Maththa Lon lonothon
Lon lonothon
OMaththa pokat pul pothaꞌrntinthet nili akucci akka oIeccuo pakkarorok othakka itti akwomakothok. OIeccuo pakkarorok akwoka okkulukku nti iul wothothïlettat iattul ana ikken keꞌra. OMaththa pokurrot elli akwokene ul woIouth itti oIeccuo ook oMiccie ukul ia Kapik konekkethe lon cik itti kathïot. Ilen akka oMaththa pokuꞌrenet atham ncik nꞌran wothiki opakkinthet oThauth ana Aprein. Kwokenet itti oIeccuo pokkothe lon ila ul wothernte lon loKapik wiꞌret maꞌrot.
OIeccuo pocciettat ꞌran woppot iatham enni, ammakka itti 'ukul woThauth' ana 'oMiccie' ana 'pul ipaꞌrettot' ana 'Kapik kaik naron' ana 'Ili woul woIouth.' OMaththa piꞌret ton itti ngili ngoKapik ngarat ana ul iammakothok wikkoik tat. Kwiꞌret ton itti ngili ngoKapik ngoul appik iakkot lon ila Kapik kongothe.
Akka oIeccuo piot ana uroko nti ithio, kwiꞌrekathe ul iammakothok itti, “Ongappa pethin ngili ikkun appik ngolon lorothiꞌrot ana lonocapu.” Kwiꞌrethekin itti okin thaeo akin othongkene ul appik othakka itti athakka ul iammakothok cakuruk (Maththa 28.18–20).
Lon ilaik iatham
1. Thiki ana thokwonta thoIeccuo oMiccie (1.1–23)
2. Ngere ngoIuanna pomamuthie (3.1–12)
3. Mamuthie ana thennekketta thoIeccuo (3.13—4.11)
4. Ngre ngoIeccuo noththok poCelïl (4.12—18.35)
5. OIeccuo paeo noththok poCelïl akweo nokaꞌran koUruccelim (19.1—20.34)
6. Thokkutte makkma thoIeccuo ana thio thung (21.1—27.66)
7. Thuroko thoIeccuo ana thummot ncik thung (28.1–20)
S'ha seleccionat:
Maththa Lon lonothon: Lumun
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
´© (Active), Wycliffe Bible Translators, Inc. All rights reserved