Matiu 3
3
Yọọn Aduọkmmọọñ adiọñ usʌñ
1Akem Yọọn Aduọkmmọọñ adi adikwọrọ ikọ ke akpautatan Yudia, 2ate, “Ikappa esịd sia abio ubọọñ Abasi akpere.” 3Yọọn Aduọkmmọọñ ami ado awo a-brọfed Aisaya aketañña abaña ke ini anye akebooho ate:
“Uyo awo keed ke akpautatan abo
‘Idiọñ usʌñ inọ Abọọñ,
inekke usʌñ inọ anye.’ ”
4Ekedat ided enañ mbiomo enam afọñ Yọọn ndin anye abọbọ ñkpaha ikpa ke isịn. Ndidia amọ akedo ñkukuñkpọyọriyọ ye adan akwọọk ikọd. 5Ndin afịd mbon Yerusedem ye Yudia, ye afịd ñkanñkʌk Yọdan emaewuọ ebịne anye. 6Ke ammọ emaekeyaara mme idiọọkñkpọ ammọ, anye amaaduọk ammọ mmọọñ ke Akpa Yọdan.
7Ke ini Yọọn Aduọkmmọọñ akịtte uwak mme Farisi ye mme Sadusi nte edibọ uduọkmmọọñ anye abo ammọ ate, “Ndufo ubon asabọ, anie awo itemme ndufo ibo efeghe ifiobesịd Abasi a-aboohoidi mi? 8Ikappa esịd inyʌñ inam se ifọn. 9Ikiikere ibo ke emenie Ebraham nte ete. Sia Abasi akeme adidat mme itiad ami abot nditọ anọ Ebraham. 10Ndin idahami ekọñ ekịd ke itak eto: anam eto a-ammiinwịmme eti mfịd eyaekpịkke anye etop esịn ke ikañ.
11“Ami ñkama mmọọñ nnịm ndufo uduọkmmọọñ nte yak ekappa esịd. Ado anye a-adiidi ke ini iso akpon ankan, ndotto adisiooño anye ikpaukod ke ukod. Anye adikama Adisana Sịbidịd ye ikañ iduọk ndufo mmọọñ. 12Anye ayaakama abufịm afịm idem abakpa, akoono idem abakpa akebono ke ise ado anye ayaafọp ñkpata ke ikañ.”
Uduọkmmọọñ Yisọs
13Akema Yisọs amaato Kadidi adika Yọdan, nọ Yọọn akeduọk anye mmọọñ. 14Ado Yọọn akpaaña nsa, ate, “Afo akpekap anduọk miin mmọọñ.”
15Yisọs abọọrọ anye ate, “Yak aba ntodo nọ ikọ Abasi asu.” Ndin Yọọn anyịmme.
16Ke emaekeduọk Yisọs mmọọñ ema, anye awuọ ke mmọọñ ndin sese ikpaanyọñ abeere, ndin anye akịt naña Sịbidịd Abasi asọiyọ nte ibiom adidoro anye ke idem. 17Ndin uyo ato ikpaanyọñ abo ate, “Anye ami ado adima Ayịn mmi, a-ami mmaaha eti-eti.”
S'ha seleccionat:
Matiu 3: NAAM
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Ñwed Abasi Ke Ikọ Ibibio Ayo Mfịn™
Mme anie unen ñwed ami tọọñọ ke isua © 2020 ado Biblica, Inc.
Ebọ unyịmme eto Biblica, Inc. Emʌm afịd unen ke afịd ederimbod enọ Biblica.
Ibibio Contemporary Bible™
Copyright © 2020 by Biblica, Inc.
Used with permission. All rights reserved worldwide.
Matiu 3
3
Yọọn Aduọkmmọọñ adiọñ usʌñ
1Akem Yọọn Aduọkmmọọñ adi adikwọrọ ikọ ke akpautatan Yudia, 2ate, “Ikappa esịd sia abio ubọọñ Abasi akpere.” 3Yọọn Aduọkmmọọñ ami ado awo a-brọfed Aisaya aketañña abaña ke ini anye akebooho ate:
“Uyo awo keed ke akpautatan abo
‘Idiọñ usʌñ inọ Abọọñ,
inekke usʌñ inọ anye.’ ”
4Ekedat ided enañ mbiomo enam afọñ Yọọn ndin anye abọbọ ñkpaha ikpa ke isịn. Ndidia amọ akedo ñkukuñkpọyọriyọ ye adan akwọọk ikọd. 5Ndin afịd mbon Yerusedem ye Yudia, ye afịd ñkanñkʌk Yọdan emaewuọ ebịne anye. 6Ke ammọ emaekeyaara mme idiọọkñkpọ ammọ, anye amaaduọk ammọ mmọọñ ke Akpa Yọdan.
7Ke ini Yọọn Aduọkmmọọñ akịtte uwak mme Farisi ye mme Sadusi nte edibọ uduọkmmọọñ anye abo ammọ ate, “Ndufo ubon asabọ, anie awo itemme ndufo ibo efeghe ifiobesịd Abasi a-aboohoidi mi? 8Ikappa esịd inyʌñ inam se ifọn. 9Ikiikere ibo ke emenie Ebraham nte ete. Sia Abasi akeme adidat mme itiad ami abot nditọ anọ Ebraham. 10Ndin idahami ekọñ ekịd ke itak eto: anam eto a-ammiinwịmme eti mfịd eyaekpịkke anye etop esịn ke ikañ.
11“Ami ñkama mmọọñ nnịm ndufo uduọkmmọọñ nte yak ekappa esịd. Ado anye a-adiidi ke ini iso akpon ankan, ndotto adisiooño anye ikpaukod ke ukod. Anye adikama Adisana Sịbidịd ye ikañ iduọk ndufo mmọọñ. 12Anye ayaakama abufịm afịm idem abakpa, akoono idem abakpa akebono ke ise ado anye ayaafọp ñkpata ke ikañ.”
Uduọkmmọọñ Yisọs
13Akema Yisọs amaato Kadidi adika Yọdan, nọ Yọọn akeduọk anye mmọọñ. 14Ado Yọọn akpaaña nsa, ate, “Afo akpekap anduọk miin mmọọñ.”
15Yisọs abọọrọ anye ate, “Yak aba ntodo nọ ikọ Abasi asu.” Ndin Yọọn anyịmme.
16Ke emaekeduọk Yisọs mmọọñ ema, anye awuọ ke mmọọñ ndin sese ikpaanyọñ abeere, ndin anye akịt naña Sịbidịd Abasi asọiyọ nte ibiom adidoro anye ke idem. 17Ndin uyo ato ikpaanyọñ abo ate, “Anye ami ado adima Ayịn mmi, a-ami mmaaha eti-eti.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Ñwed Abasi Ke Ikọ Ibibio Ayo Mfịn™
Mme anie unen ñwed ami tọọñọ ke isua © 2020 ado Biblica, Inc.
Ebọ unyịmme eto Biblica, Inc. Emʌm afịd unen ke afịd ederimbod enọ Biblica.
Ibibio Contemporary Bible™
Copyright © 2020 by Biblica, Inc.
Used with permission. All rights reserved worldwide.