Iruo rẹ Iyinkọn na 7
7
Ẹdjọ ri Stivin
1Ọrherẹn rode na da nọ nẹ, Ọtiọye ọ epha?
2Stivin da ta; Imoni kugbe esẹ we nyo vwẹ. Ọghẹnẹ rẹ urinrin na vwẹ oma phia kẹ Ọsẹ rẹ avwanre Ebraham, ọke rọ vwọ ka dia Mẹsopotamia, kẹsiẹye ọ ke rhe dia Haran, 3a da ta kẹ, vrẹn nẹ otọ wẹn kugbe orua wẹn rere wo kpo otọ ri Mi che dje kẹ wẹ na. 4Etiyin o de vrẹn nẹ otọ ri Kaldia, ọ da ra dia Haran. Rẹ Ọsẹ rọye vwọ ghwu nu, Ọghẹnẹ da reyọ nẹ etiyin rhe otọ nana rẹ ovwan dia na; 5yẹ ọ vwẹ uku kẹ vwẹ etiyi-in, kaka ichiyi ọvo dede, ẹkẹvuọvo o de ve kẹ nẹ ọye cha reyọ otọ na kẹ kugbe uvwiẹ rọye rọ cha vwẹ obuko, yẹ o ji vwo ọmọ-ọ. 6Ọghẹnẹ da ta kpahe ọnana nẹ, uvwiẹ rọye cha dia erhorha vwẹ otọ rẹ ihwo efa, ihwo re cha vwẹ ayen ru eviẹn ri che ru ayen oja ẹgbukpe ujori ẹne. 7Ẹkẹvuọvo ke me cha vwẹ ẹgborho rẹ ayen gare na guẹdjo. Ọghẹnẹ da ta, ukuko rọye kẹ ayen cha rhe rhe ga vwẹ vwẹ etinẹ na. 8Ọ da vwẹ ọphọ rẹ oyavwe kẹ. Ọtiọye na Ebraham de rhi vwiẹ Aizik, ọ da yavwọ vwẹ ẹdẹ rẹrenre; Aizik de vwiẹ Jekọp, Jekọp kọye hẹ ọsẹ rẹ esẹ ride ihwivẹ na. 9Esẹ ride na, da rioma kpahe Josẹf, a da shẹ kpo Ijipt; ẹkẹvuọvo Ọghẹnẹ vẹ ọye herọ. 10O de sio nẹ odjarhe rọye ejobi, ọ da vwẹ aroesiri kugbe aghwanre kẹ vwẹ obaro ri Fero, ovie rẹ Ijipt, ohwo ro vwiro mu osun vwẹ Ijipt kugbe evwruwevwi rọye ejobi. 11Ẹkẹvuọvo owẹvwe de rhi fi vwẹ Ijipt kugbe Kenan ejobi kugbe ukpokpogho rode, esẹ rẹ avwanre gbi vwo emuọre-e. 12Ẹkẹvuọvo ọke ri Jekọp vwo nyo nẹ eka herọ vwẹ Ijipt o de ji esẹ rẹ avwanre ra, obọ rẹsosuọ. 13Obo rivẹ Josẹf de dje oma rọye kẹ iniọvo rọye, etiyin Ferọ da rhe riẹn ekru ri Josẹf. 14Etiyin Josẹf de ji ikọn re se Jekọp ọsẹ rọye kugbe ekru rọye ejobi rhe, ihwo ujorha gbẹ ihwiori. 15Eriyin na Jekọp da kua kpo obo Ijipt. O de ghwu, te ekpuyovwi rọye kugbe esẹ rẹ avwanre, 16a da ghwa ayen rhe Shekẹm rhi shi phihọ ushi rẹ Ebraham vwẹ idọnọ efuanfon dẹ mie emọ rẹ Hamọ vwi Shekẹm.
17Ẹkẹvuọvo ọke rẹ ive na vwo te rẹ Ọghẹnẹ ve kẹ Ebraham, ihwo na de rhi bu phihọ vwẹ Ijipti. 18Ukuko rọye ovie ọfa de rhi mu vwẹ Ijipt ohwo ro jẹ Josẹf evughe. 19Ọ da vwẹ ọnko nene ihwo rẹ uvwiẹ rẹ avwanre yeri ọ da gba esẹ rẹ avwanre mie emọboba rayen ra teye hwe. 20Ọke nana kọye evwo vwiẹ Mosis, ọnabo yovwi gangan vwẹ obaro rẹ Ọghẹnẹ. A da ghẹrẹ emeranvwe erha vwẹ uwevwi rẹ ọsẹ rọye. 21Ọke ra vwọ vwọ phia, ọmọtẹ ri Fero de mu vwo ru ọmọ ọ da ghẹrẹ kerẹ ọmobọ rọye. 22E de yono Mosis phihọ aghwanre rẹ ihwo rẹ Ijipt ejobi, ọ da rhe dia ọgba vwẹ eta kugbe uruemu.
23Ro vwo te ẹgbukpe ujuvẹ re, iroro de bro rhe nẹ ọ ra mrẹ imoni rọye emọ rẹ Izrẹl. 24Rọ vwo mrẹ ọvo rẹ ayen re ru cho ọ da chọ ochọ rọye fiki rẹ ọshenyẹ rẹ ohwo rẹ Ijipt na, o de hwe. 25Ko roro nẹ imoni rọye na riẹnre nẹ Ọghẹnẹ cha wan obọ rọye sivwi ayen, ẹkẹvuọvo ayen riẹnre-e. 26Ẹdẹ rivẹ ọ da rhoma vwẹ oma phia kẹ ayen vwẹ ọke rẹ ayen vwọ kunu rere ọ vwọ rhuẹrẹ ayen kugbe, tanẹ, Eshare, ovwan imoni, die we vwo gbe ohwohwo kuẹ? 27Ẹkẹvuọvo ọshare ro ru ọrivẹ rọye chọ na de gere phihọ akakọ, tanẹ, Ono vwẹ owẹ mu osun kugbe oguẹdjọ kẹ avwanre? 28Wọ guọnọ ovwẹ hwe kirobo wo hwe ohwo rẹ Ijipt odẹ ro kpori? 29Mọsis ghwe vwo nyo ọnana kọ ghwa djẹ, ọ da kua kpo otọ ọrhorha vwi Midia, ke oboyi o de vwiẹ emọ ivẹ.
30Asakiephana rẹ ikpe ujuvẹ vwọ wan nu, amakashe da vwẹ oma phia kẹ vwẹ aghwa rẹ ugbenu ri Sinae, vwẹ evun rẹ erhanre rọ la vwẹ evun rẹ aghwa. 31Ọke ri Mosis vwọ mrẹ ughe rọye da vọn ero. Ọke ro vwo sikẹrẹ ro vwo no, urhuru rẹ Ọrovwohwo de se, 32Mẹvwẹ hẹ Ọghẹnẹ rẹ esẹ wẹn, Ọghẹnẹ rẹ Ebraham kugbe Ọghẹnẹ rẹ Aizik, kugbe ọ ri Jekọp Mosis kọ phariẹ o rhe yivwi no-o. 33Ọrovwohwo da ta kẹ, si isabatu na nẹ awọ wẹn, kidie otọ ọfuanfon wo mudia phihọ na. 34Me ghene mrẹ oja rẹ ihwo mẹ ria vwẹ obo Ijipt mi ji nyo irhivwẹ rayen, ke me rhere rhi sivwi ayen. Asakiephana gba mọ rere mi ji uwe kpo obo Ijipt.
35Mosis nana rẹ ayen senre, tanẹ, Ono vwẹ owẹ mu osun kugbe oguẹdjọ? Kọye Ọghẹnẹ jiri rọ dia osun kugbe osivwi na vwẹ obọ rẹ amakashe rọ vwẹ oma phia kẹ vwẹ evun rẹ aghwa na. 36O de sun ayen yanran, vwẹ ọke ro vwo ru iruo rẹ igbunu kugbe eka buebu vwẹ Ijipt kugbe obo Abadi Ọvwavware na, kugbe evun rẹ aghwa vwẹ ikpe ujuvẹ soso. 37Mosis nana re ta kẹ ihwo rẹ Izrẹl nẹ, Ọghẹnẹ cha reyọ ohwo ọvo vwẹ ohri rẹ imoni rẹ ovwan na vwo mu ọmraro kẹ ovwan kirobo rọ vwẹ ovwẹ mu na. 38Ọnana hẹ ohwo rọ hẹ evun rẹ ukoko na vwẹ evun rẹ aghwa na vẹ amakashe rọ ta ota kẹ vwẹ ugbenu ri Sinae, o vẹ esẹ rẹ avwanre; a da vwẹ ovuẹ ọkpokpọ kẹ nẹ ọ vwọ kẹ avwanre. 39Esẹ rẹ avwanre davwerhọn rọye-e, ẹkẹvuọvo ayen de gere phi akakọ, obo udu rayen de kuoma rhẹriẹ kpo obo Ijipt, 40re ta kẹ Erọn nẹ, Ma ẹdjọ kẹ avwanre re e ka obaro kẹ avwanre; vwọ kẹ Mosis ro sun avwanre nẹ otọ rẹ Ijipt rhe na, avwanre rha riẹn obo re phia kẹ-ẹ. 41Ayen da ma upene rẹ erhuẹn vwẹ ọke yena, ayen da gọ oma na ayen da ghọghọ kẹ iruo rẹ ayen vwẹ abọ rayen ru. 42Ẹkẹvuọvo Ọghẹnẹ da yan jẹ ayen vwo o de fovwo ayen phihọ egagọ rẹ ekuakua re hẹ obo odjuvwu, kirobo re siro phihọ ọbe rẹ emraro na;
ovwan hwe eranvwe vwọ gọ vwẹ kugbe izobo,
ikpe ujuvẹ soso vwẹ evun rẹ aghwa,
E uwevwi rẹ Izrẹl?
43Ovwan da reyọ utughẹ ri Molọk,
kugbe isio rẹ ẹdjọ ri Refan,
ekakare rẹ ovwan kara gọ,
ki mi ghwie ovwan kpo abọ oboyi ri Babilọn.
44Esẹ rẹ avwanre vwo utughẹ rẹ iseri vwẹ evun rẹ aghwa, kirobo re djere kẹ Mosis nẹ o ru, kerẹ oghẹre yena rọ mrẹre na. 45Oki rhi te ọke rẹ esẹ re avwanre vwo muo nene Joshua vwẹ ọke rẹ ayen vwọ djẹ ẹgborho na rẹ Ọghẹnẹ djẹ nẹ obaro rẹ esẹ rẹ avwanre. Ọtiọye ọ epha rhi te ọke ri Devid, 46rọ mrẹ aroesiri vwẹ obaro rẹ Ọghẹnẹ ọ da nọ ekpẹn rẹ uwevwi rọ bọn kẹ Ọghẹnẹ ri Jekọp. 47Ẹkẹvuọvo Solomọn kọye re bọn uwevwi kẹ. 48Dede na Ọro Mekpenu na dia uwevwi ra vwẹ abọ bọ-ọn; Kirobo rẹ ọmraro na tarẹ,
49Odjuvwu ọye hẹ ekete mẹ,
akpọ kẹ akpanurhe mẹ.
Didi uwevwi wa cha bọn kẹ vwẹ,
Ọrovwohwo re tarọ,
eyẹ tivọ hẹ asan rẹ omaerovwo mẹ?
50Ọ dia obọ mẹ re ma ekuakua nana ejobi? 51Ovwan ihwo re vẹ udu kpoi na, vẹ udu vẹ erhọn koi, ovwan nene Erhi Ofuanfon sivwi oma kọke kọke. Kirobo rẹ esẹ rẹ ovwan ruru, ọtiọye we ji ruẹ na. 52Ono vwẹ usun re emraro na rẹ esẹ rẹ ovwan je kpokpo? Ayen de hwe otu re ke ji rhi ghwoghwo ẹcha rẹ ọvwata ọvuọvo na, ohwo rẹ ovwan vwọ re odọvwẹ we de ji hwe. 53Ovwan re reyọ urhi na rẹ emakashe na vwọ rhe na yẹ ovwan sa yọnrọ-ọn.
Ephiohwo ri Stivin
54Ọke rẹ ayen vwo nyo emu nana ejobi ophu de mu ayen, ayen da reako rayen kpahọ. 55Ẹkẹvuọvo rọ vwọ vọn vẹ Erhi Ọfuanfon, ọ da tẹrovi odjuvwu ọ da mrẹ urinrin rẹ Ọghẹnẹ na, yẹ Jesu tidia vwẹ obọrhe rẹ Ọghẹnẹ na; 56ọ da ta, Nighe, me mrẹ idjuvwu ri rhie phihọ, Ọmọ rẹ ohwo de tidia vwẹ obọrhe rẹ Ọghẹnẹ na. 57Ẹkẹvuọvo ayen da van kperi ayen da vwẹ abọ di erhọn rayen, ayen ejobi da họrhọ ruọ. 58Etiyin ayen de muo nẹ evun rẹ orere na ra vwẹ ikpokpo phio hwe; otu rẹ iseri na da ghwiẹ iwun rayen phihọ otọ vwẹ asan awọ rẹ emeghene ọshare re se Sọl. 59Ọke rẹ ayen vwọ phi Stivin, ọ da nẹ erhovwo nẹ, Ọrovwohwo Jesu, reyọ erhi mẹ. 60Ọ de diguẹ ọ da van kperi nẹ Ọrovwohwo, wo kere umwemwu nana ba kẹ aye-en. Ọke rọ vwọ ta ọnana nu, ọ da vwerhẹ.
S'ha seleccionat:
Iruo rẹ Iyinkọn na 7: UBV77
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bible in Urhobo © United Bible Societies, 1977.
Iruo rẹ Iyinkọn na 7
7
Ẹdjọ ri Stivin
1Ọrherẹn rode na da nọ nẹ, Ọtiọye ọ epha?
2Stivin da ta; Imoni kugbe esẹ we nyo vwẹ. Ọghẹnẹ rẹ urinrin na vwẹ oma phia kẹ Ọsẹ rẹ avwanre Ebraham, ọke rọ vwọ ka dia Mẹsopotamia, kẹsiẹye ọ ke rhe dia Haran, 3a da ta kẹ, vrẹn nẹ otọ wẹn kugbe orua wẹn rere wo kpo otọ ri Mi che dje kẹ wẹ na. 4Etiyin o de vrẹn nẹ otọ ri Kaldia, ọ da ra dia Haran. Rẹ Ọsẹ rọye vwọ ghwu nu, Ọghẹnẹ da reyọ nẹ etiyin rhe otọ nana rẹ ovwan dia na; 5yẹ ọ vwẹ uku kẹ vwẹ etiyi-in, kaka ichiyi ọvo dede, ẹkẹvuọvo o de ve kẹ nẹ ọye cha reyọ otọ na kẹ kugbe uvwiẹ rọye rọ cha vwẹ obuko, yẹ o ji vwo ọmọ-ọ. 6Ọghẹnẹ da ta kpahe ọnana nẹ, uvwiẹ rọye cha dia erhorha vwẹ otọ rẹ ihwo efa, ihwo re cha vwẹ ayen ru eviẹn ri che ru ayen oja ẹgbukpe ujori ẹne. 7Ẹkẹvuọvo ke me cha vwẹ ẹgborho rẹ ayen gare na guẹdjo. Ọghẹnẹ da ta, ukuko rọye kẹ ayen cha rhe rhe ga vwẹ vwẹ etinẹ na. 8Ọ da vwẹ ọphọ rẹ oyavwe kẹ. Ọtiọye na Ebraham de rhi vwiẹ Aizik, ọ da yavwọ vwẹ ẹdẹ rẹrenre; Aizik de vwiẹ Jekọp, Jekọp kọye hẹ ọsẹ rẹ esẹ ride ihwivẹ na. 9Esẹ ride na, da rioma kpahe Josẹf, a da shẹ kpo Ijipt; ẹkẹvuọvo Ọghẹnẹ vẹ ọye herọ. 10O de sio nẹ odjarhe rọye ejobi, ọ da vwẹ aroesiri kugbe aghwanre kẹ vwẹ obaro ri Fero, ovie rẹ Ijipt, ohwo ro vwiro mu osun vwẹ Ijipt kugbe evwruwevwi rọye ejobi. 11Ẹkẹvuọvo owẹvwe de rhi fi vwẹ Ijipt kugbe Kenan ejobi kugbe ukpokpogho rode, esẹ rẹ avwanre gbi vwo emuọre-e. 12Ẹkẹvuọvo ọke ri Jekọp vwo nyo nẹ eka herọ vwẹ Ijipt o de ji esẹ rẹ avwanre ra, obọ rẹsosuọ. 13Obo rivẹ Josẹf de dje oma rọye kẹ iniọvo rọye, etiyin Ferọ da rhe riẹn ekru ri Josẹf. 14Etiyin Josẹf de ji ikọn re se Jekọp ọsẹ rọye kugbe ekru rọye ejobi rhe, ihwo ujorha gbẹ ihwiori. 15Eriyin na Jekọp da kua kpo obo Ijipt. O de ghwu, te ekpuyovwi rọye kugbe esẹ rẹ avwanre, 16a da ghwa ayen rhe Shekẹm rhi shi phihọ ushi rẹ Ebraham vwẹ idọnọ efuanfon dẹ mie emọ rẹ Hamọ vwi Shekẹm.
17Ẹkẹvuọvo ọke rẹ ive na vwo te rẹ Ọghẹnẹ ve kẹ Ebraham, ihwo na de rhi bu phihọ vwẹ Ijipti. 18Ukuko rọye ovie ọfa de rhi mu vwẹ Ijipt ohwo ro jẹ Josẹf evughe. 19Ọ da vwẹ ọnko nene ihwo rẹ uvwiẹ rẹ avwanre yeri ọ da gba esẹ rẹ avwanre mie emọboba rayen ra teye hwe. 20Ọke nana kọye evwo vwiẹ Mosis, ọnabo yovwi gangan vwẹ obaro rẹ Ọghẹnẹ. A da ghẹrẹ emeranvwe erha vwẹ uwevwi rẹ ọsẹ rọye. 21Ọke ra vwọ vwọ phia, ọmọtẹ ri Fero de mu vwo ru ọmọ ọ da ghẹrẹ kerẹ ọmobọ rọye. 22E de yono Mosis phihọ aghwanre rẹ ihwo rẹ Ijipt ejobi, ọ da rhe dia ọgba vwẹ eta kugbe uruemu.
23Ro vwo te ẹgbukpe ujuvẹ re, iroro de bro rhe nẹ ọ ra mrẹ imoni rọye emọ rẹ Izrẹl. 24Rọ vwo mrẹ ọvo rẹ ayen re ru cho ọ da chọ ochọ rọye fiki rẹ ọshenyẹ rẹ ohwo rẹ Ijipt na, o de hwe. 25Ko roro nẹ imoni rọye na riẹnre nẹ Ọghẹnẹ cha wan obọ rọye sivwi ayen, ẹkẹvuọvo ayen riẹnre-e. 26Ẹdẹ rivẹ ọ da rhoma vwẹ oma phia kẹ ayen vwẹ ọke rẹ ayen vwọ kunu rere ọ vwọ rhuẹrẹ ayen kugbe, tanẹ, Eshare, ovwan imoni, die we vwo gbe ohwohwo kuẹ? 27Ẹkẹvuọvo ọshare ro ru ọrivẹ rọye chọ na de gere phihọ akakọ, tanẹ, Ono vwẹ owẹ mu osun kugbe oguẹdjọ kẹ avwanre? 28Wọ guọnọ ovwẹ hwe kirobo wo hwe ohwo rẹ Ijipt odẹ ro kpori? 29Mọsis ghwe vwo nyo ọnana kọ ghwa djẹ, ọ da kua kpo otọ ọrhorha vwi Midia, ke oboyi o de vwiẹ emọ ivẹ.
30Asakiephana rẹ ikpe ujuvẹ vwọ wan nu, amakashe da vwẹ oma phia kẹ vwẹ aghwa rẹ ugbenu ri Sinae, vwẹ evun rẹ erhanre rọ la vwẹ evun rẹ aghwa. 31Ọke ri Mosis vwọ mrẹ ughe rọye da vọn ero. Ọke ro vwo sikẹrẹ ro vwo no, urhuru rẹ Ọrovwohwo de se, 32Mẹvwẹ hẹ Ọghẹnẹ rẹ esẹ wẹn, Ọghẹnẹ rẹ Ebraham kugbe Ọghẹnẹ rẹ Aizik, kugbe ọ ri Jekọp Mosis kọ phariẹ o rhe yivwi no-o. 33Ọrovwohwo da ta kẹ, si isabatu na nẹ awọ wẹn, kidie otọ ọfuanfon wo mudia phihọ na. 34Me ghene mrẹ oja rẹ ihwo mẹ ria vwẹ obo Ijipt mi ji nyo irhivwẹ rayen, ke me rhere rhi sivwi ayen. Asakiephana gba mọ rere mi ji uwe kpo obo Ijipt.
35Mosis nana rẹ ayen senre, tanẹ, Ono vwẹ owẹ mu osun kugbe oguẹdjọ? Kọye Ọghẹnẹ jiri rọ dia osun kugbe osivwi na vwẹ obọ rẹ amakashe rọ vwẹ oma phia kẹ vwẹ evun rẹ aghwa na. 36O de sun ayen yanran, vwẹ ọke ro vwo ru iruo rẹ igbunu kugbe eka buebu vwẹ Ijipt kugbe obo Abadi Ọvwavware na, kugbe evun rẹ aghwa vwẹ ikpe ujuvẹ soso. 37Mosis nana re ta kẹ ihwo rẹ Izrẹl nẹ, Ọghẹnẹ cha reyọ ohwo ọvo vwẹ ohri rẹ imoni rẹ ovwan na vwo mu ọmraro kẹ ovwan kirobo rọ vwẹ ovwẹ mu na. 38Ọnana hẹ ohwo rọ hẹ evun rẹ ukoko na vwẹ evun rẹ aghwa na vẹ amakashe rọ ta ota kẹ vwẹ ugbenu ri Sinae, o vẹ esẹ rẹ avwanre; a da vwẹ ovuẹ ọkpokpọ kẹ nẹ ọ vwọ kẹ avwanre. 39Esẹ rẹ avwanre davwerhọn rọye-e, ẹkẹvuọvo ayen de gere phi akakọ, obo udu rayen de kuoma rhẹriẹ kpo obo Ijipt, 40re ta kẹ Erọn nẹ, Ma ẹdjọ kẹ avwanre re e ka obaro kẹ avwanre; vwọ kẹ Mosis ro sun avwanre nẹ otọ rẹ Ijipt rhe na, avwanre rha riẹn obo re phia kẹ-ẹ. 41Ayen da ma upene rẹ erhuẹn vwẹ ọke yena, ayen da gọ oma na ayen da ghọghọ kẹ iruo rẹ ayen vwẹ abọ rayen ru. 42Ẹkẹvuọvo Ọghẹnẹ da yan jẹ ayen vwo o de fovwo ayen phihọ egagọ rẹ ekuakua re hẹ obo odjuvwu, kirobo re siro phihọ ọbe rẹ emraro na;
ovwan hwe eranvwe vwọ gọ vwẹ kugbe izobo,
ikpe ujuvẹ soso vwẹ evun rẹ aghwa,
E uwevwi rẹ Izrẹl?
43Ovwan da reyọ utughẹ ri Molọk,
kugbe isio rẹ ẹdjọ ri Refan,
ekakare rẹ ovwan kara gọ,
ki mi ghwie ovwan kpo abọ oboyi ri Babilọn.
44Esẹ rẹ avwanre vwo utughẹ rẹ iseri vwẹ evun rẹ aghwa, kirobo re djere kẹ Mosis nẹ o ru, kerẹ oghẹre yena rọ mrẹre na. 45Oki rhi te ọke rẹ esẹ re avwanre vwo muo nene Joshua vwẹ ọke rẹ ayen vwọ djẹ ẹgborho na rẹ Ọghẹnẹ djẹ nẹ obaro rẹ esẹ rẹ avwanre. Ọtiọye ọ epha rhi te ọke ri Devid, 46rọ mrẹ aroesiri vwẹ obaro rẹ Ọghẹnẹ ọ da nọ ekpẹn rẹ uwevwi rọ bọn kẹ Ọghẹnẹ ri Jekọp. 47Ẹkẹvuọvo Solomọn kọye re bọn uwevwi kẹ. 48Dede na Ọro Mekpenu na dia uwevwi ra vwẹ abọ bọ-ọn; Kirobo rẹ ọmraro na tarẹ,
49Odjuvwu ọye hẹ ekete mẹ,
akpọ kẹ akpanurhe mẹ.
Didi uwevwi wa cha bọn kẹ vwẹ,
Ọrovwohwo re tarọ,
eyẹ tivọ hẹ asan rẹ omaerovwo mẹ?
50Ọ dia obọ mẹ re ma ekuakua nana ejobi? 51Ovwan ihwo re vẹ udu kpoi na, vẹ udu vẹ erhọn koi, ovwan nene Erhi Ofuanfon sivwi oma kọke kọke. Kirobo rẹ esẹ rẹ ovwan ruru, ọtiọye we ji ruẹ na. 52Ono vwẹ usun re emraro na rẹ esẹ rẹ ovwan je kpokpo? Ayen de hwe otu re ke ji rhi ghwoghwo ẹcha rẹ ọvwata ọvuọvo na, ohwo rẹ ovwan vwọ re odọvwẹ we de ji hwe. 53Ovwan re reyọ urhi na rẹ emakashe na vwọ rhe na yẹ ovwan sa yọnrọ-ọn.
Ephiohwo ri Stivin
54Ọke rẹ ayen vwo nyo emu nana ejobi ophu de mu ayen, ayen da reako rayen kpahọ. 55Ẹkẹvuọvo rọ vwọ vọn vẹ Erhi Ọfuanfon, ọ da tẹrovi odjuvwu ọ da mrẹ urinrin rẹ Ọghẹnẹ na, yẹ Jesu tidia vwẹ obọrhe rẹ Ọghẹnẹ na; 56ọ da ta, Nighe, me mrẹ idjuvwu ri rhie phihọ, Ọmọ rẹ ohwo de tidia vwẹ obọrhe rẹ Ọghẹnẹ na. 57Ẹkẹvuọvo ayen da van kperi ayen da vwẹ abọ di erhọn rayen, ayen ejobi da họrhọ ruọ. 58Etiyin ayen de muo nẹ evun rẹ orere na ra vwẹ ikpokpo phio hwe; otu rẹ iseri na da ghwiẹ iwun rayen phihọ otọ vwẹ asan awọ rẹ emeghene ọshare re se Sọl. 59Ọke rẹ ayen vwọ phi Stivin, ọ da nẹ erhovwo nẹ, Ọrovwohwo Jesu, reyọ erhi mẹ. 60Ọ de diguẹ ọ da van kperi nẹ Ọrovwohwo, wo kere umwemwu nana ba kẹ aye-en. Ọke rọ vwọ ta ọnana nu, ọ da vwerhẹ.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bible in Urhobo © United Bible Societies, 1977.