SALMO 8
8
Tata Dios runakunata rurarkan kamachikunankunapa.
1A, Tata Dios,
ashwan sinchi kamachiwakninikunami kanki.
Kanmi tukuy allpapi kamachikunki.
Sieluta kawashpaynikuna yachanisapa
sukaman tukuy laya atipak kanaykita.
2Taksha wambrakuna ñuñukuk wambrakuna alabashuptinkuna
riksichinakunki tukuy laya atipak kanaykita.
Chaymanta chiknishuk runakunata
mana kasushunayak runakunata upallayachinki.
3Rurashkayki sieluta kawashpayni
chaypi churashkayki killata luserukunata kawashpayni
4yuyani rurashkayki runakuna mana nima kanankunata.
Chashna mana nima kaptinikuna
¿imapatí yuyawashpa llakichiwankisapa?
5Ñukaykunata rurawashkankisapa yaka angelkunashina yachakta.
Angelkunamanta ashwanta kuyawankisapa kushichiwankisapa.
6Alli yachakta rurawashpaykisapa
willawashkankisapa rurashkaykikunata kamachinaynikunapa.
7Ovejakunata torokunata sachapi mana wiwa animalkunata
kuwashkankisapa ñukaykunapa kanankunapa.
8Sielupi pawak animalkunata
yakupi kawsak challwakunata
tukuy ima yakupi tiyakta
churashkankisapa kamachinaynikunapa.
9A, Tata Dios,
ashwan sinchi kamachikukninikunami kanki.
Tukuy allpapi kamachikunki.
S'ha seleccionat:
SALMO 8: qvs
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 1992, 2008, Wycliffe Bible Translators, Inc. All rights reserved.