Marcos 1
1
Bautizaj Juan sumaj willayta willaran
(Mt 3.1-12; Lc 3.1-9,15-17; Jn 1.19-28)
1Kayqa Diospa Churin Jesusmanta sumaj willay, pichus Cristo karqa, chaymanta.
2Chay karqa Diosmanta ñawpa sut'inchaj Isaiaspa qhelqasqanpi Dios imaynatachus nisqanman jina:
Noqa willajniyta ñawpaqeykita kachamushani,
ñanta wakichipusunanpaj.#Mal 3.1.
3Ch'innejpi uj runaj qhaparisqan uyarikun:
Tata Diospaj ñanta pichaychej,
purinantataj cheqanyachiychej, nispa.
4Ajinaqa Bautizaj Juan ch'innejpi rikhurispa, tukuy runata nerqa bautizachikunankuta, ajinamanta yachayta qospa Diosman kutirikusqankumanta juchanku pampachasqa kananpaj. 5Jinapi ashkha runakuna tukuy Judea jap'iymanta, Jerusalén llajtamanta ima Juanta uyarej jamorqanku. Paykunataj juchankuta rimarispa, Jordán mayupi Juanwan bautizachikorqanku.
6Juanqa camelloj millmanmanta ruwasqa p'achawan p'achallisqa karqa, qara chumpiwantaj chumpisqa. Paytaj phinki phinkikunata, lachiwana misk'itawan ima mikhoj. 7Chantá runakunaman kay jinata willarqa: Qhepayta wajtaj jamushan, noqamanta aswan atiyniyoj. Noqataj mana paypa wata runan kanaypaj jinallapischu kani. 8Noqaqa qankunata yakuwan bautizaykichej. Paytajrí Santo Espirituwan bautizasonqachej,#Jn 1.33; Hch 1.5; 2.1-4. nispa.
Jesusqa Juanwan bautizachikun
(Mt 3.13-17; Lc 3.21-22)
9Chaypachallataj Jesusqa Galileapi kaj Nazaret llajtamanta jamorqa, jinataj Juanwan Jordán mayupi bautizachikorqa. 10Jinallapi Jesús yakumanta llojsimushaspa, janajta kicharikushajta rikorqa, Santo Espiritutataj urpi jina, paypa patanman urayk'amushajta. 11Janaj pachamantataj Dios nimorqa: Qanmin munasqa Churiy kanki, qanwantaj sonqo junt'asqa kani, nispa.
Kuraj Supayqa Jesusta juchallichiyta munan
(Mt 4.1-11; Lc 4.1-13)
12Chay ratopacha Santo Espiritoqa Jesusta ch'innejman pusarqa. 13Jesustaj chaypi tawa chunka p'unchayta kasharqa k'ita phiña animalkunawan khuska. Chantá Supay Satanás jamuspa, juchallichiyta munarqa. Angelkunataj jamuspa, Jesusta yanaparqanku.
Jesusqa Galilea jap'iypi sumaj willayta willaran
(Mt 4.12-17; Lc 4.14-15)
14Chay qhepata, Juanta carcelman wisq'achisqankumantaña, Jesús Galilea jap'iyman rerqa, chaypitaj Diosmanta kay sumaj willayta willarqa: 15Diospa nisqan p'unchay junt'akunña, paytaj kamachinanpaj wakichisqaña kashan. Chayrayku juchaykichejmanta Diosman kutirikuychej, Diosmanta kay sumaj willaytataj jap'ikuychej, nispa.
Jesús tawa challwirikunata wajyan
(Mt 4.18-22; Lc 5.1-11)
16Uj p'unchay Jesusqa Galilea qocha kantunta purishaspa, Simonta rikorqa, wawqen Andrestawan ima. Paykunaqa qochaman challwa jap'ina ch'ipata wijch'uykusharqanku challwakunata jap'inankupaj, imaraykuchus challwiri karqanku. 17Jesustaj paykunata nerqa: Jaku noqawan khuska rinachej. Chantá challwata jap'inaykichejtaqa, noqa runakuna qhatinawankupaj mask'ayta yachachisqaykichej, nispa. 18Paykunataj chay kikinpi challwa jap'ina ch'ipankuta saqerparispa, Jesuswan riporqanku.
19Tumpatawan chaymanta karunchakuspa, Jesús Zebedeoj churinkunatañataj rikorqa. Bote ukhupi kasharqanku Santiago, wawqen Juan ima, paykunataj challwa jap'inanku ch'ipakunata t'irisharqanku. 20Rikuytawankama, Jesús paykunatapis yachachisqankuna kanankupaj wajyallarqataj. Paykunataj tatanku Zebedeota, yanapajkunatawan botepi saqespa, Jesuswan riporqanku.
Jesusqa supayta runamanta qharqon
(Lc 4.31-37)
21Chaymantá Jesuswan, yachachisqankunawan ima Cafarnaún llajtaman chayarqanku. Jesustaj samarina p'unchaypi tantakunanku wasiman yaykuspa, Diosmanta yachachiyta qallarerqa. 22Chay runakunataj yachachisqanta uyarispa, t'ukorqanku, imaraykuchus Jesusqa kasuchikunapaj jina yachacherqa, manataj Diospa kamachisqanmanta yachachejkuna jinachu.
23Chaypacha chay tantakuna wasipi supayniyoj uj runa kasharqa. Ujllata qhaparispataj, pay nerqa: 24Nazaretmanta Jesús, ima nispa noqaykuwan jap'inakoj jamunkiri? Noqaykuta tukuchejchu jamunki? Noqa yachani pichus kasqaykita. Qanqa Diospa May Llimphu Kaj Ajllakusqan kanki, nispa.
25Jesustajrí chay supayta k'amerqa: Ch'in kay, kay runamantataj llojsiy, nispa.
26Chay supayqa runata sinch'ita thalaytawan, jatunmanta qhaparispa, chay runamanta llojserqa. 27Runakunataj mayta t'ukuspa, purajmanta tapunakusharqanku: Imataj kayri? Ima mosoj yachachiytajri? Kay jina atiyniyojpuni kananri? Pay kamachejtin, millay supaykunapis payta kasunku, nispa.
28Ajinamanta, tukuynejpi Jesusmanta uyarikorqapacha. Tukuy Galileaj muyuynintinpitaj imatachus ruwasqanmanta yacharqanku.
Jesús Pedroj suegranta qhaliyachin
(Mt 8.14-15; Lc 4.38-39)
29Chay tantakuna wasimanta llojsispa, Jesusqa Santiagowan, Juanwan ima Simonpa, Andrespa wasinkuman rerqanku. 30Chaypacha Simonpa suegranqa k'aja onqoywan puñunanpi kasharqa, chaypi kajkunataj chay warmi onqosqa kasqanta Jesusman willarqanku. 31Chantá Jesús payman qayllaykorqa, makinmanta aysarispataj jataricherqa. Chay ratopachataj chay warmeqa k'aja onqoyninmanta qhaliyaporqa, sayariytawantaj, mikhunata wayk'orqa mikhunankupaj.
Jesús ashkha onqosqakunata qhaliyachin
(Mt 8.16-17; Lc 4.40-41)
32Inti yaykuyta, ña ch'isiyaykuytaña, ashkha onqosqakunata Jesusman pusamorqanku, supayniyoj runakunatawan. 33Tukuy llajtamanta runakunataj wasi punkuman tantakamorqanku. 34Chantá Jesús ashkha runata tukuy imaymana onqoymanta qhaliyacherqa. Jinallataj ashkha runamanta supaykunata qharqorqa, nitaj supaykunata parlajta saqerqachu, imaraykuchus paykuna pichus Jesús kasqanta yacharqanku.
Jesús Galileapi Diosmanta willaran
(Lc 4.42-44)
35Q'ayantenqa Jesús tutamanta jatarerqa. Allin chhapullaraj kashajtin, wasimanta llojsispa, ch'innejman rerqa, chaypitaj Dioswan parlarikorqa.#Mt 14.23; Mc 6.46; Lc 5.16; 6.12. 36Jinapi Simón, paywan khuska kajkuna ima Jesusta mask'amorqanku. 37Tarispataj, nerqanku: Tukuy mask'ashasunku, nispa.
38Jesustajrí paykunaman kuticherqa: Jaku kay qaylla llajtakunaman. Chaypipis Diosmanta sumaj willayta willanay tiyan, imaraykuchus chaypajmin jamuni, nispa.
39Ajinata Jesús tukuy Galilea jap'iypi purerqa, chaypi kaj tantakuna wasikunapitaj Diosmanta yachacherqa. Supaykunatapis runakunamanta qharqollarqataj.#Mt 4.23; 9.35.
Jesús llejti onqoyniyojta qhaliyachin
(Mt 8.1-4; Lc 5.12-16)
40Uj kuti Jesusman jamorqa llejti onqoyniyoj uj runa. Ñawpaqenpi qonqorikuspataj, Jesusmanta mañakorqa: Munankichus chayqa, onqoyniymanta qhaliyachiwayta atinki, nispa.
41Jesustaj paymanta khuyakuspa, makinwan llankhaykorqa, nerqataj: Arí, munani, llimphuchasqaña kanki, nispa.
42Jesús chayta nisqantawan, chay runaqa llejti onqoyninmanta qhaliyachisqa karqa, chantá Diospa ñawpaqenpi llimphuchasqa ima. 43Chaymantataj Jesús chay runata kachapuspa, mayta kamacherqa: 44Allinta uyariway: Ama pimanpis kay ruwasqayta willankichu. Manachayqa cheqanta rispa, sacerdotewan qhawachikamuy. Moisés kamachisqanman jinataj jaywanaykita qomuy ajinamanta runakuna yachanankupaj onqoyniykimanta llimphuchasqaña kasqaykita, nispa.
45Chay runatajrí rispa, tukuyman imaynatachus Jesús chay onqoyninmanta qhaliyachisqanta willamorqa. Chayrayku Jesusqa pakayllamantaña llajtakunamanpis yaykoj, jinataj ch'in cheqakunallapiña qhepakoj. Chaywanpis ashkha runakuna tukuynejmanta Jesusman jamullajpuni kanku.
S'ha seleccionat:
Marcos 1: DQDC
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Revisión Biblia Quechua Boliviano © Sociedad Bíblica Boliviana, 2017.
Marcos 1
1
Bautizaj Juan sumaj willayta willaran
(Mt 3.1-12; Lc 3.1-9,15-17; Jn 1.19-28)
1Kayqa Diospa Churin Jesusmanta sumaj willay, pichus Cristo karqa, chaymanta.
2Chay karqa Diosmanta ñawpa sut'inchaj Isaiaspa qhelqasqanpi Dios imaynatachus nisqanman jina:
Noqa willajniyta ñawpaqeykita kachamushani,
ñanta wakichipusunanpaj.#Mal 3.1.
3Ch'innejpi uj runaj qhaparisqan uyarikun:
Tata Diospaj ñanta pichaychej,
purinantataj cheqanyachiychej, nispa.
4Ajinaqa Bautizaj Juan ch'innejpi rikhurispa, tukuy runata nerqa bautizachikunankuta, ajinamanta yachayta qospa Diosman kutirikusqankumanta juchanku pampachasqa kananpaj. 5Jinapi ashkha runakuna tukuy Judea jap'iymanta, Jerusalén llajtamanta ima Juanta uyarej jamorqanku. Paykunataj juchankuta rimarispa, Jordán mayupi Juanwan bautizachikorqanku.
6Juanqa camelloj millmanmanta ruwasqa p'achawan p'achallisqa karqa, qara chumpiwantaj chumpisqa. Paytaj phinki phinkikunata, lachiwana misk'itawan ima mikhoj. 7Chantá runakunaman kay jinata willarqa: Qhepayta wajtaj jamushan, noqamanta aswan atiyniyoj. Noqataj mana paypa wata runan kanaypaj jinallapischu kani. 8Noqaqa qankunata yakuwan bautizaykichej. Paytajrí Santo Espirituwan bautizasonqachej,#Jn 1.33; Hch 1.5; 2.1-4. nispa.
Jesusqa Juanwan bautizachikun
(Mt 3.13-17; Lc 3.21-22)
9Chaypachallataj Jesusqa Galileapi kaj Nazaret llajtamanta jamorqa, jinataj Juanwan Jordán mayupi bautizachikorqa. 10Jinallapi Jesús yakumanta llojsimushaspa, janajta kicharikushajta rikorqa, Santo Espiritutataj urpi jina, paypa patanman urayk'amushajta. 11Janaj pachamantataj Dios nimorqa: Qanmin munasqa Churiy kanki, qanwantaj sonqo junt'asqa kani, nispa.
Kuraj Supayqa Jesusta juchallichiyta munan
(Mt 4.1-11; Lc 4.1-13)
12Chay ratopacha Santo Espiritoqa Jesusta ch'innejman pusarqa. 13Jesustaj chaypi tawa chunka p'unchayta kasharqa k'ita phiña animalkunawan khuska. Chantá Supay Satanás jamuspa, juchallichiyta munarqa. Angelkunataj jamuspa, Jesusta yanaparqanku.
Jesusqa Galilea jap'iypi sumaj willayta willaran
(Mt 4.12-17; Lc 4.14-15)
14Chay qhepata, Juanta carcelman wisq'achisqankumantaña, Jesús Galilea jap'iyman rerqa, chaypitaj Diosmanta kay sumaj willayta willarqa: 15Diospa nisqan p'unchay junt'akunña, paytaj kamachinanpaj wakichisqaña kashan. Chayrayku juchaykichejmanta Diosman kutirikuychej, Diosmanta kay sumaj willaytataj jap'ikuychej, nispa.
Jesús tawa challwirikunata wajyan
(Mt 4.18-22; Lc 5.1-11)
16Uj p'unchay Jesusqa Galilea qocha kantunta purishaspa, Simonta rikorqa, wawqen Andrestawan ima. Paykunaqa qochaman challwa jap'ina ch'ipata wijch'uykusharqanku challwakunata jap'inankupaj, imaraykuchus challwiri karqanku. 17Jesustaj paykunata nerqa: Jaku noqawan khuska rinachej. Chantá challwata jap'inaykichejtaqa, noqa runakuna qhatinawankupaj mask'ayta yachachisqaykichej, nispa. 18Paykunataj chay kikinpi challwa jap'ina ch'ipankuta saqerparispa, Jesuswan riporqanku.
19Tumpatawan chaymanta karunchakuspa, Jesús Zebedeoj churinkunatañataj rikorqa. Bote ukhupi kasharqanku Santiago, wawqen Juan ima, paykunataj challwa jap'inanku ch'ipakunata t'irisharqanku. 20Rikuytawankama, Jesús paykunatapis yachachisqankuna kanankupaj wajyallarqataj. Paykunataj tatanku Zebedeota, yanapajkunatawan botepi saqespa, Jesuswan riporqanku.
Jesusqa supayta runamanta qharqon
(Lc 4.31-37)
21Chaymantá Jesuswan, yachachisqankunawan ima Cafarnaún llajtaman chayarqanku. Jesustaj samarina p'unchaypi tantakunanku wasiman yaykuspa, Diosmanta yachachiyta qallarerqa. 22Chay runakunataj yachachisqanta uyarispa, t'ukorqanku, imaraykuchus Jesusqa kasuchikunapaj jina yachacherqa, manataj Diospa kamachisqanmanta yachachejkuna jinachu.
23Chaypacha chay tantakuna wasipi supayniyoj uj runa kasharqa. Ujllata qhaparispataj, pay nerqa: 24Nazaretmanta Jesús, ima nispa noqaykuwan jap'inakoj jamunkiri? Noqaykuta tukuchejchu jamunki? Noqa yachani pichus kasqaykita. Qanqa Diospa May Llimphu Kaj Ajllakusqan kanki, nispa.
25Jesustajrí chay supayta k'amerqa: Ch'in kay, kay runamantataj llojsiy, nispa.
26Chay supayqa runata sinch'ita thalaytawan, jatunmanta qhaparispa, chay runamanta llojserqa. 27Runakunataj mayta t'ukuspa, purajmanta tapunakusharqanku: Imataj kayri? Ima mosoj yachachiytajri? Kay jina atiyniyojpuni kananri? Pay kamachejtin, millay supaykunapis payta kasunku, nispa.
28Ajinamanta, tukuynejpi Jesusmanta uyarikorqapacha. Tukuy Galileaj muyuynintinpitaj imatachus ruwasqanmanta yacharqanku.
Jesús Pedroj suegranta qhaliyachin
(Mt 8.14-15; Lc 4.38-39)
29Chay tantakuna wasimanta llojsispa, Jesusqa Santiagowan, Juanwan ima Simonpa, Andrespa wasinkuman rerqanku. 30Chaypacha Simonpa suegranqa k'aja onqoywan puñunanpi kasharqa, chaypi kajkunataj chay warmi onqosqa kasqanta Jesusman willarqanku. 31Chantá Jesús payman qayllaykorqa, makinmanta aysarispataj jataricherqa. Chay ratopachataj chay warmeqa k'aja onqoyninmanta qhaliyaporqa, sayariytawantaj, mikhunata wayk'orqa mikhunankupaj.
Jesús ashkha onqosqakunata qhaliyachin
(Mt 8.16-17; Lc 4.40-41)
32Inti yaykuyta, ña ch'isiyaykuytaña, ashkha onqosqakunata Jesusman pusamorqanku, supayniyoj runakunatawan. 33Tukuy llajtamanta runakunataj wasi punkuman tantakamorqanku. 34Chantá Jesús ashkha runata tukuy imaymana onqoymanta qhaliyacherqa. Jinallataj ashkha runamanta supaykunata qharqorqa, nitaj supaykunata parlajta saqerqachu, imaraykuchus paykuna pichus Jesús kasqanta yacharqanku.
Jesús Galileapi Diosmanta willaran
(Lc 4.42-44)
35Q'ayantenqa Jesús tutamanta jatarerqa. Allin chhapullaraj kashajtin, wasimanta llojsispa, ch'innejman rerqa, chaypitaj Dioswan parlarikorqa.#Mt 14.23; Mc 6.46; Lc 5.16; 6.12. 36Jinapi Simón, paywan khuska kajkuna ima Jesusta mask'amorqanku. 37Tarispataj, nerqanku: Tukuy mask'ashasunku, nispa.
38Jesustajrí paykunaman kuticherqa: Jaku kay qaylla llajtakunaman. Chaypipis Diosmanta sumaj willayta willanay tiyan, imaraykuchus chaypajmin jamuni, nispa.
39Ajinata Jesús tukuy Galilea jap'iypi purerqa, chaypi kaj tantakuna wasikunapitaj Diosmanta yachacherqa. Supaykunatapis runakunamanta qharqollarqataj.#Mt 4.23; 9.35.
Jesús llejti onqoyniyojta qhaliyachin
(Mt 8.1-4; Lc 5.12-16)
40Uj kuti Jesusman jamorqa llejti onqoyniyoj uj runa. Ñawpaqenpi qonqorikuspataj, Jesusmanta mañakorqa: Munankichus chayqa, onqoyniymanta qhaliyachiwayta atinki, nispa.
41Jesustaj paymanta khuyakuspa, makinwan llankhaykorqa, nerqataj: Arí, munani, llimphuchasqaña kanki, nispa.
42Jesús chayta nisqantawan, chay runaqa llejti onqoyninmanta qhaliyachisqa karqa, chantá Diospa ñawpaqenpi llimphuchasqa ima. 43Chaymantataj Jesús chay runata kachapuspa, mayta kamacherqa: 44Allinta uyariway: Ama pimanpis kay ruwasqayta willankichu. Manachayqa cheqanta rispa, sacerdotewan qhawachikamuy. Moisés kamachisqanman jinataj jaywanaykita qomuy ajinamanta runakuna yachanankupaj onqoyniykimanta llimphuchasqaña kasqaykita, nispa.
45Chay runatajrí rispa, tukuyman imaynatachus Jesús chay onqoyninmanta qhaliyachisqanta willamorqa. Chayrayku Jesusqa pakayllamantaña llajtakunamanpis yaykoj, jinataj ch'in cheqakunallapiña qhepakoj. Chaywanpis ashkha runakuna tukuynejmanta Jesusman jamullajpuni kanku.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Revisión Biblia Quechua Boliviano © Sociedad Bíblica Boliviana, 2017.