Milimo 5
5
Anania na Safila
1Leelo kwali ntu wenga ishina lyaakwe i Anania, ponga nu nchi Safila, wakazizye ichuma, 2nga asya impia zimwi ukumfiso, nu nchi kwene wamanyile, waleta vimwi, wawika apa mulu ya mitume. 3Nga Petlo wavwanga, waati: “Anania, uku chani Shetani watakuzuzya umweso wako ukuifya Mweso Nswefu, nu kusya impia zimwi isha chalo ukumbali? 4Pano chali kunuli, chitali chuma chako? Na pano chalile chakalwa, impia shiyo shitali sha um-maka yako? Nga chili uli wawika iswi li um-mweso wako? Utaifishe untu, leelo waifya Leesa.” 5Lino Anania wapulika amaswi ya wapona pansi wafwa. Ingofi zyayalema antu yoshi yano yapulika. 6Yakatuka alumendo yantela un-syanda, yansenda apanzi ukuyuzyika.
7Nga kazimbo ka nsaa zitatu kasila, unchi nawe awingila, wene atamanyile ichintu chiyo chino ichiloleka. 8Petlo wannena, waati: “Unene, impia zino mukazizye, iziyo kwene?” Nawe wavwanga, waati: “Endita, iziyo kwene.” 9Petlo wannena, waati: “Chili uli umupulikana ukwezya Mweso wa Mwene? Lola, amulu yi yano yazyika uwako yalipo apa nnyango; newe kwene yamkusenda apanzi.” 10Nga apona apa mulu yaakwe liyo kwene, anfwa. Alumendo yaya yingila yansana atafwa, yansenda panzi, yamzyika ponga niya. 11Ingofi zyayalema ikongani lyonsi, na antu yoshi yano yachipulika.
iMitume yachita filangisho ni fipesha-mano
12Ifilangisho ni ifipesha-mano tupu fyaombike uku makasa ya mitume unjantu; nayo yoshi yali nu mweso onga yali undukungu lwi Salomoni. 13Na pa yanji yoshi kusi umwi wino weshisha kulemana nayo, leelo antu yashala yaluyatensha. 14Yano yasumile yungilishika ainji uku Mwene, ayonsi na anachi. 15Apalinji yasyala yalufumya alwale apashi nu kuyawika un-nzila apa visalo na pa vitala, ukuti ngi Petlo wiza, nanti chisau chakwe chemye umwi pali yeneyo. 16Na maumba ya antu aya mizi ya mbali mbali ya Yelusalemu yakongana ukuleta alwale na yano yasunyiwa ni ngulu; yoshi yaposhiwa.
Petlo na Yoane unjela na pa ikolo yasi
17Akatuka Kapela-nkulu na yoshi yano yali ponga nawe—nayo ali iumfi lya aSadukeo—yafyula usuwa. 18Yalema imitume nu kuyawika un-ng'anda-ya-minyololo. 19Leelo malaika wa Mwene usiku ayula imilyango ya ng'anda-ya-minyololo, ayafumya, ati: 20“Yangini mukimilile un-ng'anda-nkulu-iyi-Leesa, muyanene antu amaswi ya yoshi ya Upuma.” 21Nayo pano yapulika, un-ntondo-tondo yingila un-ng'anda-nkulu-iyi-Leesa, yatampa ukusambilisha. Nga Kapela-nkulu awisa, ponga na yano yali nawe, yakonganika antu ya mwitengo, nakombe yoshi ya ana ya Islaeli, yatuma antu uku ng'anda-ya-minyololo, kuti yayalete. 22Na pano aomfi yaya, yaula ukuyazana un-ng'anda-ya-minyololo; yawela nu kuleta imbalu, 23yaati: “Twazana un-ng'anda-ya-minyololo iyazilwe ningo, na yakalolela yimilile apa nnyango; leelo pano twayula, tutasanyile umwi mwenemo.” 24Nga unkulu-wa-asalifi uwa ng'anda-nkulu-iyi-Leesa naikolo iyakapela, pano yapulika ifintu vi, chiyatalila, yaati: “Chamwa uli ichintu chi?” 25Untu wenga awiza ayalandila fino antu yalye yano yatwite un-ng'anda-ya-minyololo, yali un-ng'anda-nkulu-iyi-Leesa, yalusambilizya antu.
26Apano unkulu-wa-asalifi wiyo aya ponga naomfi, yayaleta, leelo kusi ku maka, kuno yofile antu yatayatama na mafinga. 27Nga pano yayaleta, yayatwala umwitengo. Kapela-nkulu wayatondosya, 28waati: “Umwemwe, chene! tutamulesizye uku maka, kuti mutachisambilizya ukwizina li? Nemwe, lolini, imulimvya iYelusalemu amasambilizyo ino, nga mulusita ukuleta uwazi wa ntu wi kuno tuli.” 29Apano Petlo ni mitume yavwanga, yaati: “Chitulungime ukuchindika Leesa ukuluta antu. 30Leesa wi yatata itu watutulwile Yesu, wino mwemwe mwamumozile mwansamika uku chiti. 31Untu wi Leesa wankusha ukwikasa lyaakwe ilya kwilunji, awe Katungulula na Kafyusha, ape aIslaeli ukuvipela nu kwelelwa amaifyo. 32Neswe tuli yasyuta ya ifintu vi ponga nu Mweso Nswefu wino Leesa wapa antu yoshi yano yanchindike.” 33Pano yapulika, iswi liyo lyayatota um-myenzo, yasita ukuyumola.
34Leelo untu umwi um-Faliseo, izina lyaakwe i Gamalieli, nawe Kamanya-wa-Ntambi, wachindikwa na antu yoshi, wimilila umwitengo, walanda ukuti imitume yatane yafume uche. 35Nga wayanena, waati: “Mwe yatata ya mwIslaeli, muchenjele uku chintu chino mukuchita antu ya. 36Kuno pano ifintu fi fichili filoleke, kwalolike Teuda, wino wautensyanga, fino untu nkulu; antu imyanda inni yalemine nawe. Nawe wumoshilwe, na antu yano yannondile, yasambala, chasyala icha uwele-wele. 37Ichisila cha ntu wiyo kukatuka Yuda un-Galilea, apa manda ya kusolosha antu, apalula antu tupu yannondela chisila chakwe; nawe kwene alowa, na yoshi yano yannondile yasambala. 38Ichino ndumunena; Leukini antu ya, yaatini. Kuno ichintu chi, nanti unnimo u, ndi ufumile uku yantu, vyamononeka. 39Leelo ndi ufumile kuli Leesa, mutangi muonone; mutize muloleke fino mulupingula Leesa.” 40Yasumila amaswi yaakwe; nga pano yita imitume, yayuma nga yayasunda yatachivwanga ukwishina li Yesu, apa chisila yayata, yapite.
41Nga yafuma umwitengo yaluchimba, kuno chayalungime yasekelelwa ukwishina liyo. 42Nga manda yoshi un-ng'anda-nkulu-iyi-Leesa num-mang'anda yao, yatatile ukusambilizya nu kusunda iswi-sipe lyi Yesu, fino i Klisto.
S'ha seleccionat:
Milimo 5: FNT1988
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
New Testament in Fipa © United Bible Societies, 1988. Bible Society of Tanzania.
Milimo 5
5
Anania na Safila
1Leelo kwali ntu wenga ishina lyaakwe i Anania, ponga nu nchi Safila, wakazizye ichuma, 2nga asya impia zimwi ukumfiso, nu nchi kwene wamanyile, waleta vimwi, wawika apa mulu ya mitume. 3Nga Petlo wavwanga, waati: “Anania, uku chani Shetani watakuzuzya umweso wako ukuifya Mweso Nswefu, nu kusya impia zimwi isha chalo ukumbali? 4Pano chali kunuli, chitali chuma chako? Na pano chalile chakalwa, impia shiyo shitali sha um-maka yako? Nga chili uli wawika iswi li um-mweso wako? Utaifishe untu, leelo waifya Leesa.” 5Lino Anania wapulika amaswi ya wapona pansi wafwa. Ingofi zyayalema antu yoshi yano yapulika. 6Yakatuka alumendo yantela un-syanda, yansenda apanzi ukuyuzyika.
7Nga kazimbo ka nsaa zitatu kasila, unchi nawe awingila, wene atamanyile ichintu chiyo chino ichiloleka. 8Petlo wannena, waati: “Unene, impia zino mukazizye, iziyo kwene?” Nawe wavwanga, waati: “Endita, iziyo kwene.” 9Petlo wannena, waati: “Chili uli umupulikana ukwezya Mweso wa Mwene? Lola, amulu yi yano yazyika uwako yalipo apa nnyango; newe kwene yamkusenda apanzi.” 10Nga apona apa mulu yaakwe liyo kwene, anfwa. Alumendo yaya yingila yansana atafwa, yansenda panzi, yamzyika ponga niya. 11Ingofi zyayalema ikongani lyonsi, na antu yoshi yano yachipulika.
iMitume yachita filangisho ni fipesha-mano
12Ifilangisho ni ifipesha-mano tupu fyaombike uku makasa ya mitume unjantu; nayo yoshi yali nu mweso onga yali undukungu lwi Salomoni. 13Na pa yanji yoshi kusi umwi wino weshisha kulemana nayo, leelo antu yashala yaluyatensha. 14Yano yasumile yungilishika ainji uku Mwene, ayonsi na anachi. 15Apalinji yasyala yalufumya alwale apashi nu kuyawika un-nzila apa visalo na pa vitala, ukuti ngi Petlo wiza, nanti chisau chakwe chemye umwi pali yeneyo. 16Na maumba ya antu aya mizi ya mbali mbali ya Yelusalemu yakongana ukuleta alwale na yano yasunyiwa ni ngulu; yoshi yaposhiwa.
Petlo na Yoane unjela na pa ikolo yasi
17Akatuka Kapela-nkulu na yoshi yano yali ponga nawe—nayo ali iumfi lya aSadukeo—yafyula usuwa. 18Yalema imitume nu kuyawika un-ng'anda-ya-minyololo. 19Leelo malaika wa Mwene usiku ayula imilyango ya ng'anda-ya-minyololo, ayafumya, ati: 20“Yangini mukimilile un-ng'anda-nkulu-iyi-Leesa, muyanene antu amaswi ya yoshi ya Upuma.” 21Nayo pano yapulika, un-ntondo-tondo yingila un-ng'anda-nkulu-iyi-Leesa, yatampa ukusambilisha. Nga Kapela-nkulu awisa, ponga na yano yali nawe, yakonganika antu ya mwitengo, nakombe yoshi ya ana ya Islaeli, yatuma antu uku ng'anda-ya-minyololo, kuti yayalete. 22Na pano aomfi yaya, yaula ukuyazana un-ng'anda-ya-minyololo; yawela nu kuleta imbalu, 23yaati: “Twazana un-ng'anda-ya-minyololo iyazilwe ningo, na yakalolela yimilile apa nnyango; leelo pano twayula, tutasanyile umwi mwenemo.” 24Nga unkulu-wa-asalifi uwa ng'anda-nkulu-iyi-Leesa naikolo iyakapela, pano yapulika ifintu vi, chiyatalila, yaati: “Chamwa uli ichintu chi?” 25Untu wenga awiza ayalandila fino antu yalye yano yatwite un-ng'anda-ya-minyololo, yali un-ng'anda-nkulu-iyi-Leesa, yalusambilizya antu.
26Apano unkulu-wa-asalifi wiyo aya ponga naomfi, yayaleta, leelo kusi ku maka, kuno yofile antu yatayatama na mafinga. 27Nga pano yayaleta, yayatwala umwitengo. Kapela-nkulu wayatondosya, 28waati: “Umwemwe, chene! tutamulesizye uku maka, kuti mutachisambilizya ukwizina li? Nemwe, lolini, imulimvya iYelusalemu amasambilizyo ino, nga mulusita ukuleta uwazi wa ntu wi kuno tuli.” 29Apano Petlo ni mitume yavwanga, yaati: “Chitulungime ukuchindika Leesa ukuluta antu. 30Leesa wi yatata itu watutulwile Yesu, wino mwemwe mwamumozile mwansamika uku chiti. 31Untu wi Leesa wankusha ukwikasa lyaakwe ilya kwilunji, awe Katungulula na Kafyusha, ape aIslaeli ukuvipela nu kwelelwa amaifyo. 32Neswe tuli yasyuta ya ifintu vi ponga nu Mweso Nswefu wino Leesa wapa antu yoshi yano yanchindike.” 33Pano yapulika, iswi liyo lyayatota um-myenzo, yasita ukuyumola.
34Leelo untu umwi um-Faliseo, izina lyaakwe i Gamalieli, nawe Kamanya-wa-Ntambi, wachindikwa na antu yoshi, wimilila umwitengo, walanda ukuti imitume yatane yafume uche. 35Nga wayanena, waati: “Mwe yatata ya mwIslaeli, muchenjele uku chintu chino mukuchita antu ya. 36Kuno pano ifintu fi fichili filoleke, kwalolike Teuda, wino wautensyanga, fino untu nkulu; antu imyanda inni yalemine nawe. Nawe wumoshilwe, na antu yano yannondile, yasambala, chasyala icha uwele-wele. 37Ichisila cha ntu wiyo kukatuka Yuda un-Galilea, apa manda ya kusolosha antu, apalula antu tupu yannondela chisila chakwe; nawe kwene alowa, na yoshi yano yannondile yasambala. 38Ichino ndumunena; Leukini antu ya, yaatini. Kuno ichintu chi, nanti unnimo u, ndi ufumile uku yantu, vyamononeka. 39Leelo ndi ufumile kuli Leesa, mutangi muonone; mutize muloleke fino mulupingula Leesa.” 40Yasumila amaswi yaakwe; nga pano yita imitume, yayuma nga yayasunda yatachivwanga ukwishina li Yesu, apa chisila yayata, yapite.
41Nga yafuma umwitengo yaluchimba, kuno chayalungime yasekelelwa ukwishina liyo. 42Nga manda yoshi un-ng'anda-nkulu-iyi-Leesa num-mang'anda yao, yatatile ukusambilizya nu kusunda iswi-sipe lyi Yesu, fino i Klisto.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
New Testament in Fipa © United Bible Societies, 1988. Bible Society of Tanzania.