GÉNESIS 17
17
Rimanakuy señal
1Abram isqon chunka isqonniyoq watayoq kashaqtintaq, Señor Diosqa payman rikhurirqan, hinaspan payta nirqan:
—Ñoqan Tukuy-atiyniyoq Dios kani, munayniyman hina allinta kawsay. 2Ñoqan qanwan rimanakusaq, sinchitan askhayachisqayki, nispa.
3Hinaqtinmi Abramqa pampakama k'umuykukurqan, Diostaq payta nirqan:
4—Ñoqan qanwan kayta rimanakushani: Askha runaq taytanmi kanki. 5Manañan sutiykiqa Abramchu kanqa, aswanpas sutiykiqa Abrahammi #Hebreo rimaypi “Abraham” sutiqa “Askha runaq taytan” nisqamanmi rikch'akun. kapunqa, askha runaq taytanpaq qanta churasqayrayku. 6Sinchitan askhayachisqayki, runakunan qanmanta miranqa, hinallataq reykunapas qanmanta paqarinqa. 7Ñoqan qanwanpas mirayniykikunawanpas rimanakusqayta wiñaypaq hunt'asaq, ahinapin qanpapas mirayniykikunaqpas Diosniykichis kasaq. 8Qanmanwan paykunamanwanmi karu llaqtayoq kashasqayki hallp'ata qosqaykichis. Lliw Canaán hallp'an wiñay herenciaykichis kanqa, paykunaq Diosnintaq kasaq, nispa.
9Nillarqantaq Diosqa Abrahamta:
—Qantaq ichaqa rimanakuyniyta waqaychanki, qanpas sapanka mirayniykipas. 10Kaymi ñoqawan qankunawan mirayniykiwanpas rimanakuyniy kanqa hunt'anaykichispaq: Llapa qhari qankunapi qhari-kaynin señalasqa kachun. 11Nispaqa kuchuqakunkichis qhari-kayniykichis qarachata, ñoqawan qankunawan rimanakusqay señal kananpaq. 12-13Qankunawan kashaq pusaq p'unchayniyoq llapa qhari wawan señalasqa kanqa, wasiykipi naceqpas, mana mirayniyki mayqen karu llaqtayoqmanta rantikusqaykipas, iskayninkun señalasqa kanan. Ahinapin wiñaypaq rimanakuyniy señalqa aychaykichispi kanqa. 14Mana señalasqa runaqa ayllun ukhumantan qarqosqa kanqa, rimanakuyniyta p'akisqanrayku, nispa.
15Nillarqantaq Diosqa Abrahamta:
—Sarai warmiykitaqa amañan “Sarai” ninkiñachu, aswanpas “Sara”#Hebreo rimaypi “Sara” sutiqa “reypa ususin” ninanta nin. sutinqa kapunqa. 16Ñoqataq payta saminchasaq, paypin churitapas qollasqaykitaq. Arí, paytan saminchasaq, hinan hatun suyukunaq maman kanqa, paymantan runakunaq reynin paqarinqa, nispa.
17Hinaqtinmi Abrahamqa pampakama k'umuykukuspa asikurqan, sonqonpitaq nirqan:
—¿Pachak watayoq runapaqchu qhari wawa nacenman? ¿Sarapas isqon chunka watayoqñachu wachakunman? nispa. 18Hinaspanmi Abrahamqa Diosta nirqan:
—¡Ismael-lla saminchayniykiwan kawsanman! nispa.
19Hinan Diosqa kutichirqan:
—Cheqaqtapunin warmiyki Sara wawata qanpaq wachakunqa, sutichankitaq Isaacta #Hebreo rimaypi “Isaac” sutiqa “asikun” ninanta nin.. Rimanakuyniytataq paywan wiñaypaq sayachisaq mirayninkunawanpas. 20Ismaelpaqpas uyarillarqaykitaqmi. Paytaqa saminchasaqmi, mirachisaqmi, sinchitataq askhayachisaqpas. Chunka iskayniyoq kamachikuqkunatan churiyanqa, hatun suyumantaq tukuchisaq. 21Rimanakuyniytataq ichaqa Isaacwan sayachisaq, paytan Sara qanpaq wachakunqa kunan hina tiempo q'aya watapi, nispa.
22Hinaspan paywan rimayta tukuspa, Diosqa Abrahampa qayllanmanta ripurqan. 23Abrahamtaq churin Ismaelta hap'irqan, wasinpi llapa naceq kamachikunatapas, llapa rantisqankunatapas, wasinpi kaq llapa qharitapas, hinaspan chay kikin p'unchaypi paykunata señalarqan, Diospa payta kamachisqanman hina. 24-25Abrahamtaq señalakushaspa karqan isqon chunka isqonniyoq watayoq, churin Ismaeltaq karqan chunka kinsayoq watayoq señalakushaqtin. 26-27Chay kikin p'unchaypin señalasqa karqan Abrahampas churin Ismaelpas, hinallataq wasinpi llapa qharikunapas, wasinpi naceq kamachikunapas, karu llaqtayoqkunamanta rantisqakunapas, paywan kuskan señalasqa karqanku.
S'ha seleccionat:
GÉNESIS 17: QC88
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Biblia en Quechua de Cuzco © Sociedades Bíblicas Unidas, 1988.
GÉNESIS 17
17
Rimanakuy señal
1Abram isqon chunka isqonniyoq watayoq kashaqtintaq, Señor Diosqa payman rikhurirqan, hinaspan payta nirqan:
—Ñoqan Tukuy-atiyniyoq Dios kani, munayniyman hina allinta kawsay. 2Ñoqan qanwan rimanakusaq, sinchitan askhayachisqayki, nispa.
3Hinaqtinmi Abramqa pampakama k'umuykukurqan, Diostaq payta nirqan:
4—Ñoqan qanwan kayta rimanakushani: Askha runaq taytanmi kanki. 5Manañan sutiykiqa Abramchu kanqa, aswanpas sutiykiqa Abrahammi #Hebreo rimaypi “Abraham” sutiqa “Askha runaq taytan” nisqamanmi rikch'akun. kapunqa, askha runaq taytanpaq qanta churasqayrayku. 6Sinchitan askhayachisqayki, runakunan qanmanta miranqa, hinallataq reykunapas qanmanta paqarinqa. 7Ñoqan qanwanpas mirayniykikunawanpas rimanakusqayta wiñaypaq hunt'asaq, ahinapin qanpapas mirayniykikunaqpas Diosniykichis kasaq. 8Qanmanwan paykunamanwanmi karu llaqtayoq kashasqayki hallp'ata qosqaykichis. Lliw Canaán hallp'an wiñay herenciaykichis kanqa, paykunaq Diosnintaq kasaq, nispa.
9Nillarqantaq Diosqa Abrahamta:
—Qantaq ichaqa rimanakuyniyta waqaychanki, qanpas sapanka mirayniykipas. 10Kaymi ñoqawan qankunawan mirayniykiwanpas rimanakuyniy kanqa hunt'anaykichispaq: Llapa qhari qankunapi qhari-kaynin señalasqa kachun. 11Nispaqa kuchuqakunkichis qhari-kayniykichis qarachata, ñoqawan qankunawan rimanakusqay señal kananpaq. 12-13Qankunawan kashaq pusaq p'unchayniyoq llapa qhari wawan señalasqa kanqa, wasiykipi naceqpas, mana mirayniyki mayqen karu llaqtayoqmanta rantikusqaykipas, iskayninkun señalasqa kanan. Ahinapin wiñaypaq rimanakuyniy señalqa aychaykichispi kanqa. 14Mana señalasqa runaqa ayllun ukhumantan qarqosqa kanqa, rimanakuyniyta p'akisqanrayku, nispa.
15Nillarqantaq Diosqa Abrahamta:
—Sarai warmiykitaqa amañan “Sarai” ninkiñachu, aswanpas “Sara”#Hebreo rimaypi “Sara” sutiqa “reypa ususin” ninanta nin. sutinqa kapunqa. 16Ñoqataq payta saminchasaq, paypin churitapas qollasqaykitaq. Arí, paytan saminchasaq, hinan hatun suyukunaq maman kanqa, paymantan runakunaq reynin paqarinqa, nispa.
17Hinaqtinmi Abrahamqa pampakama k'umuykukuspa asikurqan, sonqonpitaq nirqan:
—¿Pachak watayoq runapaqchu qhari wawa nacenman? ¿Sarapas isqon chunka watayoqñachu wachakunman? nispa. 18Hinaspanmi Abrahamqa Diosta nirqan:
—¡Ismael-lla saminchayniykiwan kawsanman! nispa.
19Hinan Diosqa kutichirqan:
—Cheqaqtapunin warmiyki Sara wawata qanpaq wachakunqa, sutichankitaq Isaacta #Hebreo rimaypi “Isaac” sutiqa “asikun” ninanta nin.. Rimanakuyniytataq paywan wiñaypaq sayachisaq mirayninkunawanpas. 20Ismaelpaqpas uyarillarqaykitaqmi. Paytaqa saminchasaqmi, mirachisaqmi, sinchitataq askhayachisaqpas. Chunka iskayniyoq kamachikuqkunatan churiyanqa, hatun suyumantaq tukuchisaq. 21Rimanakuyniytataq ichaqa Isaacwan sayachisaq, paytan Sara qanpaq wachakunqa kunan hina tiempo q'aya watapi, nispa.
22Hinaspan paywan rimayta tukuspa, Diosqa Abrahampa qayllanmanta ripurqan. 23Abrahamtaq churin Ismaelta hap'irqan, wasinpi llapa naceq kamachikunatapas, llapa rantisqankunatapas, wasinpi kaq llapa qharitapas, hinaspan chay kikin p'unchaypi paykunata señalarqan, Diospa payta kamachisqanman hina. 24-25Abrahamtaq señalakushaspa karqan isqon chunka isqonniyoq watayoq, churin Ismaeltaq karqan chunka kinsayoq watayoq señalakushaqtin. 26-27Chay kikin p'unchaypin señalasqa karqan Abrahampas churin Ismaelpas, hinallataq wasinpi llapa qharikunapas, wasinpi naceq kamachikunapas, karu llaqtayoqkunamanta rantisqakunapas, paywan kuskan señalasqa karqanku.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Biblia en Quechua de Cuzco © Sociedades Bíblicas Unidas, 1988.