Luuka 22
22
ɄYuuda ikwɨdɨka ʉkʉmmendama ʉYɨɨsʉ
(Mataayo 26:1-5, 14-16; Maliko 14:1-2, 10-11; Yohana 11:45-53)
1Ʉnsɨkɨ gwa kyaka kya Mikate Ɨgɨtsila Kɨlʉve, gwahegelye. Ɨkyaka ɨkyo kyatambʉlwagwa Pasaka. 2Avavaha va vateeketsi, paninie na vamanyisi va ndagɨlo, vaalondaga ɨnzɨla jya kʉmʼbudila ʉYɨɨsʉ. Kange vaavombaga ɨlyo kʉvʉtiitu, ʉlwakʉva vaadwadaga avaanu.
3Pwʉ ʉSetano akamwingila ʉYuuda, ʉvɨ aatambʉlwagwa Isikalioti. Ʉmuunu ʉjʉ aale mpamato va vakongi va Yɨɨsʉ kɨtsigo na vavɨlɨ (12). 4ɄYuuda akalʉta kʉ vavaha va vateeketsi, na kʉ vavaha va vasikali ʉwʉ vaaloleelaga ɨtembile. Akɨɨdɨngʼana navo pa kulongwi jya kʉmwibata ʉYɨɨsʉ. 5Ɨlyo, lɨkavahovosa siitso avavaha valya, pwʉ vakɨɨdɨngʼana ʉkʉmpa indalama. 6ɄYuuda akɨɨdɨkɨla. Akatengʉla ʉkʉlonda ʉnsɨkɨ ʉgwʉ ɨlipʉga lya vaanu nalɨpali, pakʉta ammendame ʉYɨɨsʉ kʉ veene.
Ʉvʉtetengʼanihitso wa kyakʉlya kya Ntwa
(Mataayo 26:17-30; Maliko 14:12-26; Yohana 13:21-30; 1 Vakolinto 11:23-25)
7Ɨkɨgono kya kyaka kya Mikate Ɨgɨtsila Kɨlʉve, kɨkasika. Mu kɨgono ɨkɨ, waale wɨgane wa Ngʉlʉve ʉkʉta, avaanu vahɨnzage ingʼolo itsyavɨɨkilwe tsive tsa Pasaka. 8Pwʉ ʉYɨɨsʉ akavasuungʼa ʉPetulo nʉ Yohana, akavavʉʉla akata, “Mubɨhe mukatʉnotsehetse ɨkyakʉlya kya Pasaka, pakʉta jʉtʉkalye paninie.” 9Vakambʉʉtsa vakata, “Vunogwa tʉkanotse ndaku?” 10Akavavʉʉla akata, “Pʉlɨhɨtsi! Wʉ mukwingila mu vʉtsenge,#22:10 Mu vʉtsenge Ʉvʉtsenge ʉvutsowa apa wʉ vʉlya ʉwa Yelusalemu. mutsikwagana nʉ nʼgoosi mpamato, ɨtwɨkile ɨnzɨɨlo jya magasi. Munkongage ʉmuunu ʉjwa ʉkʉtsisika kʉ nyumba ɨjyʉ itsikwingila. 11Apo mumbʉʉle ʉmwenenyumba ɨjyo muteetsage, ‘ɄMmanyisi ikʉkʉvʉʉtsa iita, “Ɨkɨjumba kya vahenza kɨlɨ ndaku? Ndinogwa ʉkʉlya ɨkyaka kya Pasaka na vakongi vango.” ’ 12Apo, jiikʉvalaga ɨkɨjumba ɨkɨvaha ɨkya kʉkyanya ɨkɨnotsiiwe. Pwʉ mutʉnotsehetse ʉmwa ɨkyakʉlya ɨkya Pasaka.”
13Avakongi valya vakahega valɨkʉlʉta, vakatsisika mu vʉtsenge ʉwa. Wʉ vasiike, vakagavona gooni ndʉwʉ ʉYɨɨsʉ akavavʉʉlile. Pwʉ vakanotsa ɨkyakʉlya kya kyaka kya Pasaka.
Ɨkyakʉlya kya Ntwa
14Ʉnsɨkɨ gwa kʉlya gʉkasika. Pwʉ ʉYɨɨsʉ akataama#22:14 Akataama Ʉmwʉ vaataamilaga aVayahudi wʉ viilya, lola ɨpitsa ɨjɨvɨɨkilwe kwa Luuka 7:38. pakʉta alye ɨkyakʉlya paninie na vapositili va mwene. 15Akavavʉʉla akata, “Ndɨhowiike siitso ʉkʉlya ɨkyaka ɨkɨ ɨkya Pasaka paninie nʉʉnyie, wʉ ndɨkaanale ʉkʉkʉvɨlwa. 16Ndikʉvavʉʉla ʉkʉta, nandɨlaalye ikange ɨkyakʉlya ɨkya Pasaka ʉkʉsikila ʉpwʉ ʉNgʉlʉve alaava avapokile avaanu va mwene vooni nʉ kʉvalongotsa.”
17Pwʉ ʉYɨɨsʉ akatoola ɨkɨkombe, akansaana ʉNgʉlʉve, akavapa akata, “Kooti, munywetsage nyɨ vooni! 18Ndikʉvavʉʉla ʉkʉta, jɨlweli nandɨlaanywe ikange ɨdivai ʉkʉsikila ʉpwʉ ʉLʉdeeva lwa Ngʉlʉve lʉliitsa.”
19Akatoola ʉnkate akansaana ʉNgʉlʉve, akamenyula, akavapa, akata, “Tooli, litsagi, ʉgʉ gwʉ mmana gwango, ʉgʉhʉmiitswe kʉ nongwa tsiinyo. Wʉ muvombage vʉle vʉle pa kʉngʼʉmbʉhɨtsa ʉne.” 20Wʉ vamalile ʉkʉlya, ʉYɨɨsʉ akatoola ɨkɨkombe, akansaana ʉNgʉlʉve, akavapa akata, “Ɨkɨkombe ɨkɨ kya lwɨdɨngʼano ʉlʉpya, ʉlwʉ ʉNgʉlʉve jiivomba nʉʉnyie kʉ nzɨla jya kʉduudika ʉnkisa gwango kʉ nongwa jyanyie.
21“Napeene, mulʉmanye ʉkʉta, ʉmuunu ʉvɨ inogwa ʉkʉnsupulila ʉne kʉ valʉgʉ, tʉlɨ paninie pa kʉlya. 22Kwʉ kʉta ʉMwana va Muunu ilʉta kubudwa, ndʉwʉ ʉNgʉlʉve aavɨɨkile ʉlʉvaatɨko. Napeene, asue vʉvʉle, ʉmuunu ʉjwa ʉvɨ jiikʉnsupulila kʉ valʉgʉ ʉMwana va Muunu!” 23Apo, avapositili va Yɨɨsʉ vakatengʉla ʉkʉvʉʉtsania vaveene ʉkʉta, vɨ veeni pagati pa veene iweesa ʉkʉvomba ɨlyo.
Ʉmbaha avavombelage ʉwilongotsa
24Avakongi va Yɨɨsʉ vakatengʉla ʉkʉkaningʼana ʉkʉta, veeni pagati pa veene ʉvɨ iiva vɨ mbaha. 25Pwʉ ʉYɨɨsʉ akavavʉʉla akata, “Avakʉlʉdeeva va vaanu avatava Vayahudi vikʉvalongotsa avaanu va veene kʉ maka, napeene avakʉlʉdeeva avo vitambʉlwa, vatangɨli va vaanu.
26“Lɨno, ʉnyie mwɨlekelwe ʉkʉvomba ewo. Apeene ʉmuunu ʉmbaha kwanyie, ʉjwa aveetsage ndʉ muunu ʉnʼdebe kʉ vooni. Ʉvɨ ilongotsa avaanu, aveetsage ndʉ muunu ʉvɨ ikʉvavombela avange. 27Lɨno! Ʉmbaha vyalɨku? Ʉvɨ itaama pa kʉlya ɨkyakʉlya! Evo ʉvɨ ivomba ʉkʉvanotsehetsa avange? Ndeeti, navɨ mwene ʉvɨ itaama pa kʉlya? Lɨno, ʉne ndɨlɨ paninie nʉʉnyie, ndɨlɨ ndʉ muunu ʉvɨ ikʉvavombela.
28“Ʉnsɨkɨ gwoni ʉgwʉ ndɨkaale mu ngelo, ʉnyie nyienye mukaale nʉʉne. 29Lɨno, ʉne ndikʉvapa amaka ga kʉlongotsa mu Lʉdeeva lwango, ndʉwʉ ʉDaada vango aamye ʉkʉlongotsa. 30Apo mulalitsaga nʉ kʉnywa paninie nʉʉne mu Lʉdeeva lwango. Ikange mulataama mu sinyalwangʉla nʉ kʉlongotsa isivʉmbʉkʉ kɨtsigo na sivɨlɨ (12) sya Vaisilahɨli.”
ɄYɨɨsʉ itsova ʉkʉta ʉPetulo jiikʉmʼbeela
(Mataayo 26:31-35; Maliko 14:27-31; Yohana 13:36-38)
31ɄYɨɨsʉ akata, “Simoni, Simoni! Ʉlʉmanye vʉnonu ʉkʉta ʉSetano adoovile nʉ kwɨdɨkɨlwa ʉkʉvagela ʉnyie, ndʉwʉ ʉmuunu ipeeta ɨngano jya mwene. 32Lɨno ʉne, ndɨkʉdoovye kwa Ngʉlʉve, pakʉta ʉleke ʉkʉlʉleka ʉlwɨdɨko lwako kwane. Napeene, ʉpya ʉngʼilivukye ʉne, ʉvadʉlʉsaage avanino.” 33ɄSimoni akamwanda akata, “Gwe Ntwa! Ʉne ndyɨsaawe ʉkʉva paninie nʉʉve jɨngave kwʉ kʉkʉngwa mu kɨkʉngwa, ndajɨve kwʉ kʉswa!”
34ɄYɨɨsʉ akamwanda akata, “Petulo! Ndikʉkʉvʉʉla ʉkʉta, ɨleelo ɨjɨ, wʉ ɨngʼongove najɨvɨkili, jʉwiiva ʉmbeelile ʉne kadatu ʉkʉta nʉmmanyili.”
Ʉkwɨnotsa nʉ kwɨkangatsa mu vʉpala
35Kʉmbele, ʉYɨɨsʉ akavavʉʉtsa avakongi va mwene akata, “Ʉpwʉ ndɨkavasuungʼile kɨtsila ndalama, kɨtsila ntsigo ndasive silaatu, mukadumukiilwe ɨkɨveetsaga?” Vakaanda vakata, “Baako.” 36Pwʉ ʉYɨɨsʉ akavavʉʉla akata, “Lɨno, angave ʉmuunu alɨ ni ndalama, evo ʉmpako, agegage. Namwene ʉvɨ alɨ vʉvʉle ɨpanga, agʉtse ɨlikoti lya mwene, pakʉta agʉle mamato, 37ʉlwakʉva jɨvɨgilwe, ‘Aavalɨliilwe paninie na vatulanongwa.’#Yesaya 53:12 Amamenyu ago gaavɨgilwe pa kulongwi jyane. Lɨno ndikʉvavʉʉla ʉkʉta wɨgane wa Ngʉlʉve ago gavombeke kwane, ikange ndiita galɨ piipi ʉkʉvombeka.” 38Vakambʉʉla vakata, “Gwe Ntwa! Lola! Apa pwʉtsile ipanga ivɨlɨ.” Ʉmwene akata, “Muduge ʉkʉtsova ɨkulongwi jya panga.”
ɄYɨɨsʉ ikɨsaja mu kɨdugala kya Mizeituni
(Mataayo 26:36-46; Maliko 14:32-42)
39Pwʉ ʉYɨɨsʉ akahega alɨkʉlʉta kʉ kɨdugala kya Mizeituni, ndʉwʉ lwale lwiho lwa mwene. Naveene avakongi va mwene, vakava vikʉnkonga. 40Wʉ asiike apoonu ʉpwʉ aatsoovye ʉkʉlʉta, akavavʉʉla akata, “Munʼdoovage ʉNgʉlʉve, ʉkʉta avape amaka pakʉta ingelo tsileke ʉkʉvalema.”
41Pwʉ akavaleka palya, akalʉta pavʉlongolo padebe, ʉvʉtale wa kʉlahɨɨla ɨliganga. Akasugama, akadoova kwa Ngʉlʉve akata, 42“Gwe Daada! Ʉngave vunogwa, ʉnnyetsehetse ɨkɨnywelo kya vʉkʉvɨlwa ʉvʉlʉti#22:42 Ɨkɨnywelo kya vʉkʉvɨlwa Mu Lwɨdɨngʼano ʉLʉlaala, ɨkɨnywelo kya vʉkʉvɨlwa kwʉ kʉta ʉvʉhɨgi nʉ vʉkʉvɨlwa ʉwʉ ʉNgʉlʉve ikʉvapelela avaanu (Zabuli 11:6; 75:8-9; Yesaya 51:17, 19, 22). Lɨno, ʉYɨɨsʉ ʉpwʉ aatsovaga ikulongwi tsa kɨnywelo kya vʉkʉvɨlwa, aatsovaga ʉkʉkʉvɨlwa nʉ kʉbudwa kwa mwene ʉYɨɨsʉ. ʉvʉlɨ pa kʉnnyitsila. Napeene, ʉleke ʉkʉvomba ʉgwʉ ndinogwa ʉne, apeene ʉvombe ʉgwʉ vunogwa ʉve!” 43Apo, ʉnsuungʼwa ʉkʉhʉma kʉkyanya akamwitsila ʉYɨɨsʉ, akava ikʉmpa amaka. 44Ʉmwene ʉYɨɨsʉ akagimba ʉkwɨsaja, ʉlwakʉva aale nʉ lʉvavo ʉlʉlʉti. Wʉ ikɨsaja, ɨnuguutila ʉngata nkisa jɨkava jidonyola paasi.
45Wʉ ɨsajile, akɨɨma, akalʉta kʉ vakongi va mwene, akavona vagoneelye itʉlʉ, ʉlwakʉva vaale nʉ lʉsʉsʉvalo. 46Akavavʉʉtsa akata, “Kɨki mugoneelye itʉlʉ? Sisimuki! Munʼdoovage ʉNgʉlʉve, ʉkʉta avape amaka pakʉta ingelo tsileke ʉkʉvalema.”
ɄYɨɨsʉ ikwibatwa
(Mataayo 26:47-56; Maliko 14:43-50; Yohana 18:3-11)
47ɄYɨɨsʉ wʉ itsova ago, kɨkiitsa ɨkɨpʉga kya vaanu valongotsiiwe nʉ Yuuda, impamato mu vakongi va mwene kɨtsigo na vavɨlɨ (12). Pwʉ ʉYuuda akahegelela kwa Yɨɨsʉ pakʉta antsibe. 48ɄYɨɨsʉ akambʉʉtsa akata, “Gwe Yuuda! Vukʉmmendama ʉMwana va Muunu kʉ nzɨla jya kʉnsaamusa pa kɨpambaga?”
49Pwʉ avakongi va Yɨɨsʉ wʉ vikʉgavona ago nʉ kʉlʉmanya ʉgwʉ jʉgihʉmɨla, vakambʉʉtsa vakata, “Gwe Ntwa! Tʉvatemanie ni panga?” 50Baaho, mpamato pagati pa veene, akagɨda kʉ mbanda va nteeketsi ʉmbaha, akadumula ɨmbʉlʉkʉtʉ jya kʉndyo. 51ɄYɨɨsʉ akatsova akata, “Ɨlekelwe ʉkʉvomba ɨlyo!” Akiibata ɨmbʉlʉkʉtʉ jya mbanda ʉlya, akamponia.
52ɄYɨɨsʉ akavavʉʉtsa avavaha va vateeketsi, avavaha va valoleeli va tembile paninie na vanzagɨla va Vayahudi, akata, “Kɨki munnyitsye ni panga ni sonzo, ʉngata mwitsile kukʉmwibata ʉnyambuda? 53Mbona isigono syoni, tʉkaveetsaga paninie mu tembile, namukannyibatage! Lɨno, ʉgʉ gwʉ nsɨkɨ gwanyie, ʉnsɨkɨ ʉgwʉ ilongotsa ʉnkʉlʉdeeva va ngʼiisi.” 54Pwʉ avaanu valya vakamwibata ʉYɨɨsʉ, vakammɨlɨka mu nyumba jya nteeketsi ʉmbaha. ɄPetulo akava ikonga kʉvʉtale.
ɄPetulo ikʉmʼbeela ʉYɨɨsʉ
(Mataayo 26:57-58, 69-75; Maliko 14:53-54, 66-72; Yohana 18:12-18, 25-27)
55Avaanu valya wʉ vasiike mu nyumba jya nteeketsi ʉmbaha, vakakotsa ʉmwoto pagati mu lʉvɨgo, vakataama valɨkwota. Namwene ʉPetulo akava ataamile paninie navo. 56Lɨno kʉ nongwa jya lʉmuli lwa mwoto, ʉmbombi mpamato ʉmmɨnza, akandola vʉnonu ʉPetulo, akata, “Namwene ʉmuunu ʉjʉ akaale paninie nave.” 57Ʉmwene ʉPetulo akabeela akata, “Gwe vɨ nʼdala ʉve! Ʉne nandɨmmanyili!”
58Kʉmbele, ʉmuunu ʉjyʉnge akambona ʉPetulo akata, “Najyʉve ʉlɨ mpamato va valya.” Napeene, ʉPetulo akamwanda akata, “Gwe vɨ muunu ʉve, naneene!”
59Wʉ kalʉtɨngʼiinie akavalɨlo kapamato vʉle, ʉmuunu ʉjyʉnge akasimiilitsa akata, “Jɨlweli, ʉmuunu ʉjʉ akaale paninie nave, ʉlwakʉva namwene ʉjʉ muunu va kʉ Galilaya!” 60ɄPetulo akaanda akata, “Gwe vɨ muunu ʉve! Ʉgwʉ witsova ago, nandɨgamanyili!”
Baaho wʉ itsova ago, ɨngʼongove jɨkavɨka. 61ɄYɨɨsʉ akagalamuka, akandola ʉPetulo. Pwʉ ʉPetulo akakʉmbʉka amamenyu galya ʉgwʉ ʉNtwa akambʉʉlile ʉkʉta, “Ɨleelo, ɨngʼongove wʉ najɨvɨkili, jʉvukʉmbeela kadatu.” 62Apo, ʉPetulo akahʉma kʉnzi, akatengʉla ʉkʉlɨla siitso.
Avasikali vikʉnkinila ʉYɨɨsʉ
(Mataayo 26:67-68; Maliko 14:65)
63Avagoosi ʉwʉ vaandoleelaga ʉYɨɨsʉ, vakava vikʉnkinila nʉ kʉntova. 64Vakamʼbunga nɨ kɨtambala kʉmiiho, pwʉ valɨkʉntova nʉ kʉmbʉʉtsa valɨkʉta, “Lagʉlɨla! Veeni ʉvɨ akʉtovile?” 65Vakatsiga vikʉnʼdʉka amadʉsi mongosu.
ɄYɨɨsʉ ihɨgwa na vavaha va Vayahudi
(Mataayo 26:59-66; Maliko 14:55-64; Yohana 18:19-24)
66Wʉ kʉkie pavʉsiku, avavaha va kɨvʉmbʉkʉ kyoni kya Vaisilahɨli, kwʉ kʉta avanzagɨla va Vayahudi, na vavaha va vateeketsi, na vamanyisi va ndagɨlo, vakalʉndamana. Pwʉ ʉYɨɨsʉ akahɨlɨkwa kʉ veene. 67Vakambʉʉtsa vakata, “Tʉvʉʉle! Ʉve nda veeve Kɨlɨsiti?” ɄYɨɨsʉ akavaanda akata, “Nʉpwʉ ndɨngavavʉʉle, ndajɨve ndeeti namukɨɨdɨke. 68Ikange ndɨngavavʉʉtse, namukagele ʉkʉnnyanda. 69Lɨno, ʉkʉtengʉla ʉnsɨkɨ ʉgʉ, mulambona ʉMwana va Muunu ataamile ʉlʉvasu lwa kʉndyo#22:69 Ataamile ʉlʉvasu lwa kʉndyo kwʉ kʉta ʉYɨɨsʉ alalongotsaaga paninie nʉ Ngʉlʉve. lwa Ngʉlʉve ʉNyamaka Gooni.”
70Apo vooni vakata, “Kwʉ kʉta ʉve ʉlɨ Mwana va Ngʉlʉve?” ɄYɨɨsʉ akavaanda akata, “Ʉnyie nyienye nyɨ mutsovile ʉkʉta ʉne vɨ vɨ neene!”
71Pwʉ avavaha valya vakata, “Tʉlondage avooleletsi avange vɨɨki? Mbona ʉwe jyʉwe tʉpʉliike ɨlimenyu ɨlɨ ʉkʉhʉma kʉkʉ mwene!”
S'ha seleccionat:
Luuka 22: zga
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2019, Wycliffe Bible Translators, Inc. All rights reserved.
Luuka 22
22
ɄYuuda ikwɨdɨka ʉkʉmmendama ʉYɨɨsʉ
(Mataayo 26:1-5, 14-16; Maliko 14:1-2, 10-11; Yohana 11:45-53)
1Ʉnsɨkɨ gwa kyaka kya Mikate Ɨgɨtsila Kɨlʉve, gwahegelye. Ɨkyaka ɨkyo kyatambʉlwagwa Pasaka. 2Avavaha va vateeketsi, paninie na vamanyisi va ndagɨlo, vaalondaga ɨnzɨla jya kʉmʼbudila ʉYɨɨsʉ. Kange vaavombaga ɨlyo kʉvʉtiitu, ʉlwakʉva vaadwadaga avaanu.
3Pwʉ ʉSetano akamwingila ʉYuuda, ʉvɨ aatambʉlwagwa Isikalioti. Ʉmuunu ʉjʉ aale mpamato va vakongi va Yɨɨsʉ kɨtsigo na vavɨlɨ (12). 4ɄYuuda akalʉta kʉ vavaha va vateeketsi, na kʉ vavaha va vasikali ʉwʉ vaaloleelaga ɨtembile. Akɨɨdɨngʼana navo pa kulongwi jya kʉmwibata ʉYɨɨsʉ. 5Ɨlyo, lɨkavahovosa siitso avavaha valya, pwʉ vakɨɨdɨngʼana ʉkʉmpa indalama. 6ɄYuuda akɨɨdɨkɨla. Akatengʉla ʉkʉlonda ʉnsɨkɨ ʉgwʉ ɨlipʉga lya vaanu nalɨpali, pakʉta ammendame ʉYɨɨsʉ kʉ veene.
Ʉvʉtetengʼanihitso wa kyakʉlya kya Ntwa
(Mataayo 26:17-30; Maliko 14:12-26; Yohana 13:21-30; 1 Vakolinto 11:23-25)
7Ɨkɨgono kya kyaka kya Mikate Ɨgɨtsila Kɨlʉve, kɨkasika. Mu kɨgono ɨkɨ, waale wɨgane wa Ngʉlʉve ʉkʉta, avaanu vahɨnzage ingʼolo itsyavɨɨkilwe tsive tsa Pasaka. 8Pwʉ ʉYɨɨsʉ akavasuungʼa ʉPetulo nʉ Yohana, akavavʉʉla akata, “Mubɨhe mukatʉnotsehetse ɨkyakʉlya kya Pasaka, pakʉta jʉtʉkalye paninie.” 9Vakambʉʉtsa vakata, “Vunogwa tʉkanotse ndaku?” 10Akavavʉʉla akata, “Pʉlɨhɨtsi! Wʉ mukwingila mu vʉtsenge,#22:10 Mu vʉtsenge Ʉvʉtsenge ʉvutsowa apa wʉ vʉlya ʉwa Yelusalemu. mutsikwagana nʉ nʼgoosi mpamato, ɨtwɨkile ɨnzɨɨlo jya magasi. Munkongage ʉmuunu ʉjwa ʉkʉtsisika kʉ nyumba ɨjyʉ itsikwingila. 11Apo mumbʉʉle ʉmwenenyumba ɨjyo muteetsage, ‘ɄMmanyisi ikʉkʉvʉʉtsa iita, “Ɨkɨjumba kya vahenza kɨlɨ ndaku? Ndinogwa ʉkʉlya ɨkyaka kya Pasaka na vakongi vango.” ’ 12Apo, jiikʉvalaga ɨkɨjumba ɨkɨvaha ɨkya kʉkyanya ɨkɨnotsiiwe. Pwʉ mutʉnotsehetse ʉmwa ɨkyakʉlya ɨkya Pasaka.”
13Avakongi valya vakahega valɨkʉlʉta, vakatsisika mu vʉtsenge ʉwa. Wʉ vasiike, vakagavona gooni ndʉwʉ ʉYɨɨsʉ akavavʉʉlile. Pwʉ vakanotsa ɨkyakʉlya kya kyaka kya Pasaka.
Ɨkyakʉlya kya Ntwa
14Ʉnsɨkɨ gwa kʉlya gʉkasika. Pwʉ ʉYɨɨsʉ akataama#22:14 Akataama Ʉmwʉ vaataamilaga aVayahudi wʉ viilya, lola ɨpitsa ɨjɨvɨɨkilwe kwa Luuka 7:38. pakʉta alye ɨkyakʉlya paninie na vapositili va mwene. 15Akavavʉʉla akata, “Ndɨhowiike siitso ʉkʉlya ɨkyaka ɨkɨ ɨkya Pasaka paninie nʉʉnyie, wʉ ndɨkaanale ʉkʉkʉvɨlwa. 16Ndikʉvavʉʉla ʉkʉta, nandɨlaalye ikange ɨkyakʉlya ɨkya Pasaka ʉkʉsikila ʉpwʉ ʉNgʉlʉve alaava avapokile avaanu va mwene vooni nʉ kʉvalongotsa.”
17Pwʉ ʉYɨɨsʉ akatoola ɨkɨkombe, akansaana ʉNgʉlʉve, akavapa akata, “Kooti, munywetsage nyɨ vooni! 18Ndikʉvavʉʉla ʉkʉta, jɨlweli nandɨlaanywe ikange ɨdivai ʉkʉsikila ʉpwʉ ʉLʉdeeva lwa Ngʉlʉve lʉliitsa.”
19Akatoola ʉnkate akansaana ʉNgʉlʉve, akamenyula, akavapa, akata, “Tooli, litsagi, ʉgʉ gwʉ mmana gwango, ʉgʉhʉmiitswe kʉ nongwa tsiinyo. Wʉ muvombage vʉle vʉle pa kʉngʼʉmbʉhɨtsa ʉne.” 20Wʉ vamalile ʉkʉlya, ʉYɨɨsʉ akatoola ɨkɨkombe, akansaana ʉNgʉlʉve, akavapa akata, “Ɨkɨkombe ɨkɨ kya lwɨdɨngʼano ʉlʉpya, ʉlwʉ ʉNgʉlʉve jiivomba nʉʉnyie kʉ nzɨla jya kʉduudika ʉnkisa gwango kʉ nongwa jyanyie.
21“Napeene, mulʉmanye ʉkʉta, ʉmuunu ʉvɨ inogwa ʉkʉnsupulila ʉne kʉ valʉgʉ, tʉlɨ paninie pa kʉlya. 22Kwʉ kʉta ʉMwana va Muunu ilʉta kubudwa, ndʉwʉ ʉNgʉlʉve aavɨɨkile ʉlʉvaatɨko. Napeene, asue vʉvʉle, ʉmuunu ʉjwa ʉvɨ jiikʉnsupulila kʉ valʉgʉ ʉMwana va Muunu!” 23Apo, avapositili va Yɨɨsʉ vakatengʉla ʉkʉvʉʉtsania vaveene ʉkʉta, vɨ veeni pagati pa veene iweesa ʉkʉvomba ɨlyo.
Ʉmbaha avavombelage ʉwilongotsa
24Avakongi va Yɨɨsʉ vakatengʉla ʉkʉkaningʼana ʉkʉta, veeni pagati pa veene ʉvɨ iiva vɨ mbaha. 25Pwʉ ʉYɨɨsʉ akavavʉʉla akata, “Avakʉlʉdeeva va vaanu avatava Vayahudi vikʉvalongotsa avaanu va veene kʉ maka, napeene avakʉlʉdeeva avo vitambʉlwa, vatangɨli va vaanu.
26“Lɨno, ʉnyie mwɨlekelwe ʉkʉvomba ewo. Apeene ʉmuunu ʉmbaha kwanyie, ʉjwa aveetsage ndʉ muunu ʉnʼdebe kʉ vooni. Ʉvɨ ilongotsa avaanu, aveetsage ndʉ muunu ʉvɨ ikʉvavombela avange. 27Lɨno! Ʉmbaha vyalɨku? Ʉvɨ itaama pa kʉlya ɨkyakʉlya! Evo ʉvɨ ivomba ʉkʉvanotsehetsa avange? Ndeeti, navɨ mwene ʉvɨ itaama pa kʉlya? Lɨno, ʉne ndɨlɨ paninie nʉʉnyie, ndɨlɨ ndʉ muunu ʉvɨ ikʉvavombela.
28“Ʉnsɨkɨ gwoni ʉgwʉ ndɨkaale mu ngelo, ʉnyie nyienye mukaale nʉʉne. 29Lɨno, ʉne ndikʉvapa amaka ga kʉlongotsa mu Lʉdeeva lwango, ndʉwʉ ʉDaada vango aamye ʉkʉlongotsa. 30Apo mulalitsaga nʉ kʉnywa paninie nʉʉne mu Lʉdeeva lwango. Ikange mulataama mu sinyalwangʉla nʉ kʉlongotsa isivʉmbʉkʉ kɨtsigo na sivɨlɨ (12) sya Vaisilahɨli.”
ɄYɨɨsʉ itsova ʉkʉta ʉPetulo jiikʉmʼbeela
(Mataayo 26:31-35; Maliko 14:27-31; Yohana 13:36-38)
31ɄYɨɨsʉ akata, “Simoni, Simoni! Ʉlʉmanye vʉnonu ʉkʉta ʉSetano adoovile nʉ kwɨdɨkɨlwa ʉkʉvagela ʉnyie, ndʉwʉ ʉmuunu ipeeta ɨngano jya mwene. 32Lɨno ʉne, ndɨkʉdoovye kwa Ngʉlʉve, pakʉta ʉleke ʉkʉlʉleka ʉlwɨdɨko lwako kwane. Napeene, ʉpya ʉngʼilivukye ʉne, ʉvadʉlʉsaage avanino.” 33ɄSimoni akamwanda akata, “Gwe Ntwa! Ʉne ndyɨsaawe ʉkʉva paninie nʉʉve jɨngave kwʉ kʉkʉngwa mu kɨkʉngwa, ndajɨve kwʉ kʉswa!”
34ɄYɨɨsʉ akamwanda akata, “Petulo! Ndikʉkʉvʉʉla ʉkʉta, ɨleelo ɨjɨ, wʉ ɨngʼongove najɨvɨkili, jʉwiiva ʉmbeelile ʉne kadatu ʉkʉta nʉmmanyili.”
Ʉkwɨnotsa nʉ kwɨkangatsa mu vʉpala
35Kʉmbele, ʉYɨɨsʉ akavavʉʉtsa avakongi va mwene akata, “Ʉpwʉ ndɨkavasuungʼile kɨtsila ndalama, kɨtsila ntsigo ndasive silaatu, mukadumukiilwe ɨkɨveetsaga?” Vakaanda vakata, “Baako.” 36Pwʉ ʉYɨɨsʉ akavavʉʉla akata, “Lɨno, angave ʉmuunu alɨ ni ndalama, evo ʉmpako, agegage. Namwene ʉvɨ alɨ vʉvʉle ɨpanga, agʉtse ɨlikoti lya mwene, pakʉta agʉle mamato, 37ʉlwakʉva jɨvɨgilwe, ‘Aavalɨliilwe paninie na vatulanongwa.’#Yesaya 53:12 Amamenyu ago gaavɨgilwe pa kulongwi jyane. Lɨno ndikʉvavʉʉla ʉkʉta wɨgane wa Ngʉlʉve ago gavombeke kwane, ikange ndiita galɨ piipi ʉkʉvombeka.” 38Vakambʉʉla vakata, “Gwe Ntwa! Lola! Apa pwʉtsile ipanga ivɨlɨ.” Ʉmwene akata, “Muduge ʉkʉtsova ɨkulongwi jya panga.”
ɄYɨɨsʉ ikɨsaja mu kɨdugala kya Mizeituni
(Mataayo 26:36-46; Maliko 14:32-42)
39Pwʉ ʉYɨɨsʉ akahega alɨkʉlʉta kʉ kɨdugala kya Mizeituni, ndʉwʉ lwale lwiho lwa mwene. Naveene avakongi va mwene, vakava vikʉnkonga. 40Wʉ asiike apoonu ʉpwʉ aatsoovye ʉkʉlʉta, akavavʉʉla akata, “Munʼdoovage ʉNgʉlʉve, ʉkʉta avape amaka pakʉta ingelo tsileke ʉkʉvalema.”
41Pwʉ akavaleka palya, akalʉta pavʉlongolo padebe, ʉvʉtale wa kʉlahɨɨla ɨliganga. Akasugama, akadoova kwa Ngʉlʉve akata, 42“Gwe Daada! Ʉngave vunogwa, ʉnnyetsehetse ɨkɨnywelo kya vʉkʉvɨlwa ʉvʉlʉti#22:42 Ɨkɨnywelo kya vʉkʉvɨlwa Mu Lwɨdɨngʼano ʉLʉlaala, ɨkɨnywelo kya vʉkʉvɨlwa kwʉ kʉta ʉvʉhɨgi nʉ vʉkʉvɨlwa ʉwʉ ʉNgʉlʉve ikʉvapelela avaanu (Zabuli 11:6; 75:8-9; Yesaya 51:17, 19, 22). Lɨno, ʉYɨɨsʉ ʉpwʉ aatsovaga ikulongwi tsa kɨnywelo kya vʉkʉvɨlwa, aatsovaga ʉkʉkʉvɨlwa nʉ kʉbudwa kwa mwene ʉYɨɨsʉ. ʉvʉlɨ pa kʉnnyitsila. Napeene, ʉleke ʉkʉvomba ʉgwʉ ndinogwa ʉne, apeene ʉvombe ʉgwʉ vunogwa ʉve!” 43Apo, ʉnsuungʼwa ʉkʉhʉma kʉkyanya akamwitsila ʉYɨɨsʉ, akava ikʉmpa amaka. 44Ʉmwene ʉYɨɨsʉ akagimba ʉkwɨsaja, ʉlwakʉva aale nʉ lʉvavo ʉlʉlʉti. Wʉ ikɨsaja, ɨnuguutila ʉngata nkisa jɨkava jidonyola paasi.
45Wʉ ɨsajile, akɨɨma, akalʉta kʉ vakongi va mwene, akavona vagoneelye itʉlʉ, ʉlwakʉva vaale nʉ lʉsʉsʉvalo. 46Akavavʉʉtsa akata, “Kɨki mugoneelye itʉlʉ? Sisimuki! Munʼdoovage ʉNgʉlʉve, ʉkʉta avape amaka pakʉta ingelo tsileke ʉkʉvalema.”
ɄYɨɨsʉ ikwibatwa
(Mataayo 26:47-56; Maliko 14:43-50; Yohana 18:3-11)
47ɄYɨɨsʉ wʉ itsova ago, kɨkiitsa ɨkɨpʉga kya vaanu valongotsiiwe nʉ Yuuda, impamato mu vakongi va mwene kɨtsigo na vavɨlɨ (12). Pwʉ ʉYuuda akahegelela kwa Yɨɨsʉ pakʉta antsibe. 48ɄYɨɨsʉ akambʉʉtsa akata, “Gwe Yuuda! Vukʉmmendama ʉMwana va Muunu kʉ nzɨla jya kʉnsaamusa pa kɨpambaga?”
49Pwʉ avakongi va Yɨɨsʉ wʉ vikʉgavona ago nʉ kʉlʉmanya ʉgwʉ jʉgihʉmɨla, vakambʉʉtsa vakata, “Gwe Ntwa! Tʉvatemanie ni panga?” 50Baaho, mpamato pagati pa veene, akagɨda kʉ mbanda va nteeketsi ʉmbaha, akadumula ɨmbʉlʉkʉtʉ jya kʉndyo. 51ɄYɨɨsʉ akatsova akata, “Ɨlekelwe ʉkʉvomba ɨlyo!” Akiibata ɨmbʉlʉkʉtʉ jya mbanda ʉlya, akamponia.
52ɄYɨɨsʉ akavavʉʉtsa avavaha va vateeketsi, avavaha va valoleeli va tembile paninie na vanzagɨla va Vayahudi, akata, “Kɨki munnyitsye ni panga ni sonzo, ʉngata mwitsile kukʉmwibata ʉnyambuda? 53Mbona isigono syoni, tʉkaveetsaga paninie mu tembile, namukannyibatage! Lɨno, ʉgʉ gwʉ nsɨkɨ gwanyie, ʉnsɨkɨ ʉgwʉ ilongotsa ʉnkʉlʉdeeva va ngʼiisi.” 54Pwʉ avaanu valya vakamwibata ʉYɨɨsʉ, vakammɨlɨka mu nyumba jya nteeketsi ʉmbaha. ɄPetulo akava ikonga kʉvʉtale.
ɄPetulo ikʉmʼbeela ʉYɨɨsʉ
(Mataayo 26:57-58, 69-75; Maliko 14:53-54, 66-72; Yohana 18:12-18, 25-27)
55Avaanu valya wʉ vasiike mu nyumba jya nteeketsi ʉmbaha, vakakotsa ʉmwoto pagati mu lʉvɨgo, vakataama valɨkwota. Namwene ʉPetulo akava ataamile paninie navo. 56Lɨno kʉ nongwa jya lʉmuli lwa mwoto, ʉmbombi mpamato ʉmmɨnza, akandola vʉnonu ʉPetulo, akata, “Namwene ʉmuunu ʉjʉ akaale paninie nave.” 57Ʉmwene ʉPetulo akabeela akata, “Gwe vɨ nʼdala ʉve! Ʉne nandɨmmanyili!”
58Kʉmbele, ʉmuunu ʉjyʉnge akambona ʉPetulo akata, “Najyʉve ʉlɨ mpamato va valya.” Napeene, ʉPetulo akamwanda akata, “Gwe vɨ muunu ʉve, naneene!”
59Wʉ kalʉtɨngʼiinie akavalɨlo kapamato vʉle, ʉmuunu ʉjyʉnge akasimiilitsa akata, “Jɨlweli, ʉmuunu ʉjʉ akaale paninie nave, ʉlwakʉva namwene ʉjʉ muunu va kʉ Galilaya!” 60ɄPetulo akaanda akata, “Gwe vɨ muunu ʉve! Ʉgwʉ witsova ago, nandɨgamanyili!”
Baaho wʉ itsova ago, ɨngʼongove jɨkavɨka. 61ɄYɨɨsʉ akagalamuka, akandola ʉPetulo. Pwʉ ʉPetulo akakʉmbʉka amamenyu galya ʉgwʉ ʉNtwa akambʉʉlile ʉkʉta, “Ɨleelo, ɨngʼongove wʉ najɨvɨkili, jʉvukʉmbeela kadatu.” 62Apo, ʉPetulo akahʉma kʉnzi, akatengʉla ʉkʉlɨla siitso.
Avasikali vikʉnkinila ʉYɨɨsʉ
(Mataayo 26:67-68; Maliko 14:65)
63Avagoosi ʉwʉ vaandoleelaga ʉYɨɨsʉ, vakava vikʉnkinila nʉ kʉntova. 64Vakamʼbunga nɨ kɨtambala kʉmiiho, pwʉ valɨkʉntova nʉ kʉmbʉʉtsa valɨkʉta, “Lagʉlɨla! Veeni ʉvɨ akʉtovile?” 65Vakatsiga vikʉnʼdʉka amadʉsi mongosu.
ɄYɨɨsʉ ihɨgwa na vavaha va Vayahudi
(Mataayo 26:59-66; Maliko 14:55-64; Yohana 18:19-24)
66Wʉ kʉkie pavʉsiku, avavaha va kɨvʉmbʉkʉ kyoni kya Vaisilahɨli, kwʉ kʉta avanzagɨla va Vayahudi, na vavaha va vateeketsi, na vamanyisi va ndagɨlo, vakalʉndamana. Pwʉ ʉYɨɨsʉ akahɨlɨkwa kʉ veene. 67Vakambʉʉtsa vakata, “Tʉvʉʉle! Ʉve nda veeve Kɨlɨsiti?” ɄYɨɨsʉ akavaanda akata, “Nʉpwʉ ndɨngavavʉʉle, ndajɨve ndeeti namukɨɨdɨke. 68Ikange ndɨngavavʉʉtse, namukagele ʉkʉnnyanda. 69Lɨno, ʉkʉtengʉla ʉnsɨkɨ ʉgʉ, mulambona ʉMwana va Muunu ataamile ʉlʉvasu lwa kʉndyo#22:69 Ataamile ʉlʉvasu lwa kʉndyo kwʉ kʉta ʉYɨɨsʉ alalongotsaaga paninie nʉ Ngʉlʉve. lwa Ngʉlʉve ʉNyamaka Gooni.”
70Apo vooni vakata, “Kwʉ kʉta ʉve ʉlɨ Mwana va Ngʉlʉve?” ɄYɨɨsʉ akavaanda akata, “Ʉnyie nyienye nyɨ mutsovile ʉkʉta ʉne vɨ vɨ neene!”
71Pwʉ avavaha valya vakata, “Tʉlondage avooleletsi avange vɨɨki? Mbona ʉwe jyʉwe tʉpʉliike ɨlimenyu ɨlɨ ʉkʉhʉma kʉkʉ mwene!”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2019, Wycliffe Bible Translators, Inc. All rights reserved.