KAJADIAN 1
1
Sisikon nompotimbali dunia ka' iwi-iwi' na isinyo
1Momonanyo, salatan Tumpu nontampu'unimo nompotimbali songko-songko na dunia, 2dunia ma'isa osumbu-sumbu' na timpasanyo, ka' daagi' mogogalo'an. Ndalangon saja' mimbokon daka-daka' ka' songko-songko nuleetabimo, ka' pikat hondo songko-songko, panyo kuasa nu Tumpu Allah na mongkuasai bawo nu uee. 3#2Kor. 4:6 Tumpu notatae, “Timbali na jingka”! Lantas kino jingkamo. 4Tumpu sinanangmo na nontoa han aijo'. Lantas gina'at-Nyomo na jingka aijo' da madi'mo maninggalo' tiba pintung, 5ka' sinanggohan-Nyomo na jingka aijo' “Sinaa” ka' pintung aijo' “Malom”. Tinom boliu na malom lantas tinimbalimo na sinaa daagi subu. Aijo'mo na sinaa anu momonanyo.
6-7 #
2Ptr. 3:5
Lapas aijo' Tumpu notatae mule', “Timbalimo na sa' angu' bau pongompok, da bau pombagi uee aijo' timbali ohua', ka' da pongompok toto sa'angu' na uee aijo' anu binagimo ohua' na tampatnyo anu gina'atmo.” Lantas han aijo' tinimbalimo. Sumo aijom na Tumpu nombau pongompok anu nongga'atakonmo uee anu i aluknyo nu pongompok ka' uee anu i buannyo. 8Pongompok aijo' sinanggohan-Nyomo “Langit”. Tinomboliu na malom lantas tinimbalimo na sinaa daagi subu. Aijo'mo na sinaa anu ko ohua'nyo.
9Lapas aijo' Tumpu notatae mule', “Tionyo ahi' uee anu i aluknyo nu langit mo ili mamba i sa'angu' na tampat, sahingga tano' kantoan”. Lantas han aijo' tinimbalimo. 10Tumpu nonsanggohimo tano' aijo' “Katano'an”, ka' posa'angu'an nu uee aijo' sinanggohan-Nyomo “Ambai”. Ka' Tumpu Allah sinanangmo na nontoa han aijo'. 11Tumpu notatae mule', “Tionyo ahi' ko anu tumuu' i tano' iwi-iwi' na ngahannyo nu anu tumuu', aijo'mo ngahan nyo nu anu mohasinakon anu ko batunyo ka' ngahan nu anu mohasinakon anu ko bua'nyo”. Lantas han aijo' tinimbalimo. 12Sumo aijo'mo na ngangahannyo iwi-iwi' anu tinumuu'mo i tano'. Ka' Tumpu sinanangmo na nontoa han aijo'. 13Tinomboliu na malom lantas tinimbalimo na sinaa daagi subu. Aijo'mo na sinaa anu ko totolu'nyo.
14-15Lapas aijo' Tumpu notatae mule', “Tionyo ahi' daagi' ko to bala-balang majingka aita' i langit da monjingkai tano', da mongga'at sinaa ka' malom, ka' da momponyata' tempo'nyomo pontampu'unian sinaa, taun, ka' sinaa lamean nu agama”. Sahingga han aijo' tinimbalimo. 16Sumo aijo'mo na Tumpu nompotimbalimo ohua' na balang majingka anu daka', aijo'mo batu nu sinaa da mongkuasai sinaa, ka' bitu'on da mongkuasai malom; ka' sangga'at mule' pinotimbali-Nyomo na to manda-mandala'. 17Tumpu nompo'una'mo to bala-balang anu majingka aijo' aita' i langit da monjingkai tano', 18da mongkuasai sinaa ka' malom, ka' da mongga'at jingka tiba pintung. Ka' Tumpu sinanangmo na nontoa han aijo'. 19Tinomboliu na malom lantas tinimbalimo na sinaa daagi subu. Aijo'mo na sinaa anu ko opatnyo.
20Lapas aijo' Tumpu notatae mule', “Tionyo ahi' i uno nu uee ko anu lumoyo manjoo' na ngahan nu anu konyawanyo, ka aita i langa manjoo' na to tomo-tomonsi' lumahap.” 21Sahingga Tumpu nompotimbalimo to bina-binatang anu toto daka-daka' i ambai, ka' iwi-iwi' na ngahan nu anu konyawanyo i uno nu uee, tiba mule' iwi-iwi' na ngahan nu tomonsi'. Ka' Tumpu sinanangmo na nontoa han aijo'. 22Tumpu nombalakatimo iwi-iwi' aijo' ka' nompalentahmo binatang, anu tinumuu' i uee da ko pintu-pintuangnyo ka' mongisi ambai, ka' hi to tomo-tomonsi' mintuang da mompaka panjoo'mo. 23Tinomboliu na malom lantas tinimbalimo na sinaa daagi subu. Aijo'mo na sinaa anu ko olima'nyo.
24Lapas aijo' Tumpu notatae mule', “Tionyo ahi' ko anu tumuu' i tano' iwi-iwi' ngahan nu binatang i katano'an anu manyaam ka' anu ma'ela', anu daka' kabai anu ise'.” Lantas han aijo' tinimbalimo. 25Sumo aijo'mo na Tumpu nompotimbali iwi-iwi', ka' Ia sinanangmo na nontoa han aijo'.
26 #
1Kor. 11:7
Lapas aijo' Tumpu notatae mule', “Uuka aiya kita mombaumo manusia anu saidi' mae timbali susumo kita ka' montiho kita. Aha mongkuasai to ika-ikan, to tomo-tomonsi', ka' iwi-iwi' na binatang sangga'at, anu manyaam kabai anu ma'ela', anu daka' kabai anu ise'.” 27#Mat. 19:4, Mrk. 10:6 #Kej. 5:1-2 Sumo aijo'mo na Tumpu nombau manusia ka' aha binau-Nyomo susumo butong-Nyo. Binau-Nyomo na aha mo'ane ka' boune. 28Lapas aijo' binalakatan-Nyomo na aha, Ia notatae, “Minganak ka' milee' manjoo', da lee' miu monjojoongi songko-songko na dunia ka' mongkuasai. Komiu Ku bee'i palentah mongulus to ika-ikan, to tomo-tomonsi' ka' iwi-iwi' na binatang sangga'at anu ma'ela'. 29Anu okaan nu belemiu Ku bee'i na belemiu iwi-iwi' na ngahan nu anu tumuu' itano, anu ko batunyo ka' to bua-bua' nu kau'. 30Panyo iwi-iwi' na tomonsi' ka' binatang anu ma'ela' sangga'at, Ku bee'i hemput ka' sosu'anon anu ko honnyo salaku kaanonnyo.” Sahingga han aijo' tinimbalimo. 31Tumpu nontoa iwi-iwi' apaa na anu binau-Nyomo aijo', ka' sinanangmo hondo na Ia. Tinomboliu na malom tinimbalimo na sinaa daagi subu. Aijo'mo na sinaa anu ko anomnyo.
S'ha seleccionat:
KAJADIAN 1: LAILOE
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió