शधाणूं 12
12
पतरसो कैद खानै का छ़ुटणअ
1तेऊ ज़मानैं छ़ाडी हेरोदेस राज़ै अग्रिप्पा फौज़ येरुशलेम नगरीए विश्वासी च़ेल्लै जेहल खानै दी कैद करना लै। तेऊ पाऐ कई विश्वासी मंडल़ीए सैणैं जेहल ताकि सह तिन्नां लै दुख दैई सके। 2तेऊ पाअ युहन्ना शधाणूंओ भाई याकूब तलबारा करै मारी।
3ज़ांऊं तेऊ भाल़अ कि यहूदी लोग हआ एता करै खुशी; ता तेऊ ढाकअ पतरस बी; तिंयां तै आखरी रोटीए थैरे धैल़ै। 4तेऊ पाअ सह कैद खानै दी बंद करी, और बागै डाहै कई धैल़ै तैणीं पहरै लै च़ऊ बाखा च़ार-च़ार सपाही लाई, इहअ सोठी कि ओवार्णे थैरा बाद निंणअ सह लोगा सम्हनै।
5कैद खानै बागै त पतरसा लै पहरअ पाअ द और विश्वासी मंडल़ीए सोभै भाई-बैहण तै एक मन हई करै कबल्लै परमेशरा का प्राथणां करदै लागै दै।
6हेरोदेस राज़ै सम्हनै पतरसा लै मकदमैं हणैं धैल़ी का पैहली राची त पतरस दूई शांघल़ी करै बान्हअ द और दूई सपाही मांझ़ै सुत्तअ द और पहरी तै राची दुआरै पहरै दैंदै लागै दै। 7हेरा, तिधी आअ एक प्रभूओ स्वर्ग दूत और सह तिधी खल़्हुअ और तेसा खुडी च़मकअ प्रैशअ और तेऊ पतरसे कुछी बाही हाथा करै और सह झ़ैऊअ और तेऊ लै बोलअ, “उझ़ू, छ़ेकअ कर!” और तेऊए हाथै बान्हीं दी शांघल़ी पल़ी धरनीं।
8तेखअ बोलअ स्वर्ग दूतै तेऊ लै, “आपणअ च़ोल़अ और पोलल़ै बान्ह।” पतरसै किअ तिहअ ई। तेखअ बोलअ स्वर्ग दूतै, “आपणैं झिकल़ै बान्हीं करै एछ मुंह पिछ़ू।”
9पतरस निखल़अ कैद खानै का तेऊ संघै बागै संघा लागअ तेऊ पिछ़ू हांढदअ। पर तेऊ का निं इहअ थोघ बी त कि ज़ुंण अह स्वर्ग दूत आसा आअ द, अह सच्च़ी आसा कि नांईं। तेऊ सोठअ इहअ कि हुंह आसा सुपनै भाल़अ लागअ द? 10तेखअ पुजै तिंयां दुजै पहरै निखल़ी करै लोहे प्रऊल़ी सेटा, ज़ुंण नगरी बाखा खुल्हा त, सह खुल्ही तिन्नां लै आपणैं आप और तिंयां नाठै एकी सांगल़ी बाता बाती आजू और ज़ांऊं तिंयां तेसा बाता का आजू निखल़ै ता स्वर्ग दूत नाठअ तेऊ छ़ाडी।
11तेखअ ज़ांऊं पतरसा शाह फिरअ ता तेऊ बोलअ, “ऐबै गअ मुखा थोघ लागी कि प्रभू छ़ाडअ मुल्है हेरोदेस राज़े हाथा का बच़ाऊंणा लै स्वर्ग दूत और यहूदी लोगे सारी आशा की खतम।”
12तेखअ आअ सह इहअ सोठी करै परमेशरै बच़ाऊअ हुंह आझ़, युहन्ने आम्मां मरिअमे घरा लै, ज़हा लै मरकुस बोला, तिधी आसा तै खास्सै ज़ण्हैं बेठै दै प्राथणां करदै। 13ज़ांऊं तेऊ दुआर टोकदअ लागअ ता एक रुदा नांओंए टैहलू बेटल़ी आई शूणीं। 14पतरसे हाक शूणीं करै ठुर्ही सह बडी खुशी-खुशी भितरा लै और खुशीए मारै बिसरूई सह दुआरा खोल्हणैं बी और तेसा खोज़अ सोभी का, “पतरस आसा दुआरै खल़्हुअ द।”
15तिन्नैं होरी बोलअ तेसा लै, “तूह निं होशा दी आथी।” पर तेसा बोलअ होर बी विश्वासा संघै, “पतरस ई आसा।” पर होरी बोलअ इहअ कि तेऊओ स्वर्ग दूत हणअ।
16पर पतरस रहअ दुआरा टोकदअ लागी, ज़ांऊं तिन्नैं दुआर खोल्हअ ता तिंयां हुऐ रहैन। 17तेखअ किअ पतरसै तिन्नां लै हाथा करै शारअ कि च़ुप्पी रहा और तिन्नां का खोज़अ कि प्रभू किहअ करै काढअ हुंह कैद खानै का बागै। तेखअ बोलअ तेऊ इहअ, “याकूब और होरी भाई का बी खोज़ै एसा गल्ला।” तेखअ नाठअ पतरस तिधा का दुजी ज़ैगा लै।
18दोती दोथी हुऐ सपाही परशैन कि पतरस केसी नाठअ! 19ज़ांऊं हेरोदेस तेऊ लोल़अ लागअ ता तेऊ निं सह भेटअ। तेखअ दैनी तेऊ पहरीए ज़ाच़-भाल़ करी करै तिन्नां लै सज़ा और तिंयां पाऐ मारी और हेरोदेस नाठअ थोल़ै धैल़ै यहूदा छ़ाडी कैसरिया लाक्कै लै।
हेरोदेस राज़े मौत
20हेरोदेस राज़अ त सूर और सैदा नगरी रहणैं आल़ै लोगा का नराज़। ता तिंयां आऐ सोभै कठा हई करै तेऊ सेटा और राज़े दरबारी बलास्तुसा मनैंऊंईं करै च़ाहअ मेल़-ज़ोल़ करनअ किल्हैकि नाज़ा लै लागा त तिन्नां राज़े देशे आसरै रहणअ। (1 राज़ा 5:11; यजकेल 27:17)
21ता राज़ै बोलै दै धैल़ै हेरोदेस हार-शंगार करी करै न्याय राज़गादी दी बेठअ और तेखअ लागअ तिन्नां लै बोलदअ।
22ज़ुंण तिधी शूणैं तै लागै दै तिन्नैं लोगै बोली एही गल्ल, “अह निं मणछ आथी अह आसा परमेशर लागअ द बोलदअ।”
23किल्हैकि लोग लागै परमेशरा छ़ाडी हेरोदेस राज़े प्रतपा खोज़दै। तेभी परमेशरो स्वर्ग दूत आअ और हेरोदेस हुअ खास्सअ बमार। तेऊ पल़ै किल़ै और थोल़ै बाद मूंअ सह किर्ही-किर्ही करै। (दानिएल 5:20)
24पर परमेशरो बैण लागअ बढदअ और सारै दी पुजदअ।
25ज़ांऊं बरनबास और शाऊल आपणीं सेऊआ पूरी करी मुक्कै, ता युहन्ना ज़हा लै मरकुस बोला, तेऊ संघा आणी करै फिरै येरुशलेम नगरी लै बापस।
S'ha seleccionat:
शधाणूं 12: OSJNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
This work is licensed under Creative Commons Attribution-ShareAlike 4.0 License.
शधाणूं 12
12
पतरसो कैद खानै का छ़ुटणअ
1तेऊ ज़मानैं छ़ाडी हेरोदेस राज़ै अग्रिप्पा फौज़ येरुशलेम नगरीए विश्वासी च़ेल्लै जेहल खानै दी कैद करना लै। तेऊ पाऐ कई विश्वासी मंडल़ीए सैणैं जेहल ताकि सह तिन्नां लै दुख दैई सके। 2तेऊ पाअ युहन्ना शधाणूंओ भाई याकूब तलबारा करै मारी।
3ज़ांऊं तेऊ भाल़अ कि यहूदी लोग हआ एता करै खुशी; ता तेऊ ढाकअ पतरस बी; तिंयां तै आखरी रोटीए थैरे धैल़ै। 4तेऊ पाअ सह कैद खानै दी बंद करी, और बागै डाहै कई धैल़ै तैणीं पहरै लै च़ऊ बाखा च़ार-च़ार सपाही लाई, इहअ सोठी कि ओवार्णे थैरा बाद निंणअ सह लोगा सम्हनै।
5कैद खानै बागै त पतरसा लै पहरअ पाअ द और विश्वासी मंडल़ीए सोभै भाई-बैहण तै एक मन हई करै कबल्लै परमेशरा का प्राथणां करदै लागै दै।
6हेरोदेस राज़ै सम्हनै पतरसा लै मकदमैं हणैं धैल़ी का पैहली राची त पतरस दूई शांघल़ी करै बान्हअ द और दूई सपाही मांझ़ै सुत्तअ द और पहरी तै राची दुआरै पहरै दैंदै लागै दै। 7हेरा, तिधी आअ एक प्रभूओ स्वर्ग दूत और सह तिधी खल़्हुअ और तेसा खुडी च़मकअ प्रैशअ और तेऊ पतरसे कुछी बाही हाथा करै और सह झ़ैऊअ और तेऊ लै बोलअ, “उझ़ू, छ़ेकअ कर!” और तेऊए हाथै बान्हीं दी शांघल़ी पल़ी धरनीं।
8तेखअ बोलअ स्वर्ग दूतै तेऊ लै, “आपणअ च़ोल़अ और पोलल़ै बान्ह।” पतरसै किअ तिहअ ई। तेखअ बोलअ स्वर्ग दूतै, “आपणैं झिकल़ै बान्हीं करै एछ मुंह पिछ़ू।”
9पतरस निखल़अ कैद खानै का तेऊ संघै बागै संघा लागअ तेऊ पिछ़ू हांढदअ। पर तेऊ का निं इहअ थोघ बी त कि ज़ुंण अह स्वर्ग दूत आसा आअ द, अह सच्च़ी आसा कि नांईं। तेऊ सोठअ इहअ कि हुंह आसा सुपनै भाल़अ लागअ द? 10तेखअ पुजै तिंयां दुजै पहरै निखल़ी करै लोहे प्रऊल़ी सेटा, ज़ुंण नगरी बाखा खुल्हा त, सह खुल्ही तिन्नां लै आपणैं आप और तिंयां नाठै एकी सांगल़ी बाता बाती आजू और ज़ांऊं तिंयां तेसा बाता का आजू निखल़ै ता स्वर्ग दूत नाठअ तेऊ छ़ाडी।
11तेखअ ज़ांऊं पतरसा शाह फिरअ ता तेऊ बोलअ, “ऐबै गअ मुखा थोघ लागी कि प्रभू छ़ाडअ मुल्है हेरोदेस राज़े हाथा का बच़ाऊंणा लै स्वर्ग दूत और यहूदी लोगे सारी आशा की खतम।”
12तेखअ आअ सह इहअ सोठी करै परमेशरै बच़ाऊअ हुंह आझ़, युहन्ने आम्मां मरिअमे घरा लै, ज़हा लै मरकुस बोला, तिधी आसा तै खास्सै ज़ण्हैं बेठै दै प्राथणां करदै। 13ज़ांऊं तेऊ दुआर टोकदअ लागअ ता एक रुदा नांओंए टैहलू बेटल़ी आई शूणीं। 14पतरसे हाक शूणीं करै ठुर्ही सह बडी खुशी-खुशी भितरा लै और खुशीए मारै बिसरूई सह दुआरा खोल्हणैं बी और तेसा खोज़अ सोभी का, “पतरस आसा दुआरै खल़्हुअ द।”
15तिन्नैं होरी बोलअ तेसा लै, “तूह निं होशा दी आथी।” पर तेसा बोलअ होर बी विश्वासा संघै, “पतरस ई आसा।” पर होरी बोलअ इहअ कि तेऊओ स्वर्ग दूत हणअ।
16पर पतरस रहअ दुआरा टोकदअ लागी, ज़ांऊं तिन्नैं दुआर खोल्हअ ता तिंयां हुऐ रहैन। 17तेखअ किअ पतरसै तिन्नां लै हाथा करै शारअ कि च़ुप्पी रहा और तिन्नां का खोज़अ कि प्रभू किहअ करै काढअ हुंह कैद खानै का बागै। तेखअ बोलअ तेऊ इहअ, “याकूब और होरी भाई का बी खोज़ै एसा गल्ला।” तेखअ नाठअ पतरस तिधा का दुजी ज़ैगा लै।
18दोती दोथी हुऐ सपाही परशैन कि पतरस केसी नाठअ! 19ज़ांऊं हेरोदेस तेऊ लोल़अ लागअ ता तेऊ निं सह भेटअ। तेखअ दैनी तेऊ पहरीए ज़ाच़-भाल़ करी करै तिन्नां लै सज़ा और तिंयां पाऐ मारी और हेरोदेस नाठअ थोल़ै धैल़ै यहूदा छ़ाडी कैसरिया लाक्कै लै।
हेरोदेस राज़े मौत
20हेरोदेस राज़अ त सूर और सैदा नगरी रहणैं आल़ै लोगा का नराज़। ता तिंयां आऐ सोभै कठा हई करै तेऊ सेटा और राज़े दरबारी बलास्तुसा मनैंऊंईं करै च़ाहअ मेल़-ज़ोल़ करनअ किल्हैकि नाज़ा लै लागा त तिन्नां राज़े देशे आसरै रहणअ। (1 राज़ा 5:11; यजकेल 27:17)
21ता राज़ै बोलै दै धैल़ै हेरोदेस हार-शंगार करी करै न्याय राज़गादी दी बेठअ और तेखअ लागअ तिन्नां लै बोलदअ।
22ज़ुंण तिधी शूणैं तै लागै दै तिन्नैं लोगै बोली एही गल्ल, “अह निं मणछ आथी अह आसा परमेशर लागअ द बोलदअ।”
23किल्हैकि लोग लागै परमेशरा छ़ाडी हेरोदेस राज़े प्रतपा खोज़दै। तेभी परमेशरो स्वर्ग दूत आअ और हेरोदेस हुअ खास्सअ बमार। तेऊ पल़ै किल़ै और थोल़ै बाद मूंअ सह किर्ही-किर्ही करै। (दानिएल 5:20)
24पर परमेशरो बैण लागअ बढदअ और सारै दी पुजदअ।
25ज़ांऊं बरनबास और शाऊल आपणीं सेऊआ पूरी करी मुक्कै, ता युहन्ना ज़हा लै मरकुस बोला, तेऊ संघा आणी करै फिरै येरुशलेम नगरी लै बापस।
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
This work is licensed under Creative Commons Attribution-ShareAlike 4.0 License.