Jɔ̃́ɔ́ 5
5
Gàa ɖò káná dyi ɖé dòùnɓìǎ ɖò wĩín nyɛ
1Ti ɖɛa ɖǎ ma dyi ziɛɛ, Júù-nyɔ̀ ɓěɔ̀ pa ma hwɔ ɖò ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú, ké Jízɛ̀ mu ma ɖé. 2Dòùnɓìǎ ɖò nì ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú. Ɔ nì ma ɓó gmɔ-wɔ̃̀ ɓɛ́ wa ɖáìn ma Ɓáɖáá-gmɔ̀-wɔ̃̀ kɛɛ wĩín. Gbáá wɔɖɔɔ hm̀m̌ nì ma ɓó dòùnɓìǎɔ̀ wĩín. Ké ɖé Híìbúɖúù-wùɖù múɛɛ, wa ɖáìn ma dòùnɓìǎɔ̀ Bɛ̀zátà. 3Wɛ́-nyɔ̀ kúɖúú ɓě pɛ̃́ ma gbáá ɓěɔ̀ xwíɖíi dyi. Wa mɔ̀ ma dyéɖéín-dyi-kpè-nyɔ̀ ɓě kè kɔ́ɖɔ́-nyɔ̀ ɓě ɔ kè wáká-mɛ́-nyɔ̀ ɓě. [Wa nì ma fòɛ̌n ɓɛ́ níɔ̀ ké ma dyi túò, 4sepóɛɖé ti ɖò nì ma ɓó, ké Bounɓoɔ̀ ínjà ɖò mu, ké ɔ túò ma níɔ̀ dyi. Níɔ̀ ɖǎ ma dyi túò ní, nyɔ kĩ́ín-kĩ́ín ɓɛ́ ɔ kpá ma ɖé dòùnɓìǎɔ̀ kɔ̃ɛɛ, ɔ wɛ́ séín nì ma ɔ múɛɛ ɓɔ́ ma ní.] 5Ké gàa ɖò nì ma ɓó. Ɔ ɖǎ ma wɛ́ ɓó zɔ̃ kpáɖá-nyɔ ɓaɖa-bùè sè mɛ̀nɛ̌ìn-tã xwíníín. 6Jízɛ̀ dyé ma ɓó ɔ dyi pɛ̃́ɛ. Ɔ dyuò kà wɛ́ɔ̀ ɖǎ ma gàaɔ̀ mú nì ɓó zɔ̃ pàɖǎ xwíníín nyɛ. Ɔ jèɛɛ, ɔ diè ma ɔ dyi, ké ɔ ɖá, “Nì mɔ́ ɓɛ́ m̀ ké dyi kánáà?”
7Ké gàa wɛ́-wɛ́ɔ̀ zà ma ɖé wuɖu, ké ɔ ɖá, “Ɓɔ̌ɔ̀, ḿ se nyɔ ɖò ɓéɖé, ɓɛ́ níɔ̀ dyi dyi túò ní, ɔ ké ɖé ḿ dòùnɓìǎɔ̀ kɔ̃ po. Ḿ dyi vɔ̃uń nì ɓɛ́ ḿ ké ɓó kpáín, nìí, nyɔ ɖò kpá ɓó kĩ́ín.”
8Ké Jízɛ̀ cɛ̃ɛ ma ɔ gbo, ké ɔ ɖá, “Sɔ̀ dyí, ɖú nì kɔ̃-pɛ̃́-ɖɛ̀ɔ̀ dyí, ɓɛ́ ḿ ké nà.” 9Wàɖà cá kɛɛ, gàaɔ̀ káná ma dyi. Ké ɔ ɖú ma ɔ kɔ̃-pɛ̃́-ɖɛ̀ɔ̀ dyí, ké ɔ nà ma.
Ti ɓɛ́ ɖɛ nìà kɛ kpá ma kà kɛɛ mɔ̀ ma Gèɖèpɔ́ɔ̀ fɔ̀-wèɔ̀ ɓaɖa. 10Ɔ jèɛɛ, Júù-nyɔ̀ ɓěɔ̀ cɛ̃ɛ ma gàa ɓɛ́ ɔ káná ma kà dyiɛɛ gbo, ké wa ɖá, “Zɛ̃̌ɛ̀ mɔ̀ Gèɖèpɔ́ɔ̀ fɔ̀-wèɔ̀. Ɔ se dyíin nɔ̀mɔ̀ ɓɛ́ m̀ ké nì kɔ̃-pɛ̃́-ɖɛ̀ɔ̀ kpa.”
11Ké ɔ zà ma ɖé wuɖu, ké ɔ ɖá, “Gàa ɓɛ́ ɔ kánáìn kà ḿ dyiɛɛ cɛ̃ɛ ḿ gbo kà ḿ mɛ ɖúɔ́ ní kɔ̃-pɛ̃́-ɖɛ̀ɔ̀ dyí, ɓɛ́ ḿ ké nà kɛ.”
12Ké wa diè ma ɔ dyi, ké wa ɖá, “Gàaɔ̀ nyɛ́ cɛ̃à m̀ gbo, ɓɛ́ m̀ kéà nì kɔ̃-pɛ̃́-ɖɛ̀ɔ̀ dyí ɖú, ɓɛ́ m̀ kéà nà kɛ́?”
13Kɛɛ gàa ɓɛ́ ɔ káná ma kà dyiɛɛ se ma Jízɛ̀ dyí dyuò, sepóɛɖé Jízɛ̀ sɔ̀ ma ɖé ɓó nyɔ kúɖúú ɓěɔ̀ jè.
14Ɔ ɖǎ ma ná nìɛɛ, Jízɛ̀ dyɛ̀ìn ma gàaɔ̀ ɖé Gèɖèpɔ́ɔ̀ gbǒɔ̀ mú, ké ɔ cɛ̃ɛ ma ɔ gbo, ké ɔ ɖá, “Dyé kà m̀ ɖǎ dyi kánáa. Mɔ̀ǔn ɖá ɓɛ́ m̀ ké nàmàǔn nyu ɖe, nìí, ɖɛ nyìnììn dyíin ké ɔ zi ɔ nyɔà dyíɛɛ ɖò ní kɔ̃̀ ɖà m̀ gbo kpá.”
15Sɔ̀ìn ɓóɛ gboɛɛ, gàaɔ̀ mu ma, ké ɔ cɛ̃ɛ ma Júù-nyɔ̀ ɓěɔ̀ gbo kà Jízɛ̀ mɔ̀ nyɔ kánáìn ma kà ɔ dyiɛ̀. 16Jízɛ̀ kánáìn ma gàaɔ̀ dyi ɓó Gèɖèpɔ́ɔ̀ fɔ̀-wèɔ̀ ɓaɖa jè, Júù-nyɔ̀ ɓěɔ̀ ɖú ma Jízɛ̀ gǎ dyéìn kpàǐ. 17Kɛɛ Jízɛ̀ cɛ̃ɛ ma wa gbo, ké ɔ ɖá, “Ḿ Ɓǎ nyu kũ̀à tee, ké mɔ́ún ɓéɖé ɓɛ́ ḿ ké kũ̀à nyu.”
18Ɖɛ ɔ cɛ̃ ma kà kɛɛ jè nyuɛ ké Júù-nyɔ̀ ɓěɔ̀ mɔ́ ma ɔ ɖáɓáa dyi mìɔ. Ɔ mɔ̀, ɔ se ma gma ɓá Gèɖèpɔ́ɔ̀ fɔ̀-wèɔ̀ dyíɛɛ wáɖá ɖòùn pū, kɛɛ ɔ cɛ̃ɛ ma kà ɓɛ́ Gèɖèpɔ́ɔ̀ mɔ̀ ma ɔ Ɓǎ kɛ. Ké cɛ̃ɛ ɔ cɛ̃à náa kɛɛ jè nyuɛ ɓɛ́ ɔ nììn kpé kè Gèɖèpɔ́ɔ̀ kpé ké wɔ̃ ɓɛ́ìn.
Dyú-gààɔ̀ kpé
19Ké Jízɛ̀ cɛ̃ɛ ma Júù-nyɔ̀ ɓěɔ̀ gbo, ké ɔ ɖá, “Ḿ cɛ̃ ɓě jǎà gbo, Dyú-gààɔ̀ ɖòùn se ɖɛ ɖò nyuɛ ɓɛ́ìn. Ɔ nyu ɖɛ ɓě ɓɛ́ ɔ dyé ɔ Ɓǎ nyuɛ kɛɛ ɖòùn. Ɖɛ Ɓǎɔ̀ nyu kɛɛ, ɖéɛ̀ Dyú-gààɔ̀ mɔ̀ùn nyu ɖekè. 20Sepóɛɖé Ɓǎɔ̀ ɖɛ̀ɓɛ̀ Dyú-gààɔ̀ mú, ké ɔ tɛ̀mɛ̀ìn ɖɛ séín ɓě ɓɛ́ ɔ mìɔùn nyu kɛɛ ɔ dyí. Ɔ mu ɖɛ kpa ɖɛ ɓě ɓɛ́ ɔ ké ɔ nyɔ ɓě nìà kɛ dyí ziɛɛ ɔ dyí tɛ̀mɛ̀ìn, ɓɛ́ ɔ ké wa nyu, ké ɓě mu dyi giniìn mìɔ. 21Ɓǎɔ̀ zà nyɔ ɓě ɖǎà mɛ́ɛ gĩɔ, ké ɔ nyí wa fɛ̀ɛ̀. Kà dyúáɖòɔ̀ kǎà Dyúɔ̀ nyí nyɔ ɓě ɓɛ́ ɔ mɔ́ fɛ̀ɛ̀ nyíɛ dyiɛɛ fɛ̀ɛ̀ ɖekè. 22Ké Ɓǎɔ̀ ní po nyɔ ɖòɛ̀ zaa wɔ̃. Ɔ ɖǎ Dyúɔ̀ kpé séín nyí, ɓɛ́ ɔ ké nyɔǔn zaa wɔ̃ po, 23ɓɛ́ nyɔǔn séín ké Dyúɔ̀ kpéín dyé kà wa dyéà Ɓǎɔ̀ kpéín nyɛ. Nyɔǔn séín ɓɛ́ wa se Dyúɔ̀ kpéín dyéɛɛ se Ɓǎ mɔ̀ nyɔ ɖoɓoà ɔ kɛɛ kpéín dyé ɖekè.
24“Ḿ cɛ̃ ɓě jǎà gbo, nyɔ mɔ̀ nyɔ ɓɛ́ ɔ wɔ̃́ ní wuɖuɔ̀, ké ɔ taɓa nyɔ mɔ̀ nyɔ ɖoɓoà ḿ wɛ̃ɛ hwìɖǐǐɛɛ ɓéɖé sè-ná-sèɛ̀ fɛ̀ɛ̀. Zaa se ɔ kpɔ̃ɔ́ mu. Ɔ ɖǎ mɛ́-mɛ́ mú sɔ̀, ké ɔ ɖǎ fɛ̀ɛ̀ mú mu. 25Ḿ cɛ̃ ɓě jǎà gbo, ti ɖò nì dyiɛń, ké tiɔ̀ ɖǎ ɓó nyini nɔ̀ɔ̀. Ɔ mɔ̀ ti ɓɛ́ nyɔ ɓě ɓɛ́ wa se fɛ̀ɛ̀ ɓéɖéɛɛ mu Gèɖèpɔ́ɔ̀ Dyú-gààɔ̀ wuɖu wɔ̃́ùn wɛ̃, ké nyɔ ɓě ɓɛ́ wa muɛ wɔ̃́ùn wɛ̃ɛ mu cĩ́ìn. 26Ɓǎɔ̀ mìɔùn mɔ̀ nyɔ nyí nyɔǔn fɛ̀ɛ̀. Kà dyúáɖòɔ̀ kǎà ɔ nyí ɔ Dyú-gààɔ̀ kpé, ɓɛ́ ɔ ké nyɔǔn fɛ̀ɛ̀ nyí. 27Ké ɔ ɖǎ Dyú-gààɔ̀ kpé nyí, ɓɛ́ ɔ ké nyɔǔn zaa wɔ̃ po, sepóɛɖé ɔ mɔ̀ Nyɔǔn-dyùɛ̀ Dyú-gààɔ̀. 28Ɖɛa ní ɖá ɓɛ́ ɔ ké ɓě dyi giniìn, sepóɛɖé ti ɖò nì dyiɛń, ké nyɔǔn séín ɓě ɖǎà mɛ́, ké wa ɖǎ ma wa dyóɖóún zàa mu ɔ wuɖu wɔ̃́ùn, 29ké wa mu waà gmàà ɓěɔ̀ mú sɔ̀ùn. Nyɔ ɓě ɓɛ́ wa ɖǎ ma nɔ̀mɔ̀ dyíin nyuɛɛ mu gĩɔ wóɖóùn, ké wa mu fɛ̀ɛ̀ ɓéɖéìn. Ké nyɔ ɓě ɖǎ ma ɖɛ gbà nyuɛɛ mu gĩɔ wóɖóùn, ké zaa mu wa kpɔ̃ùn.
Jízɛ̀ɛ̀ zàse ɓě
30“Ḿ ɖòùn se ɖɛ ɖò nyuɛ ɓɛ́ìn. Kà Gèɖèpɔ́ɔ̀ ɖá ḿ mɛ nyu zaa wɔ̃ poɛ kɛɛ, kǎà ḿ poɛ wɔ̃. Ké ní zaa-wɔ̃-po-poɔ̀ sɛ́ɖɛ́ìn dyí, sepóɛɖé ḿ se vɔ̃uń nì ɓɛ́ ḿ ké ɖɛ ní mɔ́ɛɛ nyu, kɛɛ ḿ nì vɔ̃uń ɓɛ́ ḿ ké ɖɛ nyɔ mɔ̀ nyɔ ɖoɓoà ḿ wɛ̃ɛ mɔ́ kɛɛ nyu.
31“Ḿ dyi ḿ mìɔùn nììn zàse nyu ní, nìí, ɖɛ ḿ cɛ̃à kɛɛ, nyɔ ɖò se ɔ dyi kpɔ̃ɔ ɓɛ́ìn. 32Kɛɛ nyɔ ɖò nì ɓó, ké ɔ nyu ḿ níǐn zàse ɖe, ké ḿ dyuò kà ɖɛ ɔ cɛ̃ ɓá ḿ dyíɛɛ mɔ̀ jǎà kɛ. 33Ɓě ɖoɓo ma nyɔ ɓě ɖé Jɔ̃́ɔ́ gbo, ké ɔ nyu ma zàse ɓó jǎàɔ̀ jè. 34Ɔ se ɖɛ ɓɛ́ nyɔǔn-dyù ké ní zàse nyuɛ. Ḿ cɛ̃ ɖɛa, ɓɛ́ ɓě ké pó jè. 35Jɔ̃́ɔ́ nì ma kà ɖáùnpò nìà kɛ, ké ɔ nì ma wãuń, ké ɔ nì ma fãuń. Ɓě wɔ̃́ ma ɓɛ́ ɓěɛ̀ hwòɖǒ ké ma dyi dè ɓó ɔ ceɔ̀ jè, ɓó ti wè xwíníín. 36Kɛɛ ḿ ɓéɖé ɖɛ ɖò ɓɛ́ ɔ ké ní zàse nyu. Ké ɔ kpa ɖɛ ké ɔ zi Jɔ̃́ɔ́ nììn zàse ɓɛ́ ɔ nyu ma kɛɛ dyí. Ɔ mɔ̀ kũ̀à ɓě ɓɛ́ ḿ nyuà kɛ. Ḿ Ɓǎ nyí ma ḿ kũ̀à ɓěɔ̀, ɓɛ́ ḿ ké ma wa nyu. Wa nyu ní zàse, ké wa tɛ̀mɛ̀ìn nyɔǔn dyí kà ɓɛ́ Ɓǎɔ̀ mɔ̀ nyɔ ɖoɓo ḿ wɛ̃. 37Ké Ɓǎ mɔ̀ nyɔ ɖoɓoà ḿ wɛ̃ɛ mìɔùn ɖǎ ní zàse nyu. Ɓě séè ɔ wuɖu wɔ̃́ ɖò, ké ɓě séè ɔ dyúa dyé ɖò, 38ké ɔ wuɖuɔ̀ se pá ɖò ɓéɖé ɖé ɓě mú, sepóɛɖé ɓě se nyɔ ɓɛ́ ɔ ɖoɓo ma kɛɛ hwìɖǐǐ taɓa. 39Ɓě gmɔìn Gèɖèpɔ́ɔ̀-cèè-ɖɛ̀ ɓěɔ̀ múin, sepóɛɖé ɓě hwòɖǒ ɖá dyììn ɖé wa múɛɛ, ɓě mu sè-ná-sèɛ̀ fɛ̀ɛ̀ ɓéɖéìn. Ké céè-ɖɛ̀ ɓěɔ̀ cɛ̃ ní jè. 40Kɛɛ ɓě se wɔ̃́ ɓɛ́ ɓě ké ḿ gbo dyi, ɓɛ́ ɓě ké fɛ̀ɛ̀ ɓéɖé.
41“Ḿ se ɓàìn-ɓàìn sɔ̀ìn nyɔǔn gboɛɛ dyi mɔ́uń nì. 42Kɛɛ ḿ dyuò ɓě dyí. Ḿ dyuò kà ɓě se Gèɖèpɔ́ɔ̀ mú ɖɛ̀ɓɛ̀ ɖé ɓěɛ̀ hwòɖǒ-dyùà ɓěɔ̀ múɛ. 43Ḿ dyììn ɖé ḿ Ɓǎɔ̀ kpé mú, kɛɛ ɓě se ní jè dyi kpɔ̃. Nyɔ ɖò dyi ɖé ɔ mìɔùn nììn kpé mú dyììn ní, ɓě mu ɔ mɔ̀ùn jè dyi kpɔ̃ùn. 44Ɓě ɖɛ̀ɓɛ̀ ɓɛ́ ɓě mǔè ɓě ké ɓě ɓàìn, kɛɛ ɓě se vɔ̃uń nì ɓɛ́ ɓě ké ɓàìn-ɓàìn ɓɛ́ ɔ sɔ̀ìn kà ɖé Gèɖèpɔ́ɔ̀ dyúáɖòɔ̀ gboɛɛ dyé. Nìí, xwɛ̌ ɓě ɓɛ́ìn hwìɖǐǐ-taɓa-taɓa ɓéɖéɛ kɛ́? 45Ɓěǐn ɖá ɓɛ́ ɓě ké hwìɖǐi poìn kà ní mu ḿ Ɓǎɔ̀ zaa dèìn ɓó ɓě jè kɛ. Mózè mɔ̀ nyɔ ɓɛ́ ɓě dèà hwòɖǒ kɔ̃ɛɛ mɔ̀ nyɔ muɛ náa nyuùn. 46Ɓě dyi ma Mózèɛ̀ wuɖu ɓěɔ̀ jǎà po jɛ́ɛ́ ní, nìí, ɓě muɔ́ má ḿ níǐn wuɖuɔ̀ jǎà poùn, sepóɛɖé ɔ céè ma ní jè. 47Kɛɛ ɓě se ɖɛ ɔ céè ma kɛɛ jǎà po ní, nìí, xwɛ̌ ɓě ɓɛ́ìn ní wuɖuɔ̀ jǎà poɛ nyuɛ kɛ́?”
S'ha seleccionat:
Jɔ̃́ɔ́ 5: ƁB02
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bassa Bible © Bible Society Liberia, 2002.
Jɔ̃́ɔ́ 5
5
Gàa ɖò káná dyi ɖé dòùnɓìǎ ɖò wĩín nyɛ
1Ti ɖɛa ɖǎ ma dyi ziɛɛ, Júù-nyɔ̀ ɓěɔ̀ pa ma hwɔ ɖò ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú, ké Jízɛ̀ mu ma ɖé. 2Dòùnɓìǎ ɖò nì ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú. Ɔ nì ma ɓó gmɔ-wɔ̃̀ ɓɛ́ wa ɖáìn ma Ɓáɖáá-gmɔ̀-wɔ̃̀ kɛɛ wĩín. Gbáá wɔɖɔɔ hm̀m̌ nì ma ɓó dòùnɓìǎɔ̀ wĩín. Ké ɖé Híìbúɖúù-wùɖù múɛɛ, wa ɖáìn ma dòùnɓìǎɔ̀ Bɛ̀zátà. 3Wɛ́-nyɔ̀ kúɖúú ɓě pɛ̃́ ma gbáá ɓěɔ̀ xwíɖíi dyi. Wa mɔ̀ ma dyéɖéín-dyi-kpè-nyɔ̀ ɓě kè kɔ́ɖɔ́-nyɔ̀ ɓě ɔ kè wáká-mɛ́-nyɔ̀ ɓě. [Wa nì ma fòɛ̌n ɓɛ́ níɔ̀ ké ma dyi túò, 4sepóɛɖé ti ɖò nì ma ɓó, ké Bounɓoɔ̀ ínjà ɖò mu, ké ɔ túò ma níɔ̀ dyi. Níɔ̀ ɖǎ ma dyi túò ní, nyɔ kĩ́ín-kĩ́ín ɓɛ́ ɔ kpá ma ɖé dòùnɓìǎɔ̀ kɔ̃ɛɛ, ɔ wɛ́ séín nì ma ɔ múɛɛ ɓɔ́ ma ní.] 5Ké gàa ɖò nì ma ɓó. Ɔ ɖǎ ma wɛ́ ɓó zɔ̃ kpáɖá-nyɔ ɓaɖa-bùè sè mɛ̀nɛ̌ìn-tã xwíníín. 6Jízɛ̀ dyé ma ɓó ɔ dyi pɛ̃́ɛ. Ɔ dyuò kà wɛ́ɔ̀ ɖǎ ma gàaɔ̀ mú nì ɓó zɔ̃ pàɖǎ xwíníín nyɛ. Ɔ jèɛɛ, ɔ diè ma ɔ dyi, ké ɔ ɖá, “Nì mɔ́ ɓɛ́ m̀ ké dyi kánáà?”
7Ké gàa wɛ́-wɛ́ɔ̀ zà ma ɖé wuɖu, ké ɔ ɖá, “Ɓɔ̌ɔ̀, ḿ se nyɔ ɖò ɓéɖé, ɓɛ́ níɔ̀ dyi dyi túò ní, ɔ ké ɖé ḿ dòùnɓìǎɔ̀ kɔ̃ po. Ḿ dyi vɔ̃uń nì ɓɛ́ ḿ ké ɓó kpáín, nìí, nyɔ ɖò kpá ɓó kĩ́ín.”
8Ké Jízɛ̀ cɛ̃ɛ ma ɔ gbo, ké ɔ ɖá, “Sɔ̀ dyí, ɖú nì kɔ̃-pɛ̃́-ɖɛ̀ɔ̀ dyí, ɓɛ́ ḿ ké nà.” 9Wàɖà cá kɛɛ, gàaɔ̀ káná ma dyi. Ké ɔ ɖú ma ɔ kɔ̃-pɛ̃́-ɖɛ̀ɔ̀ dyí, ké ɔ nà ma.
Ti ɓɛ́ ɖɛ nìà kɛ kpá ma kà kɛɛ mɔ̀ ma Gèɖèpɔ́ɔ̀ fɔ̀-wèɔ̀ ɓaɖa. 10Ɔ jèɛɛ, Júù-nyɔ̀ ɓěɔ̀ cɛ̃ɛ ma gàa ɓɛ́ ɔ káná ma kà dyiɛɛ gbo, ké wa ɖá, “Zɛ̃̌ɛ̀ mɔ̀ Gèɖèpɔ́ɔ̀ fɔ̀-wèɔ̀. Ɔ se dyíin nɔ̀mɔ̀ ɓɛ́ m̀ ké nì kɔ̃-pɛ̃́-ɖɛ̀ɔ̀ kpa.”
11Ké ɔ zà ma ɖé wuɖu, ké ɔ ɖá, “Gàa ɓɛ́ ɔ kánáìn kà ḿ dyiɛɛ cɛ̃ɛ ḿ gbo kà ḿ mɛ ɖúɔ́ ní kɔ̃-pɛ̃́-ɖɛ̀ɔ̀ dyí, ɓɛ́ ḿ ké nà kɛ.”
12Ké wa diè ma ɔ dyi, ké wa ɖá, “Gàaɔ̀ nyɛ́ cɛ̃à m̀ gbo, ɓɛ́ m̀ kéà nì kɔ̃-pɛ̃́-ɖɛ̀ɔ̀ dyí ɖú, ɓɛ́ m̀ kéà nà kɛ́?”
13Kɛɛ gàa ɓɛ́ ɔ káná ma kà dyiɛɛ se ma Jízɛ̀ dyí dyuò, sepóɛɖé Jízɛ̀ sɔ̀ ma ɖé ɓó nyɔ kúɖúú ɓěɔ̀ jè.
14Ɔ ɖǎ ma ná nìɛɛ, Jízɛ̀ dyɛ̀ìn ma gàaɔ̀ ɖé Gèɖèpɔ́ɔ̀ gbǒɔ̀ mú, ké ɔ cɛ̃ɛ ma ɔ gbo, ké ɔ ɖá, “Dyé kà m̀ ɖǎ dyi kánáa. Mɔ̀ǔn ɖá ɓɛ́ m̀ ké nàmàǔn nyu ɖe, nìí, ɖɛ nyìnììn dyíin ké ɔ zi ɔ nyɔà dyíɛɛ ɖò ní kɔ̃̀ ɖà m̀ gbo kpá.”
15Sɔ̀ìn ɓóɛ gboɛɛ, gàaɔ̀ mu ma, ké ɔ cɛ̃ɛ ma Júù-nyɔ̀ ɓěɔ̀ gbo kà Jízɛ̀ mɔ̀ nyɔ kánáìn ma kà ɔ dyiɛ̀. 16Jízɛ̀ kánáìn ma gàaɔ̀ dyi ɓó Gèɖèpɔ́ɔ̀ fɔ̀-wèɔ̀ ɓaɖa jè, Júù-nyɔ̀ ɓěɔ̀ ɖú ma Jízɛ̀ gǎ dyéìn kpàǐ. 17Kɛɛ Jízɛ̀ cɛ̃ɛ ma wa gbo, ké ɔ ɖá, “Ḿ Ɓǎ nyu kũ̀à tee, ké mɔ́ún ɓéɖé ɓɛ́ ḿ ké kũ̀à nyu.”
18Ɖɛ ɔ cɛ̃ ma kà kɛɛ jè nyuɛ ké Júù-nyɔ̀ ɓěɔ̀ mɔ́ ma ɔ ɖáɓáa dyi mìɔ. Ɔ mɔ̀, ɔ se ma gma ɓá Gèɖèpɔ́ɔ̀ fɔ̀-wèɔ̀ dyíɛɛ wáɖá ɖòùn pū, kɛɛ ɔ cɛ̃ɛ ma kà ɓɛ́ Gèɖèpɔ́ɔ̀ mɔ̀ ma ɔ Ɓǎ kɛ. Ké cɛ̃ɛ ɔ cɛ̃à náa kɛɛ jè nyuɛ ɓɛ́ ɔ nììn kpé kè Gèɖèpɔ́ɔ̀ kpé ké wɔ̃ ɓɛ́ìn.
Dyú-gààɔ̀ kpé
19Ké Jízɛ̀ cɛ̃ɛ ma Júù-nyɔ̀ ɓěɔ̀ gbo, ké ɔ ɖá, “Ḿ cɛ̃ ɓě jǎà gbo, Dyú-gààɔ̀ ɖòùn se ɖɛ ɖò nyuɛ ɓɛ́ìn. Ɔ nyu ɖɛ ɓě ɓɛ́ ɔ dyé ɔ Ɓǎ nyuɛ kɛɛ ɖòùn. Ɖɛ Ɓǎɔ̀ nyu kɛɛ, ɖéɛ̀ Dyú-gààɔ̀ mɔ̀ùn nyu ɖekè. 20Sepóɛɖé Ɓǎɔ̀ ɖɛ̀ɓɛ̀ Dyú-gààɔ̀ mú, ké ɔ tɛ̀mɛ̀ìn ɖɛ séín ɓě ɓɛ́ ɔ mìɔùn nyu kɛɛ ɔ dyí. Ɔ mu ɖɛ kpa ɖɛ ɓě ɓɛ́ ɔ ké ɔ nyɔ ɓě nìà kɛ dyí ziɛɛ ɔ dyí tɛ̀mɛ̀ìn, ɓɛ́ ɔ ké wa nyu, ké ɓě mu dyi giniìn mìɔ. 21Ɓǎɔ̀ zà nyɔ ɓě ɖǎà mɛ́ɛ gĩɔ, ké ɔ nyí wa fɛ̀ɛ̀. Kà dyúáɖòɔ̀ kǎà Dyúɔ̀ nyí nyɔ ɓě ɓɛ́ ɔ mɔ́ fɛ̀ɛ̀ nyíɛ dyiɛɛ fɛ̀ɛ̀ ɖekè. 22Ké Ɓǎɔ̀ ní po nyɔ ɖòɛ̀ zaa wɔ̃. Ɔ ɖǎ Dyúɔ̀ kpé séín nyí, ɓɛ́ ɔ ké nyɔǔn zaa wɔ̃ po, 23ɓɛ́ nyɔǔn séín ké Dyúɔ̀ kpéín dyé kà wa dyéà Ɓǎɔ̀ kpéín nyɛ. Nyɔǔn séín ɓɛ́ wa se Dyúɔ̀ kpéín dyéɛɛ se Ɓǎ mɔ̀ nyɔ ɖoɓoà ɔ kɛɛ kpéín dyé ɖekè.
24“Ḿ cɛ̃ ɓě jǎà gbo, nyɔ mɔ̀ nyɔ ɓɛ́ ɔ wɔ̃́ ní wuɖuɔ̀, ké ɔ taɓa nyɔ mɔ̀ nyɔ ɖoɓoà ḿ wɛ̃ɛ hwìɖǐǐɛɛ ɓéɖé sè-ná-sèɛ̀ fɛ̀ɛ̀. Zaa se ɔ kpɔ̃ɔ́ mu. Ɔ ɖǎ mɛ́-mɛ́ mú sɔ̀, ké ɔ ɖǎ fɛ̀ɛ̀ mú mu. 25Ḿ cɛ̃ ɓě jǎà gbo, ti ɖò nì dyiɛń, ké tiɔ̀ ɖǎ ɓó nyini nɔ̀ɔ̀. Ɔ mɔ̀ ti ɓɛ́ nyɔ ɓě ɓɛ́ wa se fɛ̀ɛ̀ ɓéɖéɛɛ mu Gèɖèpɔ́ɔ̀ Dyú-gààɔ̀ wuɖu wɔ̃́ùn wɛ̃, ké nyɔ ɓě ɓɛ́ wa muɛ wɔ̃́ùn wɛ̃ɛ mu cĩ́ìn. 26Ɓǎɔ̀ mìɔùn mɔ̀ nyɔ nyí nyɔǔn fɛ̀ɛ̀. Kà dyúáɖòɔ̀ kǎà ɔ nyí ɔ Dyú-gààɔ̀ kpé, ɓɛ́ ɔ ké nyɔǔn fɛ̀ɛ̀ nyí. 27Ké ɔ ɖǎ Dyú-gààɔ̀ kpé nyí, ɓɛ́ ɔ ké nyɔǔn zaa wɔ̃ po, sepóɛɖé ɔ mɔ̀ Nyɔǔn-dyùɛ̀ Dyú-gààɔ̀. 28Ɖɛa ní ɖá ɓɛ́ ɔ ké ɓě dyi giniìn, sepóɛɖé ti ɖò nì dyiɛń, ké nyɔǔn séín ɓě ɖǎà mɛ́, ké wa ɖǎ ma wa dyóɖóún zàa mu ɔ wuɖu wɔ̃́ùn, 29ké wa mu waà gmàà ɓěɔ̀ mú sɔ̀ùn. Nyɔ ɓě ɓɛ́ wa ɖǎ ma nɔ̀mɔ̀ dyíin nyuɛɛ mu gĩɔ wóɖóùn, ké wa mu fɛ̀ɛ̀ ɓéɖéìn. Ké nyɔ ɓě ɖǎ ma ɖɛ gbà nyuɛɛ mu gĩɔ wóɖóùn, ké zaa mu wa kpɔ̃ùn.
Jízɛ̀ɛ̀ zàse ɓě
30“Ḿ ɖòùn se ɖɛ ɖò nyuɛ ɓɛ́ìn. Kà Gèɖèpɔ́ɔ̀ ɖá ḿ mɛ nyu zaa wɔ̃ poɛ kɛɛ, kǎà ḿ poɛ wɔ̃. Ké ní zaa-wɔ̃-po-poɔ̀ sɛ́ɖɛ́ìn dyí, sepóɛɖé ḿ se vɔ̃uń nì ɓɛ́ ḿ ké ɖɛ ní mɔ́ɛɛ nyu, kɛɛ ḿ nì vɔ̃uń ɓɛ́ ḿ ké ɖɛ nyɔ mɔ̀ nyɔ ɖoɓoà ḿ wɛ̃ɛ mɔ́ kɛɛ nyu.
31“Ḿ dyi ḿ mìɔùn nììn zàse nyu ní, nìí, ɖɛ ḿ cɛ̃à kɛɛ, nyɔ ɖò se ɔ dyi kpɔ̃ɔ ɓɛ́ìn. 32Kɛɛ nyɔ ɖò nì ɓó, ké ɔ nyu ḿ níǐn zàse ɖe, ké ḿ dyuò kà ɖɛ ɔ cɛ̃ ɓá ḿ dyíɛɛ mɔ̀ jǎà kɛ. 33Ɓě ɖoɓo ma nyɔ ɓě ɖé Jɔ̃́ɔ́ gbo, ké ɔ nyu ma zàse ɓó jǎàɔ̀ jè. 34Ɔ se ɖɛ ɓɛ́ nyɔǔn-dyù ké ní zàse nyuɛ. Ḿ cɛ̃ ɖɛa, ɓɛ́ ɓě ké pó jè. 35Jɔ̃́ɔ́ nì ma kà ɖáùnpò nìà kɛ, ké ɔ nì ma wãuń, ké ɔ nì ma fãuń. Ɓě wɔ̃́ ma ɓɛ́ ɓěɛ̀ hwòɖǒ ké ma dyi dè ɓó ɔ ceɔ̀ jè, ɓó ti wè xwíníín. 36Kɛɛ ḿ ɓéɖé ɖɛ ɖò ɓɛ́ ɔ ké ní zàse nyu. Ké ɔ kpa ɖɛ ké ɔ zi Jɔ̃́ɔ́ nììn zàse ɓɛ́ ɔ nyu ma kɛɛ dyí. Ɔ mɔ̀ kũ̀à ɓě ɓɛ́ ḿ nyuà kɛ. Ḿ Ɓǎ nyí ma ḿ kũ̀à ɓěɔ̀, ɓɛ́ ḿ ké ma wa nyu. Wa nyu ní zàse, ké wa tɛ̀mɛ̀ìn nyɔǔn dyí kà ɓɛ́ Ɓǎɔ̀ mɔ̀ nyɔ ɖoɓo ḿ wɛ̃. 37Ké Ɓǎ mɔ̀ nyɔ ɖoɓoà ḿ wɛ̃ɛ mìɔùn ɖǎ ní zàse nyu. Ɓě séè ɔ wuɖu wɔ̃́ ɖò, ké ɓě séè ɔ dyúa dyé ɖò, 38ké ɔ wuɖuɔ̀ se pá ɖò ɓéɖé ɖé ɓě mú, sepóɛɖé ɓě se nyɔ ɓɛ́ ɔ ɖoɓo ma kɛɛ hwìɖǐǐ taɓa. 39Ɓě gmɔìn Gèɖèpɔ́ɔ̀-cèè-ɖɛ̀ ɓěɔ̀ múin, sepóɛɖé ɓě hwòɖǒ ɖá dyììn ɖé wa múɛɛ, ɓě mu sè-ná-sèɛ̀ fɛ̀ɛ̀ ɓéɖéìn. Ké céè-ɖɛ̀ ɓěɔ̀ cɛ̃ ní jè. 40Kɛɛ ɓě se wɔ̃́ ɓɛ́ ɓě ké ḿ gbo dyi, ɓɛ́ ɓě ké fɛ̀ɛ̀ ɓéɖé.
41“Ḿ se ɓàìn-ɓàìn sɔ̀ìn nyɔǔn gboɛɛ dyi mɔ́uń nì. 42Kɛɛ ḿ dyuò ɓě dyí. Ḿ dyuò kà ɓě se Gèɖèpɔ́ɔ̀ mú ɖɛ̀ɓɛ̀ ɖé ɓěɛ̀ hwòɖǒ-dyùà ɓěɔ̀ múɛ. 43Ḿ dyììn ɖé ḿ Ɓǎɔ̀ kpé mú, kɛɛ ɓě se ní jè dyi kpɔ̃. Nyɔ ɖò dyi ɖé ɔ mìɔùn nììn kpé mú dyììn ní, ɓě mu ɔ mɔ̀ùn jè dyi kpɔ̃ùn. 44Ɓě ɖɛ̀ɓɛ̀ ɓɛ́ ɓě mǔè ɓě ké ɓě ɓàìn, kɛɛ ɓě se vɔ̃uń nì ɓɛ́ ɓě ké ɓàìn-ɓàìn ɓɛ́ ɔ sɔ̀ìn kà ɖé Gèɖèpɔ́ɔ̀ dyúáɖòɔ̀ gboɛɛ dyé. Nìí, xwɛ̌ ɓě ɓɛ́ìn hwìɖǐǐ-taɓa-taɓa ɓéɖéɛ kɛ́? 45Ɓěǐn ɖá ɓɛ́ ɓě ké hwìɖǐi poìn kà ní mu ḿ Ɓǎɔ̀ zaa dèìn ɓó ɓě jè kɛ. Mózè mɔ̀ nyɔ ɓɛ́ ɓě dèà hwòɖǒ kɔ̃ɛɛ mɔ̀ nyɔ muɛ náa nyuùn. 46Ɓě dyi ma Mózèɛ̀ wuɖu ɓěɔ̀ jǎà po jɛ́ɛ́ ní, nìí, ɓě muɔ́ má ḿ níǐn wuɖuɔ̀ jǎà poùn, sepóɛɖé ɔ céè ma ní jè. 47Kɛɛ ɓě se ɖɛ ɔ céè ma kɛɛ jǎà po ní, nìí, xwɛ̌ ɓě ɓɛ́ìn ní wuɖuɔ̀ jǎà poɛ nyuɛ kɛ́?”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bassa Bible © Bible Society Liberia, 2002.