Ore i mexü̃ ga Luca ümatüxü̃ 17
17
Naxãũcüma nixĩ nax pecadugu inguxü̃
(Mt. 18.6-7, 21-22; Mr. 9.42)
1Rü Ngechuchu rü norü ngúexü̃güxü̃ ñanagürü: —Rü guxü̃gutáma nangẽxma i ta̱xacü i duü̃xü̃güxü̃ pecaduã̱xẽẽxü̃. Natürü wüxi i ngechaü̃ nixĩ tümaca̱x ya yíxema duü̃xẽ ya togüxü̃ pecadugu yixexẽ́xẽ.
2-3Rü tümaca̱x rü narümemae nixĩ nax tümanaxãwa yangacuchixü̃ ya wüxi ya nuta ya tacü rü ngẽmaãcü natüwa tüxü̃ nax itáexü̃ naxü̃pa nax pecadugu tanangu̱xẽẽxü̃ i wüxi i ñaa chorü duü̃xü̃gü ya ngexwaca yaxõgüxü̃. ¡Rü ngẽmaca̱x name nixĩ i pexuãxẽgü i pemax! Rü ngẽxguma wüxi i cuenexẽ chixexü̃ uxgu rü ¡mea naxuxcu̱xẽ! Rü ngẽxguma nüxü̃ naxoxgu i nacüma i chixexü̃ rü ¡nüxü̃́ nüxü̃ irüngüma i ngẽma chixexü̃ i naxüxü̃!
4Rü woo 7 e̱xpü̱xcüna chixexü̃ cuxcha̱xwa naxü̱xgu i wüxi i ngunexü̃gu, rü ngẽxguma 7 e̱xpü̱xcüna cuxna yacaxgu nax nüxü̃́ nüxü̃ curüngü̃maxü̃ca̱x, rü name nixĩ i nüxü̃́ nüxü̃ curüngü̃ma i ngẽma chixexü̃ i naxüxü̃ —ñanagürü ga Ngechuchu.
Napora i õ
5Rü norü ngúexü̃gü ga norü orearü uwa namugüxü̃ rü ñanagürügü: —Pa Corix, ¡toxü̃ rüngü̃xẽxẽ nax yexeraãcü tayaxõgüxü̃ca̱x! —ñanagürügü.
6Rü yexguma ga Cori ga Ngechuchu rü ñanagürü nüxü̃ ga norü ngúexü̃gü: —Rü ngẽxguma chi woo wüxi i motachachirerüxü̃ naxíraxüchigu i perü õ, rü daa nai rü chi pega naxĩnü ega ñapegügu: “¡Cugü nabe̱x i nua rü már-chiügu cugü yato!” ñapegügu, rü chi pega naxĩnü.
Wüxi i ngü̃xẽxẽruü̃arü puracüchiga
7Ngẽxguma chi wüxíe i pema tüxü̃́ nangẽxmagu i wüxi i tümaarü duü̃xü̃ i tümaanewa ne ũxü̃ i aimüanewa puracüxü̃ rüe̱xna carnéruarü dauwa, rü tüma rü taxũtáma ñatagürü nüxü̃: ¡Paxa mechawa rüto nax cuchibüxü̃ca̱x! ñatagürü.
8Natürü ñatagürü tá nüxü̃: ¡Paxa cha̱u̱xca̱x naxüwemü nax chachibüxü̃ca̱x rü chaxaxexü̃ca̱x! Rü ngẽmawena rü marü name nax cuchibüxü̃ rü cuxaxexü̃, ñatagürü tá.
9Rü norü cori rü tama moxẽ nüxna naxã naxca̱x nax naxüaxü̃ i ngẽma nüxü̃ naxüxẽẽxü̃.
10Rü ngẽxgumarüxü̃ ta i pemax, rü ngẽxguma peyanguxẽẽgu i guxü̃ma i ngẽma Tupana pexü̃ muxü̃, rü tá ñaperügügü: “Puracütanüxü̃mare i taxuwama imexü̃ tixĩgü, erü ngẽma tüxü̃ namuxü̃ tinguxẽẽgümare”, ñaperügügü —ñanagürü ga Ngechuchu.
Ngechuchu nanameexẽxẽ ga 10 ga yatügü ga chaxüneã̱xgüxü̃
11Rü yexguma namagu yaxũxgu ga Ngechuchu ga Yerucharéü̃wa nax naxũxü̃, rü Chamáriaane rü Gariréaane nügümaxã íxüyéxü̃wa naxüpetü.
12Rü yexguma wüxi ga ĩanexacüwa nanguxgu, rü yexma nape̱xegu nayayi ga 10 ga yatügü ga chaxünemaxã ida̱xaweexü̃. Rü yáxü̃gu nüxü̃́ nachigü.
13Rü tagaãcü ñanagürügü nüxü̃: —Pa Ngechuchux, Pa Ngúexẽxẽruxü̃, ¡cuxü̃́ tangechaü̃tümüxü̃gü! —ñanagürügü.
14Rü yexguma Ngechuchu nüxü̃ da̱u̱xgu, rü ñanagürü nüxü̃: —¡Yéa chacherdótegüxü̃tawa pexĩ, rü nüxü̃ pegü peyawe̱xgü! —ñanagürü. Rü yema yatügü rü yexguma namagu naxĩyane, rü naxca̱x nitaanetanü.
15Natürü natanüwa rü nayexma ga wüxi ga Ngechuchuca̱x taeguxü̃ ga yexguma marü nügü nada̱u̱xgu nax naxca̱x yataanexü̃. Rü tagaãcü Tupanaxü̃ nicua̱xüxü̃chigü.
16Rü Ngechuchupe̱xegu nanangücuchi rü moxẽ nüxna naxã. Rü yema yatü rü Chamáriaanecüã̱x nixĩ.
17Rü yexguma ga Ngechuchu rü ñanagürü: —¿Taux ẽ̱xna i 10 chire̱x pixĩgüxü̃ nax pexca̱x chayataanexẽẽgüxü̃? ¿Ngexü̃gü nixĩ i ngẽma togü i 9 i yatügü?
18¿Rü ñaa to i nachixü̃anecüã̱x i duü̃xü̃xicatama nixĩ i taeguxü̃ nax Tupanaxü̃ yacua̱xüxü̃xü̃ca̱x? —ñanagürü.
19Rü ñu̱xũchi gumá yatüxü̃ ñanagürü: —¡Inachi rü íixũ! Cuxca̱x nitaane, erü cuyaxõ —ñanagürü.
Ñuxãcü tá nixĩ i ngẽxguma ínanguxgu ya Tupana nax ãẽ̱xgacü yixĩxü̃
(Mt. 24.23-28, 36-41)
20Rü Parichéugü rü Ngechuchuna nacagü, rü ñanagürügü: —¿Ñuxgu tá nixĩ nax yangucuchixü̃ ya Tupana nax ãẽ̱xgacü yixĩxü̃ca̱x i núma? —ñanagürügü. Rü Ngechuchu nanangãxü̃, rü ñanagürü: —Norü nguchiga ya Tupana rü taxũtáma nüxü̃ tacua̱x nax ta̱xacürü ngunexü̃gu tá ínanguxü̃.
21Rü taxuacüma ñaperügügü: “Daa nixĩ”, rüe̱xna “Gua nixĩ”, ñaperügügü. Erü marü petanüwa nangu ya Tupana nax ãẽ̱xgacü yixĩxü̃ca̱x —ñanagürü.
22Rü yexguma norü ngúexü̃güxü̃ ñanagürü: —Rü tá pexca̱x ínangu i ngunexü̃ i nagu tá nüxü̃ pedaugüchaü̃xü̃ ya Tupana Nane ya duü̃xü̃xü̃ ixĩcü woo wüxi i paxaãchica̱x yixĩxgu. Natürü taxũtáma nüxü̃ pedaugü i ngẽxguma.
23Rü duü̃xü̃gü rü tá ñanagürügü pexü̃: “Daa nixĩ ya Cristu”, rüe̱xna, “Gua nixĩ ya Cristu”, ñanagürügü tá. Natürü i pemax ¡rü taxũtáma nüxü̃́ peyaxõgü, rü taxũtáma nawe perüxĩ!
24Rü ngẽxguma ínanguxgu ya Tupana Nane ya duü̃xü̃xü̃ ixĩcü, rü wüxi i ãẽmacü i guxü̃anegu báxixü̃rüxü̃ tá nixĩ.
25Natürü i nüma rü poraãcü tá ngúxü̃ ningexira, rü ñoma i naanecüã̱x i duü̃xü̃gü i ñu̱xma maxẽxü̃ rü tá nüxü̃ naxoe.
26Rü yexgumarüxü̃ ga duü̃xü̃gü nax chixri namaxẽxü̃ ga yexguma Noé maxü̃gu, rü ngẽxgumarüxü̃ tá ta chixri namaxẽ i duü̃xü̃gü i ngẽxguma ínanguxgu ya Tupana Nane ya duü̃xü̃xü̃ ixĩcü.
27Rü yexguma ga duü̃xü̃gü rü nachibüe, rü naxaxegü, rü nixãma̱xgü, rü nixütexacügü ñu̱xmata nawa nangu ga yema ngunexü̃ ga Noé naweü̃gu nagu ixüexü̃. Rü ínangu ga mucü ga taxüchicü, rü guxü̃ma ga yema duü̃xü̃gü rü nayue.
28Rü yexgumarüxü̃ ta nangupetü ga yexguma nũxcümaü̃cü ga Lox maxü̃gu. Rü duü̃xü̃gü rü nachibüe, rü naxaxegü, rü naxca̱x nataxegü, rü namaxã nataxegü, rü nixüanegü rü nitoegü, rü nixüpatagü.
29Natürü yexguma Lox ixũxũgu nawa ga guma ĩane ga Chodóma, rü daxũwa narüyi ga üxü ga achúfremaxã ãéü̃xü̃, rü nanadai ga guxü̃ma ga yema duü̃xü̃gü.
30Rü ngẽxgumarüxü̃ tá nixĩ i ngẽxguma ínanguxgu ya Tupana Nane ya duü̃xü̃xü̃ ixĩcü.
31Rü ngẽma ngunexü̃gu rü texé tama tümapataarü aixepewa ngẽxmagu, rü tama name i tümapatagu tayangaxi nax tümaarü ngẽmaxü̃gü tayatoxü̃ca̱x. Rü texé ya tümaanewa ngẽxmaxẽ, rü tama name i tümapataca̱x tataegu nax ta̱xacü ngéma tayayaxuxü̃ca̱x.
32Rü nüxna pecua̱xãchie nax ta̱xacü ngĩxü̃ üpetüxü̃ ga Lox naxma̱x nax nayuxü̃ ga yexguma ngĩgüweama nada̱u̱xgu.
33Erü yíxema tama cha̱u̱xca̱x inaxãxẽ i tümaarü maxü̃ rü tá itanatauxẽxẽ. Natürü texé ya cha̱u̱xca̱x inaxãxẽ i tümaarü maxü̃ rü tá tanayaxu i maxü̃ i taguma gúxü̃.
34Rü pemaxã nüxü̃ chixu rü ngẽma chütaxü̃gu rü wüxi i ngürücarewa tá nangẽxmagü i taxre i duü̃xü̃gü. Rü wüxi tá niga, rü ngẽma to rü tá ngéma nata̱x.
35Rü taxre i ngexü̃gü tá nügümaxã ínacaegü. Rü wüxi tá niga rü ngẽma to rü tá ngéma nata̱x.
36Rü taxre i yatügü rü wüxi i naanewa tá nangẽxmagü. Rü wüxi tá niga rü ngẽma to rü tá ngéma nata̱x —ñanagürü ga Ngechuchu.
37Rü yemaxü̃ naxĩnüegu ga norü ngúexü̃gü, rü Ngechuchuna nacagü, rü ñanagürügü: —Pa Corix, ¿ngextá tá nixĩ i nangupetüxü̃ i ngẽma nüxü̃ quixuxü̃? —ñanagürügü. Rü nüma ga Ngechuchu rü nanangãxü̃, rü ñanagürü: —Rü ngẽma yuxü̃ íngexmaxü̃gu tá nangutaque̱xegü i ngurucugü —ñanagürü.
S'ha seleccionat:
Ore i mexü̃ ga Luca ümatüxü̃ 17: tcaP
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022, Wycliffe Bible Translators, Inc. All rights reserved.
Ore i mexü̃ ga Luca ümatüxü̃ 17
17
Naxãũcüma nixĩ nax pecadugu inguxü̃
(Mt. 18.6-7, 21-22; Mr. 9.42)
1Rü Ngechuchu rü norü ngúexü̃güxü̃ ñanagürü: —Rü guxü̃gutáma nangẽxma i ta̱xacü i duü̃xü̃güxü̃ pecaduã̱xẽẽxü̃. Natürü wüxi i ngechaü̃ nixĩ tümaca̱x ya yíxema duü̃xẽ ya togüxü̃ pecadugu yixexẽ́xẽ.
2-3Rü tümaca̱x rü narümemae nixĩ nax tümanaxãwa yangacuchixü̃ ya wüxi ya nuta ya tacü rü ngẽmaãcü natüwa tüxü̃ nax itáexü̃ naxü̃pa nax pecadugu tanangu̱xẽẽxü̃ i wüxi i ñaa chorü duü̃xü̃gü ya ngexwaca yaxõgüxü̃. ¡Rü ngẽmaca̱x name nixĩ i pexuãxẽgü i pemax! Rü ngẽxguma wüxi i cuenexẽ chixexü̃ uxgu rü ¡mea naxuxcu̱xẽ! Rü ngẽxguma nüxü̃ naxoxgu i nacüma i chixexü̃ rü ¡nüxü̃́ nüxü̃ irüngüma i ngẽma chixexü̃ i naxüxü̃!
4Rü woo 7 e̱xpü̱xcüna chixexü̃ cuxcha̱xwa naxü̱xgu i wüxi i ngunexü̃gu, rü ngẽxguma 7 e̱xpü̱xcüna cuxna yacaxgu nax nüxü̃́ nüxü̃ curüngü̃maxü̃ca̱x, rü name nixĩ i nüxü̃́ nüxü̃ curüngü̃ma i ngẽma chixexü̃ i naxüxü̃ —ñanagürü ga Ngechuchu.
Napora i õ
5Rü norü ngúexü̃gü ga norü orearü uwa namugüxü̃ rü ñanagürügü: —Pa Corix, ¡toxü̃ rüngü̃xẽxẽ nax yexeraãcü tayaxõgüxü̃ca̱x! —ñanagürügü.
6Rü yexguma ga Cori ga Ngechuchu rü ñanagürü nüxü̃ ga norü ngúexü̃gü: —Rü ngẽxguma chi woo wüxi i motachachirerüxü̃ naxíraxüchigu i perü õ, rü daa nai rü chi pega naxĩnü ega ñapegügu: “¡Cugü nabe̱x i nua rü már-chiügu cugü yato!” ñapegügu, rü chi pega naxĩnü.
Wüxi i ngü̃xẽxẽruü̃arü puracüchiga
7Ngẽxguma chi wüxíe i pema tüxü̃́ nangẽxmagu i wüxi i tümaarü duü̃xü̃ i tümaanewa ne ũxü̃ i aimüanewa puracüxü̃ rüe̱xna carnéruarü dauwa, rü tüma rü taxũtáma ñatagürü nüxü̃: ¡Paxa mechawa rüto nax cuchibüxü̃ca̱x! ñatagürü.
8Natürü ñatagürü tá nüxü̃: ¡Paxa cha̱u̱xca̱x naxüwemü nax chachibüxü̃ca̱x rü chaxaxexü̃ca̱x! Rü ngẽmawena rü marü name nax cuchibüxü̃ rü cuxaxexü̃, ñatagürü tá.
9Rü norü cori rü tama moxẽ nüxna naxã naxca̱x nax naxüaxü̃ i ngẽma nüxü̃ naxüxẽẽxü̃.
10Rü ngẽxgumarüxü̃ ta i pemax, rü ngẽxguma peyanguxẽẽgu i guxü̃ma i ngẽma Tupana pexü̃ muxü̃, rü tá ñaperügügü: “Puracütanüxü̃mare i taxuwama imexü̃ tixĩgü, erü ngẽma tüxü̃ namuxü̃ tinguxẽẽgümare”, ñaperügügü —ñanagürü ga Ngechuchu.
Ngechuchu nanameexẽxẽ ga 10 ga yatügü ga chaxüneã̱xgüxü̃
11Rü yexguma namagu yaxũxgu ga Ngechuchu ga Yerucharéü̃wa nax naxũxü̃, rü Chamáriaane rü Gariréaane nügümaxã íxüyéxü̃wa naxüpetü.
12Rü yexguma wüxi ga ĩanexacüwa nanguxgu, rü yexma nape̱xegu nayayi ga 10 ga yatügü ga chaxünemaxã ida̱xaweexü̃. Rü yáxü̃gu nüxü̃́ nachigü.
13Rü tagaãcü ñanagürügü nüxü̃: —Pa Ngechuchux, Pa Ngúexẽxẽruxü̃, ¡cuxü̃́ tangechaü̃tümüxü̃gü! —ñanagürügü.
14Rü yexguma Ngechuchu nüxü̃ da̱u̱xgu, rü ñanagürü nüxü̃: —¡Yéa chacherdótegüxü̃tawa pexĩ, rü nüxü̃ pegü peyawe̱xgü! —ñanagürü. Rü yema yatügü rü yexguma namagu naxĩyane, rü naxca̱x nitaanetanü.
15Natürü natanüwa rü nayexma ga wüxi ga Ngechuchuca̱x taeguxü̃ ga yexguma marü nügü nada̱u̱xgu nax naxca̱x yataanexü̃. Rü tagaãcü Tupanaxü̃ nicua̱xüxü̃chigü.
16Rü Ngechuchupe̱xegu nanangücuchi rü moxẽ nüxna naxã. Rü yema yatü rü Chamáriaanecüã̱x nixĩ.
17Rü yexguma ga Ngechuchu rü ñanagürü: —¿Taux ẽ̱xna i 10 chire̱x pixĩgüxü̃ nax pexca̱x chayataanexẽẽgüxü̃? ¿Ngexü̃gü nixĩ i ngẽma togü i 9 i yatügü?
18¿Rü ñaa to i nachixü̃anecüã̱x i duü̃xü̃xicatama nixĩ i taeguxü̃ nax Tupanaxü̃ yacua̱xüxü̃xü̃ca̱x? —ñanagürü.
19Rü ñu̱xũchi gumá yatüxü̃ ñanagürü: —¡Inachi rü íixũ! Cuxca̱x nitaane, erü cuyaxõ —ñanagürü.
Ñuxãcü tá nixĩ i ngẽxguma ínanguxgu ya Tupana nax ãẽ̱xgacü yixĩxü̃
(Mt. 24.23-28, 36-41)
20Rü Parichéugü rü Ngechuchuna nacagü, rü ñanagürügü: —¿Ñuxgu tá nixĩ nax yangucuchixü̃ ya Tupana nax ãẽ̱xgacü yixĩxü̃ca̱x i núma? —ñanagürügü. Rü Ngechuchu nanangãxü̃, rü ñanagürü: —Norü nguchiga ya Tupana rü taxũtáma nüxü̃ tacua̱x nax ta̱xacürü ngunexü̃gu tá ínanguxü̃.
21Rü taxuacüma ñaperügügü: “Daa nixĩ”, rüe̱xna “Gua nixĩ”, ñaperügügü. Erü marü petanüwa nangu ya Tupana nax ãẽ̱xgacü yixĩxü̃ca̱x —ñanagürü.
22Rü yexguma norü ngúexü̃güxü̃ ñanagürü: —Rü tá pexca̱x ínangu i ngunexü̃ i nagu tá nüxü̃ pedaugüchaü̃xü̃ ya Tupana Nane ya duü̃xü̃xü̃ ixĩcü woo wüxi i paxaãchica̱x yixĩxgu. Natürü taxũtáma nüxü̃ pedaugü i ngẽxguma.
23Rü duü̃xü̃gü rü tá ñanagürügü pexü̃: “Daa nixĩ ya Cristu”, rüe̱xna, “Gua nixĩ ya Cristu”, ñanagürügü tá. Natürü i pemax ¡rü taxũtáma nüxü̃́ peyaxõgü, rü taxũtáma nawe perüxĩ!
24Rü ngẽxguma ínanguxgu ya Tupana Nane ya duü̃xü̃xü̃ ixĩcü, rü wüxi i ãẽmacü i guxü̃anegu báxixü̃rüxü̃ tá nixĩ.
25Natürü i nüma rü poraãcü tá ngúxü̃ ningexira, rü ñoma i naanecüã̱x i duü̃xü̃gü i ñu̱xma maxẽxü̃ rü tá nüxü̃ naxoe.
26Rü yexgumarüxü̃ ga duü̃xü̃gü nax chixri namaxẽxü̃ ga yexguma Noé maxü̃gu, rü ngẽxgumarüxü̃ tá ta chixri namaxẽ i duü̃xü̃gü i ngẽxguma ínanguxgu ya Tupana Nane ya duü̃xü̃xü̃ ixĩcü.
27Rü yexguma ga duü̃xü̃gü rü nachibüe, rü naxaxegü, rü nixãma̱xgü, rü nixütexacügü ñu̱xmata nawa nangu ga yema ngunexü̃ ga Noé naweü̃gu nagu ixüexü̃. Rü ínangu ga mucü ga taxüchicü, rü guxü̃ma ga yema duü̃xü̃gü rü nayue.
28Rü yexgumarüxü̃ ta nangupetü ga yexguma nũxcümaü̃cü ga Lox maxü̃gu. Rü duü̃xü̃gü rü nachibüe, rü naxaxegü, rü naxca̱x nataxegü, rü namaxã nataxegü, rü nixüanegü rü nitoegü, rü nixüpatagü.
29Natürü yexguma Lox ixũxũgu nawa ga guma ĩane ga Chodóma, rü daxũwa narüyi ga üxü ga achúfremaxã ãéü̃xü̃, rü nanadai ga guxü̃ma ga yema duü̃xü̃gü.
30Rü ngẽxgumarüxü̃ tá nixĩ i ngẽxguma ínanguxgu ya Tupana Nane ya duü̃xü̃xü̃ ixĩcü.
31Rü ngẽma ngunexü̃gu rü texé tama tümapataarü aixepewa ngẽxmagu, rü tama name i tümapatagu tayangaxi nax tümaarü ngẽmaxü̃gü tayatoxü̃ca̱x. Rü texé ya tümaanewa ngẽxmaxẽ, rü tama name i tümapataca̱x tataegu nax ta̱xacü ngéma tayayaxuxü̃ca̱x.
32Rü nüxna pecua̱xãchie nax ta̱xacü ngĩxü̃ üpetüxü̃ ga Lox naxma̱x nax nayuxü̃ ga yexguma ngĩgüweama nada̱u̱xgu.
33Erü yíxema tama cha̱u̱xca̱x inaxãxẽ i tümaarü maxü̃ rü tá itanatauxẽxẽ. Natürü texé ya cha̱u̱xca̱x inaxãxẽ i tümaarü maxü̃ rü tá tanayaxu i maxü̃ i taguma gúxü̃.
34Rü pemaxã nüxü̃ chixu rü ngẽma chütaxü̃gu rü wüxi i ngürücarewa tá nangẽxmagü i taxre i duü̃xü̃gü. Rü wüxi tá niga, rü ngẽma to rü tá ngéma nata̱x.
35Rü taxre i ngexü̃gü tá nügümaxã ínacaegü. Rü wüxi tá niga rü ngẽma to rü tá ngéma nata̱x.
36Rü taxre i yatügü rü wüxi i naanewa tá nangẽxmagü. Rü wüxi tá niga rü ngẽma to rü tá ngéma nata̱x —ñanagürü ga Ngechuchu.
37Rü yemaxü̃ naxĩnüegu ga norü ngúexü̃gü, rü Ngechuchuna nacagü, rü ñanagürügü: —Pa Corix, ¿ngextá tá nixĩ i nangupetüxü̃ i ngẽma nüxü̃ quixuxü̃? —ñanagürügü. Rü nüma ga Ngechuchu rü nanangãxü̃, rü ñanagürü: —Rü ngẽma yuxü̃ íngexmaxü̃gu tá nangutaque̱xegü i ngurucugü —ñanagürü.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022, Wycliffe Bible Translators, Inc. All rights reserved.