EVASELIO A LUKA 11
11
Akoi e Sesu te faikole ki ana tisipulo
1Nee faikole ia Sesu i he aho i he kogamea. I te osi o tana faikole, nee ui leva e he tahi o ana tisipulo kia ia: Aliki, ako mai kia matou te faikole, o hage ko tona akoi e Soane ki ana tisipulo. 2Nee ui leva e Sesu kia natou: Ka kotou faikole, pea kotou ui: Tamai! Ke tapuha tou huafa; pea ke hau tau pule. 3Foaki mai hamatou pane o te aho taki tahi; 4fakamolemole mai ki amatou agahala, koteuhi e matou fakamolemole foki kia natou e agahala mai kia matou; pea aua naa ke ave matou ki te fakahala.
Folafola o te u kaumea e toko tolu
5Nee toe ui leva e Sesu kia natou: Kapau e mau e he tahi o koutou hona kaumea, pea e alu ia o kumi ia i te maupo, o ui kia ia: Sioku kaumea, foaki mai ni foi pane e tolu, 6koteuhi kua kaku mai he tahi o oku kaumea ki toku api, kae e mole au mau he mea ke foaki age kia ia, 7pea kapau, mai tona loto fale, e tali mai e te kaumea aia kia ia: Aua tau fakakinakina mai kia au, kua mapunu te matapa, pea kua matou momoe, ia au mo aku fanau, e mole feala ke au toe tuu ki oluga o foaki atu ni pane. 8E au fakaha kia koutou, kapau nee mole tuu ia ia o foaki kia ia te u pane koteuhi ko tona kaumea ia ia, e tuu anai ia ia ki oluga o tupu ko tana fakakinakina, pea e ina foaki age anai kia ia te u mea fuli e aoga kia ia. 9Pea ko au, e au fakaha kia koutou: Koutou kole, pea e foaki atu anai kia koutou; koutou kumi, pea e kotou mau anai; koutou fisifisi, pea e avahi atu anai kia koutou. 10Koteuhi ko he tahi pe e kole e ina tali, pea ko ae e kumi e ina mau, pea e avahi anai ki ae e fisifisi.
Folafola o te tamai e tokaga ki ana fanau
11Ko ai te tamai ia koutou e ina foaki anai he foi maka ki tona foha, mo kapau e ina kole age kia ia he moi pane? Pe e ina foaki age anai kia ia he gata, mo kapau e ina kole age he kii ika? 12Pe e ina foaki age anai kia ia he kaui olaola kona, mo kapau e ina kole age kia ia he foi fuai moa? 13Pea kapau leva, ko koutou, ae ko te u mea agakovi, e kotou poto i te foaki o te u mea lelei ki akotou fanau, pe e lahi feafeai anai te foaki e te Tamai i lagi o te Laumalie Maonioni kia natou ae e natou kole age kia ia.
Sesu mo Pelesepu: Te agahala ki te Laumalie Maonioni
14Nee kapu leva e Sesu he temonio ae nee gutu mate. I te mavae a te temonio, nee palalau leva te tagata gutu mate, pea nee punamauli leva te hahai. 15Kae nee ui leva e ihi: E ina kapu te u temonio ia Pelesepu, te pule o te kau temonio. 16Pea ko ihi, o tupu ke ahiahii ia ia, nee natou kole leva kia ia he fakailoga mai te lagi. 17Kae nee iloi e Sesu anatou manatu, pea nee ina ui leva kia natou: Ko te puleaga fuli pe e mavetevete o fakafegai kia ia totonu e maumaui, pea e holo he fale ki he tahi fale. 18Pea kapau e mavete ia Satana o fakafegai kia ia totonu, e tuu feafeai anai tona puleaga, mo kapau e kotou ui e au kapu te kau temonio ia Pelesepu? 19Pea kapau ko au, e au kapu te kau temonio ia Pelesepu, ko okotou foha, e natou kapu te kau temonio ia ai? Koia, e natou liliu anai, natou totonu, ko akotou tui fakamaau. 20Kae kapau e au kapu te kau temonio i te tuhi o te Atua, pea kua hau te puleaga o te Atua kia koutou. 21Kapau e leo e he tagata malohi tona fale aki ni mahafu tau, e malui ana mea fuli e ina mau. 22Kae, kapau e oho mai he tahi ae e malohi age ia ia, o puke ia ia, e ina too ia ia te u mahafu tau fuli ae nee falala ia ki ai, pea e ina tufa ana mea. 23Ko ae e mole kau mo au, e fakafehagai mai kia au, pea ko ae e mole fakamaopoopo mo au, e ina fakamavetevete.
Te toe liliu o te laumalie kovi
24Ka mavae te laumalie uli i he tagata, e alu ia ki ni kogamea magemage, o kumi he malolo. I tana mole mau ia, e ina ui: E au toe liliu anai ki toku fale ae nee au mavae mai ai; 25pea ka kaku ia ia ki ai, e ina mau ia kua hiko mo teuteui. 26Pea e alu leva ia, pea e ina too leva ni ihi age laumalie e fitu e kovi age ia te ia; pea e natou ulu ki te fale, o nofoi ia, pea e kovi age leva te mauli fakamuli o te tagata aia i te uluaki.
27I te lolotoga o te palalau aia a Sesu, nee kalaga leva he fafine mai lotomalie o te hahai o ui kia ia: Manuia te fatu ae nee ina fua ia koe! Manuia te u huhu ae nee na fakahuhu ia koe! 28Pea nee tali leva e Sesu: Manuia age natou e natou fakalogo ki te folafola a te Atua, pea e natou taupau ia!
Fakailoga o Sonasi
29I te fakapupu age o he hahai kaugamalie kia ia, nee kamata ui leva e Sesu kia natou: Ko te taitupu aeni ko he taitupu agakovi; e ina kole he milakulo; e mole foaki anai kia ia he tahi age milakulo i ae o Sonasi. 30Koteuhi, o hage ko Sonasi nee liliu ko he fakailoga ki te kau Ninive, e tatau foki mo te Foha o te tagata, e liliu anai ia ko he fakailoga ki te taitupu aeni. 31E tuu ake anai ki oluga te fafine hau o te saute mo te u tagata o te taitupu aeni i te aho o te fakamaau, pea e ina fakatua anai natou, koteuhi nee hau ia ia mai te u potupotu o te kele o tupu ke fakalogo ki te poto o Salomone; pea koeni, e i ai i heni he tahi ae e lahi age ia Salomone. 32E tutuu ake anai ki oluga te u tagata o Ninive i te aho o te fakamaau mo te taitupu nei, pea e natou fakatua anai natou, koteuhi nee natou fakahemala i te akonaki a Sonasi; kae e i ai i heni he tahi ae e lahi age ia Sonasi.
Folafola o te foi malama mo te foi mata
33E mole tutu e he tahi he malama ke tuku ki he kogamea fakapulipuli pe ke puloui aki he kesi, kae e hili ia ki te hiliaga malama, o tupu ke sio ki te malama ia natou e ulu ki te fale. 34Ko tou mata ko te malama ia o tou sino. Kapau e lelei tou mata, pea e malama tou sino katoa; kae kapau e kovi tou mata, pea e nofo tou sino i te fakapouli. 35Koia, tokaga ki te malama ae e nofo ia koe ke aua naa liliu ia o fakapouli. 36Koia kapau e fakamalamai tou sino katoa, o mole tuku he koga i te fakapouli, e fakamalamai anai tou sino katoa, o hage ko tou fakamalamai e te malama aki tona malama gigila.
Malaia ki te u faliseo mo te u toketa o te lao
37I te lolotoga o te palalau a Sesu, nee kole age leva e he tagata faliseo kia ia ke alu ake o kai i tona api. Nee ulu leva ia ia ki ai, pea nee heka leva ki te laupapa kai. 38Nee sio leva te faliseo mo punamauli i te mole fanofano a Sesu i mua o te kai. 39Kae nee ui leva e te Aliki kia ia: Ko koutou, kau faliseo, e kotou fakamaa te tua o te ipu mo te pa, kae i loto e kotou fonu i te kaihaa mo te agakovi. 40Hahai vale! ko ia ae nee ina gaohi ia tua pe e mole ko ia ae nee ina gohi foki mo loto? 41E lelei age ke kotou foaki ki te kau masiva te mea ae e tuku i loto o akotou ipu mo akotou pa, pea e maa leva te u mea fuli kia koutou.
42Kae malaia kia koutou, kau faliseo! Koteuhi e kotou foaki te vahe hogofulu o te menete*, mo te pekamone, mo te u magisi fuli o te oloto, kae e kotou fakanoai te faitotonu mo te ofa o te Atua: koena la te mea e tonu ke fai, pea ke aua naa fakanoai te u mea ake ae.
43Malaia kia koutou, kau faliseo! Koteuhi e kotou manako ki te u uluaki hekaaga i te u sinakoka, pea e kotou kumi te u fakamalo i te u malae fakafenua.
44Malaia kia koutou! Koteuhi e kotou hage ko ni tanuma ae e mole iloga, pea e haele ai i oluga kae e mole iloi.
45Nee palalau leva he tahi o te kau toketa o te lao, o ui kia ia: Pule, i tau palalau fena, e ke toe valoki ai foki mo matou. 46Pea nee tali leva e Sesu: Malaia foki kia koutou, kau toketa o te lao! Koteuhi e kotou hili ki te hahai ni kavega e faigataa tona amo, pea e mole kotou fakalave kia natou he kaui tuhi pe e tahi o okotou nima.
47Malaia kia koutou! Koteuhi e kotou fau te u tanuma o te kau polofeta, ae nee tamatei e okotou tupuaga. 48E kotou fakamooni i ai ki te u gaue a okotou tupuaga, pea e koutou fakamooni kia natou; koteuhi ko natou, nee natou tamatei te kau polofeta, pea ko koutou, e kotou fau onatou tanuma. 49Koia nee fakaha ai e te poto o te Atua: E au fekaui anai kia natou he u polofeta mo he u apositolo; pea e natou tamatei anai ni ihi mo fakatagai anai ni ihi, 50o tupu ke kumi anai ki te taitupu aeni te toto o te kau polofeta fuli ae nee liligi talu mai te fakatupu o te malamanei, 51mai te toto o Apele o kaku ki te toto o Sakalia, ae nee tamatei i te vaha o te aletale mo te sagatualio o te fale tapu; io, e au fakaha atu kia koutou, e toe kumi anai te u mea aena ki te taitupu aeni.
52Malaia kia koutou, kau toketa o te lao! Koteuhi nee kotou too te kalavi o te poto; nee mole kotou ulu ai ia koutou totonu ki loto, pea nee kotou taofi ia natou ae nee fia ulu ki loto.
53I tana mavae leva i hena, nee kamata palalau fakaitaita leva te kau sekelipa mo te kau faliseo kia ia, pea nee lahi aupito te u mea nee natou fehui kia ia, 54o fai ni puleaki kaka kia ia, ke natou popo he palalau hala mai tona gutu.
S'ha seleccionat:
EVASELIO A LUKA 11: WB2011
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EVASELIO A LUKA 11
11
Akoi e Sesu te faikole ki ana tisipulo
1Nee faikole ia Sesu i he aho i he kogamea. I te osi o tana faikole, nee ui leva e he tahi o ana tisipulo kia ia: Aliki, ako mai kia matou te faikole, o hage ko tona akoi e Soane ki ana tisipulo. 2Nee ui leva e Sesu kia natou: Ka kotou faikole, pea kotou ui: Tamai! Ke tapuha tou huafa; pea ke hau tau pule. 3Foaki mai hamatou pane o te aho taki tahi; 4fakamolemole mai ki amatou agahala, koteuhi e matou fakamolemole foki kia natou e agahala mai kia matou; pea aua naa ke ave matou ki te fakahala.
Folafola o te u kaumea e toko tolu
5Nee toe ui leva e Sesu kia natou: Kapau e mau e he tahi o koutou hona kaumea, pea e alu ia o kumi ia i te maupo, o ui kia ia: Sioku kaumea, foaki mai ni foi pane e tolu, 6koteuhi kua kaku mai he tahi o oku kaumea ki toku api, kae e mole au mau he mea ke foaki age kia ia, 7pea kapau, mai tona loto fale, e tali mai e te kaumea aia kia ia: Aua tau fakakinakina mai kia au, kua mapunu te matapa, pea kua matou momoe, ia au mo aku fanau, e mole feala ke au toe tuu ki oluga o foaki atu ni pane. 8E au fakaha kia koutou, kapau nee mole tuu ia ia o foaki kia ia te u pane koteuhi ko tona kaumea ia ia, e tuu anai ia ia ki oluga o tupu ko tana fakakinakina, pea e ina foaki age anai kia ia te u mea fuli e aoga kia ia. 9Pea ko au, e au fakaha kia koutou: Koutou kole, pea e foaki atu anai kia koutou; koutou kumi, pea e kotou mau anai; koutou fisifisi, pea e avahi atu anai kia koutou. 10Koteuhi ko he tahi pe e kole e ina tali, pea ko ae e kumi e ina mau, pea e avahi anai ki ae e fisifisi.
Folafola o te tamai e tokaga ki ana fanau
11Ko ai te tamai ia koutou e ina foaki anai he foi maka ki tona foha, mo kapau e ina kole age kia ia he moi pane? Pe e ina foaki age anai kia ia he gata, mo kapau e ina kole age he kii ika? 12Pe e ina foaki age anai kia ia he kaui olaola kona, mo kapau e ina kole age kia ia he foi fuai moa? 13Pea kapau leva, ko koutou, ae ko te u mea agakovi, e kotou poto i te foaki o te u mea lelei ki akotou fanau, pe e lahi feafeai anai te foaki e te Tamai i lagi o te Laumalie Maonioni kia natou ae e natou kole age kia ia.
Sesu mo Pelesepu: Te agahala ki te Laumalie Maonioni
14Nee kapu leva e Sesu he temonio ae nee gutu mate. I te mavae a te temonio, nee palalau leva te tagata gutu mate, pea nee punamauli leva te hahai. 15Kae nee ui leva e ihi: E ina kapu te u temonio ia Pelesepu, te pule o te kau temonio. 16Pea ko ihi, o tupu ke ahiahii ia ia, nee natou kole leva kia ia he fakailoga mai te lagi. 17Kae nee iloi e Sesu anatou manatu, pea nee ina ui leva kia natou: Ko te puleaga fuli pe e mavetevete o fakafegai kia ia totonu e maumaui, pea e holo he fale ki he tahi fale. 18Pea kapau e mavete ia Satana o fakafegai kia ia totonu, e tuu feafeai anai tona puleaga, mo kapau e kotou ui e au kapu te kau temonio ia Pelesepu? 19Pea kapau ko au, e au kapu te kau temonio ia Pelesepu, ko okotou foha, e natou kapu te kau temonio ia ai? Koia, e natou liliu anai, natou totonu, ko akotou tui fakamaau. 20Kae kapau e au kapu te kau temonio i te tuhi o te Atua, pea kua hau te puleaga o te Atua kia koutou. 21Kapau e leo e he tagata malohi tona fale aki ni mahafu tau, e malui ana mea fuli e ina mau. 22Kae, kapau e oho mai he tahi ae e malohi age ia ia, o puke ia ia, e ina too ia ia te u mahafu tau fuli ae nee falala ia ki ai, pea e ina tufa ana mea. 23Ko ae e mole kau mo au, e fakafehagai mai kia au, pea ko ae e mole fakamaopoopo mo au, e ina fakamavetevete.
Te toe liliu o te laumalie kovi
24Ka mavae te laumalie uli i he tagata, e alu ia ki ni kogamea magemage, o kumi he malolo. I tana mole mau ia, e ina ui: E au toe liliu anai ki toku fale ae nee au mavae mai ai; 25pea ka kaku ia ia ki ai, e ina mau ia kua hiko mo teuteui. 26Pea e alu leva ia, pea e ina too leva ni ihi age laumalie e fitu e kovi age ia te ia; pea e natou ulu ki te fale, o nofoi ia, pea e kovi age leva te mauli fakamuli o te tagata aia i te uluaki.
27I te lolotoga o te palalau aia a Sesu, nee kalaga leva he fafine mai lotomalie o te hahai o ui kia ia: Manuia te fatu ae nee ina fua ia koe! Manuia te u huhu ae nee na fakahuhu ia koe! 28Pea nee tali leva e Sesu: Manuia age natou e natou fakalogo ki te folafola a te Atua, pea e natou taupau ia!
Fakailoga o Sonasi
29I te fakapupu age o he hahai kaugamalie kia ia, nee kamata ui leva e Sesu kia natou: Ko te taitupu aeni ko he taitupu agakovi; e ina kole he milakulo; e mole foaki anai kia ia he tahi age milakulo i ae o Sonasi. 30Koteuhi, o hage ko Sonasi nee liliu ko he fakailoga ki te kau Ninive, e tatau foki mo te Foha o te tagata, e liliu anai ia ko he fakailoga ki te taitupu aeni. 31E tuu ake anai ki oluga te fafine hau o te saute mo te u tagata o te taitupu aeni i te aho o te fakamaau, pea e ina fakatua anai natou, koteuhi nee hau ia ia mai te u potupotu o te kele o tupu ke fakalogo ki te poto o Salomone; pea koeni, e i ai i heni he tahi ae e lahi age ia Salomone. 32E tutuu ake anai ki oluga te u tagata o Ninive i te aho o te fakamaau mo te taitupu nei, pea e natou fakatua anai natou, koteuhi nee natou fakahemala i te akonaki a Sonasi; kae e i ai i heni he tahi ae e lahi age ia Sonasi.
Folafola o te foi malama mo te foi mata
33E mole tutu e he tahi he malama ke tuku ki he kogamea fakapulipuli pe ke puloui aki he kesi, kae e hili ia ki te hiliaga malama, o tupu ke sio ki te malama ia natou e ulu ki te fale. 34Ko tou mata ko te malama ia o tou sino. Kapau e lelei tou mata, pea e malama tou sino katoa; kae kapau e kovi tou mata, pea e nofo tou sino i te fakapouli. 35Koia, tokaga ki te malama ae e nofo ia koe ke aua naa liliu ia o fakapouli. 36Koia kapau e fakamalamai tou sino katoa, o mole tuku he koga i te fakapouli, e fakamalamai anai tou sino katoa, o hage ko tou fakamalamai e te malama aki tona malama gigila.
Malaia ki te u faliseo mo te u toketa o te lao
37I te lolotoga o te palalau a Sesu, nee kole age leva e he tagata faliseo kia ia ke alu ake o kai i tona api. Nee ulu leva ia ia ki ai, pea nee heka leva ki te laupapa kai. 38Nee sio leva te faliseo mo punamauli i te mole fanofano a Sesu i mua o te kai. 39Kae nee ui leva e te Aliki kia ia: Ko koutou, kau faliseo, e kotou fakamaa te tua o te ipu mo te pa, kae i loto e kotou fonu i te kaihaa mo te agakovi. 40Hahai vale! ko ia ae nee ina gaohi ia tua pe e mole ko ia ae nee ina gohi foki mo loto? 41E lelei age ke kotou foaki ki te kau masiva te mea ae e tuku i loto o akotou ipu mo akotou pa, pea e maa leva te u mea fuli kia koutou.
42Kae malaia kia koutou, kau faliseo! Koteuhi e kotou foaki te vahe hogofulu o te menete*, mo te pekamone, mo te u magisi fuli o te oloto, kae e kotou fakanoai te faitotonu mo te ofa o te Atua: koena la te mea e tonu ke fai, pea ke aua naa fakanoai te u mea ake ae.
43Malaia kia koutou, kau faliseo! Koteuhi e kotou manako ki te u uluaki hekaaga i te u sinakoka, pea e kotou kumi te u fakamalo i te u malae fakafenua.
44Malaia kia koutou! Koteuhi e kotou hage ko ni tanuma ae e mole iloga, pea e haele ai i oluga kae e mole iloi.
45Nee palalau leva he tahi o te kau toketa o te lao, o ui kia ia: Pule, i tau palalau fena, e ke toe valoki ai foki mo matou. 46Pea nee tali leva e Sesu: Malaia foki kia koutou, kau toketa o te lao! Koteuhi e kotou hili ki te hahai ni kavega e faigataa tona amo, pea e mole kotou fakalave kia natou he kaui tuhi pe e tahi o okotou nima.
47Malaia kia koutou! Koteuhi e kotou fau te u tanuma o te kau polofeta, ae nee tamatei e okotou tupuaga. 48E kotou fakamooni i ai ki te u gaue a okotou tupuaga, pea e koutou fakamooni kia natou; koteuhi ko natou, nee natou tamatei te kau polofeta, pea ko koutou, e kotou fau onatou tanuma. 49Koia nee fakaha ai e te poto o te Atua: E au fekaui anai kia natou he u polofeta mo he u apositolo; pea e natou tamatei anai ni ihi mo fakatagai anai ni ihi, 50o tupu ke kumi anai ki te taitupu aeni te toto o te kau polofeta fuli ae nee liligi talu mai te fakatupu o te malamanei, 51mai te toto o Apele o kaku ki te toto o Sakalia, ae nee tamatei i te vaha o te aletale mo te sagatualio o te fale tapu; io, e au fakaha atu kia koutou, e toe kumi anai te u mea aena ki te taitupu aeni.
52Malaia kia koutou, kau toketa o te lao! Koteuhi nee kotou too te kalavi o te poto; nee mole kotou ulu ai ia koutou totonu ki loto, pea nee kotou taofi ia natou ae nee fia ulu ki loto.
53I tana mavae leva i hena, nee kamata palalau fakaitaita leva te kau sekelipa mo te kau faliseo kia ia, pea nee lahi aupito te u mea nee natou fehui kia ia, 54o fai ni puleaki kaka kia ia, ke natou popo he palalau hala mai tona gutu.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland