Àpɔ́sò 3
3
Gàa ɓo-mɛ́-mɛ́ ɖò dyi káná jè
1Wé ɖòɛ̀ ɓaɖaa, ti mɔ̀ ma ɓaà-tìɛɛ, Píɖɛ̀ kè Jɔ̃́ɔ́ nì ma ɖé Gèɖèpɔ́ɔ̀ gbǒɔ̀ mú muɛń. Ɔ mɔ̀ ma zii-dyòɖò-gbo-dyòɖòàǔn. 2Wé séín xwíníín nyɛɛ, wa kpa ma gàa ɖò ɓɛ́ ɔ kɔ́ ma dyí ké ɔ wóɖó ma kɛ, ké wa pɛ̃́ìn ma ɔ Gèɖèpɔ́ɔ̀ gbǒɔ̀ gmɔ-wɔ̃̀ ɓɛ́ wa ɖáìn Nɔ̀mɔ̀ Dyíin nyɛɛ gbo dyi. Wa kpa ma ɔ ɖé, ɓɛ́ ɔ ké ma nyɔ ɓě ɓɛ́ wa nì Gèɖèpɔ́ɔ̀ gbǒɔ̀ mú dyáuń wɛ̃ɛ wíɖí zɔ̀ìn. 3Ké ti ɔ dyé ma Píɖɛ̀ kè Jɔ̃́ɔ́, ké wa nì ma Gèɖèpɔ́ɔ̀ gbǒɔ̀ mú muɛń nyɛɛ, ɔ zɔ̀ìn ma wa wíɖí. 4Ké Píɖɛ̀ kè Jɔ̃́ɔ́ gmɔ̀ ma ɔ dya gãa, ké Píɖɛ̀ ɖá, “Gmɔ̀ à dya.” 5Ké gàaɔ̀ dè ɖùǔ dyi. Ɔ poɛ̀n hwìɖǐi ɓɛ́ ɔ ké wa ɖɛ ɖò xwaún dyé. 6Kɛɛ Píɖɛ̀ ɖá, “Ḿ se séɓàɖà kè góò ɖò ɓéɖé, kɛɛ ɖɛ ḿ ɓéɖéɛɛ, ɖé ní mu m̀ nyíìn. Ɖé Jízɛ̀ Kɛ́ɖɛ́ì sɔ̀à Názɛ̀ɖɛ̀-hwɔ̀ɖɔ̀ɔ̀ mú kɛɛ nyɛ́nɛ́ɔ̀ múɛɛ, sɔ̀ dyí, ɓɛ́ m̀ ké nà.” 7Ké Píɖɛ̀ kpɔ̃ ma gàaɔ̀ ɖiaùn-sɔ̃̀ɔ̀ dyi, ké ɔ ɖú ma ɔ dyií. Wàɖà cá kɛɛ, gàaɔ̀ ɓoɔ̀ kè ɔ kɔ̀ɖɔ̀-gbɛ̌ɛ̀ɔ̀ kpá ma kpéí. 8Ɔ wã ma dyií, ké ɔ nyànà dyi, ké ɔ ɖú ma nà kpàǐ. Ké ɔ kè wa dyá ma ɖé Gèɖèpɔ́ɔ̀ gbǒɔ̀ mú. Ɔ nì ma nàǔn, ké ɔ nì ma dyií dyi wãǐn kpauń, ké ɔ nì ma Gèɖèpɔ́ɔ̀ ɓàǐn. 9Ké nyɔ séín ɓěɔ̀ dyéɛ ma, ké ɔ nì ma nàǔn, ké ɔ nì ma Gèɖèpɔ́ɔ̀ ɓàǐn. 10Ké wa dyuò ma ɔ dyí kà ɔ mɔ̀ ma gàa kò ma kà ɓó Gèɖèpɔ́ɔ̀ gbǒɔ̀ gmɔ-wɔ̃̀ wa ɖáìn Nɔ̀mɔ̀ Dyíin nyɛɛ gbo dyi tee, ɓɛ́ ɔ ké ma ɖɛ zɔ̀ kɛ. Ké fã̀à dyíìn ma wa múin, ké dĩin-dɔ̃ kpɔ̃ ma wa kɔ̃ ɓó ɖɛ kpá ma kà gàaɔ̀ gboɛɛ jè.
Píɖɛ̀ wùɖù nyɔ ɓěɔ̀ gbo ɖé Gèɖèpɔ́ɔ̀ gbǒɔ̀ mú
11Ti gàaɔ̀ nì ma Píɖɛ̀ kè Jɔ̃́ɔ́ gbèɖèɛ̌n nyɛɛ, díɖí kpɔ̃ ma nyɔ séín ɓěɔ̀ kɔ̃, ké wa kpa ma peɖeɛ ɖé wa gbo, ɖé gbáá wɔɖɔɔ wa ɖáìn Sã́ɖómàà Gbáá kɛɛ xwíɖíi. 12Ké ti Píɖɛ̀ dyé ma nyɔ ɓěɔ̀ dyiɛ kɛɛ, ɔ cɛ̃ɛ wa gbo, ké ɔ ɖá, “Ḿ mǔè Éézùɖùɛ̀-nyɔ̀ ɓě, ɖɛ́ kɔ̃̀ jè hwòɖǒ kpèìn kà ɓě kɔ̃in ɓó ɖɛa jèɛ́? Ké ɖɛ́ kɔ̃̀ jè ɓě gmɔ̀à kà à gãa pū kà à nyuɔ́ kà ɖɛà ɖé à mìɔùn nììn kpé kè à Gèɖèpɔ́ɔ̀ ɓiè-ɓiè múɛ́? 13Gèɖèpɔ́ɔ̀ mɔ̀à Ééɓòɖòhɛ̃́ɛ̀ kè Áázè kè Jékɔ̀ ɔ kè à ɓǎ ɓěɛ̀ Gèɖèpɔ́ɔ̀ kɛɛ, ɔ ɖǎ ɔ gbo-nì-dyù mɔ̀à Jízɛ̀ kɛɛ dĩ́ín-dĩ̀ìn nyí. Ɔ mɔ̀ nyɔ ɓě ɖǎ ma kà gɔ̌mànàɔ̀ xwa nyíɛ. Ké ti Páɖè ɖǎa ma hwìɖǐi poìn, ɓɛ́ ɔ ké ma ɔ buɛ̀, ɓɛ́ ɔ ké ma muɛɛ, ɓě ɓɔ́ ma ɔ ɓó Páɖè dyúa. 14Ɓě ɓɔ́ ma nyɔ mɔ̀ Mú-hwɛ̀-nyɔ̀ɔ̀ kè Dyí-sɛ́ɖɛ́ìn-nyɔ̀ɔ̀ kɛ, ké ɓě ɓaà ma Páɖè, ɓɛ́ ɔ ké kú-ɖáɓá-nyɔ̀ɔ̀ ɓě bìì buɛ̀. 15Ɓě ɖáɓá ma nyɔ zàìn ma ɓě fɛ̀ɛ̀-hwìèɔ̀ daa, kɛɛ Gèɖèpɔ́ɔ̀ zà ma ɔ gĩɔ. À nyu ɔ zàse. 16Jízɛ̀ɛ̀ nyɛ́nɛ́ɔ̀ ɖǎ gàa ɓɛ́ ɓě dyéà ké ɓě dyuòà dyíɛɛ dyi kánáìn, sepóɛɖé ɔ taɓa ɔ nyɛ́nɛ́ɔ̀ hwìɖǐǐ jè. Hwìɖǐǐ-taɓa-taɓa ɓɛ́ Jízɛ̀ nyu ké gàaɔ̀ ɓéɖéà kɛɛ, ɔ ɖǎ gàaɔ̀ dyi kánáìn jɛ́ɛ́ ɖé ɓě séín dyúa.
17“Kàǔn wɛ̃ɛ, ɖíí ɓě, ḿ dyuòɛ̀ kà ɓě kè ɓěɛ̀ wuɖuí-kɔ̃̀-nyɔ̀ ɓěɔ̀ seɛ ma dyí dyuò, ké ɓě nyuɛ ma kɛ. 18Kɛɛ ɖɛ ɓě nyu ma kɛɛ ɖǎa nyu ké Gèɖèpɔ́ɔ̀ wuɖuɔ̀ ɖǎ jǎà kpá. Ɔ mɔ̀ wuɖu ɓɛ́ ɔ cɛ̃ zɔ̃̌ɔ̀ kĩ́ín dyììn ɖé ɔ kpáá-ɖɛ̀-cɛ̃-nyɔ̀ séín ɓěɔ̀ múɛ. Ɔ mɔ̀ kà ɓɛ́ ɔ Kɛ́ɖɛ́ìɔ̀ mu ma gǎ dyéìn nyɛ. 19Ɔ jèɛɛ, ɓě táà ɓěɛ̀ kpeɖe gbà ɓěɔ̀ dyi, ɓɛ́ ɓě ké wa kɔ̃ín pòìn, ɓɛ́ ɓěɛ̀ nàmàǔn ɓěɔ̀ ké dyi gbaà. Ɓě mɛ nyuɛ náa, ɓɛ́ Bounɓoɔ̀ ké ɓě ti nyí, ɓɛ́ ɓěɛ̀ dyɔɔ̀ ké mú zaìn, 20ɓɛ́ ɔ ké Kɛ́ɖɛ́ì mɔ̀à Jízɛ̀ kɛɛ ɓě gbo ɖoɓo. Ɔ mɔ̀ nyɔ ɓɛ́ ɔ ɖǎ ma kà ɓě bìì gã kĩ́ín nyɛ. 21Ɔ ɓéɖé ɓɛ́ ɔ ké ɖé dyɔún dyi dèìn, hwɛ̀ ɓɛ́ ti Gèɖèpɔ́ɔ̀ kéà ɖɛ séín dyíin nɔ̀mɔ̀ìn nyɛɛ ké dyi. Ɔ mɔ̀ ti kɔ̃̀ jè ɓɛ́ Gèɖèpɔ́ɔ̀ cɛ̃ ma ɖé ɔ kpáá-ɖɛ̀-cɛ̃-nyɔ̀ ɓě ɓɛ́ wa nì zɔ̃̌ɔ̀ ɖé ti sùà múɛɛ mú kɛ. 22Mózè ɖá, ‘Bounɓo mɔ̀à ɓěɛ̀ Gèɖèpɔ́ɔ̀ kɛɛ muɛ nyuùn ɓɛ́ ɓě ɖíí ɓěɔ̀ ɖò ké kpáá-ɖɛ̀-cɛ̃-nyɔ̀ jǔ ɖé ɓě hwìɛ̀ kà ḿ nìà kɛ, ké ɓě mɛ tò ɖɛ séín ɔ mu ɓě gbo cɛ̃ìn nyɛɛ ɖùǔ gbo. 23Ɔ jǔ ké nyɔ ɖò se kpáá-ɖɛ̀-cɛ̃-nyɔ̀ɔ̀ wuɖuɔ̀ dyi kpɔ̃ ní, nìí, wa mu ɔ nyɔ ɓěɔ̀ hwìɛ̀ zàùn, ɓɛ́ wa ké ɔ jè mú gbɔɔ̀.’ 24Ké kpáá-ɖɛ̀-cɛ̃-nyɔ̀ séín ɓě ɓɛ́ wa wùɖù zɔ̃̌ɔ̀ kà kɛɛ, sɔ̀ìn Sámíò nììn tiɔ̀ gbo ké dyúa muɛɛ, wa cɛ̃ ma wé ɓěà jè ɖekè. 25Ɓě mɔ̀ kpáá-ɖɛ̀-cɛ̃-nyɔ̀ ɓěɔ̀ nyúà-dyú ɓě, ké dèè-wùɖù ɓɛ́ Gèɖèpɔ́ɔ̀ kè ɓě ɓǎ nììn ɓǎ ɓěɔ̀ dè ma kà kɛɛ, ɓě ɖǎ ɔ dúí sè. Ɔ mɔ̀ wuɖu ɓɛ́ ɔ kè Ééɓòɖòhɛ̃́ɛ̀ dè zɔ̃̌ɔ̀ kà, ti ɓɛ́ ɔ cɛ̃ɛ ma, ké ɔ dyi níiń, ‘Dyììn ɖé nì xwíníín-dyù ɓěɔ̀ múɛɛ, ɖéɛ̀ ɓóɖó-dù séín nì ɓóɖó-kpàà kɔ̃ɛɛ mu jĩ́á-jè dyéìn.’ 26Ti Gèɖèpɔ́ɔ̀ ɖú ma ɔ gbo-nì-dyùɔ̀ dyíɛɛ, ɔ ɖoɓo ma ɔ ɓě gbo kĩ́ín, ɓɛ́ ɓě ké mana dyé, sepóɛɖé ɔ mu ɓě séín xwa cɛ́ɛ̀ìn, ɓɛ́ ɔ ké ɓě ɓěɛ̀ ɖɛ gbà ɓěɔ̀ gbo zà.”
S'ha seleccionat:
Àpɔ́sò 3: ƁB02
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bassa Bible © Bible Society Liberia, 2002.
Àpɔ́sò 3
3
Gàa ɓo-mɛ́-mɛ́ ɖò dyi káná jè
1Wé ɖòɛ̀ ɓaɖaa, ti mɔ̀ ma ɓaà-tìɛɛ, Píɖɛ̀ kè Jɔ̃́ɔ́ nì ma ɖé Gèɖèpɔ́ɔ̀ gbǒɔ̀ mú muɛń. Ɔ mɔ̀ ma zii-dyòɖò-gbo-dyòɖòàǔn. 2Wé séín xwíníín nyɛɛ, wa kpa ma gàa ɖò ɓɛ́ ɔ kɔ́ ma dyí ké ɔ wóɖó ma kɛ, ké wa pɛ̃́ìn ma ɔ Gèɖèpɔ́ɔ̀ gbǒɔ̀ gmɔ-wɔ̃̀ ɓɛ́ wa ɖáìn Nɔ̀mɔ̀ Dyíin nyɛɛ gbo dyi. Wa kpa ma ɔ ɖé, ɓɛ́ ɔ ké ma nyɔ ɓě ɓɛ́ wa nì Gèɖèpɔ́ɔ̀ gbǒɔ̀ mú dyáuń wɛ̃ɛ wíɖí zɔ̀ìn. 3Ké ti ɔ dyé ma Píɖɛ̀ kè Jɔ̃́ɔ́, ké wa nì ma Gèɖèpɔ́ɔ̀ gbǒɔ̀ mú muɛń nyɛɛ, ɔ zɔ̀ìn ma wa wíɖí. 4Ké Píɖɛ̀ kè Jɔ̃́ɔ́ gmɔ̀ ma ɔ dya gãa, ké Píɖɛ̀ ɖá, “Gmɔ̀ à dya.” 5Ké gàaɔ̀ dè ɖùǔ dyi. Ɔ poɛ̀n hwìɖǐi ɓɛ́ ɔ ké wa ɖɛ ɖò xwaún dyé. 6Kɛɛ Píɖɛ̀ ɖá, “Ḿ se séɓàɖà kè góò ɖò ɓéɖé, kɛɛ ɖɛ ḿ ɓéɖéɛɛ, ɖé ní mu m̀ nyíìn. Ɖé Jízɛ̀ Kɛ́ɖɛ́ì sɔ̀à Názɛ̀ɖɛ̀-hwɔ̀ɖɔ̀ɔ̀ mú kɛɛ nyɛ́nɛ́ɔ̀ múɛɛ, sɔ̀ dyí, ɓɛ́ m̀ ké nà.” 7Ké Píɖɛ̀ kpɔ̃ ma gàaɔ̀ ɖiaùn-sɔ̃̀ɔ̀ dyi, ké ɔ ɖú ma ɔ dyií. Wàɖà cá kɛɛ, gàaɔ̀ ɓoɔ̀ kè ɔ kɔ̀ɖɔ̀-gbɛ̌ɛ̀ɔ̀ kpá ma kpéí. 8Ɔ wã ma dyií, ké ɔ nyànà dyi, ké ɔ ɖú ma nà kpàǐ. Ké ɔ kè wa dyá ma ɖé Gèɖèpɔ́ɔ̀ gbǒɔ̀ mú. Ɔ nì ma nàǔn, ké ɔ nì ma dyií dyi wãǐn kpauń, ké ɔ nì ma Gèɖèpɔ́ɔ̀ ɓàǐn. 9Ké nyɔ séín ɓěɔ̀ dyéɛ ma, ké ɔ nì ma nàǔn, ké ɔ nì ma Gèɖèpɔ́ɔ̀ ɓàǐn. 10Ké wa dyuò ma ɔ dyí kà ɔ mɔ̀ ma gàa kò ma kà ɓó Gèɖèpɔ́ɔ̀ gbǒɔ̀ gmɔ-wɔ̃̀ wa ɖáìn Nɔ̀mɔ̀ Dyíin nyɛɛ gbo dyi tee, ɓɛ́ ɔ ké ma ɖɛ zɔ̀ kɛ. Ké fã̀à dyíìn ma wa múin, ké dĩin-dɔ̃ kpɔ̃ ma wa kɔ̃ ɓó ɖɛ kpá ma kà gàaɔ̀ gboɛɛ jè.
Píɖɛ̀ wùɖù nyɔ ɓěɔ̀ gbo ɖé Gèɖèpɔ́ɔ̀ gbǒɔ̀ mú
11Ti gàaɔ̀ nì ma Píɖɛ̀ kè Jɔ̃́ɔ́ gbèɖèɛ̌n nyɛɛ, díɖí kpɔ̃ ma nyɔ séín ɓěɔ̀ kɔ̃, ké wa kpa ma peɖeɛ ɖé wa gbo, ɖé gbáá wɔɖɔɔ wa ɖáìn Sã́ɖómàà Gbáá kɛɛ xwíɖíi. 12Ké ti Píɖɛ̀ dyé ma nyɔ ɓěɔ̀ dyiɛ kɛɛ, ɔ cɛ̃ɛ wa gbo, ké ɔ ɖá, “Ḿ mǔè Éézùɖùɛ̀-nyɔ̀ ɓě, ɖɛ́ kɔ̃̀ jè hwòɖǒ kpèìn kà ɓě kɔ̃in ɓó ɖɛa jèɛ́? Ké ɖɛ́ kɔ̃̀ jè ɓě gmɔ̀à kà à gãa pū kà à nyuɔ́ kà ɖɛà ɖé à mìɔùn nììn kpé kè à Gèɖèpɔ́ɔ̀ ɓiè-ɓiè múɛ́? 13Gèɖèpɔ́ɔ̀ mɔ̀à Ééɓòɖòhɛ̃́ɛ̀ kè Áázè kè Jékɔ̀ ɔ kè à ɓǎ ɓěɛ̀ Gèɖèpɔ́ɔ̀ kɛɛ, ɔ ɖǎ ɔ gbo-nì-dyù mɔ̀à Jízɛ̀ kɛɛ dĩ́ín-dĩ̀ìn nyí. Ɔ mɔ̀ nyɔ ɓě ɖǎ ma kà gɔ̌mànàɔ̀ xwa nyíɛ. Ké ti Páɖè ɖǎa ma hwìɖǐi poìn, ɓɛ́ ɔ ké ma ɔ buɛ̀, ɓɛ́ ɔ ké ma muɛɛ, ɓě ɓɔ́ ma ɔ ɓó Páɖè dyúa. 14Ɓě ɓɔ́ ma nyɔ mɔ̀ Mú-hwɛ̀-nyɔ̀ɔ̀ kè Dyí-sɛ́ɖɛ́ìn-nyɔ̀ɔ̀ kɛ, ké ɓě ɓaà ma Páɖè, ɓɛ́ ɔ ké kú-ɖáɓá-nyɔ̀ɔ̀ ɓě bìì buɛ̀. 15Ɓě ɖáɓá ma nyɔ zàìn ma ɓě fɛ̀ɛ̀-hwìèɔ̀ daa, kɛɛ Gèɖèpɔ́ɔ̀ zà ma ɔ gĩɔ. À nyu ɔ zàse. 16Jízɛ̀ɛ̀ nyɛ́nɛ́ɔ̀ ɖǎ gàa ɓɛ́ ɓě dyéà ké ɓě dyuòà dyíɛɛ dyi kánáìn, sepóɛɖé ɔ taɓa ɔ nyɛ́nɛ́ɔ̀ hwìɖǐǐ jè. Hwìɖǐǐ-taɓa-taɓa ɓɛ́ Jízɛ̀ nyu ké gàaɔ̀ ɓéɖéà kɛɛ, ɔ ɖǎ gàaɔ̀ dyi kánáìn jɛ́ɛ́ ɖé ɓě séín dyúa.
17“Kàǔn wɛ̃ɛ, ɖíí ɓě, ḿ dyuòɛ̀ kà ɓě kè ɓěɛ̀ wuɖuí-kɔ̃̀-nyɔ̀ ɓěɔ̀ seɛ ma dyí dyuò, ké ɓě nyuɛ ma kɛ. 18Kɛɛ ɖɛ ɓě nyu ma kɛɛ ɖǎa nyu ké Gèɖèpɔ́ɔ̀ wuɖuɔ̀ ɖǎ jǎà kpá. Ɔ mɔ̀ wuɖu ɓɛ́ ɔ cɛ̃ zɔ̃̌ɔ̀ kĩ́ín dyììn ɖé ɔ kpáá-ɖɛ̀-cɛ̃-nyɔ̀ séín ɓěɔ̀ múɛ. Ɔ mɔ̀ kà ɓɛ́ ɔ Kɛ́ɖɛ́ìɔ̀ mu ma gǎ dyéìn nyɛ. 19Ɔ jèɛɛ, ɓě táà ɓěɛ̀ kpeɖe gbà ɓěɔ̀ dyi, ɓɛ́ ɓě ké wa kɔ̃ín pòìn, ɓɛ́ ɓěɛ̀ nàmàǔn ɓěɔ̀ ké dyi gbaà. Ɓě mɛ nyuɛ náa, ɓɛ́ Bounɓoɔ̀ ké ɓě ti nyí, ɓɛ́ ɓěɛ̀ dyɔɔ̀ ké mú zaìn, 20ɓɛ́ ɔ ké Kɛ́ɖɛ́ì mɔ̀à Jízɛ̀ kɛɛ ɓě gbo ɖoɓo. Ɔ mɔ̀ nyɔ ɓɛ́ ɔ ɖǎ ma kà ɓě bìì gã kĩ́ín nyɛ. 21Ɔ ɓéɖé ɓɛ́ ɔ ké ɖé dyɔún dyi dèìn, hwɛ̀ ɓɛ́ ti Gèɖèpɔ́ɔ̀ kéà ɖɛ séín dyíin nɔ̀mɔ̀ìn nyɛɛ ké dyi. Ɔ mɔ̀ ti kɔ̃̀ jè ɓɛ́ Gèɖèpɔ́ɔ̀ cɛ̃ ma ɖé ɔ kpáá-ɖɛ̀-cɛ̃-nyɔ̀ ɓě ɓɛ́ wa nì zɔ̃̌ɔ̀ ɖé ti sùà múɛɛ mú kɛ. 22Mózè ɖá, ‘Bounɓo mɔ̀à ɓěɛ̀ Gèɖèpɔ́ɔ̀ kɛɛ muɛ nyuùn ɓɛ́ ɓě ɖíí ɓěɔ̀ ɖò ké kpáá-ɖɛ̀-cɛ̃-nyɔ̀ jǔ ɖé ɓě hwìɛ̀ kà ḿ nìà kɛ, ké ɓě mɛ tò ɖɛ séín ɔ mu ɓě gbo cɛ̃ìn nyɛɛ ɖùǔ gbo. 23Ɔ jǔ ké nyɔ ɖò se kpáá-ɖɛ̀-cɛ̃-nyɔ̀ɔ̀ wuɖuɔ̀ dyi kpɔ̃ ní, nìí, wa mu ɔ nyɔ ɓěɔ̀ hwìɛ̀ zàùn, ɓɛ́ wa ké ɔ jè mú gbɔɔ̀.’ 24Ké kpáá-ɖɛ̀-cɛ̃-nyɔ̀ séín ɓě ɓɛ́ wa wùɖù zɔ̃̌ɔ̀ kà kɛɛ, sɔ̀ìn Sámíò nììn tiɔ̀ gbo ké dyúa muɛɛ, wa cɛ̃ ma wé ɓěà jè ɖekè. 25Ɓě mɔ̀ kpáá-ɖɛ̀-cɛ̃-nyɔ̀ ɓěɔ̀ nyúà-dyú ɓě, ké dèè-wùɖù ɓɛ́ Gèɖèpɔ́ɔ̀ kè ɓě ɓǎ nììn ɓǎ ɓěɔ̀ dè ma kà kɛɛ, ɓě ɖǎ ɔ dúí sè. Ɔ mɔ̀ wuɖu ɓɛ́ ɔ kè Ééɓòɖòhɛ̃́ɛ̀ dè zɔ̃̌ɔ̀ kà, ti ɓɛ́ ɔ cɛ̃ɛ ma, ké ɔ dyi níiń, ‘Dyììn ɖé nì xwíníín-dyù ɓěɔ̀ múɛɛ, ɖéɛ̀ ɓóɖó-dù séín nì ɓóɖó-kpàà kɔ̃ɛɛ mu jĩ́á-jè dyéìn.’ 26Ti Gèɖèpɔ́ɔ̀ ɖú ma ɔ gbo-nì-dyùɔ̀ dyíɛɛ, ɔ ɖoɓo ma ɔ ɓě gbo kĩ́ín, ɓɛ́ ɓě ké mana dyé, sepóɛɖé ɔ mu ɓě séín xwa cɛ́ɛ̀ìn, ɓɛ́ ɔ ké ɓě ɓěɛ̀ ɖɛ gbà ɓěɔ̀ gbo zà.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bassa Bible © Bible Society Liberia, 2002.