Lukas 22
22
Sé tonaas né walian nimaesaan i munu' si Yesus
(Mat. 26:1-5; Mrk. 14:1-2; Yoh. 11:45-53)
1 #
Kel. 12:1-27
Un endo mahpésta i lumé'os un endo Roti Zéi'kan Rinagian um pahkuan Paskah én zéi'mo uré. 2Sé tonaas né walian karia né tou tulap un Torat é menéro-néro lalan kura wo séra toro munu' si Yesus karia i mahwuni-wuni, pahpaan ni séra é maindé' wia sé tou lakez.
Si Yudas gimenango i mayo si Yesus
(Mat. 26:14-16; Mrk. 14:10-11)
3A si tonaas né sétang nimuntepa wia si Yudas, si pahkuan Iskariot, si esaané wia sé mapulu' wo zua pahtuzu'en ni Yesus. 4Si Yudas mangé wia sé tonaas né walian wo wia sé tonaas né mahtéiz um Walé ni Opo Empung i sumirita karia néra, kura wo toro iayona si Yesus wia ni séra. 5Ni séra én totoz mahpaa-paaz a séra mahesaala i méhé zoit wia si Yudas. 6Si Yudas ém paaz, rengané in toro niitu ni sia menéro-néro un oras i mayo si Yesus wia ni séra zéi'kan kata'uan né tou lakez.
Si Yesus nimatu sé zua pahtuzu'en-Na
(Mat. 26:17-25; Mrk. 14:12-21; Yoh. 13:21-30)
7An ikaayola séra witu un endo mahpésta i lumé'os un endo Roti Zéi'kan Rinagian, un endo né tou léwo'zéi' ing kumeriz domba i lumé'os un endo Paskah. 8A si Yesus matuma si Petrus wo si Yohanes, kuan-Na, “Mangémo wo maimekela un tikohon kanenta i lumé'os un endo Paskah.”
9Ni séra zua meligau wia ni Sia, “Wisa ung kapaaz-Mu i maimekan nai?”
10Am wingkoten-Nala, “Sa kamu muntepla witu um wanua tua'na, ni kamu é mahilekan karia ni tuama mahali-ali ung kuré' tinahu'an un zano. Kumiitoma ni sia witu um walé untepannama, 11wo ikuala wia si makawalé, ‘Si Méster é meligau wia ni ko, wisa un tampa-Ku ing kuman karia né pahtuzu'eng-Ku i lumé'os un endo Paskah?’ 12Si makawalé itii én tumuzu' wia ni kamu um porés selah witu un atas um walé wo am pemandungen é sana witumo, witu u léwo'zéi' in imekan nioula.”
13A si Petrus wo si Yohanes mangé. Maileken néra én tanu u méikuama ni Yesus wia ni séra. A séra mimekla i lumé'os um Paskah.
Si Yesus wo sé aatu-Na mahkan mahwali-wali witu un endo Paskah
(Mat. 26:20-29; Mrk. 14:17-25; Yoh. 13:21-30; 1Kor. 11:23-25)
14I méikaayomola witu un orasna, si Yesus rimumez ing kuman mahwali-wali karia né aatu-Na. 15Ang kuan-Na wia ni séra, “Ni Aku én totoz paaz ing kuman mahwali-wali karia niou in endo Paskah kenu, puunala ni Aku i mazézéha. 16Pahpaan ikua-Kuma wia ni kamu: ni Aku én zéi'mo makuman mahwali-wali karia niou makaz ung kalakoan um Paskah itii malekep im witi Kakolanoan ni Opo Empung.”
17A si Yesus méndomé un eelepan tinahu'an anggor ang kumua u makasé wia si Opo Empung, ang kuan-Na, “Éndona ung kenu wo wéténg nioula. 18Pahpaan ikua-Kuma wia ni kamu: Rengana in tarékan, ni Aku én zéi'mo mahele-elepla un anggor makaz ung Kakolanoan ni Opo Empung i méyé.”
19A Sia méndomé u roti, kumuama u makasé wia si Opo Empung, pemété-météngen-Nala u roti itii, ipahwéhé-Nama wia ni séra, ang kuan-Na, “Ung kenumo un awak-Ku u méiayo wia ni kamu; pahwangunela niia ing gumenang ni Aku.” 20#Yer. 31:31-34 Téntu kangkasii um winangun-Na i nimakaapumola. Ni Sia niméndomé um pengengelepan tinahu'an un anggor ang kumua, “Um pengengelepan kenu ém pinataazan weru ni Opo Empung u nienté' karia un zaha'-Ku, un isaroi wia ni kamu.
21 #
Mzm. 41:10
Taan, ilekené, si tou mayo ni Aku é memali-mali karia-Ku witu u méja kenu. 22Pahpaan si Oki' ni Tou é léwo'zéi' i maté tanu un tinotozo ni Opo Empung, taan ikaléwo'la si tou mayo ni Sia!” 23A séra rengan i mahliligauan tumoro séi si esaané im wia ni séra si mamangun niitu.
Um Pahéndo-éndoan tumoro séi si totoz ipahpuu-puuna
24 #
Mat. 18:1; Mrk. 9:34; Luk. 9:46 Sé pahtuzu'en ni Yesus é mahéndo-éndoan tumoro séi si totoz ipahpuu-puuna im wia ni séra. 25#Mat. 20:25-27; Mrk. 10:42-44 Ang kuan ni Yesus wia ni séra, “Sé kolano né tahsasana wanua sé zéi'kan mata'u si Opo Empung, i mahperénta sé touna é mengiit um paaz néra in esa wo sé mahkawasa itii ém pahkuan kumekelung. 26#Mat. 23:11; Mrk. 9:35 Taan ni kamu én zéi'kan toro mahwangun un tanu niitu. Séi si totoz wangko' im wia ni kamu é maéndomola tanu si totoz kori' wo si tonaas é maéndomola tanu si menenelewir. 27#Yoh. 13:12-15 Pahpaan séi wé si totoz wangko', si rimumez mahkan kaapa si mahselewir? Zéi'kankuaa si rimumez mahkan? Taan ni Aku ém witu un unez niou mahselewir ni kamu.
28Ni kamu sekezé é memali-mali karia-Ku im wana am pema'wa'en am pengaling-Ku. 29Niitumo ni kamu ém wéhang-Ku ung kakolanoan tanu si Ama'-Ku niméhé ung kakolanoan wia ni Aku. 30#Mat. 19:28 Karia in téntu ni kamu én toro mahkan wo mahelep mahwali-wali karia-Ku witi Kakolanoang-Ku. Ni kamu kasii é marumumez witu u rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.”
Si Yesus nimapata'u i si Simon Petrus é makumélong ni Sia
(Mat. 26:31-35; Mrk. 14:27-31; Yoh. 13:36-38)
31Ang kuan ni Yesus wia si Simon Petrus, “Simon, Simon, amoké talinganuma ung kenu! Si tonaas né sétang é nimenutu'momé i mema'wa' ni kamu wo ni kamu én tanumokan ang gandum im pahgéigéien wo ikatampasé witu un itingna. 32Taan ni Aku é nimengaléio ni ko wo um pa'émanennu zéi'kan mazéi'. Wo sa ko mawurimomé sumaup wia ni Aku, ni ko é léwo'zéi' i menté' um pa'émanen né katuarimu.”
33A Sia wingkotela ni Petrus, “Tuang, ni aku ém paaz uman in iuntep bui wo maté karia-Mu!”
34Taan kuan ni Yesus, “Ikua-Kuma wia ni ko Petrus, puunala si laka' kumukuké in endo kenu, ni ko é makatelumo kimélong ni Aku.”
Si Yesus nimapagenang wia sé pahtuzu'en-Na un totoz imeken néra
35Ang kuan ni Yesus wia sé pahtuzu'en-Na, “Im puuna i ni Aku nimatu ni kamu, ni kamu én zéi'kan niénéang-Ku i mahalima a sompoi penanahu'an an zoit, un tas wo u selop. Apa wéwéhan am pemandungen niou an zéi'kan nimalekep?”
36 #
Mat. 10:9-10; Mrk. 6:8-9; Luk. 9:3, 10:4 A séra mingkoté, “Zéi'kan, zozo' in esa én zéi'kan siapa am pemandungen nai an zéi'kan nimalekep.” Ang kuan-Na wia ni séra, “Taan in tarékan, séi si wéwéhan um penanahu'an an zoit kaapa un tas, tawimo niana pahalina. Wo séi si zéi'kan makapisou tawimo iwangkérla ung karai tontonna in telesan pisou. 37#Yes. 53:12 Ikua-Kuma wia ni kamu, u mémoipantik witu um Pinantik Lenas tumoro ni Aku én totoz malekepen:
Ni Sia é mairékén karia né tou léwo'.
Pahpaan a mémoipantik tumoro ni Aku é mahmualimo.”
38Ang kuan né pahtuzu'en-Na, “Tuang, ilekené, wia'i ém wéwéhan pisou zua.”
Ang kuan-Na wia ni séra, “Toromo!”
Si Yesus mengaléi witi kentur Zaitun
(Mat. 26:36-46; Mrk. 14:32-42)
39A si Yesus mondola im witi wanua tua'na wo ung kinanaram-Na ni Sia mahangé witi kentur Zaitun. Sé pahtuzu'en-Na kasii é mengiita ni Sia. 40I méikaayomola witi tampa itii, ang kuan-Na wia ni séra, “Mengaléiola wo ni kamu zéi'kan ikakiit witu um pema'wa'en.”
41A Sia zumou'ma im wia ni séra woo teluna pulu' méter,#22:41 Witu um pinantik Yunani é méipantik ung kazou'na én tanu ung kazou' sa merita um watu. a Sia kumuruzla wo mengaléi, 42“Ama' sa tanu an toro, éndonoma am pengaling-Ku kenu im wia ni Aku; taan tia'mo ikiit um paaz-Ku taan ikiitola tanu um paaz-Mu.” [43A mémapailek wia ni Sia si malaekat si witi kasendukan a méyé i menté' ni Sia. 44Si Yesus én totoz mengali a Sia uli-ulit mengaléi. U rungkéz-Na én tanumokan zaha' a mahtihisa witu un tana'.]
45Kumawusa i mengaléi a Sia mawurima wia sé pahtuzu'en-Na. Maileken-Na ni séra é nimatekelo pahpaan un até néra é rumara. 46Ang kuan-Na wia ni séra, “Kaa ni kamu timekel uman? Tumoozomé wo mengaléiola, wo kamu zéi'kan ikakiit witu um pema'wa'en.”
Si Yesus in tinionan
(Mat. 26:47-56; Mrk. 14:43-50; Yoh. 18:1-11)
47I si Yesus karegaspé' mahnuwu', méyé sé sana réwok tou wo si mahpuuna im wia ni séra é si Yudas si esaané im wia sé pahtuzu'en-Na. Si Yudas rumétéma wia si Yesus i sumiom ni Sia. 48Taan kuan ni Yesus wia ni sia, “É Yudas, karia u sisiom ndéén ni ko mayo si Oki' ni Tou?”
49I sé tou mahkii-kiit si Yesus nimilekla ung karegas mahmuali witu, ang kuan néra, “Tuang, apa séra sarun naima karia um pisou?” 50A si esaané im wia ni séra mira'ma si ata ni Walian Wangko' makaz u luntengna kakan é nimatengkola.
51Taan si Yesus kimua umanla, “Ikana'la!” An tionan-Nama u lunteng ni tou itii a lé'osennama.
52Ang kuan ni Yesus wia sé tonaas né walian wo sé tonaas né mahtéiz witu um Walé ni Opo Empung karia né pahtutu'an né tou Yahudi sé niméyé in tumion ni Sia, “Pahgenangen nioula ni Aku én tou léwo' takaz-takazan ni kamu i niméyé é nimengalimé am pisou karia am wéwélwél? 53#Luk. 19:47, 21:37 Sekez in endo ni Aku é mahkaria-karia ni kamu witi lésaz um Walé ni Opo Empung, taan ni Aku zéi'kan pahtitionan niou. Taan in tarékano un oras niou in tumion ni Aku wo un orasna si tonaas né sétang si mahkawasa wana ang karimbengbengan ing kumawasa.”
Si Petrus kimélong si Yesus
(Mat. 26:57-58, 69-75; Mrk. 14:53-54, 66-72; Yoh. 18:12-18, 25-27)
54A si Yesus tionan nérama an iondolé witi tampa itii. Ipahwali nérama Sia witi walé ni Walian Wangko'. Karegas niitu si Petrus é mahkiita zozo' in zou'ma oki'. 55Witu un unez u lésaz um walé ni Walian Wangko' itii sé tou zimiketla a séra rumimbungla makaliklik un api. Si Petrus kangkasii é rimumez kimaria ni séra. 56Si ata wéwéné é nimileka si Petrus merarang a sia pena'u-na'uanna, ang kuana, “Si tou kenu kasii é mahkari-karia ni Sia.”
57Taan si Petrus é mahkélong uman, kuana, “Ina', zéi'kan kata'uangku Sia!”
58Zéi'kan uré si tou walina nimilek si Petrus ang kuana, “Ni ko kasii én esaané wia ni séra!”
Taan si Petrus nimingkotla, “Ama', zéi'kan ni aku!”
59Woo esa jam tumondongé, wéwéhan si tou walina si mahtotoz si Petrus, kuana, “Ulit, maan si tou kenu é mahkari-karia ni Sia, pahpaan ni sia kangkasii én tou Galilea.”
60Taan si Petrus nimingkoté, kuana, “Ama', zéi'kan kata'uangku ung kalakoan un ipahkuamumé.” In toro niitukan, karegas ni sia i mahnuwu' ang kumukuké si laka'.
61A si Yesus luméngéma wia si Petrus. Ang kagenangala ni Petrus u méikua ni Yesus wia ni sia, “Puunala si laka' ing kumukuk in endo kenu, nimakatelumo ni ko ing kimélong ni Aku.” 62A si Petrus mondolé im witu a mamamé' karia in totoz rumara un até.
Si Yesus pahzézéhan né mahtéiz um walé ni Opo Empung
(Mat. 26:67-68; Mrk. 14:65)
63A sé tou sé timéiz si Yesus, mahséro' wia ni Sia karia i mahsepal wo mahsondo' ni Sia. 64Apé'an nérala um weren-Na wo pahligauan néra, “Amoké ikuamé séi si mahsepal ni Ko?” 65Lakezpé' kasii a sasalou méipahkua nérama wia ni Sia.
Si Yesus witu u sinaru né Mahkama Agama
(Mat. 26:59-66; Mrk. 14:55-64; Yoh. 18:19-24)
66I mawoondomomé a maréwoké sé pahtutu'an né tou Yahudi wo sé tonaas né walian wo sé tou tulap un Torat, a Sia ipahwali nérama witi Mahkamah Agama.#22:66 Mahkama Agama é sé tonaas né walian, tou tulap un Torat, karia né pahtutu'an né tou Yahudi. Ung kalakez néra ém pituna pulu' tou. 67Im witu ni séra meligau, “Sa ni Komo si Mesias, ikuamé wia ni kai?” A si Yesus mingkotla, “Zozo' ni Aku kumuama wia ni kamu, niitu én zéi'kan pa'émanen niou; 68wo zozo' ni Aku lumigau, ni kamu é soo mingkot. 69Taan rengana in tarékan si Oki' ni Tou é marumumez witu ung kakan ni Opo Empung si Totoz Mahkawasa.”
70Tumalingamé niitu, a séra meligau, “Sa téntu, ni Komo wé si Oki' ni Opo Empung?”
A si Yesus mingkotla, “Ni kamu in esa sé kimuala sa ni Akumo Sia.”
71Ang kuan néra, “Apapé' un torona i menéro tou ing kumua a niilek wo tinalinga tumoro ni Sia? Ni kita én timalingamo u sumah-Na in esa ung kimuamé.”
S'ha seleccionat:
Lukas 22: LAITOM
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Lukas 22
22
Sé tonaas né walian nimaesaan i munu' si Yesus
(Mat. 26:1-5; Mrk. 14:1-2; Yoh. 11:45-53)
1 #
Kel. 12:1-27
Un endo mahpésta i lumé'os un endo Roti Zéi'kan Rinagian um pahkuan Paskah én zéi'mo uré. 2Sé tonaas né walian karia né tou tulap un Torat é menéro-néro lalan kura wo séra toro munu' si Yesus karia i mahwuni-wuni, pahpaan ni séra é maindé' wia sé tou lakez.
Si Yudas gimenango i mayo si Yesus
(Mat. 26:14-16; Mrk. 14:10-11)
3A si tonaas né sétang nimuntepa wia si Yudas, si pahkuan Iskariot, si esaané wia sé mapulu' wo zua pahtuzu'en ni Yesus. 4Si Yudas mangé wia sé tonaas né walian wo wia sé tonaas né mahtéiz um Walé ni Opo Empung i sumirita karia néra, kura wo toro iayona si Yesus wia ni séra. 5Ni séra én totoz mahpaa-paaz a séra mahesaala i méhé zoit wia si Yudas. 6Si Yudas ém paaz, rengané in toro niitu ni sia menéro-néro un oras i mayo si Yesus wia ni séra zéi'kan kata'uan né tou lakez.
Si Yesus nimatu sé zua pahtuzu'en-Na
(Mat. 26:17-25; Mrk. 14:12-21; Yoh. 13:21-30)
7An ikaayola séra witu un endo mahpésta i lumé'os un endo Roti Zéi'kan Rinagian, un endo né tou léwo'zéi' ing kumeriz domba i lumé'os un endo Paskah. 8A si Yesus matuma si Petrus wo si Yohanes, kuan-Na, “Mangémo wo maimekela un tikohon kanenta i lumé'os un endo Paskah.”
9Ni séra zua meligau wia ni Sia, “Wisa ung kapaaz-Mu i maimekan nai?”
10Am wingkoten-Nala, “Sa kamu muntepla witu um wanua tua'na, ni kamu é mahilekan karia ni tuama mahali-ali ung kuré' tinahu'an un zano. Kumiitoma ni sia witu um walé untepannama, 11wo ikuala wia si makawalé, ‘Si Méster é meligau wia ni ko, wisa un tampa-Ku ing kuman karia né pahtuzu'eng-Ku i lumé'os un endo Paskah?’ 12Si makawalé itii én tumuzu' wia ni kamu um porés selah witu un atas um walé wo am pemandungen é sana witumo, witu u léwo'zéi' in imekan nioula.”
13A si Petrus wo si Yohanes mangé. Maileken néra én tanu u méikuama ni Yesus wia ni séra. A séra mimekla i lumé'os um Paskah.
Si Yesus wo sé aatu-Na mahkan mahwali-wali witu un endo Paskah
(Mat. 26:20-29; Mrk. 14:17-25; Yoh. 13:21-30; 1Kor. 11:23-25)
14I méikaayomola witu un orasna, si Yesus rimumez ing kuman mahwali-wali karia né aatu-Na. 15Ang kuan-Na wia ni séra, “Ni Aku én totoz paaz ing kuman mahwali-wali karia niou in endo Paskah kenu, puunala ni Aku i mazézéha. 16Pahpaan ikua-Kuma wia ni kamu: ni Aku én zéi'mo makuman mahwali-wali karia niou makaz ung kalakoan um Paskah itii malekep im witi Kakolanoan ni Opo Empung.”
17A si Yesus méndomé un eelepan tinahu'an anggor ang kumua u makasé wia si Opo Empung, ang kuan-Na, “Éndona ung kenu wo wéténg nioula. 18Pahpaan ikua-Kuma wia ni kamu: Rengana in tarékan, ni Aku én zéi'mo mahele-elepla un anggor makaz ung Kakolanoan ni Opo Empung i méyé.”
19A Sia méndomé u roti, kumuama u makasé wia si Opo Empung, pemété-météngen-Nala u roti itii, ipahwéhé-Nama wia ni séra, ang kuan-Na, “Ung kenumo un awak-Ku u méiayo wia ni kamu; pahwangunela niia ing gumenang ni Aku.” 20#Yer. 31:31-34 Téntu kangkasii um winangun-Na i nimakaapumola. Ni Sia niméndomé um pengengelepan tinahu'an un anggor ang kumua, “Um pengengelepan kenu ém pinataazan weru ni Opo Empung u nienté' karia un zaha'-Ku, un isaroi wia ni kamu.
21 #
Mzm. 41:10
Taan, ilekené, si tou mayo ni Aku é memali-mali karia-Ku witu u méja kenu. 22Pahpaan si Oki' ni Tou é léwo'zéi' i maté tanu un tinotozo ni Opo Empung, taan ikaléwo'la si tou mayo ni Sia!” 23A séra rengan i mahliligauan tumoro séi si esaané im wia ni séra si mamangun niitu.
Um Pahéndo-éndoan tumoro séi si totoz ipahpuu-puuna
24 #
Mat. 18:1; Mrk. 9:34; Luk. 9:46 Sé pahtuzu'en ni Yesus é mahéndo-éndoan tumoro séi si totoz ipahpuu-puuna im wia ni séra. 25#Mat. 20:25-27; Mrk. 10:42-44 Ang kuan ni Yesus wia ni séra, “Sé kolano né tahsasana wanua sé zéi'kan mata'u si Opo Empung, i mahperénta sé touna é mengiit um paaz néra in esa wo sé mahkawasa itii ém pahkuan kumekelung. 26#Mat. 23:11; Mrk. 9:35 Taan ni kamu én zéi'kan toro mahwangun un tanu niitu. Séi si totoz wangko' im wia ni kamu é maéndomola tanu si totoz kori' wo si tonaas é maéndomola tanu si menenelewir. 27#Yoh. 13:12-15 Pahpaan séi wé si totoz wangko', si rimumez mahkan kaapa si mahselewir? Zéi'kankuaa si rimumez mahkan? Taan ni Aku ém witu un unez niou mahselewir ni kamu.
28Ni kamu sekezé é memali-mali karia-Ku im wana am pema'wa'en am pengaling-Ku. 29Niitumo ni kamu ém wéhang-Ku ung kakolanoan tanu si Ama'-Ku niméhé ung kakolanoan wia ni Aku. 30#Mat. 19:28 Karia in téntu ni kamu én toro mahkan wo mahelep mahwali-wali karia-Ku witi Kakolanoang-Ku. Ni kamu kasii é marumumez witu u rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.”
Si Yesus nimapata'u i si Simon Petrus é makumélong ni Sia
(Mat. 26:31-35; Mrk. 14:27-31; Yoh. 13:36-38)
31Ang kuan ni Yesus wia si Simon Petrus, “Simon, Simon, amoké talinganuma ung kenu! Si tonaas né sétang é nimenutu'momé i mema'wa' ni kamu wo ni kamu én tanumokan ang gandum im pahgéigéien wo ikatampasé witu un itingna. 32Taan ni Aku é nimengaléio ni ko wo um pa'émanennu zéi'kan mazéi'. Wo sa ko mawurimomé sumaup wia ni Aku, ni ko é léwo'zéi' i menté' um pa'émanen né katuarimu.”
33A Sia wingkotela ni Petrus, “Tuang, ni aku ém paaz uman in iuntep bui wo maté karia-Mu!”
34Taan kuan ni Yesus, “Ikua-Kuma wia ni ko Petrus, puunala si laka' kumukuké in endo kenu, ni ko é makatelumo kimélong ni Aku.”
Si Yesus nimapagenang wia sé pahtuzu'en-Na un totoz imeken néra
35Ang kuan ni Yesus wia sé pahtuzu'en-Na, “Im puuna i ni Aku nimatu ni kamu, ni kamu én zéi'kan niénéang-Ku i mahalima a sompoi penanahu'an an zoit, un tas wo u selop. Apa wéwéhan am pemandungen niou an zéi'kan nimalekep?”
36 #
Mat. 10:9-10; Mrk. 6:8-9; Luk. 9:3, 10:4 A séra mingkoté, “Zéi'kan, zozo' in esa én zéi'kan siapa am pemandungen nai an zéi'kan nimalekep.” Ang kuan-Na wia ni séra, “Taan in tarékan, séi si wéwéhan um penanahu'an an zoit kaapa un tas, tawimo niana pahalina. Wo séi si zéi'kan makapisou tawimo iwangkérla ung karai tontonna in telesan pisou. 37#Yes. 53:12 Ikua-Kuma wia ni kamu, u mémoipantik witu um Pinantik Lenas tumoro ni Aku én totoz malekepen:
Ni Sia é mairékén karia né tou léwo'.
Pahpaan a mémoipantik tumoro ni Aku é mahmualimo.”
38Ang kuan né pahtuzu'en-Na, “Tuang, ilekené, wia'i ém wéwéhan pisou zua.”
Ang kuan-Na wia ni séra, “Toromo!”
Si Yesus mengaléi witi kentur Zaitun
(Mat. 26:36-46; Mrk. 14:32-42)
39A si Yesus mondola im witi wanua tua'na wo ung kinanaram-Na ni Sia mahangé witi kentur Zaitun. Sé pahtuzu'en-Na kasii é mengiita ni Sia. 40I méikaayomola witi tampa itii, ang kuan-Na wia ni séra, “Mengaléiola wo ni kamu zéi'kan ikakiit witu um pema'wa'en.”
41A Sia zumou'ma im wia ni séra woo teluna pulu' méter,#22:41 Witu um pinantik Yunani é méipantik ung kazou'na én tanu ung kazou' sa merita um watu. a Sia kumuruzla wo mengaléi, 42“Ama' sa tanu an toro, éndonoma am pengaling-Ku kenu im wia ni Aku; taan tia'mo ikiit um paaz-Ku taan ikiitola tanu um paaz-Mu.” [43A mémapailek wia ni Sia si malaekat si witi kasendukan a méyé i menté' ni Sia. 44Si Yesus én totoz mengali a Sia uli-ulit mengaléi. U rungkéz-Na én tanumokan zaha' a mahtihisa witu un tana'.]
45Kumawusa i mengaléi a Sia mawurima wia sé pahtuzu'en-Na. Maileken-Na ni séra é nimatekelo pahpaan un até néra é rumara. 46Ang kuan-Na wia ni séra, “Kaa ni kamu timekel uman? Tumoozomé wo mengaléiola, wo kamu zéi'kan ikakiit witu um pema'wa'en.”
Si Yesus in tinionan
(Mat. 26:47-56; Mrk. 14:43-50; Yoh. 18:1-11)
47I si Yesus karegaspé' mahnuwu', méyé sé sana réwok tou wo si mahpuuna im wia ni séra é si Yudas si esaané im wia sé pahtuzu'en-Na. Si Yudas rumétéma wia si Yesus i sumiom ni Sia. 48Taan kuan ni Yesus wia ni sia, “É Yudas, karia u sisiom ndéén ni ko mayo si Oki' ni Tou?”
49I sé tou mahkii-kiit si Yesus nimilekla ung karegas mahmuali witu, ang kuan néra, “Tuang, apa séra sarun naima karia um pisou?” 50A si esaané im wia ni séra mira'ma si ata ni Walian Wangko' makaz u luntengna kakan é nimatengkola.
51Taan si Yesus kimua umanla, “Ikana'la!” An tionan-Nama u lunteng ni tou itii a lé'osennama.
52Ang kuan ni Yesus wia sé tonaas né walian wo sé tonaas né mahtéiz witu um Walé ni Opo Empung karia né pahtutu'an né tou Yahudi sé niméyé in tumion ni Sia, “Pahgenangen nioula ni Aku én tou léwo' takaz-takazan ni kamu i niméyé é nimengalimé am pisou karia am wéwélwél? 53#Luk. 19:47, 21:37 Sekez in endo ni Aku é mahkaria-karia ni kamu witi lésaz um Walé ni Opo Empung, taan ni Aku zéi'kan pahtitionan niou. Taan in tarékano un oras niou in tumion ni Aku wo un orasna si tonaas né sétang si mahkawasa wana ang karimbengbengan ing kumawasa.”
Si Petrus kimélong si Yesus
(Mat. 26:57-58, 69-75; Mrk. 14:53-54, 66-72; Yoh. 18:12-18, 25-27)
54A si Yesus tionan nérama an iondolé witi tampa itii. Ipahwali nérama Sia witi walé ni Walian Wangko'. Karegas niitu si Petrus é mahkiita zozo' in zou'ma oki'. 55Witu un unez u lésaz um walé ni Walian Wangko' itii sé tou zimiketla a séra rumimbungla makaliklik un api. Si Petrus kangkasii é rimumez kimaria ni séra. 56Si ata wéwéné é nimileka si Petrus merarang a sia pena'u-na'uanna, ang kuana, “Si tou kenu kasii é mahkari-karia ni Sia.”
57Taan si Petrus é mahkélong uman, kuana, “Ina', zéi'kan kata'uangku Sia!”
58Zéi'kan uré si tou walina nimilek si Petrus ang kuana, “Ni ko kasii én esaané wia ni séra!”
Taan si Petrus nimingkotla, “Ama', zéi'kan ni aku!”
59Woo esa jam tumondongé, wéwéhan si tou walina si mahtotoz si Petrus, kuana, “Ulit, maan si tou kenu é mahkari-karia ni Sia, pahpaan ni sia kangkasii én tou Galilea.”
60Taan si Petrus nimingkoté, kuana, “Ama', zéi'kan kata'uangku ung kalakoan un ipahkuamumé.” In toro niitukan, karegas ni sia i mahnuwu' ang kumukuké si laka'.
61A si Yesus luméngéma wia si Petrus. Ang kagenangala ni Petrus u méikua ni Yesus wia ni sia, “Puunala si laka' ing kumukuk in endo kenu, nimakatelumo ni ko ing kimélong ni Aku.” 62A si Petrus mondolé im witu a mamamé' karia in totoz rumara un até.
Si Yesus pahzézéhan né mahtéiz um walé ni Opo Empung
(Mat. 26:67-68; Mrk. 14:65)
63A sé tou sé timéiz si Yesus, mahséro' wia ni Sia karia i mahsepal wo mahsondo' ni Sia. 64Apé'an nérala um weren-Na wo pahligauan néra, “Amoké ikuamé séi si mahsepal ni Ko?” 65Lakezpé' kasii a sasalou méipahkua nérama wia ni Sia.
Si Yesus witu u sinaru né Mahkama Agama
(Mat. 26:59-66; Mrk. 14:55-64; Yoh. 18:19-24)
66I mawoondomomé a maréwoké sé pahtutu'an né tou Yahudi wo sé tonaas né walian wo sé tou tulap un Torat, a Sia ipahwali nérama witi Mahkamah Agama.#22:66 Mahkama Agama é sé tonaas né walian, tou tulap un Torat, karia né pahtutu'an né tou Yahudi. Ung kalakez néra ém pituna pulu' tou. 67Im witu ni séra meligau, “Sa ni Komo si Mesias, ikuamé wia ni kai?” A si Yesus mingkotla, “Zozo' ni Aku kumuama wia ni kamu, niitu én zéi'kan pa'émanen niou; 68wo zozo' ni Aku lumigau, ni kamu é soo mingkot. 69Taan rengana in tarékan si Oki' ni Tou é marumumez witu ung kakan ni Opo Empung si Totoz Mahkawasa.”
70Tumalingamé niitu, a séra meligau, “Sa téntu, ni Komo wé si Oki' ni Opo Empung?”
A si Yesus mingkotla, “Ni kamu in esa sé kimuala sa ni Akumo Sia.”
71Ang kuan néra, “Apapé' un torona i menéro tou ing kumua a niilek wo tinalinga tumoro ni Sia? Ni kita én timalingamo u sumah-Na in esa ung kimuamé.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió