EVASELIO A LUKA 6
6
Sesu, pule o te sapato
1I he aho sapato, ae nee higoa ko te lua-uluaki, nee fakalaka leva ia Sesu i ni gaueaga fulumeto. Pea nee fusi leva e ana tisipulo ni kaui fulumeto o kai, i te osi o tanatou milihi natou i onatou nima. 2Nee ui leva e ni kau faliseo kia natou: Kotea e kotou fai ai te mea ae e mole gafua ke fai i te aho o te sapato? 3Nee tali leva e Sesu kia natou: Pe nee mole kotou lau te mea nee fai e Tavite, i te temi nee fia kai ai leva, ia ia mo natou nee nonofo mo ia; 4pe nee feafeai tana ulu ki te fale o te Atua, o too te u pane o te molaga o kai, pea nee ina toe foaki foki kia natou ae nee nonofo mo ia; kae nee gafua pe ki te kau tagata faisakilifisio ke kai ki ai? 5Nee ui leva e Sesu kia natou: Ko te foha o te tagata e ko te pule foki o te sapato.
Fakamauli o he tagata i te sapato
6I he tahi sapato, nee ulu leva ia Sesu ki te sinakoka, o akonaki i ai. Pea nee nofo i ai he tagata ae nee mate tona nima matau. 7Nee lama leva ia Sesu e te kau sekelipa mo te kau faliseo, pe e ina fai anai he fakamauli i te aho o te sapato, o tupu ke natou mau he mea ke fakalakahalai ai ia ia. 8Kae i tana iloi anatou manatu, nee ina ui leva ki te tagata nima mate: Tuu ki oluga, pea ke tuu i he i lotomalie. Nee tuu ake leva ia ia ki oluga, o tuu i lotomalie. 9Nee ui leva e Sesu kia natou: E au fehui atu kia koutou pe e fakagafua e te lao ke fai i he aho o te sapato he mea lelei pee ko he mea kovi, ke haofaki ai he mauli o he tagata pee ke tamatei ai ia ia? 10Pea nee sio haele leva ia Sesu kia natou fuli, pea nee ina ui leva ki te tagata: Faoi tou nima. Pea nee ina fai leva, pea nee mauli leva tona nima.
11Kae nee natou fonu leva i te ita, pea nee natou fakakaukau leva pe kotea ke natou fai kia Sesu.
Filifili e Sesu ana tisipulo
12I te temi aia, nee alu leva ia Sesu ki te mouga o faikole, pea nee nofo leva ia ia i te po katoa o faikole ki te Atua. 13I te mafoa ake o te aho, nee ina paui leva ana tisipulo, pea nee ina filifili leva he toko hogofulu ma lua ia natou, ae nee ina tuku leva ki ai te higoa ko apositolo:
14ko Simone, ae nee ina fakahigoa ko Petelo; mo Atelea, tona tehina; mo Sakopo; mo Soane; mo Filipo; mo Patolomeo; 15mo Mateo; mo Toma; mo Sakopo, foha o Alefeo; mo Simone, nee higoa ko te selote, 16mo Suta, foha o Sakopo; pea mo Sutasi Isekaliote, ae nee liliu leva ko te tagata fakataga.
Akonaki i te mouga
17Nee hifo leva ia Sesu mo natou, pea nee tuu leva ia ia i he kogamea laulelei, ae nee nofo ai ana tisipulo, pea mo he hahai kaugamalie mai Sutea, mo Selusalemi, pea mo te matatai o Tile mo Sitone. Nee natou omai o fakalogologo kia ia, pea ke fakamauli natou i onatou mahaki. 18Ko natou ae nee fakamamahii e te u laumalie uli nee fakamauli natou. 19Pea nee kumi e te hahai katoa ke fafa kia ia, koteuhi nee hau maia ia he malohi o fakamauli natou fuli.
Tapuakina o te kau tisipulo
20Pea nee tagaki leva e Sesu ona mata ki ana tisipulo, o ui: Manuia koutou e masiva, koteuhi a koutou te puleaga o te Atua!
21Manuia koutou e fia kai i te lakaga aeni, koteuhi e kotou makona anai! Manuia koutou e fetagihi i te lakaga nei koteuhi e kotou nofo anai i te fiafia! 22Manuia anai koutou, moka e fehia anai te hahai kia koutou, moka e kapu anai koutou, moka e laukovi anai kia koutou, pea moka e siaki fakakovii anai okotou higoa, o tupu ko te foha o te tagata! 23Koutou fiafia i te aho aena pea kotou hopohopo i te fiafia, koteuhi e lahi anai tokotou fakapale i te lagi; koteuhi nee fena te fai e anatou tamai ki te kau polofeta.
24Kae, malaia kia koutou, kau maukoloa, koteuhi kua kotou mau tokotou fimalie! 25Malaia kia koutou ae e makokona i te temi nei koteuhi e koutou fia kai anai!
Malaia kia koutou ae e kata i te temi nei, koteuhi e kotou nofo anai i te putu mo te u loimata!
26Malaia, moka e palalau lelei anai te hahai fuli kia koutou, koteuhi nee fai fena anatou tamai ki te kau polofeta loi!
Ofa ki te u fili
27Kae e au ui atu kia koutou, kia koutou ae e fakalogo mai kia au: Koutou oofa ki okotou fili, koutou fai te lelei kia natou ae e fehihia mai kia koutou, 28koutou tapuaki kia natou ae e natou tutukui koutou, koutou hufaki natou ae e natou gaohi kovii koutou. 29Kapau e paaki ia koe e he tahi i he kauahe, toe momoli foki kia ia mo te tahi kauahe. Kapau e too e he tahi tou pulupulu aua naa ke taofi ke toe too foki mo tou kofu loto. 30Foaki ki ae e kole atu kia koe, pea aua naa ke fakaala tou koloa ki ae nee ina too. 31Ko te mea ae e kotou loto ke fai e te tagata kia koutou, koutou fai ia ia kia natou. 32Kapau e kotou ofa pe kia natou ae e ofa atu kia koutou, kotea e fakafetai ai anai kia koutou? E ofa foki te kau agahala kia natou ae e ofa age kia natou. 33Kapau e kotou agalelei pe kia natou ae agalelei atu kia koutou, kotea e fakafetai ai anai kia koutou? E fai fena foki te kau agahala. 34Pea kapau e kotou foaki pe kia natou ae e kotou talitali ke mau mai ai he mea, kotea e fakafetai ai anai kia kotou? E foaki foki e te kau agahala ki te kau agahala, o tupu ke toe fakaliliu age kia natou. 35Kae kotou ofa ki okotou fili, kotou fai te lelei, pea kotou foaki hala talitali ke fakaliliu atu. Pea e lahi anai tokotou fakapale, pea e kotou liliu anai ko te u foha o te Matuaki-Maoluga. Koteuhi e agalelei ia ia ki te kau mauligalo mo te kau agakovi. 36Koia kotou manavaofa, o hage ko tokotou tamai e fonu i te manavaofa.
Aua naa kotou fakamaaui
37Aua pe naa kotou fakamaaui, pea e mole fakamaaui anai koutou; aua pe naa kotou tautea he tahi, pea e mole tautea anai koutou, koutou fakamolemole, pea e fakamolemole atu anai kia koutou. 38Koutou foaki, pea e foaki atu anai kia koutou: E liligi anai ki okotou fatafata he fua lahi, kua lomi, kua tutui, kua fonu gutugutu, koteuhi e fua anai koutou aki te fua nee kotou fakaaoga.
39Nee ina toe fai foki kia natou te folafola fakatata aeni: Pe e feala ke taki e he kivi he tahi kivi? Pe e mole na fetooki anai toko lua ki he luo?
40E mole lahi age te tisipulo i tona pule; kae ko te tisipulo fuli pe kua katoa e hage anai ia ko tona pule.
41Kotea e ke sio ai ki te moi otaota i te mata o tou tehina, kae e mole ke sio ki te foi lalago i tou mata? 42Pe e feafeai tau ui ki tou tehina: Tehina, tuku mai ke au too te moi otaota i tou mata, ia koe ae e mole sio ki te foi lalago i tou mata? Malualoi, too mua te foi lalago i tou mata, pea ke sio anai pe e feafeai te too o te moi otaota i te mata o tou tehina.
Folafola o akau e lua mo te fale e lua
43E mole tupu mai he akau lelei ni fua kovi, pee mai he akau kovi ni fua lelei. 44Koteuhi e iloi te akau i tona fua. E mole toli ni fuai fiki i ni vao talatala, pea e mole toli ni fuai vite i ni akau tuituia. 45E too e te tagata agalelei te lelei mai te koloa lelei o tona loto, pea e too e te tagata agakovi te kovi mai te koloa kovi o tona loto; Koteuhi e palalau te gutu mai te mahu o te loto.
Tufuga e lua mo fakatafito e lua
46Kotea e kotou fakahigoa ai au: Aliki, Aliki! Pea e mole kotou fai te mea ae e au palalau ki ai? 47E au fakaha atu anai kia koutou pe e fakatatau kia ai te tagata fuli e hau kia au, e logo ki aku folafola, pea e ina fai natou. 48E tatau ia ia mo he tagata nee ina fakatuu he fale, nee ina keli, nee ina keli o loloto osi, pea nee ina hili te fakatafito ki te utu. Nee to he lomaki, pea nee oho te tafe malohi ki te fale aena, kae nee mole gaugaue ia ia, koteuhi nee fakatuu ia ia ki te utu. 49Kae ko ae e logo ki aku folafola, pea e mole ina fai natou, e tatau ia ia mo he tagata nee ina fakatuu he fale i te kele kae e mole hona fakatafito. Nee oho te tafe malohi ki te fale aena, pea nee holo aipe ia ia, pea nee lahi osi tona maumau.
S'ha seleccionat:
EVASELIO A LUKA 6: WB2011
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EVASELIO A LUKA 6
6
Sesu, pule o te sapato
1I he aho sapato, ae nee higoa ko te lua-uluaki, nee fakalaka leva ia Sesu i ni gaueaga fulumeto. Pea nee fusi leva e ana tisipulo ni kaui fulumeto o kai, i te osi o tanatou milihi natou i onatou nima. 2Nee ui leva e ni kau faliseo kia natou: Kotea e kotou fai ai te mea ae e mole gafua ke fai i te aho o te sapato? 3Nee tali leva e Sesu kia natou: Pe nee mole kotou lau te mea nee fai e Tavite, i te temi nee fia kai ai leva, ia ia mo natou nee nonofo mo ia; 4pe nee feafeai tana ulu ki te fale o te Atua, o too te u pane o te molaga o kai, pea nee ina toe foaki foki kia natou ae nee nonofo mo ia; kae nee gafua pe ki te kau tagata faisakilifisio ke kai ki ai? 5Nee ui leva e Sesu kia natou: Ko te foha o te tagata e ko te pule foki o te sapato.
Fakamauli o he tagata i te sapato
6I he tahi sapato, nee ulu leva ia Sesu ki te sinakoka, o akonaki i ai. Pea nee nofo i ai he tagata ae nee mate tona nima matau. 7Nee lama leva ia Sesu e te kau sekelipa mo te kau faliseo, pe e ina fai anai he fakamauli i te aho o te sapato, o tupu ke natou mau he mea ke fakalakahalai ai ia ia. 8Kae i tana iloi anatou manatu, nee ina ui leva ki te tagata nima mate: Tuu ki oluga, pea ke tuu i he i lotomalie. Nee tuu ake leva ia ia ki oluga, o tuu i lotomalie. 9Nee ui leva e Sesu kia natou: E au fehui atu kia koutou pe e fakagafua e te lao ke fai i he aho o te sapato he mea lelei pee ko he mea kovi, ke haofaki ai he mauli o he tagata pee ke tamatei ai ia ia? 10Pea nee sio haele leva ia Sesu kia natou fuli, pea nee ina ui leva ki te tagata: Faoi tou nima. Pea nee ina fai leva, pea nee mauli leva tona nima.
11Kae nee natou fonu leva i te ita, pea nee natou fakakaukau leva pe kotea ke natou fai kia Sesu.
Filifili e Sesu ana tisipulo
12I te temi aia, nee alu leva ia Sesu ki te mouga o faikole, pea nee nofo leva ia ia i te po katoa o faikole ki te Atua. 13I te mafoa ake o te aho, nee ina paui leva ana tisipulo, pea nee ina filifili leva he toko hogofulu ma lua ia natou, ae nee ina tuku leva ki ai te higoa ko apositolo:
14ko Simone, ae nee ina fakahigoa ko Petelo; mo Atelea, tona tehina; mo Sakopo; mo Soane; mo Filipo; mo Patolomeo; 15mo Mateo; mo Toma; mo Sakopo, foha o Alefeo; mo Simone, nee higoa ko te selote, 16mo Suta, foha o Sakopo; pea mo Sutasi Isekaliote, ae nee liliu leva ko te tagata fakataga.
Akonaki i te mouga
17Nee hifo leva ia Sesu mo natou, pea nee tuu leva ia ia i he kogamea laulelei, ae nee nofo ai ana tisipulo, pea mo he hahai kaugamalie mai Sutea, mo Selusalemi, pea mo te matatai o Tile mo Sitone. Nee natou omai o fakalogologo kia ia, pea ke fakamauli natou i onatou mahaki. 18Ko natou ae nee fakamamahii e te u laumalie uli nee fakamauli natou. 19Pea nee kumi e te hahai katoa ke fafa kia ia, koteuhi nee hau maia ia he malohi o fakamauli natou fuli.
Tapuakina o te kau tisipulo
20Pea nee tagaki leva e Sesu ona mata ki ana tisipulo, o ui: Manuia koutou e masiva, koteuhi a koutou te puleaga o te Atua!
21Manuia koutou e fia kai i te lakaga aeni, koteuhi e kotou makona anai! Manuia koutou e fetagihi i te lakaga nei koteuhi e kotou nofo anai i te fiafia! 22Manuia anai koutou, moka e fehia anai te hahai kia koutou, moka e kapu anai koutou, moka e laukovi anai kia koutou, pea moka e siaki fakakovii anai okotou higoa, o tupu ko te foha o te tagata! 23Koutou fiafia i te aho aena pea kotou hopohopo i te fiafia, koteuhi e lahi anai tokotou fakapale i te lagi; koteuhi nee fena te fai e anatou tamai ki te kau polofeta.
24Kae, malaia kia koutou, kau maukoloa, koteuhi kua kotou mau tokotou fimalie! 25Malaia kia koutou ae e makokona i te temi nei koteuhi e koutou fia kai anai!
Malaia kia koutou ae e kata i te temi nei, koteuhi e kotou nofo anai i te putu mo te u loimata!
26Malaia, moka e palalau lelei anai te hahai fuli kia koutou, koteuhi nee fai fena anatou tamai ki te kau polofeta loi!
Ofa ki te u fili
27Kae e au ui atu kia koutou, kia koutou ae e fakalogo mai kia au: Koutou oofa ki okotou fili, koutou fai te lelei kia natou ae e fehihia mai kia koutou, 28koutou tapuaki kia natou ae e natou tutukui koutou, koutou hufaki natou ae e natou gaohi kovii koutou. 29Kapau e paaki ia koe e he tahi i he kauahe, toe momoli foki kia ia mo te tahi kauahe. Kapau e too e he tahi tou pulupulu aua naa ke taofi ke toe too foki mo tou kofu loto. 30Foaki ki ae e kole atu kia koe, pea aua naa ke fakaala tou koloa ki ae nee ina too. 31Ko te mea ae e kotou loto ke fai e te tagata kia koutou, koutou fai ia ia kia natou. 32Kapau e kotou ofa pe kia natou ae e ofa atu kia koutou, kotea e fakafetai ai anai kia koutou? E ofa foki te kau agahala kia natou ae e ofa age kia natou. 33Kapau e kotou agalelei pe kia natou ae agalelei atu kia koutou, kotea e fakafetai ai anai kia koutou? E fai fena foki te kau agahala. 34Pea kapau e kotou foaki pe kia natou ae e kotou talitali ke mau mai ai he mea, kotea e fakafetai ai anai kia kotou? E foaki foki e te kau agahala ki te kau agahala, o tupu ke toe fakaliliu age kia natou. 35Kae kotou ofa ki okotou fili, kotou fai te lelei, pea kotou foaki hala talitali ke fakaliliu atu. Pea e lahi anai tokotou fakapale, pea e kotou liliu anai ko te u foha o te Matuaki-Maoluga. Koteuhi e agalelei ia ia ki te kau mauligalo mo te kau agakovi. 36Koia kotou manavaofa, o hage ko tokotou tamai e fonu i te manavaofa.
Aua naa kotou fakamaaui
37Aua pe naa kotou fakamaaui, pea e mole fakamaaui anai koutou; aua pe naa kotou tautea he tahi, pea e mole tautea anai koutou, koutou fakamolemole, pea e fakamolemole atu anai kia koutou. 38Koutou foaki, pea e foaki atu anai kia koutou: E liligi anai ki okotou fatafata he fua lahi, kua lomi, kua tutui, kua fonu gutugutu, koteuhi e fua anai koutou aki te fua nee kotou fakaaoga.
39Nee ina toe fai foki kia natou te folafola fakatata aeni: Pe e feala ke taki e he kivi he tahi kivi? Pe e mole na fetooki anai toko lua ki he luo?
40E mole lahi age te tisipulo i tona pule; kae ko te tisipulo fuli pe kua katoa e hage anai ia ko tona pule.
41Kotea e ke sio ai ki te moi otaota i te mata o tou tehina, kae e mole ke sio ki te foi lalago i tou mata? 42Pe e feafeai tau ui ki tou tehina: Tehina, tuku mai ke au too te moi otaota i tou mata, ia koe ae e mole sio ki te foi lalago i tou mata? Malualoi, too mua te foi lalago i tou mata, pea ke sio anai pe e feafeai te too o te moi otaota i te mata o tou tehina.
Folafola o akau e lua mo te fale e lua
43E mole tupu mai he akau lelei ni fua kovi, pee mai he akau kovi ni fua lelei. 44Koteuhi e iloi te akau i tona fua. E mole toli ni fuai fiki i ni vao talatala, pea e mole toli ni fuai vite i ni akau tuituia. 45E too e te tagata agalelei te lelei mai te koloa lelei o tona loto, pea e too e te tagata agakovi te kovi mai te koloa kovi o tona loto; Koteuhi e palalau te gutu mai te mahu o te loto.
Tufuga e lua mo fakatafito e lua
46Kotea e kotou fakahigoa ai au: Aliki, Aliki! Pea e mole kotou fai te mea ae e au palalau ki ai? 47E au fakaha atu anai kia koutou pe e fakatatau kia ai te tagata fuli e hau kia au, e logo ki aku folafola, pea e ina fai natou. 48E tatau ia ia mo he tagata nee ina fakatuu he fale, nee ina keli, nee ina keli o loloto osi, pea nee ina hili te fakatafito ki te utu. Nee to he lomaki, pea nee oho te tafe malohi ki te fale aena, kae nee mole gaugaue ia ia, koteuhi nee fakatuu ia ia ki te utu. 49Kae ko ae e logo ki aku folafola, pea e mole ina fai natou, e tatau ia ia mo he tagata nee ina fakatuu he fale i te kele kae e mole hona fakatafito. Nee oho te tafe malohi ki te fale aena, pea nee holo aipe ia ia, pea nee lahi osi tona maumau.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland