzy de ni guhdzyiꞌ noꞌ, mazyg porni noꞌ gahc ba bieññ noꞌ ni günii me, no ba nann noꞌ ni uli we leeme nac Crist ni guislaa meññ-nu lo guiedzylie de lo guîlnadz ni ziaad.
Psiaḻ Jesúz xiiñ to mpyquie-rtzoo xtziiñ ṟeiy
43Güdedy chohp dzé byruu Jesúz ṟegioṉ-Samary, za me ṟegioṉ-Galilea, 44porni Jesúz gahc günii me, to profet nehx rzacbeeiy meññ lee leññ gahc xguiedzy. 45Per ru bydzihñ Jesúz ṟegioṉ-Galilea, bdee meññ-Galilea ñahz no guîlrxihly bydzihñ me, porni dze-güya yâme lni-Pascü Jerusaléṉ, bwieꞌ yâme gyre ni ptzoo me uga.
46Luxu gubyguiat Jesúz guiedzy-Caná ni nu lo ṟegioṉ-Galilea, ru ptzoo me nzeꞌ vin. No guiedzy-Capernaum nu to mpyquie-rtzoo xtziiñ ṟeiy, rahp to xiñ-ñooby me gayac-ure. 47Hor-gunn mpyquie-rtzoo xtziiñ ṟeiy byruu Jesúz ṟegioṉ-Judea no biahd me ṟegioṉ-Galilea, güya me günab me tza Jesúz xiryuꞌ me lehdy csiaḻ xiiñ me ni gayac-ure lé rluu ba dziguiehty. 48Were ra Jesúz leeme:
―Nehx rlíladzy laꞌd naa, bâḻ di güieꞌ laꞌd ctzon ni ngann no zrieñ guîlrtzunadz.
49Per mpyquie-caḻ ra me Jesúz:
―Señor, tzoꞌ ngueeḻy gahc, antzy ni gaty dshiñaꞌ.
50Ra Jesúz leeme:
―Nehx zehty xiiñiꞌ, gubyguiat xiryuꞌy.
No bylíladzy mpyquie-caḻ ni ra Jesúz leeme, no zia me. 51Hor-ba zia me xiryuꞌ me, mós yahc ni rtzoo xtziiñ me, bigydzil-lo yâme leeme, ra yâme leeme:
―¡Xiiñiꞌ ba biaḻ!
52Were günabdiidz me leeyâme beeiy pór guzlo biaḻ me. Ra yâme leeme:
―Naag la un güdedy ribygue, byruu xixle me.
53No xtad ñôbydxuur, bitsêlou leeme naabz hor-wé gu Jesúz leeme: “Nehx zehty xiiñiꞌ”; no bylíladzy me Jesúz gydiby xmiꞌñ me.
54Nirieꞌ we ni byrohp ni ngann ni ptzoo Jesúz lo ṟegioṉ-Galilea ru gubyguiat me, byruu me ṟegioṉ-Judea.
S'ha seleccionat:
JUAN 4: zpg
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2019, Wycliffe Bible Translators, Inc. All rights reserved.
JUAN 4
4
Ni bwieꞌ Jesúz to ngüna-samaritan
1Bieññ meññ-nac yahc fariseu ma xtahl meññ gadohp Jesúz, no ma xtahl meññ gachôbnihs me que Juaṉ, 2nîcze nehx Jesúz rchôbnihs, mazyg xmeññ me. 3Hor-gunn Jesúz ni ganii meññ-nac yahc fariseu, byruu me ṟegioṉ-Judea, no gubyguiat me za me ṟegioṉ-Galilea.
4Lóni za me, nier güdedy me lo ṟegioṉ-Samary. 5No bydzihñ me to guiedzy ni le Sicar, ni nu lo ṟegioṉ-Samary, gahsh gá to lyu ni biscady Jacop xiiñ me José. 6Uga nu to pos, rnii yâme leu xpos Jacop. No Jesúz bydzahg me de ni güzeꞌ me, no gürie me ruꞌ pos-wé, ba beeiy ribygue. 7Lo hor-wé bydzihñ to ngüna-samaritan zigloo me nzeꞌ, no ra Jesúz leeme:
―Bdee doozy xinzeꞌy goon.
8Xmeññ Jesúz naꞌ, za yâme leññ guiedzy zicshii yâme guîlrahgü.
9Ra ngüna-samaritan Jesúz:
―¿Bia mód neꞌy gdedyaꞌ nzeꞌ lii, no naquiꞌ meññ-Isṟael, no naa nacaꞌ meññ-samaritan?
(Porni meññ-Isṟael nehx rwieꞌ saꞌ yâme mos no meññ-samaritan.) 10Ra Jesúz leeme:
―Bâḻ ñanniꞌ bia rdee Dioz, no bâḻ ñanniꞌ dxu we naa ni ganab nzeꞌ lii, lii we nnabiꞌyu naa, no naa ndedyaꞌ lii ni zidguiahc beeiy nzeꞌ ni rdee guîlmbahñ.
11Ra ngüna-samaritan leeme:
―Señor, nehx nu bia no gbooyu, no guiat leññ pos. ¿Bá glo ncaꞌy nzeꞌ ni rdee guîlmbahñ ni ndeedyiꞌ naa? 12Dtadgul noꞌ Jacop ni güyuꞌ ba xtze, leeme we psan-no pos-rieꞌ noꞌ, no neꞌ gahc‑e cuaꞌ me nzeꞌ ni güee me, no ni güee xmiꞌñ me, no xnimal me zegahc. ¿Nehxni ma rsahquiꞌ que leeme?
13Ra Jesúz leeme:
―Gyre dxu roo nze-rieꞌ, zibyguiat ssaagyladzy; 14per dxu ñoo nzeꞌ ni gdedyaꞌ, nehx zibyguiat ssaagyladzy; porni leññ xguîlmbahñ me gdedyaꞌ ni zidguiahc beeiy nzeꞌ ni rda, no gacu guîlmbahñ ni nehx zluhx.
15Ra ngüna-samaritan leeme:
―Señor, bdee naa nze-wé, lehdy di guibyguiat gyzaagydadzyaꞌ, no di guibyguiat guidloon nzeꞌ neꞌ.
16Ra Jesúz leeme:
―Güya, biycaꞌ tziahliꞌ, no guiaadiꞌ neꞌ gyzac.
17Ra ngüna-caḻ leeme:
―Nehx rapaꞌ dtziaalaꞌ.
Ra Jesúz leeme:
―Xñahzu we ni güniiy, nehx rahpiꞌ tziahliꞌ; 18porni gaay mpyquie bidzñay no lee, no mpyquie ni dxienoy hôrrieꞌ, ba nehx bidzñay no lee; ni uli we ni güniiy.
19Ra ngüna-caḻ leeme:
―Señor, zoꞌ naa profet‑e lii. 20Dtadgul yahc noꞌ ni güyuꞌ ba xtze bzacbeeiy yâme Dioz neꞌ lo dañ-rieꞌ, per laꞌd ni nac meññ-Isṟael, ne laꞌd Jerusaléṉ‑e racladzyu dzigzacbeeiy meññ Dioz.
21Ra Jesúz leeme:
―Ngünaa, bylíladzy ni gapyaꞌ lii. Zdzihñ dzé ni gzacbeeiy meññ Dioz ni nac dTad nó, no ba nehx siahd laꞌd dañ-rieꞌ, ni ba di zia laꞌd Jerusaléṉ. 22Laꞌd rzacbeeiy laꞌd ni nehx nann laꞌd dxu lee; per noꞌ nann noꞌ dxu rzacbeeiy noꞌ lee; porni de meññ-Isṟael ziaad dxu guislaa meññ de lo guîlnadz. 23Per zdzihñ dzé, no hôrrieꞌ gahc‑e dze-wé, meññ ni ulihbu rzacbeeiy Dioz ni nac dTad nó, gzacbeeiy yâme leeme por xiSpirt me no ni nac ni uli, porni Dioz ni nac dTad nó racladzy me gacu ze no meññ-rzacbeeiy leeme. 24Dioz, Spirt‑e leeme, no dxu rzacbeeiy leeme, rquihñu gzacbeeiy yâme leeme por xiSpirt me no ni nac ni uli.
25Ra ngüna-samaritan leeme:
―Naa nannaꞌ guiaad ni lee nac Mesíaz, ni ra yâme lee Crist; no dze-guiaad me, za me noꞌ gyreu.
26Ra Jesúz leeme:
―Naa ni gayuno diidz lii we ni neꞌy guiaad.
27Lo hor-wé bydzihñ xmeññ me, no ptzunadz yâme gayu Jesúz diidz no to ngünaa. Per ndruhty di nnabdiidz leeme bia gayu yâme, o bia ganabdiidz me ngüna-caḻ. 28Were psaꞌn ngüna-caḻ xrieꞌ, no güya me leññ guiedzy, no ra me meññ:
29―Lâ te, güieꞌ laꞌd to mpyquie ni ra naa gyre ni ptzon. ¿Dxgann dac‑e leeme nac Crist la?
30Byruu yâme leññ guiedzy no za yâme ru dxie Jesúz.
31Lóni zia ngüna-caḻ, xmeññ Jesúz naꞌ gaya leeme:
―Muextr, güdahgü.
32Per leeme ra me leeyâme:
―Naa rapaꞌ to guîlrahgü ni nehx rzaclo laꞌd lee.
33Were ganabdiidz saꞌ xmeññ me, ne:
―¿Dxuhch bidno ni gahgü me la?
34Per Jesúz ra leeyâme:
―Ni zidguiahc beeiy dguîlrahguaꞌ, leeu we de ni ctzon ni ne Dioz ni pshahl naa, no luxaꞌ xtziiñ me. 35Ne laꞌd: “Riaadz ziaꞌ stahp mboo par gydzihñ cüsech”; per naa gapyaꞌ laꞌd: Lâ güieꞌ gyre meññ-rieꞌ ni ziaad, zidguiahc yâme we beeiy cüsech ni ba bydzihñ no ba gaye. 36Dxu runo meññ xtiidz Dioz, zidguiahc me we beeiy meññ-gatzoo cüsech, no scaꞌ me ni zidguiahc beeiy sahcu; no cüsech-rieꞌ, leeu we par gap meññ guîlmbahñ ni nehx zluhx, lehdy scâsy meññ-guzlo gatzoo dziiñ no zegahc meññ-rtzoo cüsech, rxihly gyrop cuib yâme. 37No ni uli we rnii to didz-zaaby ni ne: “To meññ rdziib, no dze-ba nu cüsech zrieñ rchuꞌ.” 38Naa gashaalaꞌ laꞌd beeiy ni zictzoo laꞌd cüsech ru nehx bdziib laꞌd. Zrieñ meññ ptzoo dziiñ beeiy ni bdziib leeu, no laꞌd ctzoo xicüsechu.
39Xtahl meññ-samaritan ni nu guiedzy-wé bylíladzy yâme Jesúz no ni günii ngüna-caḻ de ni ra me: “Gu me naa gyre ni ba ptzon.” 40Ru bydzihñ meññ-samaritan ru dxie Jesúz, ra yâme leeme guiaꞌn me no leeyâme; no biaꞌn me uga chohp dzé. 41No ma xtahl yâme bylíladzy hor-bieññ yâme ni günii me lehbme. 42No ra yâme ngüna-caḻ:
―Hôrrieꞌ rlídadzy noꞌ, nehx nunzy de ni guhdzyiꞌ noꞌ, mazyg porni noꞌ gahc ba bieññ noꞌ ni günii me, no ba nann noꞌ ni uli we leeme nac Crist ni guislaa meññ-nu lo guiedzylie de lo guîlnadz ni ziaad.
Psiaḻ Jesúz xiiñ to mpyquie-rtzoo xtziiñ ṟeiy
43Güdedy chohp dzé byruu Jesúz ṟegioṉ-Samary, za me ṟegioṉ-Galilea, 44porni Jesúz gahc günii me, to profet nehx rzacbeeiy meññ lee leññ gahc xguiedzy. 45Per ru bydzihñ Jesúz ṟegioṉ-Galilea, bdee meññ-Galilea ñahz no guîlrxihly bydzihñ me, porni dze-güya yâme lni-Pascü Jerusaléṉ, bwieꞌ yâme gyre ni ptzoo me uga.
46Luxu gubyguiat Jesúz guiedzy-Caná ni nu lo ṟegioṉ-Galilea, ru ptzoo me nzeꞌ vin. No guiedzy-Capernaum nu to mpyquie-rtzoo xtziiñ ṟeiy, rahp to xiñ-ñooby me gayac-ure. 47Hor-gunn mpyquie-rtzoo xtziiñ ṟeiy byruu Jesúz ṟegioṉ-Judea no biahd me ṟegioṉ-Galilea, güya me günab me tza Jesúz xiryuꞌ me lehdy csiaḻ xiiñ me ni gayac-ure lé rluu ba dziguiehty. 48Were ra Jesúz leeme:
―Nehx rlíladzy laꞌd naa, bâḻ di güieꞌ laꞌd ctzon ni ngann no zrieñ guîlrtzunadz.
49Per mpyquie-caḻ ra me Jesúz:
―Señor, tzoꞌ ngueeḻy gahc, antzy ni gaty dshiñaꞌ.
50Ra Jesúz leeme:
―Nehx zehty xiiñiꞌ, gubyguiat xiryuꞌy.
No bylíladzy mpyquie-caḻ ni ra Jesúz leeme, no zia me. 51Hor-ba zia me xiryuꞌ me, mós yahc ni rtzoo xtziiñ me, bigydzil-lo yâme leeme, ra yâme leeme:
―¡Xiiñiꞌ ba biaḻ!
52Were günabdiidz me leeyâme beeiy pór guzlo biaḻ me. Ra yâme leeme:
―Naag la un güdedy ribygue, byruu xixle me.
53No xtad ñôbydxuur, bitsêlou leeme naabz hor-wé gu Jesúz leeme: “Nehx zehty xiiñiꞌ”; no bylíladzy me Jesúz gydiby xmiꞌñ me.
54Nirieꞌ we ni byrohp ni ngann ni ptzoo Jesúz lo ṟegioṉ-Galilea ru gubyguiat me, byruu me ṟegioṉ-Judea.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2019, Wycliffe Bible Translators, Inc. All rights reserved.