Ɖúù 18
18
Nɔ́ɔ́ ɓá jɔ̌ɔ̀-màà ɖò kè zaa-wɔ̃-po-nyɔ̀ ɖò jè dyíɛ
1Ké Jízɛ̀ po ma wa nɔ́ɔ́ ɖò gbo, ɓɛ́ ɔ kéɛ ma wa dyí tɛ̀mɛ̀ìn kà ɓɛ́ wa ɓéɖé ɓɛ́ wa ké ma ɓaà tee, ɓɛ́ kpé ké se ma wa dyí hwɛ̀ɛ. 2Ɔ ɖá, “Zaa-wɔ̃-po-nyɔ̀ ɖò nì ma hwɔɖɔ ɖò mú. Ɔ se ma Gèɖèpɔ́ɔ̀ fɛ̃̀ìn, ké ɔ se ma nyɔ ɖò jè gbo kɔ̃̀. 3Ké jɔ̌ɔ̀-màà ɖò nì ma ɖé hwɔɖɔ dyúáɖòɔ̀ mú ɖekè. Ɔ dyi ma zaa-wɔ̃-po-nyɔ̀ɔ̀ gbo tee, ké ɔ ɖá, ‘Kpá ḿ gbo, ɓɛ́ m̀ ké ḿ bìì jǎà-ɖɛ̀ wɔ̃ po ɓó nyɔ nìà ḿ gbo vɔ̃uń wɛ̃ɛ jè.’ 4Ké zaa-wɔ̃-po-nyɔ̀ɔ̀ nɔ́ɔ̀ ma tee. Kɛɛ ɖé mánáín nyɛɛ, ɔ cɛ̃ɛ ma ɔ mìɔùn gbo, ké ɔ ɖá, ‘Ḿ se Gèɖèpɔ́ɔ̀ fɛ̃̀ìn, ké ḿ se nyɔ ɖò jè gbo kɔ̃̀ dyɛo, 5kɛɛ sepóɛɖé jɔ̌ɔ̀-màà nìà kɛ nì ḿ fũ̀à-fṹá nyùɛ̌n jèɛɛ, ní mu jǎà nyuùn. Ḿ seɛ náa nyuín, ɔ mu ḿ gbo dyiìn tee, ké ɔ mu ḿ kpéí hwɔùn.’ ”
6Hwɛ̀ ké Bounɓoɔ̀ ɖá, “Tò ɖɛ ɓɛ́ zaa-wɔ̃-po-nyɔ̀ se dyí sɛ́ɖɛ́ìnɔ̀ cɛ̃à kɛɛ ɖùǔ gbo. 7Gèɖèpɔ́ɔ̀ se jǎà nyuɛ́ mu, ɓɛ́ ɔ ké nyɔ ɓě ɓɛ́ ɔ ɖǎ gã, ké wa pòìn kà ɔ kpé dyi ɓó máaún kè dyóɖóaún wɛ̃ɛ gbo kpáe? Ɓěɛ̀ hwòɖǒ ɖá ɔ mu ti zĩ̀ìn ɓó wa gbo kpá jèè? 8Ḿ cɛ̃ɛ ɓě gbo, ɔ mu wa gbo kpáùn wàɖà. Kɛɛ ɓěɛ̀ hwòɖǒ ɖá mɔ̄ Nyɔǔn-dyùɛ̀ Dyú-gààɔ̀ dyi dyiín, ní mu nyɔ ɓě ɓɛ́ wa ɓéɖé hwìɖǐǐ-taɓa-taɓa kɛɛ ɓóɖó-kpàà kɔ̃ dyi dyɛ̀ìnǹ?”
Nɔ́ɔ́ ɓá Fáɖòsíì-nyɔ̀ kè tácì-kpɔ̃-nyɔ̀ jè dyíɛ
9Sɔ̀ìn ɓóɛ gboɛɛ, Jízɛ̀ po ma nɔ́ɔ́ nìà kɛ nyɔ ɓě ɓɛ́ wa dè wa mìɔùn hwòɖǒ kɔ̃ kà ɓɛ́ wa sɛ́ɖɛ́ìn ma dyí, ké wa se nyɔ tɔ̀ɔ̀ ɓě mɔ̀ùn ɖɛ ɖá kɛɛ gbo. 10Ɔ ɖá, “Gàa sɔ̃́ ɓě mu ma ɖé Gèɖèpɔ́ɔ̀ gbǒɔ̀ mú, ɓɛ́ wa ké ma ɓaà. Dyúáɖò mɔ̀ ma Fáɖòsíì-nyɔ̀, ké nyɔ tɔ̀ɔ̀ mɔ̀ ma tácì-kpɔ̃-nyɔ̀. 11Fáɖòsíì-nyɔ̀ɔ̀ nyànà ma dyi, ké ɔ ɖú ma ɓaà kpàǐ ɖé ɔ mìɔùn mú, ké ɔ ɖá, ‘Ḿ po m̀ zùo, Gèɖèpɔ́ɔ̀, kà ɓɛ́ mɔ́ún zàà nyɔ ɖò ɖɛ xwa gana-kà, ké mɔ́ún nyuà gbá-gbá, ké mɔ́ún poà gmaɖe kà nyɔ tɔ̀ɔ̀ ɓě nyuà kɛ. Ḿ po m̀ zùo kà ḿ se nì kà tácì-kpɔ̃-nyɔ̀ nìàǒ wɛɛ nìà kɛ. 12Ní hwèɖè wɔ̃ kɔ̃ kpa sɔ̃́ ɓó wíkì séín xwíníín. Ké ɖɛ séín ɓɛ́ ḿ dyé kɛɛ, ḿ nyí ɔ ɓàɖàìn-bùèɔ̀ m̀ kánáá pū.’
13“Kɛɛ tácì-kpɔ̃-nyɔ̀ɔ̀ nyànà ma ɖé nya, ké ɔ se ma ɔ dyúa-kpàɔ̀ dyií ɖúɛ ɓɛ́ìn dyɛ mɔ̀ùn. Ɔ taɓa kpá hwòɖǒ, ké ɔ ɖá, ‘Gèɖèpɔ́ɔ̀, dyé mɔ̄ nàmàǔn-nyɔ̀ nìà kɛ wìǐn.’ 14Ɔ jèɛɛ, ḿ cɛ̃ɛ ɓě gbo, gàa nìà kɛ sɛ́ɖɛ́ìn ma dyí ɓó Gèɖèpɔ́ɔ̀ gbo, ti ɓɛ́ ɔ mu ma ɔ ɓíɖí-taún wɛ̃. Kɛɛ nyɔ tɔ̀ɔ̀ mɔ̀ùn se ma ná nì. Nyɔǔn séín ɓě ɓɛ́ wa ɓúáìn wa mìɔùn dyíɛɛ, wa mu wa ɓíɖíi dyàùn, ké nyɔǔn séín ɓě ɓɛ́ wa dyà wa mìɔùn ɓíɖíiɛɛ, wa mu wa dyií ɖúùn.”
Jízɛ̀ po dyú mɛ́nɛ́ɛ́ ɓě mana kɔ̃
(Máfíò 19:13-15; Máà 10:13-16)
15Wé ɖòɛ̀ ɓaɖaa, nyɔ ɖíɛ́ ɓě dyà ma waà dyú-pɛ̀ɖɛ̀ ɓě Jízɛ̀ gbo ɖekè, ɓɛ́ ɔ ké ma wa sɔ̃ dúún dè. Ti ɓɛ́ ɔ ɖeín-nà-nyɔ̀ ɓěɔ̀ dyé ma wa kɛɛ, wa po ma wa ɓɔ́í. 16Kɛɛ Jízɛ̀ ɖá ma dyú ɓěɔ̀ ɖé ɔ mìɔùn gbo, ké ɔ ɖá, “Ɓě táà dyú mɛ́nɛ́ɛ́ ɓěɔ̀ dyi. Wa mɛ dyi ḿ gbo. Ɓěǐn ɖá ɓɛ́ ɓě ké wa dyí ɓàɖàìn, sepóɛɖé wa mɔ̀ nyɔ mu Gèɖèpɔ́ɔ̀ kã́á-ɓòɖòɔ̀ kɔ̃̀ùn. 17Ḿ cɛ̃ ɓě jǎà gbo, nyɔ mɔ̀ nyɔ ɓɛ́ ɔ se wɔ̃́ ɓɛ́ Gèɖèpɔ́ɔ̀ ké ɔ wuɖuí kɔ̃̀ kà dyú-gbɔ́ɔ́ wɔ̃́à kɛɛ, nìí, ɔ se ɖé Gèɖèpɔ́ɔ̀ kã́á-ɓòɖòɔ̀ kɔ̃ muɛ́ mu fɔɔ.”
Gàa-dyù gmɔ̀ bã-bã ɖò jè
(Máfíò 19:16-30; Máà 10:17-31)
18Wé ɖòɛ̀ ɓaɖa ɖeɛɛ, Júù-nyɔ̀ ɓěɔ̀ ɖò diè ma Jízɛ̀ dyi, ké ɔ ɖá, “Nyɔ-ɖɛ-tɛ̀mɛ̀ìn-nyɔ̀, mɔ̀ kɔ̃̀ kpeɖe nɔ̀mɔ̀à dyíin nyɛɛ, ɖɛ́ nɔ̀mɔ̀ dyíin ḿ mɛ nyu, ɓɛ́ ḿ ké sè-ná-sèɛ̀ fɛ̀ɛ̀ ɓéɖéɛ́?”
19Ké Jízɛ̀ jǔ ma ɔ gɔ̃̌, ké ɔ ɖá, “Ɖɛ́ kɔ̃̀ jè m̀ ɖáìn ḿ nyɔ kɔ̃̀ kpeɖeɛ̀ nɔ̀mɔ̀ dyíin nyɛɛ kɛ́? Nyɔ ɖòɛ̀ kpeɖe se dyíin nɔ̀mɔ̀, ɔ sèìn Gèɖèpɔ́ɔ̀ ɖòùn. 20M̀ dyuò gma ɓěɔ̀ dyí. Ɓě ɖò ní ɖá ɓɛ́ ɓě ké gmaɖe po. Ɓě ɖò ní ɖá ɓɛ́ ɓě ké kú ɖáɓá. Ɓě ɖò ní ɖá ɓɛ́ ɓě ké dyíɖí. Ɓě ɖò ní ɖá ɓɛ́ ɓě ké seɛ̀-zàse nyu. Dyé m̀ ɖe kè m̀ ɓǎ kpéín.”
21Ké gàaɔ̀ ɖá, “Ḿ ɖúó gma séín ɓěɛ̀ dyi kpɔ̃uń dyí sɔ̀ìn ɖé ní dyú-gbɔ́ɔ́ ɓìɖìɛ.”
22Ti Jízɛ̀ wɔ̃́ ma ɖɛa kɛɛ, ɔ cɛ̃ɛ ma gàaɔ̀ gbo, ké ɔ ɖá, “M̀ ɓéɖé ɖɛ dyúáɖò m̀ kéɛ nyu ke. Peɖe ɖɛ séín ɓě ɓɛ́ m̀ ɓéɖéà kɛ, ɓɛ́ m̀ ké wíɖíɔ̀ gǎ-dyé-nyɔ̀ ɓě múin geìn. Nìí, nì mu dyi-dè-ɖɛ̀ ɓéɖéìn ɖé dyɔún. Ké m̀ mɛ dyi, ɓɛ́ ḿ kè mɔ̀ ké mú naìn.” 23Kɛɛ ti ɓɛ́ gàaɔ̀ wɔ̃́ ma ɖɛa kɛɛ, ɔ kpá ma wìǐn mìɔ, sepóɛɖé ɔ bã ma ní mìɔ.
24Ti ɓɛ́ Jízɛ̀ dyéɛ ma kà ɔ kpá ma wìǐn nyɛɛ, ɔ ɖá, “Ɔ kàmà mú ɓɛ́ nyɔ ɓéɖéà bã-ɖɛ̀ kɛɛ ké ɖé Gèɖèpɔ́ɔ̀ kã́á-ɓòɖòɔ̀ kɔ̃ mu. 25Sepóɛɖé ɔ kàmà mú ɓɛ́ bã-nyɔ̀ ké ɖé Gèɖèpɔ́ɔ̀ kã́á-ɓòɖòɔ̀ kɔ̃ mu, ké ɔ zi ɓɛ́ sǒ-nì-gbu-kɔ̃ún ké taɓa-ɖɔ-ɓì mú cɛ̃̀ìn nyɛɛ dyí.”
26Ké nyɔ ɓě wɔ̃́ɔ ma kɛɛ cɛ̃ɛ ma, ké wa ɖá, “Ɔ dyi ná nìǐn, nìí, nyɛ́ ɓɛ́ìn póɛ kɛ́?”
27Ké Jízɛ̀ jǔ ma wa gɔ̃̌, ké ɔ ɖá, “Gèɖèpɔ́ɔ̀ ɓɛ́ìn ɖɛ ɓě ɓɛ́ nyɔǔn se nyuɛ ɓɛ́ìn nyɛɛ nyuɛ.”
28Hwɛ̀ ké Píɖɛ̀ cɛ̃ɛ ma Jízɛ̀ gbo, ké ɔ ɖá, “Gmɔ̀ nɔ̄, à mɔ̀ùn ɖǎ à ɓíɖí-taún ɓě dyi táà, ké à ɖǎ m̀ kíɖíí sí.”
29Ké Jízɛ̀ cɛ̃ɛ ma wa gbo, ké ɔ ɖá, “Ḿ cɛ̃ ɓě jǎà gbo, nyɔ ɖò dyi ɔ gbǒ ɓě mɔɔ ɔ gmàà mɔɔ ɔ ɖíí-gàà ɓě mɔɔ ɔ wóɖóìn-nyɔ̀ ɓě mɔɔ ɔ dyú ɓě dyi táà ɓó Gèɖèpɔ́ɔ̀ kã́á-ɓòɖòɔ̀ jèǐn, 30nìí, ɔ muɛ ɖɛ pàɖǎ kɔ̃ún dyéìn ɖé tià ɓaɖa, ké tiɔ̀ nyɔ mu ɓó dyí kɔùn wɛ̃ɛ, ɔ mu sè-ná-sèɛ̀ fɛ̀ɛ̀ ɓéɖéìn.”
Jízɛ̀ cɛ̃ɛ kpa tã nììn kà ɔ mu mɛ́ìn nyɛ
(Máfíò 20:17-19; Máà 10:32-34)
31Sɔ̀ìn ɓóɛ gboɛɛ, Jízɛ̀ kpa ma ɖeín-nà-nyɔ̀ ɓaɖa-bùè sè sɔ̃́ ɓěɔ̀ dà ɖò, ké ɔ cɛ̃ɛ ma wa gbo, ké ɔ ɖá, “Ɓě gmɔ̀ nɔ̄, ɓěà nì ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú muɛń, ké ɖɛ séín ɓě ɓɛ́ kpáá-ɖɛ̀-cɛ̃-nyɔ̀ ɓěɔ̀ céè zɔ̃̌ɔ̀ ɓá mɔ̄ Nyɔǔn-dyùɛ̀ Dyú-gààɔ̀ jè dyíɛɛ mu jǎà kpáùn. 32Wa mu ḿ ɓóɖó-dù kà kò ɖò ɓěɛ̀ nyɔ ɓěɔ̀ xwaún poùn, ké wa mu ḿ dyɔ́ ɓaɖaùn, ké wa mu ḿ gbà-kà kpɔ̃ùn, ké wa mu ḿ tɔ̃ɔ dya poùn, 33ké wa mu ḿ gbàtò ɓàɖàìn, ké wa mu ḿ ɖáɓáùn. Kɛɛ ɓó wéɔ̀ tã nììnɔ̀ xwíníín ní, nìí, ní mu gĩɔ wóɖóùn.”
34Kɛɛ ɔ ɖeín-nà-nyɔ̀ ɓěɔ̀ se ma ɖɛ ɓě nìà kɛ ɖò múin wɔ̃́. Ɖɛ mɔ̀ ma wuɖu ɓěɔ̀ xwíníín nyɛɛ gàìn ma wa dyí, ké wa se ɖɛ Jízɛ̀ nì ma kà cɛ̃iń nyɛɛ xwíníín dyuò.
Jízɛ̀ kánáìn dyéɖéín-dyi-kpè-gàà ɖò mɔ̀ ɖɛ-zɔ̀-nyɔ̀ kɛɛ dyi
(Máfíò 20:29-34; Máà 10:46-52)
35Ti ɓɛ́ Jízɛ̀ nìǎ ma Jɛ́ɖèkóò-hwɔ̀ɖɔ̀ɔ̀ bũ̌in xwɛ̃́ǐn nyɛɛ, gàa kpè dyéɖéín dyi ɖò kò ma hwìèɔ̀ gba dyi, ké ɔ nì ma ɖɛ zɔ̀ǔn. 36Ti ɓɛ́ ɔ wɔ̃́ ma nyɔ kúɖúú ɓě nì ma ziɛń nyɛ wuɖuɛɛ, ɔ diè ma ɖɛi, ké ɔ ɖá, “Ɖɛ́ kpá kɛ́?”
37Ké wa cɛ̃ɛ ma ɔ gbo, ké wa ɖá, “Jízɛ̀ sɔ̀à Názɛ̀ɖɛ̀-hwɔ̀ɖɔ̀ɔ̀ múɛɛ nì ziɛń.”
38Púɛɛ, ɔ páná ma mú, ké ɔ ɖá, “Jízɛ̀, mɔ̀ mɔ̀à Dèɓéɛ̀ Dyú-gààɔ̀ kɛɛ, dyé ḿ wìǐn.”
39Ké nyɔ ɓě nì ma nyɔ kúɖúú ɓěɔ̀ dyúa kɛɛ po ma ɔ ɓɔ́í. Wa cɛ̃ɛ ma ɔ gbo, ɓɛ́ ɔ ké gìɖìǐ nì. Kɛɛ dyɛ̌ɛ̀ ɔ pánáá ma mú mìɔ, ké ɔ ɖá, “Dèɓéɛ̀ Dyú-gàà, dyé ḿ wìǐn.”
40Ké Jízɛ̀ nyànà ma dyi, ké ɔ cɛ̃ɛ ma nyɔ ɓěɔ̀ gbo, ɓɛ́ wa ké ma gàa kpè dyéɖéín dyiɔ̀ ɔ gbo dyà. Ti gàaɔ̀ xwɛ̃́ìn ma ɔ bũ̌in nyɛɛ, Jízɛ̀ diè ma ɔ dyi, ké ɔ ɖá, 41“Ɖɛ́ m̀ mɔ́ ɓɛ́ ḿ ké m̀ bìì nyuɛ́?”
Ké gàaɔ̀ ɖá, “Ɓɔ̌ɔ̀, nyuɛ ɓɛ́ ḿ ké dyi dyé.”
42Ké Jízɛ̀ cɛ̃ɛ ma ɔ gbo, ké ɔ ɖá, “M̀ mɛ dyé dyi. Nì hwìɖǐǐ-taɓa-taɓaɔ̀ ɖǎ m̀ dyi kánáìn.”
43Wàɖà kɛɛ, gàaɔ̀ dyé ma dyi, ké ɔ sí ma Jízɛ̀ kíɖíí, ké ɔ kpa ma Gèɖèpɔ́ɔ̀ ɓàìn. Ti nyɔ séín ɓěɔ̀ dyéɛ ma kɛɛ, wa nyí ma Gèɖèpɔ́ɔ̀ ɓàìn-ɓàìn.
S'ha seleccionat:
Ɖúù 18: ƁB02
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bassa Bible © Bible Society Liberia, 2002.
Ɖúù 18
18
Nɔ́ɔ́ ɓá jɔ̌ɔ̀-màà ɖò kè zaa-wɔ̃-po-nyɔ̀ ɖò jè dyíɛ
1Ké Jízɛ̀ po ma wa nɔ́ɔ́ ɖò gbo, ɓɛ́ ɔ kéɛ ma wa dyí tɛ̀mɛ̀ìn kà ɓɛ́ wa ɓéɖé ɓɛ́ wa ké ma ɓaà tee, ɓɛ́ kpé ké se ma wa dyí hwɛ̀ɛ. 2Ɔ ɖá, “Zaa-wɔ̃-po-nyɔ̀ ɖò nì ma hwɔɖɔ ɖò mú. Ɔ se ma Gèɖèpɔ́ɔ̀ fɛ̃̀ìn, ké ɔ se ma nyɔ ɖò jè gbo kɔ̃̀. 3Ké jɔ̌ɔ̀-màà ɖò nì ma ɖé hwɔɖɔ dyúáɖòɔ̀ mú ɖekè. Ɔ dyi ma zaa-wɔ̃-po-nyɔ̀ɔ̀ gbo tee, ké ɔ ɖá, ‘Kpá ḿ gbo, ɓɛ́ m̀ ké ḿ bìì jǎà-ɖɛ̀ wɔ̃ po ɓó nyɔ nìà ḿ gbo vɔ̃uń wɛ̃ɛ jè.’ 4Ké zaa-wɔ̃-po-nyɔ̀ɔ̀ nɔ́ɔ̀ ma tee. Kɛɛ ɖé mánáín nyɛɛ, ɔ cɛ̃ɛ ma ɔ mìɔùn gbo, ké ɔ ɖá, ‘Ḿ se Gèɖèpɔ́ɔ̀ fɛ̃̀ìn, ké ḿ se nyɔ ɖò jè gbo kɔ̃̀ dyɛo, 5kɛɛ sepóɛɖé jɔ̌ɔ̀-màà nìà kɛ nì ḿ fũ̀à-fṹá nyùɛ̌n jèɛɛ, ní mu jǎà nyuùn. Ḿ seɛ náa nyuín, ɔ mu ḿ gbo dyiìn tee, ké ɔ mu ḿ kpéí hwɔùn.’ ”
6Hwɛ̀ ké Bounɓoɔ̀ ɖá, “Tò ɖɛ ɓɛ́ zaa-wɔ̃-po-nyɔ̀ se dyí sɛ́ɖɛ́ìnɔ̀ cɛ̃à kɛɛ ɖùǔ gbo. 7Gèɖèpɔ́ɔ̀ se jǎà nyuɛ́ mu, ɓɛ́ ɔ ké nyɔ ɓě ɓɛ́ ɔ ɖǎ gã, ké wa pòìn kà ɔ kpé dyi ɓó máaún kè dyóɖóaún wɛ̃ɛ gbo kpáe? Ɓěɛ̀ hwòɖǒ ɖá ɔ mu ti zĩ̀ìn ɓó wa gbo kpá jèè? 8Ḿ cɛ̃ɛ ɓě gbo, ɔ mu wa gbo kpáùn wàɖà. Kɛɛ ɓěɛ̀ hwòɖǒ ɖá mɔ̄ Nyɔǔn-dyùɛ̀ Dyú-gààɔ̀ dyi dyiín, ní mu nyɔ ɓě ɓɛ́ wa ɓéɖé hwìɖǐǐ-taɓa-taɓa kɛɛ ɓóɖó-kpàà kɔ̃ dyi dyɛ̀ìnǹ?”
Nɔ́ɔ́ ɓá Fáɖòsíì-nyɔ̀ kè tácì-kpɔ̃-nyɔ̀ jè dyíɛ
9Sɔ̀ìn ɓóɛ gboɛɛ, Jízɛ̀ po ma nɔ́ɔ́ nìà kɛ nyɔ ɓě ɓɛ́ wa dè wa mìɔùn hwòɖǒ kɔ̃ kà ɓɛ́ wa sɛ́ɖɛ́ìn ma dyí, ké wa se nyɔ tɔ̀ɔ̀ ɓě mɔ̀ùn ɖɛ ɖá kɛɛ gbo. 10Ɔ ɖá, “Gàa sɔ̃́ ɓě mu ma ɖé Gèɖèpɔ́ɔ̀ gbǒɔ̀ mú, ɓɛ́ wa ké ma ɓaà. Dyúáɖò mɔ̀ ma Fáɖòsíì-nyɔ̀, ké nyɔ tɔ̀ɔ̀ mɔ̀ ma tácì-kpɔ̃-nyɔ̀. 11Fáɖòsíì-nyɔ̀ɔ̀ nyànà ma dyi, ké ɔ ɖú ma ɓaà kpàǐ ɖé ɔ mìɔùn mú, ké ɔ ɖá, ‘Ḿ po m̀ zùo, Gèɖèpɔ́ɔ̀, kà ɓɛ́ mɔ́ún zàà nyɔ ɖò ɖɛ xwa gana-kà, ké mɔ́ún nyuà gbá-gbá, ké mɔ́ún poà gmaɖe kà nyɔ tɔ̀ɔ̀ ɓě nyuà kɛ. Ḿ po m̀ zùo kà ḿ se nì kà tácì-kpɔ̃-nyɔ̀ nìàǒ wɛɛ nìà kɛ. 12Ní hwèɖè wɔ̃ kɔ̃ kpa sɔ̃́ ɓó wíkì séín xwíníín. Ké ɖɛ séín ɓɛ́ ḿ dyé kɛɛ, ḿ nyí ɔ ɓàɖàìn-bùèɔ̀ m̀ kánáá pū.’
13“Kɛɛ tácì-kpɔ̃-nyɔ̀ɔ̀ nyànà ma ɖé nya, ké ɔ se ma ɔ dyúa-kpàɔ̀ dyií ɖúɛ ɓɛ́ìn dyɛ mɔ̀ùn. Ɔ taɓa kpá hwòɖǒ, ké ɔ ɖá, ‘Gèɖèpɔ́ɔ̀, dyé mɔ̄ nàmàǔn-nyɔ̀ nìà kɛ wìǐn.’ 14Ɔ jèɛɛ, ḿ cɛ̃ɛ ɓě gbo, gàa nìà kɛ sɛ́ɖɛ́ìn ma dyí ɓó Gèɖèpɔ́ɔ̀ gbo, ti ɓɛ́ ɔ mu ma ɔ ɓíɖí-taún wɛ̃. Kɛɛ nyɔ tɔ̀ɔ̀ mɔ̀ùn se ma ná nì. Nyɔǔn séín ɓě ɓɛ́ wa ɓúáìn wa mìɔùn dyíɛɛ, wa mu wa ɓíɖíi dyàùn, ké nyɔǔn séín ɓě ɓɛ́ wa dyà wa mìɔùn ɓíɖíiɛɛ, wa mu wa dyií ɖúùn.”
Jízɛ̀ po dyú mɛ́nɛ́ɛ́ ɓě mana kɔ̃
(Máfíò 19:13-15; Máà 10:13-16)
15Wé ɖòɛ̀ ɓaɖaa, nyɔ ɖíɛ́ ɓě dyà ma waà dyú-pɛ̀ɖɛ̀ ɓě Jízɛ̀ gbo ɖekè, ɓɛ́ ɔ ké ma wa sɔ̃ dúún dè. Ti ɓɛ́ ɔ ɖeín-nà-nyɔ̀ ɓěɔ̀ dyé ma wa kɛɛ, wa po ma wa ɓɔ́í. 16Kɛɛ Jízɛ̀ ɖá ma dyú ɓěɔ̀ ɖé ɔ mìɔùn gbo, ké ɔ ɖá, “Ɓě táà dyú mɛ́nɛ́ɛ́ ɓěɔ̀ dyi. Wa mɛ dyi ḿ gbo. Ɓěǐn ɖá ɓɛ́ ɓě ké wa dyí ɓàɖàìn, sepóɛɖé wa mɔ̀ nyɔ mu Gèɖèpɔ́ɔ̀ kã́á-ɓòɖòɔ̀ kɔ̃̀ùn. 17Ḿ cɛ̃ ɓě jǎà gbo, nyɔ mɔ̀ nyɔ ɓɛ́ ɔ se wɔ̃́ ɓɛ́ Gèɖèpɔ́ɔ̀ ké ɔ wuɖuí kɔ̃̀ kà dyú-gbɔ́ɔ́ wɔ̃́à kɛɛ, nìí, ɔ se ɖé Gèɖèpɔ́ɔ̀ kã́á-ɓòɖòɔ̀ kɔ̃ muɛ́ mu fɔɔ.”
Gàa-dyù gmɔ̀ bã-bã ɖò jè
(Máfíò 19:16-30; Máà 10:17-31)
18Wé ɖòɛ̀ ɓaɖa ɖeɛɛ, Júù-nyɔ̀ ɓěɔ̀ ɖò diè ma Jízɛ̀ dyi, ké ɔ ɖá, “Nyɔ-ɖɛ-tɛ̀mɛ̀ìn-nyɔ̀, mɔ̀ kɔ̃̀ kpeɖe nɔ̀mɔ̀à dyíin nyɛɛ, ɖɛ́ nɔ̀mɔ̀ dyíin ḿ mɛ nyu, ɓɛ́ ḿ ké sè-ná-sèɛ̀ fɛ̀ɛ̀ ɓéɖéɛ́?”
19Ké Jízɛ̀ jǔ ma ɔ gɔ̃̌, ké ɔ ɖá, “Ɖɛ́ kɔ̃̀ jè m̀ ɖáìn ḿ nyɔ kɔ̃̀ kpeɖeɛ̀ nɔ̀mɔ̀ dyíin nyɛɛ kɛ́? Nyɔ ɖòɛ̀ kpeɖe se dyíin nɔ̀mɔ̀, ɔ sèìn Gèɖèpɔ́ɔ̀ ɖòùn. 20M̀ dyuò gma ɓěɔ̀ dyí. Ɓě ɖò ní ɖá ɓɛ́ ɓě ké gmaɖe po. Ɓě ɖò ní ɖá ɓɛ́ ɓě ké kú ɖáɓá. Ɓě ɖò ní ɖá ɓɛ́ ɓě ké dyíɖí. Ɓě ɖò ní ɖá ɓɛ́ ɓě ké seɛ̀-zàse nyu. Dyé m̀ ɖe kè m̀ ɓǎ kpéín.”
21Ké gàaɔ̀ ɖá, “Ḿ ɖúó gma séín ɓěɛ̀ dyi kpɔ̃uń dyí sɔ̀ìn ɖé ní dyú-gbɔ́ɔ́ ɓìɖìɛ.”
22Ti Jízɛ̀ wɔ̃́ ma ɖɛa kɛɛ, ɔ cɛ̃ɛ ma gàaɔ̀ gbo, ké ɔ ɖá, “M̀ ɓéɖé ɖɛ dyúáɖò m̀ kéɛ nyu ke. Peɖe ɖɛ séín ɓě ɓɛ́ m̀ ɓéɖéà kɛ, ɓɛ́ m̀ ké wíɖíɔ̀ gǎ-dyé-nyɔ̀ ɓě múin geìn. Nìí, nì mu dyi-dè-ɖɛ̀ ɓéɖéìn ɖé dyɔún. Ké m̀ mɛ dyi, ɓɛ́ ḿ kè mɔ̀ ké mú naìn.” 23Kɛɛ ti ɓɛ́ gàaɔ̀ wɔ̃́ ma ɖɛa kɛɛ, ɔ kpá ma wìǐn mìɔ, sepóɛɖé ɔ bã ma ní mìɔ.
24Ti ɓɛ́ Jízɛ̀ dyéɛ ma kà ɔ kpá ma wìǐn nyɛɛ, ɔ ɖá, “Ɔ kàmà mú ɓɛ́ nyɔ ɓéɖéà bã-ɖɛ̀ kɛɛ ké ɖé Gèɖèpɔ́ɔ̀ kã́á-ɓòɖòɔ̀ kɔ̃ mu. 25Sepóɛɖé ɔ kàmà mú ɓɛ́ bã-nyɔ̀ ké ɖé Gèɖèpɔ́ɔ̀ kã́á-ɓòɖòɔ̀ kɔ̃ mu, ké ɔ zi ɓɛ́ sǒ-nì-gbu-kɔ̃ún ké taɓa-ɖɔ-ɓì mú cɛ̃̀ìn nyɛɛ dyí.”
26Ké nyɔ ɓě wɔ̃́ɔ ma kɛɛ cɛ̃ɛ ma, ké wa ɖá, “Ɔ dyi ná nìǐn, nìí, nyɛ́ ɓɛ́ìn póɛ kɛ́?”
27Ké Jízɛ̀ jǔ ma wa gɔ̃̌, ké ɔ ɖá, “Gèɖèpɔ́ɔ̀ ɓɛ́ìn ɖɛ ɓě ɓɛ́ nyɔǔn se nyuɛ ɓɛ́ìn nyɛɛ nyuɛ.”
28Hwɛ̀ ké Píɖɛ̀ cɛ̃ɛ ma Jízɛ̀ gbo, ké ɔ ɖá, “Gmɔ̀ nɔ̄, à mɔ̀ùn ɖǎ à ɓíɖí-taún ɓě dyi táà, ké à ɖǎ m̀ kíɖíí sí.”
29Ké Jízɛ̀ cɛ̃ɛ ma wa gbo, ké ɔ ɖá, “Ḿ cɛ̃ ɓě jǎà gbo, nyɔ ɖò dyi ɔ gbǒ ɓě mɔɔ ɔ gmàà mɔɔ ɔ ɖíí-gàà ɓě mɔɔ ɔ wóɖóìn-nyɔ̀ ɓě mɔɔ ɔ dyú ɓě dyi táà ɓó Gèɖèpɔ́ɔ̀ kã́á-ɓòɖòɔ̀ jèǐn, 30nìí, ɔ muɛ ɖɛ pàɖǎ kɔ̃ún dyéìn ɖé tià ɓaɖa, ké tiɔ̀ nyɔ mu ɓó dyí kɔùn wɛ̃ɛ, ɔ mu sè-ná-sèɛ̀ fɛ̀ɛ̀ ɓéɖéìn.”
Jízɛ̀ cɛ̃ɛ kpa tã nììn kà ɔ mu mɛ́ìn nyɛ
(Máfíò 20:17-19; Máà 10:32-34)
31Sɔ̀ìn ɓóɛ gboɛɛ, Jízɛ̀ kpa ma ɖeín-nà-nyɔ̀ ɓaɖa-bùè sè sɔ̃́ ɓěɔ̀ dà ɖò, ké ɔ cɛ̃ɛ ma wa gbo, ké ɔ ɖá, “Ɓě gmɔ̀ nɔ̄, ɓěà nì ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú muɛń, ké ɖɛ séín ɓě ɓɛ́ kpáá-ɖɛ̀-cɛ̃-nyɔ̀ ɓěɔ̀ céè zɔ̃̌ɔ̀ ɓá mɔ̄ Nyɔǔn-dyùɛ̀ Dyú-gààɔ̀ jè dyíɛɛ mu jǎà kpáùn. 32Wa mu ḿ ɓóɖó-dù kà kò ɖò ɓěɛ̀ nyɔ ɓěɔ̀ xwaún poùn, ké wa mu ḿ dyɔ́ ɓaɖaùn, ké wa mu ḿ gbà-kà kpɔ̃ùn, ké wa mu ḿ tɔ̃ɔ dya poùn, 33ké wa mu ḿ gbàtò ɓàɖàìn, ké wa mu ḿ ɖáɓáùn. Kɛɛ ɓó wéɔ̀ tã nììnɔ̀ xwíníín ní, nìí, ní mu gĩɔ wóɖóùn.”
34Kɛɛ ɔ ɖeín-nà-nyɔ̀ ɓěɔ̀ se ma ɖɛ ɓě nìà kɛ ɖò múin wɔ̃́. Ɖɛ mɔ̀ ma wuɖu ɓěɔ̀ xwíníín nyɛɛ gàìn ma wa dyí, ké wa se ɖɛ Jízɛ̀ nì ma kà cɛ̃iń nyɛɛ xwíníín dyuò.
Jízɛ̀ kánáìn dyéɖéín-dyi-kpè-gàà ɖò mɔ̀ ɖɛ-zɔ̀-nyɔ̀ kɛɛ dyi
(Máfíò 20:29-34; Máà 10:46-52)
35Ti ɓɛ́ Jízɛ̀ nìǎ ma Jɛ́ɖèkóò-hwɔ̀ɖɔ̀ɔ̀ bũ̌in xwɛ̃́ǐn nyɛɛ, gàa kpè dyéɖéín dyi ɖò kò ma hwìèɔ̀ gba dyi, ké ɔ nì ma ɖɛ zɔ̀ǔn. 36Ti ɓɛ́ ɔ wɔ̃́ ma nyɔ kúɖúú ɓě nì ma ziɛń nyɛ wuɖuɛɛ, ɔ diè ma ɖɛi, ké ɔ ɖá, “Ɖɛ́ kpá kɛ́?”
37Ké wa cɛ̃ɛ ma ɔ gbo, ké wa ɖá, “Jízɛ̀ sɔ̀à Názɛ̀ɖɛ̀-hwɔ̀ɖɔ̀ɔ̀ múɛɛ nì ziɛń.”
38Púɛɛ, ɔ páná ma mú, ké ɔ ɖá, “Jízɛ̀, mɔ̀ mɔ̀à Dèɓéɛ̀ Dyú-gààɔ̀ kɛɛ, dyé ḿ wìǐn.”
39Ké nyɔ ɓě nì ma nyɔ kúɖúú ɓěɔ̀ dyúa kɛɛ po ma ɔ ɓɔ́í. Wa cɛ̃ɛ ma ɔ gbo, ɓɛ́ ɔ ké gìɖìǐ nì. Kɛɛ dyɛ̌ɛ̀ ɔ pánáá ma mú mìɔ, ké ɔ ɖá, “Dèɓéɛ̀ Dyú-gàà, dyé ḿ wìǐn.”
40Ké Jízɛ̀ nyànà ma dyi, ké ɔ cɛ̃ɛ ma nyɔ ɓěɔ̀ gbo, ɓɛ́ wa ké ma gàa kpè dyéɖéín dyiɔ̀ ɔ gbo dyà. Ti gàaɔ̀ xwɛ̃́ìn ma ɔ bũ̌in nyɛɛ, Jízɛ̀ diè ma ɔ dyi, ké ɔ ɖá, 41“Ɖɛ́ m̀ mɔ́ ɓɛ́ ḿ ké m̀ bìì nyuɛ́?”
Ké gàaɔ̀ ɖá, “Ɓɔ̌ɔ̀, nyuɛ ɓɛ́ ḿ ké dyi dyé.”
42Ké Jízɛ̀ cɛ̃ɛ ma ɔ gbo, ké ɔ ɖá, “M̀ mɛ dyé dyi. Nì hwìɖǐǐ-taɓa-taɓaɔ̀ ɖǎ m̀ dyi kánáìn.”
43Wàɖà kɛɛ, gàaɔ̀ dyé ma dyi, ké ɔ sí ma Jízɛ̀ kíɖíí, ké ɔ kpa ma Gèɖèpɔ́ɔ̀ ɓàìn. Ti nyɔ séín ɓěɔ̀ dyéɛ ma kɛɛ, wa nyí ma Gèɖèpɔ́ɔ̀ ɓàìn-ɓàìn.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bassa Bible © Bible Society Liberia, 2002.