Luke 23
23
Wɔdze Jesus Kɔ Pilate Enyim
(Matthew 27.1, 2, 11-14; Mark 15.1-5; John 18.28-38)
1Na nyimpadodow no nyina soɛree, na wɔdze no kɔr Pilate nkyɛn. 2Na wɔhyɛɛ ase toatoaa no dɛ, Yeehu oyi dɛ ɔresɛɛ hɛn man yi na ɔbra dɛ mma wɔmma Kaesar ntoboa, na ɔka dɛ nankasa nye Kraest, ɔhen no. 3Na Pilate bisaa no dɛ, Ana Jewfo Hen nye wo? Na obuaa no dɛ, Aka. 4Pilate see asɔfompanyin nye nyimpadodow no dɛ, Munnhu afɔdzi biara wɔ nyimpa yi ho. 5Na mbom wogyinaa do dzendzen dɛ, Ohuenyan ɔman no, na ɔkyerɛkyerɛ wɔ Judea man nyina mu, ɔhyɛɛ ase wɔ Galilii na ɔdze ebodu ha yi. 6Na Pilate tsee no, obisaa dɛ nyimpa yi Galiliinyi anaa? 7Na ohun dɛ ofi Herod ase no, ɔsomaa no wɔ Herod nkyɛn, na aber no mu nna Herod nankasa so wɔ Jerusalɛm.
8Na Herod hun Jesus no, ɔyɛɛ no dɛw pii: na ɔpɛɛ dɛ obohu no akyɛr, osiandɛ ɔatse no ho asɛm, na n’enyi daa kwan dɛ obohu asɛnkyerɛdze bi a ɔbɛyɛ. 9Na obisabisaa no nsɛm pii, naaso ɔnodze, oemmbua no hwee. 10Na asɔfompanyin nye kyerɛwfo no gyinae toatoaa no dzendzenndzen ara. 11Na Herod nye no nsordaafo no bɔɔ no adapaa, na wosii no atwetwe, na wɔhyɛɛ no efuradze dɛhyɛdɛhyɛ bi dze no kɛmaa Pilate bio. 12Na da no ara na Pilate nye Herod yɛɛ nyɛnko: na nkan no dze nna wɔrotwe manso wɔ hɔn ntamu.
Wobu Jesus Fɔ dɛ Wonku no
(Matthew 27.15-26; Mark 15.6-15; John 18.39—19.16)
13Na Pilate frɛɛ asɔfompanyin nye mpanyimfo nye ɔman no boaa ano no, 14ɔsee hɔn dɛ, Hom dze nyimpa yi brɛɛ me dɛ nyia ɔresɛɛ ɔman no, na hwɛ, mahwehwɛ no mu wɔ hom enyim, naaso mennhu ndzɛmba a hom dze toatoa no yi ho afɔdzi biara wɔ nyimpa yi mu; 15oho, nnyɛ Herod so a: na ɔsomaa no sanee brɛɛ hɛn; na hwɛ, ɔnnyɛɛ okumadze biara. 16Dɛm ntsi mobɔhwe no, na megyaa no. 17[Nna otwar dɛ ogyaa kor ma hɔn afahyɛ no mu.]#23.17 Tsetse akyerɛw no bi dze dɛm nkyekyɛmu yi sɔw do. 18Na hɔn nyina tseaa mu prɛko dɛ, Fa oyi kɔ, na gyaa Barabbas ma hɛn: 19(ɔno na osian sakasaka a wɔyɛɛ no kurow mu hɔ nye ewudzi ntsi wɔdze no too efiadze.) 20Na Pilate kasaa kyerɛɛ hɔn bio, pɛɛ dɛ nkyɛ ogyaa Jesus; 21na wɔtseatseaa mu dɛ, Bɔ no mbeamudua mu, bɔ no mbeamudua mu! 22Na obisaa hɔn ne mprɛnsa dɛ, Ebɛn bɔn na nyimpa yi ayɛ? Munnhu dza ɔayɛ biara a ɔsɛ dɛ owu: dɛm ntsi mobɔhwe no, na megyaa no. 23Na wɔdze ndze kɛse daa ho tseaa mu dɛ wɔmbɔ no mbeamudua mu. Na hɔn ndze hyɛɛ nedze no do. 24Na Pilate buu atsɛn dɛ wɔnyɛ hɔn ebisadze mma hɔn. 25Na nyia osian sakasaka nye ewudzi ntsi wɔdze no too efiadze no a wɔserɛɛ maa no no, ogyaa no, na Jesus dze, oyii no maa hɔn pɛ.
Wɔsɛn Jesus
(Matthew 27.32-44; Mark 15.21-32; John 19.17-27)
26Na wɔdze no rokɔ no, wosuoo Simon bi a ofi Sirene a nna ofi haban mu reba mu, na wɔdze mbeamudua no too no do dɛ ɔnsoa ndzi Jesus n’ekyir.
27Na ɔman no mu nyimpadodow kɛse kaa no do, nye mbaa a woridzi no nkɔmbɔ na worusu. 28Na Jesus daan noho hwɛɛ hɔn, na ɔsee dɛ, Jerusalɛm mbabaa, mma hom nnsu mma me, na hom nsu mma homho nye hom mba. 29Na hwɛ, nda reba a wɔbɛse dɛ, Nhyira nye abɔnyin, nye yafun a ɔnnwoo da, nye numfo a wonnuum da. 30#Hos 10.8; Nyi 6.16 Ɔno na wɔbɛhyɛ ase aka akyerɛ nkokwaa dɛ, Hom nhwe hɛn do, na mbepɔw dɛ, Hom nkata hɛn do. 31Na sɛ wɔdze iyi yɛ duamon a, ebɛnadze na wɔdze bɛyɛ duawui?
32Na wɔdze mbratofo beenu kaa no ho kɔree, dɛ wonkoku hɔn.
33Na wodur beebi a wɔfrɛ hɔ Tsikwankora Bea no, wɔbɔɔ no mbeamudua mu wɔ hɔ, ɔnye mbratofo no, ɔbaako wɔ ne nyimfa, na ɔbaako wɔ n’abankum. 34#Dwom 22.18 Na Jesus see dɛ, Egya, fa kyɛ hɔn, na wonnyim dza wɔreyɛ. Na wɔkyɛɛ n’atar mu twee ho tonto. 35#Dwom 22.7 Na ɔman no gyinaa hɔ hwɛe. Na mpanyimfo no so sii no atwetwe dɛ, Ɔgyee binom: ma ɔngye noho, ɛhɛɛ, sɛ ɔno nye Kraest a Nyankopɔn eyi no no a. 36#Dwom 69.21 Na nsordaafo no so sii no atwetwe, na wɔdze wenyin yerɛyerɛw bɛmaa no, 37na wɔsee dɛ, Sɛ ɔwo nye Jewfo Hen no a, gye woho. 38Nna akyerɛw bi so wɔ n’etsifi dɛ, OYI NYE JEWFO HEN NO.
39Na mbratofo a wɔsɛɛn hɔn no mu baako yaaw no dɛ, Nnyɛ ɔwo nye Kraest no a? Gye woho na gye hɛn ɛ. 40Na ɔbaako no buaa no kaa n’enyim dɛ, Ana innsuro Nyankopɔn, dɛ ewɔ afɔbu kor yi ara mu? 41Na hɛn dze, ɔfata hɛn, osiandɛ hɛn nsa aka akatua a ɔsɛ hɛn ndzeyɛɛ; na oyi dze, ɔmmfomee wɔ biribiara ne nyɛe mu. 42Na ɔsee dɛ, Jesus, sɛ eba w’ahendzi mu a, kaa me. 43Na Jesus buaa no dɛ, Ampaara mese wo dɛ ndɛ ebɛka mo ho wɔ Paradise hɔ.
Jesus no Wu
(Matthew 27.45-56; Mark 15.33-41; John 19.28-30)
44Na bɛyɛ dɛ ewiaber duebien no, sum hyɛɛ asaase no nyina do kodur ndɔnebiasa no. 45#Eks 26.31-33 Na ewia kɔr sum; na asɔrdan no mu ntwamutam no tseew ebien wɔ finimfin. 46#Dwom 31.5 Na Jesus dze ndze kɛse kaa mu dɛ, Egya, wo nsamu na medze mo sunsum mehyɛ. Na ɔsee dɛm no, ogyaa no sunsum mu. 47Na ɔhamupanyin no hun dza ayɛ no, ɔhyɛɛ Nyankopɔn enyimnyam see dɛ, Ampaara nyimpa yi tseneneenyi a. 48Na nyimpadodow a wɔbaa hɔ bɔhwɛɛ adze nyina no hun dza esi no, wɔdze hɔn nsa bobɔɔ hɔn koko do sanee kɔree. 49#Luk 8.2, 3 Na n’amanyimfo nyina, nye mbaa a wodzii n’ekyir fii Galilii nyina kegyinaa ekyirekyir hwɛɛ ndzɛmba yi.
Wosie Jesus
(Matthew 27.57-61; Mark 15.42-47; John 19.38-42)
50Na hwɛ, ɔbarimba bi a ne dzin dze Josef a ɔyɛ nyimpa papa na ɔtsen, ka abaguafo no ho, 51naaso ɔnodze ɔammpen hɔn apam nye hɔn ndzeyɛɛ no do. Ofi Jewfo kurow Arimatea mu, nna ɔrotweɔn Nyankopɔn n’ahendzi no. 52Ɔno na ɔkɔr Pilate hɔ kɛserɛɛ Jesus no fun no. 53Na oyii no dze ndwera tam kyekyeer no ho, na ɔdze no too ɔboda a obiara nndaa mu da mu. 54Nna da no yɛ Ahosiesieda, na ahomgyeda no rebɛn. 55Na mbaa a wɔnye no fii Galilii bae no dzii ekyir bɔhwɛɛ nda no, nye mbrɛ wɔdze no fun toe. 56#Eks 20.10; Deut 5.14 Na wɔsanee kesiesiee nduhuam nye ngohuam.
Na ahomgyeda no wɔhoom dzinn, dɛ mbrɛ mbrasɛm no tse.
S'ha seleccionat:
Luke 23: MFANBRPC
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Mfantse Bible © Bible Society of Ghana, 2011.
Luke 23
23
Wɔdze Jesus Kɔ Pilate Enyim
(Matthew 27.1, 2, 11-14; Mark 15.1-5; John 18.28-38)
1Na nyimpadodow no nyina soɛree, na wɔdze no kɔr Pilate nkyɛn. 2Na wɔhyɛɛ ase toatoaa no dɛ, Yeehu oyi dɛ ɔresɛɛ hɛn man yi na ɔbra dɛ mma wɔmma Kaesar ntoboa, na ɔka dɛ nankasa nye Kraest, ɔhen no. 3Na Pilate bisaa no dɛ, Ana Jewfo Hen nye wo? Na obuaa no dɛ, Aka. 4Pilate see asɔfompanyin nye nyimpadodow no dɛ, Munnhu afɔdzi biara wɔ nyimpa yi ho. 5Na mbom wogyinaa do dzendzen dɛ, Ohuenyan ɔman no, na ɔkyerɛkyerɛ wɔ Judea man nyina mu, ɔhyɛɛ ase wɔ Galilii na ɔdze ebodu ha yi. 6Na Pilate tsee no, obisaa dɛ nyimpa yi Galiliinyi anaa? 7Na ohun dɛ ofi Herod ase no, ɔsomaa no wɔ Herod nkyɛn, na aber no mu nna Herod nankasa so wɔ Jerusalɛm.
8Na Herod hun Jesus no, ɔyɛɛ no dɛw pii: na ɔpɛɛ dɛ obohu no akyɛr, osiandɛ ɔatse no ho asɛm, na n’enyi daa kwan dɛ obohu asɛnkyerɛdze bi a ɔbɛyɛ. 9Na obisabisaa no nsɛm pii, naaso ɔnodze, oemmbua no hwee. 10Na asɔfompanyin nye kyerɛwfo no gyinae toatoaa no dzendzenndzen ara. 11Na Herod nye no nsordaafo no bɔɔ no adapaa, na wosii no atwetwe, na wɔhyɛɛ no efuradze dɛhyɛdɛhyɛ bi dze no kɛmaa Pilate bio. 12Na da no ara na Pilate nye Herod yɛɛ nyɛnko: na nkan no dze nna wɔrotwe manso wɔ hɔn ntamu.
Wobu Jesus Fɔ dɛ Wonku no
(Matthew 27.15-26; Mark 15.6-15; John 18.39—19.16)
13Na Pilate frɛɛ asɔfompanyin nye mpanyimfo nye ɔman no boaa ano no, 14ɔsee hɔn dɛ, Hom dze nyimpa yi brɛɛ me dɛ nyia ɔresɛɛ ɔman no, na hwɛ, mahwehwɛ no mu wɔ hom enyim, naaso mennhu ndzɛmba a hom dze toatoa no yi ho afɔdzi biara wɔ nyimpa yi mu; 15oho, nnyɛ Herod so a: na ɔsomaa no sanee brɛɛ hɛn; na hwɛ, ɔnnyɛɛ okumadze biara. 16Dɛm ntsi mobɔhwe no, na megyaa no. 17[Nna otwar dɛ ogyaa kor ma hɔn afahyɛ no mu.]#23.17 Tsetse akyerɛw no bi dze dɛm nkyekyɛmu yi sɔw do. 18Na hɔn nyina tseaa mu prɛko dɛ, Fa oyi kɔ, na gyaa Barabbas ma hɛn: 19(ɔno na osian sakasaka a wɔyɛɛ no kurow mu hɔ nye ewudzi ntsi wɔdze no too efiadze.) 20Na Pilate kasaa kyerɛɛ hɔn bio, pɛɛ dɛ nkyɛ ogyaa Jesus; 21na wɔtseatseaa mu dɛ, Bɔ no mbeamudua mu, bɔ no mbeamudua mu! 22Na obisaa hɔn ne mprɛnsa dɛ, Ebɛn bɔn na nyimpa yi ayɛ? Munnhu dza ɔayɛ biara a ɔsɛ dɛ owu: dɛm ntsi mobɔhwe no, na megyaa no. 23Na wɔdze ndze kɛse daa ho tseaa mu dɛ wɔmbɔ no mbeamudua mu. Na hɔn ndze hyɛɛ nedze no do. 24Na Pilate buu atsɛn dɛ wɔnyɛ hɔn ebisadze mma hɔn. 25Na nyia osian sakasaka nye ewudzi ntsi wɔdze no too efiadze no a wɔserɛɛ maa no no, ogyaa no, na Jesus dze, oyii no maa hɔn pɛ.
Wɔsɛn Jesus
(Matthew 27.32-44; Mark 15.21-32; John 19.17-27)
26Na wɔdze no rokɔ no, wosuoo Simon bi a ofi Sirene a nna ofi haban mu reba mu, na wɔdze mbeamudua no too no do dɛ ɔnsoa ndzi Jesus n’ekyir.
27Na ɔman no mu nyimpadodow kɛse kaa no do, nye mbaa a woridzi no nkɔmbɔ na worusu. 28Na Jesus daan noho hwɛɛ hɔn, na ɔsee dɛ, Jerusalɛm mbabaa, mma hom nnsu mma me, na hom nsu mma homho nye hom mba. 29Na hwɛ, nda reba a wɔbɛse dɛ, Nhyira nye abɔnyin, nye yafun a ɔnnwoo da, nye numfo a wonnuum da. 30#Hos 10.8; Nyi 6.16 Ɔno na wɔbɛhyɛ ase aka akyerɛ nkokwaa dɛ, Hom nhwe hɛn do, na mbepɔw dɛ, Hom nkata hɛn do. 31Na sɛ wɔdze iyi yɛ duamon a, ebɛnadze na wɔdze bɛyɛ duawui?
32Na wɔdze mbratofo beenu kaa no ho kɔree, dɛ wonkoku hɔn.
33Na wodur beebi a wɔfrɛ hɔ Tsikwankora Bea no, wɔbɔɔ no mbeamudua mu wɔ hɔ, ɔnye mbratofo no, ɔbaako wɔ ne nyimfa, na ɔbaako wɔ n’abankum. 34#Dwom 22.18 Na Jesus see dɛ, Egya, fa kyɛ hɔn, na wonnyim dza wɔreyɛ. Na wɔkyɛɛ n’atar mu twee ho tonto. 35#Dwom 22.7 Na ɔman no gyinaa hɔ hwɛe. Na mpanyimfo no so sii no atwetwe dɛ, Ɔgyee binom: ma ɔngye noho, ɛhɛɛ, sɛ ɔno nye Kraest a Nyankopɔn eyi no no a. 36#Dwom 69.21 Na nsordaafo no so sii no atwetwe, na wɔdze wenyin yerɛyerɛw bɛmaa no, 37na wɔsee dɛ, Sɛ ɔwo nye Jewfo Hen no a, gye woho. 38Nna akyerɛw bi so wɔ n’etsifi dɛ, OYI NYE JEWFO HEN NO.
39Na mbratofo a wɔsɛɛn hɔn no mu baako yaaw no dɛ, Nnyɛ ɔwo nye Kraest no a? Gye woho na gye hɛn ɛ. 40Na ɔbaako no buaa no kaa n’enyim dɛ, Ana innsuro Nyankopɔn, dɛ ewɔ afɔbu kor yi ara mu? 41Na hɛn dze, ɔfata hɛn, osiandɛ hɛn nsa aka akatua a ɔsɛ hɛn ndzeyɛɛ; na oyi dze, ɔmmfomee wɔ biribiara ne nyɛe mu. 42Na ɔsee dɛ, Jesus, sɛ eba w’ahendzi mu a, kaa me. 43Na Jesus buaa no dɛ, Ampaara mese wo dɛ ndɛ ebɛka mo ho wɔ Paradise hɔ.
Jesus no Wu
(Matthew 27.45-56; Mark 15.33-41; John 19.28-30)
44Na bɛyɛ dɛ ewiaber duebien no, sum hyɛɛ asaase no nyina do kodur ndɔnebiasa no. 45#Eks 26.31-33 Na ewia kɔr sum; na asɔrdan no mu ntwamutam no tseew ebien wɔ finimfin. 46#Dwom 31.5 Na Jesus dze ndze kɛse kaa mu dɛ, Egya, wo nsamu na medze mo sunsum mehyɛ. Na ɔsee dɛm no, ogyaa no sunsum mu. 47Na ɔhamupanyin no hun dza ayɛ no, ɔhyɛɛ Nyankopɔn enyimnyam see dɛ, Ampaara nyimpa yi tseneneenyi a. 48Na nyimpadodow a wɔbaa hɔ bɔhwɛɛ adze nyina no hun dza esi no, wɔdze hɔn nsa bobɔɔ hɔn koko do sanee kɔree. 49#Luk 8.2, 3 Na n’amanyimfo nyina, nye mbaa a wodzii n’ekyir fii Galilii nyina kegyinaa ekyirekyir hwɛɛ ndzɛmba yi.
Wosie Jesus
(Matthew 27.57-61; Mark 15.42-47; John 19.38-42)
50Na hwɛ, ɔbarimba bi a ne dzin dze Josef a ɔyɛ nyimpa papa na ɔtsen, ka abaguafo no ho, 51naaso ɔnodze ɔammpen hɔn apam nye hɔn ndzeyɛɛ no do. Ofi Jewfo kurow Arimatea mu, nna ɔrotweɔn Nyankopɔn n’ahendzi no. 52Ɔno na ɔkɔr Pilate hɔ kɛserɛɛ Jesus no fun no. 53Na oyii no dze ndwera tam kyekyeer no ho, na ɔdze no too ɔboda a obiara nndaa mu da mu. 54Nna da no yɛ Ahosiesieda, na ahomgyeda no rebɛn. 55Na mbaa a wɔnye no fii Galilii bae no dzii ekyir bɔhwɛɛ nda no, nye mbrɛ wɔdze no fun toe. 56#Eks 20.10; Deut 5.14 Na wɔsanee kesiesiee nduhuam nye ngohuam.
Na ahomgyeda no wɔhoom dzinn, dɛ mbrɛ mbrasɛm no tse.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Mfantse Bible © Bible Society of Ghana, 2011.