Matt. 2
2
Alokütsümi no Messiah Xuju
1Herod no akükau shi ake ghuloki lo, Judea ghakhu lo Bethlehem lono Jisü punúve kethiu, kipelau no alokütsümiqo#2:1 Momu Magi eno tipau kiqi ye alokütsümiqo ipi ani Jerusalem lo ighino 2ishi iniju, “Jewmiqo kükau punú pe püakeu hu ye khile ani kea? Ningu ye pa yepu ipeghi keu ithulu kehu, pa mülá nike ighi ani.”
3Kughou Akükau Herod no hi chilu keno pa ye amlo lo alokughuno kühave, eno Jerusalem lo xüküami kümtsü pa gholo amlosa küqhae. 4Herod no achinetomi eno ayeza kükütsümiqo kümtsü ku kumqove, eno pa no panongu vilo Messiah ye khilehi no punúni cheni keno iniju. 5Panongu no khochile, “Judea lo Bethlehem phu lonoe, kughengu tungkupumi no ishi yèpüani:
6“ ‘Ikemu O Bethlehem, Judah ghakhu lo akeu,
no ye Judah lo ayekipemiqo dolo aghulou ye kumoe;
kughengu O lau no ayekipemi lakhi ipeghi nani
eno pa no iw Israel timiqo saphe nani.’#2:6 Micah 5:2,4”
7Tipathiu Herod no tuqhou no alokütsümiqo ku eno kiu dolo no ayepu ipeghi keno mütsümishei panongu lau no phupheluve. 8Pa no alokütsümiqo vilo hitoi pi no Bethlehem lo puwu, “Wulo eno tsaqütsalei anu phujulo. Nongu no pa phulu kemtsa I vilo asütsa shilo, tishianguno ni ghí wu no pa mülá nike.”
9Panongu no akükau tsa chiluve kethiu, panongu là lo chesü wuve, eno panongu no ayepu ipeghi keu ithulupüa keu hu no anu punú pe akeu-a tomo ke kutólo panongu zülo ipeghi. 10Kughou panongu no ayepu hu ithulu keno, panongu ye shishe alovive. 11Panongu no aki lo iloghi kelo, angá ye pazá Mary gholo aghí keu ithulu, eno panongu no qhoqhünhe no pa müláe. Tipathiu panongu no panonguw aghò puche keu ikhiphe no ameshoyi, axokütsüngüta eno müsüghüta ishi pesü aghò pa tsüe. 12Eno Herod lau idewo pemo nike Ampeu no asamou no panongu pikichive kehu, panongu ye alaghi kütau lono pano ghakhu lo idewove.
Egypt lo Pokajosü wuve
13Alokütsümiqo no wuve kethiu, kungumi lakhi no asamou no Joseph lau ipeghi. Kungumi hu no pi, “Ithuvelo, angá eno pazá sasü Egypt lo pokajo luvelo. I no O vilo pimo ke kutólo tilau ngo aghílo, kughengu Herod ye anu pìthíve nike ghenguno pa phuju niye shi anie.”
14Ike pa no idaithuve, eno anu ngò anu pazá pama sasü putho lono Egypt lo wuve, 15eno Herod no thimo ke kutólo tilau ngove. Tihu no Ampeu no tungkupumi vechewo ishi pipüa keu shikupuve: “Egypt lono I no I nu kulue.”#2:15 Hosea 11:1
16Kughou Herod no alokütsümiqo no pa pishiqhivea ipikeu ithive keno, pa ye muqhumüzaive, eno pa no Bethlehem eno sükümxa lo anu ampe kini eno tinguno aqhouqo kümtsü pìthíve penike azah tsüve, tiye pa no alokütsümiqo lau no ayepu ipeghi keu do ithive keu kiqiju püzü shike. 17Ike tiye tungkupuu Jeremiah vechewo ishi pipüa keu shikupu ke:
18“Mishiphu Ramah lo asütsa lakhi chilu,
tiye kunotshütshü shi eno ighamuku qa keu ke,
Rachel no li nuliqo ghenguno anhezü-piji qa keu ke,
eno alokughuno tsü keu milive,
kughengu panongu ye thikhave ke.”#2:18 Jere 31:15
Nazareth lo Ideighi keu
19Herod no thive kethiu, Egypt lo asamou no Ampeu’w kungumi lakhi Joseph lau ipeghino 20ishi pi, “Ithuvelo, anu eno pazá pama sasü Israel yeghi lo wulo, kughengu anu küxü luve tsü niye pükapütsa akeqo kümtsü thikhavae.”
21Ike pa no idaithuve, eno anu ngò anu pazá pama sasü Israel yeghi lo wuve. 22Ikemu kughou Judea lo Archelaus no papù Herod theli lo akükau shi ani ipi Joseph no chiluve keno, pa ye tile wuni keu msàve. Ampeu no asamou no pa pikichive kehu, pa ye Galilee tokukujo küdau wuve, 23eno pa ye wu no mishiphu lakhi Nazareth ipikeu lo xüacheuve. Tihu no Jisü ye Nazarene ipi ku nani kepi tungkupumiqo vechewo piqhipüa keu shikupuve ke.
S'ha seleccionat:
Matt. 2: STB
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
Matt. 2
2
Alokütsümi no Messiah Xuju
1Herod no akükau shi ake ghuloki lo, Judea ghakhu lo Bethlehem lono Jisü punúve kethiu, kipelau no alokütsümiqo#2:1 Momu Magi eno tipau kiqi ye alokütsümiqo ipi ani Jerusalem lo ighino 2ishi iniju, “Jewmiqo kükau punú pe püakeu hu ye khile ani kea? Ningu ye pa yepu ipeghi keu ithulu kehu, pa mülá nike ighi ani.”
3Kughou Akükau Herod no hi chilu keno pa ye amlo lo alokughuno kühave, eno Jerusalem lo xüküami kümtsü pa gholo amlosa küqhae. 4Herod no achinetomi eno ayeza kükütsümiqo kümtsü ku kumqove, eno pa no panongu vilo Messiah ye khilehi no punúni cheni keno iniju. 5Panongu no khochile, “Judea lo Bethlehem phu lonoe, kughengu tungkupumi no ishi yèpüani:
6“ ‘Ikemu O Bethlehem, Judah ghakhu lo akeu,
no ye Judah lo ayekipemiqo dolo aghulou ye kumoe;
kughengu O lau no ayekipemi lakhi ipeghi nani
eno pa no iw Israel timiqo saphe nani.’#2:6 Micah 5:2,4”
7Tipathiu Herod no tuqhou no alokütsümiqo ku eno kiu dolo no ayepu ipeghi keno mütsümishei panongu lau no phupheluve. 8Pa no alokütsümiqo vilo hitoi pi no Bethlehem lo puwu, “Wulo eno tsaqütsalei anu phujulo. Nongu no pa phulu kemtsa I vilo asütsa shilo, tishianguno ni ghí wu no pa mülá nike.”
9Panongu no akükau tsa chiluve kethiu, panongu là lo chesü wuve, eno panongu no ayepu ipeghi keu ithulupüa keu hu no anu punú pe akeu-a tomo ke kutólo panongu zülo ipeghi. 10Kughou panongu no ayepu hu ithulu keno, panongu ye shishe alovive. 11Panongu no aki lo iloghi kelo, angá ye pazá Mary gholo aghí keu ithulu, eno panongu no qhoqhünhe no pa müláe. Tipathiu panongu no panonguw aghò puche keu ikhiphe no ameshoyi, axokütsüngüta eno müsüghüta ishi pesü aghò pa tsüe. 12Eno Herod lau idewo pemo nike Ampeu no asamou no panongu pikichive kehu, panongu ye alaghi kütau lono pano ghakhu lo idewove.
Egypt lo Pokajosü wuve
13Alokütsümiqo no wuve kethiu, kungumi lakhi no asamou no Joseph lau ipeghi. Kungumi hu no pi, “Ithuvelo, angá eno pazá sasü Egypt lo pokajo luvelo. I no O vilo pimo ke kutólo tilau ngo aghílo, kughengu Herod ye anu pìthíve nike ghenguno pa phuju niye shi anie.”
14Ike pa no idaithuve, eno anu ngò anu pazá pama sasü putho lono Egypt lo wuve, 15eno Herod no thimo ke kutólo tilau ngove. Tihu no Ampeu no tungkupumi vechewo ishi pipüa keu shikupuve: “Egypt lono I no I nu kulue.”#2:15 Hosea 11:1
16Kughou Herod no alokütsümiqo no pa pishiqhivea ipikeu ithive keno, pa ye muqhumüzaive, eno pa no Bethlehem eno sükümxa lo anu ampe kini eno tinguno aqhouqo kümtsü pìthíve penike azah tsüve, tiye pa no alokütsümiqo lau no ayepu ipeghi keu do ithive keu kiqiju püzü shike. 17Ike tiye tungkupuu Jeremiah vechewo ishi pipüa keu shikupu ke:
18“Mishiphu Ramah lo asütsa lakhi chilu,
tiye kunotshütshü shi eno ighamuku qa keu ke,
Rachel no li nuliqo ghenguno anhezü-piji qa keu ke,
eno alokughuno tsü keu milive,
kughengu panongu ye thikhave ke.”#2:18 Jere 31:15
Nazareth lo Ideighi keu
19Herod no thive kethiu, Egypt lo asamou no Ampeu’w kungumi lakhi Joseph lau ipeghino 20ishi pi, “Ithuvelo, anu eno pazá pama sasü Israel yeghi lo wulo, kughengu anu küxü luve tsü niye pükapütsa akeqo kümtsü thikhavae.”
21Ike pa no idaithuve, eno anu ngò anu pazá pama sasü Israel yeghi lo wuve. 22Ikemu kughou Judea lo Archelaus no papù Herod theli lo akükau shi ani ipi Joseph no chiluve keno, pa ye tile wuni keu msàve. Ampeu no asamou no pa pikichive kehu, pa ye Galilee tokukujo küdau wuve, 23eno pa ye wu no mishiphu lakhi Nazareth ipikeu lo xüacheuve. Tihu no Jisü ye Nazarene ipi ku nani kepi tungkupumiqo vechewo piqhipüa keu shikupuve ke.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.