यूहन्ना 9
9
पैदाईशी कांणै बै होछ़ी दान
1ज़ाँदी घेरै यीशुऐ एक मांहणु हेरू ज़ो पैदाईशी न कांणा ती। 2यीशु रै च़ेले यीशु न पुछ़ु, “ओ गुरू जी, कुणिऐ पाप केरू ती कि ऐ कांणा पैदा हुआ, ऐई मांहणुऐ या ऐईरै आमा बापूऐ?”#9:2 यहूदी शास्त्री रा मनणा ती कि कांणै सिर्फ़ पापा रै बजहा न होआ ती, कोई बी मांहणु रै आमा बापू री बजहा न केरेदै पापा री बजहा न बी कांणै पैदा होआ ती।
3यीशुऐ ज़वाब धिना, “न ता ऐईयै पाप केरू सा, न ता ऐईरै आमा बापूऐ, पर ऐ तैबै हुआ सा कि परमेश्वरा री शक्ति ऐई पैंधै प्रकट होंणी ती। 4ज़ुणियै हांऊँ भेज़ू सा, आसाबै तेई रै कोम ध्याड़ी-ध्याड़ी न केरनै ज़रूरी सी, सौ रात ऐणु आई सा, ज़ुणीन कोई कोम नी केरी सकदा। 5ज़ैबै तैंईंयैं हांऊँ दुनिया न सा, तैबै तैंईंयैं दुनिया रा प्यशा सा।”
6ऐ बोलिया यीशुऐ धौरती पैंधै थुकू, होर सौ माटा थूका लाईया शौगु होर सौ माटा तेई कांणै री औछ़ी पैंधै मौल़ू। 7तेइबै बोलू, “ज़ा, शीलोह रै कुण्डा न आपणा मुँह धो।” (शिलोह रा मतलब सा भेज़ूऊदा सा)। तेइयै जाईया धोऊ होर हेरदा हुआ वापस आऊ। 8तैबै तेइरै पड़ेशी होर ज़ुणी लोकै पैहलै भीख मौंगदा हेरू ती, तै लोका एकी दुज़ै बै बोलदै लागै, “कि ऐ ता सौ नी ऑथि, ज़ो बैशिया भीख मौंगा केरा ती?” 9किछ़ लोकै बोलू, “सौऐ सा,” दुज़ै बोलू, “नैंई, पर तेइरै बराबर सा” तैईऐ ऐ बोलू, “हांऊँ सौऐ सा।” 10तैबै ते तेईन पुछ़दै लागै, “तू कैण्ढै हेरदा लागा?” 11तेइयै ज़वाब धिना, “यीशु नाँ रै एक मांहणुऐ माटा शोगिया लेऊ होर मेरी औछ़ी पैंधै मौल़िया मुँभै बोलू, शीलोहा रै कुण्डा न जाईया आपणा मुँह धो। तैबै हांऊँ कुण्डा बै नौठा होर आपणी औछ़ी धोई होर फिरी हेरदा लागा।” 12तिन्हैं तेईन पुछ़ु, “सौ मांहणु कौखै सा?” तेइयै बोलू “हांऊँ नैंई ज़ाणदा।”
फरीसी द्वारा चंगाई री जाँच-पड़ताल
13-14ज़ुणी ध्याड़ै यीशुऐ माटे शोगिया तेई मांहणु री औछ़ी ठीक केरी, सौ बशाँ रा ध्याड़ा ती। तैबै लोका तेइबै ज़ो पैहलै कांणा ती फरीसी लोका हागै बै नेऊ। 15तैबै फरीसी लोका भी तेईन पुछ़दै लागै कि तेइरी औछ़ कैण्ढी ठीक हुई। तेइयै तिन्हां बै बोलू, “तेइयै मेरी औछ़ी पैंधै माटा लाऊ, फिरी मैं औछ़ी धोई होर ऐबै हांऊँ हेरदा लागा सा।” 16ऐसा गैला पैंधै किछ़ फरीसी लोका बोलदै लागै, “ऐ मांहणु परमेश्वरा री धिरै न नैंई, किबैकि ऐ बशाँ रा ध्याड़ा नैंई मनदा।” दुज़ै बोलू, “पापी मांहणु ऐण्ढै च़मत्कार कैण्ढै रिहाई सका सा?” तैबै तिन्हां न दरार पौड़ी। 17तिन्हैं तेई कांणै बै भी बोलू, “तेइयै तेरी औछ़ी ठीक केरी सा। तू तेई रै बारै न कि बोला सा?” तेइयै बोलू, “सौ भविष्यवाणी केरनु आल़ा सा?” 18पर यहूदी नेता बै बशाह नी हुआ कि सौ कांणा ती, होर ऐबै हेरा सा, ज़ाँ तैंईंयैं तेइरै आमा बापु, ज़ुणिरी औछ़ी ठीक केरी ती, शाधा 19तिन्हां न पुछ़ु, “कि ऐ तुसरा बेटा सा, ज़ुणिबै तुसै बोला सी कि ऐ जन्मा न कांणा ती? फिरी ऐबै ऐ कैण्ढा हेरा सा?” 20तेई रै आमा बापूऐ बोलू, “आसै ता ज़ाणा सी कि ऐ आसरा बेटा सा, होर जन्मा न कांणा ती? ऐबै ऐ कैण्ढा हेरा सा?” 21पर आसै ऐ नैंई ज़ाणदै कि कुणिऐ ऐईरी औछ़ी खोली। सौ आपुऐ सियाणा सा, तेईन पुछ़ा, सौ आपणै बारै न आपुऐ दसला। 22ऐ गैला तेई रै आमा बापूऐ तैबै बोली, किबैकि ते यहूदी नेता न डौरा ती, किबैकि यहूदी नेता एकजुटा रै हुऐ ती, कि अगर कोई बोलला कि सौ मसीह सा ता आराधनालय न खोलिणा सा। 23ऐई बजहा न तेई रै आमा बापूऐ बोलू, “सौ सियाणा सा, तेईन पुछ़ा।” 24तैबै यहूदी नेतै सौ मांहणु दुज़ी घेरै शाधिया तेइबै बोलू, “सच़ बोलिया परमेश्वरै री महिमा केर, आसै ता ज़ाणा सी कि सौ मांहणु पापी सा।” 25तेइयै बोलू, “हांऊँ नी ज़ाणदा कि सौ पापी सा कि नैंई; हांऊँ ता एक गैल ज़ाणा सा, कि हांऊँ कांणा ती होर ऐबै हेरा सा।” 26तिन्हैं तेइबै बोलू, “तेइयै तौ सैंघै कि केरू? होर कैण्ढी धिरै तेरी औछ़ी ठीक केरी?” 27तेइयै तिन्हां बै बोलू, “मैं ता तुसाबै दसु ती, होर तुसै नैंई शूणु, ऐबै दुज़ी घेरै किबै शूणना चाहा सी? कि तुसै भी तेई रै च़ेले बणना चाहा सी?” 28तैबै ते तेइबै बुरा भला बोलदै लागै, “तू तेइरा च़ेला सा, आसै ता मूसा रै च़ेले सी। 29आसै ज़ाणा सी कि परमेश्वरै मूसा सैंघै गैला केरी पर ऐईबै नैंई ज़ाणदै कि ऐ कौखला सा।” 30तेइयै तिन्हां बै ज़वाब धिना, “ऐ ता नौखी गैला सा कि तुसै नैंई ज़ाणदै कि सौ कौखला सा, तैबै भी तेइयै मेरी औछ़ी खोली धिनी। 31आसै ज़ाणा सी कि परमेश्वर पापी री नैंई शुणदा पर अगर कोई परमेशवरा रा भक्त सा होर तेइरी इच्छा पैंधै च़ला सा, ता सौ तेइरी शुणा सा। 32दुनिया रै शुरूआती न ऐ कैधी शुणणै न नैंई आऊ, कि कोइयै भी जन्मा न ऐ कांणै री औछ़ी खोली सा।” 33“सिर्फ़ परमेश्वरा ऐ एक मांहणु ऐण्ढा केरी सका सा।” 34तिन्हैं तेइबै बोलू, “तू ता पूरा पापा न जन्मुदा सा, तू आसाबै किबै सिखा सा? होर तिन्हैं सौ बाहरै खोलू।”
आत्मिक अंधापन
35यीशुऐ शुणु कि, तिन्हैं सौ आराधनालय न बाहरै खोलू सा, होर ज़ैबै तेई सैंघै यीशु मिलै ता बोलू, “कि तू परमेश्वरा रै बेटै पैंधै बशाह केरा सा?” 36तेइयै ज़वाब धिना, “ओ गुरू, मुँभै दैस कि परमेश्वरा रा बेटा कुण सा कि हांऊँ तेई पैंधै बशाह केरनु?”
37यीशुऐ तेइबै बोलू, “हांऊँ परमेश्वरा रा बेटा सा, तुसै पैहलै न ओरु हांऊँ हेरू सा, होर ज़ुण तौ सैंघै ढूणिदा लागा सौ हांऊँ सा।”
38तेइयै बोलू, “ओ गुरू जी, हांऊँ तौ पैंधै बशाह केरा सा।” होर तेइयै प्रणाम केरू।
39तैबै यीशुऐ बोलू, “हांऊँ ऐसा दुनिया रा न्याय केरनै री तैंईंयैं आऊ सा, ताकि ज़ो नैंई हेरदै ते हेरले, होर ज़ो हेरा सी ते कांणै होलै।” 40ज़ो फरीसी लोका तेई सैंघै ती, तिन्हैं ऐ गैला शुणिया तेइबै बोलू, “कि तुसै बोला सी आसै भी कांणै सी?”
41यीशुऐ तिन्हां बै बोलू, “अगर तुसै कांणै होंदै ता पापी नैंई होंदै, पर ऐबै बोला सी कि आसै हेरा सी तैबै तुसाबै माफी नैंई देइिण।”
S'ha seleccionat:
यूहन्ना 9: KFX-NT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
This work is licensed under Creative Commons Attribution-ShareAlike 4.0 License.
यूहन्ना 9
9
पैदाईशी कांणै बै होछ़ी दान
1ज़ाँदी घेरै यीशुऐ एक मांहणु हेरू ज़ो पैदाईशी न कांणा ती। 2यीशु रै च़ेले यीशु न पुछ़ु, “ओ गुरू जी, कुणिऐ पाप केरू ती कि ऐ कांणा पैदा हुआ, ऐई मांहणुऐ या ऐईरै आमा बापूऐ?”#9:2 यहूदी शास्त्री रा मनणा ती कि कांणै सिर्फ़ पापा रै बजहा न होआ ती, कोई बी मांहणु रै आमा बापू री बजहा न केरेदै पापा री बजहा न बी कांणै पैदा होआ ती।
3यीशुऐ ज़वाब धिना, “न ता ऐईयै पाप केरू सा, न ता ऐईरै आमा बापूऐ, पर ऐ तैबै हुआ सा कि परमेश्वरा री शक्ति ऐई पैंधै प्रकट होंणी ती। 4ज़ुणियै हांऊँ भेज़ू सा, आसाबै तेई रै कोम ध्याड़ी-ध्याड़ी न केरनै ज़रूरी सी, सौ रात ऐणु आई सा, ज़ुणीन कोई कोम नी केरी सकदा। 5ज़ैबै तैंईंयैं हांऊँ दुनिया न सा, तैबै तैंईंयैं दुनिया रा प्यशा सा।”
6ऐ बोलिया यीशुऐ धौरती पैंधै थुकू, होर सौ माटा थूका लाईया शौगु होर सौ माटा तेई कांणै री औछ़ी पैंधै मौल़ू। 7तेइबै बोलू, “ज़ा, शीलोह रै कुण्डा न आपणा मुँह धो।” (शिलोह रा मतलब सा भेज़ूऊदा सा)। तेइयै जाईया धोऊ होर हेरदा हुआ वापस आऊ। 8तैबै तेइरै पड़ेशी होर ज़ुणी लोकै पैहलै भीख मौंगदा हेरू ती, तै लोका एकी दुज़ै बै बोलदै लागै, “कि ऐ ता सौ नी ऑथि, ज़ो बैशिया भीख मौंगा केरा ती?” 9किछ़ लोकै बोलू, “सौऐ सा,” दुज़ै बोलू, “नैंई, पर तेइरै बराबर सा” तैईऐ ऐ बोलू, “हांऊँ सौऐ सा।” 10तैबै ते तेईन पुछ़दै लागै, “तू कैण्ढै हेरदा लागा?” 11तेइयै ज़वाब धिना, “यीशु नाँ रै एक मांहणुऐ माटा शोगिया लेऊ होर मेरी औछ़ी पैंधै मौल़िया मुँभै बोलू, शीलोहा रै कुण्डा न जाईया आपणा मुँह धो। तैबै हांऊँ कुण्डा बै नौठा होर आपणी औछ़ी धोई होर फिरी हेरदा लागा।” 12तिन्हैं तेईन पुछ़ु, “सौ मांहणु कौखै सा?” तेइयै बोलू “हांऊँ नैंई ज़ाणदा।”
फरीसी द्वारा चंगाई री जाँच-पड़ताल
13-14ज़ुणी ध्याड़ै यीशुऐ माटे शोगिया तेई मांहणु री औछ़ी ठीक केरी, सौ बशाँ रा ध्याड़ा ती। तैबै लोका तेइबै ज़ो पैहलै कांणा ती फरीसी लोका हागै बै नेऊ। 15तैबै फरीसी लोका भी तेईन पुछ़दै लागै कि तेइरी औछ़ कैण्ढी ठीक हुई। तेइयै तिन्हां बै बोलू, “तेइयै मेरी औछ़ी पैंधै माटा लाऊ, फिरी मैं औछ़ी धोई होर ऐबै हांऊँ हेरदा लागा सा।” 16ऐसा गैला पैंधै किछ़ फरीसी लोका बोलदै लागै, “ऐ मांहणु परमेश्वरा री धिरै न नैंई, किबैकि ऐ बशाँ रा ध्याड़ा नैंई मनदा।” दुज़ै बोलू, “पापी मांहणु ऐण्ढै च़मत्कार कैण्ढै रिहाई सका सा?” तैबै तिन्हां न दरार पौड़ी। 17तिन्हैं तेई कांणै बै भी बोलू, “तेइयै तेरी औछ़ी ठीक केरी सा। तू तेई रै बारै न कि बोला सा?” तेइयै बोलू, “सौ भविष्यवाणी केरनु आल़ा सा?” 18पर यहूदी नेता बै बशाह नी हुआ कि सौ कांणा ती, होर ऐबै हेरा सा, ज़ाँ तैंईंयैं तेइरै आमा बापु, ज़ुणिरी औछ़ी ठीक केरी ती, शाधा 19तिन्हां न पुछ़ु, “कि ऐ तुसरा बेटा सा, ज़ुणिबै तुसै बोला सी कि ऐ जन्मा न कांणा ती? फिरी ऐबै ऐ कैण्ढा हेरा सा?” 20तेई रै आमा बापूऐ बोलू, “आसै ता ज़ाणा सी कि ऐ आसरा बेटा सा, होर जन्मा न कांणा ती? ऐबै ऐ कैण्ढा हेरा सा?” 21पर आसै ऐ नैंई ज़ाणदै कि कुणिऐ ऐईरी औछ़ी खोली। सौ आपुऐ सियाणा सा, तेईन पुछ़ा, सौ आपणै बारै न आपुऐ दसला। 22ऐ गैला तेई रै आमा बापूऐ तैबै बोली, किबैकि ते यहूदी नेता न डौरा ती, किबैकि यहूदी नेता एकजुटा रै हुऐ ती, कि अगर कोई बोलला कि सौ मसीह सा ता आराधनालय न खोलिणा सा। 23ऐई बजहा न तेई रै आमा बापूऐ बोलू, “सौ सियाणा सा, तेईन पुछ़ा।” 24तैबै यहूदी नेतै सौ मांहणु दुज़ी घेरै शाधिया तेइबै बोलू, “सच़ बोलिया परमेश्वरै री महिमा केर, आसै ता ज़ाणा सी कि सौ मांहणु पापी सा।” 25तेइयै बोलू, “हांऊँ नी ज़ाणदा कि सौ पापी सा कि नैंई; हांऊँ ता एक गैल ज़ाणा सा, कि हांऊँ कांणा ती होर ऐबै हेरा सा।” 26तिन्हैं तेइबै बोलू, “तेइयै तौ सैंघै कि केरू? होर कैण्ढी धिरै तेरी औछ़ी ठीक केरी?” 27तेइयै तिन्हां बै बोलू, “मैं ता तुसाबै दसु ती, होर तुसै नैंई शूणु, ऐबै दुज़ी घेरै किबै शूणना चाहा सी? कि तुसै भी तेई रै च़ेले बणना चाहा सी?” 28तैबै ते तेइबै बुरा भला बोलदै लागै, “तू तेइरा च़ेला सा, आसै ता मूसा रै च़ेले सी। 29आसै ज़ाणा सी कि परमेश्वरै मूसा सैंघै गैला केरी पर ऐईबै नैंई ज़ाणदै कि ऐ कौखला सा।” 30तेइयै तिन्हां बै ज़वाब धिना, “ऐ ता नौखी गैला सा कि तुसै नैंई ज़ाणदै कि सौ कौखला सा, तैबै भी तेइयै मेरी औछ़ी खोली धिनी। 31आसै ज़ाणा सी कि परमेश्वर पापी री नैंई शुणदा पर अगर कोई परमेशवरा रा भक्त सा होर तेइरी इच्छा पैंधै च़ला सा, ता सौ तेइरी शुणा सा। 32दुनिया रै शुरूआती न ऐ कैधी शुणणै न नैंई आऊ, कि कोइयै भी जन्मा न ऐ कांणै री औछ़ी खोली सा।” 33“सिर्फ़ परमेश्वरा ऐ एक मांहणु ऐण्ढा केरी सका सा।” 34तिन्हैं तेइबै बोलू, “तू ता पूरा पापा न जन्मुदा सा, तू आसाबै किबै सिखा सा? होर तिन्हैं सौ बाहरै खोलू।”
आत्मिक अंधापन
35यीशुऐ शुणु कि, तिन्हैं सौ आराधनालय न बाहरै खोलू सा, होर ज़ैबै तेई सैंघै यीशु मिलै ता बोलू, “कि तू परमेश्वरा रै बेटै पैंधै बशाह केरा सा?” 36तेइयै ज़वाब धिना, “ओ गुरू, मुँभै दैस कि परमेश्वरा रा बेटा कुण सा कि हांऊँ तेई पैंधै बशाह केरनु?”
37यीशुऐ तेइबै बोलू, “हांऊँ परमेश्वरा रा बेटा सा, तुसै पैहलै न ओरु हांऊँ हेरू सा, होर ज़ुण तौ सैंघै ढूणिदा लागा सौ हांऊँ सा।”
38तेइयै बोलू, “ओ गुरू जी, हांऊँ तौ पैंधै बशाह केरा सा।” होर तेइयै प्रणाम केरू।
39तैबै यीशुऐ बोलू, “हांऊँ ऐसा दुनिया रा न्याय केरनै री तैंईंयैं आऊ सा, ताकि ज़ो नैंई हेरदै ते हेरले, होर ज़ो हेरा सी ते कांणै होलै।” 40ज़ो फरीसी लोका तेई सैंघै ती, तिन्हैं ऐ गैला शुणिया तेइबै बोलू, “कि तुसै बोला सी आसै भी कांणै सी?”
41यीशुऐ तिन्हां बै बोलू, “अगर तुसै कांणै होंदै ता पापी नैंई होंदै, पर ऐबै बोला सी कि आसै हेरा सी तैबै तुसाबै माफी नैंई देइिण।”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
This work is licensed under Creative Commons Attribution-ShareAlike 4.0 License.