Saint Jean 2
2
1Afal name saï name bina‐waïn‐voulou mana an pou Cana guèl Galilée, da ma a Jésus makaou ndourou soko. 2Da kli di Jésus jing njou‐séna bong nèli kéng baï name bina‐waïn‐voulou on. 3Afal ko̱ vin mi o̱tou, ma a Jésus sa hi nè: Kli tane ti ka vin ya. 4Jésus sa hi nè: Waïn, baï aïn ama ba fèn lé? Name ni pane ga gui ya. 5Ma nè mi sa hi njou‐bakarali: Fèn ko̱ kème sa hi oui, oui nding. 6Da ili kone difala‐mbéo mana soko, baï ndingna dofèn toura a Juifli, ili mbéo mi lé mbi mane kèrè bo̱ko̱ séré maléba bo̱ko̱ saï. 7Jésus mi sa hi kli: Oui dou mbi mba ili on bon. Kli dou mbi mba lou zètètè tou. 8Da kème sa hi kli: Kassénaï, oui dou ka hi njou‐ona‐bong pina gnèna laka. Kli dou hi nè tou. 9Ko̱ njou‐ona‐bong pina gnèna laka mi njo mbi on ko̱ tèn vin tou, kè tane tou ya kong ba tèn an hane dé, da njou‐bakarali ko̱ mi dou mbi on mi toutou, njou‐ona‐bong pina gnèna laka di wa waïn, 10ka sa hi nè: Njoukouli bon hi bèla vin hi kli ti dambèl, da afal ko̱ klime njo nyèta, klime hi gara dirikè; da mo pèng bèla vin bi bo̱l tèn kassénaï.
11Titili fèn‐to̱ko̱nakè mono ko̱ Jésus mi nding an pou Cana guèl Galilée, da mono on, kè bi none jonafèn nè kala tou, da njou‐séna bong nèli mi la bilaou‐è.
12Afal on kème diri sé pou Capernaüm, kè jing ma nè da yine nèli, da njou‐séna bong nèli, da klime kaou ndourou name nyè ya.
13Name Pâque a Juifli hèdi tou, da Jésus mi hé sé guè pou Jérusalem. 14Da kè jing njoukouli on ko̱ mi kaou baï jo̱la ndaïyali da badouali, da nguédéli, tèn njou‐komona mbo̱rili ko̱ kaou an bil temple. 15Da afal ko̱ kème mosso baraza sal, kè ni kli jing badouali, da ndaïyali bon tèn kala an bil temple; da kème fan mbo̱ri da mèrèn kon pa, da sokoro tableli kon pa; 16da kè sa hi njoukouli on ko̱ mi jo̱l nguédéli: Oui fan fènli on bon sé kala, oui mosso voula Baba ni mahana ka voul zénacho̱ko̱ ya. 17Njou‐séna bong nèli mi bi laou kli toul baï on ko̱ mi dè:
Binahang toul voulo̱ mi son mi tou.
18Mono, Juifli mi féré sa, ka sa hi nè: Mo to̱ko̱ fèn to̱ko̱nakè ba fèn hi na, baï ko̱ mo nding fèn aïnli lé? 19Jésus mi féré sa, ka sa hi kli: Oui bèngnèrèn temple aïn, da afal name saï yé mè ma tone nè bi siya. 20Mono, Juifli mi sa: Zana temple aïn mane saka bongkè‐nèng‐faltoulkè‐difala‐mbéo tou, da mo ma baï tonakè bi siya ma name saï lé? 21Da kème sa baï toul temple kli‐monè. 22Mono, afal ko̱ kème tome an wora houli tou, njou‐séna bong nèli mi bi laou kli toul baï on ko̱ Jésus mi sa hi kli jinguèl, da klime la Takarata a Ouone bilaou kli, da baïnjaka on ko̱ Jésus mi sa.
23Name ko̱ Jésus mi kaou an pou Jérusalem an gnèna laka Pâque, njoukouli nyèta mi la bilaou ling‐è, afal ko̱ klime ko̱ fèn‐to̱ko̱nakèli on ko̱ kème nding. 24Da Jésus tane ga bi laou‐è toul kli ya, baï ko̱ kème toutou njoukouli bon. 25Kè tane ga ji ba njoukouna mi to̱ko̱ bongbaï a njoukou hi nè ya; baï ko̱ kè fènè mi toutou laou a njoukouli bon.
S'ha seleccionat:
Saint Jean 2: KBN1947
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society in 1947.
Saint Jean 2
2
1Afal name saï name bina‐waïn‐voulou mana an pou Cana guèl Galilée, da ma a Jésus makaou ndourou soko. 2Da kli di Jésus jing njou‐séna bong nèli kéng baï name bina‐waïn‐voulou on. 3Afal ko̱ vin mi o̱tou, ma a Jésus sa hi nè: Kli tane ti ka vin ya. 4Jésus sa hi nè: Waïn, baï aïn ama ba fèn lé? Name ni pane ga gui ya. 5Ma nè mi sa hi njou‐bakarali: Fèn ko̱ kème sa hi oui, oui nding. 6Da ili kone difala‐mbéo mana soko, baï ndingna dofèn toura a Juifli, ili mbéo mi lé mbi mane kèrè bo̱ko̱ séré maléba bo̱ko̱ saï. 7Jésus mi sa hi kli: Oui dou mbi mba ili on bon. Kli dou mbi mba lou zètètè tou. 8Da kème sa hi kli: Kassénaï, oui dou ka hi njou‐ona‐bong pina gnèna laka. Kli dou hi nè tou. 9Ko̱ njou‐ona‐bong pina gnèna laka mi njo mbi on ko̱ tèn vin tou, kè tane tou ya kong ba tèn an hane dé, da njou‐bakarali ko̱ mi dou mbi on mi toutou, njou‐ona‐bong pina gnèna laka di wa waïn, 10ka sa hi nè: Njoukouli bon hi bèla vin hi kli ti dambèl, da afal ko̱ klime njo nyèta, klime hi gara dirikè; da mo pèng bèla vin bi bo̱l tèn kassénaï.
11Titili fèn‐to̱ko̱nakè mono ko̱ Jésus mi nding an pou Cana guèl Galilée, da mono on, kè bi none jonafèn nè kala tou, da njou‐séna bong nèli mi la bilaou‐è.
12Afal on kème diri sé pou Capernaüm, kè jing ma nè da yine nèli, da njou‐séna bong nèli, da klime kaou ndourou name nyè ya.
13Name Pâque a Juifli hèdi tou, da Jésus mi hé sé guè pou Jérusalem. 14Da kè jing njoukouli on ko̱ mi kaou baï jo̱la ndaïyali da badouali, da nguédéli, tèn njou‐komona mbo̱rili ko̱ kaou an bil temple. 15Da afal ko̱ kème mosso baraza sal, kè ni kli jing badouali, da ndaïyali bon tèn kala an bil temple; da kème fan mbo̱ri da mèrèn kon pa, da sokoro tableli kon pa; 16da kè sa hi njoukouli on ko̱ mi jo̱l nguédéli: Oui fan fènli on bon sé kala, oui mosso voula Baba ni mahana ka voul zénacho̱ko̱ ya. 17Njou‐séna bong nèli mi bi laou kli toul baï on ko̱ mi dè:
Binahang toul voulo̱ mi son mi tou.
18Mono, Juifli mi féré sa, ka sa hi nè: Mo to̱ko̱ fèn to̱ko̱nakè ba fèn hi na, baï ko̱ mo nding fèn aïnli lé? 19Jésus mi féré sa, ka sa hi kli: Oui bèngnèrèn temple aïn, da afal name saï yé mè ma tone nè bi siya. 20Mono, Juifli mi sa: Zana temple aïn mane saka bongkè‐nèng‐faltoulkè‐difala‐mbéo tou, da mo ma baï tonakè bi siya ma name saï lé? 21Da kème sa baï toul temple kli‐monè. 22Mono, afal ko̱ kème tome an wora houli tou, njou‐séna bong nèli mi bi laou kli toul baï on ko̱ Jésus mi sa hi kli jinguèl, da klime la Takarata a Ouone bilaou kli, da baïnjaka on ko̱ Jésus mi sa.
23Name ko̱ Jésus mi kaou an pou Jérusalem an gnèna laka Pâque, njoukouli nyèta mi la bilaou ling‐è, afal ko̱ klime ko̱ fèn‐to̱ko̱nakèli on ko̱ kème nding. 24Da Jésus tane ga bi laou‐è toul kli ya, baï ko̱ kème toutou njoukouli bon. 25Kè tane ga ji ba njoukouna mi to̱ko̱ bongbaï a njoukou hi nè ya; baï ko̱ kè fènè mi toutou laou a njoukouli bon.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society in 1947.