Duk 19
19
Sakiọs abọ taksi
1Yisọs amaasaña akesịm Yeriko ayem adisaña mboiyo. 2Ete keed amaaba ke abio ado a-akekereke Sakiọs. Anye akedo etubom mme abọ taksi anyʌñ ado imọ awo. 3Anye amaayem adidiọọñọ me anie ke Yisọs ado, ado anye ikikanna inekke imọọnọ Yisọs ke atu awo ado sia anye akedo imək awo. 4Anye amaafeghe akedọọk anyọñ eto sikamọ a-akedaaha ke usʌñ Yisọs akeduakka isaña mboiyo.
5Yisọs akekewuọ itie eto ado, anye amaabenne anyen ke anyọñ ate, “Sakiọs, sọiyọ di idahami. Ana ami mba ke ufọk mfo mfịn.” 6Anye amaasọiyọ ini keed anyʌñ adaara Yisọs.
7Afịd awo se ikikịt adinam ami emaetọọñọ adidikuunọ ete, “Anye aka iba ke ufọk anamidiọọk.”
8Ado Sakiọs amaadakka ada abo Abọọñ ate, “Sese, Abọọñ! Idaha-idaha ami mmekpọñ inie mmi mbaak keed ke itie iba nnọ mme uwueene, ndin akpedo mmetʌk awo ndomokeed, ñyaakpe anye itie inaañ se ado akekpa.”
9Yisọs ate anye, “Mfịn ami adinyaaña asịm ufọk ami, sia ete ami ñko ado ayịn Ebraham. 10Sia Ayịn Awo akedi adiyem ñnyʌñ ñnyaaña mbon se isop.”
Yisọs atop ñke abaña mme enọ duob
11Ke ini ammọ esʌkkọ ekpañ utọñ ekop se Yisọs atañ, anye amaatop ñke mfen anọ ammọ sia anye amaakpere Yerusedem, ñko mme awo ekekere ke abio ubọọñ Abasi ayaadisịm kpa ke idahado. 12Anye ate, “Awuọiso ete keed amaaka isañ ke asen idịd ma ekenam anye adidem, anye ñko anyọñ adi ke ndutʌm ado amaakweeñe. 13Anye amaakood nditọufọk amọ duob anọ ekpad akʌk duob. Anye ate ammọ, ‘Ikama akʌk ami inyam udua tutu ami ñnyọñ ndi.’
14 “Ado nditọufọk amọ ikimaaha anye, ndin emaedọñ utom enọ anye ete, ‘Ñnyịn iyemme ete ami ado adidem ñnyịn.’
15 “Emaenam anye adidem, anye anyʌñ anyọñ adi ufọk. Ndin anye amaadọñ ekood nditọufọk amọ a-anye akenọọhọ akʌk nọ ato do anye adiọọñọ se udod ammọ ekenam.
16 “Akpa awo amaadibo, ‘Ete, ekpad akʌk duob adoro ke akʌk a-akennọọhọ.’
17 “Ete ami ate, ‘Amenam tutu, eti ayịnufọk. Sia afo amenam akpanikọ ke etək ñkpọ, dat ukara ke abio duob.’
18 “Ayọhọ awo iba awuọ adibo, ‘Ete, ekpad ition adoro ke akʌk a-akennọọhọ.’
19 “Eteufọk ate anye, ‘Afọn, kara abio ition.’
20 “Ayịnufọk mfen amaawuọ adibo, ‘Ete, se akʌk mfo mi, mmaabọp akʌk ado ke afọñ ñkenịm. 21Ami ubaabaak fiin-o, sia mmediọọñọ ke afo ado akpọsọñ awo. Afo ado awo a-adatta ke itie afo mmuukunịmme, anyʌñ adọk ke itie a-mmuukutọọhọ.’
22 “Eteufọk abọọrọ, ‘Ami ñyaabiire ikpe mfo ñkeene ikọ inua mfo, afo ndoom ayịnufọk! Idooho afo amaadiọọñọ ke ami ndo akpọsọñ awo, ke ndo awo a-adatta ke itie a-mmeñkenịmme ñnyʌñ ndọk ke itie a-mmeñketọọhọ? 23Ntaha mmuukubenne akʌk mmi ukunịm ke itie unịm akʌk-ọ, nọ ato do mmaato ndi ndibọ akʌk mmi ye udod?’
24 “Eteufọk amọ amaabo mbon e-ekedaaha do ate, ‘Ibọ anye akʌk amọ idian inọ awo a-akenieeghe ekpad akʌk duob.’
25 “Ammọ emaebo anye ate, ‘Ete, anye anenie duob.’
26 “Anye amaabọọrọ ate, ‘Ibo ndufo nte ke awo a-anieeghenie, eyaedian mfen enọ, ado awo a-mmiinieeghenie, eyaebọ kpa etək se anye anie ado. 27Ama ado mme asua mmi e-mmiikiyemme ami ndo adidem ammọ, koono ammọ di wood mi ke iso mmi.’ ”
Yisọs adʌk Yerusedem nte adidem
28Ke Yisọs amaaketañ ikọ ami ama, anye amaasak iso aka Yerusedem. 29Anye akekpere Betfas ye Betani ke Abod Ọdif, anye amaadọñ mbed amọ iba ate, 30“Ikaa ke idʌñ a-adaaha ke iso ako, imaidʌk, eyaekịt abaak enañ mmakara naña ayịre, adooho kpaanaanam awo ndomokeed idoroke ke anyọñ amọ. Itat anye iben idi. 31Awo akpibịp abo, ‘Nso-o ido nọ etat anye?’ Ibọọrọ anye ibo, ‘Abọọñ ayem.’ ”
32Mme mbed e-ekedọññọ emaenyʌñ ekekịt kpa naña Yisọs akebo. 33Ke ini ammọ eyemme aditat abaak enañ ado, mme andinie emaebịp ammọ ete, “Nso-o ido nọ etat anye?”
34Ammọ emaebọọrọ, “Abọọñ ayem.”
35Ammọ emaeben abaak enañ ado esọk Yisọs, etop afọñ ammọ efʌk enañ ado, eben Yisọs edot ke anyọñ amọ. 36Ke ini anye awatta aka ke usʌñ mme awo emaetaad afọñ ammọ ebịt ke usʌñ nọ anye asaña aboiyo.
37Anye akedikpere uwakka usʌñ Abod Ọdif, afịd mme atu mbed ke inemesịd, etọọñọ itooro Abasi ke akpọsọñ uyo ke afịd utịbe ñkpọ se ammọ ekekịt, ete:
38“Emaediọñ anye a-adieeghe ke anyịñ Abọọñ!”
“Emem aba ke anyọñ, ubọọñ anyʌñ aba ke ata anyọñ!”
39Ubaak mme Farisi ke atu ado emaebo Yisọs ete, “Andikpeeb, sua nọ mme mbed mfo-o!”
40Anye abọọrọ ammọ ate, “Ami ibo ndufo nte, ammọ ekpedop uyo, mme itiad eyaesio uyo.”
41Anye akekpere Yerusedem, akịt abio ado, anye amaatua abaña anye, 42ate, “Ubaha nte afo, kpa afo, akpediọọñọke ke usen mfịn ami se idiidat emem usọk fiin, ado idahami ado ndedịbe ñkpọ ke anyen mfo. 43Ini ayaadi a-mme asua ndufo ediibọp ndibene ikanna ndufo ikʌk enyʌn efiọk ndufo ke afịd nkan. 44Ammọ eyaitọ ndufo esuan ke isọñ, ekanna ndufo ye nditọ ndufo ekʌk ke esịd akwere ndufo. Ammọ idiiyakka itiad adoro ke itiad, sia ndufo ikidiọọñọke ini a-Abasi akedieeghe adise ndufo.”
Yisọs ke tembịd
45Ke ini Yisọs amaakedʌk afe tembịd, anye amaatọọñọ adibịn mbon e-ekenyamma ñkpọ do. 46Anye ate, “Ewewet, ‘Ufọk mmi adido ufọk ubọñ akam, ado ndufo emeben anye enịm afe ñwo ye aba inọ.’ ”
47Kwa usen anye akekpeeb ñkpọ ke tembịd. Ado mme ikpọ aku, mme akpeeb ibed ye mme adaidaha ke atu awo emaeyem usʌñ adiwot anye. 48Ado ammọ ikikịtte usʌñ naña ediisaña inam ami, sia afịd awo ekeyiire ke ikọ se anye aketañ.
S'ha seleccionat:
Duk 19: NAAM
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Ñwed Abasi Ke Ikọ Ibibio Ayo Mfịn™
Mme anie unen ñwed ami tọọñọ ke isua © 2020 ado Biblica, Inc.
Ebọ unyịmme eto Biblica, Inc. Emʌm afịd unen ke afịd ederimbod enọ Biblica.
Ibibio Contemporary Bible™
Copyright © 2020 by Biblica, Inc.
Used with permission. All rights reserved worldwide.
Duk 19
19
Sakiọs abọ taksi
1Yisọs amaasaña akesịm Yeriko ayem adisaña mboiyo. 2Ete keed amaaba ke abio ado a-akekereke Sakiọs. Anye akedo etubom mme abọ taksi anyʌñ ado imọ awo. 3Anye amaayem adidiọọñọ me anie ke Yisọs ado, ado anye ikikanna inekke imọọnọ Yisọs ke atu awo ado sia anye akedo imək awo. 4Anye amaafeghe akedọọk anyọñ eto sikamọ a-akedaaha ke usʌñ Yisọs akeduakka isaña mboiyo.
5Yisọs akekewuọ itie eto ado, anye amaabenne anyen ke anyọñ ate, “Sakiọs, sọiyọ di idahami. Ana ami mba ke ufọk mfo mfịn.” 6Anye amaasọiyọ ini keed anyʌñ adaara Yisọs.
7Afịd awo se ikikịt adinam ami emaetọọñọ adidikuunọ ete, “Anye aka iba ke ufọk anamidiọọk.”
8Ado Sakiọs amaadakka ada abo Abọọñ ate, “Sese, Abọọñ! Idaha-idaha ami mmekpọñ inie mmi mbaak keed ke itie iba nnọ mme uwueene, ndin akpedo mmetʌk awo ndomokeed, ñyaakpe anye itie inaañ se ado akekpa.”
9Yisọs ate anye, “Mfịn ami adinyaaña asịm ufọk ami, sia ete ami ñko ado ayịn Ebraham. 10Sia Ayịn Awo akedi adiyem ñnyʌñ ñnyaaña mbon se isop.”
Yisọs atop ñke abaña mme enọ duob
11Ke ini ammọ esʌkkọ ekpañ utọñ ekop se Yisọs atañ, anye amaatop ñke mfen anọ ammọ sia anye amaakpere Yerusedem, ñko mme awo ekekere ke abio ubọọñ Abasi ayaadisịm kpa ke idahado. 12Anye ate, “Awuọiso ete keed amaaka isañ ke asen idịd ma ekenam anye adidem, anye ñko anyọñ adi ke ndutʌm ado amaakweeñe. 13Anye amaakood nditọufọk amọ duob anọ ekpad akʌk duob. Anye ate ammọ, ‘Ikama akʌk ami inyam udua tutu ami ñnyọñ ndi.’
14 “Ado nditọufọk amọ ikimaaha anye, ndin emaedọñ utom enọ anye ete, ‘Ñnyịn iyemme ete ami ado adidem ñnyịn.’
15 “Emaenam anye adidem, anye anyʌñ anyọñ adi ufọk. Ndin anye amaadọñ ekood nditọufọk amọ a-anye akenọọhọ akʌk nọ ato do anye adiọọñọ se udod ammọ ekenam.
16 “Akpa awo amaadibo, ‘Ete, ekpad akʌk duob adoro ke akʌk a-akennọọhọ.’
17 “Ete ami ate, ‘Amenam tutu, eti ayịnufọk. Sia afo amenam akpanikọ ke etək ñkpọ, dat ukara ke abio duob.’
18 “Ayọhọ awo iba awuọ adibo, ‘Ete, ekpad ition adoro ke akʌk a-akennọọhọ.’
19 “Eteufọk ate anye, ‘Afọn, kara abio ition.’
20 “Ayịnufọk mfen amaawuọ adibo, ‘Ete, se akʌk mfo mi, mmaabọp akʌk ado ke afọñ ñkenịm. 21Ami ubaabaak fiin-o, sia mmediọọñọ ke afo ado akpọsọñ awo. Afo ado awo a-adatta ke itie afo mmuukunịmme, anyʌñ adọk ke itie a-mmuukutọọhọ.’
22 “Eteufọk abọọrọ, ‘Ami ñyaabiire ikpe mfo ñkeene ikọ inua mfo, afo ndoom ayịnufọk! Idooho afo amaadiọọñọ ke ami ndo akpọsọñ awo, ke ndo awo a-adatta ke itie a-mmeñkenịmme ñnyʌñ ndọk ke itie a-mmeñketọọhọ? 23Ntaha mmuukubenne akʌk mmi ukunịm ke itie unịm akʌk-ọ, nọ ato do mmaato ndi ndibọ akʌk mmi ye udod?’
24 “Eteufọk amọ amaabo mbon e-ekedaaha do ate, ‘Ibọ anye akʌk amọ idian inọ awo a-akenieeghe ekpad akʌk duob.’
25 “Ammọ emaebo anye ate, ‘Ete, anye anenie duob.’
26 “Anye amaabọọrọ ate, ‘Ibo ndufo nte ke awo a-anieeghenie, eyaedian mfen enọ, ado awo a-mmiinieeghenie, eyaebọ kpa etək se anye anie ado. 27Ama ado mme asua mmi e-mmiikiyemme ami ndo adidem ammọ, koono ammọ di wood mi ke iso mmi.’ ”
Yisọs adʌk Yerusedem nte adidem
28Ke Yisọs amaaketañ ikọ ami ama, anye amaasak iso aka Yerusedem. 29Anye akekpere Betfas ye Betani ke Abod Ọdif, anye amaadọñ mbed amọ iba ate, 30“Ikaa ke idʌñ a-adaaha ke iso ako, imaidʌk, eyaekịt abaak enañ mmakara naña ayịre, adooho kpaanaanam awo ndomokeed idoroke ke anyọñ amọ. Itat anye iben idi. 31Awo akpibịp abo, ‘Nso-o ido nọ etat anye?’ Ibọọrọ anye ibo, ‘Abọọñ ayem.’ ”
32Mme mbed e-ekedọññọ emaenyʌñ ekekịt kpa naña Yisọs akebo. 33Ke ini ammọ eyemme aditat abaak enañ ado, mme andinie emaebịp ammọ ete, “Nso-o ido nọ etat anye?”
34Ammọ emaebọọrọ, “Abọọñ ayem.”
35Ammọ emaeben abaak enañ ado esọk Yisọs, etop afọñ ammọ efʌk enañ ado, eben Yisọs edot ke anyọñ amọ. 36Ke ini anye awatta aka ke usʌñ mme awo emaetaad afọñ ammọ ebịt ke usʌñ nọ anye asaña aboiyo.
37Anye akedikpere uwakka usʌñ Abod Ọdif, afịd mme atu mbed ke inemesịd, etọọñọ itooro Abasi ke akpọsọñ uyo ke afịd utịbe ñkpọ se ammọ ekekịt, ete:
38“Emaediọñ anye a-adieeghe ke anyịñ Abọọñ!”
“Emem aba ke anyọñ, ubọọñ anyʌñ aba ke ata anyọñ!”
39Ubaak mme Farisi ke atu ado emaebo Yisọs ete, “Andikpeeb, sua nọ mme mbed mfo-o!”
40Anye abọọrọ ammọ ate, “Ami ibo ndufo nte, ammọ ekpedop uyo, mme itiad eyaesio uyo.”
41Anye akekpere Yerusedem, akịt abio ado, anye amaatua abaña anye, 42ate, “Ubaha nte afo, kpa afo, akpediọọñọke ke usen mfịn ami se idiidat emem usọk fiin, ado idahami ado ndedịbe ñkpọ ke anyen mfo. 43Ini ayaadi a-mme asua ndufo ediibọp ndibene ikanna ndufo ikʌk enyʌn efiọk ndufo ke afịd nkan. 44Ammọ eyaitọ ndufo esuan ke isọñ, ekanna ndufo ye nditọ ndufo ekʌk ke esịd akwere ndufo. Ammọ idiiyakka itiad adoro ke itiad, sia ndufo ikidiọọñọke ini a-Abasi akedieeghe adise ndufo.”
Yisọs ke tembịd
45Ke ini Yisọs amaakedʌk afe tembịd, anye amaatọọñọ adibịn mbon e-ekenyamma ñkpọ do. 46Anye ate, “Ewewet, ‘Ufọk mmi adido ufọk ubọñ akam, ado ndufo emeben anye enịm afe ñwo ye aba inọ.’ ”
47Kwa usen anye akekpeeb ñkpọ ke tembịd. Ado mme ikpọ aku, mme akpeeb ibed ye mme adaidaha ke atu awo emaeyem usʌñ adiwot anye. 48Ado ammọ ikikịtte usʌñ naña ediisaña inam ami, sia afịd awo ekeyiire ke ikọ se anye aketañ.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Ñwed Abasi Ke Ikọ Ibibio Ayo Mfịn™
Mme anie unen ñwed ami tọọñọ ke isua © 2020 ado Biblica, Inc.
Ebọ unyịmme eto Biblica, Inc. Emʌm afịd unen ke afịd ederimbod enọ Biblica.
Ibibio Contemporary Bible™
Copyright © 2020 by Biblica, Inc.
Used with permission. All rights reserved worldwide.