Jọn 19
19
1Etiyin Pailet da reyọ Jesu ọ da vwẹ ugbudia fa. 2Isodje na da wọn erhu rẹ odjigbẹ, e de vwo tughẹ uyovwi rọye, ayen de ku adagba rẹ orhurhu phihọ oma; 3Ayen de bro rhe, tanẹ, Do, Ovie ri Ju! ayen da vwẹ abọ rayen ghwiẹ. 4Pailet da rhoma ro otafe, ọ da ta kẹ ayen, Nighe, me reyọ vwo rhe ovwan, rere ovwan vwọ riẹn nẹ me mrẹ oruchọ ọvuọvo vwẹ oma rọye-e. 5Ọtiọye na Jesu da yan phia, vẹ erhu rẹ odjigbẹ na ro vwo tughẹ kugbe adagba rẹ orhurhu na. Pailet da ta kẹ ayen, Ohwo na ọna! 6Ọke rẹ olori rẹ irherẹn na kugbe iruiruo na vwọ mrẹ, ayen de kuvwie, Kanrọ mu agbagba, kanrọ mu agbagba! Pailet da ta kẹ ayen, Ovwan ọvo reyọ re wa kanrọ mu agbagba, kidie me mrẹ oruchọ vwẹ oma rọye-e. 7Ihwo ri Ju na da kpahe kẹ, Avwanre vwo urhi, fiki rẹ urhi yena o ghwu họ, fikiridie ọ vwẹ oma rọye ru Ọmọ rẹ Ọghẹnẹ. 8Ọke ri Pailet vwo nyo eta nana, osho de muo phihọ; 9ọ da rhoma ro ọguan na ọ da ta kẹ Jesu, Tivọ wo nurhe? Ẹkẹvuọvo Jesu kpahere-e. 10Kọye Pailet da ta kẹ, Wọ kpahe ota kẹ vwẹ-ẹ? Wọ rha riẹn nẹ mi vwo ogangan mi vwo siobọ nẹ uwe-e, kugbe ogangan me vwọ kanre owẹ mu agbagba? 11Jesu da kpahe kẹ, Wo vwo ogangan vwẹ enu mẹ-ẹ jokpa nẹ a vwe rọ kẹ wẹ nẹ obenu rhe; fiki rẹ ọtiọye na ọ ro mu uvwe rhe we ọye ri me ru umwemwu rode na.
12Vwẹ ọnana kọye Pailet vwọ guọnọ siobọ no, ẹkẹvuọvo ihwo ri Ju na de kuvwie, Wo de siobọ nẹ ohwo nana, yu wọ gbe dia ugbeyan rẹ Siza-a; kohwo kohwo rọ vwẹ oma rọye ru ovie yo gbe kpahe Siza. 13Ọke ri Pailet vwo nyo eta nana, o da vwẹ Jesu phia o de tidia hẹ asan re de guẹdjọ vwẹ asan re se nẹ Umukpe, re se vwi Hibru, Gabata. 14Asakiephana ọ da dia ẹdẹ rẹ omaẹcha hẹrhẹ Ewanvrẹn na; ọ da dia oma rẹ unọke esan. Ọ da ta kẹ ihwo ri Ju, Ovie rẹ ovwan na! 15Ayen de kuvwie, A vwọ yanran, a vwọ yanran, kanrọ mu agbagba! Pailet da ta kẹ ayen, Ke me kanre Ovie rẹ ovwan mu agbagba? Ilori rẹ irherẹn na da kpahe, Avwanre vwo ovie-e jokpa rẹ Siza. 16Etiyin ọ da vwọ kẹ ayen rere ayen kanrọ mu agbagba.
Ẹkanro mu Agbagba
(Matiu 27.32-44; Mak 15.21-32; Luk 23.26-43)
17Ọtiọye na ayen da reyọ Jesu, ayen da yan phia, ọ ghwa agbagba rọye, kpo asan na re se nẹ asan rẹ ekpehre uyovwi, re se vwi Hibru Gọlgọta. 18Kẹ etiyin ayen da kanrọ mu agbagba, vẹ ihwo ivẹ efa, ọvo hẹ obọrhe rọye ọrivẹ hẹ obọwhẹre rọye, Jesu da hẹ uherevie rẹ ayen. 19Pailet de ji si odova rọye rhe ọ da vwọ tamu agbagba na; e de se, Jesu ri Nazarẹt, Ovie ri Ju. 20Ihwo ri Ju buebu de se odova na, kidie asan ra da kanre Jesu mu agbagba na kẹrẹ orere na; e de sio vwi Hibru, vwi Latin, kugbe Grik. 21Ilori rẹ irherẹn ri Ju na da dia etiyin ta kẹ Pailet, Wo sio nẹ, Ovie ri Ju-u, ẹkẹvuọvo, Ohwo nana tare nẹ, Mẹvwẹ Ovie ri Ju. 22Pailet da kpahe, obo ri mi si mi si nure.
23Ọke rẹ isodje na vwọ kanre Jesu mu agbagba nu ayen da reyọ iwun rọye ayen da gharọ ẹkẹn ẹne, ọvo kẹ isodje ọvuọvo. Ẹkẹvuọvo ifọrọko rọye na vwo uko-o, e rhuoro nẹ obenu re te otọ; 24Ọtiọye na ayen da ta kẹ ohwohwo, E jẹn avwanre bẹrẹ-ẹ, ẹkẹvuọvo e vwo duvwu itẹ re e vughe ohwo ro vwo. Ọnana kọye ọbe ọfuanfon na vwọ gba.
Ayen ghare iwun mẹ kẹ oma rẹ ayen,
ayen da vwẹ emwa mẹ duvwu itẹ.
25Ọtiọye kọye isodje na ruru; ẹkẹvuọvo otu evo mudia kẹrẹ agbagba ri Jesu na oni rọye, kugbe oniọvo rẹ oni rọye, Meri aye ri Klopas, kugbe Meri ri Magdala. 26Ọke ri Jesu vwọ mrẹ oni rọye, kugbe odibo na rọ guọnọre ri mudia kẹrẹ, ọ da ta kẹ oni rọye, Aye, ni ọmọ wẹn! 27Etiyin ọ da ta kẹ odibo na, Ni oni wẹn! Ghwe nẹ unọke yena yanran odibo na da ghwa reyọ kpo uwevwi rọye.
Ughwu ri Jesu
(Matiu 27.45-56; Mak 15.33-41; Luk 23.44-49)
28Rẹ ọnana vwo wan nu ri Jesu vwọ riẹn nẹ emu na ejobi ru gba nure, rere ọbe ọfuanfon na vwọ gba, ọ da ta, Urhuru rẹ ame hwe vwe. 29Udjokpo rẹ ame rọ vọnre vẹ ọrigbo ọ hẹ etiyin; kọye o de duvwu ahworhẹ-orisẹ phihọ ọrigbo na a da vwẹ urhe rẹ asakrasa vwọ kparọ te unu rọye. 30Ọke ri Jesu vwọ da origbo na nu, ọ da ta, O reri; o de gbe uyovwi hẹ otọ o de phi ẹnwẹn họ.
E Duvwẹ Efẹn ri Jesu
31Rọ vwọ dia ẹdẹ rẹ Omaẹcha na, rere irivwi na vwo jẹ enu rẹ agbagba ẹdia vwẹ edidjala kidie edidjala na ẹdẹ rode, ihwo rẹ Ju da ra rẹ Pailet rere e vwirhi awọ rayen, rere e si ayen nẹ etiyin. 32Ọtiọye na isodje na da rhe ayen de vwirhi awọ rẹ ọ rẹsosuọ, kugbe ọrivẹ ra kanre mu agbagha kugbe na; 33rẹ ayen rhi vwo te asan ri Jesu epha rẹ ayen vwọ mrẹ nẹ o ghwu nure, ayen gbi vwirhi awọ rọye-e. 34Ẹkẹvuọvo isodje ọvo da vwẹ ubiri duvwu efẹn rọye, siẹvuọvo na ame vẹ ọbara de ghwe hwẹ no rhe. 35Ọ rọ mrẹrẹ na ri se iseri–iseri rọye uyota–rere ovwan vwo se segbuyota. 36Kidie imu nana ruru rere ọbe ọfuanfon na vwọ gba, Nẹ ubeku rọye ọvuọvo vwirhiri-i. 37Ọbe ofuanfon na ọfa tare, Ayen che ni ohwo rẹ ayen duvwuru na.
Esho ri Jesu
(Matiu 27.57-61; Mak 15.42-47; Luk 23.50-56)
38Rẹ ọnana vwo ru nu Josẹf ohwo rẹ Arimatia, ro dia odibo ri Jesu, ẹkẹvuọvo vwẹ odjahọ, fiki rẹ ọshọ ri Ju, da nọ ekpẹn rẹ orivwi ri Jesu mie Pailet, Pailet da vwọ kẹ. Kọye ọ rhere o de rhi mu orivwi rọye reyọ. 39Nikodimọs rhe, ro bru Jesu rhe ẹsosuọ vwẹ ason na, ọ da vwẹ egẹn vẹ adjeghwọghwọ ra gua kugbe rhe, ọhọhọ te ovwanvwọn ujori. 40Ayen da reyọ orivwi ri Jesu, ọ da vwẹ ukpoyibo vẹ egẹn na vwọ pharọ, kirobo rẹ uruemn rẹ orivwi esho ri Ju epha. 41Asakiephana vwẹ asan ra da kanre Jesu mu agbagba na ogba ọvo herọ, vwẹ evun rẹ ogba na ushi ọkpokpọ ọvo herọ re ji shi ohwo phihọ dẹvo-o. 42Ọtiọye na fiki rẹ ẹdẹ rẹ Omaẹcha ri Ju na, kidie ushi na kọye kẹrobọ, kẹ eriyin e shi Jesu phihọ.
S'ha seleccionat:
Jọn 19: UBV77
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bible in Urhobo © United Bible Societies, 1977.
Jọn 19
19
1Etiyin Pailet da reyọ Jesu ọ da vwẹ ugbudia fa. 2Isodje na da wọn erhu rẹ odjigbẹ, e de vwo tughẹ uyovwi rọye, ayen de ku adagba rẹ orhurhu phihọ oma; 3Ayen de bro rhe, tanẹ, Do, Ovie ri Ju! ayen da vwẹ abọ rayen ghwiẹ. 4Pailet da rhoma ro otafe, ọ da ta kẹ ayen, Nighe, me reyọ vwo rhe ovwan, rere ovwan vwọ riẹn nẹ me mrẹ oruchọ ọvuọvo vwẹ oma rọye-e. 5Ọtiọye na Jesu da yan phia, vẹ erhu rẹ odjigbẹ na ro vwo tughẹ kugbe adagba rẹ orhurhu na. Pailet da ta kẹ ayen, Ohwo na ọna! 6Ọke rẹ olori rẹ irherẹn na kugbe iruiruo na vwọ mrẹ, ayen de kuvwie, Kanrọ mu agbagba, kanrọ mu agbagba! Pailet da ta kẹ ayen, Ovwan ọvo reyọ re wa kanrọ mu agbagba, kidie me mrẹ oruchọ vwẹ oma rọye-e. 7Ihwo ri Ju na da kpahe kẹ, Avwanre vwo urhi, fiki rẹ urhi yena o ghwu họ, fikiridie ọ vwẹ oma rọye ru Ọmọ rẹ Ọghẹnẹ. 8Ọke ri Pailet vwo nyo eta nana, osho de muo phihọ; 9ọ da rhoma ro ọguan na ọ da ta kẹ Jesu, Tivọ wo nurhe? Ẹkẹvuọvo Jesu kpahere-e. 10Kọye Pailet da ta kẹ, Wọ kpahe ota kẹ vwẹ-ẹ? Wọ rha riẹn nẹ mi vwo ogangan mi vwo siobọ nẹ uwe-e, kugbe ogangan me vwọ kanre owẹ mu agbagba? 11Jesu da kpahe kẹ, Wo vwo ogangan vwẹ enu mẹ-ẹ jokpa nẹ a vwe rọ kẹ wẹ nẹ obenu rhe; fiki rẹ ọtiọye na ọ ro mu uvwe rhe we ọye ri me ru umwemwu rode na.
12Vwẹ ọnana kọye Pailet vwọ guọnọ siobọ no, ẹkẹvuọvo ihwo ri Ju na de kuvwie, Wo de siobọ nẹ ohwo nana, yu wọ gbe dia ugbeyan rẹ Siza-a; kohwo kohwo rọ vwẹ oma rọye ru ovie yo gbe kpahe Siza. 13Ọke ri Pailet vwo nyo eta nana, o da vwẹ Jesu phia o de tidia hẹ asan re de guẹdjọ vwẹ asan re se nẹ Umukpe, re se vwi Hibru, Gabata. 14Asakiephana ọ da dia ẹdẹ rẹ omaẹcha hẹrhẹ Ewanvrẹn na; ọ da dia oma rẹ unọke esan. Ọ da ta kẹ ihwo ri Ju, Ovie rẹ ovwan na! 15Ayen de kuvwie, A vwọ yanran, a vwọ yanran, kanrọ mu agbagba! Pailet da ta kẹ ayen, Ke me kanre Ovie rẹ ovwan mu agbagba? Ilori rẹ irherẹn na da kpahe, Avwanre vwo ovie-e jokpa rẹ Siza. 16Etiyin ọ da vwọ kẹ ayen rere ayen kanrọ mu agbagba.
Ẹkanro mu Agbagba
(Matiu 27.32-44; Mak 15.21-32; Luk 23.26-43)
17Ọtiọye na ayen da reyọ Jesu, ayen da yan phia, ọ ghwa agbagba rọye, kpo asan na re se nẹ asan rẹ ekpehre uyovwi, re se vwi Hibru Gọlgọta. 18Kẹ etiyin ayen da kanrọ mu agbagba, vẹ ihwo ivẹ efa, ọvo hẹ obọrhe rọye ọrivẹ hẹ obọwhẹre rọye, Jesu da hẹ uherevie rẹ ayen. 19Pailet de ji si odova rọye rhe ọ da vwọ tamu agbagba na; e de se, Jesu ri Nazarẹt, Ovie ri Ju. 20Ihwo ri Ju buebu de se odova na, kidie asan ra da kanre Jesu mu agbagba na kẹrẹ orere na; e de sio vwi Hibru, vwi Latin, kugbe Grik. 21Ilori rẹ irherẹn ri Ju na da dia etiyin ta kẹ Pailet, Wo sio nẹ, Ovie ri Ju-u, ẹkẹvuọvo, Ohwo nana tare nẹ, Mẹvwẹ Ovie ri Ju. 22Pailet da kpahe, obo ri mi si mi si nure.
23Ọke rẹ isodje na vwọ kanre Jesu mu agbagba nu ayen da reyọ iwun rọye ayen da gharọ ẹkẹn ẹne, ọvo kẹ isodje ọvuọvo. Ẹkẹvuọvo ifọrọko rọye na vwo uko-o, e rhuoro nẹ obenu re te otọ; 24Ọtiọye na ayen da ta kẹ ohwohwo, E jẹn avwanre bẹrẹ-ẹ, ẹkẹvuọvo e vwo duvwu itẹ re e vughe ohwo ro vwo. Ọnana kọye ọbe ọfuanfon na vwọ gba.
Ayen ghare iwun mẹ kẹ oma rẹ ayen,
ayen da vwẹ emwa mẹ duvwu itẹ.
25Ọtiọye kọye isodje na ruru; ẹkẹvuọvo otu evo mudia kẹrẹ agbagba ri Jesu na oni rọye, kugbe oniọvo rẹ oni rọye, Meri aye ri Klopas, kugbe Meri ri Magdala. 26Ọke ri Jesu vwọ mrẹ oni rọye, kugbe odibo na rọ guọnọre ri mudia kẹrẹ, ọ da ta kẹ oni rọye, Aye, ni ọmọ wẹn! 27Etiyin ọ da ta kẹ odibo na, Ni oni wẹn! Ghwe nẹ unọke yena yanran odibo na da ghwa reyọ kpo uwevwi rọye.
Ughwu ri Jesu
(Matiu 27.45-56; Mak 15.33-41; Luk 23.44-49)
28Rẹ ọnana vwo wan nu ri Jesu vwọ riẹn nẹ emu na ejobi ru gba nure, rere ọbe ọfuanfon na vwọ gba, ọ da ta, Urhuru rẹ ame hwe vwe. 29Udjokpo rẹ ame rọ vọnre vẹ ọrigbo ọ hẹ etiyin; kọye o de duvwu ahworhẹ-orisẹ phihọ ọrigbo na a da vwẹ urhe rẹ asakrasa vwọ kparọ te unu rọye. 30Ọke ri Jesu vwọ da origbo na nu, ọ da ta, O reri; o de gbe uyovwi hẹ otọ o de phi ẹnwẹn họ.
E Duvwẹ Efẹn ri Jesu
31Rọ vwọ dia ẹdẹ rẹ Omaẹcha na, rere irivwi na vwo jẹ enu rẹ agbagba ẹdia vwẹ edidjala kidie edidjala na ẹdẹ rode, ihwo rẹ Ju da ra rẹ Pailet rere e vwirhi awọ rayen, rere e si ayen nẹ etiyin. 32Ọtiọye na isodje na da rhe ayen de vwirhi awọ rẹ ọ rẹsosuọ, kugbe ọrivẹ ra kanre mu agbagha kugbe na; 33rẹ ayen rhi vwo te asan ri Jesu epha rẹ ayen vwọ mrẹ nẹ o ghwu nure, ayen gbi vwirhi awọ rọye-e. 34Ẹkẹvuọvo isodje ọvo da vwẹ ubiri duvwu efẹn rọye, siẹvuọvo na ame vẹ ọbara de ghwe hwẹ no rhe. 35Ọ rọ mrẹrẹ na ri se iseri–iseri rọye uyota–rere ovwan vwo se segbuyota. 36Kidie imu nana ruru rere ọbe ọfuanfon na vwọ gba, Nẹ ubeku rọye ọvuọvo vwirhiri-i. 37Ọbe ofuanfon na ọfa tare, Ayen che ni ohwo rẹ ayen duvwuru na.
Esho ri Jesu
(Matiu 27.57-61; Mak 15.42-47; Luk 23.50-56)
38Rẹ ọnana vwo ru nu Josẹf ohwo rẹ Arimatia, ro dia odibo ri Jesu, ẹkẹvuọvo vwẹ odjahọ, fiki rẹ ọshọ ri Ju, da nọ ekpẹn rẹ orivwi ri Jesu mie Pailet, Pailet da vwọ kẹ. Kọye ọ rhere o de rhi mu orivwi rọye reyọ. 39Nikodimọs rhe, ro bru Jesu rhe ẹsosuọ vwẹ ason na, ọ da vwẹ egẹn vẹ adjeghwọghwọ ra gua kugbe rhe, ọhọhọ te ovwanvwọn ujori. 40Ayen da reyọ orivwi ri Jesu, ọ da vwẹ ukpoyibo vẹ egẹn na vwọ pharọ, kirobo rẹ uruemn rẹ orivwi esho ri Ju epha. 41Asakiephana vwẹ asan ra da kanre Jesu mu agbagba na ogba ọvo herọ, vwẹ evun rẹ ogba na ushi ọkpokpọ ọvo herọ re ji shi ohwo phihọ dẹvo-o. 42Ọtiọye na fiki rẹ ẹdẹ rẹ Omaẹcha ri Ju na, kidie ushi na kọye kẹrobọ, kẹ eriyin e shi Jesu phihọ.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bible in Urhobo © United Bible Societies, 1977.