Mateo 14
14
Iifwa yi Yoane Kabatisha
(Mk 6:14-29; Lk 3:19-20; 9:7-9)
1Apa maanda yaalye, umweene Yelodi wapuliika amaswii yi Yesu, wanena aomfi yaakwe, waati: 2“Alawiyo uli Yoane Kabatisha; atatutuluka uku yafwi, ichino amaka yao yaluomba imilimo munalii.”
3Kuno Yelodi walile walema Yoane nu kunnyepa ku minyololo, uku nndaandu wi Yelodia, nka Filipo, unnina, 4kuno Yoane wannenile, waati: “Chifakuyiile wewe ukuwa nawe.” 5Nga pano wakasi ukumumoola, woofile antu, kuno yambwiine Yoane fino ikalausha. 6Na pano wawa uwaanda ukulu uno Yelodi wafilwe, mwaana Yelodia, kachi, wachinile apa yaantu, chasipile Yelodi. 7Chaleka wanndanya ku chilapo waati: “Nankupa chooshi chino wandoomba.” 8Nawe kuno alusunkilishiwa na nyina, ati: “Ngaya untwe wi Yoane Kabatisha un-chiyo.”
9Ngu mweene alola amalaanda, leelo kuno walile watalapa, na kuli yaalye aantu yano yateesi apa chakulya poonga nawe, walaanda kuti apiiwe. 10Atuma untu ayaputula untwe wi Yoane un-ng'anda ya minyololo. 11Nga yaleeta untwe waakwe un-chiyo, yapa unsuungu wiyo, nawe atwaala kuli nyina. 12Alondeshi yaakwe yaya yatoola ichaala chiyo, yashiika; nga yaya yanena Yesu amaswii yao.
Yesu wayapa antu ielfu shisaano ifyakulya
(Mk 6:30-44; Lk 9:10-17; Yn 6:1-14)
13Nga Yesu pano wapulika ichiintu chiyo, atiina kweneko um-waato, aya kuno kuushi aantu, ukunfiso. Na maumba pano yapulika, yalondela uku muulu ukufuma um-misi yao.
14Pano Yesu wafuma um-waato, walola iumba ikulu, ayalolela inkuumbu, ayaposha alwale yao. 15Na pano yaawa mangushi, aloondeshi yaakwe yayiile kunali, yannena, yaati: “Apaantu pa, inyika ntupu, ni laashi lila; ulambalika maumba, yapite um-misi, yakakaale ifyakulya.” 16Leelo Yesu ayanena, ati: “Yataangi yapite. Yapini mweemwe ichakulya.” 17Yannena, yaati; “Tutakwiite chimwi pa, shiko imikate yisanaano niiswi shiyili.” 18Waati: “Ndetelini pa!” 19Wayaneena amaumba yikale apa masote, atola mikate yisaano ni nswi shiyili, walolekesha umwiyulu, wapepelela, wakunyoola wapaaloo alondeshi, nalondeshi yaapa amaumba. 20Yalya yooshi yikuta, yasola ifikunyolwa, ifiviyo ikumi na fiili fiyibifishuulile. 21Na yano yaalile yaali imyanda amakumi yasano ayonsi, nanti kusolozya anachi na anche.
Yesu alupita pa maasi
(Mk 6:45-52; Yn 6:15-21)
22Nga afyengelesha aloondeshi yakwe, yakweele um-waato, yakoleele uku mbalama, pano walambalikaanga amaumba. 23Pano walambalika amaumba, wakwelu ukumwaamba naanti umwi ukumanya, ukuyupepa. Na pano yawa mangushi angali kuwo kweene weenga. 24Nu waato uwo waliile iufika pakashi pali yeemba, nga fino unsa wakoma, amawiimbi yaupumapuma liwaalo ulupelapela. 25Ushiku amasancha, Yesu aya kuno yali, angalupita apiyulu ya maasi pali yeemba. 26Aloondeshi pano yanndola alupita apa maasi apiyulu, yoopa, yaati: “Imikosi!” Yangula uku ngofi. 27Liyo kweene Yesu wayafwasha, waati: “Teekini imyeenzo, mutachoopa; ineene!”
28Petlo wannena, waati: “Mweene, ngu weewe, ngita ngise kunuuli apa maasi.” 29Nawe waati: “Nguuna!” Petlo wiika um-wato, wampita uku muulu apa maasi ukuya kuli Yesu. 30Leelo pano walola unsa, woopa wataampa ukutuwila, waangula, waati: “Mweene, ntuula!” 31Liyo kweene Yesu akatusha ikasa lyaakwe, annema, Wannena, waati: “Uwewe wa usumilo unoono, nga fino watentenganya?” 32Nayo pano yakweela um-waato, unsa washila. 33Nayo yano yali um-waato, yamwinamila, yaati: “Ichuumi, weewe Mwaana wi Leesa.”
Yesu waposha alwaale uku Genesaleti
(Mk 6:53-56)
34Na pano yalaamba, yafika un-nsi ya Genesaleti. 35Na aantu ya penepo pano yammanya, yatuma aantu ukuya un-nsi sha mbali mbali, nndetele yooshi alwaale. 36Yapapata kunalii, yamwi naanti isempele lya mweenda waakwe sile, na yooshi yano yemishe, yaposhie ningo.
S'ha seleccionat:
Mateo 14: FNT1988
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
New Testament in Fipa © United Bible Societies, 1988. Bible Society of Tanzania.
Mateo 14
14
Iifwa yi Yoane Kabatisha
(Mk 6:14-29; Lk 3:19-20; 9:7-9)
1Apa maanda yaalye, umweene Yelodi wapuliika amaswii yi Yesu, wanena aomfi yaakwe, waati: 2“Alawiyo uli Yoane Kabatisha; atatutuluka uku yafwi, ichino amaka yao yaluomba imilimo munalii.”
3Kuno Yelodi walile walema Yoane nu kunnyepa ku minyololo, uku nndaandu wi Yelodia, nka Filipo, unnina, 4kuno Yoane wannenile, waati: “Chifakuyiile wewe ukuwa nawe.” 5Nga pano wakasi ukumumoola, woofile antu, kuno yambwiine Yoane fino ikalausha. 6Na pano wawa uwaanda ukulu uno Yelodi wafilwe, mwaana Yelodia, kachi, wachinile apa yaantu, chasipile Yelodi. 7Chaleka wanndanya ku chilapo waati: “Nankupa chooshi chino wandoomba.” 8Nawe kuno alusunkilishiwa na nyina, ati: “Ngaya untwe wi Yoane Kabatisha un-chiyo.”
9Ngu mweene alola amalaanda, leelo kuno walile watalapa, na kuli yaalye aantu yano yateesi apa chakulya poonga nawe, walaanda kuti apiiwe. 10Atuma untu ayaputula untwe wi Yoane un-ng'anda ya minyololo. 11Nga yaleeta untwe waakwe un-chiyo, yapa unsuungu wiyo, nawe atwaala kuli nyina. 12Alondeshi yaakwe yaya yatoola ichaala chiyo, yashiika; nga yaya yanena Yesu amaswii yao.
Yesu wayapa antu ielfu shisaano ifyakulya
(Mk 6:30-44; Lk 9:10-17; Yn 6:1-14)
13Nga Yesu pano wapulika ichiintu chiyo, atiina kweneko um-waato, aya kuno kuushi aantu, ukunfiso. Na maumba pano yapulika, yalondela uku muulu ukufuma um-misi yao.
14Pano Yesu wafuma um-waato, walola iumba ikulu, ayalolela inkuumbu, ayaposha alwale yao. 15Na pano yaawa mangushi, aloondeshi yaakwe yayiile kunali, yannena, yaati: “Apaantu pa, inyika ntupu, ni laashi lila; ulambalika maumba, yapite um-misi, yakakaale ifyakulya.” 16Leelo Yesu ayanena, ati: “Yataangi yapite. Yapini mweemwe ichakulya.” 17Yannena, yaati; “Tutakwiite chimwi pa, shiko imikate yisanaano niiswi shiyili.” 18Waati: “Ndetelini pa!” 19Wayaneena amaumba yikale apa masote, atola mikate yisaano ni nswi shiyili, walolekesha umwiyulu, wapepelela, wakunyoola wapaaloo alondeshi, nalondeshi yaapa amaumba. 20Yalya yooshi yikuta, yasola ifikunyolwa, ifiviyo ikumi na fiili fiyibifishuulile. 21Na yano yaalile yaali imyanda amakumi yasano ayonsi, nanti kusolozya anachi na anche.
Yesu alupita pa maasi
(Mk 6:45-52; Yn 6:15-21)
22Nga afyengelesha aloondeshi yakwe, yakweele um-waato, yakoleele uku mbalama, pano walambalikaanga amaumba. 23Pano walambalika amaumba, wakwelu ukumwaamba naanti umwi ukumanya, ukuyupepa. Na pano yawa mangushi angali kuwo kweene weenga. 24Nu waato uwo waliile iufika pakashi pali yeemba, nga fino unsa wakoma, amawiimbi yaupumapuma liwaalo ulupelapela. 25Ushiku amasancha, Yesu aya kuno yali, angalupita apiyulu ya maasi pali yeemba. 26Aloondeshi pano yanndola alupita apa maasi apiyulu, yoopa, yaati: “Imikosi!” Yangula uku ngofi. 27Liyo kweene Yesu wayafwasha, waati: “Teekini imyeenzo, mutachoopa; ineene!”
28Petlo wannena, waati: “Mweene, ngu weewe, ngita ngise kunuuli apa maasi.” 29Nawe waati: “Nguuna!” Petlo wiika um-wato, wampita uku muulu apa maasi ukuya kuli Yesu. 30Leelo pano walola unsa, woopa wataampa ukutuwila, waangula, waati: “Mweene, ntuula!” 31Liyo kweene Yesu akatusha ikasa lyaakwe, annema, Wannena, waati: “Uwewe wa usumilo unoono, nga fino watentenganya?” 32Nayo pano yakweela um-waato, unsa washila. 33Nayo yano yali um-waato, yamwinamila, yaati: “Ichuumi, weewe Mwaana wi Leesa.”
Yesu waposha alwaale uku Genesaleti
(Mk 6:53-56)
34Na pano yalaamba, yafika un-nsi ya Genesaleti. 35Na aantu ya penepo pano yammanya, yatuma aantu ukuya un-nsi sha mbali mbali, nndetele yooshi alwaale. 36Yapapata kunalii, yamwi naanti isempele lya mweenda waakwe sile, na yooshi yano yemishe, yaposhie ningo.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
New Testament in Fipa © United Bible Societies, 1988. Bible Society of Tanzania.