Genesis 23
23
Tsi Wakénheie Ne Sarah Tánon Waʼkonwaiaʼtáta
1Ne Sarah énskat tewenʼniáwe tánon tewáhsen tsiáta niiohserá꞉ke nikarí꞉wes iónhnhehkwe; tho kí꞉ken niionhnhesón꞉ne ne Sarah. 2Tánon ne Sarah Kiriath-arba nón꞉we iaʼkénheie (ne ne Hebron nón꞉we) ne aotonhontsà꞉ke ne Canaan; tánon nʼAbraham iahatáweiaʼte nahatshón꞉nion tánon né tahahsénthoʼse.
3NʼAbraham waʼthá꞉taʼne tánon è꞉ren wá꞉rehte tsi nón꞉we niká꞉ien ne ró꞉ne awenheiòn꞉ta, tánon ne wahshakotkenʼsé꞉ra ne Hitró꞉nons, tánon wahén꞉ron, 4“Thiwakonhontsá꞉te tánon kén꞉ʼen wakwahéston skátne tewanákereh; tationhóntion tsi naʼtesewátere né naiontatiaʼtataʼahsthake, né naón꞉ton atiaʼtáta ne khekstenhkénhen ne ne é꞉ren akhá꞉wihte nawenheión꞉ta nakhén꞉ton.”
5Né Hitró꞉nons wathonwariʼhwaʼserákwahse nʼAbraham, 6“Takwatahónhsatat, sènhshion. Tho níʼioht tsi tekwaká꞉nere tsi ní꞉ioht ne kwáh saʼshatstenhserowá꞉nen shehentén꞉se; sheiaʼtáta ne tesení꞉teron né iakawenhé꞉ion ne kwáh tiotkwénienʼs tsi nón꞉we niiakhiiaʼtataʼáhstha. Kwáh tsik ónhka tsi niiátion enkwatewentéhtaʼse nohtshatónhkwa, ne naón꞉ton ahsheiaʼtáta ne tesení꞉teron ne iakawenhé꞉ion.”
7NʼAbraham waʼthá꞉taʼne waʼthatshá꞉kete raotihén꞉ton ne Hitró꞉nons ne ronnonhontsakweʼní꞉io. 8Tánon wahshakawènhahse, “Tókaʼ ensewathón꞉tate nahskwaríhon ne kénʼen akheiaʼtáta ne wakatehreʼónhskon, aesewathón꞉tate tsi sewaniténhtaʼs ne Ephron nakerihwá꞉ke ne꞉ne Zohar roièn꞉ʼa, 9né katíʼ naón꞉ton nahakatenhní꞉nonʼse ne Machpelah nón꞉we tiohshón꞉waien, ne ne ráonha raó꞉wenk; ne ne tsi ieiothén꞉tate ne raohentà꞉ke ítken. Tshisewariʼwanón꞉tons kwáh kakariaʼktsheraná꞉non tsi ahakatenhní꞉nonʼse, kén꞉ʼen sewahén꞉ton, ne ne kwáh í꞉i aonkawenkhón꞉weke akénhake ne iontatiaʼtataáhstha.”
10Nón꞉wa ne Ephron skátne ratitskó꞉tonhkwe ne Hitró꞉nons; tánon ne Ephron ne ne Hitró꞉non nahaiaʼtó꞉ten waʼthorihwaʼserákwahse ne Abraham tshiehonathón꞉te ne ronátiaʼkeʼs Hitró꞉nons, kwáh tsi nihá꞉ti ne iehonataweiaʼtón꞉ne ne tsi tiotʼenhenhraká꞉ronte né kanatowanèn꞉ke, 11“Iáh sènhshion takwatahónhsatat; kwáh kahentakwé꞉kon enkón꞉ion ó꞉ni nohshón꞉wah enkenikwé꞉kon; kén꞉ʼen raotihén꞉ton nakonkweʼtaʼshón꞉ʼa, í꞉se waʼkoniaʼtakweʼní꞉iohste, ne naón꞉ton nahsheiaʼtáta ne satehreʼónhskon.”
12Eʼthó꞉ne NʼAbraham raotihén꞉ton né ronnonhontsakweʼní꞉io waʼthatshá꞉kek. 13Wahawènhahse ne Ephron, tshiehonathón꞉te né ronnonhontsaʼkwenʼí꞉io, “Tóka kwáh nek khók nahskwatahónhsatate! Kwáh enkonkáriaʼkse tsi shaʼtékena nétho kahén꞉ta; tsé꞉na tsi níktats, ne kíʼ naón꞉ton tho nón꞉we nakheiaʼtáta ne wakatereʼónhskon.”
14Ne Ephron tonsahorihwaʼserákwahse ne Abraham, 15“Sènhshion takwatahónhsatat; nonhóntsa kaié꞉riʼ tewenʼniáwe kahwistarà꞉ken khók shaʼtéʼkena—neʼ nahó꞉ten í꞉ken nétho tsi naʼtetiátere? Thóh sheiaʼtáta ne satehreʼonhskon.” 16NʼAbraham waharihwanón꞉weʼne tsi nihariʼwanón꞉tonhs ne Ephron; tánon NʼAbraham wahokontsheriháhrhahse ne Ephron ne kahwistarà꞉ken tsi nahanà꞉ton tsi nahonathón꞉teʼne ne Hitró꞉nons, ne ne kaié꞉ri-tewenʼniáwe ní꞉kon kahwistarà꞉ken, ne taioianénhawe tsi ní꞉ioht tsi rotikariaʼktsheríson tsi ratikontsheriháhrha ne rontenhní꞉nons.
17Katí ne raohèn꞉ta ne Ephron ne Machpelah nón꞉we, ne ne tsitkarahkwínekenʼs nonkwá꞉ti ne Mamre, ne kahentà꞉ke thóh nón꞉we niiohshonwaká꞉ronte tánon akwé꞉kon ne karíhtonʼs iotón꞉ni ne kahentà꞉ke, kwáh tshiewakwé꞉kon tsi niwatená꞉skwa, wahaohétsten 18Abraham raowenkhón꞉we ón꞉ton raotihén꞉ton ne Hitró꞉nons, ó꞉ni raotihén꞉ton kwáh tsi nihá꞉ti niehonataweiá꞉ton ne tsi tiotenhenraʼká꞉ronte ne kanatowanèn꞉ke.
19Eʼthó꞉ne ó꞉nen ne Abraham wahshakoiaʼtáta ne ró꞉nehkwe Sarah thóh ohshón꞉wakon tsi kahén꞉taien ne Machpelah nón꞉we ne tetiatatká꞉nere ne Mamre (ne ne Hebron) ne ne Canaan aotonhwentsà꞉ke. 20Né tsi kahén꞉taien ó꞉ni ne iohshonwaká꞉ronte neh nón꞉we ne ne Hitró꞉nons raonawenhkénhen, tánon Abraham raówenk ón꞉ton tsi ʼeh enhshakoiaʼtataʼáhsthake.
S'ha seleccionat:
Genesis 23: MHK
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Genesis 23
23
Tsi Wakénheie Ne Sarah Tánon Waʼkonwaiaʼtáta
1Ne Sarah énskat tewenʼniáwe tánon tewáhsen tsiáta niiohserá꞉ke nikarí꞉wes iónhnhehkwe; tho kí꞉ken niionhnhesón꞉ne ne Sarah. 2Tánon ne Sarah Kiriath-arba nón꞉we iaʼkénheie (ne ne Hebron nón꞉we) ne aotonhontsà꞉ke ne Canaan; tánon nʼAbraham iahatáweiaʼte nahatshón꞉nion tánon né tahahsénthoʼse.
3NʼAbraham waʼthá꞉taʼne tánon è꞉ren wá꞉rehte tsi nón꞉we niká꞉ien ne ró꞉ne awenheiòn꞉ta, tánon ne wahshakotkenʼsé꞉ra ne Hitró꞉nons, tánon wahén꞉ron, 4“Thiwakonhontsá꞉te tánon kén꞉ʼen wakwahéston skátne tewanákereh; tationhóntion tsi naʼtesewátere né naiontatiaʼtataʼahsthake, né naón꞉ton atiaʼtáta ne khekstenhkénhen ne ne é꞉ren akhá꞉wihte nawenheión꞉ta nakhén꞉ton.”
5Né Hitró꞉nons wathonwariʼhwaʼserákwahse nʼAbraham, 6“Takwatahónhsatat, sènhshion. Tho níʼioht tsi tekwaká꞉nere tsi ní꞉ioht ne kwáh saʼshatstenhserowá꞉nen shehentén꞉se; sheiaʼtáta ne tesení꞉teron né iakawenhé꞉ion ne kwáh tiotkwénienʼs tsi nón꞉we niiakhiiaʼtataʼáhstha. Kwáh tsik ónhka tsi niiátion enkwatewentéhtaʼse nohtshatónhkwa, ne naón꞉ton ahsheiaʼtáta ne tesení꞉teron ne iakawenhé꞉ion.”
7NʼAbraham waʼthá꞉taʼne waʼthatshá꞉kete raotihén꞉ton ne Hitró꞉nons ne ronnonhontsakweʼní꞉io. 8Tánon wahshakawènhahse, “Tókaʼ ensewathón꞉tate nahskwaríhon ne kénʼen akheiaʼtáta ne wakatehreʼónhskon, aesewathón꞉tate tsi sewaniténhtaʼs ne Ephron nakerihwá꞉ke ne꞉ne Zohar roièn꞉ʼa, 9né katíʼ naón꞉ton nahakatenhní꞉nonʼse ne Machpelah nón꞉we tiohshón꞉waien, ne ne ráonha raó꞉wenk; ne ne tsi ieiothén꞉tate ne raohentà꞉ke ítken. Tshisewariʼwanón꞉tons kwáh kakariaʼktsheraná꞉non tsi ahakatenhní꞉nonʼse, kén꞉ʼen sewahén꞉ton, ne ne kwáh í꞉i aonkawenkhón꞉weke akénhake ne iontatiaʼtataáhstha.”
10Nón꞉wa ne Ephron skátne ratitskó꞉tonhkwe ne Hitró꞉nons; tánon ne Ephron ne ne Hitró꞉non nahaiaʼtó꞉ten waʼthorihwaʼserákwahse ne Abraham tshiehonathón꞉te ne ronátiaʼkeʼs Hitró꞉nons, kwáh tsi nihá꞉ti ne iehonataweiaʼtón꞉ne ne tsi tiotʼenhenhraká꞉ronte né kanatowanèn꞉ke, 11“Iáh sènhshion takwatahónhsatat; kwáh kahentakwé꞉kon enkón꞉ion ó꞉ni nohshón꞉wah enkenikwé꞉kon; kén꞉ʼen raotihén꞉ton nakonkweʼtaʼshón꞉ʼa, í꞉se waʼkoniaʼtakweʼní꞉iohste, ne naón꞉ton nahsheiaʼtáta ne satehreʼónhskon.”
12Eʼthó꞉ne NʼAbraham raotihén꞉ton né ronnonhontsakweʼní꞉io waʼthatshá꞉kek. 13Wahawènhahse ne Ephron, tshiehonathón꞉te né ronnonhontsaʼkwenʼí꞉io, “Tóka kwáh nek khók nahskwatahónhsatate! Kwáh enkonkáriaʼkse tsi shaʼtékena nétho kahén꞉ta; tsé꞉na tsi níktats, ne kíʼ naón꞉ton tho nón꞉we nakheiaʼtáta ne wakatereʼónhskon.”
14Ne Ephron tonsahorihwaʼserákwahse ne Abraham, 15“Sènhshion takwatahónhsatat; nonhóntsa kaié꞉riʼ tewenʼniáwe kahwistarà꞉ken khók shaʼtéʼkena—neʼ nahó꞉ten í꞉ken nétho tsi naʼtetiátere? Thóh sheiaʼtáta ne satehreʼonhskon.” 16NʼAbraham waharihwanón꞉weʼne tsi nihariʼwanón꞉tonhs ne Ephron; tánon NʼAbraham wahokontsheriháhrhahse ne Ephron ne kahwistarà꞉ken tsi nahanà꞉ton tsi nahonathón꞉teʼne ne Hitró꞉nons, ne ne kaié꞉ri-tewenʼniáwe ní꞉kon kahwistarà꞉ken, ne taioianénhawe tsi ní꞉ioht tsi rotikariaʼktsheríson tsi ratikontsheriháhrha ne rontenhní꞉nons.
17Katí ne raohèn꞉ta ne Ephron ne Machpelah nón꞉we, ne ne tsitkarahkwínekenʼs nonkwá꞉ti ne Mamre, ne kahentà꞉ke thóh nón꞉we niiohshonwaká꞉ronte tánon akwé꞉kon ne karíhtonʼs iotón꞉ni ne kahentà꞉ke, kwáh tshiewakwé꞉kon tsi niwatená꞉skwa, wahaohétsten 18Abraham raowenkhón꞉we ón꞉ton raotihén꞉ton ne Hitró꞉nons, ó꞉ni raotihén꞉ton kwáh tsi nihá꞉ti niehonataweiá꞉ton ne tsi tiotenhenraʼká꞉ronte ne kanatowanèn꞉ke.
19Eʼthó꞉ne ó꞉nen ne Abraham wahshakoiaʼtáta ne ró꞉nehkwe Sarah thóh ohshón꞉wakon tsi kahén꞉taien ne Machpelah nón꞉we ne tetiatatká꞉nere ne Mamre (ne ne Hebron) ne ne Canaan aotonhwentsà꞉ke. 20Né tsi kahén꞉taien ó꞉ni ne iohshonwaká꞉ronte neh nón꞉we ne ne Hitró꞉nons raonawenhkénhen, tánon Abraham raówenk ón꞉ton tsi ʼeh enhshakoiaʼtataʼáhsthake.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.