SALMO 5
5
Roygaypachi Tata Dios yanapawananchikunapa.
1-2Kamachiwak Tatayni Dios,
parlachiptini uyariway.
Llakishpa roygaptini yanapaway.
A, Tata Dios,
kantami tukuy ima yuyanaynita parlachiyki.
3A, Tata Dios,
unay unay parlachiptini uyariwanki.
Pakarinanta ima munanaynita willayki.
Chaymanta yanapawanaykipa shuyani.
4A, Tata Dios,
runakuna mana allita ruraptinkuna
sukaman piñakunki.
Chayrayku mana alli rurak runakuna
mana ñawpaknikipi kawsankasapachu.
5Kikinkunalla kreyinakuk runakuna mana ñawpaknikipi kawsankasapachu.
Mana alli rurak runakunata
sukaman chikninkisapa.
6Llullakuk runakunata kulluchinkisapa.
Allipi tukushpa chiknikuk runakunata
wañuchikunayak runakunata chikninkisapa.
7A, Tata Dios,
kuyawashpa llakichiwaptiki ñuka atipani wasikipi yaykushpa
tukuy shunku kuyaynikita.
Akllashkayki wasikita yuyashpayni kuyayki.
8A, Tata Dios,
alli rurak kashpayki
yachachiway allita rurashpa kawsanaynipa
ama chikniwak runakuna chatawanankunapa.
Yanapaway allita rurashpa
alli ñanta purikshina kawsanaynipa.
9Chay chikniwak runakuna
tukuy tiempu llullata rimansapa.
Tukuy shunku mana allita yuyashpalla kawsansapa.
Chashna sukaman uchasapa kashpankuna
kicharidu asnak sepulturashinami.
10A, Tata Dios,
chay runakunata kastigaysapa
tukuy mana alli yuyanankuna nimapi tukunankunapa.
Uchasapa kashpankuna
mana kasushunayashkankunarayku
ñawpaknikimanta paykunata karkuysapa.
11Ñukaykuna amachawanaykipasapa munashpaynikuna kushikunisapa.
Kushikushpa kantanisapa
kan, Tata Dios, amachawaptikisapa.
Kanta kuyashpaynikuna kushikunisapa
kan yanapawaptikisapa.
12Allita rurashpa kawsaptinikuna
kan, Tata Dios, yanapawankisapa.
Yanapawashpaykisapa suk arkanashina amachawankisapa.
S'ha seleccionat:
SALMO 5: qvs
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 1992, 2008, Wycliffe Bible Translators, Inc. All rights reserved.