JUAN 2:15-16

Taita Diospaj huasi ucupi chaita ricushpaca, huascata azotinata rurashpami azotishpa tucuicunata ovejacunandij, huagracunandij canllaman llujshichirca. Cullquita cambiajcunapaj mizacunatapish t'angashpa shitashpami, tucui paicunapaj cullquitapish pambaman tsirapashpa shitarca. Palomacunata c'atujcunataca: –¡Caicunata caimanta anchuchichij! ¡Ñuca Yayapaj huasitaca ama c'atuna, randina huasita ruraichijchu!– nircami.