Juan 11
11
Lázaro wañunqan
1Betania markachömi Lázaro shutiyuq runa antsa qeshyaykarqan. Tsaychömi panin Maríawan Martapis täkuyarqan.#Luc. 10.38-39. 2(Maríam Jesúspa chakinman perfümita wiñarkur aqtsanwan tsakitsishqa karqan.)#Juan 12.3. 3Lázaro antsa qeshyaptinmi paninkuna juk runata Jesúsman kachakuyarqan: <<Taytay, kuyanqayki Lázarum alläpa antsa qeshyaykan>> ninanpaq.
4Tsaynö willayaptinmi Jesús nirqan: <<Lázaruqa manam wañunqanchö ushakänanpaqtsu qeshyaykan, sinöqa Dios Yaya y Tsurin poderösu kanqanta runakuna musyayänanpaqmi>>.
5Martawan, Maríawan y Lázaruwanmi Jesús kuyanakuyarqan. 6Peru Lázaro antsa qeshyaykanqanta willaptinpis manam sasllatsu aywarqan, sinöqa kaykanqan kaqchö ishkay junaqraqmi qoyarqan. 7Tsaypitanam discïpulunkunata nirqan: <<Judea provinciapa yapay aywashun>>.
8Discïpulunkunanam niyarqan: <<Rabí, qanyankunallaraqmi tsaychö runakuna saqmar wañutsiynikita munayashqa.#Juan 10.31, 39. ¿Tsaynö kaykaptinku kutiyta munaykanki?>>
9Tsaymi Jesús nirqan: <<¿Manaku juk junaqchö chunka ishkay höra kaykan? Junaqpa purirqa aktsita rikarmi runakuna ishkiyantsu.#Juan 8.12; 9.5. 10Peru tutapaypa purirmi sïqa imaykachöpis takakar ishkiyan. Tsaynö ishkiyan paychö aktsi mana kaptinmi>>.#11.10 Tsaykunata parlarmi Jesús nirqan: Hörä manaraq chämuptinqa manam wañutsiyämanqaraqtsu. Tsaynöllam qamkunawan kaykaptïqa ni ima päsayäshunkitsu.
11Tsaypitanam nirqan: <<Amïguntsik Lázaruqa puñukashqallam kaykan. Rikchatsinapaq aku aywashun>>.
12Discïpulunkunanam niyarqan: <<Taytay, puñukashqalla karqa kutikanqam>>.
13<<Lázaro puñukashqallam>> nirqa wañushqa kanqantam Jesús nirqan. Peru discïpulunkunaqa mana tantiyarmi puñukashqalla kanqanta yarpäyarqan. 14Tsaymi Jesús nirqan: <<Lázaruqa rasunpam wañushqa. 15Peru tsaychö mana kanqätam kushikü. Kananmi sïqa noqaman rasunpa creyiyämunki. Pay kaqman aywashun>>.
16Tsaymi Millïshu niyanqan Tomás discïpulu majinkunata nirqan: <<Tsaypunqa Jesúswan paqta wañunapaq aywashun>>.
Wañushqakunata kawatsimunanpaq Jesús poderyuq kanqan
17Betaniaman Jesús chaykuptinnam chusku junaqna Lázaro pamparanqanta willayarqan. 18Jerusalénpita Betaniaman pullan lëwanölla kaptinmi 19atskaq runakuna Martatawan Maríata shoqaq aywayarqan, 20<<Jesúsmi shamuykan>> niyaptinmi tinkuqnin Marta aywarqan. Peru Maríanam wajichö quëdarqan. 21Jesúswan tinkuskirmi Marta nirqan: <<Taytay, kaychö kaptikiqa turï manam wañunmantsu karqan. 22Peru musyämi llapan mañakunqaykitapis Dios Yaya rurananpaq kanqanta>>.
23Jesúsnam nirqan: <<Turikiqa kawamunqam>>.
24Martanam nirqan: <<Taytay, rasunpam musyä día del juiciuchö wañushqakuna kawayämuptin turïpis kawamunanpaq kanqanta>>.#Dan. 12.2.
25Jesúsnam nirqan: <<Noqam wañushqakunata kawatsimuq kä.#Rom. 6.4-5; Col. 2.12; 3.1. Noqaman creyikamuq kaqtam wañuptinpis kawatsimushaq. 26Kawaqkunapis noqaman creyikamurmi mana ushakaq kawayta tariyanqa. ¿Tsayta creyinkiku?>>
27Martanam nirqan: <<Awmi taytay, noqa creyïmi Dios Yayapa Tsurin kanqaykita. Qamqa kay patsaman shamunanpaq kaq Cristum kanki>>.
Lázarupaq Jesús waqanqan
28Tsaynö niskirmi ñañan María kaqman Marta sas kutirqan. Chaykurnam qayaskir rinrinllachö nirqan: <<Jesúsmi chämushqa. Paymi qayashunki>>.
29Tsaymi María saslla aywarqan. 30Jesúsqa manaraqmi markaman charqanraqtsu, sinöqa Martawan tinkuyanqanllachöraqmi kaykarqan. 31Wajipita María saslla yarquqta rikarmi tsaychö kaykaqkuna qepanta aywar niyarqan: <<Turin pamparanqanmanchi waqaq aywan>>.
32Jesús kaqman chaykurmi puntanman qonqurikuykur María nirqan: <<Taytay, qam kaychö kaptikiqa turï manam wañunmantsu karqan>>.
33Maríatawan compañaqninkunata waqaykäyaqta rikarmi Jesúspis alläpa llakikurqan. 34Tsaymi tapurqan: <<¿Maymantan pampayashkanki?>>
Paykunanam niyarqan: <<Taytay, aku rikätsiyäshayki>>.
35Tsaymi Jesúspis waqarqan. 36Waqaptinmi wakin runakuna niyarqan: <<Rikäyay, Lázarutam alläpa kuyashqa>>.
37Wakin kaqnam niyarqan: <<Qapra runatapis kutikaykätsirqa ¿manatsuraq Lázarutapis kutikätsinman karqan?>>
Lázaruta Jesús kawatsimunqan
38Alläpa llakishqam Lázaro pamparanqan machayman Jesús charqan. Machaypa punkunnam jatun rumiwan tsapararqan. 39Jesúsnam nirqan: <<Tsaparaq rumita jipiyay>>.
Tsaynö niptinmi Lázarupa panin Marta nirqan: <<Taytay, chusku junaqnam pamparan. Jankatnach asyan>>.
40Jesúsnam nirqan: <<¿Manaku nishkaq noqaman creyir Dios Yaya poderyuq kanqanta rikänaykipaq?>>
41Tsaynö niptinmi tsaparaq rumita wititsiyarqan. Jesúsnam ciëlupa rikarkur nirqan: <<Taytay, mañakunqaqta wiyamanqaykipitam agradëcikuq. 42Musyämi imaypis wiyamanqaykita. Peru kaychö kaykaq runakuna kachamanqaykita creyiyänanpaqmi mañakamü>>.
43Tsaypitanam Jesús jinchi nirqan: <<¡Lázaro, yarqamuy!>>
44Tsaynö niptinmi kawaskamur uman, makin y chakin wankushqa yarqamurqan. Tsaymi Jesús nirqan: <<Purinanpaq paskayay>>.
Jesústa wañutsiyänanpaq mandakuq sacerdötikuna willanakuyanqan
Mateo 26.1-5; Marcos 14.1-2; Lucas 22.1-2
45Lázaruta kawatsimunqanta rikarmi Maríata compañaqninkuna Jesúsman atskaq creyikuyarqan. 46Peru wakinnam fariseukunaman aywar Lázaruta Jesús kawatsimunqanta willayarqan. 47Tsaymi mandakuq sacerdötikunawan fariseukuna llapan Sanedrín juezkunata qayaskatsir niyarqan: <<Tsay runaqa maytsikatanam milagrukunata ruran. Kananqa ¿imatatan rurashun? 48Dëjaykushqaqa llapan runakunam payman creyikuyanqa. Tsayta musyaskirmi Roma soldädukuna shamur templuntsikta juchuskatsir noqantsiktapis jankat wañutsimäshun>>.
49Tsaynam mas mandakuq sacerdöti Caifás nirqan: <<¡Qamkunaqa manam ni imata musyayankitsu! 50Llapantsik wañunqantsikpa rantin mas allim kanman juk runalla wañuptin. ¿Imanirtan tsayta tantiyayankitsu?>>
51Caifásqa manam kikinpa yarpayllanpitatsu tsaynö nirqan, sinöqa tsay wata mas mandakuq sacerdöti kaptinmi Dios Yaya tantiyatsirqan llapan runakunapa rantin Jesús wañunanpaq kanqanta. 52Manam Israel runakunallapaqtsu wañunan karqan, sinöqa Diospa wamrankuna maytsaychö witsikashqa kaykaqta qorimunanpaqmi. 53Tsay junaqpitam Jesústa wañutsiyänanpaq autoridäkuna willanakuyarqan.
54Tsaymi Israel autoridäkunapita pakayllapa Jesús purirqan. Jerusalénpita discïpulunkunawan Efraín markaman aywarmi tsaychö quëdakuyarqan. Tsay markaqa desiertu cercanchömi kaykan.
55Israel runakunapa Pascua fiestan qallananpaqna kaykaptinmi markankunapita atskaq runakuna purificäkuyänanpaq Jerusalénman aywayarqan. 56Jesústa ashirmi templupa patiunchö juknin jukninpis ninakuyarqan: <<Qamkuna ¿imatatan yarpäyanki? ¿Fiestaman Jesús shamunqatsuraq?>>
57Mandakuq sacerdötikuna y fariseukunam runakunata yachatsiyashqana kayarqan: <<Maychöpis Jesústa rikarqa prësu achkuyänäpaq sas willayämanki>>.
S'ha seleccionat:
Juan 11: qxn
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2011, Wycliffe Bible Translators, Inc. All rights reserved.
Juan 11
11
Lázaro wañunqan
1Betania markachömi Lázaro shutiyuq runa antsa qeshyaykarqan. Tsaychömi panin Maríawan Martapis täkuyarqan.#Luc. 10.38-39. 2(Maríam Jesúspa chakinman perfümita wiñarkur aqtsanwan tsakitsishqa karqan.)#Juan 12.3. 3Lázaro antsa qeshyaptinmi paninkuna juk runata Jesúsman kachakuyarqan: <<Taytay, kuyanqayki Lázarum alläpa antsa qeshyaykan>> ninanpaq.
4Tsaynö willayaptinmi Jesús nirqan: <<Lázaruqa manam wañunqanchö ushakänanpaqtsu qeshyaykan, sinöqa Dios Yaya y Tsurin poderösu kanqanta runakuna musyayänanpaqmi>>.
5Martawan, Maríawan y Lázaruwanmi Jesús kuyanakuyarqan. 6Peru Lázaro antsa qeshyaykanqanta willaptinpis manam sasllatsu aywarqan, sinöqa kaykanqan kaqchö ishkay junaqraqmi qoyarqan. 7Tsaypitanam discïpulunkunata nirqan: <<Judea provinciapa yapay aywashun>>.
8Discïpulunkunanam niyarqan: <<Rabí, qanyankunallaraqmi tsaychö runakuna saqmar wañutsiynikita munayashqa.#Juan 10.31, 39. ¿Tsaynö kaykaptinku kutiyta munaykanki?>>
9Tsaymi Jesús nirqan: <<¿Manaku juk junaqchö chunka ishkay höra kaykan? Junaqpa purirqa aktsita rikarmi runakuna ishkiyantsu.#Juan 8.12; 9.5. 10Peru tutapaypa purirmi sïqa imaykachöpis takakar ishkiyan. Tsaynö ishkiyan paychö aktsi mana kaptinmi>>.#11.10 Tsaykunata parlarmi Jesús nirqan: Hörä manaraq chämuptinqa manam wañutsiyämanqaraqtsu. Tsaynöllam qamkunawan kaykaptïqa ni ima päsayäshunkitsu.
11Tsaypitanam nirqan: <<Amïguntsik Lázaruqa puñukashqallam kaykan. Rikchatsinapaq aku aywashun>>.
12Discïpulunkunanam niyarqan: <<Taytay, puñukashqalla karqa kutikanqam>>.
13<<Lázaro puñukashqallam>> nirqa wañushqa kanqantam Jesús nirqan. Peru discïpulunkunaqa mana tantiyarmi puñukashqalla kanqanta yarpäyarqan. 14Tsaymi Jesús nirqan: <<Lázaruqa rasunpam wañushqa. 15Peru tsaychö mana kanqätam kushikü. Kananmi sïqa noqaman rasunpa creyiyämunki. Pay kaqman aywashun>>.
16Tsaymi Millïshu niyanqan Tomás discïpulu majinkunata nirqan: <<Tsaypunqa Jesúswan paqta wañunapaq aywashun>>.
Wañushqakunata kawatsimunanpaq Jesús poderyuq kanqan
17Betaniaman Jesús chaykuptinnam chusku junaqna Lázaro pamparanqanta willayarqan. 18Jerusalénpita Betaniaman pullan lëwanölla kaptinmi 19atskaq runakuna Martatawan Maríata shoqaq aywayarqan, 20<<Jesúsmi shamuykan>> niyaptinmi tinkuqnin Marta aywarqan. Peru Maríanam wajichö quëdarqan. 21Jesúswan tinkuskirmi Marta nirqan: <<Taytay, kaychö kaptikiqa turï manam wañunmantsu karqan. 22Peru musyämi llapan mañakunqaykitapis Dios Yaya rurananpaq kanqanta>>.
23Jesúsnam nirqan: <<Turikiqa kawamunqam>>.
24Martanam nirqan: <<Taytay, rasunpam musyä día del juiciuchö wañushqakuna kawayämuptin turïpis kawamunanpaq kanqanta>>.#Dan. 12.2.
25Jesúsnam nirqan: <<Noqam wañushqakunata kawatsimuq kä.#Rom. 6.4-5; Col. 2.12; 3.1. Noqaman creyikamuq kaqtam wañuptinpis kawatsimushaq. 26Kawaqkunapis noqaman creyikamurmi mana ushakaq kawayta tariyanqa. ¿Tsayta creyinkiku?>>
27Martanam nirqan: <<Awmi taytay, noqa creyïmi Dios Yayapa Tsurin kanqaykita. Qamqa kay patsaman shamunanpaq kaq Cristum kanki>>.
Lázarupaq Jesús waqanqan
28Tsaynö niskirmi ñañan María kaqman Marta sas kutirqan. Chaykurnam qayaskir rinrinllachö nirqan: <<Jesúsmi chämushqa. Paymi qayashunki>>.
29Tsaymi María saslla aywarqan. 30Jesúsqa manaraqmi markaman charqanraqtsu, sinöqa Martawan tinkuyanqanllachöraqmi kaykarqan. 31Wajipita María saslla yarquqta rikarmi tsaychö kaykaqkuna qepanta aywar niyarqan: <<Turin pamparanqanmanchi waqaq aywan>>.
32Jesús kaqman chaykurmi puntanman qonqurikuykur María nirqan: <<Taytay, qam kaychö kaptikiqa turï manam wañunmantsu karqan>>.
33Maríatawan compañaqninkunata waqaykäyaqta rikarmi Jesúspis alläpa llakikurqan. 34Tsaymi tapurqan: <<¿Maymantan pampayashkanki?>>
Paykunanam niyarqan: <<Taytay, aku rikätsiyäshayki>>.
35Tsaymi Jesúspis waqarqan. 36Waqaptinmi wakin runakuna niyarqan: <<Rikäyay, Lázarutam alläpa kuyashqa>>.
37Wakin kaqnam niyarqan: <<Qapra runatapis kutikaykätsirqa ¿manatsuraq Lázarutapis kutikätsinman karqan?>>
Lázaruta Jesús kawatsimunqan
38Alläpa llakishqam Lázaro pamparanqan machayman Jesús charqan. Machaypa punkunnam jatun rumiwan tsapararqan. 39Jesúsnam nirqan: <<Tsaparaq rumita jipiyay>>.
Tsaynö niptinmi Lázarupa panin Marta nirqan: <<Taytay, chusku junaqnam pamparan. Jankatnach asyan>>.
40Jesúsnam nirqan: <<¿Manaku nishkaq noqaman creyir Dios Yaya poderyuq kanqanta rikänaykipaq?>>
41Tsaynö niptinmi tsaparaq rumita wititsiyarqan. Jesúsnam ciëlupa rikarkur nirqan: <<Taytay, mañakunqaqta wiyamanqaykipitam agradëcikuq. 42Musyämi imaypis wiyamanqaykita. Peru kaychö kaykaq runakuna kachamanqaykita creyiyänanpaqmi mañakamü>>.
43Tsaypitanam Jesús jinchi nirqan: <<¡Lázaro, yarqamuy!>>
44Tsaynö niptinmi kawaskamur uman, makin y chakin wankushqa yarqamurqan. Tsaymi Jesús nirqan: <<Purinanpaq paskayay>>.
Jesústa wañutsiyänanpaq mandakuq sacerdötikuna willanakuyanqan
Mateo 26.1-5; Marcos 14.1-2; Lucas 22.1-2
45Lázaruta kawatsimunqanta rikarmi Maríata compañaqninkuna Jesúsman atskaq creyikuyarqan. 46Peru wakinnam fariseukunaman aywar Lázaruta Jesús kawatsimunqanta willayarqan. 47Tsaymi mandakuq sacerdötikunawan fariseukuna llapan Sanedrín juezkunata qayaskatsir niyarqan: <<Tsay runaqa maytsikatanam milagrukunata ruran. Kananqa ¿imatatan rurashun? 48Dëjaykushqaqa llapan runakunam payman creyikuyanqa. Tsayta musyaskirmi Roma soldädukuna shamur templuntsikta juchuskatsir noqantsiktapis jankat wañutsimäshun>>.
49Tsaynam mas mandakuq sacerdöti Caifás nirqan: <<¡Qamkunaqa manam ni imata musyayankitsu! 50Llapantsik wañunqantsikpa rantin mas allim kanman juk runalla wañuptin. ¿Imanirtan tsayta tantiyayankitsu?>>
51Caifásqa manam kikinpa yarpayllanpitatsu tsaynö nirqan, sinöqa tsay wata mas mandakuq sacerdöti kaptinmi Dios Yaya tantiyatsirqan llapan runakunapa rantin Jesús wañunanpaq kanqanta. 52Manam Israel runakunallapaqtsu wañunan karqan, sinöqa Diospa wamrankuna maytsaychö witsikashqa kaykaqta qorimunanpaqmi. 53Tsay junaqpitam Jesústa wañutsiyänanpaq autoridäkuna willanakuyarqan.
54Tsaymi Israel autoridäkunapita pakayllapa Jesús purirqan. Jerusalénpita discïpulunkunawan Efraín markaman aywarmi tsaychö quëdakuyarqan. Tsay markaqa desiertu cercanchömi kaykan.
55Israel runakunapa Pascua fiestan qallananpaqna kaykaptinmi markankunapita atskaq runakuna purificäkuyänanpaq Jerusalénman aywayarqan. 56Jesústa ashirmi templupa patiunchö juknin jukninpis ninakuyarqan: <<Qamkuna ¿imatatan yarpäyanki? ¿Fiestaman Jesús shamunqatsuraq?>>
57Mandakuq sacerdötikuna y fariseukunam runakunata yachatsiyashqana kayarqan: <<Maychöpis Jesústa rikarqa prësu achkuyänäpaq sas willayämanki>>.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2011, Wycliffe Bible Translators, Inc. All rights reserved.