LUKAT 22
22
Yesùt ebe wasuogolùk weim abok isukwa wene
(Mat.26:1-5; Mrk.14:1-2; Yoh.11:45-53)
1It apùnì Yahuri mene pesta etage Paskah nìkì logolìk, eken horoti hisuagalùk a'la pelaparek mene a'la pelapì'lek mene weragasogo nekarek oba horogat asi wagaikomo logolìk he, 2it ap Ala esewerek mene inogogì kaintek mel, Ala ane helal waganek esewerek mene mel, apùnì obogat inayùk en he,
Yesùt ùkùm nìkì'nogo oba hìlìk wasuok he, ìlùk weim abok ìkì lagaukwa.
Yùrat en Yesùt wasuagalùk yoko lagaike wene
(Mat.26:14-16; Mrk.14:10-11)
3Atì'nogo weim abok iko kolek he, it Yesùt agoromì inebe 12 amanogo mene, aike etage Yùrat Isikariot a'nogo a'la Ibilit kisike. 4Kisikomo re, at Yùrat, it ap Ala esewerek mene inogogì mel, Ala awì wùrìk serogo welagaikarek mene mel, inoba lagaikesik he,
“Yesùt atì wasuageip en he, hineki ba nìkì'nogo hegein he,” ìlùk weim abok inom isukwa. 5Inom isukwasik, it ap amanogo ina'la hai hakìkì logolìk he,
“Oko uang hùlì tì ba wokhesugun,” ìlùk abok yogosukwa. 6Abok yogosukwama, at Yùrat en he,
“Ì o,” ìlùk yogoisasikesik he,
“Apùnì inokot werek kolek, Yesùt alepma hanoasuak were'ma, mera nen ineki ba hegein he,” ìlùk weim abok a'la logolìk wenesùgi ebetì lagaike.
Topa wam Paskah hesik nogoin mene tegeli loagalùk agoromì laksasike wene
(Mat.26:17-25; Mrk.14:12-21; Yoh.13:21-30)
7Yùrat atì'nogo a'la ebeto kolek, eken horoti hisuagalùk a'la pelaparek mene a'la pelapì'lek mene werago nìkì logolìk, pesta Paskah hesik wam topa wam warogo nasak higit agaike. 8Nasak higit agaikomo re, at Yesùt en Peterùt Yohanet eperak laksìkì logolìk he, mel yogoisasike:
“Nit pesta Paskah hesik topa wam ninom nùok en he, lìlìk weragasogo tegelogo hìlìk logoino o,” ìlùk yogoisasikomo, 9it en he,
“Nit en yì mene tì mene o koma tegelogo hìlìk logousak walok en egen,” ìlùk isukwama, 10at Yesùt en he,
“Hit kota a'nogo ki lìlìk he, ap aike isoak kweang temùl mene hagarek mene ba i hina'lùk waganem hinom apì asugun a'naga. Apì arìk he, opoligat lano. Laganem at aua kike halok, 11ap awi esewerek mene atì oba hinok mel ìlùk wanino:
At ninoe wene yakùlnisikerek mene a'nogo nen he, mel ike:
An nagoromì nane wìlì'lùgì mene ninom pesta Paskah hesik topa wam warogo noagalùk, o hùlù sekelek kì hak hanhen, ìlùk hinok wani lani, ìlùk lakhina wagama wago, ìlùk atì'nogo yogotenem, 12at en he, o hùlùpo hùko sekelek mene werago nasak oba obùlùk motok hagare'ma yakùlhisegein a'naga re, atomaat yì mene tì mene tegelogo hìlìk logoino o,” ìlùk he, laksasike. 13Laksasikomo, it eperak lagaukwa hak he, at en isike hagat, atì'nogo were'ma ha lagaukwasik he, pesta Paskah hesik topa wam warìk he, weragasogo tegelogo hesukwa.
Yesùt agoromì inom sùpùrùk mel, eken amusu mel, elùgùn oba nasukwa wene
(Mat.26:26-30; Mrk.14:22-26; 1Kor.11:23-25)
14Nasak oba arat asi wagaikomo re, at Yesùt en he, agoromì laksagalùk inayoko hesike mene he'nakìt aike inom lagaukwasik, inom nùogolùk hù'lagaukwa.
15Hù'lagaukwasik, at en mel yogoisasike:
“An yì aik tì aik hiko kolek noasugun atì, oan haga'napì'lek werek kolek, topa wam Paskah hesik yogotak nogoin yì, nagoromì ninom nelo e, ìlùk, na'la walok akìkì lagarìk. 16Ninom yìat nalùk hobuk, at Ala nen awe a'ma hisìlìk ebe mene nogoin atì oan werek kolek he, yì mene aike ninom nìkì'lek logogin o, ìlùk eberogoat yogohisìgì,” ìlùk yogoisasikesik he, 17-18hobuk isoak eken amusu hinago ekimo wanhìkesik he, Ala hai warogo, agoromì wogisìkì logolìk he, mel yogoisasike:
“Anggur eken amusu yì nalùk he, an hobuk aike nìkì'lek logopik en, hùlì, at Ala nen awe a'ma hisegein atì hùlì, hobuk negein. Halok, yì waganogo hinokawerek en sùpùrogo nìlìk loageip en ìlùk wokhisìgì o,” ìlùk yogoisasike. 19Atì'nogo yogoisasikesik, hobuk sùpùrùk horoti mene ekimo wanhikesik he, Ala hai warogo nen ebe kùrogo re, agoromì sùpùrisìkì logolìk he, mel yogoisasike:
“Yì an nebeat o. [An nebe hit hesik noatenem wa'lasigin atì, an noba eberek logouageip en he, yì'nogoat nìkì logoino,” ìlùk yogoisasikomo, 20arat nasukwama nen he, isoak eken amusu hinago atì'nogoat wogisìkì logolìk he,
“Yì re, an namebat o. Ala nen wene ket mene warogo wokhinabigin, isike a'nogo hit hesik namep wulagasogo noasugun atì ba, ebe asigin o,” ìlùk sùpùrogo wogisasikesik he, mel yogoisasike:]
21“Nagoromì! Lakhani! Ap aike sùpùrùk e talek oba neperak omakìma nìkì lago mene nen an noasuagalùk yoko legein o. 22Yoko lamo an abat ta'lasi wagagi a'nogo at Ala nen he.
At wasuak, ìlùk akasike higit hogoat noasugun meneat he, ap an noasuagalùk yoko legein mene atì nek he, netawì e. Weak asigin o,” ìlùk yogoisasikomo re, 23it-it mel isukwa:
“Atì sa hak en hagasigin mene ike,” ìlùk, hinok-hanok ìlìk lagaukwa.
“Hat kain nogo? Lek, an akìgì,” ìlìk lagaukwa wene
24Ati'nogwo ìlìk lagaukwasik he, kain sa, ìlùk inane sagalhì logolìk, mel isukwa:
“Hetagewerek hat nogo? An akìgì,” ìlùk, at aike nen ìgìk, aike nen ìgìk, inane sagalhukwa. 25Atì'nogo ikenem, at Yesùt en it mel yogoisasike:
“It apùnì etakwe mene atì re, inogogi inetagepogot en inagoromì hagisek logolìk inane keirogoat,
Yì mene haga'no, ti mene haga'no, ìlùk yogoisìgìk, nen, it inagoromì nen,
Ninoe atì hano ha'nisek werek, ìgìk, egarek atì hak he, 26hit en, atì'nogo hagasusak motok lek o. Halok he, hit mene aike nen he,
An netagewerek logoile, akiko halok, hinagorat asuak o. Nen,
An nen hagisek logoile, ìlùk akiko halok he, hinatitigekeat asuak o. 27Hit hina'la nen he, ap sa hak kain werek akegep. At ap hùrek logolìk sùpùrùk nìlì'logo mene atì a? At he, atitigeke mene nen, at oe noagalùk wogosi wìrì'logo mene atì a. Lek o. Kain he, at hùrek logolìk sùpùrùk nìlì'logo mene, atìat o. Atì'nogo meneat he, an hit ninom logolìk hinatitigeke negen hagatì lagi o. 28Weak hùkoat haga'napo kolegat he, hit yì nek he, an herakhanhì'lek ninom motok welago atì nen he, 29-30an nopase nen apùnì an nawe a'ma hagisek logouagalùk menhanhike atì hak he, hit hogo apùnì an nawe a'ma hisegeinmo atoma sùpùrùk nìkìk, i nìkìk, ìkì logolìk he, hinobùlùk talek oba kainat logolìk, apùnì Isirael mene inùkùl etage 12 nen amanogo ùkùm inoba hìgìk, kotìk, uageip en, ìlùk, hirat menhikìgi o,” ìlùk yogoisasike.
“Hat en, Yesùt nokot, ìlùk labeligin o,” ìlùk Peterùt yogosike wene
(Mat.26:31-35; Mrk.14:27-31; Yoh.13:36-38)
31Yesùt en atì'nogo yogoisasikesik he, aike Peterùt mel yogosike:
“Simon! Simon! Hasuk holin! Gandum apùpùleke hologo hebisagarek atì hak he, hit obogat atì'nogo, at Ibilit en hinebe holhinabigìluk Ala kìno yogotomo at en elok ìlùk yogote meneat he, 32hat hetaùken noba hìpìrethìlìk welagen mene atì maben asinogo ìlùk he, hat hesik an Ala ayoko arat hìgìma. Hepe hebelagen halok he, hagaiya'lak yoma hat en inetaùken ago watsìkì logoino,” ìlùk yogosike. 33Atì'nogo yogosikomo, at Peterùt en he, mel yogosike:
“Noe e! O apùnì ineki hele warogo hisagarek oba kelakhagagìk, hebe motok hoatìk, hagathapo halok he, an neperagat ninoasuagalùk welagì o,” ìlùk yogosike meneat he, 34at Yesùt en he,
“Peterùt! Yogotak ayam ane oan ìgì'lek werek kolek, hat en,
Yesùt atì nokot, ìlùk, heki hìnagan oba labeligin a'naga o,” ìlùk yogosike.
“Karok mel, yì mene tì mene mel, wolok lano,” ìlùk, yogoisasike wene
35At Yesùt en atì'nogo yogosikesik he, at Peterùt agaiya'lak he'nakìt inom lapuk hogo mel yogoisasike:
“An nen, hit hinauang awì mel, hinasukwe mel, hinasepatu mel, wolok lagùp o, ìlùk lakhikasigi a'nogo nen he, hit yì mene tì mene legat welagagip a?” ìlùk Yogoisasikomo, it en he, mel yogosukwa:
“Lek o. Elogat welagagu o,” ìlùk yogosukwama, 36at Yesùt en he, mel yogoisasike:
“Meneat he, yogotak enek he, hinauang awì mel, hinasukwe mel, werek halok he, helalùk lani o. Nen, hit aike karok weim yaparek mene a'nogo lek halok he, hinasu etakwe laberek mene abarogo karok oko palino. 37#Yes.53:12 An haga'nabugun mene hesik helal waganogo hìkì logolìk he,
At atì apùnì inoabùt weak hagatarek mene inom higit hogo hagarinapa o,
ìlùk isukwa atì, an noba higit asusak meneat yogotak higit arìk wìrì'logo atì nen yogohisìgì o,” ìlùk yogoisasikomo, 38it en he, mel yogosukwa:
“Noe. Nit mene karok weim yaparek mene a'nogo pìre werek yì han?” ìlùk ìnùkhasukwama, at Yesùt en he,
“Atì elok werek o,” ìlùk yogoisasike.
At Yesùt Saitun ùkùl oba lagalìk Ala ayoko hesike wene
(Mat.26:36-46; Mrk.14:32-42)
39Atì'nogo yogoisalùk inom wùlùpukwasik he, o kota a'nogo hebùlùk he, at Yesùt Saitun ùkùl oba lagakì lagaike a'nogo hagat lagaikenem, agoromì ane wanhì lagaukwa mene amanogo opolik lagaukwa. 40Arat lagaukwasik he, mel yogoisasike:
“Weak hagasuagalùk hina'la kagali wesinogo ìlùk, sapanat ìkì logoni o,” ìlùk yogoisalùk he, 41at ebe alepma kek hogo horogat helep lakhousak higit hogo lagaikesik he, eitep awì yagasogo sapan ìkì logolìk he, 42mel isike:
“Nopase e! Hat en hano akegen halok he, an weaga'nabugun mene atì telnabino,” ìlùk u hak,
“Eken amusu hinago noagalùk wo'nesugun atì, hat en an noba nen wokhano. Mene re, an na'la akìkì lagì mene atì lek o. We, hat ha'la akegen mene atìat haga'nabino o,” ìlùk yogosikomo, [43it malaikat Ala nen yoko laksikerek mene aike pogot oba nen oba pi wagaikesik he, etaùken ago wasike. 44Etaùken ago wasike mene re, a'la motok weak logolìk hobuk sapan ekin hogo ikenem, likak mep hake mene tegethìgìk kweangma titung-tatung pisike.] 45Sapan ìlùk melagaikesik, agoromì amanogo inoba wagaike re, it amanogo ina'la motok weak agaikomo nogo nen he, nogo iko were'ma isa wagaike. 46Isa wagaikesik he, mel yogoisasike:
“Hit nenahalok nogo ìkì lagep. Weak hagasuagalùk hina'la kagali wesinogo nen he, hinebe melarìk sapan ìkì logoni o,” ìlùk yogoisasike.
Yesùt ebe hakhesukwa wene
(Mat.26:47-56; Mrk.14:43-50; Yoh.18:3-11)
47At Yesùt en atì'nogo iko kolek aremnogoat, at agoromì inebe 12 amanogo mene aike etage Yùrat a'nogo, yoko lagaikesik en ap logolegat wogisek wagaikesik he, at tak Yesùt hai ape saluk wasigìlùk, oba wagaike. 48Wagaikomo, at Yesùt en he, mel yogosike:
“Yùrat! An abat ta'lasi wagagi a'nogo, apùnì nen hùthanìlìk noasuagalùk, hat en hai hape saluk warogo nebe ineki ba heigìlùk wagen?” ìlùk yogosikomo, 49it ap Yesùt inom welagaukwa mene amanogo nen he, it wagaukwa mene amanogo ineileken isìlìk he, ina'la nen,
Tì'nogo hagasugun hìgì, akasukwasik, Yesùt mel yogosukwa:
“Noe! Nit karok oba inoasu a? Lek a,” ìlùk, hinok wanhì logolìk aremnogoat, 50Yesùt agot aike nen ap Ala esewerek mene inoe kain atitigeke mene aike wasigìlùk huguthasike re, esako ebekwe nek sapuk hogo lakhesike. 51Atì'nogo sapuk hogo lakhesike meneat he, at Yesùt en he,
“Hùk! Arat o,” ìlùk, ap a'nogo esako eki hakìlìk he, hùnethesike. 52Atì'nogo hùnethesikesik he, at Yesùt en, it ap Ala esewerek inogogì kaintek mel, Ala awì wùrìk serogo welagaikarek mene mel, inalùgetek mel, at ebe hakhouogolùk wagaukwa mene obogat mel yogoisasike:
“Ap yogot wanhenem haksa wagaikarek hak, hit en an atì'nogoat hakhanuogolùk karok mel, payùk mel, wolok wagep yì rì! 53Ninhùp-nanhùbat Ala awì wùrì'mo hit an ninom logolìk hakhanhì'lek welagasip en he, yogotak yì nek he, o mùm ese welagarek mene a'nogo omame agama re, hit en hakhanusak higit obaat wagep yì o,” ìlùk yogoisasike.
Peterùt en, “Yesùt atì nokot,” ìlùk labelhike wene
(Mat.26:57-58,69-75; Mrk.14:53-54,66-72; Yoh.18:12-18,25-27)
54At Yesùt en atì'nogo yogoisasikomo, it en at ebe hakhesukwasik he, ap Ala esewerek inoe kain mene a'nogo aua wolok laga kolek, at Peterùt a'nogo hobuk inopolik hek hogo lagaike. 55Atì'nogo laga lagaikesik, ap kain a'nogo awululu apùnì etu nokalhìlìk sogoi sakiko hùrek were'ma re, ina'la hù'lagaike. 56Atì'nogo hùrek were'ma etu amulok yarogo wùlùpenem, at helekerek inatitigeke mene aike eileken Peterùt yethasikesik he, eileken oba lùrek logolìk he, mel yogoisasike:
“Ap yìrogo re, Yesùt inom welagaika meneat o,” ìlùk yogoisasikomo, 57at Peterùt en labelhì logolìk he, mel yogosike:
“Lek o. Hele yì! Ap atì ebe an nokot o,” ìlùk yogosike. 58Atì'nogo yogoisikesik oba nen, welagì'legat, ap aike nen Peterùt eileken hìlìk he, mel yogosike:
“Hat yì re, it meneat akìgì,” ìlùk yogosike meneat he, at en he,
“Noe. An lek o,” ìlùk yogosike. 59Atì'nogo yogosikomo hobuk satu jam hake welagaukwasik en, ap aike nen ane keirogo it apùnì amanogo mel yogoisasike:
“Ap yì ebe Kalilea meneat ma, eberogoat Yesùt inom nìkì lagaika meneat o,” ìlùk yogoisasikomo, 60at Peterùt en he,
“Noe! Hat egen atì, An nokot o,” ìlùk iko kolek aremnogoat he, ayam ane isike. 61Isikomo re, Yesùt elokwe hebek hogo eileken Peterùt lakhikenem, at Peterùt a'la nen he, mel akasike:
“Eigo! At Yesùt en an yogonetì logolìk he,
O yogotak sùe ayam ane oan ìgì'lek werek kolek, hat en he,
Yesùt nokot o, ìlùk, heki hìnagan oba labeligin, ìlùk yogonete a'nogo ebe arat labelhì yì,” ìlùk a'la ebesike. 62A'la ebethùlùk eta'ma wùlìpikesik he, le motok apik etawì hìt-hìt le agaike.
Yesùt tùgì watìk, inane sagan wokhìgìk, isukwa wene
(Mat.26:63-68; Mrk.14:65)
63At Peterùt atì'nogo le aga kolek, it ap Yesùt ebe hesogo welagaukwa mene amanogo nen inane sagan wokhìgìk, tùgì watìk, isukwa. Atì'nogo hagatì logolìk, 64eileken salhìlìk he,
“Sa nen hoate nogo tak. Yogonisan o!” ìlùk yogotìk, 65inane apigat lì'nù tìng-taung hogo ekalì watìk, ìkì lagaukwa.
Yesùt anema wanhukwa wene
(Mat.26:59-66; Mrk.14:55-64; Yoh.18:19-24)
66Atì'nogo yogoto were'ma, o we isikomo re, ap Yahuri inalùgetek amanogo mel, Ala esewerek mene inogogì kaintek mene mel, Ala ane helal waganek esewerek mene mel, atogosukwasik, wene Ala ane hesik ero pìlìngìtare'ma atoma were'ma, Yesùt wolok inoba kisukwama re, 67it en mel yogosukwa:
“Ala nen Karìsùt ayoko hìlìk lakhei wesigin isike a'nogo harat a? Hat halok he, yogonisan o,” ìlùk yogosukwama, at Yesùt en he, mel yogoisasike:
“An nen yogohisikenem he, eberogoat ìlùk hina'la hùthogoin nogo? 68An nen hinok wokhisikenem he, oko yogonesugun nogo? Lek o,” ìlùk yogoisasikesik, aike mel yogoisasike:
69“Hùlì yogotak yì nen he, hobuk an nopase Ala omame werek yì mene tì mene hagasusak enek a'nogo eki ebekwe kainat logogin o,” ìlùk yogoisasikomo, 70it obogat en he, mel yogosukwa:
“Halok he, hat Ala aput nogo?” ìlùk yogosukwama, at en he:
“Hit hinokawerek en egep atìat o,” ìlùk yogoisasikomo, 71it en he, mel yogosukwa.
“Apùnì nen at weak hagatenem ineileken haga mene nen wene sekek hogo uagalùk nahalok serisek logogun nogo. Wene at okawerek en ike mene arat ninasuk holho hake yoma rì!” ìlùk isukwa.
S'ha seleccionat:
LUKAT 22: LAIDNI
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
LUKAT 22
22
Yesùt ebe wasuogolùk weim abok isukwa wene
(Mat.26:1-5; Mrk.14:1-2; Yoh.11:45-53)
1It apùnì Yahuri mene pesta etage Paskah nìkì logolìk, eken horoti hisuagalùk a'la pelaparek mene a'la pelapì'lek mene weragasogo nekarek oba horogat asi wagaikomo logolìk he, 2it ap Ala esewerek mene inogogì kaintek mel, Ala ane helal waganek esewerek mene mel, apùnì obogat inayùk en he,
Yesùt ùkùm nìkì'nogo oba hìlìk wasuok he, ìlùk weim abok ìkì lagaukwa.
Yùrat en Yesùt wasuagalùk yoko lagaike wene
(Mat.26:14-16; Mrk.14:10-11)
3Atì'nogo weim abok iko kolek he, it Yesùt agoromì inebe 12 amanogo mene, aike etage Yùrat Isikariot a'nogo a'la Ibilit kisike. 4Kisikomo re, at Yùrat, it ap Ala esewerek mene inogogì mel, Ala awì wùrìk serogo welagaikarek mene mel, inoba lagaikesik he,
“Yesùt atì wasuageip en he, hineki ba nìkì'nogo hegein he,” ìlùk weim abok inom isukwa. 5Inom isukwasik, it ap amanogo ina'la hai hakìkì logolìk he,
“Oko uang hùlì tì ba wokhesugun,” ìlùk abok yogosukwa. 6Abok yogosukwama, at Yùrat en he,
“Ì o,” ìlùk yogoisasikesik he,
“Apùnì inokot werek kolek, Yesùt alepma hanoasuak were'ma, mera nen ineki ba hegein he,” ìlùk weim abok a'la logolìk wenesùgi ebetì lagaike.
Topa wam Paskah hesik nogoin mene tegeli loagalùk agoromì laksasike wene
(Mat.26:17-25; Mrk.14:12-21; Yoh.13:21-30)
7Yùrat atì'nogo a'la ebeto kolek, eken horoti hisuagalùk a'la pelaparek mene a'la pelapì'lek mene werago nìkì logolìk, pesta Paskah hesik wam topa wam warogo nasak higit agaike. 8Nasak higit agaikomo re, at Yesùt en Peterùt Yohanet eperak laksìkì logolìk he, mel yogoisasike:
“Nit pesta Paskah hesik topa wam ninom nùok en he, lìlìk weragasogo tegelogo hìlìk logoino o,” ìlùk yogoisasikomo, 9it en he,
“Nit en yì mene tì mene o koma tegelogo hìlìk logousak walok en egen,” ìlùk isukwama, 10at Yesùt en he,
“Hit kota a'nogo ki lìlìk he, ap aike isoak kweang temùl mene hagarek mene ba i hina'lùk waganem hinom apì asugun a'naga. Apì arìk he, opoligat lano. Laganem at aua kike halok, 11ap awi esewerek mene atì oba hinok mel ìlùk wanino:
At ninoe wene yakùlnisikerek mene a'nogo nen he, mel ike:
An nagoromì nane wìlì'lùgì mene ninom pesta Paskah hesik topa wam warogo noagalùk, o hùlù sekelek kì hak hanhen, ìlùk hinok wani lani, ìlùk lakhina wagama wago, ìlùk atì'nogo yogotenem, 12at en he, o hùlùpo hùko sekelek mene werago nasak oba obùlùk motok hagare'ma yakùlhisegein a'naga re, atomaat yì mene tì mene tegelogo hìlìk logoino o,” ìlùk he, laksasike. 13Laksasikomo, it eperak lagaukwa hak he, at en isike hagat, atì'nogo were'ma ha lagaukwasik he, pesta Paskah hesik topa wam warìk he, weragasogo tegelogo hesukwa.
Yesùt agoromì inom sùpùrùk mel, eken amusu mel, elùgùn oba nasukwa wene
(Mat.26:26-30; Mrk.14:22-26; 1Kor.11:23-25)
14Nasak oba arat asi wagaikomo re, at Yesùt en he, agoromì laksagalùk inayoko hesike mene he'nakìt aike inom lagaukwasik, inom nùogolùk hù'lagaukwa.
15Hù'lagaukwasik, at en mel yogoisasike:
“An yì aik tì aik hiko kolek noasugun atì, oan haga'napì'lek werek kolek, topa wam Paskah hesik yogotak nogoin yì, nagoromì ninom nelo e, ìlùk, na'la walok akìkì lagarìk. 16Ninom yìat nalùk hobuk, at Ala nen awe a'ma hisìlìk ebe mene nogoin atì oan werek kolek he, yì mene aike ninom nìkì'lek logogin o, ìlùk eberogoat yogohisìgì,” ìlùk yogoisasikesik he, 17-18hobuk isoak eken amusu hinago ekimo wanhìkesik he, Ala hai warogo, agoromì wogisìkì logolìk he, mel yogoisasike:
“Anggur eken amusu yì nalùk he, an hobuk aike nìkì'lek logopik en, hùlì, at Ala nen awe a'ma hisegein atì hùlì, hobuk negein. Halok, yì waganogo hinokawerek en sùpùrogo nìlìk loageip en ìlùk wokhisìgì o,” ìlùk yogoisasike. 19Atì'nogo yogoisasikesik, hobuk sùpùrùk horoti mene ekimo wanhikesik he, Ala hai warogo nen ebe kùrogo re, agoromì sùpùrisìkì logolìk he, mel yogoisasike:
“Yì an nebeat o. [An nebe hit hesik noatenem wa'lasigin atì, an noba eberek logouageip en he, yì'nogoat nìkì logoino,” ìlùk yogoisasikomo, 20arat nasukwama nen he, isoak eken amusu hinago atì'nogoat wogisìkì logolìk he,
“Yì re, an namebat o. Ala nen wene ket mene warogo wokhinabigin, isike a'nogo hit hesik namep wulagasogo noasugun atì ba, ebe asigin o,” ìlùk sùpùrogo wogisasikesik he, mel yogoisasike:]
21“Nagoromì! Lakhani! Ap aike sùpùrùk e talek oba neperak omakìma nìkì lago mene nen an noasuagalùk yoko legein o. 22Yoko lamo an abat ta'lasi wagagi a'nogo at Ala nen he.
At wasuak, ìlùk akasike higit hogoat noasugun meneat he, ap an noasuagalùk yoko legein mene atì nek he, netawì e. Weak asigin o,” ìlùk yogoisasikomo re, 23it-it mel isukwa:
“Atì sa hak en hagasigin mene ike,” ìlùk, hinok-hanok ìlìk lagaukwa.
“Hat kain nogo? Lek, an akìgì,” ìlìk lagaukwa wene
24Ati'nogwo ìlìk lagaukwasik he, kain sa, ìlùk inane sagalhì logolìk, mel isukwa:
“Hetagewerek hat nogo? An akìgì,” ìlùk, at aike nen ìgìk, aike nen ìgìk, inane sagalhukwa. 25Atì'nogo ikenem, at Yesùt en it mel yogoisasike:
“It apùnì etakwe mene atì re, inogogi inetagepogot en inagoromì hagisek logolìk inane keirogoat,
Yì mene haga'no, ti mene haga'no, ìlùk yogoisìgìk, nen, it inagoromì nen,
Ninoe atì hano ha'nisek werek, ìgìk, egarek atì hak he, 26hit en, atì'nogo hagasusak motok lek o. Halok he, hit mene aike nen he,
An netagewerek logoile, akiko halok, hinagorat asuak o. Nen,
An nen hagisek logoile, ìlùk akiko halok he, hinatitigekeat asuak o. 27Hit hina'la nen he, ap sa hak kain werek akegep. At ap hùrek logolìk sùpùrùk nìlì'logo mene atì a? At he, atitigeke mene nen, at oe noagalùk wogosi wìrì'logo mene atì a. Lek o. Kain he, at hùrek logolìk sùpùrùk nìlì'logo mene, atìat o. Atì'nogo meneat he, an hit ninom logolìk hinatitigeke negen hagatì lagi o. 28Weak hùkoat haga'napo kolegat he, hit yì nek he, an herakhanhì'lek ninom motok welago atì nen he, 29-30an nopase nen apùnì an nawe a'ma hagisek logouagalùk menhanhike atì hak he, hit hogo apùnì an nawe a'ma hisegeinmo atoma sùpùrùk nìkìk, i nìkìk, ìkì logolìk he, hinobùlùk talek oba kainat logolìk, apùnì Isirael mene inùkùl etage 12 nen amanogo ùkùm inoba hìgìk, kotìk, uageip en, ìlùk, hirat menhikìgi o,” ìlùk yogoisasike.
“Hat en, Yesùt nokot, ìlùk labeligin o,” ìlùk Peterùt yogosike wene
(Mat.26:31-35; Mrk.14:27-31; Yoh.13:36-38)
31Yesùt en atì'nogo yogoisasikesik he, aike Peterùt mel yogosike:
“Simon! Simon! Hasuk holin! Gandum apùpùleke hologo hebisagarek atì hak he, hit obogat atì'nogo, at Ibilit en hinebe holhinabigìluk Ala kìno yogotomo at en elok ìlùk yogote meneat he, 32hat hetaùken noba hìpìrethìlìk welagen mene atì maben asinogo ìlùk he, hat hesik an Ala ayoko arat hìgìma. Hepe hebelagen halok he, hagaiya'lak yoma hat en inetaùken ago watsìkì logoino,” ìlùk yogosike. 33Atì'nogo yogosikomo, at Peterùt en he, mel yogosike:
“Noe e! O apùnì ineki hele warogo hisagarek oba kelakhagagìk, hebe motok hoatìk, hagathapo halok he, an neperagat ninoasuagalùk welagì o,” ìlùk yogosike meneat he, 34at Yesùt en he,
“Peterùt! Yogotak ayam ane oan ìgì'lek werek kolek, hat en,
Yesùt atì nokot, ìlùk, heki hìnagan oba labeligin a'naga o,” ìlùk yogosike.
“Karok mel, yì mene tì mene mel, wolok lano,” ìlùk, yogoisasike wene
35At Yesùt en atì'nogo yogosikesik he, at Peterùt agaiya'lak he'nakìt inom lapuk hogo mel yogoisasike:
“An nen, hit hinauang awì mel, hinasukwe mel, hinasepatu mel, wolok lagùp o, ìlùk lakhikasigi a'nogo nen he, hit yì mene tì mene legat welagagip a?” ìlùk Yogoisasikomo, it en he, mel yogosukwa:
“Lek o. Elogat welagagu o,” ìlùk yogosukwama, 36at Yesùt en he, mel yogoisasike:
“Meneat he, yogotak enek he, hinauang awì mel, hinasukwe mel, werek halok he, helalùk lani o. Nen, hit aike karok weim yaparek mene a'nogo lek halok he, hinasu etakwe laberek mene abarogo karok oko palino. 37#Yes.53:12 An haga'nabugun mene hesik helal waganogo hìkì logolìk he,
At atì apùnì inoabùt weak hagatarek mene inom higit hogo hagarinapa o,
ìlùk isukwa atì, an noba higit asusak meneat yogotak higit arìk wìrì'logo atì nen yogohisìgì o,” ìlùk yogoisasikomo, 38it en he, mel yogosukwa:
“Noe. Nit mene karok weim yaparek mene a'nogo pìre werek yì han?” ìlùk ìnùkhasukwama, at Yesùt en he,
“Atì elok werek o,” ìlùk yogoisasike.
At Yesùt Saitun ùkùl oba lagalìk Ala ayoko hesike wene
(Mat.26:36-46; Mrk.14:32-42)
39Atì'nogo yogoisalùk inom wùlùpukwasik he, o kota a'nogo hebùlùk he, at Yesùt Saitun ùkùl oba lagakì lagaike a'nogo hagat lagaikenem, agoromì ane wanhì lagaukwa mene amanogo opolik lagaukwa. 40Arat lagaukwasik he, mel yogoisasike:
“Weak hagasuagalùk hina'la kagali wesinogo ìlùk, sapanat ìkì logoni o,” ìlùk yogoisalùk he, 41at ebe alepma kek hogo horogat helep lakhousak higit hogo lagaikesik he, eitep awì yagasogo sapan ìkì logolìk he, 42mel isike:
“Nopase e! Hat en hano akegen halok he, an weaga'nabugun mene atì telnabino,” ìlùk u hak,
“Eken amusu hinago noagalùk wo'nesugun atì, hat en an noba nen wokhano. Mene re, an na'la akìkì lagì mene atì lek o. We, hat ha'la akegen mene atìat haga'nabino o,” ìlùk yogosikomo, [43it malaikat Ala nen yoko laksikerek mene aike pogot oba nen oba pi wagaikesik he, etaùken ago wasike. 44Etaùken ago wasike mene re, a'la motok weak logolìk hobuk sapan ekin hogo ikenem, likak mep hake mene tegethìgìk kweangma titung-tatung pisike.] 45Sapan ìlùk melagaikesik, agoromì amanogo inoba wagaike re, it amanogo ina'la motok weak agaikomo nogo nen he, nogo iko were'ma isa wagaike. 46Isa wagaikesik he, mel yogoisasike:
“Hit nenahalok nogo ìkì lagep. Weak hagasuagalùk hina'la kagali wesinogo nen he, hinebe melarìk sapan ìkì logoni o,” ìlùk yogoisasike.
Yesùt ebe hakhesukwa wene
(Mat.26:47-56; Mrk.14:43-50; Yoh.18:3-11)
47At Yesùt en atì'nogo iko kolek aremnogoat, at agoromì inebe 12 amanogo mene aike etage Yùrat a'nogo, yoko lagaikesik en ap logolegat wogisek wagaikesik he, at tak Yesùt hai ape saluk wasigìlùk, oba wagaike. 48Wagaikomo, at Yesùt en he, mel yogosike:
“Yùrat! An abat ta'lasi wagagi a'nogo, apùnì nen hùthanìlìk noasuagalùk, hat en hai hape saluk warogo nebe ineki ba heigìlùk wagen?” ìlùk yogosikomo, 49it ap Yesùt inom welagaukwa mene amanogo nen he, it wagaukwa mene amanogo ineileken isìlìk he, ina'la nen,
Tì'nogo hagasugun hìgì, akasukwasik, Yesùt mel yogosukwa:
“Noe! Nit karok oba inoasu a? Lek a,” ìlùk, hinok wanhì logolìk aremnogoat, 50Yesùt agot aike nen ap Ala esewerek mene inoe kain atitigeke mene aike wasigìlùk huguthasike re, esako ebekwe nek sapuk hogo lakhesike. 51Atì'nogo sapuk hogo lakhesike meneat he, at Yesùt en he,
“Hùk! Arat o,” ìlùk, ap a'nogo esako eki hakìlìk he, hùnethesike. 52Atì'nogo hùnethesikesik he, at Yesùt en, it ap Ala esewerek inogogì kaintek mel, Ala awì wùrìk serogo welagaikarek mene mel, inalùgetek mel, at ebe hakhouogolùk wagaukwa mene obogat mel yogoisasike:
“Ap yogot wanhenem haksa wagaikarek hak, hit en an atì'nogoat hakhanuogolùk karok mel, payùk mel, wolok wagep yì rì! 53Ninhùp-nanhùbat Ala awì wùrì'mo hit an ninom logolìk hakhanhì'lek welagasip en he, yogotak yì nek he, o mùm ese welagarek mene a'nogo omame agama re, hit en hakhanusak higit obaat wagep yì o,” ìlùk yogoisasike.
Peterùt en, “Yesùt atì nokot,” ìlùk labelhike wene
(Mat.26:57-58,69-75; Mrk.14:53-54,66-72; Yoh.18:12-18,25-27)
54At Yesùt en atì'nogo yogoisasikomo, it en at ebe hakhesukwasik he, ap Ala esewerek inoe kain mene a'nogo aua wolok laga kolek, at Peterùt a'nogo hobuk inopolik hek hogo lagaike. 55Atì'nogo laga lagaikesik, ap kain a'nogo awululu apùnì etu nokalhìlìk sogoi sakiko hùrek were'ma re, ina'la hù'lagaike. 56Atì'nogo hùrek were'ma etu amulok yarogo wùlùpenem, at helekerek inatitigeke mene aike eileken Peterùt yethasikesik he, eileken oba lùrek logolìk he, mel yogoisasike:
“Ap yìrogo re, Yesùt inom welagaika meneat o,” ìlùk yogoisasikomo, 57at Peterùt en labelhì logolìk he, mel yogosike:
“Lek o. Hele yì! Ap atì ebe an nokot o,” ìlùk yogosike. 58Atì'nogo yogoisikesik oba nen, welagì'legat, ap aike nen Peterùt eileken hìlìk he, mel yogosike:
“Hat yì re, it meneat akìgì,” ìlùk yogosike meneat he, at en he,
“Noe. An lek o,” ìlùk yogosike. 59Atì'nogo yogosikomo hobuk satu jam hake welagaukwasik en, ap aike nen ane keirogo it apùnì amanogo mel yogoisasike:
“Ap yì ebe Kalilea meneat ma, eberogoat Yesùt inom nìkì lagaika meneat o,” ìlùk yogoisasikomo, 60at Peterùt en he,
“Noe! Hat egen atì, An nokot o,” ìlùk iko kolek aremnogoat he, ayam ane isike. 61Isikomo re, Yesùt elokwe hebek hogo eileken Peterùt lakhikenem, at Peterùt a'la nen he, mel akasike:
“Eigo! At Yesùt en an yogonetì logolìk he,
O yogotak sùe ayam ane oan ìgì'lek werek kolek, hat en he,
Yesùt nokot o, ìlùk, heki hìnagan oba labeligin, ìlùk yogonete a'nogo ebe arat labelhì yì,” ìlùk a'la ebesike. 62A'la ebethùlùk eta'ma wùlìpikesik he, le motok apik etawì hìt-hìt le agaike.
Yesùt tùgì watìk, inane sagan wokhìgìk, isukwa wene
(Mat.26:63-68; Mrk.14:65)
63At Peterùt atì'nogo le aga kolek, it ap Yesùt ebe hesogo welagaukwa mene amanogo nen inane sagan wokhìgìk, tùgì watìk, isukwa. Atì'nogo hagatì logolìk, 64eileken salhìlìk he,
“Sa nen hoate nogo tak. Yogonisan o!” ìlùk yogotìk, 65inane apigat lì'nù tìng-taung hogo ekalì watìk, ìkì lagaukwa.
Yesùt anema wanhukwa wene
(Mat.26:59-66; Mrk.14:55-64; Yoh.18:19-24)
66Atì'nogo yogoto were'ma, o we isikomo re, ap Yahuri inalùgetek amanogo mel, Ala esewerek mene inogogì kaintek mene mel, Ala ane helal waganek esewerek mene mel, atogosukwasik, wene Ala ane hesik ero pìlìngìtare'ma atoma were'ma, Yesùt wolok inoba kisukwama re, 67it en mel yogosukwa:
“Ala nen Karìsùt ayoko hìlìk lakhei wesigin isike a'nogo harat a? Hat halok he, yogonisan o,” ìlùk yogosukwama, at Yesùt en he, mel yogoisasike:
“An nen yogohisikenem he, eberogoat ìlùk hina'la hùthogoin nogo? 68An nen hinok wokhisikenem he, oko yogonesugun nogo? Lek o,” ìlùk yogoisasikesik, aike mel yogoisasike:
69“Hùlì yogotak yì nen he, hobuk an nopase Ala omame werek yì mene tì mene hagasusak enek a'nogo eki ebekwe kainat logogin o,” ìlùk yogoisasikomo, 70it obogat en he, mel yogosukwa:
“Halok he, hat Ala aput nogo?” ìlùk yogosukwama, at en he:
“Hit hinokawerek en egep atìat o,” ìlùk yogoisasikomo, 71it en he, mel yogosukwa.
“Apùnì nen at weak hagatenem ineileken haga mene nen wene sekek hogo uagalùk nahalok serisek logogun nogo. Wene at okawerek en ike mene arat ninasuk holho hake yoma rì!” ìlùk isukwa.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió