Genesis 13
13
Abram Tánon Ne Lot Waʼthiatekháhsi
1Ká꞉ti nʼAbram tánon né ró꞉ne ó꞉ni ne Lot é꞉ren tontahón꞉nehte ne Egypt tánon akwé꞉kon tsi nihoientahtsherá꞉ien, tánon Negeb nionsahón꞉ne. 2Ó꞉nenh kíʼ ne Abram kwáh í꞉ken tsi rokwahtshé꞉hon tsi nonkwá ne kontitshé꞉nenʼs, ó꞉ni ne kahwistarà꞉ken, tánon nohwistanoronʼshón꞉ʼa. 3Eʼthó꞉ne tonsahanatahkwánion tsi naʼtontá꞉re ne Negeb kwáh tsi niió꞉re ne Bethel, ne iokwèn꞉rare tsi nón꞉we nihotaʼtohsehró꞉tahkwe né tiotierénhton shaʼthatʼtháhahkwe, ne ne tsi naʼtetiátere ne Bethel tánon ne Ai, 4ne ne tsi nón꞉we nihaón꞉ni ne ietsenhahráhkhwa ne tiotierénhton; tánon eʼthó꞉ne ó꞉nen ne Abram iahaná꞉ton ne Roiá꞉ner raohsén꞉na.
5Tánon ne Lot, tsi Abram roné꞉non, ráonha ó꞉ni, ronahskwaién꞉tahkwe ne teiotinaʼkarontón꞉ʼa tánon kaiaʼtákeras, ó꞉ni tiohnhónskwahronʼs tánon naʼtohseraʼshón꞉ʼas. 6Tsi naʼá꞉wenʼne tsi nón꞉we nikonwatiʼterontáhkhwa ne raotitshenenʼó꞉konʼs né tsi watenʼenhrowanén꞉ne iáh tshiaʼtekaié꞉ri tsi ní꞉wa ne tehnitsá꞉ron thóh ahshakotíʼteron ne raotitshenenʼó꞉konʼs; aseʼkénh só꞉tsi wé꞉so rotinahskwaièn꞉tahkweʼ, iáh teiotón꞉ʼon ne skátne ahniterón꞉take, 7tánon waʼthonterihotaʼhrók꞉kon kíʼ tsi naʼtehóntere ne shakotí꞉nonhne Abram raotshenenʼó꞉konʼs tánon ne Lot raotshenenʼó꞉konʼs. Neʼthó shontakahá꞉wi ne Canaanites ó꞉ni ne Perizró꞉nons tho nón꞉we tionhwentsá꞉ien nihatinákerehkwe.
8Eʼthó꞉ne ne Abram wahawénhahse ne Lot, “Ánion tóhsa ohthé꞉nen kaièn꞉taʼn naterihotahrhóktshera tsi naʼtetewátere, tánon tsi naʼtehóntere nonkenihnaʼtsheraʼshón꞉as; tiorí꞉wa tsi tewatátenonhkwe. 9Iáh kenh onhwentsakwé꞉kon ne sahén꞉ton thiká꞉ien? Takatiaʼtontákwas. Tóka sehsenekwá꞉ti nonkwá nienhense, ethó né kʼiʼ skeweientehtáhkwen nonkwá nienhénhke; khés sehseweientehtáhkwen nonkwá nienhénhse, eʼthó꞉ne kíʼ skhenekwá꞉ti nonkwá nienhén꞉ke.”
10Tánon né Lot wahatahrakétsko, tánon wahatkáhto né Jordan aonhráhkwakon tsi niwé꞉so iohné꞉kaien né kwáh tsiʼk nonwéhson tsi kíʼ ní꞉ioht ne tsi kahéhtaien ne Eden né Roiá꞉ner róhson, tsi kíʼ ní꞉ioht ne tsi tiohontsá꞉ien né Egypt, ne tsi nieiawé꞉non ne Zoar; né kíʼ nohén꞉ton ne Roiá꞉ner saháhtonʼte ne Sodom tánon ne Gomorrah. 11Sók kíʼ ne Lot kwáh tsi niwatená꞉skwa ne Jordan aonhráhkwakon wahataterákwaʼse, tánon né Lot thóh nón꞉we iaʼthaná꞉tahkweʼ tsi tkarahkwí꞉nekenʼs nonkwá꞉ti niahá꞉re; eʼthó kiʼ ní꞉ioht tsi waʼthiatekháhhsi. 12Ne Abram aotonhwentsà꞉ke ne Canaan thóh nón꞉we nahatená꞉taien, nok ne Lot ákta ne tsi kanatowá꞉nens ne aʼonhráhkwákon nónwe iaʼthanatáhkwaʼte ne raoʼtóhsera, kwáh tsi niió꞉re ne Sodom. 13Néʼthó nón꞉we ne Sodom nonkwehshón꞉ʼa kwáh í꞉ken tsi ronnonkweʼtahétkens, ó꞉ni iorihowá꞉nen rotiriwáneren tsi nonkwá ne Roiá꞉ner.
14Ne Roiá꞉ner wahawénhahse ne Abram, ó꞉nen né Lot shaʼtehonatekháhshion ne ráonha, “Satahrakétsko tsi nón꞉we níhseʼs nón꞉wa, tánon iasátkáhtho nothorè꞉ke nonkwá꞉ti tánon nentiè꞉ne nonkwá꞉ti tánon ne tsitʼkarahkwí꞉nekenʼs nonkwá꞉ti tánon ne tsi iaʼtewatshénthohs nonkwá꞉ti; 15asèkenh akwé꞉kon tsi niiohón꞉tsa ne satkáhthohs entkón꞉ion tánon tsi niensathwatsí꞉rine ne ne tsi nén꞉we í꞉se sewawenkhón꞉we enkénhake. 16Enkonhwatsiʼrón꞉nien tsi ní꞉ioht noʼkèn꞉ra né tsi ionhwentsá꞉te; né katíʼ tokáʼ ónhka aiekwé꞉ni naiónhshete noʼkèn꞉ra ne tsi ionhwentsá꞉te, ne sahwá꞉tsire enwá꞉ton kíʼ nón꞉neʼeh nahonwanáhshete. 17Téstaʼn, sateʼkhaharónnion ne tsi niiohón꞉tseʼs tánon tsi naʼteionhontsaká꞉ron; aseʼkénh í꞉se entkón꞉ion.” 18Sók kíʼ Ne Abram tonsahanatáhkwaʼte ne raoʼtóhsera, tánon tho nón꞉we ionsahatenatón꞉ni tsi tiorón꞉tote ne karíhton, ne ne Mamre nón꞉we, ne꞉ne Hebron nón꞉we; tánon tho nón꞉we nahaónnien ne ietsenhahrákhwa ne Roiá꞉ner.
S'ha seleccionat:
Genesis 13: MHK
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Genesis 13
13
Abram Tánon Ne Lot Waʼthiatekháhsi
1Ká꞉ti nʼAbram tánon né ró꞉ne ó꞉ni ne Lot é꞉ren tontahón꞉nehte ne Egypt tánon akwé꞉kon tsi nihoientahtsherá꞉ien, tánon Negeb nionsahón꞉ne. 2Ó꞉nenh kíʼ ne Abram kwáh í꞉ken tsi rokwahtshé꞉hon tsi nonkwá ne kontitshé꞉nenʼs, ó꞉ni ne kahwistarà꞉ken, tánon nohwistanoronʼshón꞉ʼa. 3Eʼthó꞉ne tonsahanatahkwánion tsi naʼtontá꞉re ne Negeb kwáh tsi niió꞉re ne Bethel, ne iokwèn꞉rare tsi nón꞉we nihotaʼtohsehró꞉tahkwe né tiotierénhton shaʼthatʼtháhahkwe, ne ne tsi naʼtetiátere ne Bethel tánon ne Ai, 4ne ne tsi nón꞉we nihaón꞉ni ne ietsenhahráhkhwa ne tiotierénhton; tánon eʼthó꞉ne ó꞉nen ne Abram iahaná꞉ton ne Roiá꞉ner raohsén꞉na.
5Tánon ne Lot, tsi Abram roné꞉non, ráonha ó꞉ni, ronahskwaién꞉tahkwe ne teiotinaʼkarontón꞉ʼa tánon kaiaʼtákeras, ó꞉ni tiohnhónskwahronʼs tánon naʼtohseraʼshón꞉ʼas. 6Tsi naʼá꞉wenʼne tsi nón꞉we nikonwatiʼterontáhkhwa ne raotitshenenʼó꞉konʼs né tsi watenʼenhrowanén꞉ne iáh tshiaʼtekaié꞉ri tsi ní꞉wa ne tehnitsá꞉ron thóh ahshakotíʼteron ne raotitshenenʼó꞉konʼs; aseʼkénh só꞉tsi wé꞉so rotinahskwaièn꞉tahkweʼ, iáh teiotón꞉ʼon ne skátne ahniterón꞉take, 7tánon waʼthonterihotaʼhrók꞉kon kíʼ tsi naʼtehóntere ne shakotí꞉nonhne Abram raotshenenʼó꞉konʼs tánon ne Lot raotshenenʼó꞉konʼs. Neʼthó shontakahá꞉wi ne Canaanites ó꞉ni ne Perizró꞉nons tho nón꞉we tionhwentsá꞉ien nihatinákerehkwe.
8Eʼthó꞉ne ne Abram wahawénhahse ne Lot, “Ánion tóhsa ohthé꞉nen kaièn꞉taʼn naterihotahrhóktshera tsi naʼtetewátere, tánon tsi naʼtehóntere nonkenihnaʼtsheraʼshón꞉as; tiorí꞉wa tsi tewatátenonhkwe. 9Iáh kenh onhwentsakwé꞉kon ne sahén꞉ton thiká꞉ien? Takatiaʼtontákwas. Tóka sehsenekwá꞉ti nonkwá nienhense, ethó né kʼiʼ skeweientehtáhkwen nonkwá nienhénhke; khés sehseweientehtáhkwen nonkwá nienhénhse, eʼthó꞉ne kíʼ skhenekwá꞉ti nonkwá nienhén꞉ke.”
10Tánon né Lot wahatahrakétsko, tánon wahatkáhto né Jordan aonhráhkwakon tsi niwé꞉so iohné꞉kaien né kwáh tsiʼk nonwéhson tsi kíʼ ní꞉ioht ne tsi kahéhtaien ne Eden né Roiá꞉ner róhson, tsi kíʼ ní꞉ioht ne tsi tiohontsá꞉ien né Egypt, ne tsi nieiawé꞉non ne Zoar; né kíʼ nohén꞉ton ne Roiá꞉ner saháhtonʼte ne Sodom tánon ne Gomorrah. 11Sók kíʼ ne Lot kwáh tsi niwatená꞉skwa ne Jordan aonhráhkwakon wahataterákwaʼse, tánon né Lot thóh nón꞉we iaʼthaná꞉tahkweʼ tsi tkarahkwí꞉nekenʼs nonkwá꞉ti niahá꞉re; eʼthó kiʼ ní꞉ioht tsi waʼthiatekháhhsi. 12Ne Abram aotonhwentsà꞉ke ne Canaan thóh nón꞉we nahatená꞉taien, nok ne Lot ákta ne tsi kanatowá꞉nens ne aʼonhráhkwákon nónwe iaʼthanatáhkwaʼte ne raoʼtóhsera, kwáh tsi niió꞉re ne Sodom. 13Néʼthó nón꞉we ne Sodom nonkwehshón꞉ʼa kwáh í꞉ken tsi ronnonkweʼtahétkens, ó꞉ni iorihowá꞉nen rotiriwáneren tsi nonkwá ne Roiá꞉ner.
14Ne Roiá꞉ner wahawénhahse ne Abram, ó꞉nen né Lot shaʼtehonatekháhshion ne ráonha, “Satahrakétsko tsi nón꞉we níhseʼs nón꞉wa, tánon iasátkáhtho nothorè꞉ke nonkwá꞉ti tánon nentiè꞉ne nonkwá꞉ti tánon ne tsitʼkarahkwí꞉nekenʼs nonkwá꞉ti tánon ne tsi iaʼtewatshénthohs nonkwá꞉ti; 15asèkenh akwé꞉kon tsi niiohón꞉tsa ne satkáhthohs entkón꞉ion tánon tsi niensathwatsí꞉rine ne ne tsi nén꞉we í꞉se sewawenkhón꞉we enkénhake. 16Enkonhwatsiʼrón꞉nien tsi ní꞉ioht noʼkèn꞉ra né tsi ionhwentsá꞉te; né katíʼ tokáʼ ónhka aiekwé꞉ni naiónhshete noʼkèn꞉ra ne tsi ionhwentsá꞉te, ne sahwá꞉tsire enwá꞉ton kíʼ nón꞉neʼeh nahonwanáhshete. 17Téstaʼn, sateʼkhaharónnion ne tsi niiohón꞉tseʼs tánon tsi naʼteionhontsaká꞉ron; aseʼkénh í꞉se entkón꞉ion.” 18Sók kíʼ Ne Abram tonsahanatáhkwaʼte ne raoʼtóhsera, tánon tho nón꞉we ionsahatenatón꞉ni tsi tiorón꞉tote ne karíhton, ne ne Mamre nón꞉we, ne꞉ne Hebron nón꞉we; tánon tho nón꞉we nahaónnien ne ietsenhahrákhwa ne Roiá꞉ner.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.