Mateu 10
10
Uparawaka kuaita duziwaita
1Asui usenui ipiri kuaita umbuewaita duziwaita, asui uxari ainta supe ukuawasawa aintaumburi arama demuniu aintaumburi yuiri panye mãsi.
2Yawe aintarera kuaita duziwaita umunduwaita, primeru kua Simão sera yuiri Pedru, asui imu Andre, asui Zebedeu raira Tiagu imute yuiri Juão.
3Asui Filipe, asui Bartulumeu yuiri, asui Tume, asui Mateu kua publikanuwaa yuiri, asui Alfeu raira Tiagu, asui Tadeu.
4Asui Simão Zelute yuiri, kua yuiri kua Juda Iskariute uentregariwaa Jesus suanyanaita supe.
Umbue kuaita umunduwaita
5Jesus umundu kuaita duziwaita umbeu ainta supe:
—Tepewike aintaretama kiti kuaita tiwaita judeu tiyuiri pewike aintaretama upe kuaita Samaria upewaita.
6Maa pesu pesikari kuaita uvelya uyusupariwaita Israel upe.
7Asui pesuwaa upe peiku pembue kuaita miraita pembeu ainta supe, kuayentuana sangawa peruixawa arama kua iwaka ruixawa.
8Pemukaturu mãsiweraita, pembaka umanuwaita, pemukaturu yuiri kuaita lepruzuita, pemburi demuniwita. Perikuanate sikuyaraimawaa ape kuri pemee amuita supe sikuyaraimawaa yuiri.
9Teperasu peirumu uru timaa yuiri prata tiyuiri kubri pebulsu upe.
10Teperasu pesaku peviaji rupiara, timaa yuiri mukuĩ pepupekawa, tiyuiri sapatu tiyuiri pebatuna, kua upurakiwaa uwasemu kuri umbau arama upurakiwaa upe.
11Maa kiti pewike tetama turusuwaa upe kuairawaa upe yuiri pepurandu pesendu awataa purangawaa ape asui peiku suka upe ate mairame kuri peyuiri sendawa sui.
12Pewike irumu suka upe pemukuema kuaita uka puraita.
13Puranga rame kuaita suka puraita pexari timaarese ainta peirumu, tirame puranga ainta pemuyuiri petimaaresesawa aintasui.
14Tirame awa usuanti penye tiyuiri uruyari penyenga pesemu irumu suka sui sendawa sui yuiri pepiri iwi peipi sui pesemu irumu aintasui.
15Supiwa hambeu penye arama aintarese kuaita tiwaita uruyari penyenga:
—Aintaupurara kuri turusu piri aintasui kuaita Sudumawaraita Gumurawaraita yuiri nyã ara Deus uxari kuri aintaupurara aintapekadu resewara.
Umbue ainta aintausu rundere
16Ikete hamundu pesu arama kuaye uvelya usuwaa yawe aintapiterupi kuaita suu inyãruwaita, ape kuri pemaa pesui peruanyana ukuawawaa yawe kuaye buya umaawaa yawe isui, maa peiku aintapiterupi kuaye pumba yawe.
17Pemaa pesui kuaita apigawaita nyãse aintauxari kuri penye aintaruixawaita supe aintaunupa kuri penye sinaguga upe.
18Aintaurasu kuri penye aintapiri kuaita guvernuita, aintapiri yuiri kuaita aintaruixawaita kirimbawawaita pembeu arama kuri ainta supe testemunyu ainta supe yuiri kuaita tiwaita judeu.
19Aintaumprezu rame kuri penye tepeyuka pepia mayetaa pembeuwaa ainta supe nyãse Deus uxari kuri penye arama pembeu arama ainta supe.
20Nyãse timaa penye kua pepurungitawaa maa pepaya espiritu kuri upurungita pesui.
21Yepeyepe uxari kuri aintauyuká imu, asui aintapayaita aintauxari kuri aintauyuká taira, asui aintarairaita aintaupuamu kuri aintapaya ruaxara aintauyuká arama ainta.
22Asui kuaita miraita panye puxi kuri aintaumaa penye serera resewara maa kua santawaa uiku ate anyu arama uyumukaturu kuri.
23Aintaumuruanyana rame kuri penye amu tendawa kiti peyawawaa aintasui amu kiti, nyãse supiwa hambeu penye arama timaa kuri pembawa pembue panye kuaita tetama Israel upewaita senundere uri kua unaseriwaa umaa kua ara.
Yarikute yaiku arama santa
24Kua uyumbuewaa timaa iara kiti umbuesara sui ae, kua upurakiwaa timaa iara kiti piri suixawa sui ae.
25Usikana ixupe kua uyumbuewaa uiku arama iyawe kua umbuesara ae, usikana ixupe kua upurakiwaa uiku arama suixawa iyawe. Aintaumbeu rame Yurupari kua uka iyara aintaumbeu yuiri puxuwera piri aintarese kuaita suka puraita.
26Ape tepesikie aintasui, nyãse kua aintauyumimiwaa yaneresa sui yamaa kuri ae asui kuaita umunyawaita puxuwera uyumimisawa upe yakuawa kuri aintarese.
27Kua hambeuwaa penye arama pitunawasu upe pembeu kuri ae ara upe, kua hambeuwaa penye arama merupiara peapisa upe pembeu kuri ae iwate sui aintausendu arama panye.
28Tepesikie aintasui kuaita uyukáwaita yanepira kuaita tiwaita upuderi uyuká yaneanga maa pesikie isui kua upuderiwaa uxari yakayemu infernu kiti panye yanepira yaneanga yuiri.
29Sipiwasuimawaa kuaita wirá mirita yavenderi mukuĩ yepe kruzeru rikuyara maa uwari rame yepe aintasuiwara iwi upe yanepaya Deus ukuawa sese.
30Ukuawa muiri siyasawa yaneawa yaneakanga rese.
31Ape kuri tepesikie, nyãse sipiwasu piri penye aintasui wirá mirita siyawaita.
32Ape awa uxari apigawaita ukuawa suixawa ixe hambeu kuri sesewara sepaya supe iwaka upewaa.
33Maa awa uyumimi seresewara apigawaita sui hayumimi kuri yuiri sesewara sepaya sui iwaka upewaa.
Yapurara Kristu resewara
34Tepemanduari hayuiri haxari tiarama maa rese kuaita mundu puraita, timaa hayuiri haxari arama timaarese ainta, maa hayuiri haxari arama ainta supe seespada.
35Hayuiri hamutirika apigawaita aintapayaita sui, hamutirika kunyaita aintamayaita sui, hamutirika inura yuiri isugra sui.
36Asuiwana kuri apigawaita ruanyanaita kuaita suka puraita.
37Kua ugustariwaa ipaya imaya yuiri sesui timaa supiwa seyawewaa ae, kua ugustariwaa taira tayera yuiri sesui timaa supiwa, seyawewaa ae.
38Kua tiwa upisika ikurusa uri arama serakakuera timaa supiwa, seyawewaa ae.
39Kua usikariwaa sikuesawa ukanyemu kuri isui sikuesawa, kua uxariwaa ukanyemu isui sikuesawa seresewara uwasemu kuri sikuesawa supiwa.
Yamunyawaa rikuyara
40Kua usuantiwaa penye usuanti yuiri ixe, kua usuantiwaa ixe usuanti yuiri kua umunduwaa ixe.
41Kua usuantiwaa yepe umbuewaa umbue resewara senyenga Deus kuri upagari ae kuaye upagariwaa yawe kua umbuesara. Kua usuantiwaa yepe purangawaa Deus kuri upagari ae kuaye upagariwaa yawe kua purangawaa.
42Supiwa hambeu penye arama tikuri ukanyemu isui sikuyara kua umeewaa taina uu arama ii uruyari resewara senyenga.
S'ha seleccionat:
Mateu 10: BBp
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
Mateu 10
10
Uparawaka kuaita duziwaita
1Asui usenui ipiri kuaita umbuewaita duziwaita, asui uxari ainta supe ukuawasawa aintaumburi arama demuniu aintaumburi yuiri panye mãsi.
2Yawe aintarera kuaita duziwaita umunduwaita, primeru kua Simão sera yuiri Pedru, asui imu Andre, asui Zebedeu raira Tiagu imute yuiri Juão.
3Asui Filipe, asui Bartulumeu yuiri, asui Tume, asui Mateu kua publikanuwaa yuiri, asui Alfeu raira Tiagu, asui Tadeu.
4Asui Simão Zelute yuiri, kua yuiri kua Juda Iskariute uentregariwaa Jesus suanyanaita supe.
Umbue kuaita umunduwaita
5Jesus umundu kuaita duziwaita umbeu ainta supe:
—Tepewike aintaretama kiti kuaita tiwaita judeu tiyuiri pewike aintaretama upe kuaita Samaria upewaita.
6Maa pesu pesikari kuaita uvelya uyusupariwaita Israel upe.
7Asui pesuwaa upe peiku pembue kuaita miraita pembeu ainta supe, kuayentuana sangawa peruixawa arama kua iwaka ruixawa.
8Pemukaturu mãsiweraita, pembaka umanuwaita, pemukaturu yuiri kuaita lepruzuita, pemburi demuniwita. Perikuanate sikuyaraimawaa ape kuri pemee amuita supe sikuyaraimawaa yuiri.
9Teperasu peirumu uru timaa yuiri prata tiyuiri kubri pebulsu upe.
10Teperasu pesaku peviaji rupiara, timaa yuiri mukuĩ pepupekawa, tiyuiri sapatu tiyuiri pebatuna, kua upurakiwaa uwasemu kuri umbau arama upurakiwaa upe.
11Maa kiti pewike tetama turusuwaa upe kuairawaa upe yuiri pepurandu pesendu awataa purangawaa ape asui peiku suka upe ate mairame kuri peyuiri sendawa sui.
12Pewike irumu suka upe pemukuema kuaita uka puraita.
13Puranga rame kuaita suka puraita pexari timaarese ainta peirumu, tirame puranga ainta pemuyuiri petimaaresesawa aintasui.
14Tirame awa usuanti penye tiyuiri uruyari penyenga pesemu irumu suka sui sendawa sui yuiri pepiri iwi peipi sui pesemu irumu aintasui.
15Supiwa hambeu penye arama aintarese kuaita tiwaita uruyari penyenga:
—Aintaupurara kuri turusu piri aintasui kuaita Sudumawaraita Gumurawaraita yuiri nyã ara Deus uxari kuri aintaupurara aintapekadu resewara.
Umbue ainta aintausu rundere
16Ikete hamundu pesu arama kuaye uvelya usuwaa yawe aintapiterupi kuaita suu inyãruwaita, ape kuri pemaa pesui peruanyana ukuawawaa yawe kuaye buya umaawaa yawe isui, maa peiku aintapiterupi kuaye pumba yawe.
17Pemaa pesui kuaita apigawaita nyãse aintauxari kuri penye aintaruixawaita supe aintaunupa kuri penye sinaguga upe.
18Aintaurasu kuri penye aintapiri kuaita guvernuita, aintapiri yuiri kuaita aintaruixawaita kirimbawawaita pembeu arama kuri ainta supe testemunyu ainta supe yuiri kuaita tiwaita judeu.
19Aintaumprezu rame kuri penye tepeyuka pepia mayetaa pembeuwaa ainta supe nyãse Deus uxari kuri penye arama pembeu arama ainta supe.
20Nyãse timaa penye kua pepurungitawaa maa pepaya espiritu kuri upurungita pesui.
21Yepeyepe uxari kuri aintauyuká imu, asui aintapayaita aintauxari kuri aintauyuká taira, asui aintarairaita aintaupuamu kuri aintapaya ruaxara aintauyuká arama ainta.
22Asui kuaita miraita panye puxi kuri aintaumaa penye serera resewara maa kua santawaa uiku ate anyu arama uyumukaturu kuri.
23Aintaumuruanyana rame kuri penye amu tendawa kiti peyawawaa aintasui amu kiti, nyãse supiwa hambeu penye arama timaa kuri pembawa pembue panye kuaita tetama Israel upewaita senundere uri kua unaseriwaa umaa kua ara.
Yarikute yaiku arama santa
24Kua uyumbuewaa timaa iara kiti umbuesara sui ae, kua upurakiwaa timaa iara kiti piri suixawa sui ae.
25Usikana ixupe kua uyumbuewaa uiku arama iyawe kua umbuesara ae, usikana ixupe kua upurakiwaa uiku arama suixawa iyawe. Aintaumbeu rame Yurupari kua uka iyara aintaumbeu yuiri puxuwera piri aintarese kuaita suka puraita.
26Ape tepesikie aintasui, nyãse kua aintauyumimiwaa yaneresa sui yamaa kuri ae asui kuaita umunyawaita puxuwera uyumimisawa upe yakuawa kuri aintarese.
27Kua hambeuwaa penye arama pitunawasu upe pembeu kuri ae ara upe, kua hambeuwaa penye arama merupiara peapisa upe pembeu kuri ae iwate sui aintausendu arama panye.
28Tepesikie aintasui kuaita uyukáwaita yanepira kuaita tiwaita upuderi uyuká yaneanga maa pesikie isui kua upuderiwaa uxari yakayemu infernu kiti panye yanepira yaneanga yuiri.
29Sipiwasuimawaa kuaita wirá mirita yavenderi mukuĩ yepe kruzeru rikuyara maa uwari rame yepe aintasuiwara iwi upe yanepaya Deus ukuawa sese.
30Ukuawa muiri siyasawa yaneawa yaneakanga rese.
31Ape kuri tepesikie, nyãse sipiwasu piri penye aintasui wirá mirita siyawaita.
32Ape awa uxari apigawaita ukuawa suixawa ixe hambeu kuri sesewara sepaya supe iwaka upewaa.
33Maa awa uyumimi seresewara apigawaita sui hayumimi kuri yuiri sesewara sepaya sui iwaka upewaa.
Yapurara Kristu resewara
34Tepemanduari hayuiri haxari tiarama maa rese kuaita mundu puraita, timaa hayuiri haxari arama timaarese ainta, maa hayuiri haxari arama ainta supe seespada.
35Hayuiri hamutirika apigawaita aintapayaita sui, hamutirika kunyaita aintamayaita sui, hamutirika inura yuiri isugra sui.
36Asuiwana kuri apigawaita ruanyanaita kuaita suka puraita.
37Kua ugustariwaa ipaya imaya yuiri sesui timaa supiwa seyawewaa ae, kua ugustariwaa taira tayera yuiri sesui timaa supiwa, seyawewaa ae.
38Kua tiwa upisika ikurusa uri arama serakakuera timaa supiwa, seyawewaa ae.
39Kua usikariwaa sikuesawa ukanyemu kuri isui sikuesawa, kua uxariwaa ukanyemu isui sikuesawa seresewara uwasemu kuri sikuesawa supiwa.
Yamunyawaa rikuyara
40Kua usuantiwaa penye usuanti yuiri ixe, kua usuantiwaa ixe usuanti yuiri kua umunduwaa ixe.
41Kua usuantiwaa yepe umbuewaa umbue resewara senyenga Deus kuri upagari ae kuaye upagariwaa yawe kua umbuesara. Kua usuantiwaa yepe purangawaa Deus kuri upagari ae kuaye upagariwaa yawe kua purangawaa.
42Supiwa hambeu penye arama tikuri ukanyemu isui sikuyara kua umeewaa taina uu arama ii uruyari resewara senyenga.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO