Soane 10
10
Sesu, le tausi ovi agamalie
1E maoki, e maoki, e kau pati atu kia koutou, ko leia e leaise ulu i le matapa ki le lotoa ovi, kae kava ki ai i se ganea kese, ko se tagata kaia a ia mo fakamakeke. 2Kae ko leia e ulu i le matapa ko le tagata tausi ovi a ia o le kau ovi. 3E fakamavaa kiate ia e le tagata leo, ti e logo ki lona leo le kau ovi ; e kalagai e ia ana ovi i olatou igoa taki tasi, ti e taki e ia latou ki fafo. 4Ka fakaulu e ia ana ovi totonu fuli ki fafo, e saele a ia i mua o latou ; ti e muli a ovi iate ia, talie e lotou iloa lona leo. 5E leaise lotou muli loa i se tagata kese ; kae e lotou sola loa o mamao meiate ia, talie e leaise lotou iloa le leo o ni tagata kese.
6Na fakasa loa e Sesu le folafola fakatata lena kia latou, kae na leaise lotou matala loa ki le nea leia na masau a ia ki ai.
7Na toe pati loa Sesu kia latou : E maoki, e maoki, e kau pati atu kia koutou, ko au ko le matapa o ovi. 8Ko latou fuli ala na muamua mai iate au, ko ni tagata kaia mo fakamakeke ; kae na leaise fakalogo le kau ovi kia latou. 9Ko au ko le matapa. Kapau e ulu se tasi iate au, e mauli loa a ia ; e ulu loa a ia ki loto ti ulu loa ki fafo, o maua i ai ni faisaga sesega. 10E au fua le tagata kaia o kaia, mo tamate, mo maumaui ; ko au, na kau au o tupu ke maua e le kau ovi le mauli, ti ke lotou maua a ia o lasi ai.
11Ko au ko le tagata tausi ovi agamalie. E soli e le tagata tausi ovi agamalie lona mauli o tupu ko ana ovi. 12Kae ko le tagata gaoi totogi, leia e leaise ko le tagata tausi ovi ti e leaise maua ia le kau ovi, e tio ki le au a le lupo, ti e tiaki e ia le kau ovi, kae sola a ia ; ti e osofi e le lupo le kau ovi, o veteki latou. 13E sola le tagata gaoi totogi, talie ko le tagata gaoi totogi a ia, ti e leaise mamae a ia ki ovi. Ko au ko le tagata tausi ovi agamalie. 14E kau iloa aku ovi, ti e lotou iloa au, 15ofaipe le Tamana e iloa ia au ti mo au e iloa ia le Tamana ; ti e kau soli loku mauli o tupu ko aku ovi. 16Koi i ai foki ni iki a ovi a aku, ala e leikiaise kau ki le lotoa ovi leinei ; e tonu foki ke kau aumai latou ; e lotou logo loa ki loku leo, ti e i ai loa se kau ovi e tasi, mo se tagata tausi ovi e tasi. 17E alofa le Tamana kiate au, talie e kau soli loku mauli, o tupu ke kau toe too a ia. 18E leaise too a ia e se tasi iate au, kae e kau soli a ia, e au totonu ; e kau maua le pule ke soli loku mauli, ti e kau maua le pule ke toe too a ia : Ko le fakatotonu lena na tuku mai kiate au e loku Tamana.
19Na toe mavaevae loa le kau Sutea, o tupu ko folafola ana. 20Na pati loa le toka api o latou : E nofo iate ia se temonio, kua valea a ia ; kolea e kotou fakalogo ai kiate ia ? 21Na pati loa ni iki : E leaise ko folafola ana a se tagata kua ulu ai se temonio ; pe feala ke fakatio e se temonio a mata o se kivi ?
Aso o le fakamea o le fale tapu
22Na fai i Selusalemi le aso lasi o le fakafoou o le fale tapu. Ko le temi momoko lena. 23Na evaeva loa Sesu i le fale tapu, i lalo o le matapa lasi o Salomone. 24Na takatakai loa a ia e le kau Sutea, o pati kiate ia : E kaku kiafea lau taofi matou i le fia ilo ? Kapau ko le Kilisito a koe, fakasa totonu mai kia matou.
25Na tali loa Sesu kia latou : Kua oki i laku fakasa atu kia koutou, kae e leaise kotou tui. Ko gaoi ala e kau fai i le suafa o loku Tamana e fakamaoki kiate au. 26Kae e leaise kotou tui, talie e leaise kotou kau ki aku ovi. 27E logo aku ovi ki loku leo ; e kau iloa latou, ti e lotou muli mai iate au. 28E kau soli kia latou le mauli lee gato ; ti e leaise lotou mate loa i se aso, ti e leaise too loa latou e se tasi mei loku lima. 29Ko loku Tamana, leia na soli ia mai latou kiate au, e lasi ake i tagata fuli ; ti e leaise mafai ke toe too latou e se tasi mei le lima o loku Tamana. 30Ko au mo le Tamana e ma toka tasi.
31Na toe too loa e le kau Sutea ni fatu ke tuki fatui a ia.
32Na pati loa Sesu kia latou : Kua lasi a gaoi malilie kua kau fakatio koutou ki ai mei loku Tamana : ko le gaoi fea leia e kotou tuki fatui ai au ? 33Na tali loa le kau Sutea kiate ia : E leaise motou tuki fatui a koe o tupu ko se gaoi malie, kae tupu ko se fatituu ki le Atua, talie ko koe leia ko se tagata noa, e ke fia Atua. 34Na tali loa Sesu kia latou : Pe leaise tuu koia i lakoutou lao : Na kau pati : ko ni atua koutou ?
35Kapau na fakaigoa e ia ko atua latou ala na fakasa ki ai le folafola a le Atua, ti kapau e leaise feala ke puli le folafola, 36ko leia kua fakatapui e le Tamana, o kakau mai ki le malama nei, e kotou pati kiate ia : E ke fatituu ki le Atua ! talie na kau pati : ko le Alo au o le Atua. 37Kapau e leaise kau fai a gaoi a loku Tamana, aua na kotou tui mai kiate au. 38Kae kapau e kau fai latou, tatau foki pe leaise kotou tui mai kiate au, kotou tui fua ki gaoi ana, o tupu ke kotou iloa ti ke kotou fakamaoki e nofo iate au le Tamana, ti mo au e nofo i le Tamana.
39I le nea lena, na lotou toe afa loa ke too a ia ; kae na mavae loa a ia mei olatou lima.
Mavae o Sesu i Selusalemi
40Na toe ano loa Sesu ki le kauvai o le Solotane, ki le ganea leia na uluaki fai papitema ai Soane. Ti na nofo ai loa a ia. 41Na toka api le kakai leia na au loa kiate ia, ti na lotou pati : Na leaise fai e Soane se milakulo fua e tasi ; kae e maoki a nea fuli ala na fakasa e ia o uiga mo le tagata leinei. 42Ti na tui loa se toka api kiate ia i le ganea lena.
S'ha seleccionat:
Soane 10: FB2000
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Société Biblique de Genève, 2000-2020
Soane 10
10
Sesu, le tausi ovi agamalie
1E maoki, e maoki, e kau pati atu kia koutou, ko leia e leaise ulu i le matapa ki le lotoa ovi, kae kava ki ai i se ganea kese, ko se tagata kaia a ia mo fakamakeke. 2Kae ko leia e ulu i le matapa ko le tagata tausi ovi a ia o le kau ovi. 3E fakamavaa kiate ia e le tagata leo, ti e logo ki lona leo le kau ovi ; e kalagai e ia ana ovi i olatou igoa taki tasi, ti e taki e ia latou ki fafo. 4Ka fakaulu e ia ana ovi totonu fuli ki fafo, e saele a ia i mua o latou ; ti e muli a ovi iate ia, talie e lotou iloa lona leo. 5E leaise lotou muli loa i se tagata kese ; kae e lotou sola loa o mamao meiate ia, talie e leaise lotou iloa le leo o ni tagata kese.
6Na fakasa loa e Sesu le folafola fakatata lena kia latou, kae na leaise lotou matala loa ki le nea leia na masau a ia ki ai.
7Na toe pati loa Sesu kia latou : E maoki, e maoki, e kau pati atu kia koutou, ko au ko le matapa o ovi. 8Ko latou fuli ala na muamua mai iate au, ko ni tagata kaia mo fakamakeke ; kae na leaise fakalogo le kau ovi kia latou. 9Ko au ko le matapa. Kapau e ulu se tasi iate au, e mauli loa a ia ; e ulu loa a ia ki loto ti ulu loa ki fafo, o maua i ai ni faisaga sesega. 10E au fua le tagata kaia o kaia, mo tamate, mo maumaui ; ko au, na kau au o tupu ke maua e le kau ovi le mauli, ti ke lotou maua a ia o lasi ai.
11Ko au ko le tagata tausi ovi agamalie. E soli e le tagata tausi ovi agamalie lona mauli o tupu ko ana ovi. 12Kae ko le tagata gaoi totogi, leia e leaise ko le tagata tausi ovi ti e leaise maua ia le kau ovi, e tio ki le au a le lupo, ti e tiaki e ia le kau ovi, kae sola a ia ; ti e osofi e le lupo le kau ovi, o veteki latou. 13E sola le tagata gaoi totogi, talie ko le tagata gaoi totogi a ia, ti e leaise mamae a ia ki ovi. Ko au ko le tagata tausi ovi agamalie. 14E kau iloa aku ovi, ti e lotou iloa au, 15ofaipe le Tamana e iloa ia au ti mo au e iloa ia le Tamana ; ti e kau soli loku mauli o tupu ko aku ovi. 16Koi i ai foki ni iki a ovi a aku, ala e leikiaise kau ki le lotoa ovi leinei ; e tonu foki ke kau aumai latou ; e lotou logo loa ki loku leo, ti e i ai loa se kau ovi e tasi, mo se tagata tausi ovi e tasi. 17E alofa le Tamana kiate au, talie e kau soli loku mauli, o tupu ke kau toe too a ia. 18E leaise too a ia e se tasi iate au, kae e kau soli a ia, e au totonu ; e kau maua le pule ke soli loku mauli, ti e kau maua le pule ke toe too a ia : Ko le fakatotonu lena na tuku mai kiate au e loku Tamana.
19Na toe mavaevae loa le kau Sutea, o tupu ko folafola ana. 20Na pati loa le toka api o latou : E nofo iate ia se temonio, kua valea a ia ; kolea e kotou fakalogo ai kiate ia ? 21Na pati loa ni iki : E leaise ko folafola ana a se tagata kua ulu ai se temonio ; pe feala ke fakatio e se temonio a mata o se kivi ?
Aso o le fakamea o le fale tapu
22Na fai i Selusalemi le aso lasi o le fakafoou o le fale tapu. Ko le temi momoko lena. 23Na evaeva loa Sesu i le fale tapu, i lalo o le matapa lasi o Salomone. 24Na takatakai loa a ia e le kau Sutea, o pati kiate ia : E kaku kiafea lau taofi matou i le fia ilo ? Kapau ko le Kilisito a koe, fakasa totonu mai kia matou.
25Na tali loa Sesu kia latou : Kua oki i laku fakasa atu kia koutou, kae e leaise kotou tui. Ko gaoi ala e kau fai i le suafa o loku Tamana e fakamaoki kiate au. 26Kae e leaise kotou tui, talie e leaise kotou kau ki aku ovi. 27E logo aku ovi ki loku leo ; e kau iloa latou, ti e lotou muli mai iate au. 28E kau soli kia latou le mauli lee gato ; ti e leaise lotou mate loa i se aso, ti e leaise too loa latou e se tasi mei loku lima. 29Ko loku Tamana, leia na soli ia mai latou kiate au, e lasi ake i tagata fuli ; ti e leaise mafai ke toe too latou e se tasi mei le lima o loku Tamana. 30Ko au mo le Tamana e ma toka tasi.
31Na toe too loa e le kau Sutea ni fatu ke tuki fatui a ia.
32Na pati loa Sesu kia latou : Kua lasi a gaoi malilie kua kau fakatio koutou ki ai mei loku Tamana : ko le gaoi fea leia e kotou tuki fatui ai au ? 33Na tali loa le kau Sutea kiate ia : E leaise motou tuki fatui a koe o tupu ko se gaoi malie, kae tupu ko se fatituu ki le Atua, talie ko koe leia ko se tagata noa, e ke fia Atua. 34Na tali loa Sesu kia latou : Pe leaise tuu koia i lakoutou lao : Na kau pati : ko ni atua koutou ?
35Kapau na fakaigoa e ia ko atua latou ala na fakasa ki ai le folafola a le Atua, ti kapau e leaise feala ke puli le folafola, 36ko leia kua fakatapui e le Tamana, o kakau mai ki le malama nei, e kotou pati kiate ia : E ke fatituu ki le Atua ! talie na kau pati : ko le Alo au o le Atua. 37Kapau e leaise kau fai a gaoi a loku Tamana, aua na kotou tui mai kiate au. 38Kae kapau e kau fai latou, tatau foki pe leaise kotou tui mai kiate au, kotou tui fua ki gaoi ana, o tupu ke kotou iloa ti ke kotou fakamaoki e nofo iate au le Tamana, ti mo au e nofo i le Tamana.
39I le nea lena, na lotou toe afa loa ke too a ia ; kae na mavae loa a ia mei olatou lima.
Mavae o Sesu i Selusalemi
40Na toe ano loa Sesu ki le kauvai o le Solotane, ki le ganea leia na uluaki fai papitema ai Soane. Ti na nofo ai loa a ia. 41Na toka api le kakai leia na au loa kiate ia, ti na lotou pati : Na leaise fai e Soane se milakulo fua e tasi ; kae e maoki a nea fuli ala na fakasa e ia o uiga mo le tagata leinei. 42Ti na tui loa se toka api kiate ia i le ganea lena.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Société Biblique de Genève, 2000-2020