Эхин 14
14
1Вавилоон хотын хаан Амрапээл, Ассириин Элласаар хотын хаан Ариоох, Элаам уласай хаан Кедарлаомерэй мүн Месопотамиин Гоим хотын хаан Тидаль гэгшэдэй үедэ энэ үйлэ хэрэг болоо бэлэй. 2Эдэ дүрбэн хаашуул нэгэдэжэ, Содом хотын Бээра хаан, Гоморра хотын Биршаа хаан, Адмаа хотын Шинаав хаан, Цэбоһиим хотын Шемавер хаан болон Бээла хотын, ондоогоор тэрэниие нэрлэбэл, Цоар хотын хаанда эсэргүү дай үүсхэжэ эхилбэ. 3Иордан голой нюруу Сиддимдэ тэдэ сэрэгээ хамтадхан, байлдаанда бэлдэбэ. (Һүүлдэнь Дабһата далайн тогтоходо энэ Сиддим нюруу үгы болоо бэлэй).
4Энээнэй урда тэрэ оршом дайдын хаашуулые Элаам уласай Кедарлаомер хаан арбан хоёр жэлэй туршада зонхилоо, арбан гурбадахи жэлдээ тэдэ хаашуул урдаһаань буһалгаа хээ һэн. 5Тиимэһээ арбан дүрбэдэхи жэлдээ Элаам уласай хаан Кедарлаомер, тэрээнтэй эб холбоо байгуулһан хаашуул сэрэгээ Сиддимэй нюруу руу оруулахын урда тээ урда зүг руу шэглэн, Ханаһаан ороной Аштерот-Карнаим хотын рэпаиим гэдэг обог зонтой дайлалдажа диилээ бэлэй. Удаань тэдэ Һаам хотые эзэлэн, зузиим яһатаниие илаба. Һүүлдэнь Шабээ-Кириатааим гэдэг тала нютагта оршодог эмиим обог зониие диилээ бэлэй. 6Хории обог зониие Сэһиир гэдэг хадалиг газар нютагһаань элһэн губиин хилэ дээрэ оршодог Эл-Параан хото хүрэтэр намнаба. 7Тэндэһээ эрьежэ, хойто зүгтэ Эйн-Мишпат руу, ондоогоор нэрлэбэл, Кадээш хото руу орожо, амалег обог зониие тэдэ бута сохеод, удаань Хацацоон-Тамаарта байдаг эмоор обог зониие илаба.
8-9Содом, Гоморра, Адмаа, Цэбоһиим болон Бээла, ондоогоор тэрэниие нэрлэбэл, Цоар хотонуудай табан хаашуул нэгэдэжэ, Сиддим голдо ошожо, Элаамай хаан Кедарлаомер, Месопотами ороной Гоим хотын хаан Тидаль, Вавилоон хотын хаан Амрапээл, мүн Ассириин Элласаар хотын хаан Ариоох гэдэг дүрбэн хаашуулай урдаһаа тэмсэбэ.
10Сиддим голдо дабирхайгаар дүүрэн нүхэнүүд олон бэлэй. Содом ба Гоморрын сэрэгшэд зугадан тэрьедэхэдээ, иимэ нүхэнүүдтэ орожо хосорбо. Амиды үлэһэниинь хада уулаар тэрьедэбэ. 11Илалта туйлагша дүрбэн хаашуулай сэрэг Содом ба Гоморра хотонуудые эзэлэн, хамаг эд зөөрииень, эдеэ хоолыень хуряан абаба. 12Ошоходоо, тэдэнэр Содом хотодо тэрэ үедэ ажаһуужа байгша Лоот гэгшые, Абрамай дүүгэй хүбүүе, хамаг эд зөөритэйнь абаад ябаба.
13Тэрэ үедэ Абрам еврей эмоор обог зонтой хамта Мамре гэдэг хүнэй сарса модото харьяата газартань ажаһуужа байгаа. Энэ хугасаа соо тэрэ Мамретэй, Эшхоол, Анер гэдэг дүүнэртэйнь анда нүхэд болоһон юм.
Нэгэтэ Содом хотоһоо арай амиды тэрьедэһэн нэгэ хүн Абрамда ерээд, юун болоһон тухай дуулгаба. 14Дүүгэйнгээ хүбүүнэй дайсадта баригдаад байһые дуулаад, Абрам бүлэдэнь түрэжэ үдэһэн, сэрэгэй эрдэм шудалһан гурбан зуун арба найман албатадаа дахуулаад, Кедарлаомерые тала баригшадтайнь хамта Даан хото хүрэтэр мүрдэн дахаба. 15Тэндэ Абрам зоноо хэдэн бүлэг болгон хубаагаад, һүниндөө дайсадта добтолон, бута сохибо. Иигэжэ тэрэ Дамааскһаа хойшоо оршодог Хобаа хото хүрэтэр үлөөшэ сэрэгые намнаа бэлэй. 16Дайсадай дээрмэдэн абаһан хамаг юумэ тэрэ һөөргэнь бусаагаа — Лоодые хамаг хогшол зөөритэйнь, Содом болон бусад хотонуудһаа олзологдоһон эрэ, эмэ зониие эд зөөритэйнь хамта бусаан асараа һэн.
Малхи-Цэдээк Абрамые үреэнэ
17Кедарлаомерые мүн тэрэнэй тала бариһан хаашуулые илаад бусажа ябахадань, Абрамые Содом хотын хаан угтажа, хотоһоо гараба. Тэдэ Шаве голдо (мүнөө Хаанай гол гэдэг) уулзаа бэлэй. 18Мүн лэ Шалээм хотын Малхи-Цэдээк хаан Абрамда хилээмэ, дарһа барижа, Дээдэ Бурханай тахилшан байһан ушарһаа 19иигэжэ үреэбэ:
— Огторгой дэлхэй хоёрые бүтээһэн Дээдэ Бурхан таниие үреэхэнь болтогой! 20Дайсадаа дарахадатнай туһалһан Дээдэ Бурханай алдар соло бадархань болтогой!
Абрам тэрээндэ дайсанһаа бусаан абаһан эд баялигай арбанай нэгэ хубиие бэлэглэбэ.
21Удаань Содомой хаан Абрамда иигэжэ хэлэбэ:
— Бусаажа абаһан энэ бүхы эд зөөриие та өөртөө үлөөгты. Харин минии хотын зонииел намда һөөргэнь үгыт.
22-23Гэбэшье Абрам иигэжэ харюусаба:
— Һэтэрхэй зүүшье, түгдэрхэй тэбэнэшье танай зөөриһөө абахагүйб гэжэ огторгой газар хоёрые бүтээгшэ Дээдэ Эзэн Бурханай урда тангаригланаб. «Би Абрамые баян болгооб» гэжэ хожом танай хэлэжэ байхагүйн тула иигэнэб. 24Манай зон дайлалдажа ябахадаа, хоол хүнэһэнэйтнай зарим хубиие эдеэ юм бэзэ. Тэрэл минии хубида үгтэһэн болуужан. Анда нүхэд Мамре, Эшхоол, Анер гэгшэдэй бусаажа абаһан эд баялигһаа хуби хүртэхэнь зүб бэзэ. Харин намда юуншье хэрэггүй.
S'ha seleccionat:
Эхин 14: BurOTp
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Bible Society in Russia, 2002-2007, 2011, 2013, 2018.
Эхин 14
14
1Вавилоон хотын хаан Амрапээл, Ассириин Элласаар хотын хаан Ариоох, Элаам уласай хаан Кедарлаомерэй мүн Месопотамиин Гоим хотын хаан Тидаль гэгшэдэй үедэ энэ үйлэ хэрэг болоо бэлэй. 2Эдэ дүрбэн хаашуул нэгэдэжэ, Содом хотын Бээра хаан, Гоморра хотын Биршаа хаан, Адмаа хотын Шинаав хаан, Цэбоһиим хотын Шемавер хаан болон Бээла хотын, ондоогоор тэрэниие нэрлэбэл, Цоар хотын хаанда эсэргүү дай үүсхэжэ эхилбэ. 3Иордан голой нюруу Сиддимдэ тэдэ сэрэгээ хамтадхан, байлдаанда бэлдэбэ. (Һүүлдэнь Дабһата далайн тогтоходо энэ Сиддим нюруу үгы болоо бэлэй).
4Энээнэй урда тэрэ оршом дайдын хаашуулые Элаам уласай Кедарлаомер хаан арбан хоёр жэлэй туршада зонхилоо, арбан гурбадахи жэлдээ тэдэ хаашуул урдаһаань буһалгаа хээ һэн. 5Тиимэһээ арбан дүрбэдэхи жэлдээ Элаам уласай хаан Кедарлаомер, тэрээнтэй эб холбоо байгуулһан хаашуул сэрэгээ Сиддимэй нюруу руу оруулахын урда тээ урда зүг руу шэглэн, Ханаһаан ороной Аштерот-Карнаим хотын рэпаиим гэдэг обог зонтой дайлалдажа диилээ бэлэй. Удаань тэдэ Һаам хотые эзэлэн, зузиим яһатаниие илаба. Һүүлдэнь Шабээ-Кириатааим гэдэг тала нютагта оршодог эмиим обог зониие диилээ бэлэй. 6Хории обог зониие Сэһиир гэдэг хадалиг газар нютагһаань элһэн губиин хилэ дээрэ оршодог Эл-Параан хото хүрэтэр намнаба. 7Тэндэһээ эрьежэ, хойто зүгтэ Эйн-Мишпат руу, ондоогоор нэрлэбэл, Кадээш хото руу орожо, амалег обог зониие тэдэ бута сохеод, удаань Хацацоон-Тамаарта байдаг эмоор обог зониие илаба.
8-9Содом, Гоморра, Адмаа, Цэбоһиим болон Бээла, ондоогоор тэрэниие нэрлэбэл, Цоар хотонуудай табан хаашуул нэгэдэжэ, Сиддим голдо ошожо, Элаамай хаан Кедарлаомер, Месопотами ороной Гоим хотын хаан Тидаль, Вавилоон хотын хаан Амрапээл, мүн Ассириин Элласаар хотын хаан Ариоох гэдэг дүрбэн хаашуулай урдаһаа тэмсэбэ.
10Сиддим голдо дабирхайгаар дүүрэн нүхэнүүд олон бэлэй. Содом ба Гоморрын сэрэгшэд зугадан тэрьедэхэдээ, иимэ нүхэнүүдтэ орожо хосорбо. Амиды үлэһэниинь хада уулаар тэрьедэбэ. 11Илалта туйлагша дүрбэн хаашуулай сэрэг Содом ба Гоморра хотонуудые эзэлэн, хамаг эд зөөрииень, эдеэ хоолыень хуряан абаба. 12Ошоходоо, тэдэнэр Содом хотодо тэрэ үедэ ажаһуужа байгша Лоот гэгшые, Абрамай дүүгэй хүбүүе, хамаг эд зөөритэйнь абаад ябаба.
13Тэрэ үедэ Абрам еврей эмоор обог зонтой хамта Мамре гэдэг хүнэй сарса модото харьяата газартань ажаһуужа байгаа. Энэ хугасаа соо тэрэ Мамретэй, Эшхоол, Анер гэдэг дүүнэртэйнь анда нүхэд болоһон юм.
Нэгэтэ Содом хотоһоо арай амиды тэрьедэһэн нэгэ хүн Абрамда ерээд, юун болоһон тухай дуулгаба. 14Дүүгэйнгээ хүбүүнэй дайсадта баригдаад байһые дуулаад, Абрам бүлэдэнь түрэжэ үдэһэн, сэрэгэй эрдэм шудалһан гурбан зуун арба найман албатадаа дахуулаад, Кедарлаомерые тала баригшадтайнь хамта Даан хото хүрэтэр мүрдэн дахаба. 15Тэндэ Абрам зоноо хэдэн бүлэг болгон хубаагаад, һүниндөө дайсадта добтолон, бута сохибо. Иигэжэ тэрэ Дамааскһаа хойшоо оршодог Хобаа хото хүрэтэр үлөөшэ сэрэгые намнаа бэлэй. 16Дайсадай дээрмэдэн абаһан хамаг юумэ тэрэ һөөргэнь бусаагаа — Лоодые хамаг хогшол зөөритэйнь, Содом болон бусад хотонуудһаа олзологдоһон эрэ, эмэ зониие эд зөөритэйнь хамта бусаан асараа һэн.
Малхи-Цэдээк Абрамые үреэнэ
17Кедарлаомерые мүн тэрэнэй тала бариһан хаашуулые илаад бусажа ябахадань, Абрамые Содом хотын хаан угтажа, хотоһоо гараба. Тэдэ Шаве голдо (мүнөө Хаанай гол гэдэг) уулзаа бэлэй. 18Мүн лэ Шалээм хотын Малхи-Цэдээк хаан Абрамда хилээмэ, дарһа барижа, Дээдэ Бурханай тахилшан байһан ушарһаа 19иигэжэ үреэбэ:
— Огторгой дэлхэй хоёрые бүтээһэн Дээдэ Бурхан таниие үреэхэнь болтогой! 20Дайсадаа дарахадатнай туһалһан Дээдэ Бурханай алдар соло бадархань болтогой!
Абрам тэрээндэ дайсанһаа бусаан абаһан эд баялигай арбанай нэгэ хубиие бэлэглэбэ.
21Удаань Содомой хаан Абрамда иигэжэ хэлэбэ:
— Бусаажа абаһан энэ бүхы эд зөөриие та өөртөө үлөөгты. Харин минии хотын зонииел намда һөөргэнь үгыт.
22-23Гэбэшье Абрам иигэжэ харюусаба:
— Һэтэрхэй зүүшье, түгдэрхэй тэбэнэшье танай зөөриһөө абахагүйб гэжэ огторгой газар хоёрые бүтээгшэ Дээдэ Эзэн Бурханай урда тангаригланаб. «Би Абрамые баян болгооб» гэжэ хожом танай хэлэжэ байхагүйн тула иигэнэб. 24Манай зон дайлалдажа ябахадаа, хоол хүнэһэнэйтнай зарим хубиие эдеэ юм бэзэ. Тэрэл минии хубида үгтэһэн болуужан. Анда нүхэд Мамре, Эшхоол, Анер гэгшэдэй бусаажа абаһан эд баялигһаа хуби хүртэхэнь зүб бэзэ. Харин намда юуншье хэрэггүй.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Bible Society in Russia, 2002-2007, 2011, 2013, 2018.