Lucas 14
14
Jakapäkuykaq runata Jesús aliyätsishqan
1Tsaypitana juk jamay junaqcho Jesús aywarqan mandaq fariseupa wayinman mikuq. Tsaycho kaykaq runakunami Jesústa rikaparkaykarqan <<mä imatashi ruranqa>> nipäkushpan. 2Intëru cuerpun jakapäkuykaq runata Jesús rikarmi 3ley yachatsiqkunata y fariseukunata tapurqan kayno nir: <<Qeshyaq runata jamay junaqcho ¿aliyätsishwanku o manaku?>>
4Tsayno niptin paykunaqa manami imatapis rimakärirqantsu. Tsaymi qeshyaykaq runata Jesús yataykur aliyätsishpan kayno nirqan: <<Kananqa wayikipana aywakuy>>.
5Nirkur tsay runakunata kayno nirqan: <<Mayqaykipapis tsuriki o töruyki pözuman jeqaptin jamay junaq kaykaptinpis ¿manaku jinan höra jorquq aywanki?>>#14.5 Jesús tsayno nirqan runakuna tsurinta o törunta jamay junaq kaykaptinpis pözupita jorqushqanno paypis qeshyaqkunata jamay junaq kaykaptinpis aliyätsishqantami.
6Tsayno niptin manami imatapis rimakärirqantsu.
Punta puntaman mana jamakunantsipaq Jesús yachatsishqan
7Qayatsishqan runakuna jamakärinanpaq punta puntamanraq aywaykashqanta rikaykurmi Jesús kayno nirqan: 8<<Casaray fiestaman qayatsishuptiki punta puntamanqa ama jamakärinkitsu. Capazmi qamkunapita mas respitädu runata qayatsishqa kanman. 9Tsaycho jamaptikiqa qayatsishuqnikimi kayno nishunki: <Pay jamakunanpaq witikuy>. Tsayno nishuptiki penqaytukushqami qepaman aywar jamakärinkipaq. 10Tsaypa trukanqa fiestaman qayatsishuptiki qepalaman jamakärinki. Tsaymi qayatsishuqniki shamur kayno nishunki: <Amïgu, mas puntaman pasakalämuy>. Tsayno jamatsishuptikiqa qamwan jamakuqkuna respitashunkipaqmi. 11Orgullösu kaqkunaqa penqayman churashqami kanqa. Humildi kaqkunami itsanqa aliman churashqa kanqa>>.
Mikunanpaq pïkunata qayatsinantsipaq Jesús nishqan
12Nirkur wayinman pushaq fariseutapis Jesús kayno nirqan: <<Mikupäkunaykipaq pitapis qayatsirqa ama qayatsinkitsu kuyanakushqalaykitaqa, wawqilaykitaqa, aylulaykitaqa ni rïcu kaq vecïnulaykitaqa. Paykunalata qayatsiptikiqa tumaykita kutitsishunkipaqmi. 13Tsaypa trukanqa qayatsinki waktsakunata, ushukunata, weqrukunata y qaprakunata. 14Paykuna mana kutitsishuptikipis ali ruraq runakuna kawarimushqan junaqmi Tayta Dios kutitsishunkipaq>>.
Mikunanpaq qayatsishqan runakunaman Jesús tinkutsishqan
Mateo 22.1-10
15Tsaymi mësacho Jesúswan jamaraykashqanpita juk runa kayno nirqan: <<¡Ima kushishqaraq kanqa Tayta Dios mandaykashqancho mikuqkuna!>>
16Tsayno niptin Jesús kayno nirqan: <<Juk runashi atska runakunata qayatsirqan wayincho mikunanpaq. 17Mikuy listuna kaptinshi ashmayninta kacharqan invitashqan runakunata kayno ninanpaq: <Lapanpis listunami. Juklashi aywakuläshun>.
18<<Tsay ashmay chayaptinshi lapanpis aywayta mana munapäkurqantsu. Tsayshi juknin kayno nirqan: <Rantishqä chakrata rikaqraqmi aywashaq. Noqapita ama jaqayaykulätsuntsu>.
19<<Jukaqnashi kayno nirqan: <Pitsqa yuntami rantishqä. Tsaymi yachatsiq aywaykä. Noqapita ama jaqayaykulätsuntsu>.
20<<Jukaqnashi kayno nirqan: <Tsayraqmi warmita ashishqä. Tsaymi mana aywashaqtsu>.
21<<Tsawraqa kachashqan ashmay kutiykur patronninta wilarqan runakuna imano nishqantapis. Wilaptinshi patronnin fiyupa rabyakur ashmayninta kayno nirqan: <Pläzakunapa y cällikunapa jukla aywar waktsakunata, ushukunata, weqrukunata y qaprakunata pushamuy>.
22<<Nishqanno pushaykurshi patronninta kayno nirqan: <Nimashqaykinölami pushamushqä, tayta. Tsayno kaptinpis wayikiman manaraqmi juntanraqtsu>.
23<<Tsaynashi patronnin kayno nirqan: <Nänikunapa y chakrakunapapis aywarkur tarishqayki runakunata imanöpapis pushamuy wayïman juntananyaq. 24Noqa kaynömi nï: Puntata qayatsishqä runakunaqa yanukatsishqä mikuyta manami yawapäkunqatsu> >>.
Discïpulun kananpaq Jesús yachatsishqan
Mateo 10.37-38
25Atska runakuna qatirpaptinmi Jesús kayno nirqan: 26<<Pipis discïpulü kayta munarqa mamanta, taytanta, warminta, tsurinkunata, wawqinkunata, paninkunata y kikinpa vïdanta kuyashqanpita noqata mas kuyamätsun. Tsayno mana kuyamarqa manami discïpulü kanmantsu. 27Cruzninta apaqno mana qatirämarqa#14.27 Cruzninta apaqno mana qatirämar nirqa ima nakaycho karpis Jesucristuta qatiränanpaq kashqantami niykan. manami discïpulü kanmantsu.#Mat. 10.38; Mar. 8.34; Luc. 9.23; Juan 12.25.
28<<Mayqaykipis wayita ruranaykipaqqa shumaqraqmi yarpachakunki qellayniki aypashqanta o mana aypashqantapis. 29Cimientuta ruraykular kachariptikiqa lapan rikaqkunami jamurpäshunki kayno nir: 30<¡Kay runaqa manapis puëdiykarmi wayi ruratsiyta qalaykatsishqa!>
31<<Mayqan reypis juk nacionwan manaraq pelyar ¿manaku puntataqa shumaqraq yarpachakun kayno nir: <Ishkay chunka waranqa (20,000) soldädukunata chunka waranqa (10,000) soldäduläwan vincishaqtsuraq o manatsuraq>? 32Mana vincinanpaq kashqanta tantiyarqa contran rey karulachöraq kaykaptinmi wilakuqkunata kachan manana pelyapäkunanpaq. 33Tsaynölami mayqaykipis noqa rayku imaykikunatapis mana kacharirqa discïpulü kankimantsu>>.
Kachiman Jesús tinkutsishqan
Mateo 5.13; Marcos 9.50
34<<Kachiqa alimi kaykan. Qamyakäkurmi itsanqa imapaqpis mana välinnatsu. 35Chakrapaqpis ni chulpapaqpis manana väliptinmi jitariykuntsina. ¡Rinriyuq kaqkunaqa nishqäkunata wiyakäritsun!>>
S'ha seleccionat:
Lucas 14: qvmB
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2003, Wycliffe Bible Translators, Inc. All rights reserved.
Lucas 14
14
Jakapäkuykaq runata Jesús aliyätsishqan
1Tsaypitana juk jamay junaqcho Jesús aywarqan mandaq fariseupa wayinman mikuq. Tsaycho kaykaq runakunami Jesústa rikaparkaykarqan <<mä imatashi ruranqa>> nipäkushpan. 2Intëru cuerpun jakapäkuykaq runata Jesús rikarmi 3ley yachatsiqkunata y fariseukunata tapurqan kayno nir: <<Qeshyaq runata jamay junaqcho ¿aliyätsishwanku o manaku?>>
4Tsayno niptin paykunaqa manami imatapis rimakärirqantsu. Tsaymi qeshyaykaq runata Jesús yataykur aliyätsishpan kayno nirqan: <<Kananqa wayikipana aywakuy>>.
5Nirkur tsay runakunata kayno nirqan: <<Mayqaykipapis tsuriki o töruyki pözuman jeqaptin jamay junaq kaykaptinpis ¿manaku jinan höra jorquq aywanki?>>#14.5 Jesús tsayno nirqan runakuna tsurinta o törunta jamay junaq kaykaptinpis pözupita jorqushqanno paypis qeshyaqkunata jamay junaq kaykaptinpis aliyätsishqantami.
6Tsayno niptin manami imatapis rimakärirqantsu.
Punta puntaman mana jamakunantsipaq Jesús yachatsishqan
7Qayatsishqan runakuna jamakärinanpaq punta puntamanraq aywaykashqanta rikaykurmi Jesús kayno nirqan: 8<<Casaray fiestaman qayatsishuptiki punta puntamanqa ama jamakärinkitsu. Capazmi qamkunapita mas respitädu runata qayatsishqa kanman. 9Tsaycho jamaptikiqa qayatsishuqnikimi kayno nishunki: <Pay jamakunanpaq witikuy>. Tsayno nishuptiki penqaytukushqami qepaman aywar jamakärinkipaq. 10Tsaypa trukanqa fiestaman qayatsishuptiki qepalaman jamakärinki. Tsaymi qayatsishuqniki shamur kayno nishunki: <Amïgu, mas puntaman pasakalämuy>. Tsayno jamatsishuptikiqa qamwan jamakuqkuna respitashunkipaqmi. 11Orgullösu kaqkunaqa penqayman churashqami kanqa. Humildi kaqkunami itsanqa aliman churashqa kanqa>>.
Mikunanpaq pïkunata qayatsinantsipaq Jesús nishqan
12Nirkur wayinman pushaq fariseutapis Jesús kayno nirqan: <<Mikupäkunaykipaq pitapis qayatsirqa ama qayatsinkitsu kuyanakushqalaykitaqa, wawqilaykitaqa, aylulaykitaqa ni rïcu kaq vecïnulaykitaqa. Paykunalata qayatsiptikiqa tumaykita kutitsishunkipaqmi. 13Tsaypa trukanqa qayatsinki waktsakunata, ushukunata, weqrukunata y qaprakunata. 14Paykuna mana kutitsishuptikipis ali ruraq runakuna kawarimushqan junaqmi Tayta Dios kutitsishunkipaq>>.
Mikunanpaq qayatsishqan runakunaman Jesús tinkutsishqan
Mateo 22.1-10
15Tsaymi mësacho Jesúswan jamaraykashqanpita juk runa kayno nirqan: <<¡Ima kushishqaraq kanqa Tayta Dios mandaykashqancho mikuqkuna!>>
16Tsayno niptin Jesús kayno nirqan: <<Juk runashi atska runakunata qayatsirqan wayincho mikunanpaq. 17Mikuy listuna kaptinshi ashmayninta kacharqan invitashqan runakunata kayno ninanpaq: <Lapanpis listunami. Juklashi aywakuläshun>.
18<<Tsay ashmay chayaptinshi lapanpis aywayta mana munapäkurqantsu. Tsayshi juknin kayno nirqan: <Rantishqä chakrata rikaqraqmi aywashaq. Noqapita ama jaqayaykulätsuntsu>.
19<<Jukaqnashi kayno nirqan: <Pitsqa yuntami rantishqä. Tsaymi yachatsiq aywaykä. Noqapita ama jaqayaykulätsuntsu>.
20<<Jukaqnashi kayno nirqan: <Tsayraqmi warmita ashishqä. Tsaymi mana aywashaqtsu>.
21<<Tsawraqa kachashqan ashmay kutiykur patronninta wilarqan runakuna imano nishqantapis. Wilaptinshi patronnin fiyupa rabyakur ashmayninta kayno nirqan: <Pläzakunapa y cällikunapa jukla aywar waktsakunata, ushukunata, weqrukunata y qaprakunata pushamuy>.
22<<Nishqanno pushaykurshi patronninta kayno nirqan: <Nimashqaykinölami pushamushqä, tayta. Tsayno kaptinpis wayikiman manaraqmi juntanraqtsu>.
23<<Tsaynashi patronnin kayno nirqan: <Nänikunapa y chakrakunapapis aywarkur tarishqayki runakunata imanöpapis pushamuy wayïman juntananyaq. 24Noqa kaynömi nï: Puntata qayatsishqä runakunaqa yanukatsishqä mikuyta manami yawapäkunqatsu> >>.
Discïpulun kananpaq Jesús yachatsishqan
Mateo 10.37-38
25Atska runakuna qatirpaptinmi Jesús kayno nirqan: 26<<Pipis discïpulü kayta munarqa mamanta, taytanta, warminta, tsurinkunata, wawqinkunata, paninkunata y kikinpa vïdanta kuyashqanpita noqata mas kuyamätsun. Tsayno mana kuyamarqa manami discïpulü kanmantsu. 27Cruzninta apaqno mana qatirämarqa#14.27 Cruzninta apaqno mana qatirämar nirqa ima nakaycho karpis Jesucristuta qatiränanpaq kashqantami niykan. manami discïpulü kanmantsu.#Mat. 10.38; Mar. 8.34; Luc. 9.23; Juan 12.25.
28<<Mayqaykipis wayita ruranaykipaqqa shumaqraqmi yarpachakunki qellayniki aypashqanta o mana aypashqantapis. 29Cimientuta ruraykular kachariptikiqa lapan rikaqkunami jamurpäshunki kayno nir: 30<¡Kay runaqa manapis puëdiykarmi wayi ruratsiyta qalaykatsishqa!>
31<<Mayqan reypis juk nacionwan manaraq pelyar ¿manaku puntataqa shumaqraq yarpachakun kayno nir: <Ishkay chunka waranqa (20,000) soldädukunata chunka waranqa (10,000) soldäduläwan vincishaqtsuraq o manatsuraq>? 32Mana vincinanpaq kashqanta tantiyarqa contran rey karulachöraq kaykaptinmi wilakuqkunata kachan manana pelyapäkunanpaq. 33Tsaynölami mayqaykipis noqa rayku imaykikunatapis mana kacharirqa discïpulü kankimantsu>>.
Kachiman Jesús tinkutsishqan
Mateo 5.13; Marcos 9.50
34<<Kachiqa alimi kaykan. Qamyakäkurmi itsanqa imapaqpis mana välinnatsu. 35Chakrapaqpis ni chulpapaqpis manana väliptinmi jitariykuntsina. ¡Rinriyuq kaqkunaqa nishqäkunata wiyakäritsun!>>
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2003, Wycliffe Bible Translators, Inc. All rights reserved.