Jɔ̃́ɔ́ 15
15
Jízɛ̀ mɔ̀ géɖéè-ɖúú jɛ́ɛ́ɔ̀
1“Mɔ̄ mɔ̀ géɖéè-ɖúú jɛ́ɛ́ɔ̀, ké ḿ Ɓǎ mɔ̀ ní dyí-gmɔ̀-nyɔ̀. 2Ɔ jaɖa ní ɖɔ́ séín ɓě ɓɛ́ wa se ɓo tòɖò kɛ. Ké ɔ zà ní ɖɔ́ séín ɓě ɓɛ́ wa tòɖò ɓo kɛɛ ɖɔ́ bũ̌in, ɓɛ́ wa ké dyíin nɔ̀mɔ̀, ɓɛ́ wa ké ɓo pàɖǎ tòɖò. 3Wuɖu ɓě ɓɛ́ ḿ cɛ̃à ɓě gboɛɛ ɖǎa nyu ké ɓě ɖǎ dyíin nɔ̀mɔ̀. 4Ɓě mɛ nì ɖé ḿ mú kánáá pū, ké ní mu ɓě mɔ̀ùn mú nììn kánáá pū. Ɓě se ɖé ḿ mú nìǐn, nìí, ɓě se ɓo ɖò tòɖòɛ̀ ɓɛ́ìn, kà dyúáɖòɔ̀ kǎà ɖúúɔ̀ ɖɔ́ ɖò se ɓo tòɖòɛ̀ ɓɛ́ìn, ɔ sèìn ɔ nì dyɛ ɖúúɔ̀ dyí hwɛ̀.
5“Mɔ̄ mɔ̀ ɖúúɔ̀. Ɓě mɔ̀ ní ɖɔ́ ɓěɔ̀. Nyɔ ɓě ɓɛ́ wa mu ḿ mú nììn, ké mɔ́ún mu wa mɔ̀ùn mú nììn nyɛɛ mu ɓo pàɖǎ tòɖòùn. Sepóɛɖé ḿ se ɓě gbo nìǐn, ɓě ɖòùn se ɖɛ ɖò nyuɛ ɓɛ́ìn fɔɔ. 6Nyɔ ɓɛ́ ɔ se ḿ mú nì kɛɛ, wa po ɔ xwáɖáún kà wa poà ɖúúɔ̀ ɖɔ́ xwáɖáún wɛ̃, ké ɔ dyɛ. Wa poìn ɖúúɔ̀ ɖɔ́ ɓě nì ná kɛɛ dyí, ké wa po wa dyéɖé, ké wa sĩ. 7Ɓě dyi ɖé ḿ mú nì, ké ní wuɖu ɓěɔ̀ dyi ɖé ɓě mú nìǐn, nìí, ɓě mu ɖɛ séín ɓɛ́ ɓě mɔ́ kɛɛ zɔ̀ùn, ké ɓě mu wa dyéìn. 8Kà nyɔǔn nyu ḿ Ɓǎà dĩ́ín-dĩ̀ìnɔ̀ dyéɛ kɛɛ kɛà kɛ̀. Ɔ mɔ̀ ɖé ɓěɛ̀ ɓo pàɖǎ tòɖò-tòɖòɔ̀ mú. Ké kǎà ɓě nyu kǎa ní ɖeín-nà-nyɔ̀ ɓě jǔɛ. 9Ḿ ɖɛ̀ɓɛ̀ ɓě mú kà ɓɛ́ Ɓǎɔ̀ ɖɛ̀ɓɛ̀à ḿ múɛ. Ɓě mɛ cĩ́ ɖé ní ɖɛ̀ɓɛ̀ǐn-ɖɛ̀ɓɛ̀ǐnɔ̀ mú. 10Ɓě dyi ɖɛ ɓě ɓɛ́ ḿ cɛ̃à kɛɛ nyuín, ɓě mu ɖé ní ɖɛ̀ɓɛ̀ǐn-ɖɛ̀ɓɛ̀ǐnɔ̀ mú cĩ́ìn. Kà dyúáɖòɔ̀ kǎà ḿ ɖǎ ɖɛ ɓě ɓɛ́ ḿ Ɓǎ cɛ̃ maa nyu, ké ḿ cĩ́ ɖé ɔ nììn ɖɛ̀ɓɛ̀ǐn-ɖɛ̀ɓɛ̀ǐnɔ̀ mú. 11Ḿ cɛ̃ ɓě ɖɛ ɓě nìà kɛ gbo, ɓɛ́ ní múàɔ̀ ké ɖé ɓě mú nì, ɔ kè ɓɛ́ ɓěɛ̀ múàɔ̀ ké gbɔ hwɛ̀.
12“Ɖɛ ḿ cɛ̃ kɛɛ kɛà kɛ̀. Ɔ mɔ̀, ɓě mɛ ɖɛɓɛìn ɖɛ̀ɓɛ̀ìn mú kà ḿ ɖɛ̀ɓɛ̀à ɓě múɛ. 13Ɖɛ̀ɓɛ̀ǐn-ɖɛ̀ɓɛ̀ǐn vɛ̀nɛ̀ ɓɛ́ ɔ zi ɔ séín dyí, ɓɛ́ nyɔ ɖò ɓɛ́ìn ɓéɖéɛ ɓó ɔ ɓǎto ɓě bììɛɛ mɔ̀ ɓɛ́ ɔ ké wa bìì mɛ́. 14Ké ɓě dyi ɖɛ ḿ cɛ̃ ɓě gboɛɛ nyu ní, nìí, ɓě mɔ̀ ní ɓǎto ɓě. 15Ḿ se ɓě ní gbo-nì-nyɔ̀ ɖáìn ɖe, sepóɛɖé gbo-nì-nyɔ̀ ɖò se ɖɛ ɓɛ́ ɔ gbo-nì-ɓǎɔ̀ nyu kɛɛ dyí dyuò. Kɛɛ ḿ ɖáìn ɓě ní ɓǎto ɓě, sepóɛɖé ḿ ɖǎ ɖɛ séín ɓě ɓɛ́ ḿ wɔ̃́ ma sɔ̀ìn ɖé ḿ Ɓǎ gboɛɛ ɓě gbo cɛ̃. 16Ɓě se ma ḿ gã. Kɛɛ mɔ̄ mɔ̀ nyɔ gã ma ɓě, ké ḿ ɖá ɓě mɛ mu, ɓɛ́ ɓě ké ɓo ɓě ɓɛ́ wa muà nììn kánáá pūɛɛ ɓáún-ɓáún tòɖò. Ké Ɓǎɔ̀ mu ɖɛ séín ɓě ɓɛ́ ɓě zɔ̀ ɔ ɖé ní nyɛ́nɛ́ múɛɛ ɓě nyíìn. 17Ɖɛ ḿ cɛ̃ ɓě gboɛɛ kɛà kɛ̀. Ɔ mɔ̀, ɓě mɛ ɖɛɓɛìn ɖɛ̀ɓɛ̀ìn mú.
Ɓóɖó-kpàà nyɔ ɓě nyɛ́ ɓě mú
18“Ɓóɖó-kpàà nyɔ ɓě dyi ɓě mú nyɛ́ín, ɓě mɛ dyuòɛ̀ kà wa nyɛ́ ma ḿ mú kĩ́ín nyɛ. 19Ɓě dyi ma ɓóɖó-kpàà nììn nyɔ ɓěɔ̀ ɖò jǔǐn, nìí, ɓóɖó-kpàà nyɔ ɓěɔ̀ muɔ́ ɓě mú ɖɛ̀ɓɛ̀ìn kà wa ɖɛ̀ɓɛ̀à wa mìɔùn nììn nyɔ ɓěɔ̀ múɛ. Kɛɛ ḿ gã ɓě, ɓɛ́ ɓě ké ɓóɖó-kpàà nyɔ ɓěɔ̀ hwìɛ̀ sɔ̀, ké ɓě se ɔ nyɔ ɓě ɖe. Ɖɛa kɔ̃̀ jè wa nyɛ́à ɓě múɛ̀. 20Ɖɛ ḿ cɛ̃ ma ɓě gboɛɛ mɛ nì ɓě hwìɖǐi. Ɔ mɔ̀, ‘Gǐì ɖò se ɖɛ kpa ɓɛ́ ɔ ké ɔ kɔ̃̀-nyɔ̀ɔ̀ dyí zi.’ Wa dyi ma ḿ gǎ dyéìn ní, wa mu ɓě mɔ̀ùn gǎ dyéìn ɖekè. Wa dyi ma ní wuɖu nyuín, nìí, wa mu ɓě nììn wuɖu nyuùn ɖekè. 21Ɓě mɔ̀ ní nyɔ ɓě jèɛɛ, wa mu ɓě ɖɛ ɓěa bũ̌ nyuùn. Sepóɛɖé wa se nyɔ ɖoɓoà ḿ wɛ̃ɛ dyí dyuò. 22Ḿ se ma dyi ɓɛ́ ḿ ké ma wa gbo wùɖùǐn, nìí, zaa seɔ́ má wa kpɔ̃ɔ́ mu ɓó nàmàǔn nyu jè. Kɛɛ kà ɔ nyuà nìɛ̀ kɛɛ, wa se kã̀fĩ́á ɖò ɓéɖé ɖe ɓó waà nàmàǔn ɓěɔ̀ jè. 23Nyɔ ɓɛ́ ɔ nyɛ́ ḿ múɛɛ nyɛ́ ḿ Ɓǎ mú ɖekè. 24Ḿ se ma kũ̀à ɓě ɓɛ́ nyɔ ɖò séèà nyu ɖòɛɛ ɖé wa hwìɛ̀ nyuín, nìí, zaa seɔ́ má wa kpɔ̃ɔ́ mu ɓó nàmàǔn nyu jè. Kɛɛ kà ɔ nyuà nìɛ̀ kɛɛ, wa ɖǎ ɖɛ ɓɛ́ ḿ nyu ma kɛɛ dyé, ké wa nyɛ́ ḿ kè ḿ Ɓǎ mú. 25Ɔ ɓéɖé ɓɛ́ ɔ ké ná nì, ɓɛ́ ɖɛ ɓě céèà ɖé waà gma-cèè-ɖɛ̀ɔ̀ múɛɛ ké jǎà kpá. Ɖɛ céèà kɛɛ, ɔ kɛ̀. Ɔ mɔ̀, ‘Wa nyɛ́ ḿ mú, ké ɔ se xwíníín ɖò kɔ̃̀.’
26“Nyɔ-gbo-kpá-nyɔ̀ mɔ̀à jǎà Zùù ɓɛ́ ɔ sɔ̀à ɖé Ɓǎɔ̀ gboɛɛ mu dyiìn. Ɔ mu ɖé Ɓǎɔ̀ gbo sɔ̀ìn, ké ní mu ɔ tòùn. Ké ɔ mu ní jè cɛ̃ìn. 27Ké ɓě mɔ̀ùn mu ní jè cɛ̃ìn ɖekè, sepóɛɖé ɓě nì ma ɓó ḿ gbo sɔ̀ìn ɖé ɖɛ dè gbɔɔ̀ mú.
S'ha seleccionat:
Jɔ̃́ɔ́ 15: ƁB02
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bassa Bible © Bible Society Liberia, 2002.
Jɔ̃́ɔ́ 15
15
Jízɛ̀ mɔ̀ géɖéè-ɖúú jɛ́ɛ́ɔ̀
1“Mɔ̄ mɔ̀ géɖéè-ɖúú jɛ́ɛ́ɔ̀, ké ḿ Ɓǎ mɔ̀ ní dyí-gmɔ̀-nyɔ̀. 2Ɔ jaɖa ní ɖɔ́ séín ɓě ɓɛ́ wa se ɓo tòɖò kɛ. Ké ɔ zà ní ɖɔ́ séín ɓě ɓɛ́ wa tòɖò ɓo kɛɛ ɖɔ́ bũ̌in, ɓɛ́ wa ké dyíin nɔ̀mɔ̀, ɓɛ́ wa ké ɓo pàɖǎ tòɖò. 3Wuɖu ɓě ɓɛ́ ḿ cɛ̃à ɓě gboɛɛ ɖǎa nyu ké ɓě ɖǎ dyíin nɔ̀mɔ̀. 4Ɓě mɛ nì ɖé ḿ mú kánáá pū, ké ní mu ɓě mɔ̀ùn mú nììn kánáá pū. Ɓě se ɖé ḿ mú nìǐn, nìí, ɓě se ɓo ɖò tòɖòɛ̀ ɓɛ́ìn, kà dyúáɖòɔ̀ kǎà ɖúúɔ̀ ɖɔ́ ɖò se ɓo tòɖòɛ̀ ɓɛ́ìn, ɔ sèìn ɔ nì dyɛ ɖúúɔ̀ dyí hwɛ̀.
5“Mɔ̄ mɔ̀ ɖúúɔ̀. Ɓě mɔ̀ ní ɖɔ́ ɓěɔ̀. Nyɔ ɓě ɓɛ́ wa mu ḿ mú nììn, ké mɔ́ún mu wa mɔ̀ùn mú nììn nyɛɛ mu ɓo pàɖǎ tòɖòùn. Sepóɛɖé ḿ se ɓě gbo nìǐn, ɓě ɖòùn se ɖɛ ɖò nyuɛ ɓɛ́ìn fɔɔ. 6Nyɔ ɓɛ́ ɔ se ḿ mú nì kɛɛ, wa po ɔ xwáɖáún kà wa poà ɖúúɔ̀ ɖɔ́ xwáɖáún wɛ̃, ké ɔ dyɛ. Wa poìn ɖúúɔ̀ ɖɔ́ ɓě nì ná kɛɛ dyí, ké wa po wa dyéɖé, ké wa sĩ. 7Ɓě dyi ɖé ḿ mú nì, ké ní wuɖu ɓěɔ̀ dyi ɖé ɓě mú nìǐn, nìí, ɓě mu ɖɛ séín ɓɛ́ ɓě mɔ́ kɛɛ zɔ̀ùn, ké ɓě mu wa dyéìn. 8Kà nyɔǔn nyu ḿ Ɓǎà dĩ́ín-dĩ̀ìnɔ̀ dyéɛ kɛɛ kɛà kɛ̀. Ɔ mɔ̀ ɖé ɓěɛ̀ ɓo pàɖǎ tòɖò-tòɖòɔ̀ mú. Ké kǎà ɓě nyu kǎa ní ɖeín-nà-nyɔ̀ ɓě jǔɛ. 9Ḿ ɖɛ̀ɓɛ̀ ɓě mú kà ɓɛ́ Ɓǎɔ̀ ɖɛ̀ɓɛ̀à ḿ múɛ. Ɓě mɛ cĩ́ ɖé ní ɖɛ̀ɓɛ̀ǐn-ɖɛ̀ɓɛ̀ǐnɔ̀ mú. 10Ɓě dyi ɖɛ ɓě ɓɛ́ ḿ cɛ̃à kɛɛ nyuín, ɓě mu ɖé ní ɖɛ̀ɓɛ̀ǐn-ɖɛ̀ɓɛ̀ǐnɔ̀ mú cĩ́ìn. Kà dyúáɖòɔ̀ kǎà ḿ ɖǎ ɖɛ ɓě ɓɛ́ ḿ Ɓǎ cɛ̃ maa nyu, ké ḿ cĩ́ ɖé ɔ nììn ɖɛ̀ɓɛ̀ǐn-ɖɛ̀ɓɛ̀ǐnɔ̀ mú. 11Ḿ cɛ̃ ɓě ɖɛ ɓě nìà kɛ gbo, ɓɛ́ ní múàɔ̀ ké ɖé ɓě mú nì, ɔ kè ɓɛ́ ɓěɛ̀ múàɔ̀ ké gbɔ hwɛ̀.
12“Ɖɛ ḿ cɛ̃ kɛɛ kɛà kɛ̀. Ɔ mɔ̀, ɓě mɛ ɖɛɓɛìn ɖɛ̀ɓɛ̀ìn mú kà ḿ ɖɛ̀ɓɛ̀à ɓě múɛ. 13Ɖɛ̀ɓɛ̀ǐn-ɖɛ̀ɓɛ̀ǐn vɛ̀nɛ̀ ɓɛ́ ɔ zi ɔ séín dyí, ɓɛ́ nyɔ ɖò ɓɛ́ìn ɓéɖéɛ ɓó ɔ ɓǎto ɓě bììɛɛ mɔ̀ ɓɛ́ ɔ ké wa bìì mɛ́. 14Ké ɓě dyi ɖɛ ḿ cɛ̃ ɓě gboɛɛ nyu ní, nìí, ɓě mɔ̀ ní ɓǎto ɓě. 15Ḿ se ɓě ní gbo-nì-nyɔ̀ ɖáìn ɖe, sepóɛɖé gbo-nì-nyɔ̀ ɖò se ɖɛ ɓɛ́ ɔ gbo-nì-ɓǎɔ̀ nyu kɛɛ dyí dyuò. Kɛɛ ḿ ɖáìn ɓě ní ɓǎto ɓě, sepóɛɖé ḿ ɖǎ ɖɛ séín ɓě ɓɛ́ ḿ wɔ̃́ ma sɔ̀ìn ɖé ḿ Ɓǎ gboɛɛ ɓě gbo cɛ̃. 16Ɓě se ma ḿ gã. Kɛɛ mɔ̄ mɔ̀ nyɔ gã ma ɓě, ké ḿ ɖá ɓě mɛ mu, ɓɛ́ ɓě ké ɓo ɓě ɓɛ́ wa muà nììn kánáá pūɛɛ ɓáún-ɓáún tòɖò. Ké Ɓǎɔ̀ mu ɖɛ séín ɓě ɓɛ́ ɓě zɔ̀ ɔ ɖé ní nyɛ́nɛ́ múɛɛ ɓě nyíìn. 17Ɖɛ ḿ cɛ̃ ɓě gboɛɛ kɛà kɛ̀. Ɔ mɔ̀, ɓě mɛ ɖɛɓɛìn ɖɛ̀ɓɛ̀ìn mú.
Ɓóɖó-kpàà nyɔ ɓě nyɛ́ ɓě mú
18“Ɓóɖó-kpàà nyɔ ɓě dyi ɓě mú nyɛ́ín, ɓě mɛ dyuòɛ̀ kà wa nyɛ́ ma ḿ mú kĩ́ín nyɛ. 19Ɓě dyi ma ɓóɖó-kpàà nììn nyɔ ɓěɔ̀ ɖò jǔǐn, nìí, ɓóɖó-kpàà nyɔ ɓěɔ̀ muɔ́ ɓě mú ɖɛ̀ɓɛ̀ìn kà wa ɖɛ̀ɓɛ̀à wa mìɔùn nììn nyɔ ɓěɔ̀ múɛ. Kɛɛ ḿ gã ɓě, ɓɛ́ ɓě ké ɓóɖó-kpàà nyɔ ɓěɔ̀ hwìɛ̀ sɔ̀, ké ɓě se ɔ nyɔ ɓě ɖe. Ɖɛa kɔ̃̀ jè wa nyɛ́à ɓě múɛ̀. 20Ɖɛ ḿ cɛ̃ ma ɓě gboɛɛ mɛ nì ɓě hwìɖǐi. Ɔ mɔ̀, ‘Gǐì ɖò se ɖɛ kpa ɓɛ́ ɔ ké ɔ kɔ̃̀-nyɔ̀ɔ̀ dyí zi.’ Wa dyi ma ḿ gǎ dyéìn ní, wa mu ɓě mɔ̀ùn gǎ dyéìn ɖekè. Wa dyi ma ní wuɖu nyuín, nìí, wa mu ɓě nììn wuɖu nyuùn ɖekè. 21Ɓě mɔ̀ ní nyɔ ɓě jèɛɛ, wa mu ɓě ɖɛ ɓěa bũ̌ nyuùn. Sepóɛɖé wa se nyɔ ɖoɓoà ḿ wɛ̃ɛ dyí dyuò. 22Ḿ se ma dyi ɓɛ́ ḿ ké ma wa gbo wùɖùǐn, nìí, zaa seɔ́ má wa kpɔ̃ɔ́ mu ɓó nàmàǔn nyu jè. Kɛɛ kà ɔ nyuà nìɛ̀ kɛɛ, wa se kã̀fĩ́á ɖò ɓéɖé ɖe ɓó waà nàmàǔn ɓěɔ̀ jè. 23Nyɔ ɓɛ́ ɔ nyɛ́ ḿ múɛɛ nyɛ́ ḿ Ɓǎ mú ɖekè. 24Ḿ se ma kũ̀à ɓě ɓɛ́ nyɔ ɖò séèà nyu ɖòɛɛ ɖé wa hwìɛ̀ nyuín, nìí, zaa seɔ́ má wa kpɔ̃ɔ́ mu ɓó nàmàǔn nyu jè. Kɛɛ kà ɔ nyuà nìɛ̀ kɛɛ, wa ɖǎ ɖɛ ɓɛ́ ḿ nyu ma kɛɛ dyé, ké wa nyɛ́ ḿ kè ḿ Ɓǎ mú. 25Ɔ ɓéɖé ɓɛ́ ɔ ké ná nì, ɓɛ́ ɖɛ ɓě céèà ɖé waà gma-cèè-ɖɛ̀ɔ̀ múɛɛ ké jǎà kpá. Ɖɛ céèà kɛɛ, ɔ kɛ̀. Ɔ mɔ̀, ‘Wa nyɛ́ ḿ mú, ké ɔ se xwíníín ɖò kɔ̃̀.’
26“Nyɔ-gbo-kpá-nyɔ̀ mɔ̀à jǎà Zùù ɓɛ́ ɔ sɔ̀à ɖé Ɓǎɔ̀ gboɛɛ mu dyiìn. Ɔ mu ɖé Ɓǎɔ̀ gbo sɔ̀ìn, ké ní mu ɔ tòùn. Ké ɔ mu ní jè cɛ̃ìn. 27Ké ɓě mɔ̀ùn mu ní jè cɛ̃ìn ɖekè, sepóɛɖé ɓě nì ma ɓó ḿ gbo sɔ̀ìn ɖé ɖɛ dè gbɔɔ̀ mú.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bassa Bible © Bible Society Liberia, 2002.